DOCTOR FANU CHAPTER-3

[Judy chhakchhuak]

Chapter-3

MELLANIE LIANSANGZUALI POV

"Nute,tho rawh le i first day ah i tlai palh hlauh ange,i ṭhian ten anlo sâwm dâwn che nge i u in a thlah dâwn che," kanu in min sawi dat dat paha atih chuan peihlo deuhin ka ṭhu chhuak a.





"Ka mut avan chhuak tak,nu ai kal lâk mai ka duh," ka tih chuan kanu a nui mai mai a. "Insiam rawh le," atih hnuah room aṭang a chhuak zui nghal,keipawh kal peihlo viau mah ila kal tho angai dawn a thochhuak vatin ka inphih fai a,ka first day ani bawk nen ka insiam uluk ve khawp mai.





"Liani,i hman tawh em" pawn lam aṭang Pari aw ka hriat chuan ka chhuak vat, "min rawn sâwm pawh ka ringlo a,ka u inthlah tîr mai kalo tum a" ka tih chuan anui ve sen sen a. "Lo kal rawh,kan rualin iduh chuan lo kal zawk la,sawtah Liana ten minlo nghak a," atih chuan minlo nghak lawk tura hrilh in ka bag vel kala a. "Tiffin ipai em,thil eina vel a awm velo a tiffin pai angai ania aw Liani,tiffin kan pai mai zel a" Par'in atih takah chuan inchhung ah lutin tiffin tur ka siam sawk sawk a.





"Nu ka kal ania,pawisa ka la aw" tih pahin ka chhuak zui nghal. "I u i inthlah tîr dawnlo ami" kapa pawn a dispensary aṭang arawn ti lang lang a, "ka ṭhiante rualin ka kal dawn" ka tih hnuah Pari te dinna lamah ka phei a.





Thui pawh kan kal lemlo,Liana te thingkung hnuaia mei lo zu ka hmuh na lamah kan phei vat a,Lian'an a bike a ken laiin midang erawh chuan scooty an keng a, "kan in daih chiah chiah,Liani tu phur nge iduh" Nu'i atih chuan "ka hrelo in tih dan dan," kalo tivat.





"Ka bulah ilo chuang mai dâwn ami," Ruatdik'an ati ve ngei a. "A rei,kan tlai ang lo chuang rawh Liani" a helmet khum ṭhat mawlh mawlh paha Lian'an atih chuan ka ṭhiante chu ka enkual a. "Va kal rawh,in hnungah kanlo tlân ang" an tih takah chuan ka ṭhu ve vat a.





"Min kuah nghet rawh Liani" lo leh hawi zeuh paha Lian'an atih chuan a sawi ang chuan kati ve mai a.Kan tlanchhuah dâwn a uMapuia leh ka u te inzui ka hmuh chuan ka hawi hu hu mai,Liana lah chu a speed a sang mai sia,kan college kawng chu amawi khawp mai,thing atam bawk a oxygen a tam viau ang.





"Liana ka sam a chhe vek dawn,tlân muang deuh rawh" ring leng lawng a ka tih chuan a tlanchak zual sauh zawk amawni,ka va han ngei mai mai tak. "Zosanglian,ka sam a thlawk zo dâwn" ka ti deuh chûl a,ka fiamthu amaw ati zâwk nge mawni.





Kan college gate hmaa kan din chuan ka chhuk vat a,ka sam te chu a ro vek theiin ka hria. "I van sual ve a,ngatinge i tih luih kher a" melh rawm rawm paha ka tih chuan a helmet phelh in anui ṭhaw mai, "Liana tunge a henu a" kan bula lo din paha hmeichhe pakhat in atih chuan ka en ve ha a.Amah chu sang ṭha zeh zawh tak mai hi ania,a hmel erawh ṭha lua anilo.





"Kan doctor fanu anih hi," Lian'an atih pawh chuan min melh no fahran lo khawp mai. "Ngatinge in rawn in phurh a," ati leh hrâm a, "kan in phurh mai loh in kan in koki chhuan dawn ami" Lian'an atih chuan a chhang tawhlo.





Kan ṭhiante pawh an rawn ri chel chûl mai, "hawh Liani va phei hmasa ang," Par'in atih takah chuan kan pathum in kan inzui phei a.





Kan college chu alian hranlo na a a buiding erawh aṭha khawp mai,kan class tur niâwm takah chuan kan phei a.Kan pelh apiang te chuan min en haw haw hlawm a, "pahnih ṭhutna zêl ani sia,Liani ka bulah ṭhu mai rawh aw,pawi iti lo tiro Pari" Nu'in Pari melh zeuh paha atih chuan Pari pawh anui sang a.






