It Ends With Us : Chapter - 3

[Tlantlani Fanai]

[Thla Ruk Hnuah Chuan]



"Oh."
Chu chiah chu a sawi.

Ka nu chu inherin building chu a en kual a, tukverh bang te chu a kut in a zut kual a. A kuta bal lo bet chu a nuai fai a. "A...."

"Tihfel a ngai nasa tih chu ka hria alawm," ka lo ti nghal zat a. A hnunga tukverh chu ka lo kawk a. "Mahse a hmalam hi han en teh. A hlawk ve tho ang."

Tukverh chu hawngin a bu nghat a. A hmui chip tlatin pawm hmel tak hian thawm hi a siam a. Mahse a pawm tak tak lo tihna. Vawihnih lai a la ti zui.
Beidawn hmel deuhin ka kut chu ka dah thla a. "A atthlak I ti ami?"

A lu chu a thing na na a. "A rawn chhuah danah a innghat dawn alawm, Lily." a ti a. Restaurant hlui a nih vangin a chhungah chuan dawhkan leh thutthleng hlui te chu a la awm reih ruih a. Ka nu chu thutthleng pakhat bulah chuan kal hnaiin a thu thla a. "Thil a kal tluan a I pangpar dawr hi a hlawhtlin chuan miin sumdawnna tha tak tan angin an sawi che ang a. I hlawhchham erawh chuan I engkim I chan..."

"Miin sumdawnna ho mai mai a ni an ti ang."

"Thil nih dan ve hrim hrim ania. Sumdawnna lamah I major kha." Thla khat vel a liam hnua a awm dan tur suangtuah niawm takin room chu muangchangin a en kual a. "Tha takin enkawl la a ni mai, Lily."

Ka lo nui a, ka pawm thei ang. "Zawt hmasa lo chea ka lei tawp hi ka la awi theilo," tih pahin thutthlengah chuan ka thu thla ve a.

"Puitling I ni tawh a, I thu a ni tawh alawm," ti mah se a aw atang chuan lungawilohna tlem ka hre thei. Ka mamawh tak lo tawlh tawlh vang hian mal riaua in ngaihna a nei tih ka hre thei. Ka pa thih atanga thla ruk lai a liam ve tawh a,pasal tha tak chu nilo mah se atan chuan mahni chauha awm chu a nuam vak dawnlo chiang sa. Elementary school a hna a hmuh vangin helamah a rawn insawn a, Boston khaw daifemah a awm mek a. Bedroom cute deuh pahnih awmin in hnung lamah kawt zau deuh mai hi a nei a, chutah chuan huan siam ka rilruk deuh a mahse nitin deuh thaw enkawl a ngai dawn sia. Karkhat ah vawikhat emaw vawihnih chiah ka tlawh theih dawn chuan awmzia a awmlo.

"Heng bungraw hlui zozai te hi engtin nge i tih dawn?"

A sawi dik. Bungraw hlui tangkailo a tam lutuk. Tihfai nan hun a duh dawn si. "Ka hrelo le. Chei lampang ka ngaihtuah hmain nasa tawka tihfai ve fe chu a ngai ang."

"Marketing firm-ah engtik thleng nge I la thawh dawn?"

Ka lo nui sek a. "Nimin kha ania."

Thaw hakin a lu chu a thing leh na na a. "Oh, Lily. Heihi I beisei ang taka a hlawhtlin ngei ka beisei."

Dawr kawngka a rawn inhawn chuan ka nu nen chuan kan ding rual a. Kawngkhar bula thil inremkhawm vel a awm vangin en tur chuan ka ring ka fan a. Hmeichhe pakhat hi rawn lutin min hmuh hma chu a hawi kual a.

"Hi," a ban a rawn vai pah a. A lawmawm lutuk. A inchei dan pawh a mawi mahse kekawr var a rawn ha a, he hmun paw tak nen hi chuan a inrem viau lo a ni.

"Puih theihna che ka nei em?"

A zak hnuaia a purse dah pahin ka lamah chuan a rawn phei a, min chibai tumin a kut a rawn pharh chhuak a. "Allysa ka nia." Ka lo chibai a.

"Lily."

A dar hnung lam chu a kawk a. "Pawnah sawn puihna in mamawh tih inziahna ka hmu a."

A kawhna lampang chu en in ka mitko ka san ak a. "A awm maw?" Ka dah miah silo a.

