JASMINE VANHLUPUII POV
Zing ka tho chu Nathan'a ka hmu mailo,bathroom lamah lutin ka inti fai thuak thuak a.Inhnuai a ka chhuk chuan Nathan'a leh a cousin te inbe mek chu ka hmu nghal zât,Nathan'a apa Italian lampang ania,anu erawh Mizo a ni thung,a cousin te pawh nimin khan kan inneih hmang tûrin anlo thleng chiah.
Kan inneih na tur pawh hi Italy(la spezia) ah kan innei dâwn a,Nathan'a hian Mizo ṭawng hrethiam ve mahse a hriat erawh a tamlo khawp mai.Italy ah hian ka chhungte hna vangin kan awm a,Nathan'a nen pawh chuta ṭanga in hria chu kan ni.
Nathan'an min hmuh rualin minlo pan vat a, "i mu ṭha thei em" tih pahin ka chhîp ah alo fawp zeuh a,ka kawngah akut arawn rawlh lut nghal.
"Hey Jasmine vawiin lamah in bazar kan ngai ania," tih pahin kan dinna lamah Emma leh Ava te anlo phei a.Anni hi ka Italian ṭhian te an nia,an fel in kawm an nuam takzet.
Ka ṭhian te chu phur viau mahse kei erawh ka phur ve thei derlo,engtin nge mokawr thar lei ka mamawh lo tih te hi ka hrilh ang. "Emma,kan inbe lawk thei angem" ka tih chuan bu nghut in mi awm loh na deuhah min kai phei a.
"Buaina a awm ami," min ngaihtuah hmel zeta atih chuan "ka tihpalh lutuk,mahse thawmhnaw thar ka mamawh lo,ka sawi awmzia chu mokawr lei a ngailo" ka tih chuan mak atih hmel khawp mai.
"Ngatinge" ati deuh sap a,hnuailam melh in ka hmui ka pet fan fan, "ka..i hriat ang khân kanu alo telve thei dawnlo a,chuvang chuan kanu te an inneih laia a kawr hak kha hak ka duh ani,ka bula awm ve tlat anga ka hriat theih nan" ka ti zawi sep a.
Emma'i ka en chuan a muttui alo tling deuh pam a, "awi leh,tehreng mai" tih pahin minlo kuah vat a.Keipawn nghet zetin kalo kuah let ve vat, "ih englo,i kawr hak tur chu iva la lo a,chuan kan su fai vat anga a ro hmanloh takin,naktuk mai ani tawh sia chuan nawh te a ngaih chuan awi tih tur a tam lutuk," phur zetin ati a.
"Nute phur lutuk suh,iti hrilh hai zo vek dawn" Emma'i vahnu in arawn tive vat a,Emma'i leh Ava te Nathan'a cousin te an nia.Nathan'a pawn chuta ṭanga min hria chu niber in ka hria, "anih chuan kal ang u" Ava in atih hnuah kan in lamah kan phei a.
Kapa chuan mokawr chu alo dahchhuak fel der tawh,kapa hmel a lungngaih na chu ka hmuh hmaih hauhlo. "Inu in a hak khan a mawi pui hle a,tûnah ka fanu in iha ve dâwn a,i mawi dâwn lutuk bawihte" kapa in atih chuan ka ṭap lek lek,mahse kapa hmaah ka mittui ti tla duhlo in ka khap let sak sak a.
Ka thawmhnaw chu suk tura kan dah hnuah inneih zawh zan lama party na a ka hak tur kan va lam leh a.A hautak zawnga thil tih duh lo mah ila an mahni lam in an rawn ruahman dan kha ani miau sia,honey moon kan hman hun a ka hak tur pawh kan lam vek,keiphei chuan hetiang ang zawng zawng hi ka lei thei dawnlo chiang sa,a mipa lam in an tum vek zâwk a.
Honey moon hmang tûrin island lamah min hruai a tum thu ka hre thawi fua a,kan awmna lai pawh hi tuiin min hual ania,island hran a ngai kati em em lo asin mawle.