"Pawi tilo rap,a hnungah Gemma'i bulah ka ṭhu mai ang," atih chuan kan ṭhutna turah kan ṭhu thla a,a hnunglam a kan ṭhu chu anuam kati zawk daih, Jimmy-a leh midang rawn lut zingah chuan Liana a telve miahlo.






"Khawnge Liana kha," tih paha ka hawikual chuan "class a kal khat thei lutuk,a bialnu nen khan an chhuak leh daih aniang,ani chu tikhan awm tîr mai mai rawh" Nu'in atih takah chuan ka zawt zui tawh bik lemlo.





Kan Proffessor arawn luh chuan ka u ka hrechhuak zawk mai,Aizawl lama ka kalna college ah khan ka u Proffessor in a thawk a.Ka ngai ve reuh lutuk,kan first day ani bawk nen lehkha pawh zir nghal mai lo in inhmelhriat tirna te kan nei a,midang chu an inhre sa deuh fur aniang kei erawh ka din lai chuan Proffessor meuh pawn min en vung vung mai.





"Khawnge Zosangliana" Proffessor in atih deuh nghut chuan, "sir thak hri a vei a,alo kal theilo" Ruatdik'an atih chuan an nui deuh huk mai. "Zosangliana hi chu a hrisel lo ve ngawt mai tiro,nikum aṭang khan thak hri hi avei reng mai a," tih pahin a chêk tlak tlak a,a awiloh hmel khawp mai.





Class pawh chu kan la nghal deuh mawp mawp a,ka rinai ngeiin boring ka ti hma lehpek khawp a.Ka mutchhuak intih harh tum chuan Nu'i te kava tibuai leh ṭhin a,lunch ei hun dar arik chuan harh chiang tak kani.





"Mellanie Aizawl ah khawi vengah nge in awm," mipa pakhat in ka dawhkan bawh titih deuh paha alo tih chuan "Bawngkawn ah," kalo ti ṭha ve mai a.





"Hmangaihsang,kal teh a duh chuanglo ang che thil kan ei dawn," Par'in atih deuh hlak takah chuan Hmangaihsanga atih pa pawh chu akal sawn ve mai a.





"Taka,Liani hei Gemma'i anih hi,kan Pastor fanu upa zawk,ani hi chu afel ania" Par'in bawkin ati leh a. "Mellanie tiro,keini pawh Aizawl ah chuan bawngkawn vengah tho asin kan awm,kapi te an awm a" ati dam diai a,a ṭawng pawh a nem ṭhang ṭhang khawp mai.






"Anih maw,kapa i hria em" ka ti deuh tawl a. "Keimah ni tak hi kan awm bo ve reng a,ka hrelo maithei kan ṭhenawm hnai tak tak te pawh ka hre senglo ania," atih takah chuan kapa hming pawh ka hrilh lemlo a,hrilh pawh ni ila a hriat ka ring chiahlo.





Last period kan neih dawn a ruaiah Liana arawn lang ve hram a,hming ziah tir laite khan lo kal zawk awm ania.Attendence ah a tla daih ang tih kalo hlauh pui ve ringawt, "class bânah chhangban kan deng dâwn a,zanah lo ei ula Liani kan in min hmuh pui pah animai a,Pari nên lo chhuk ula" Nu'in atih chuan ka hnial hranlo.





Aizawl velah chuan zan chhuah kanu ten phallo viau mahse tilai ah chuan min khap ngai em em lo a,a him anti ve deuh nge pawh ka hrelo. "Gemma'i iduh chuan lo kal ve la,inu in a phal ka rin chiahloh vang ania ka sawm ngam vak ṭhinlo che a," Nu'in lehhawi paha atih chuan "ka hrelo le,kalo dil chhin phawt anga" ati ve deuh sep.





Class pawh chu ning tak chung chuan kan zo ve thei hram a, "engtin nge kan haw ang, college a hla reuh sia Jimmy-a te an kalloh in engtin nge in haw ṭhin," ka tih chuan "bus in bus a tlân ve alawm,kan college bus mahse an tawt thei reuh lutuk a," Par'in alo tivat a.





"Kan kal dawn ami,Liana hi khawnge maw alo kalbo leh hman ni,hepa hi chu a college kal ve te hi hmeichhia bak a ngaihsak lo,kan pathum in kan in phur mai dâwn nia,bus ah chuan a tawt leh dâwn lutuk lo chuang rawh u Liani Nuchhim" Jimmy-an atih chuan Nu'i a koh dan avâng chuan ka nui deuh hak a.