A lu a lo bu nghat a. "Hlui chu a hlui tawh hmel deuh a. A awmna a rei tawh aniang. Ka kal pahin ka hmu a hriatchian ka duh mai mai a."

Ka ngaina nghal derin ka hria. A aw hi ngaihthlak a nuam a, a nui hmel pawh hmuh a nuam.

Ka nu chuan ka dara rawn vuanin ka biangah a rawn fawp a. "Ka kal a ngai, zaninah in thar lawmna ka nei dawn sia." Kan inmangthaa a chhuak lai ka thlir hnu chuan Allysa chu ka en leh a.

"Mi ka la ruai chiahlo a," tih pahin room chu ka kutin ka kawk kual a. "Pangpar dawr siam ka tum a mahse thla hnih hnu velah chauh aniang." Tiang ka thil rin sawi pawp tur chu ka nilo naa mahse hlawh tlemte chauh duh chi a nihloh hmel. A purse hi he building man ai hian a tam zawk daih ka ring.

A mitmeng chu a rawn de sar a. "Tak tak maw? Pangpar hi ka ngaina asin." A vir kual vel a. "He hmun hi a tha dawn lutuk. Eng rawngin nge chei I tum?"

Ka kut chu kuangkuah deuhin ka kiu chu ka khawih neuh neuh a, ka dingdihlip euh euh a. "Ka chiang chiahlo. Nichin deuh lawk khan hemi building chahbi hi ka la chauh a, design dan tur ka la ngaihtuah hmanlo a."

"Lily tiraw khah?"

Ka lo bu nghat a.

"Designing lamah hian degree ka nei chu ka tilo anga mahse ka nuam tih ber chi ania. Puih I mamawh chuan a thlawnin ka lo tihsak ang che."

"A thlawnin I thawk ang maw?"

A lo bu nghat nghat a. "Hna hi ka mamawh lemlo a, pawna sign ka hmuh khan eng thil nge ka ti rilru a. Mahse a chang hian awm mai mai hi ka ning thin a chuvang chuan I mamawhna apianga pui tur che in ka hman reng ania. Tihfai, cheimawi, rawng thlan zawng zawng. Pinterest whre ka nia." Ka hnung lama thil chuan a mit la in a kawk a. "Saw kawngkhar chhia saw thil tha deuhah pawh ka chhuah thei ang. Hengho zawng zawng pawh hi. An la hmantlak vek ania."

Room chu ka en kual a, keimah chuan ka tifel vek thei dawnlo tih ka chiang. A chanve pawh hi ka chawi sawn theilo ang. Min puitu tur ka mamawh dawn tho chiang sa a. "A thlawn chuan ka thawhtir lo ang che, mahse I duh chuan darkar khatah $10 in ka puih theih a."

A kut chu a beng a, pheikhawk sang bunlo se chu a zuang tawr tawr ang ka ring. "Engtik atang nge ka tan theih ang?"

A kekawr var hak chu ka en a. "Naktuk atang a tha angem? Kawr hak tlak vakloh nena thawh I duh zawk ka ring."

Ka thusawi chu ngaihpawimawhloh hmel takin a Hermes bag chu a bula dawhkan paw zetah chuan a dah thla a. "Ho mai mai. Hemi veng tawpa Bar pakhatah hian ka pasalin Bruins game a en mek a. A pawiloh chuan tunah I bula awm pahin pui che ila ka duh a."

.
.
.
Darkar hnih a ral meuh chuan a best friend thar ka chhar nimaiin ka inhria. Pinterest whre diktak a ni bawk.

Sticky note hmangin bungraw paih tur leh la hman tur ho chu kan thliar hrang a. Thil tih kual dan a hre bawk a, bungraw hlui 75% vel zet chu hman leh dan tur a hria ang. A bak chu a pasalin a hman huna a paih turin a ti sam et bawk a. Kan thilsiam tur ho kan ngaihtuah fel hnu chuan thu thlain kan idea te chu kan ziak kual a.

"Awle," tih pahin a thutna chair chu a ngheng ar ar a. A kekawr var a balh vek takah chuan ka nuih te pawh a za zawk, mahse engatan mah a tih loh hmel. "He hmun atan hian tihhlawhtlin ngei ngei tum I nei tawh em?"

"Pakhat chu nei e. Hlawhtlin."

