STILL WITH YOU (chapter 11)

[Maam J]

"Tiang em em a mipa hmeltha hi ti nge a nelawm loh em em  theih le?" tiin ka phun sêp a.

"Muttui le Jeon Jungkook" tiin room light chu ka off a.

Ka room tur a ka siam, show room lam chu pan in ka khum ah chuan ka let tawn sek a.Ka chung lam chu thlir in ka mit ka chhing vang vang a.
Ka Kookie ve kha engtin nge a awm ve ang le, keiin ka ngaihtuah ang hian min ngaihtuah ve angem?
"Ka ngai che Kookie ka ngai lutuk che" ka mit chu ka chhing vawng vawng a, engtik lai khan nge ka mit a tanga tui rawn luan ka hre lo.
Nunthar, hringnun thar, chhungkaw thar ka neih angai a, ka hma lam hun a thil thleng tur ka hre lo mahse hei hi chu ka theihngilh ngai lovang.

Ka Hmangaih che KOOKIE
.
.
Muthilh ka tum a mahse ka beidawng a ni ber mai, ka phone chu ka khalh mawlh mawlh a, no ka theihngilh theih miah lo chu ka hmel chhuak a, kut khur zawih zawih chung in green bottom chu ka hmet a, a in ring ral ral mai, kut khur zet chuan ka beng zawng ah ka dah a, mahse chhanna ka dawng lo, a vawi 2 nan ka tinawn leh a chutah pawh a ring ral a, a tawp nan ka ti leh, a hma mi ang bawk in a tawp leh ta.


"Min theihngilh dawn tak tak em ni KOOKIE. A tha e, ka phu a ni, min theihngilh rawh, hlim deuh in awm rawh aw ka hmangaih".




JUÑGKOOK pov

Meng phelh deuh phung chuan ka meng riai riai a,ka dàng a ro nghulh bawk, ka khum bula dawhkan a tui chu in khawlh khawlh pah chuan ka room chhung chu ka hawi kual a a ruak huai mai.

Thil hriat chhuah neiin ka closet chu ka hawng nghal vat a,,, Park So Ra thawmhnaw pakhat mah hmuh tur a awm lo, a ni hian room chu a siam tir tawh  in ain sawn chhuak tawh ani ngei ang.

Shower nei zo in ka in siam mawlh mawlh a, breakfast ei tur chuan ka chhuk thla a, in chu a reh hian a reh vek a, kitchen lam chu pan nghal in dawhkan chunga rawmawl var a thil inkhuh chu hawng in chhangthawp ro, jam in tat leh theitui in chhawp chu ka hmu a, ka thil hmuh vang chuan ka khi ve suk a, engvang a nui nge ka nih erawh ka hre lo thung, kha nu khan ka breakfast tur alo siam vang hi em ni? engpawh chu lo ni se a chhangthawp lah a ut nasa mai si, ka ei chiah chu a khak hian a khà vek thei nia.

Chhang chu  tlem  ei in juice chú ka tlak nghal pawp a, ka ei tur alo siam ve hrim hrim vang pawh  in a lawm awm e, riltam lutuk chuan ka awm bik lo tur ah ngai ang.

In ka chhuah san hma chuan room dang awm ve zawn ah  chuan ka ding deuh uk a, room kawngkhar chu tlem te chuan ka hawng a, a reh em em thung a, kik lem lo chuan a room chhung ah chuan ka lut tlang tawp a, a room lah chu a chei thiam in a fel fai phian leh nghal.A mah chu a awm lo ani ngei ang, eng thawm mah hriat tur a awm lo.

Office lam pan chuan ka in khalh chhuak a,enge a chhan ni vawiin chu ka mood a fuh riau leh nghal.

Ka office chhung ka luh  chuan ka coat chu coat rack ah dah tha in ka hna tan hma chuan ka phone chu ka en a..

Min rawn Missed call tu no ka hmuh rual  chuan ka meng phawk Chiang hle a, chu mi no ah chuan ka call nghal vat a.


"Jane mawh! " tia phun chhuak in min rawn biak hun chu ka en a, nizan ah mawh!!!?? A rawn thawn hun ka en chuan ka mu der tawh tih ka hria, ka zu in in min hneh em vang khan ka lo mu nghet hle ani ngei ang.

