Adorable Woman chapter-8

[Katy Khiangte]

Katy Khiangte.
.
"Atawk,Lisa,atawk" . a phone chu hupin achhuaka,rang mangkhengin washroom ah ka tlanlut nghal.
.
Ka lung chu dawmin inbengdaih ka tum a,mahse a harsa takzet. Ka zak lutuk chu khuk ral daih ka chak. Ka bawp tawi zet leh ka hnute tè zet ka mangan pui fo hi alo chhuanawm bik lutuk lo nen min ti zak takzet. Ka kuttin chu seh neuh neuh in ka mengkual ruai a,tiang reng renga ka zah tum hi ka la hrelo.
.
"Lawkin ngatinge ka zah ve ringawt a,nupa kan ni tawh alawm". Keimah leh keimah chu pasal ka neih tawh thu hmangin inbengdaih ka'n tum leh a,mahse nupa dang ang kan nilo tih ka hriatna chuan min ti hnual lehnghal thuai.
.
Tui vawt a ka inphuh tir seng seng hnu chuan ka taksa zawi lutuk chu azia ta deuh a,ka rilru buai erawh a zialo chiang hle. Ka bathrobe sendang chu ha in ka lu ka tuama,ka chhuah hnu chuan Mathew alo awmlo hlauh.
.
Ka phone chu phawrhin Malsawmi chu ka call a,nichin atang khan alo call tawh alawmlo viau ang le!
.
" I pasal nei hi i nei bik lutuk aw". Alo au leh lang lang.
.
"Ka nei ve miau sia lawm mawle aw". Ka lo fiam let vat a.
.
" Inpa kha ti anglo ve ngawt mai,best te chuan kan riahpui ve tur che nia,hmunfal in chuh nghal ngawtah".
.
"Haha...chutiang lam anilo,ka lungleng".
.
" Hmmmm Zawlkhawpuiah i awm reng tho lawm".
.
"Nooo...Khati lam khan ka tilo. Ka nulat lai kha ka ngai". Kan nui hak hak a.
.
" I inla pasal nei vel emai".
.
"Ka nei ve lawm mawle,naktuk ah lo leng la".
.
" Lutuk,in in ka hmu chak tawp,turu em?". A nui hak hak.
.
"Ummmm.......Sum te chu aneih ve zawng alawm,haha tak tak in anuam ve lutuk,lo kal ngei ngei ang che,ka inthlak ange ka chau deuh a". Tipah chuan ka inher a,Mathew darthlalang hmaa ding chunga inthlak malh malh ka hmuh chuan ka phu dawt. Phone chu ka off vat a.
.
" Ih ka tawng kha i hre vek em?" . inthiamlo ru zet chuan ka ti a. Chhanna erawh ka hmulo. A taksa ah chuan rimtui a kap khu chum chum a,t-shirt brown ha in a chungah leather jacket dum aha a,lukhum dum khum leh in jeans a khup tet hnuang chu aha bawk.
.
"Wowwwwww". Ka kutin ka hmui ka hup nghal vat. Coat suit nen chauh ka hmu thin. A incheidan chu inhmeh tak ani. Ka pasal hi a sexy ohhh a chhelo thlawt.
.
Lawkin engthil nge ka ngaihtuah aaarrrghhh kan inneih zanah min kalsan a tum amaw!
.
" Engthil nge i tih dawn?". Kawngkhar a chhuahsan dawn chuan ka lo dang a.
.
"Ka lo hawtlai ang,minlo nghah angailo ang,engkim hi ita ani tih hria la,inthlahrun angailo ania". Tipah chuan a kutkawr dum chu a bun a,achevel chu ka lo melh deuh hà,a helmet la in a chhuak nghal,ka awih theilo. A chhuah hnu chuan darthlalang hmaah ka dinga.
.
"Kan inneih zanah keimaha hnutchhiah ka ni". Ti sap pah chuan ka nui a. " Enge pawi? Mipa mamawh tak pawh ka ni hleinem". Nui lui sak in ka inthlaka khuma mu in lehkhabu ka chhiara.