A nui hak hak a. "I hlawhtling ngei ngei ang tih ka chiang. Mahse vision i neih chu a ngai ang."

Ka nu thil sawi kha ka hrechhuak a. *"Tha takin enkawl la a ni mai, Lily"*. Ka thutnaah chuan ka thu ngil tha a. "He hmun hi danglam se ka duh a. Tihchhin ka duh."

A mit chu meng zim sanin a pen hmawr chu a seh a. "Mahse pangpar chiah I zuar dawn sia."

Room chu en kualin ka thiltihtum chu ka ngaihtuah a. Enge ka ngaihtuah ber pawh ka hre chuanglo. Ngaihtuahna tha deuh nei tur niawm tak hian ka awm. "Pangpar I ngaihtuah hian I rilruah eng thu nge awm thin?" tiin ka zawt a.

A dar a san euh a. "Ka hrelo le, an sweet a. An nung a chuvang chuan nunna lampang min ngaihtuah tir a. Emaw rawng senno pawh. Chuanin nipui nen."

"Sweet, nunna,rawng senno, nipui." ka tichhuak ve leh a. "Allysa, I va han fing tak!" Din pahin roomah chuan ka tei kual thuak thuak a. "Miin pangpar lama an ngainat kan la kual anga, a opposite chiahin kan ti ve thung ang."

A hrethiamlo tih hriat takin a hmelah chuan a rawn lang chhuak a.

"Awle," ka ti tan te te a. "Pangpar sweet na lam ti langchhuak loin a villain na lam zawk hmang ta ila. Rawng senno aiin rawng thim lampang ni bawk se, violet rawng tak emaw a dum lampang te. Chuanin nunna leh nipui lampang chauh aiin thlasik leh thihna lampang te pawh a huam tel bawk anga."

Allysa chu phawk zet hian a meng a. "Mahse.... Miin pangpar senno duh ta se?"

"An duh chu kan pe tho ang. Mahse an duh an hriatlohin tiang chu kan tihsak thung anga."

A hmai chu a tuai neuh neuh a. "Nih chuan pangpar dum lampang I ngaihtuah deuh tihna ami?" A ngaihtuah nasat hmel kher mai a, ka demlo bawk. Ka vision thim lampang chauh a la hmu miau a. Thutnaah chuan thu lehin a aia chianga hrilhfiah ka tum leh a.

"Tuemaw chuan 'misual kan tih hi an awm tak tak lo, thil tisual palh leh mai thin mihring chauh alawm kan nih' atia. A dik lutuk a ka hrereng a. Thatna leh sualna kan nei theuh a, chu chu kan theme atan hman ka duh. Bang hi rawng êng lampang aiin violet leh rawng dum lampang in kan chei anga. Miin nunna an ngaihtuah chhuah theihna turin vase tle siau siau a pangpar khawi aiin chutiang lo deuh hlek chuan kan ti leh thung ang. Leather emaw silver chain hmanga tuam pangpar thim lampang kan pho chhuak anga. Vase tle vel aiah onyx dum emaw vase thim lampang silver a chei kual emaw te kan hmang leh daih anga. Ngaihtuah tur a tam lutuk." Ka ding leh a. "Pangpar ngaina te tan pangpar dawr tamtak a awm a. Mahse eng pangpar dawrin nge pangpar haw tute hruai lut ngai?"

Allysa chuan a lu a lo thing a. "Khawiah mah."

"A dik. Khawiah mah."

Reilote chu kan han inen ang ren rawn a, mahse ka insum zo tawh lo, ka phur lutuk chu naupang ang mai hian ka nui chhuak uar uar a. Allysa pawh chu rawn nui chhuak vein zuang chung hian min rawn kuah a. "Lily, a in twist kual a, a tha lutuk ringawt!"

"Chu chiah!" Ka phur thar leh sawt mai. "Ka sumdawnna atana plan ziahna tur atan thutna leh dawhkan ka mamawh dawn a. Mahse ka office thar tur hi chawhmeh dahna dawhkan hlui hlirin a khat a!"

Dawr hnunglamah chuan a phei a. "A nih chuan heng hi thiar chhuakin I dawhkan tur chu kan va lei dawn ania."

Room chhungah chuan inhnawh lutin room hnung lamah bungrua ho chu kan nawr lut kual a. Chetna tur kan ngah zawk nan thuthlenga dingin ka rem sang a.

