*Simple Dimples * ch~4 by~Natasha Hrahsel

[Natasha Hrahsel]

*Simple Dimples * ch~4








Ka phûrlo hle mai; zirlai naupang ni tha leh tur te pawh ka ang zawk.Ka huphurh vâng nge ka thangharh hma em em a, ka nu ka thawhkhalh ve zân.Nidanga kaihthawh ngai ziah chutia rawng te kalo bawl ka nu rawn tho in min hmuh chuan min melh hrek hrek mai lawm le.





"Chaw kha i chhûm âm deuh em? Tiffin pai ngai ve ve tur in nih kha "thingpui no chawk ri rawk rawk chuan a rawn ti a, kan chhum dân ngai rengin a sin ka chhum le! Tiffin lam kalo ngaihtuah lo reng reng.
"Ka chhûm tam miahlo, mahse kan pahnih pai pawh nise a beitham dawn emai kan pai khawp chu abâng tho ang"ka ti a , min chhang zui tawh bik em lo.







Kan chhungkua chu dar sarih ah chuan kan phe suau suau tawh.Hmingmuana anuar kual leh chhung hisap telin chaw kan ei hma a,ka ei kham rualin insiam turin room lamah ka lût nghal zat.Han inthuam mai dan tur pawh chu ka hrelo khawp a; kekawr han hâk chi aniin ka hre bawk silo.
Ka tihngaihna hrelo chuan "nu engtia inchei chi nge?" Ka ti vak ringawt.
"Kawrfual emaw pawnfen fêng rawh, Upa Chhuana'n 'kan khaw kohhran school hmeichhe zirtirtu te chuan kekawr an ha ngailo' a tih kha " ka pa chuan a rawn ti lauh a, ka warddrobe chu ka thlêk nasa ngang mai.Pawnfen tih vel chu ka fên tamloh vangin ka nei tlem viau bawk.Kawrfual pawldal akawnga suihna awm dai nuam zet chu ka inbel ta ringawt a, ka sam sei zet chu ka thlah hniang bawk.







"Hmingmuan kal ang le" inpui lama ka chhuah rualin ka ti nghal lawng lawng a, ka nu hma ah alo la men pur! "Hmingmuan nilengin kalo awm ve dawn lawm, tap pût suh nang aiin kala awm rei dawn zui" ka ti hlak.A tahbelh leh lutuk a, ate ber anih vang mai hian kawng tam tak ah kan enliam a, mahse ani ang rual midang chu an fel tawh hlawm lutuk tlat.
"Aw Hmai anikhatna te chu zu thlah mai la, nidangah te chuan a û rualin akal ve thei tawh mai ang chu.Ala tlângnel lo nen a huphurh ve anih kha" ka pa ,pâ zawng zawng a zaidam bet chuan a rawn ti leh dap tawh.Hmingmuana hi chu atan ve ania aw!






"Anih minlo nghak lawk ru, puan mawl tal ka va bih ange" ka nu'n tiin an room ah a lut zui a, rei lo ah a rawn chhuak leh nghal mai bawk.Tûnlai nu ho angin thawmhnaw leh incheina hrim hrim lam hi ka nu hian a uar ve hranlo a, chawlhni kawr te hi a ngah lo viau.Helam kawngah chuan entlâk tak hi ani ringawt.






School lam pan chuan kan inzui thla ta a, kalkawng ah chuan naupang te deuh deuh; alian deuh tawh thlengin kan in kalpel suau suau mai.He khua ah hian English Medium school pahnih leh Government pahnih a awm a,thingtlang ro ro ah zirna in an nei tha viau tih an sawi thin.Khawpui a awm zawk te pawh hian an fate an rawn dah chho chawk an ti nghe nghe .






"A chung khi Office anih hmel,i nau chu kalo buaipui mai ang han chho tlang nghal mai rawh" school kan thlen chuan ka nu'n a ti a, hawichho in office chu ka en dauh dauh a,nitin a han kal kual nan chuan ava chhuk chho tal! Ka ngaihtuahna chu athatchhiat thlâk mang e.






"Nunu lo kal rawh" office chhung ka luh hma hma in chhung lam atang chuan anlo ti lauh a;ka lut zui zat.

"Sir LR hei kan S.S teacher thar tur aw" tiin nula pakhat hian hmelhriat tirna anei nghal zung zung a, "keihi Miss Ruthi ka nia, Mam Lawmi leh Sir Lawma te anlo la thlenglo anih hi" tiin pasal leh nupui fanau nei tawh te chu min hrilh nghal vek bawk.