Jimmy-a scooty a chuan ka tum chiah tih ah ka hmaah Liana alo ding dat takah chuan ka en vat a.Mahse amah chiah anilo,zinga ka hmuh nu pawh kha ani tawhlo,tuna a phur hi chu khal ve lampang mit hnawih dum deuh mai ani tawh.





"Lo chuang la," Lian'an atih deuh sup chuan lungni lo fe in ka melh a. "Khawiah chuan nge ka ṭhut anga,in ṭhut khat vek kha, Jimmy-a te rualin ka haw mai ang" tih pahin Jimmy-a hnungah ka lawnkai nghal zât a,Nuchhimi pawh ka hnungah alo ṭhu vat.





Kan hmaah Pari leh Ruatdika an tlân a,Nuchhimi hi chêr ve deuh mai ania,kan pathum a kan chuan pawh chuan kan tawt em em hranlo,khawlum lai nilo phei sela chuan anuam zawk viau ang, "Liana chu eng nge maw a hriat le," scooty tih din dat paha Jimmy-an atih deuh hluk chuan kan sirah Liana alo tlân tih ka hre thei,a bike ri ṭeng lutuk chuan beng ati na,royal Enfield ania a bike hi a rit hmel si.






"Eng nge i hriat a," Jimmy-an ati deuh hlur a. "Liani lo chhuk rawh,ka hruai inia ka hruai haw leh ang che,lo chuang rawh" atih chuan nichina a hmeichhe phurh nu kha a chhuk tîr nge,alo awm tawhlo rere.





"Aho e a,kan thleng ve ṭep tho ang,phei law law mai teh ka chhuk buai vel peih tawhlo" ka tih pawh chuan a ding tlat mai sia. "Nuchhim va chuang mai rawh," Jimmy-an atih chuan Nuchhimi chu ka khawngaih reuh bawk sia,mahse a chhuk vek tawh bawk si nen Liana bike a a chuan rual deuh thaw in an phit chhuak hi ani ringawt,Nuchhimi inring lo chu a ṭe deuh ṭhat a,hnunglam ah a bu liam lo chauh.





"Kan Liana ṭhin tak hi chu..." Jimmy-an atih deuh vang vang hnuah ani pawh a tlanchhuak ve mai a,a tlân dan erawh a tawk chiah thung. "Liani ka phone ri kha lo chhang lawk mai teh,ka bag hnungah khan ka dah" phone ri kan hriat rualin Jimmy-an atih zawm nghal zât a.





A lo call tu ka en chuan 'parkebal-i' tih a lang kulh a,Pari anih ka ring ve tawp. "Aw hello" call lâk rualin kati nghal thawr a, "Liani nangmah mi,heti lai kawng pengah khan lo kawi rawh u aw,kan ṭhu chawl rih lawk ania hei Liana te pawh anlo thleng chiah" Par'in atih chuan kalo aw ve mai a.






"Kawng pêng ah lo tlân rawh anti," Jimmy-a beng bula ka tih chuan "khawilai kawng pêng nge ti rawh," alo tivat a. "Khawilai nge kawng pêng chu," ka tih chuan call alo la dah lo hlauh, "pi Kapi te huan peng lamah tila a hre mai ang," atih chuan a sawi ang chuan Jimmy-a chu ka hrilh a.






Kan ṭhian te minlo nghah na kan thlen rualin scooty ati ding dat a, "in vân tlân muang reuh em em," min hmuh rualin parin alo tivat. "In tlân hmasak vang mai mai anih kha,inei ami in keng ami" tih pahin Jimmy-an a melh zeuh zeuh hlawm a.





"Lian'an alo va lam fel diam tawh,khitah tree house ah kan in dâwn nia" Ruatdik'an atih takah chuan kan in zui chho leh ṭhap ṭhap a.Liana erawh a lungawi hmel vaklo,tree house an tih chu a nawmhmel reuh lutuk,bung lian deuh kungah in an sa a,a hnuiah pipu motor ke in uai na tur an siam bawk.





"Mi an vân awmlo zawk em em,anawm reuh nen" tih paha ka hawikual chuan "Sunday tlai velah bak an awm vak ngailo," Jimmy-an alo ti deuh sup a.