"Heng hi tukverha tarlan theih turin tihdan tha deuh ka hria," tih pahin bawm pahnih hi min rawn pe a, ka thil rem lai chung bera ka rem dawn chuan a rawn insâwi kual a. In balance nan thil vawn tur ka zawng tak ngial a, mahse bawm chuan min rawn tlakin chhuatah chuan ka tla chawrh a. Ka ke chu ka rap sual tih ka hriat rualin a rawn tur nghal ut ut bawk a.

Allysa chu rawn tlanin ka chung atang bawm pahnih lai mai chu a la sawn a. "Lily! Lalpa leh, I tha em?"

Thut tumin a insiam rem a, mahse ka ke chu ka tisawn ngamlo. Ka lu ka thing a. "Ka ke rek hi."

Ka pheikhawk bun lai chu phelh vat vatin a ipte atang a phone a phawrh chhuak a. Number pakhat call pahin min rawn en a. "Zawhna atthlak tak a ni tih chu ka hria a mahse hetah hian fridge a vur dah vawh kawl lai I nei mial em?"

Ka lu ka lo thing a.

"Ka ring reng a(h)," tih pahin a phone chu speaker-ah a dah a, ka kekawr chu a hlim chho a. Ka lo ip zawk mai. Ka mawl zia hi. Han tliak ngat se chu ka chhe vek a ni mai. Ka neih zawng zawngin thla khat lek pawha ka tihfai zawhloh tur building ka lei hmiah a nia.

"Heeey, Issa,"a phone atang aw hian a rawn ti chhuak a. " Khawiah nge I awm? Game a tawp tawh a. "

Allysa chuan a phone chu la kângin a hmui bulah a dah hnai a. "Hnaah. Lo ngaithla rawh, thil.."

A tawng lai chu rawn tihtawp sak a. "Hnaah maw? Babe, hna pawh I neihloh kha."

Allysa chuan a lu chu a thing na na a. "Marshall, lo ngaithla rawh. A hmanhmawhthlak ania. Ka boss hian a ke hi a ti tliakin ka hria a, vur lo keng pah teh..."

Chupa chu a rawn nui chhuak leh a. "I boss maw? Babe, hna pawh i neihloh kha," a rawn ti nawn leh a.

Allysa chu a meng kual rulh a. "Marshall, I rui ami?"

"Vawiin te chu onesie day alawm," a rawn ti chhuak nawk a. "Min thlah pawn I hriat vek kha, Issa. Beer free...."
Allysa chu a rum chhuak hak a. "Ka unaupa kha phone pe teh."

"A tha e, a tha e," Marshall chuan a ti leh bul bul a. Phone chu a ri hruk hruk a. "Aw?"

Allysa chuan kan awmna hmun chu a sawi thuak thuak a. "Tunah rawn kal nghal rawh u. Khawngaihtakin. Vur lo keng tel bawk ula."

"Awle ma'am." A unaupa pawh chu a rui deuh a ang. Nui ri hak hak ri a rawn awm a, aw pakhat hian,"A mood a off a nih kha,"a tih ri kan hriat hnuah call chu a in off a.

Allysa chuan a phone chu a ipteah a ak tha leh a. "Pawnah ka lo nghak ang, khulai maiah khuan an awm a. Nangmahin ilo awm thei angem?"

Buk nghat pahin chair pakhat chu ka ban a. "Kal pui kan tum chhin ang."

Ka dârin bang a nghen thleng Allysa chuan min thut that tir leh a. "Aih, lo che suh. An lo thlen hma chu lo nghak rawh, aw?"

Zuruite chuan enge min tihsak dawn chu ka hrelo a, mahse ka lo bu nghat tho a. Ka hnathawk hi tunah chuan ka boss a ang twah zawk a tlemin ka hlau deuh hrih bawk.

Ka awmnaa minute sawm vel ka lo nghah hnu chuan kawngka inhawng ri rek rek chu ka hria a. "Eng thil phiangsen nge?" mipa aw hian a ti thum bul bul a. He building rapawm zetah hian nangmahin enge I tih a?"

Allysa aw chu ka hre leh a. "Helamah hian a awm." Mipakhat onesie ha hian a rawn zui hnek hnek a. A sang a, tlemin a cher deuh bawk, mahse a hmelthain a mitmeng a fiah kuau a, a sam pawh chu buk chhapin a phir seng a. Vur hi a rawn khai bawk a.

