MELLANIE LIANSANGZELI
"Liani hmanhmawh ve ṭhin rawh,kan kalsan dâwn che ania" ka u in pawn lam aṭang arawn ti deuh lang lang a,keipawh ka bag la in hmanhmawh deuhin ka chhuak a.Ka nu leh pa te pawh motor chhûngah anlo ṭhu fel der tawh, "bawihte ani kha bye bye rawh le," uLucas'an atih chuan ka vahnu chu ka bye bye leh tête a,motor awm na thleng ka u ten min thlah a.
"Angaih,kan va kal leh phawt ange aw,lo in enkawl ṭha ula" kanu in motor chhûng aṭang ati deuh lang lang a.Thingmawi lamah kapa hna vangin kan phei dâwn a,kan vawikhat kalna tur anih vangin a thui leh thui loh chu kanla hre hranlo,ka u Zorinmawia erawh a vawihnih kalna tur ani thung.
Kan upa ber te chhûngkua leh kapi ten inpui anlo nghak dawn thung a,midang zawng kan mi lai uZonunmawia leh uJessi te tih loh chu kan kal vek dawn a,unau panga zînga a te ber ka ni a.Kan upa ber Lucas-a leh Jessi te hian nupui pasal an nei tawh a,uJessi erawh anpa te in lama a awm avâng in minlo thlah theilo a,an chhangchhe ve tawh nen keini pawn kan phut hranlo.UZonuna erawh a hna vangin hmun hran hran ah an zinkual reng a, cruise ship lamah captain niin tunah pawh lawng a khalh vel mek ka ring.
Aizawl aṭanga kan chhuah chuan dar ruk a ri thuak tawh a,keipawh Thingmawi lamah college ka chhunzawm mai a ngaih hmel.Zing chaw eilo a chhuak kan ni bawk sia,ka motor chuang chu ka luak a chhuak deuh bur a,ka awm anuam lo khawp mai.
A hmalam ah ka u nen kan chuang a,ka u in motor a khalh thung.A hnungah kanu leh pate an ṭhu a,kapi ten min thlah ve tum viau mahse an chak tawh siloa,kawng a ṭha vaklo anti bawk nen an ṭhulh leh ta ringawt kha ania,Aizawl khawchhûng kan tlan pelh chuan lung aleng ve rum rum mai.
Kan tlan pelh piang te chuan lung anti leng maiin ka hria,thing leh hnim vel bak hmuh tur a awm lemlo a,a khat tawk in în kan tlan pêl leh zeuh zêl a.Khaw lian vaklo alo awm veleh zeuh zeuh bawk a,kan khaw thar tur chu engtin nge a awm anga,a nuam angem tih ringawt ka ngaihtuah naah a awm a.Kan in tûr chu a thlalak ka hmu tawh a,gate in a in hung kual ve thlap a,inchhung tak erawh kala hmulo thung.
Kawng chhe hle e tilo chuan kan tlan tluang ang reng hle a,ka u motor khalh ani bawk nen kan thleng har lo khawp mai.Ka u hi chu a speed a bei sang thei sia,kan driver chhawr lai ani ringawt,hna ala nei lo bawk a tihian ala awm vel rih mai mai ani,motor chhia a awm in a siam leh zeuh zêl a nimai.
'Thingmawi khua ilo lut ta' tih intar ka hmuh chuan ka nui ve deuh hak a,a khaw hming put chhan ang ngeiin a khaw chhung kan lut chiah chu thing mawi deuh deuh alo awm deuh fur a.Chhawkhlei,Tlaizawng,chawngtlai,fartuah mai bakah Phunchawng te anni hlawm a,a khaw mite hian an phun zâwk nge mawni han par rual vek phei sela chuan an mawi viau ang.
"A van nawm hmel em em," tukverh a dah chhuah pahin kati deuh hluai a, "a nuam reuh viau ang,an khua hi khaw lian lutuk nilo mahse engkim a awm kim ve vek a,i college kalna tur pawh a lian hranlo,khawchhûng ah tak a awmlo a,kal ve deuh fe angai a i u hian a thlah reng thei ang che," kapa pawn alo tive vat a.