Pawl sawm thleng a awm a,nupui pasal nei tawh ho tân class teacher nih a buaithlak deuh vangin class 10 class teacher ah minla dah nghal zui! Ko chu rit dawn hem hem tak ani.
Assembly line an nei a,Principal Sir Ro a chuan zirlai te hnenah min inhmelhriat tir a; an tawng sep sep rual chuan "Quiet" a ti pawr chhak a an ngawi nghal diak.







S.S text book kengin class ten room lam chu ka pan a,ka zâm a ka phûr ru riau bawk.Tleirawl mahni tawka fing inti rual zirtir chu eng ang tak ni ang maw?






"Good Morning miss" ka luh rualin anlo ti dual a,kan lai ngawt pek anih kha! Ava zahthlak tak.





"Aw thu ru" ka ti hap a, naupangte chu an in melh hrek hrek hlawm mai.Nizan ah te kha lo in practice lawk ilang ka khawr tut lo ang mawle.





Hminglamna register bu ka keu chiah tihin ka ph a rawn ri ta tlang tlang a, ka va che chhe lehzel em. "Minlo hrethiam lawk ru" ti sep in class atang ka chhuak a "hello" tiin ka bengah ka chuktuah nghal .
"Vawin chu minlo en dawn em?" Ka ph chu ka melh vak, U Raymonda maw? A nb ka save tawh emaw ka tia! "Hei school ah ka awm ka hman ka ringlo" ka tih rual chuan "dar thum ah in bâng ang,ka rawn hruai ang che" a tia a dah leh nghal daih.Ka phone chu melh ngur ngur in ka thaw hak a,kan bân hman pawh ka ringlo e a.







"Ka firstday te ania vawiin chu lehkha zirlo in inhmelhriat tirna kan nei mai mai dawn nia" ka tih rualin naupang ho anlo 'yes' dual a, lehkhazir chu an peihlo ve ngang aniang.Kei pawh ka ni chiah thin,a tul a ka zir ani mai a;duhthlan theih nise zirloh ania ka thlan dawn ni.






First period a zo a, zirtirtu kallo pathum ngawt an awm vangin ka subj lak tur pawh ni lemlo english class five ah la turin ka lut zui a, an class room ka thleng tep tih in naupang te thawm ka hre ta mai! Hmanhmawh zetin ka tlân lut nghal thuai.Anlo inbawrkhawm tup a,insual an awm anih hmel.
"Miss alo kal ania" hmeichhe naupangin a tih rual chuan an tawp chat a,an thutna ah an let nghal sap sap hlawm.






"Insual pahnih te kha lo kal teh u lem" kan ti a, kûn ngul hian ka dawhkan hma ah an rawn ding.





"Enge in in tihbuai chhan le, nang sawi hmasa la" alu kawlh zawk chu enin kan ti a, min melh hrek hrek chungin athianpa chu amelh leh a "Miss Mapuia hian ka lehkhabu ah hmelchhe deuh lem alo ziak a, 'nangmah inih kha' a tia"
"Nang le" pakhat zawk en a ka tih rualin "Miss ka fiamthu mai mai a, a thinrim tak tak a" a ti leh a,"minlo en ru le" ka tih chuan an rawn dak chhuak.







"Mihring te hi kan rilru put hmang a inang lo amaw, kan duh zawng a in ang lo bawk hian kan huat zawng hi a inang lo a.Thenkhat in a kan nuihpui mai mai theih hi thenkhat rilru ti na thei alo ni thin a, chuvang chuan mi fiam dan chintawk hriat tur aw"pakhat zawk en a ka tih chuan "Yes Miss" ati sap a.Pakhat zawk en leh in "Nangpawh rilru tlema tih len ve deuh tur, mahni chauh inngaihtuah lo in i thiante rilru tur ngaihtuah ve la, a ni chuan kha fiam mai mai che a tum anih kha tiraw? Fiam dawl te hian thian ngahna te,rual pawlna te ania.I lem chhe deuha alo ziak anih pawn atakah i tha tho a,apawi chuang em ni?" Ka tih chuan anlo ê dual a, "shh" ka ti nghal thuai.






"Inthutna ah va let tawh ru lem"





"Miss Discipline incharge te i hrilh dawn lo mi?"Pakhat zawk chuan a ti khauh a, "dawn lo e,fel deuhin awm ula kumtluana in classmate tur in nia inkawmngaih tur.Vawin thil thleng vanga in inhuat tlat chuan atu a zawk zawk pawn hrehawm inti dawn,chuvang chuan ngaihdam in dil tawn ula.Vawin a thilthleng chu theihnghilh tur aw, Teacher dang te pawh ka hrilh lo ang" ka ti a,an lawm hmel viau mai.