Ka phone nghawr dar dar ka hriat chuan ka envat a,Nathan'a ani tuna ka phone hmanlai pawh hi ama min leisak tho ania.Thawk la deuh hak in call chu ka chhang a, "khawnge i awm" ati chang run mai, "kan rawn haw dawn chiah" ṭha deuh chuan kati ve mai a.
"In rawn haw veleh ka roomah minlo hmu ang che," atih chuan "awle" ka ti ṭha ve mai a.An hnam ah hian inneih hma a chen dun tur tih kha ania,naktuk ah pawh an in aṭang biakin ah innei tûrin kan phei ang.
"I damlo emni," dam deuh zâwk a atih chuan "dam e,ka chau mai mai mawle" kati ta ringawt a, "awle lo haw vat ang che" atih hnuah call adah zui nghal.
In kan thlen veleh mikhual room ah ka lut tlang nghal a,kan inneih hma chu anu in mikhual room lama mu rih turin ati a,a roomah kei kamu thung.Anu ngeiin a room aṭang a hnawtchhuak chu nuamlo ka ti ve deuh,kawngka ka hawng chiah chu Nathan'an minlo pan vatin bangah min nem a,ka hmuiah duhthawh zetin alo fawp nghal.
Rum deuh hak pahin min pawm nawlh a,khumah min muttîr hnu pawh chuan minla fawh chhunzawm reng. "I kalbo rei lutuk," tih pahin ka kawr chhûngah arawn zen lut a,a kut ti thla zelin ka kekawr phelh paha ka nghawng a alo fawh chuan ka inrin hma in ka rumchhuak deuh hak.
Ka hmuiah fawh alo tum leh chiah chu kawngka an rawn kik avang chuan a tawp chawt a, "f**k" tih pahin kawngka lamah a phei zui nghal a.Emma thinrim hmel zeta lo ding nen an in hmachhawn nghal run mai, "vawi engzat nge khawih lo tura ka tih che!!" ati vin deuh ṭhat a.
"Kata ania,ka duh duh hunah ka khawih thei" Nathan'a pawh chuan alo ti chang bawl mai, "khatin min chhang reng reng suh,naupang Jasmine lo kal rawh," atih chuan ka ding ve vat a,Emma'i hi Nathan'a ai a upa deuh hret a,kei ai a u zawk bawk.
Nathan'a kal pelh ka tum chu ka bânah vuan in a lamah min pawt deuh dawrh a,ka hmuiah alo fawp leh deuh nawk a,Emma'in minlo pawh sawn laia a lungawi lo hmel chu a nelawm fahran lo,anu ai apa lamah a kal zawk a,anu chhun na a neilo hrim hrim zawk thlah pawlh ti ila midang in an rin pawh ka ringlo.
**********
Ka hmaa kanu thlalak chu ka en vang vang a, "hmangaih na awmzia min hrilh kha kala hre reng nu,midang tana malsâwm na ni zêl tura min hrilh te,mahse a hman dan min hrilh hma in min kalsan leh daih sia" tih pahin ka mittui tla chu ka hru hul thuak a,kanu thlalak chu ka be mawlh mawlh.
Midang thlâk danglam tu ka ni thei angem ka hrelo, Nathan'a ka mipa hlauh em em nen naktuk maiah kan innei tawh dawn a,ka hmangaih te hi min thah sak ka hlau ani nu,ka rilru a buai takzet min hua angem,lo hmangaih ta ila min hua ang che kapa ka vênhim avâng in min chhuang zawk ang.
Nu pasal ka nei mai tawh dawn a,mal min sâwm rawh aw van aṭang minlo thlir ve reng ṭhin la,ka taksa te chu avawt vek theiin ka hria, "nu ka theih veleh i thlan kalo tlawh ang,ka hmangaih che" ka tih hnuah a thlalak chu dawhkan ah ka dah ṭha leh thlap a.