A mah be tur in hun ka khawhral lo chiang hle,a rawn call na no ah chuan ka dial zawm nghal a.
Phone chu a ring reng a, ka phone chu la thla in phone chu ka en leh rih a, phone ring te chu rei ka ti a,
"Ti nge maw ani pawh hian phone a lak theih loh" tiin thinrim deuh ṭun chung chuan ka ti a, ka phone dah tur chiah chuh tawngri ka hriat vang chuan ka beng zawn ah chuan ka dah tha leh a.

"He- hello" bahzet chuan lehlam ami chuan a ti a.

"Jane" a hming lam chung chuan ka mit chu ka chhing vawng vawng a, ka hrawk chu eng emaw hian a rawn hnawh khat nghal vek bawk in ka hria.

"K~Kookie"


"Jane?" ka sawi lai chuan ka mit chu ka chhing vang vang a. He aw hi ka ngai lutuk.
Lehlam ami chu a reh leh vang vang a.

"Jane!!??"
"Min hre thei em?" min chhan lawk loh vang chuan ka zawt nawn.

"I tha em" second rei fe ka nghah hnu chuan a rawn ti a.

'I tha em maw! he thil i thlen tir vek tawh hnu hian ka tha em tih min zawt amaw, ka tha lo, ka tha lo' ka rilru chuan ka ti mawlh mawlh.

"Um tha" ti ringawt chuan ka chhang bung tawp a.

"Um" a rawn ti tawp tap.
A in sut ri chu ka hria a,a tap ani tih ka hre bawk.

"K..Kookie ka ngai..." a tawp leh chat a, a insût ri ka hre zawm leh.


"Pasal chu i nei tak tak em?" Ka mit chhing meuh chuan ka zawt a, ka zawhna chhanna tur ka dawn tur chu ka huphurh em em a, dik tak chuan tunah pawh hian pasal chu a neilo ani tih min hrilh se ka la ti fan.

"Immm"
"Pawi ka ti Kook" zawi tak si a a rawn tih chuan
Ka heh chu ka pet fan fan a, ka thinlung chu fei in a chhun ang mai chuan ana nawn awn awn bawk. Mipa hi a pa loh theih hle tih hi tun a ka mitttui tla hian a ti chiang. Mahse ka in tih chak angai tih ka hria.

"Ka lawmpui a che, keipawh ka nupui nen kan hlim lutuk ...kan pahnih hian in be tawh lo ang Jane.... theihnghilh tur che a min tih ang khan ka theihnghilh tawh dawn che ..
Nangpawh i pasal nen chuan hlim deuh in in awm dawnia" a thu min hrilh vang a ka thinrimna rawn kal khan ka rilru a awm lo pui chu min sawi tîr ni mai in ka hria, ka sawi zawh rual chuan ka phone chu thinrim zet chung in ka cut a, chhuat ah chuan ka phone chu ana thei ang ber chuan ka paih nghal a,ka vawm nat em vang chuan a darh nghal vek bawk, ka necktie chu pawt loose in ka table a kut nghat pah chuan thawk chu ka la kawk kawk a. Ka thinrimna chu a rawn so but but hi a ni ber.

"Vice president,, enge thleng" ka thawm hria a ni ngei ang, ka secretary Kim Bo Yeong chu hlauhthawn hmel zet chuan a rawn tlan lut a.

"Chhuak rawh" vín fe chuan ka lo ti thung. Ka thinrim au ri chuan a tiphu zawk bawk.

"Awle" tia confi lo zet a chibai min buk pah chuan a chhuak a.

Ka mit chhing chung chuan ka chung lam chu ka hawi leh ràn ràn a.

Office kawngka kik ri ka hriat rual chuan ka hawi a, chhan pawh ka chhan hma in a rawn in hawng zawm nghal bawk.

"Tu nge" ring fe chuan ka tia.
Kawngka rawn hawngtu chu ka aw a hriat rual  chuan a phu chiang ngei mai.

"Kook" ti a min rawn pan lai chuan.
"Chhuak rawh" ka han ti leh hrawk a. Tun dinhmun ah tumah ka be peih lova, ka hmu peih hek lo.