Onesie a ha ka ti tawh em khah?

Mipa puitling tawh Spongebob onesie ha ania ka tih.

"Hei hi I pasal maw?" mitko san ak chungin ka lo zawt a.

Allysa chu a meng kual rulh a. "Vanduaithlak takin," tih pahin chu pa lam chu a hawi a. Mipa pakhat(onesie ha ve tho) hian a rawn zui tel bawk a, mahse Nilai chawhnua chutiang an hak chhan sawifiah mektu Allysa lamah chuan rilru ka lo pe daih thung. "Bruins game neih laia onesie ha apiang tana beer a thlawna intir thin bar pakhat a awm a." Zui turin chumi te pahnih chu a hui a. "Chair atang a tla a, a ke a ulh a," mipa khat zawk bulah chuan a ti a. Marshall bula a kal chuan a ban puam chu ka thil hmuh hmasak ber a ni.

Lalpa leh. Saw ban saw ka hria.

Kha neurosurgeon ban kha.

Allysa hi a unaunu maw? Inchung zawng zawng neitu a unaunu kha, pajama mai mai haa kum khata mi kum sarih hlawh tur vel thawkchhuak thei pasal nei kha.

Ryle nen kan mit a intawn rual rual chuan a rawn nui nghal sûng a. Engtia rei nge--- thla ruk ami ka hmuh takloh kha? Khang thla ruk chhung khan ka ngaihtuah chhuak ngai miahlo, chhuak maithei. Mahse ka hmuh leh tawh pawh ka inring ngailo.

"Ryle, heihi Lily ania. Lily, heihi ka unaupa Ryle," tih pahin a kawk a. "Chuan saw saw ka pasal, Marshall."

Ryle chu ka bula rawn kal hnaiin a rawn thingthi a,"Lily,"tih pahin a khi sûng a. "Chibai le.

Min la hre reng tih ka hre thei-a nuih dan atang te hian. Mahse keimah ang thoin kan vawikhat inhmuhna niawm tak hian a awm a. Kan inhria tih ka sawichhuak chak em tih pawh ka hrelo.

Ryle chuan ka ke chu khawihin a en kual a. " I ti che thei em?"

Tih chet ka tum a, mahse a rawn na leh nghal ut ut thei. Thawk la kawkin insehruh teuhin ka lu chu ka lo thing a. "La thei hrihlo, a la na a."

Ryle chuan Marshall chu a hui phei a. "Vur dahna tur kha lo zawng rawh."

Allysa chuan Marshall chu a zui chhuak a. An pahniha an chhuah hnu chuan Ryle chuan min rawn en in a rawn khi vur vur a. "Pawisa chu ka laksak lo ang che, tlema ka ruih vangin," tih pahin a mit min siai khum suk a.

Ka lu ka lo thle bek a. "Ka hmuh hmasak ber che khan I high a. Tunah I rui leh bawk a. Neurosurgeon tha tak I ni thei dawnlo tlata hriatna ka nei."

A nui hak hak a. "Tiang zawng pawh chuan a ngaih theih maitheih," a ti a. "Mahse ka high khat lutuk tih ka sawi sak ngam, chuanin tun hi tun thlaa ka vawikhat chawlhna ania, beer tlem ka mamawh ve deuh a. Emaw tlem lo deuh pawh."

Marshall chu pawnchhiaa vur fun chung hian a rawn let leh a. Ryle hnenah chuan pe in ka ke a rawn dep a. "I trunk ami first-aid kid kha ka mamawh ang," Ryle chuan Allysa hnenah a ti a. Buk nghat pahin Marshall banah chuan a kai a, room atang chuan an chhuak leh a.

Ryle chuan ka ke chu a vuan a. "Han rap chhin teh."

Rah ka tum chuan a rawn na leh ut ut a, mahse a kut chu ka ti che thei tho. "A tliak ami?"

Ka ke chu a ti che kual vel phawt a. "Ka ringlo. Minute hnih vel nghak ila I rah theih leh theihloh kan en leh dawn nia."

Ka piaha a rawn thut thlak lai chuan ka lo en reng a. Bawp khawkherhin ka ke chu a mal chungah a hlang chho a. Room chu en kual te tein min rawn en leh a. "Heihi eng hmun nge ni ngai?"