Kan mipa te chuan local anlo pai reng chu niin, "tiang bak intur a awm siloa," Ruatdik'an tih pahin a no a thlît chhuah chu a tlak deuh pawp a. "Rui lutuk in in su aw,lirthei khalh leh tûr innih kha,kala thi duh miahlo ania" Nuchhim'in ati luam a.





"Sad book lampang chhiar tur ka duh ngawt mai,tunlai chu ka ṭap chak tlat, library ah sâwn hawh tur a awm angem le,in hriat ang ang lo sawi ve teh u minti ṭap hawm hâwm thei tur," Par'in atih chuan "General mathematics" Lian'an alo ti deuh sup a.






"Chutiang teuhlo,story pawh anih loh chu" ati deuh nuah nuah a,Liana chuan a in ve vaklo in ka hria,a khat tawkin tlêm tête ka lem ve sak sak ringawt a nimai. "Kan zung lawk," tih pahin Liana tree house aṭang a chhuk a, "hei ka ei dawn ania" ka bul a lays let bal chhar paha ka tih chuan tuman min chhang lemlo,midang in phone an khawih a, Jimmy-a te ṭhian dun erawh thil ho deuh deuh sawiin an nui an nui a,an ruih viau chuan Jimmy-a khalh ah ka chuang ngam miahlo ang.





"Tunge tilai a ka chips seh hmeh tura ka dah kha ei,ka hriat chuan..." Lian'an atih chuan asawi zawh hma chuan "keiman ka ei," kalo tivat a "ka fawp anga ka lei belh sak ang," tih paha minlo en chuan ka lai ve ringawt.





"Liana hi Liani hi iduh chiang tiro,keini chu ni ila tree house aṭang hian min paih thla tawh ang,keini te chu engmah ka ni ve hleinem," Ruatdik'an ati nuah nuah a aruih leh hmel tawh khawp mai.





"Ti bawrh bawrh ru,hmangaih na biahthu te kha in hlân bawrh bawrh ru,keini chu tihian kanlo awm ve mai mai ang tiro Parkebal keini te chu side dancer mai mai alawm kan nih,parkebali hi chu ike abal ve ngawt mai" atih duah a.






"Awi leh Lukir,rui over in ka inlo ang,motor khalh nawm na tur tawk lek tive si,i thusawi hi a awih tlak loh emai" Par'in ati hlak hlak a.





"Pipu ah khuan kazu uai lawk tiang," tih pahin tree house aṭang ka chhuk a,motor ke mah nise uai a nuam reuh viau mai.Zai deuh rat rat pahin ka in then zêl a,ka ṭhiante pawh anlo chhuk har lemlo.






"Liana,minlo nem teh na tawk in" Liana lo kal phei chu kalo koh vat, "avan na lo em em,na deuhin vawikhat minlo nem teh," ka tih leh chiah chu ka inring hmanlo nen arawn nem thut sia, "Liana a tawk tiding rawh," ka ti deuh chul a.





Ka pipu uai na a tawp chiah chu ka thaw deuh huai thei, "i uai ngam zawk e a" Lian'an atih deuh sup chuan ka chhuk vat a, "ngatinge ka ngam loh ang" tih pahin kan lirthei dahna lamah kan phei a.





"Tumah an uai ngam hleinem,tah khan zanah hmeichhe sam sei deuh a uai ṭhin an tia,a uai apiang in an mumang ah an hmu ziah" Lian'an atih chuan ka phu zawk mai.A dawi chi kani bawk sia,ka hlau reuh lutuk, "ngatinge ka uai hma in min hrilh loh" kati vin deuh hlar a.






"Liana khan thudik a sawi iring ami,thudik a pai hleinem,a thusawi kha engmah a awi tlak loh,ati vel mai mai anih kha keini pawh ka uai ziah alawm engmah kan hmulo" Nuchhim'in atih takah chuan ka thaw deuh huai thei.





"Kal rawh,keimah ka khalh mai ang,i ruih zia kha in en teh,engtin nge i khalh anga" Ruatdik'an scooty a lawn atum chu Par'in alo nem sawn deuh nawlh a.





"Lo chuang rawh," Lian'an atih chuan ka hnial hran tawhlo.Jimmy-a khalh ah chuan ka chuang hreh tawh tlat, "Nuchhim iduh leh tah lo chuang ve daih rawh," ka tih chuan alu alo thing vut a.






In kan thlen meuh chuan a tlai ve tawh lutuk,kan in kawtah ka u leh mipa pakhat hi anlo ṭhu a.Ka u ṭhian thar te pawh ani ve aniang, "nu" inchhung luh paha ka tih deuh lang lang chuan choka aṭang alo phei ve vat,ka bag chu ṭhuthleng ah dahin ka ṭhu hnawk a.