Naupang mai anla ni a,keini'n kanlo lâk thutak pui viau chuan naupang te zawk bawk hi atuartu an ni dawn.An rilru natna te hi ala ho tham ve a,tan bik nei zawnga kan tawng anih ngat phei chuan an rilru ah 'teacher te duhsak loh,thalo bîk' ni a inngaihna kan tuh sak mai mai dawn a, a tul fe ah lo chuan inrawlh lo in an mahnin chingfel se athat ka ring zawk.Teacher te inrawlh angaihna chin erawh a awm dawn lutuk tho, chutiang hun alo thlen hunah erawh midang ka hriat tir ve chauh ang. Ka thu lâk dan chu ka pa ka ang sawt riau a ka hriat ni!






"Bye bye Miss "





"Bye" naupang min rawn kal pel ti ho chu ka mangtha let ve mawlh mawlh hlawm.An felin an cute sap sap hlawm lutuk ringawt.A te zual ho phei chuan kala naupan vâng nge ka bulah an tlângnel nghal em em ringawt a! Alawmawm letling phian mai.Zirtirtu an harsatna pawh an thlenngam lohna nih ai chuan, thian anga an kawm theih leh û anga an en theih nih ka duh zawk.
Zirlai naupang kalo ni ve tawh thin tho a, zirtirtu kan zirlai zawh ngam loh khawpa strict kan nei thin.A subject kan hun apiang khan kan huphurh nghal em em zel a, school alo kal loh châng te hian kan lawm thei lutuk ringawt.Chutiang chu nih ve ka tum hauhlo.






"U Raymond!" Gate pawnah abike chungah chuangin alo awm reng!





"In inkhel zo tawh mi?" A Jersey hâk enin ka ti sep a, bâl akai nuaih tawh danah an inkhelh zawh tawh ka ring.
"La zo lo, lo kal rawh" atih chuan ka kal nghal mai lo."kalo kal lo zawk mai ang,atlai tawh emai" ka ti sap a, a ngaihdan anihloh hmel kher mai.






"A rei tawh dawnlo, rawn chuang mai mai teh " a tih leh chuan han awm mai dan tur pawh ka hrelo.School naupang abikin hmeichhe ho chuan an en duh viau a,a chhelo ve bawk em ani.
"U Raymond ka ti tak tak, ka haw tlang nghal zawk mai ang" ka ti leh ngat.






"Ok, kalo kal ta ro ro ka thlah ang che" ka hnial duh ta biklo" a bike hnungah chuan ka lawn a, ka thawmhnaw hâkin azirlo bawksi ka khup chung hret thleng a lang chho hiang mai.
"Hmeichhe thutin i thu thiamlo mi?" Rawn thlek zeuhin a ti a, "thiamlo" kalo ti tawi tak.Bike a chuan tak pawh hi ka ngam tha lo a,hmeichhe thut phei chu ka hlau lutuk ringawt.Kan tlân laklawh laiin ka tlathla daih ang tih te ka hlau.






"Hmeichhe thutin thu teh, ka kawngah min kuah la i tla lo ang.Khatia i thut chuan kan tlân thaw anga i mal alang vek dawn"






"Anih ka tlâk vaih" ti nang nang in ka chhuk leh te te a,alo kiai suk mai.Hmeichhe thut chuan kan thu a,ka kuah tîm deuh nen a Jersey chu ka vuan da da. "Tihian i tla lo ang" tih nghat pahin ka kut chu la in akawngah min kuah tir a,ava nuam ru reuh tak.







Bike tinungin atlânchhuak a, kan in lam pan lo a field lam bawk a pan tak ah chuan "i va phakar tak" ka ti deuh vak.Anui che dawt duh lek chauh.






Nimin lama kan thutna bulah a tlân thla a, an lo la inkhel mawlh mawlh."In inkhelh laiin ilo kal tihna mi?" A thiante field chhunga ka hmuh rual chuan ka ti vak.
"Yessi, ka pet goal lai hmuhnawm iti em a ka rawn hruai che nih kha.Ka va lût leh tawh nge tah hian lo awm la minlo au leh rawh.Minute sawmpanga vel bak hun a awm tawhlo" tia nui suk in field chhunga lut tur chuan pavillion lam apan leh nghal a, vawin a an tumpui te chu nimin lam aiin an that hmel daih lehnghal a, an chakloh mai te chu ka hlau leh tawh viau.