Duh aiin ka then nasa mah mah. "Lily Bloom's. Thla hnih hnu velah pangpar dawr a ni ang."

Min chhuan hmel deuhin a hmel chu a rawn awmin ka hria. "I ti tak tak maw? I sumdawnna tur I hawng tak tak dawn maw?"

"Chiang e. Hlawhchhamna atanga chhuak leh thei tura ka la naupan lai hian kan tum ange ka tia."

A kut pakhata ka ke vura deh pahin a kut lehlamin ka ke chu a vuan a. Engah mah ngaihloh hmel deuhin ka ke chu a hmet kual a. Mahse ka ke na aiin ka ke a khawihna chuan ka rilru a la zawk.

"Ka lang mak ami?" tih pahin a onesie sen hak chu a en a.

"Character neilo I ha tal a. Spongebob kawr ai chuan a zia deuh zawk."

A bula kawngkhar a nghen pah chuan a nui hmel chu a bo tial tial a. Min rawn en vang vang a. "Chhun engah I hmeltha zawk daih a nih hi."

Tiang hun hi sam sen leh vun êng neih ka duhloh chhan ania. Ka zahna hi ka biang chauh nilo, ka hmai zawng zawng, ka bân leh ka nghawngah a lang nghal vek thei.

Ka bula bang chu ngheng vein min en ang chuan ka en ve vang vang a. "Thudik lang tlang I hre duh em?"

A lo bu nghat a.

"Khami zan hnu khan vawi engemaw zat in inchungah khan lo kal leh ka chak thin a. Mahse I lo awm ka hlau a. Min ti nervous ve deuh a."

Ka ke a hmeh lai chu a tawp chat a. "Ka sawi hun ve thung?"
Ka lo bu ve nghat a.

Ka ke a khawihna chu a en a. Ka ketang atanga ka keartui thleng chuan a zut thla a. "Tun thleng hian ka la ti chak reng che."

Tuemaw hi a thaw ri hak a. Keimah chu ka nilo.

Ryle nen chuan kawngka bula phawk zeta menga lo ding Allysa lam chu kan hawi rual a. Ang phuau chungin Ryle chu a melh ang ha a. "Tunah khan...." Min rawn en leh phawt a. "Uii ka tihpalh lutuk, Lily." Ngei hmel zetin Ryle chu a melh leh a. "Ka boss hnenah hian I tih chak thu ilo sawi vel alaw?"

Le le le le.

Ryle chuan a hmui chu a seh neuh neuh a. Marshall chu Allysa bulah chuan a rawn kal a. "Enge thleng ta?"

Allysa chuan Marshall chu enin Ryle chu a rawn kawk a. "Lily hnenah a tih chak thu a lo hrilh a nih chu!"

Marshall chuan Ryle chu enin min rawn en leh a. Nuih tur nge dawhkan hnuaia vah luh a bihruk tur pawh ka hrethiamlo. "I ti maw?" Ryle chu a en leh a.

"Tiang zawng pawh khan a ngaih theih ang," a lo ti sam et a.

Allysa chuan a lu chu a dawm vang vang a. "Lalpa leh," tih pahin min rawn en a. "A rui a. An pahnih hian an rui a. Khawngaih takin ka unaupa chhaw lutuk vang hian min judge miah suh."

Ka lo nuih liam a. "A pawilo, Allysa. Mi tam tak hian min tih an chak ania." Ryle lam ka hawi chuan ka ke chu alo la hmet char char a. "I unaupa hian a ngaihtuahna a sawi chhuak tal a. Mi tamtak chuan an ngaihtuahna sawichhuak tur hian huaisenna an neilo ania."

Mit min rawn siai keuh pahin Ryle chuan ka ke chu a dah sawn a. "I rah theih leh theihloh enchhin ang hmiang."

Marshall nen chuan min rawn pui a. Bang bula dawhkan lam chu a kawk a. "Saw mi bul thleng saw kal han tum chhin phawt teh."

Ka tluk loh nan ka kawngah chuan rawn vuanin ka banah chuan nghet zet hian min vuan bawk a. Marshall chu lo ding mawl ve tawp a ang. Ka rah chhin chuan a rawn na leh a, mahse a hma ang em em chuan a ni tawh lo. Ryle puihna in ka thleng ve thei mai a. A chunga ka thut thleng chuan min pui a, bang nghen pahin ka ke chu ka thluang mar a.