"Mahse Kook, hmu tur che in ka lo kal...."

"Chhuak rawh Lisa!! tumah ka hmu peih lo che u"

Ka hmela thinrimna leh thinurna a hmuh vang chuan a chhan pawh min chhang zui ngam lo chuan kawngkhar awm na lam chu a pan a,a hnung ah chuan zui ve in a a chhuah rual chuan ana thei ang ber chuan kawngkhar chu ka khar zui nghal a.

Ka mood chu a fuh thei tawh meuh lo thil engkim kal dan leh awm dan chuan ka pawi hi an sawi em em ni vek hian ka hria.

Skip.....

In chhung ka luh rual chuan thil kàng rim ni mai in ka hria, choka lam atang chuan ka hre zui nghal a, mood dik bawk silo nen thil rimtui lo zet ka hriatna lamah chu ka pan a,,,,

Gas a bawnghnute chhuan lo liam baw reng ka hmuh rual chuan "i thil tih lai kha ngaisak ta che" ka ti deuh hrawk a. Park Sora chu gas bulah awm in a bawnghnute chhuan ngaihsak lo zet chuan a lo ding reng a, thil dang daih ngaihtuah a ang.

Ka aw ri a hriat rual chuan min rawn en vat in chuveleh a thil chhuan chu off in a chhem deuh pah chuan a off nghal a. Chuveleh a biang chu a kut chuan a hru zui nghal bawk.

A thil chhuan na bel kang chu thlengsilna a dah a tum chu a kut lawng a la in "a sah!!" ti in chhuat ah chuan bel chu a thlauh keh nghal vek a.

A bulah chuan kal hnai in a thil tih keh chhar pui tum chuan ka kun a, chuveleh a kut chu a la in àh tir zui.

"Dah rawh" ka tivin hlur a.

"A ngai lo,ka tha, ka ti thei alawm" aw dam deuh a ti chung in a in sut vaih vaih a. A thil tih lai chu a tih zawm mawlh mawlh a, a thil chhar mek chuan mi ati na thei ang tih pawh ngaihtuah loh hmel zet chuan in dim na nei miah lo chhuan a chhar zawm zel a.

"Dah rawh ka tih chu...i kut  a thi kha i hmu lo ami" ring fe chuan ka ti a. Ka mood alo fuh loh na nen. Engkim hi a kal dik lo vek tawh.

"Ka tha ka tih chu,,, engmah na ka neilo" a tih pah chuan a mittui chu a rawn luang tla ngiai ngiai a.
A thil tih lai chu a tih zawm mial mial bawk a, kei erawh in ka lo en tawp thung. A tap tih chu hai rual ani lo, mah se lan chhuah tir a duh lo ni mai in ka hria, a nih chuan a ṭah chhan hi ka vîn hrep vang kha em ni?

A mittui chu a khat tawk chuan a hru deuh reng a.
"Ti nge maw ka vanduai bik em em le,,,, ti nge engmah hi ka tih dik ve theih loh"
Ka awm ve tih pawh hrelo ang mai chuan a mah chuan a phun bul bul a.

"Han in thlak  tawh rawh,,, chaw ei tur chu ka lo siam ang" a thil chhar chu bawlhhlawh bawm lam a pan pui a. A kut nà tih hmel pawh a pu lo, pangai deuh a awm chu mak ka ti zawk.

"I kut anat kha siam duh lo mai rawh,, ,i kut kha va enkawl tha zawk rawh" ka ti ve mai a.

"ka tha" tih pah chuan a in sût leh faih a.
A in sut zawng a a hmui rawn pawrh ter chuan a ti naupang chhia ka lo ti daih thung. Jeon Jungkook ava hun lo rih tak i thil ngaihtuah chu.