Khawchhûng kan lut chu hmuak tu kan ngah reuh khawp mai,kan in bulah anlo ding ṭhap hlawm a.Motor aṭang a kan chhuk te chu a zam awm duh rum rum zawk mai, "inlo thleng tluang thei chu ava lawmawm ve aw," tih pahin min rawn chibai sap sap hlawm a.
Kan in bul velah chuan Dingdi par,kumtluang par mai bakah nuaithang par te an awm thluah a,an mawi takzet ahma lo awm tawh ten an enkawl ṭha tih a hriat hle.
"Inchhung lamah kan lut phawt dawn ami,in bungrua chu hei tlangval an awm alawm,anlo thiar lut vek mai ang inchhung lamah ṭhu hahdam ve phawt ula" midang in an tih takah chuan kan inzui lût vat a.
In hmelhriattir na te kan neih zawh ah midang in thingpui an rawn sem vat a,kan chhûngkua minlo welcome dan chu anuam takzet. "Heihi kan bialtu Pastor pu Sangliana anih hi," pakhat in atih chuan kan in chibai kual dan dan a.A sir ah naupang alo tlân ve reng bawk nen,kan ri deuh laih laih mai kan inchhung pawh ka rinai daih in anuam.
"Heihi kan fanu naupang ber Mellanie Liansangzeli anih hi," tih pahin ka unau dangte a hmelhriat tîr zung zung a,lo kal ve theilo te hming zawng zawng nên a sawi vek,kan tlan na lam akhu deuh bawk nen ka hritlang dâwn tlat in ka hria.
"Nu pawn lamah kava tei chhuak ve chhin lawk dawn ania," tih pahin kanu in min chhan hma in ka chhuak zui nghal a,ka u pawh hmuh tur a awm leh tawhlo. "Mami,heti lamah lo ṭhu phei ve rawh," tih ri ah chuan ka sir lam ka hawi vat a.Keimah ai chuan an upat ve deuh ka ring,ka u chiah te nên hian an inrual vel ang.
Hnial lemlo chuan an bulah kava phei ve a, "Mellanie tiro khah," tih paha hmeichhe pakhat in minlo chibai chuan "aw ni e," kalo tive vat a.A ṭhian dangte ho chu min hmelhriat tîr zung zung a,an zing ah chuan tum loh deuhin UMapuia kava hmu hlawl mai,Mizo zaithiam ah chuan ka duh ve ber pâwl ania,chutia kan in kawt a alo ṭhu ve reng chu mumang a ang hial zawk.
Ka en reng vang nge "i hria ang tiro,zaithiam Mapuia anih hi,ani pawh alo zin lai ve tho ania an khua pawh kan khua aṭang hian a hla lemlo.Kanlo sâwm phei ve a,a fel teh mai ania in chibai ve reng reng ula," a bula ṭhu nu chuan alo ti zung zung a,a mipa zawkin chet a lâk hmasak loh chuan ka ngam teuhlo kava chibai duh teuhlo mai.
"Mellanie tiro," din paha akut ka lama alo lek chhuah takah chuan kalo vuan ve vat a. "Aw ni e," tih pahin a mitah ka melh zawk a,ka kut a vuan chu ka hik deuh chhuai thei,ka zam lutuk vang nge ka lu te chu alian ta riau in ka hria a,ka kut vuan reilo mahse ka zam na a reh phah chuang hauhlo,ka bulah a awm ve reng sia a thil sawi dan aṭang te chuan a puitling bik takzet.
"Maeng,kan phei phawt mai dâwn ami,khua a thim mai dâwn zan lamah mitthi in lama kal kan ngai bawk sia" a ṭhiannu ni ngei turin arawn tih takah chuan an tho siau a. "Ni e,tih pui theih tak tak ala awm chuanglo a, Mellanie kan va phei san phawt ang che aw,naktuk lamah te kanlo kal leh mai dâwn nia," Maengi an tih nu chuan ati luam a.
"Nia,va phei ru" kalo tive vat,gate pawn an chhuah thleng chu ka zui ve a.Ka u pawh kan in bula thingkung lian deuh bulah chuan meizial a zu a,thil a ngaihtuah nasat ve hmel lutuk.