"Lalnunu" ti lauh lauhin Lalkimkimi ka awmna lam panin a rawn tlân thla hlawk hlawk a, thaw hlawp hlawp a rawn thlengin "nge ilo kal dawn tih min hrilh loh?" A ti zui hlak.
"Lo kal ka tumlo a, U Raymonda sawn min rawn lam a" ka ti sap a,min melh maksak leh tawh hle.







"Game laklawh laia a tlân chhuak daih kha mak kanlo ti rêng a,alo hruai vang che anih chiah chu" a tih chuan "tihtur dang te pawh anei aniang"ka ti tawi tak ringawt.







Zawhna dang min zawh leh hma chuan "tu zawk nge la chak" ka ti zat a, "U Raymonda te hian si khatin hma anla hruai, an tumpui te hi kan khaw thenawm team chhe zawk an nia.A team tha zawk te chuan final an lût tawh" a ti a, ateam chhe zawk a tih te pawh hi an that hmel thawkhat viau.An infit hmel hlawm ngang bawk. U Raymonda te team pawh chu an tha viau tho nachungin tlân lam an thei lo viau mai a,U Raymonda leh midang pakhat tih loh saw chu inkhelh thei pangai ve tawp ang chauh an ni hlawm.







Hun atawp a, penalty in U Raymonda te an chak thei hrâm.An intum tawk lutuk chu mipui te pawhin hmuhnawm an ti hlawm viau ang.
Pavillion hma ah kal khawmin tui te an han in nak nak hlawm a,U Raymonda ah chauh ka mit a fu thung.A tui chu in mai duhtawk lo in keng sângin ahmai leih huh nan ahmang zui a, kei chauh lo pawhin hmuhnawm an ti ve hlawm tho ang.
"I mit atla nge" ka phu zuk, Kimkimi'n min nuih nghal uarh uarh."Nge i phut zuk kher, Nunu U Raymonda ho star mahla ka lakah chuan inthlahrunna tur a awm miahlo ania.In inhmeh dawn lutuk" a ti zui chiam a, awmanh lo lutuk.







"Ka lo han kal hmasa ang" a tih chuan "haw rual ang" kalo ti thuai.






"Athlah leh duh ang che, bakah apî te inah kawi ka ngai.Nizanah kan inbia a, min zilh min zilh kha ka ning deuhin 'i lungngai anih kha broskie' ka tia, athinrim daih! Ânchhia ka lawh emaw a ti niang.Alung ka tih awiloh chuan keimah bawkin ka tuar dawn ka han thlem kawi ange" nui var var in a ti a, enghelh em em aneilo te hi a awhawm viau mai.Puanthui te kha azir an tiin ka hria a, sumdawnna dang a dap dap tho sia a tuichilh vaklo anih hmel.






"kan kal mai dawn mi?" Ka bul a rawn thlen rual chuan a ti sap a, kalo bu deuh nghauh ringawt. 'Vawin chu a awmdan a danglam hle mai' ka ti rilru neuh neuh a,ka sawithiam chiahlo nangin zidang a anglo.Kanla inhre reilo viau chungin nidang angin ahmel a nung sarh lo.

"Ka kawr hi a huh a,ka ti huh palh ang che jacket kan ha nge" tiin a bag atang windproof jacket ala chhuak a, aha zui nghal sat sat.






Abike hnunga ka lawn rual chuan "phur chhelo ve" tiin a thiante'n minrawn chhaih zui a, ka lai viau mai.
"Raymond khawilam nula nge?" rawn titu chu tu ber nge ka hrelo, "Ka lasi vawm thlak anih hi" uangthuang zet hian ka bula mi lah chuan alo chhang mai.





"Khawiah emaw kal kawi lawk ila pawi iti em?" Hnunglam rawn thlek zeuhin a ti a, "kan rei dawnloh chuan tilo e" ka lo ti sep.






Engmah sawizawm tawhlo in a tlân chhuak a, akawngah ka kuah leh chiat tawh.Hmeichhe thuta thut chu ka rin ang em em a hlauhawm alo nilo e,tla lo a ka thu reng thei te chu ka inchhuang ru phian.
In kan tlân pel tlem tial tial a,kawng peng lo awmah tlânlut in thlânlung ka hmuh tan pheuh pheuh rual chuan ka thla amuanglo tan.Ka mi hriatchian hleihloh ka zui ringawt te chu ngam ka inti a,engang mizia tak nge aput kala hrechiang bawk silo nen ka hawi ka hawi nghal.