"Thu lawmawm tak chu a tliaklo hlauh tih hi ania."

"Anih leh enge thu lawmawmloh ve thung?"

First-aid kit chu a hawng a. "Ni reilote chu I rah loh a ngai ang. Kar khat emaw a aia rei pawh, a dam chak dan a zirin."

Mitchhin pahin bang chu ka ngheng a. "Tihtur ka la ngah asin le."

Ka ke a tuam lai chuan Allysa chuan hnung lam atangin alo en ve reng a.

"Ka tui a hal," Marshall chuan a rawn ti chhuak phawng a. "Intur duh in awm ve em? Kawngân ah hian CVS a awm ania."

"Keichu a ngailo," Ryle chuan a lo ti a.

"Tui ka lo duh ang."

"Sprite," Allysa chuan a lo ti ve thung a.

Marshall chuan a kut a kaiin, "Ilo kal ve thei," a ti a.

Allysa chuan a kut chu la letin a kuangkuah than a. "Khawi hmunah mah ka kal dawnlo. Ka unaupa hi rin chi pawh a nilo."

"Allysa, a pawilo. A uang ve mai mai a nih kha."

Min en ang ren rawn phawt a. "Awle. Mahse thil pawi a tih pawn min bân theilo ang."

"Ka bânlo ang che tih ka tiam a che."

Chumi hnu chuan Marshall banah chuan kaiin room atang chuan an chhuak a. Ryle chuan ka ke a tuam lai chu zoin a rawn tawng chhuak a. "Ka unaunu hi I hnuaiah a thawk maw?"

"Aw. Darkar hnih ral ta vel khan ka ruai a."

First-aid kit atang chuan tape hi a la chhuak a. "A pian a hnu lamah hna a nei ngailo tih I hria tiraw?"

"A sawi lawk tawh alawm," ka tih chuan a hma ang em em khan a thawven tawh hmelloh. Ka hnaih theih nana a unaunu ruai ah min ngai thei tih ka hrechhuak thut. "Ilo kal hma kha chu I unaunu a ni tih pawh ka hre miah lo. Dawtsawi miahloin."

Min rawn en zeuhin ka ke lam chu a melh leh a. "I hria pawh ka ti chuanglo a." Ka ke chu tape in a tuam kual leh a.

"Ka hria alawm. Mahse chutiang lama I ngaihloh ka duh hrim hrim a. Duh hran ve ve kan neih kha, tiraw?"

A lu a bu nghut nghut a, ka ke chu dawhkanah chuan a hlang a. "A dik. One-night stand ka duh laiin nang chuan i mi thianghlim ilo nghak mek a."

Ka lo nui a. "I hriatna a tha hle mai."

"Ni e." A nui sek a. "Mahse theihnghilh i har ve det."

Lalpa. Hetiang sawi a chîn hi a sim a ngai. Dawhkana in nem kângin ka ke chu ka dah thla a. "Thudik lang tlang alo chhuak mek."

Ka bula dawhkan chu nghengin, "Ka ngaithla e," a lo ti a.

Ka inthup tawhlo. "Min hîp lutuk a," ka ti chhuak a. "Ka duhlohna che hi a tlem lutuk. Kan thil duh inang lo mah se, chuvang chuan ka bul hnaiha I awm chuan khatiang thu kha hmang tawhlo la a lawmawm ngawt ang. Ka tan a fairlo bik em mai."

Vawikhat bu nghatin a tawng chhuak ve thung a. "Ka sawi ve hun." Ka bula dawhkana rawn in nemin a rawn awm hnai deuh a. "Keipawh min hîp lutuk. Duhlohna che ka nei vaklo. Mahse inhmu tawhlo ila ka duh, a chhan chu ka ngaihtuah nasa thei lutuk che hi ka duhlo a. Nasa lutuk chu a ni lo a mahse ka duh ai a nasa a. One-night stand ila duhlo a nih phei chuan inhmuhloh dan awm hram se a that ka ring. Kan pahnih tan a tha dawnlo ve ve a."