Inlêng te an haw sap sap a,keini erawh Vcp te inah chaw kan ei dawn anih hmel.Kapa sawi danah, "hmanhmawh a ngailo an ti na chu inbual hma in va eifel vat zawk ang u,minlo nghak rei lutuk palh ang," kapa in atih takah chuan in te kalh ṭha in kan inzui chhuak a.
"Sawti laia in lian ve deuh ding saw ania,kan in hnaih a azia phian mai," kapa in atih chuan a kawhna lam ka enve vat a.Kan in opposite chiah ani,an in pawh a lian ṭha khawp mai,an in aṭang kan in hmu phâk reng.
A khua te chuan lung ati leng reuh lutuk,khua ala thim chiah loh avâng in kawtah naupang a ṭhen anlo in marble a.A ṭhen an in rubber zuan bawk,a khua te chu ka rinai in ala thintlang.
"Ava nuam dawn ve," kapa in naupang ho infiam en paha atih chuan anlo en ve haw hlawm a.Kan hmel chu anla hmuh ngai loh anih vang nge min en duh khawp mai,kanu in asawi danah kapa hi ahma chuan ṭawng tamlo ve tak ania,mahse vairam lam a a thawh aṭang khan a ṭawng duh ve tawh viau thu te asawi ṭhin.
Kan Vc te in kan thlen chuan kawtah pitar ve tawh tak hi alo vei thauh thauh a, "pi i ṭha maw," gate chhûng a luh paha kapa in atih chuan arawn hawi ve vat a. "Khawilam aṭang a lo kal nge innih a," aw khur deuh dar dar a atih chuan keini pawh gate chhûngah kan awm fel der tawh,a aw a khur chhan chu a tar ve tawh vang ani tih ka hailo.
"E inlo thleng tawh maw,lo lût rawh u" kan lam a lo phei pahin nu valai tak hian alo ti deuh sang a,kapi te chu a bânah a kai nghal zât.
Inchhung kan lut chu chhuatah toys alo awm deuh nuai a, "e...inlo thleng thei maw,lo ṭhu rawh u keini chu tiang reng hi kan nimai,kan tupa hi a che hnawk thei lutuk a," tih pahin kan ep chiah ah paber niâwm tak chu a ṭhu a.
"Tikhan in chhungkua in kim ami," dam dap a atih leh chuan "kim chiahlo e,kan fate pathum anlo kal theilo a.Hna thil vang leh nupui pasal nei tawh te an ni hlawm a,ate te pahnih kan rawn hruai a nimai," tih pahin kapa in kan hming a sawi diat diat a.
"Anih mawle aw...fa in nei hmelṭha khawp mai,keini chhûng pawh hi kan nive duah tawh a,heihi kan nu Ngaihzuali ania,keihi pu Ding minti mai zel a,chuan heihi kanu anih hi," tih pahin nichina kapi te kha a en zeuh a.
"Kan fate hi a ṭhen choka lamah an awm a,a ṭhen pawn lamah an hming te chu an mahni ngei lo kal se kan in hrilh zawk mai dâwn nia tiro," nui deuh huah huah chunga atih chuan kan nui ve mai a.
"I fanu hi ami college kal tura in tih kha," minlo en paha atih chuan keimah zawk chu kalo aw vat a. "I hmelṭha hle mai," atih chuan ka nui ve var var mai,tufa in nge maw hmelṭha inti chu lawm lo bik ang le.
"E..hei ka fapa pawh alo pai lut leh chhaih chhaih tawh hi,ani hi kan fapa naupang zawk Zosangliana anih hi, college kallai ve tho ania in college kalna tur pawh a in ang tiro mami,in kal rual thei ang chu" atih leh zung zung a.Zosangliana atih pa chu lah chu Api bulah aṭhu a,a phone en in anui leh suk suk zêl a.
"Heti lam gas bur lâk vel a harsa riau mai a,kawng alo ṭhalo bawk nen fur lai phei chuan mei kan chhêm nasa zawk a,tûnah pawh kan khua ah hi chuan gas ai mei hmanga rawngbawl te hi kanla ti nasa a,kan khua ah thing tuah chi alo tam bawk nen a remchang zawk phian mai a,nangni pawn inla hre chho zêl anga,hreawm inti lutuk lo ang chu maw kan tlangval fel tak tak ten in thing tur an phurh sak nual chu a," pu Dinga chuan ati dap dap a.