.
Ka phone a rik ral ral chuan ka en a,Zorinzuala nui var var in ka pick a.
.
"Ka duatpui ka ngai lutuk che". Ka lo ti nghal zung zung.
.
" Min hrechang chiah amaw!".
.
"Haha engvangin nge ka theihnghilh ngawt ang che".
.
" In zan hun hman tihbuai ka lo chak a".
.
"Haha,a chhuak daih,eng zan hun mah a awmlo,keimahin zalen takin ka mu". Tawngsual in ti zetin ka hmui chu ka hup a.
.
" Maw??". Alo ti nghal tuarh.
.
"Ahhhh...enge ka sawi".bahnak in ka zahzel ah ka han ti a,ka thianthatak mah nise kan nupa inkar ahriat vek erawh ka duhlo bur.
.
"Tunah khan a chhuak itia mi?". Ka ngawi reng. Ka chhang dawnlo hrim hrim.
.
" In inneih zanah a chhuak amaw!". Ka la chhang dawnlo. Ka ngawi tlat dawn. "Laldintluang". Ka phu chiang lutuk a,ka thlawklo chauh ani. Ka àng zuau hman mahse ka chip leh thei hman hram a,diktak chuan engmah hrelo se ka duh. Keimah vanga rilru hah taka a awm ka duhlo ang bawkin ka tana a tawrh pawh ka duh heklo.
.
"Lisa i la mulo tih ka hria ania,muhil der suh". Dam zawk a alo tihchuan ka thaw huai.
.
" Engmah min zawt suh". Zawi raih chuan ka ti a.
.
"Atha lawm. I duhdan anih phawt chuan mahse i hlim ani tih min hrilh rawh". Thàwp sat chuan alo tichhuaka.
.
" Ka hlim alawm. Ka hlim lutuk,pasal neih chu rinai takin alo nuam". Ka tawng zawng chuan ka hnuk a ulh tûn a,ka sawi tha theilo tep ani. Inneih zanah a pasal in a chhuahbo sana,hetiang dinhmunah hian tunge hlim tehlul ang. Ka mittui chu ka khap per fap a.
.
"Ka hlim iti reng chung pawh khan engatinge i hlimloh thu min hrilh nimaia ka hriat le". Hepa hi a bum theihloh,a bum theih hlawlloh. Ka inhriatchian aia nasa a min hrechiangtu ani miau si.
.
" Ka..ka hlim tak tak".
.
"Anihchuan ka diklo zawk aniang,mu tawh rawh,atlai tawh. Thil ei tha la,in enkawl tha ang che chuan i bag pawl ah khan damdawi ka dah bawk ania,invennan kan inbe fo dawn nia".
.
" Awle,muttui le". Kan inbiak zawh hnu chuan rei fe khumah lehkhabu ka chhiara,mut mai ka tuma ka muhil thei meuhlo. Pasal ka nei tawh tih chu ka rilru ah a awm ve rûn a,ka pasal ahawtlai anihpawn ka nghak zel tur ani tih te pawh. Huizzz engtiklai khan nge ka lo puitlin ve tàk ni.
.
Ka phone chu phawrhin Mathew chu phone ka tuma,nui chhuak hawkin chunglam ka melha,ka pasal phone number takngial pawh ka la neilo anihchu! Rapthlak hian.
.
Dawhkan uk a file awm chuan ka mit ala tlat pek,ka keu chhin chuan Mathew thil pawimawh ho alo ni a,"maw??? Kum 27 chauh maw! " ka mengbial nghal kàwk. Ala naupan vei nen hmeichhe naupang min ti mi khah. Nui ri hawk in file chu ka khupa,khumah ka lawn nghal that.
.