Tianga min rawn hnaih em em lai pawh ka hrelo,mahse pen khat vel lekin kan inhlat tawh. Kan inkar inhnaih lutuk vang hian a ka atanga thu lo chhuak chu ka ngaihtuahnaah an lutlo hle. A mit chuan ka hmui chu a en reng a, mahse kawngka inhawng ri kan hriat rual rual chuan a awm sawn dawrh a. Allysa leh Marshall te an rawn lan theih meuh chuan Ryle chuan bawm tla hnawk nuaih chu alo rem khawm mawlh mawlh tawh. Allysa chuan ka ke chu en a.

"Enge chanchin?"
Ka hmui ka pehna chu ka thlah a. "I unaupa doctor hian ni engemaw zat chu ka chawlhtir hrih a ngai ang atia."

Ka tui intur chu min pe a. "Min nei hlauh chu a tihzia hle mai. I hahchawlh laiin ka lo thawk anga ka lo tifai bawk ang."

Tui chu in in ka hmui chu ka hru fai a. "Allysa, hnathawk zinga fel ber chawimawina ka hlan a che."

Nui vur vurin Marshall lam chu a hawi a. "I lo hria em? A hnathawk fel ber ka nih chu."

A dara kuahin a chalah chuan a fawh sak a. "Ka chhuang lutuk che, Issa."

Issa tia a koh hian ka lo hlim veng veng thei, Allysa tih lamtawi te pawh aniang. Ka hming ka ngaihtuah ve chuan hming lamtawi cute tawk min siamsak vetu tur mipa hi ka tawng ve angem le. Illy tih ang te.

Aih. A inangloin.

"Thlah haw I ngai em?"

Ka thutna atang chuan zuang thlain ka rap chhin a. "Ka car thleng a ni mai. Ka ke lehlam a ni hlauh a, ka khalh thei mai ang."

Allysa chu lo kal hnaiin min rawn kuah a. "Chahbi hi I duh chuan dah rawh. Ka lo kalh anga naktukah ka lo tifai vek ang."

An pathum chuan car thleng min thlah a, mahse Ryle chuan Allysa a tih tir deuh vek. Engemawni vangin min khawih hlau deuh te pawh a ang. Driver thutnaa ka thut hnu chuan Allysa chuan ka purse leh thil dang chu passenger thutnaah chuan a rawn dah lut a. Ka phone la chhuakin a number a chhu lut amm

Ryle pawh tukverh ah chuan a rawn dak a. "A theih anga tam vurin deh I tum dawn nia. Inbual pawh a theih tho."

"Min puihna avangin ka lawm e.".
Allysa chu a rawn awm hnai a. " Ryle? A him nan thlah haw la cab in lo haw leh mai ta la a tha lo maw?"

Ryle chuan min rawn en in a lu chu a thing a. "A that ka ringlo," a ti a. "Amah pawh hian a tha em em ang. Beer tlem ka in sia khalh chi pawh ka nilo."

"Thlah haw tal la," Allysa chuan a la ti fan a.

Ryle chuan a lu chu thing nak nak in car chung chu a beng thek a,inherin a kal sawn a.

Allysa-i'n phone min pek let thleng chuan ka lo thlir reng a. "Tak takin, khapa vang khan tihpalh lutuk. A be engemawni te te che a, a hma a sial leh reuh a." Car chhung atang chuan chhuakin kawngkhar chu a khar a, a rawn dak leh a. "In I thlen veleh minlo hrilh rawh aw. Chuan mamawh I neih chuan minlo call bawk la. Min mamawh chuan hna thawh ah ka chhiar tello ang."

"Ka lawm e, Allysa."

Min nuih a. "Aih, ka lawm zawk. Nikuma Paulo Nutini concert a ka kal tuma ka phur vak hnu khan tiang em em hian ka la phur lehlo." Min mangthain Ryle leh Marshall te'n anlo nghahna lamah chuan a let a.

Ka car darthlalang atang chuan an kal lai chu ka thlir reng a. An kual dawn laia Ryle lo hawi let lehin ka awmna lam a rawn en lai chu ka hmu a, ka mit chhingin ka thaw chhuak hak a.

Ryle bula vawihnih hun ka hman hi ka theihnghilh thei tawh lo ang. Ka pa vuini leh ka ke tih nat ni. Mahse alo awm ve ringawt khan tlemin mi a ti zia deuh lawi bawk si.

Allysa unaupa a ni hi ka thin a rim bawk. Hei hi kan inhmuh hnuhnunber ni a ni dawnlo tlata hriatna ka nei.