Ka mittui chu ka hru thuak thuak a,ka phone ri ka hriat chuan ka envat a.Ka ṭhiannu Ava'i alo ni, "Lalpa leh!!Jasmine khawnge i awm,ka tho kha nute Emma in a zawng nasa lutuk che ania,kan...kan englo i tlanbo amaw kan tia, Nathan'a chuan ala hrelo,khawnge i awm i ṭha em" ati bah deuh nuai a,Emma'i hi nute Emma'i ati deuh kher zêl a Emma'i pawn a haw tawh lemlo.
"Ka ṭha,Ava in bengdai rawh Emma'i car in driver in kan inah min dah lawk alawm," ka ti zawi deuh sep a.
"Chuan i tlanbo lo maw" mak atih zia a aw ah pawh a hriat, "ka tlanbo theilo tih i hriat kha" thawk lak deuh hak pahin kati sep a, "tlanbo iduh em" alo ti leh tawh.
"Ngatinge min zawh a,kapa nunna derthawng a dah ka duh hleinem," tih pahin kan in gate ah chuan ka chhuak a. "Khawnge i awm," atih leh chuan "kalo phei dâwn" kati veleh mai a.
"Kanu hmu tûrin ka kal lawk alawm,kan inneih hma in a malsâwm na dâwn ka duh a," ka tih chuan "ka hrethiam e,kan inhmu vat dâwn nia" atih hnuah keimah zawk chuan call chu ka dah a,car chhûngah chuan ka lut zui nghal.
************
Zing chu ka tho hma khawp mai,Emma'i leh midang dang roomah anlo lût huk a, "kan siam vat che angai ania,chuan i insiam zawh ah Nathan'a nu leh pate leh a pi leh pute hnên aṭang malsawm na va dâwn i ngai dawn ania,i hrethiam ang tiro kan hnam dan ania" atih chuan kabu nghat a.
Ka hmai leh sam vel chu an khawih rei khawp mai,eitur vel Nathan'a cousin dang ho in minlo pe a,pasal ka neih hunah chuan Mizoram lama ka chhûngte zawng zawng sawm a hlim taka neih kha ka suangtuah nasa ṭhin hle a.Mahse khawvel hian ka hlim a phal velo te pawh ani mahna,ka in chei zawh chuan darthlalang ah ka in en vang vang a,kanu mokawr chu ka inhmeh ve takzet.
Kanu mokawr ka hak vang nge kanu hmel ka hmu tlat a,ka kawr chu an chei ṭha deuh a,ka sam pawh anti nalh khawp mai.Ka zam ni e,ka zam takzet ka kut te chu a thlan huh dap a,ka thin phu arang hle bawk.
Kapa kawngka bula ding ka hmuh ngat phei chuan ka ṭap lo chauh,ka lu te chu an hai muai muaiin ka hria, "thawk la rawh,hahdam tum la" Ava'in atih chuan kabu nghat a.
Kan motor alo thlen chuan rei kan awmlo,ṭhian ah Ava'i ka hmang dâwn a,kapa lama ka cousin te tlêm anlo kal ve a.Room pakhat ah Nathan'a pi leh pute mai bakah anu leh pate malsâwm na kan dâwn hnuah kapa pawh alo lut ve a, Nathan'a nu hian min duhsak a,ka mizo pui anih na ang ah min ngaihtuah em em zêl a,inneih na pawh hi a fapa in a tih tlat avang a hnial duhlo mai a niin ka hria,a mitmeng a min khawngaih na lang te kha ka hmuh hmaih ngai hauhlo.
"I inpeih tawh em," Ava'in atih chuan kabu nghat a.Kapa in min kai lut dâwn a,ka bulah a ding reng tawh, "Ava kapa nen hian min kalsan lawk thei angem" ka tih chuan bu nghat in a chhuak zui nghal a, "i inpeih hunah ilo sawi dawn nia" Emma'i pawn a tih hnuah min chhuahsan zui nghal.