"Ka han chho tawh nge" pangai deuh chua ka ti ve mai a, ka room lam chu ka pan a,
"lâwk, zan riah kha siam sak ka ngai lo, ka ei tawh" tiin ka ding zawk a, a hre thiam aniang min chhang lo mah se a lu a bu nghauh a, keipawh room lam ka pan nghal, room ka thlen chuan ka bag chu ka khumah vawm thla nghal in keipawh chu ka tlu zui nghal a.
Ka mit ka han chhing vang vang pah a thawk ka han lak chuan Vawiin thil thleng mawlh chu a rawn lang thar a, ka khum ah pawh mu reng thei tawh lo chuan bathroom lam ka pan nghal a, ka bathroom darthlalang a ka thla lo lang chu ka en a, thinrim au chung chuan ka hma a thla lo lang chu ka hnek a,  darthla lang chu keh chuai in keipawh ka hnek na vang chuan ka kut atangin thisen a chhuak a mahse nà erawh ka hre hauh lo thung.

Ka shower chu on nghal zat in ka lu atang a tui rawn luang thla chu ka kut chuan ka sam chu ka hui chho puak a, rilru puitling taka ka awm a ngai tih ka hria, tunah chuan ka theihnghilh tak tak a ngai tawh.

Shower ka neih zawh chuan In hnuai ah chuan ka chhuk a Park So Ra pawh alo la awm, a zanriah ei na alo tifel mek a.
Pan ta rih mai loh chuan a che tla lai chu ka thlir reng a, a chang leh thawk a la deuh hak a, a chang leh a mittui tla ni awm tak chuan a mit chu a nuai a,pan hnai tum chuan ka kal deuh uk a, chu veleh a tap thawm ka hriat rual chuan ka ding leh ta zawk a.rei erawh a tap lo a hmai chu phih in a thil tih lai chu a tih zawm leh mawlh mawlh a.
He nu hian eng harsatna tak nge a tawh ve ni? Kha mi zan a, a mah kalsan lo tur a ngen lawm lawm khan a ti na em ni?
Ka lu chu thing in ka in tiharh a, choka lam chu ka pan daih a.

A plate dah fel tur plate a ban zawng chuan a kut hliam chu ka hmu nghal vat a,  a la en kawl lo ani tih ka hre thiam nghal bawk, tui ka in zawh chuan ngawi reng chuan ka room ah chho in first aid kit chu ka la a.

Ka chhuk thla mek leh a ni a room lam pan a  a kal tur chu kan in tawk a.

"Park So Ra" tia ka ko chu a ding vat a.
Chhan pawh min chhang lo chuan a rawn hawi a.

"Lo kal teh"
Tih pah chuan sitting room a thut na awm ah chuan ka thu a, ani pawh engmah sawi buai lo chuan a rawn thu thla ve mai.

"Khawi min lo pe teh"

"Engmaw"

"I kut kha" tih pah chuan first aid kit chu ka hawng pah a. A hre thiam nghal a niang.

"Aa .... a ngai lo, keiman ka ti ve mai ang" tih leh din a rual a.

"Thu teh" tih pah chuan ka pawt thu a, a kut hliam lai ah chuan damdawi chu ka hnawih sak mawlh mawlh a. ani pawh in engmah sawi buai tawh lo in a dawh tha ve mai.

"A tawk, i kal thei tawh ang"
Ka tih rual chuan keipawh ka thil ken nen chuan ka tho nghal a.

"Jung... jungkook" a rawn ti tham riai a, chhanglo chuan ka hawi let mai a..

"Khawi i kut kha ka lo hnawih ve ang" in thlahrunna aw nen chuan a ti a.

Ka kut chu ka en a, ka nui suk ringawt, engtik lai khan nge alo hmuh ni.
"a ngailo, ana ve lo" ka ti bul hmuk a. Lehlam hawi a kal mai ka tum chu
"Khawi" tih leh ka kit ken chu pawh thlak a rual a, min kuai thut tir nghal bawk.

A thil hnawih pah chuan a chhem pah zel a, a thip zawk zawk mai.

"Jungkook!!!" hlauhthawn hmêl zet chuan a awki chu a ring a, keiin
ka en ringwt thung, "a chhungah hian darthlalang thlem a tâng in ka tia" a ti a, uluk zawk chuan a han bih chiang a.

"Maw!!"

"Lawk aw" tih pah chuan kit chu a hai a,a hnu ah forcep hi a rawn la chhuak a.

"A na deuh mai thei aw" ka mit ah chuan a rawn en a. "I inring em" tih melh in min melh in ka hria.
"ti rawh" tih nan chuan Ka lo bu ringawt thung.