"Hreawm tilo e...anuam viau zâwk dâwn anih chu,minlo welcome ṭha bawk a,kan lawm khawp mai" kapa in ati veleh dap dap a.Kanu pawh anui anui ve mai, "in ril aṭam tawh ang a,chaw kan ei mai dâwn ami Puii lo phei rawh u,chhûng inkhawm te hmang ila," atih zawm zât a.
"Heihi kan monu Vansangpuii anih hi,chuan hei kan fapa upa zawk Danny-a" pu Dinga bawk chuan ati leh a,kan in chibai sap sap hnuah chhûng inkhawm kan hmang ve thei hram a.Zanin inkhawm zan anilo bawk nen,a hmanhmawh vaklo nge a sawi hnem tawh khawp mai.
Chaw ei siam pui ka tum chu minlo dang vat hlawm a, "lo ṭhu mai mai rawh,kan ti thei lutuk alawm" an ti tlat a,ka bula ui hmelchhe ve deuh rawn tlan phei têr têr ka hmu chu ka inring hmanlo,ka nuichhuak ta vak a. "Avan hmelchhe reuh em em," ka ti chu min en ṭhap mai, "hmelchhia tih ah a hmelṭhat dan hi a hmelchhia," min en reng takah chuan nuam ka ti bik chiahlo.
"A hmelchhe reuh ania,Liani kha chu apu lah hian a duat em em leh nghal a," nuber in ati chiah chu ka u alo nui deuh kar kar a.ka chhûngte hian Liani min ti ṭhin a,an ui hming pawh hi Liani maw lo ni a.
Chaw kan ei laiin kawngkhar ari deuh rak a, "Liana i hman tawh em," tih pahin kawngka an rawn hawng nghal zât a.Zosangliana pawh a hawi phei zawk mai,Liana ve tho maw anih a Liani leh Liana kan van tam dâwn em em.
"Khawnge kal in tum leh tak a," Zosangliana nu in alo tivat a. "khawhar inah kan han ṭah pui ve dâwn," an zînga pakhat chuan alo ti deuh dat a, "khawnge Nuchhimi" Liana chuan ati deuh bâwl a.
"Alo thleng ṭep ang,a hmai a plaster leh phawt dawn aniang," lukir ve deuh chuan alo tileh a. "Mellanie ikal ve duh em,i chau viau ang a" pu Ding'an atih chuan kanu te ka melh zeuh a. "I peih chuan han kal ve rawh,mahse ila intifai bawk siloa," kanu in ati a.
"Nia,a chau ang zan dangah te pawh a kal theih alawm,Liana te pawh in awm rei leh peih dâwn chuanglo a, Mellanie te inah te hian in va lêng anga tiro Ruatdik,Pari hei kan doctor fanu anih hi aw, Mellanie ania an inah te pawh inlo va lêng ṭhin dâwn nia," Liana nu bawkin ati leh a.
Chaw eikham ah engmah tih an phal leh loh avâng in keini pawh rei kan awmlo,in lamah tih fel tur a tam bawk nen kan chhuak vat a.Liana te ṭhian ho erawh an in kawtah an phun bul bul a,eng nge an sawi erawh ka hre theilo thung.
"Liani sawi awm leh awmlo i hrelo thei lutuk,an ui hmelchhia iti viau anih pawn sawi kher a ngai hleinem,in hming nên a la in ang zui leh nghal a," kanu in închhung kan luh rual atih chuan ka chhang lemlo.
"Ni e,nute zêp te hi nei ve ṭhin rawh aw,thil hi sawi phawng phawng zêl suh" kapa in alo tih zawm zât a.Ka phone arik takah chuan pawn lamah ka chhuahsan ta daih a,Aizawl lama ka ṭhian kawm ve ber Julie call ani.
"Aw min va ngai hma ve," call lâk ruala ka tih chuan anui deuh hak a. "Ka ngai lo che,mahse a reh ve ruih thei in awm reng tawh awm sia,ka lung aleng lawk" ati nghal zât zat mai ka rin dan chiah ani.
