Love me not chapter 8

[Zuali Zuali]

Chapter 8




" I duh dan in nupui ka neih tawh , ka nun ah in rawlh tum tawh Suh " Sangzuala chuan a ti deuh hmuk a , a lungawi loh Zia , a tawng chang tha zet atang chuan a hriat thei .



" I pa ka ni ka thu chu I awi mai tur Ani , ka inah I khawsa tih hria la , ka thunuaia awm I nih hi" pa Hruaia pawh chuan a ti ve hmak a , Sangzual hmel chu changtha tawh tak a ni, a bek pawng talh talh leh a kut a hum ruh nasat em avang chuan a pa chu kut a thlak mai ang tih ka lo hlau.




Pa Hruaia lah a Kum rualpuiah lang tlangval viau mahse Sangzuala tha za rual leh mizo mipa ah na na na chuan a sa tha pawl a lo ni bawk nen a thin thawk thut hian a vei thut mai ang tih ka lo hlau.




" Birthday lawm na mai mai a nia, thilsual an ti dawn pawh nilo , duh leh kal ve se la " ka nu chu a rawn in rawlh nghal vat a " Lo in rawlh Suh " ka pa'n vin zet a a rawn tih thawt chuan Enkawli nen chuan kan lo Phu dawr mai .




Ka nu pawn kha tia a vin vak kha a beisei hauh lo tih hriat zet hian a kat ve dawr thei .Sangzuala lah chu za lo deuh hian a rawn nui chhuak hak a , a pa awmdan chu a nuih zat a ni mah zawk ang .




" Sangzual ka sawi nawn tawh lo ang , ka thu hmu lo chuan in zan in a I chhuah San a nih chuan hre rawh thil tleng tur chu I hriat vek kha " ka pa chuan a ti leh deuh hmuk a , ka fapa thinrim in seh ruh ngawt ngawt te chu hlau ang in a Lang ve lo ..





" Nang hian mi vo bak thiam I nei hleihnem tiraw " tih pah in vung zet hian inchung lam pan chuan a pen nghal pawk pawk a , ka pa pawh an room lam pan in a kal ve nghal mai a .





" Nangmah vang vek a nih hi" min melh ram ram pah a tiin , ka nu chuan a hnungah a zui ve nghal vat bawk , Enkawli nen chiah Kan awm tawh chu ka thawhuai thei , ka taksa in thlah dul riai riai ah chuan ka lo tang Zia ka hrethei .




" Ngah mah ngai Suh Kan chhungkaw dan anih kha " tih pah in Enkawli chuan a rawn ti deuh sep a , a lam ka va hawi chuan za lo deuh hian min lo nuih sei a , a hmelah chuan a zat loh Zia a hriat thung .





Eng vang a ka nu hian min haw em em nge pawh ka hre tawh bik lo , a fapa nupui a tan min duh lo a nih pawn eng emaw tlek a thlen in min dem zel hi ka hrethiam tawh bik lo .




" Chho ila " Enkawli'n a rawn tih leh tak ah chuan Phu deuh zawk in " a,.... Han lo chho rawh tui ka va la lawk ang " tih pah in a mah pawh ngaih ven tawh lem lo in kitchen lam pan chuan ka kal nghal vut a .





Choka chhungah chuan tih tur hrelo in ka ding ngawi reng a , dik tak chuan kan nupa room a , Han chhauh mai chu ka huphurh ve deuh a tin ni




Choka a awm reng theih ni hek lo huphur ru deuh tak chuan Kailawn ah chuan muangchang in ka chho a , ka phur thlawt lo a ni .




Kan nupa room kawngka bulah chuan ka ding ren rawn phawt a , thawk ka la leh halh thin , kawngkhar hawng tum a ka ban te chuan ka kut ka khur thei nia maw le , eng vang a khur ngawt nge ka nih lah in in hre der lo , Sangzuala pawisak nei loh hmel deuh ka mitthla a a cham reng vang pawh a ni mai thei .




Kan nupa room ka lut chu ka ke pen ka tawp nghal chat , ka room a , pot awm te chu a keh darh vek a , chhuatah chuan thawmhnaw a lo in zawm darh vek bawk bawk, ka hawi kual deuh chuan bang Kil deuh a , Sangzuala mitchhing chunga lo ding ngawi reng chu ka hmu tel chiah bawk . Ka thawm hria ang pawn a awm lo .




Room chhungah chuan lutin , thawmhaw darh vek chu ka chhar khawm sawk sawk a , ka thawmhnaw vek a la ni zui , ka thawmhnaw kher a paih derh chu ka thin a sa ve phat a ..




" Eng vanga ka thawmhnaw lo paih ve ringawt nge I nih a " vin zet hian ka ti nghal tuar a ," tawng lo khan ngawi reng chhar mai rawh " a rawn ti ve hmuk a , a la meng chuan lo hrim hrim a adan pawh a ti danglam eih lo .





" I pa'n nanga hmei mai mai birthday lawm na kal a phal lo pawh chu I va la na ve " ngeiawm deuh a nuih pah chuan ka ti sup , hetia ka thawmhnaw lo paih derh hi ka lung a awi thei thlawt lo a tin ni .