"Jungkook a thuk reuh lutuk, ka la chhuak thei mai lo" a tih pah chuan a hawlh kual a hawlh kual a, a hawlhna lam ah a ti na zo vek zawk in ka hria.

"Ka la thei ta" tih pah chuan intithei ni awm fe hian ka hma zawnah chuan darthlalang thlem te reuh te chu a rawn lek lang a, nichin a a hmel a lungngaihna hmel kha a bo vek tawh. Tun ah chuan midang hlak a ang leh tawh,,,. Engpawh ni se nichin a a hmel ai ngawt chuan hmuh a nuam e.



PARK SORA POV

"Ka la thei ta"
Ka thil ken chu a hma ah chuan a hmuh ve thei tur chuan ka lek kang a.

"A na em?" ka tih chuan min chhan hun chu ka nghak a, ka ti na mah mah a mawn le, min chhang miah lo.

"Ana em ka tih chu...." Min chhan pawh a tum miah lo vang chuan ka zawt nawn leh a, ani ve lah chuan a thil en ngai chu a en reng a.

"Ka zawhna chu i hre lo ami" tih pah chuan a dar ah chuan ka sàwi a, mang ram atanga harh chhuak zawk ni awm ang mai chuan a phu deuh zawk leh nghal.

"Maw!!?? Imm... Ka lawm e" tih leh thawh a rual a, a room lam pan a a chho chu ka thlir zui tawp ringawt. Min tihrilhhai lutuk. Enge a hriat le?

"Ahhh!!! A first aid kit a la miah lo" tih pah chuan kit chu ka la kang a, ka room lam ka pan pui nghal daih.

Ka mut hma tiin vawiin a tan a vawi 2 nan shower chu ka nei leh a, ka duh ang tawk ka in chiah hnu chuan ka t-shirt var leh pyjama a pawl, a var a tial, Lian zet chu ka in bel leh a, ka hmai a cream ka tah lai chuan ka kut ben-aid a in tuam ka hmuh chuan ka kut chu chiang tak in ka en hnai a.

He ka hliam min siam sak tu chu ka lo hmangaih thin Kookie vang a awm ani tih ka hria.

Vawiin khan ka bazar haw kha in a ka luh rual chiah khan Kookie call ka dawng anih kha, kha a aw pa leh hriat ka lo chak thin em em ka hriat leh khan  tiang tak khan ka hlim ània, mahse kei hi ka inkhawngaih ngawih ngawih, tiang khawp khan engvanga lo hmangaih bik nge ka nih? keichu ka pa duh dan zawm in ka hlimna tur pawh dah tha in pasal ka hmangaih miah lo chu ka neih a ngaih phah a, ka pasal ngei pawh chu amah vang in pasal ang pawn ka en thei lova a chhan chu ani kha tun thleng hian ka la hmangaih a ka thinlung hian ani chauh chu a duh a, alo nghak reng a, ala beisei reng ani si. Beiseina chhe té ka la neih ve vang chauh a la tuar ve mai mai ka ni a chu chu engtik ni ah emaw tal chuan khuanu hian kan pahnih hian kan in hmangaih tak tak anih chuan min la awm dun tir ve ang tih kha ka innghahna kha ania,,,  kha ka beiseina chhe te ka lo neih ve kha kei chuan ka lo nunpui ve hram hram a mahse chu chu a thleng dawn ta silo, engtik ah mah...  Ani chuan hmangaih alo nei leh ta bik der si.
Mipa hi rin leh pawh ka duh tawh lo.

Ani chuan min hmangaih ve lo a, keini lo in a nupui ani a hmangaih chu....nge ni a kei kha min lo hmangaih ngai miah lo in min lo bum reng zawk...

Ka in ngaihtuah lungpuam chuan ka rilru a tina zual a, ka hriat lo lai chuan ka mittui chu ka kut ah a lo far reng chu ni in.

"A tha lawm,,, keipawh in ka theihnghilh ve tak tak tawh ang che,,, ka nun atang in hla tak ah ka dah tawh ang che,,, vawi khat mah ka hawi kir leh ngai tawh lo vang" tiin ka in sehruh.