"In vel tih fel tur kanla ngah rap,kan thleng chu rinai in ka chau kawng a chhe lutuk a,mawng a bung rem rum lo chauh,Vc te inah chaw kan ei a kan haw ve chiah," kan varanda vel a kalkual pahin kati a. "Khua chu eng nge a an dâwn,a nuam dawn em lo kal ve mai ka duh," ati leh tawh.
"Nuam dawn rap,a khaw hming put chhan ang takin thing leh pangpar mawi deuh deuh a awm ṭeuh a,nakinah a thlalak kalo thawn ang che kanla buai deuh a,ka dah phawt dawn ania" ka tih chuan min hnial lemlo.
Kan inchhung ah chuan room pathum a awm a,kan chhungkua kan in daih chiah chiah.Mikhual room erawh a awm thei dawnlo anih hmel,kan inrem fel chu kapa leh ka u te pawh an buai khawp mai,kan zawh meuh chuan dar riat leh a chanve a ri thuak tawh.
"Ka inbual dâwn ania," tih pahin ka room lama bual in chuan ka lut nghal a.Ka vawikhat hman na tur ani bawk nen,ka ni deuh hu mai,Aizawl lama ka bathroom nen chuan in zau hleih tak ani.
Avawt deuh sur avâng in ka inbual vat vat a,ka sam eng lam deuh lek lek chu ka hru thuak thuak a.Sam chhêm ro tîr hi chuan sam te hi a khawng fuk zêl a,sam in a tuar thei em a towel in ka hru hul mai zel a,ka hmai a thil ka hnawih thuak thuak hnuah room aṭang ka chhuak a.
"Naktuk lamah a dang zawng chu ani tawh mai,tikhan a zual pui chu kan zo thuak a," kanu in ati sawk sawk a.Tv pawh ka u in alo fit fel der tawh, "in awm maw" kawngka lam aṭanga an lo tih takah chuan kan hawi ṭhap a.Vc te leh midang ho anlo ni, "e..lo leng rawh u," kapa in alo chhawn vat a,kanu leh ka u te an inbual ve dâwn avâng in thingpui ka lum mai a ngaih hmel,ka peihlo tak tak ani.
Kapa te an titi avâng in choka lamah ka awm ta daih a, "thingpui hâng nge a thlum in duh ang" ring ve angreng taka ka tih chuan "a hâng khan ti rawh,chaw eina ala reilo emai" an tih sap sap takah chuan choka lamah ka phei leh vat a,a hâng an duh chu ka tan chuan a lawmawm lutuk ringawt.
"Liani khawnge ka t-shirt i ha leh tawh ami," ka u in ka bula lo din paha atih chuan ka en duh miahlo, "chutiang engmah ka hrelo," tih pahin thingpui ka thli chhuak a. "I thawmhnaw bâwm ka ti hnawk vek mai ang,sawi ṭha mai mai teh," atih chuan thingpui tray chawi chungin kal mai ka tum a. "Liansangzel," atih deuh ṭhawt takah chuan "ka khumah a awm," ka tive ta nge nge a,a t-shirt kha ka u in arawn thawn ania,bakah ka u te thawmhnaw hi lian viau pawh nise nalh ka ti thei hrim hrim.
"I fanu ami,ava hmelṭha ve" thingpui an hmaa ka dah laia pakhat in alo tih chuan ka lai ve ringawt,ka hmêl hi chu aṭha ve hle aniang hmelṭha minti thei hlawm emai. "Aw ka fanu Mellanie anih hi,in ti lawmawm thei khawp mai" kapa pawh ati ve mai a.
Kanu room aṭang a alo chhuah hnu lawkah ka u pawh ka room aṭang a t-shirt duh em em ha chungin alo chhuak a, "ka va tei chhuak mai mai tiang," tih pahin pawn lamah a chhuak zui nghal.
Chapter-1 hi chu a ngaihnawm vak rihlo ang,a bul ṭan na te ani sia
minlo chhiar sak veleh hram ula,chuan like leh comment kha aw
TopADVERTISEMENT (A hnuai a milem hi a nia hmeh zeuh tur chu)