"Pa.." ka tih chuan "ka hmangaih che ka fanu," tih pahin ka chhîpah alo fawp vang vang a,biakin chhunga min kaih luh te chuan ka thin phu rang lutuk chu a chhuak lo chauh.
Mipui mit chu keimah ah a fuh vek a,ka mittui chu a tlak mai loh nan ka khap let leh fak ṭhin a,vâwt in min rawn tuam deuh up up a. "Hahdam rawh," Emma'in a hmui phun a arawn tih deuh sep ka hmuh pawh chuan ka hahdam thei derlo.
Nathan'a ka en chuan a mit ka lak aṭang ala sawnlo hrim hrim,kapa kut khur deuh dar dar ka hmuh phei chuan ka ṭapchhuak hawk lo chauh. "Khawngaih in tina suh aw," tih pahin Nathan'a kut leh ka kut chu a suih zawm a.
Ka mittui tling avâng chuan ka hmu phe ruai a, "nang Nathan Lallawmzuala(esposito) hian Jasmine Vanhlupuii hi i nupui ni tûrin i pawm em," Pastor in atih pawh chuan Nathan'a chu ka enlo hrim hrim. "Pawm e" Nathan'an ati deuh sup a, esposito tih kha an Italian hnam hming ania,tunah hian kan inneih na hi rawn ti tawp tu awm se kati takzet.
"Nang Jasmine Vanhlupuii hian Nathan Lallawmzuala hi i pasal tak ni tûrin i pawm em," Pastor in atih chuan Pastor chu ka melh zeuh a, Nathan'a ka en leh a ka kâ ka ang chu ka ṭawngchhuak thei lawklo.
Nathan'an ka kut a vawn na a hmer salh chuan ka hlau leh tawh lutuk ringawt,a kut chu a lum vung vung a,sawi chhuah tum teh mah ila ka sawi theilo.
"Miss Jasmine" Pastor in atih leh pawh chuan Nathan'a chu ka melh ngawt ngawt a, Nathan'an kapa a melh zeuh a,min rawn melh leh chuan min vau tih ka hre thei.Kapa vang tal pawn ka tih angai, "ka.." tiin ka chil ka lem kalh a.
"Ka pawm e," kati ve ta nge nge a, "Zungbun kha," Pastor in atih chuan ka thin aphu leh dup dup tawh, Nathan'a chuan zungbun chu la in min rawn buntîr a.
Ka kut khur tih reh tum taka ka kut a chûl deuh thuak chuan a reh phah hauhlo. "Jasmine" Pastor in atih ve takah chuan zungbun chu kut khur deuh dar dar in kala a,a tlak mai loh nan ka vuan nghet hle bawk,ka ti tla anih vaih chuan Nathan'a hian engtin nge min tih ang tih ka ngaihtuah ngamlo zâwk.
Zungbun ka bun tîr fel hnuah, "Pathian mit hmuh ah leh mihring mit hmuhah nupa in ni tih ka nem nghet e," Pastor in atih rual deuh thaw in ka hmuiah alo fawp zeuh a.Mipui kut beng ri leh camera arawn de nghal chhuai chhuai,ka mizo pui diktak ngei nei ila chuan urhsun deuhin inneih na pawh kan hmang ngei awm sia,Italian ho hian dan an ngah ve sia a hreawm ka ti lawk takzet.
Kawngka a kan chhuah te chuan ka hlim mawlh lo,car chhûnga kan luh hnuah kan tlanchhuak zui nghal a.Mizoram ah chuan nise thlalak na hun te an hmang ngei awm sia,heti laiah erawh party na lama kal tura insiam nghal a ngai dawn thung.
"Chuan,ngatinge ka pawm e tih nan khan hun i duh rei em em a" atih chuan amah en zeuh in ka chil ka lem khalh a,a lungawi lo viau angem,a hmel chu ka en ngam tawhlo hrim hrim.
Chapter-1 chu a ngaihnawm vaklo maithei
a sei over rihlo bawk aw,next ah chuan a thui tawh turah ngai ang,chuan Sunday zan kan awl ṭhin bawk e aw.