Ka khum ah chuan ka mu meng kar a, muthilh ka tum pawn ka thei lo, tum tak tak a ka tum pawn ka thei lo.
Ka mit ka chhing a, a nupui nen a an hlim tur bik chu ka dawn a, ka awm thei thlawt silo, a mah vang a ka thil ngaihtuah thin te hi ka duh tawh lo, bo vek tawh tur in ka duh..

A tawp a tawp ah chuan ka tho leh ta nge nge a, in hnuai ah chhuk in pawn a thlifim chu ka theih tawk atam chu ka la lut a.

Ka pik lutuk chu ṭah hawm hawm ka chak ani.

"Engvang in nge tiang hian min tih!!?? Keichuan ka hmangaih che sin....misualpa!!! Ka haw lutuk che!!!! I sual man chu ila hmu ve ngei ang" ka theih tawp a ring chuan van lam hawi chuan ka au a, ka mittui in a rawn zui tak vang chuan ka theihtawp a ring in ka tap zui nghal bawk.
Tunah chuan tumah  vengthawng thei ka nilo.
Ka chhungril hi a pik em ani.

"Atha e, vawiin hi ka hmangaih tawp na ní tur che anih hi aw misualpa" tiin ka theih tawp a ring chuan ka chham leh.

"hre rawh, ka theihngilh tawh ang che. i sual lutuk, ka hua che" ka mittui bawk maw a rawn luang leh tawh, ti nge ka tahbelh tak em em le?

"I thawl deuh huai tawh em?" Tawng ri ka hriat rual chuan ka leh hawi a, jungkook chuan min lo thlir reng chu ni in.

"Immm'' tih pah chuan ka mittui luang chu ka hru nghal mawlh mawlh a. Luh mai tum chuan ka in her a.

"Nangmah hmangaih miah lo tu che vang in tiang khawp hian i inti hrehawm duh a mawh?"
A thil sawi vang chuan ka din na ah chuan ka ding khawng ât a.
" Min hmangaih ve lo mahse keichuan Ka hmangaih miau si ani" zawi tak si chuan ka ti a.

Thil dang a sawi leh hma chuan ka luh san daih in ka room ah chuan ka lut a, muthilh chu ka tum thin mahse zan in zet chu a har ka ti ngei mai.

Ka diary chu phawrh in ka nunhlui a kook nen kan in biak thin na, hlimna min pe thin tu chanchin ka ziah ka chhiar chuan ka lo khi leh vur vur tawh......

Ka thil chhiar chuan thlamuanna min pe aniang ka ti mai ka mut chhuak pawh in min rawn zem tan a.

Engtik lai in ka muthilh pawh ka hre lo, ka ṭhanharh chuan ka bul vel chu alo var uar tawh, ka diary chu ka lo kuah chial a, ka bula sana ka en chuan zinglam dar 6 alo ni tawh, thawh ka tum a mahse hnuai lam atanga ka pum rawn na lutuk vang chuan ka ner nung a,, thawh luih ka tum thin mahse ka thei ngang lo, ka tai vel a rawn in ṭham nasa hle bawk a, ka thla bi neih hun chu ka hre chhuak a, ava han hun lo tak em! ka pum leh tai na lutuk vang chuan ka hmai vel pawh thlan fim in a bual khat vek a,,, tinge maw ka period apiang a tiang a na ka tawrh bik kher le. Khum ah chuan ka mu khawr vek a, ka thlan chhia rawn bawl ṭek ṭek chu a khat tawk in la hru a.

Thei leh theilo chuan tho chhuak in bathroom lam ka pan a, Ka in phih harh a, ka pad dah thin na chu ka en a mahse pad engmah kawl lai ka lo nei tawh lo leh nghal. Ava han vanduai thlâk leh zêl tak.

Chhuat ah chuan ka tlu thla riai riai a, ka taksa rawn kham ṭrun chu hrehawm tak ani, kei ang hian hmeichhe dang te hian an tuar ve kher angem le.

.
.
.