"I va chau awm ve,eng nge anuam em" tih paha ka bula alo ṭhut ve chuan a nawm thu in kalo chhang mai a. "Tunge ka u bula ṭhu saw," pawn lam melh zeuh paha ka tih chuan "a ṭhianpa Mawia a nih saw," ati ve sep.





"Zanah Nu'i te inah chhangban kan ei dawn a,kan in lo hmuh ve pah animai atia,ka kal dawn ania kalo haw har lo ang," ka tih chuan "ipa i dil dâwn nia" alo tivat.





Tlai lamah vawiin lama kan zir vel ka enve thuak thuak a,chaw ei kanu in atih hnuah room aṭang ka chhuak ve vat.Zanah Nuchhimi te inah chhangban ei dawn tho mah ila ka rilṭam tawh sia,chaw ei tawh pawh ni ila ka ei thei tho ang.





"Pa zanin chu Nui te inah Pari nên kan kal dawn ania,an in hmuh pui pahin chhangban lo ei rawh atia," ka tih chuan "lo haw har suh ang che,ei zawh veleh lo haw leh la" atih chuan ka nui vur vur mai.





"A vir thlâk emai a," ka u chuan ati deuh sup a. "Eng nge,miin min sâwm ve a hnial a nuam hleinem," ka tih chuan min en deuh run a, "zan chhuah ching lutuk" ati chu kala na khawp mai, "thil pawimawh tawp khawk ah lo chuan ka chhuak ngai bawklo e," ka ti vin deuh ṭhat a.





"Min chhang suh,ṭawng thei zit zet lutuk" a tive hluk mai. "Min chhang suh,min chhang suh tileh ringawt zel mai,chhang lo che ila luhlul lutuk minti leh anga,ka chhan che lah in ṭawng thei zit zet lutuk minti leh a,engtia awm turin nge maw min duh le" ka ti chu min melh rawm rawm ringawt.






"Ngawi reng in chaw ei hle hle teh u," kapa in atih takah chuan tumah kan ṭawng tawhlo. "I kal hma in thleng sil rawh aw," kanu in atih chuan kalo aw ve mai a.





Ka thleng sil na bula "zan hri vei nu,zanchhuah hrat" ka u in arawn tih leh hrâm a, "eng nge rawn sawi thar leh ngai,keipawh ka ngawih tawh hi" ka tih chuan "i ngawi lo," ala ti leh hrâm.





Tlawm zawkah ṭan duh heklo, "ngawi" ka ti veleh hram a, "ava han zahthlâk thei tak,nula tlangval ve uaih tawh si,Zorinmawia pawh i nau va chhaih va chhaih suh" kapa in alo ti deuh hluk a.





"In pafa hian min do rawn a," tih pahin pawn lamah a chhuak zui nghal daih.Thleng ka sil zo chiah tih ah Par'in minlo au deuh lang lang a, "lo lut lawk rawh" ka tih chuan alo lut ve mai.





Ka thawmhnaw a huh deuh hnuang avang in ka inthlak sawk sawk a,ka hmai a cream vel ka hnawih lai chuan ka makeup vel alo in hnawih ve mawlh mawlh a. "I lipstick colour hi analh tawp," tih pahin ka matte lipstick chu a hnawih nghal mawlh mawlh a, "a set in ka nei asin,a colour a in ang vek a kha kha nei rawh,Nuchhimi pawh pakhat kan ken sak ve dâwn nia" ka tih chuan minlo hnial vat.





"A to hmel si,a ngailo" ti mahse ka pe tho a. "A to lo rap,a set khan zathum chiah," ka tih takah chuan anui ve thei tawh, "nu kan kal ania" tih pahin Pari nen kan inkai chhuak zui nghal a.





Kawtthler chu ka rinai takin a reh a,thereng hram ri bak hriat tur mang a awmlo.Ala hma viau sia, "Nuchhimi te in a hla em" ka tih chuan "hla vaklo,mahse in in aṭang hi chuan va kal ve deuh angai a," ati sep a.





"Min lo sâwm vang vang ṭhin sia," ka tih chuan anui mai a. "Taka uMapuia kha Nuchhimi te inbul ah an awm asin,a chhûngte an awm a,a haw hma in hrilh ngei ngei rawh" atih chuan ka kal te chu ka phur nghal sarh mai.