.




" Tawng Ram duh te ti che ni lawm mi " tih pah in ka lam pan chuan a rawn pen nghal pawk pawk a , a thinrim Zia chu a mitmeng senrum leh a beka thisen zam pawng tawlh tawlh ah chuan a hriat theih .




Ka lam a rawn pan lai chu thin Phu dep dep hian ka lo en reng a , hlau ang a lan duh lo viau mah ila, ka taksa khur leh der der chuan ka hlauh Zia , a thup famkim thei thlawt lo thung.





" Sawi nawn leh teh " tih pah in ka hmaah tak chuan a rawn ding nghal run a, ka hlauhba thup tum hram hram in ka mitah tak en kal chungin " nang a hmeinu " ka ti hman chiah tih ah a rawn che phut a ka nghawngah chuan rawn rek vak in " hmei din hmun chu a ni lo in nang mah a ni tih in hre rawh " tih pah in ka nghawng chu a rek na suak sauh leh nghal .






Hetiang teh thut a a Chet ka rin miah lo , ka nghawng a rehna avang chuan thawk a harsa tak zet tawh , min rehna chu phih thlak tum in ka kut chuan ka vai leh vak thin , a ti buai pha eih lo thung .





Ka mittui vangin Sangzuala hmel pawh chu ka hmu phe ruai a , thawk a harsat em avangin ka taksa pawh a zawi tial tial thei , vawi leh khat a min thlah thut a , chhuatah chuan thu sawp nuai in ka khuh nghal bawrh bawrh bawk , ka nghawng chu a na tak zet a .





Ka khuh bawrh bawrh lai chuan ka hmaah tak rawn thu hniam in " Tawng tam Suh ka tih thin kha " tih pah in ka Sam ka hmai zar tu chu min rawn huai Kian sak a , chu chu duh loin rang zet hian a kut chu ka lo vai per a .





" Ka haw lutuk che " ka nghawng a rehna tuai neuh neuh pah hian ka ti sep a , ka aw pawh chu a lawi rut thei .




" I in rawlhna tur chin leh I sawi tur chin hria la , nupui tha I ni mai " tih sup pah in a tho vut a , room atang chuan a pen chhuak nghal pawk pawk a , a hnung lam atang chuan mittui tling Pam in ka en zui vawng vawng ringawt .





A tuk zing ka tho chu a lu a rit bur mai , school kal ka ngaih dawn avangin , bathroom lam pan chuan ka kal chhat chhat a , ni zan khan ka muhil lawk thei lo nen , thil hrang hrang ka ngaihtuah kual a , mahni in khawngaih na in ka khat zel , zan a rei tawlh tawlh a , ka rilru a fim lo tulh tulh ni mai in ka hria , mahni in tih hlum duh na hial ka nei phah a ni kha , ka nu leh pa te fa te tak tak ka nih pawh ka in ring lo hial bawk .






Heti Chen ka awm ve tawh a , vawikhat pawh ka that leh that loh tal min lo zawh ve ka ring a nia , mahse vawikhat te mah thawm an rawn nei lo hrim hrim , an mak ka tih mai bak ah an thei ka ti , an fanu ka ni a , hmun danga pasal neia awm ka ni bawk , min be reng tur in ka phut miah lo , lo leng sek tur pawn ka phut kher lo bawk .




Mahse an fanu ka nih na ang tal a , ka that leh that lo teh , eng nge ka an tih tak te min zawh ve ka beisei thin mahse tun thleng hian an thawm a reh vung vung thung .






Hei vang pakhat hi a nih ka ring in chhung lamah nu ber in min hmuhsitna a tih lan nasa em em ni .





Bathroom darthla langa ka thla lo Lang ka hmuh chuan ni zan a thleng kha ka hre chhuak zawk , ka nghawng chu ka lo duk kual ralh a , a ngo chi ka lo ni ve bawk nen a Lang Chiang nasa mai bawk si , khawlum lai a lo ni kher nen in thuam up a ngai dawn bawk si chuvka huphurh tak zet .





" Ti nge I dam lo a mi , I va in ha lum ve " office ka thlen rual rual chuan Ruatkima chuan ka bula a thut na chair rawn chawi phei pah chuan a ti sup a .




" Ka nuam vak lo deuh a , vawt ka ti deuh maw le " ka tih chuan ka hmazawn ah tak chuan thuin Chik zet hian min en nghal reng a , awm a nuam lo lek lek zel leh nghal






" Lo dam zel rawh I dam loh chuan nuam ka ti lo a nia " thu tak deuh a a rawn tih chuan mak ti zet in ka melh nghal vat a , muk zet a ngaihtuah nei ang mai in , min lo melh ve reng bawk a .




Ka chhang let HMA in mi teacher dang te an rawn lut ve sep sep a bawk nen ngawih ka chuh ta zawk a , Ruatkima pawh chu a thutna chair nen a table lam pan chuan a kal nghal vut bawk .