JUNGKOOK pov



Ka office kal tur chu in siam peih vek tawh in breakfast ei tur chuan choka lam ka pan a, mahse dawhkan ah engmah in chhawp a awm loh vang chuan ka rum deuh nghut a.
Office lam a ei mai tur chuan kitchen chu ka chhuah san a...

Park So Ra kawngka la in khar deuh tlat chu ka hmu a,a ni hi a chhuak leh ta ni maw ti in ka ngaihtuah a.

Kal mai tum chuan ka in her a mahse rum deuh nghut ka hriat vang chuan ka let leh vat a, kawngkhar chu ka hawng nghal bawk.

Kawngkhar ka hawn rual a chhuat a lo let reng ka hmuh rual chuan ka lut nghal vat a.

Chhuat a a mu chu kaitho in ka mal chung chuan a lu chu ka nghat a, a hmai vel chu thlan in a bual nasa lutuk tlat,,, a pang chu ka'n dep a mahse a khua erawh a sik lo.
"Park So Ra harh teh, harh teh,i tha em?"  Tih pah chuan ka sawi pah reng a.

Ani pawh chu rawn che hret in a mit chu a rawn meng deuh riai riai a.

"Khumah hian mu rawh aw" tih pah chuan pawm chu rual in khum ah chuan ka mut tir a.

"Ju... jungkook?"

"Park So Ra i tha em? Khawi lai nge na"

"Jungkook shii...ihh englo ania ihh" a rawn ner leh nak a.

"Ihh K~ka.. ka period" inthlahrun hmel zet chuan a rawn ti a, a zak nge a chhing sawk a.

"Maw....." a ngaihna hrelo zet in ka lo ti hu.

"Jungkook shii? ka pum, ka pum hi ana lutuk a" a mit pawh a meng lo,,, tiang em em hian hmeichhe period hi a lo hrehawm ang tih rin ngaihna ka hre lo.

"I pum mawh.... lâwk aw" tiin a pum chu ka thiam ang tawk chuan ka zut sak a.

A hnu deuh ah chuan a ni pawh chu a rawn meng peih ve deuh tawh niang.
"Jungkook shii khawngaih in pad?"

"Aw... Khawiah nge i dah" tih pah chuan ka hawi ruai a.

"Jungkook shii?? Pad kawl lai ka lo nei tawhlo... Khawngaih in dawr- ahhh...''

"Maw??!!! A teuh lo,, ka lei dawnlo" sawi pawh a sawi zawh hma chuan ka lo ti nghal vat.
A sawi tur chu ka hria, pad min lei tir a tum tih hi.

"Khawngaih in jungkook shii ka mamawh che, min tihsak hram rawh"
A hmel chu ka en a, a dang vek leh nghal.

"Aw le, min lo nghak rawh"
Tih pah chuan ka wallet leh car chahbi chu la in ka chhuak zui nghal a. Zah pawh a dawn theih rih tawhlo.

Kan mansion bul deuh, tlem a kal ve deuh ngai ah chuan convenience store ah chuan lut in ka thil lei tum ber pawh lei lawk lo chuan thil dang chu ka en kual ka en kual a, ka zak ani mah zawk ,hmeichhe dang awm an awm ve nual leh nghal. Min en duh nasa hlawm bawk si.

Hmeichhe ho kalsawn hlan chuan ka thil duh chu ka la a.
A man pe tur a ka thil ken ka hmuh chuan dawr lo nghak tu chuan min nuih tut tut leh nghal.

"A na chhawkna lam hi a awm em"

"awm e, hei hi ei tir rawh" ka thil tih awmzia chu a hre thiam nghal ani ngei ang. Nachhawkna ni awm zet chu min pe tel a. A man ka pe zo ka chhuak tur chu hmeichhe 3 high school naupang aniang, school form ha te chuan ka piah lam atang chuan min lo en reng a,

"Awiii,,, ka duh lutuk,,, tiang ang bialpa hi ka duh ve,,, a in pe zo lutuk" an ti ri ka hriat chuan ka zak lutuk chu ka kut chuan ka hmel chu ka hliah a, ka hmel an hmuh loh nan ani. Khawmuang zawm tawh lo in ka chhuak nal nal.
"Park So Ra, vawiin hian nangmah vanga ka zah zia hi" tiin ka phun bul bul.


Cont.......