A zawllai ah chuan bike a ti ding dawt a,chhukthla tharh in "tinge hetah kan kal?" Ti dak hian ka ti. "Ka khuaikhem dawn che" thutak hmel fe a a tuh chuan abanbul ah ka chûm tawk a, rilru chiai hma chi ka ni bawk si ka tûm lian tawh viau ang ka ring.
"Hlauthawng suh,ka thianpa ka tlawh lawk duh a" pangai tak chuan a ti ve leh mai. "I duh chuan hetah lo awm la" ati nangin ka ngam teuhlo.Thlanmual hrim hrim hi ka la zalh ve na tur mah nise ka râp ngawih ngawih.






A chhukthlak na lam ah chuan ka zui ve nghal zat a, a pen zau pawk pawk bawk nen a ûm in ka ûm ani ber.
Thlanlung pakhat hma ah hian atawp chawt a, thaw ri hluai in achhak chiah ah chuan a thu thla zui a, ka thuthla ve nghal zat bawk.






'Lalmuansanga kum 18' tih lo intar chu a en dauh dauh a, "tunge a?" Ka ti sep.

"Ka thianpa" a ti zawi ruih a, "vawin hi athihcham ania " a tih leh sup bawk.Heivang hi alo nih chiah dawn hi, vawin chu nidang a ang lo ka tih ni.





"Engtia thi nge? Min chhân duhloh pawn a pawilo" ka ti a,thihna hi chu a rapthlak em a a thih chhan min hrilh duhlo pawh nise ka hrethiam lutuk.






"Athihchhan maw?" A ti zawi sup a, "min hrikh kher.." "a O.D" a tih chuan ka tawnglai ka tawp chawt.Thlânlung chu lunglen hmel zet hian amelh a, akut pahnih a ahmai hui thuakin athaw chhuak hap a.Ipik ngawih ngawih hmel apu.

"O.D hi hremhmun ah an kal kher angem? tih ipa minlo zawhsak ta che." Zawi ruih a a tih chuan chhân mai ngaihna pawh ka hrelo, a chhânna ka hre bawk heklo.






"U Raymond" ka ti sep a, thawchhuak leh hliai in "i haw duh tawh em?" Zângkhai vah chuan a rawn ti chhuak hliai a, pangai taka awm a tum hrâm hrâm niberin ka hria.
"I tah achhuah chuan tap rawh,tumah ka hrilhlo ang" ka ti sap.





Nur nang hian min melh a, "apa lo emai tap lo zawk phawt ang" a ti daih!





Ngawireng chuan kan râl lehlam a tlâng hring dup mai chu kan thlir dun dauh dauh a, sava hrâm ri leh thereng hrâm ri te chuan hmanlai hun ah min chên tir ve vawng vawng thei hial mai.Kan thlanglam kawng sial chawp ah chuan ram lama fehchhuak ho êm phurin an rawn haw nak nak a,thenkhat in mau tiang hawl in thing an phur bawk a.Êm aia ipte pui lian tak tak phur te pawh an awm bawk.
Ka pa te aia upa mah tur, hnathawk tih hriat taka hnathawh kawr ha te pawh ka hmu a, an kum upat na in ram lam an ngainatna te chu a dâl loh hmel kher mai.






"Dimples"





"Enga?"la ti hâ





"Khulam khu en teh" atih chuan "engtin maw min koh?" Ka ti dap "Dimples" a ti leh sup a."Hming nilo lo hi min phuah suh" ka ti deuh hlak.

"I hming hi thing ka tih chi tak ania" ava han sual mai mai e aw! "I hming hi nalh ka tihchi ani bik miahlo, nilo deuh deuh in ka ko bîk lo che" ka ti zui hlak hlak. A hma in 'luite lalnu' min tia tunah 'Dimples' minti leh a! Awmang lo lutuk mai.






"Amawi em chu" nui suk suk chunga a tih chuan "hming pangai pawh anihloh chu" ka ti hlak.
"Hming pangai a inkoh hi chu aboring alawm"





"Chupawh nise Dimples tih kher! A thing berkher lutuk" ka tih chuan " i inhmeh ka ti thunga, ka kohdan tur che chu ka thu nirawh se" ka hnial peih tawhlo.
"Khulam khu hawi teh" a ti leh a, a sawina lam ka hawi chuan inngaizawng niawm tak hi inngheng rialin anlo thudun hi alo ni."Chance an nei ve anih khu" ka ti tawp ringawt ."tiang rual tân khu chuan nitla tur thlir dun te hi ala nuam pha ve dawn lutuk" bia pawh nilo in ka sawi ve mai mai ani ber.Ka inlak upat hmel ngang mai ka tawng dan chu.







"Ni tla tur thlir theuh theuh kan in that hleih mange "a tih chuan ner nangin ka melh.'enge' ti niawm takin amitko min san khum zeuh a, ka nuih tawp ringawt.