Mutthilh luih tumin puanin ka in lukhup a,ka nun khawhar lutuk avang chuan ka hnuk a ulh tun reng mai. Siamsiami chu tul map lo ah ka va text a,ala reply thei miahlo zui. A àwm ve tho mai. Zinglam Dar 1:00 lai ani tawh.
.
Ka mut lah chu a chhuaklo tulh tulh a,ka ril atam em avang chuan inhnuai lamah ka chhuk a.Fridge chu hawngin eitur chu ka en kuala,noodles chu la chhuakin chhum ka'n tuma,Zorinzuala ka hrechhuak zawk. Engtin nge tui deuh khan asiam thin ni. Tuna amuhil va tih harh ngawt pawh chu ka inthlahrung ve tawh bawk si.
.
A tihdan anga ka hriat apiang chuan ka'n tive chhin a,eisiam lamah hian laktlakna pakhatmah ka neilo. Siam ai chuan riltam mai kha ka thlang zawk thin. Tunah zet hi chuan ei ka duh chuan ka siam mai angai si ani.
.
Ka siam zo ka tem chhin chu ka khuh bawrh bawrh.
.
"Engtin nge tihian ka siam thiam zawk le!". Ka bowl chu ka thlek dauh dauh.
.
"Ka pi mamawh i nei em ni?". Kan awmpui ni àwm tak chu ka thawm ah alo harh aniang,mit nuai nauh nauh pah chuan alo kala,room atang khan ka la chhuak miahlo. Kan awmpui te hmel takngial pawh ka la hrelo. Tuna ka hmaa ding hi chu nu upa lam tawh niin phakar deuh hmel a pu fel turah ngai phawt ang.
.
"Angailo e,va mu leh tawh rawh,keimah in ka ti thei e". Ka bowl a noodles tui tling puau a hmuh chuan nuih insum zet hmel a pu.
.
" Ka lo siam ange,lo va thu rawh,ka pu in choka a lutlo tur in a ti che a,i mamawh hun a pianga awm turin min hrilh bawk. Khawngaihin lo va thu rawh. Ka pu alo haw hma in". Dam dup chuan a tawnga,ka inthiamlo lek lek zawk. Ka pasal tha lutuk,choka a ka luh phal miahlo khawpa min ngaihtuah em em tu phone number pawh ka nei miahlo tih ka hriat chuan reilo te chhunga ka ngaihtuahna kal kawi chu ka siamtha nghal vat.
.
"Ka pi,lo thu rawh a reilo ang".
.
" Lisa chu chu ka hming ani e". Mak ti hmel zet chuan min melh a."Tikhan min en suh,ka nu aia upa daihin ka pi min tihchu ka duh hauhlo".
.
"Mahse ka pu in hetianga ko....".
.
" I pu chu i pu ania keichu i fanu rual lek chauh ka ni. Ka hmingin min ko dawn nia,thupek anihchu". Fiam ti tiha ka tihchuan alo nui ve hak hak. A eisiamna bula table ah chuan ka thu a,ka lo nghak ràn bawk.
.
"Chuan khawnge in chen?".
.
" Khatla ah tho ka cheng thin a,mahse kum thum liamta atang khan he in hi ka enkawl tawh. Ka pu thupek dan ania,ka fanu nen kan enkawl mek ani".
.
"Maw???? He in hi a leithar anilo amaw!".
.
" Ni teh nàng aw,ka pu in sak hmasa ber anih hi,a ropui viau na in a reh thin lutuk a". Tawngthui intih hmel zetin a hmui chu a hup a.
.
"Aawilo. Nuamlo ti duh suh,anihchuan Mathew hian chhungte anei miahlo em ni?".
.
" Maw? Ka pi ka tih awmzia chu Lisa engmah i hrelo amaw?". Mak tihmel zet chuan min melh a,ka tawngsual tih ka hreve chiah,ka lei zet hi chu'h.
.
"Hre tho a,achipchiar takin ka la zawtlo a". Zahzel ah chuan kan ti liam puat ringawta. Eitur siam alo chhawp hnu chuan ka ei nghal bawrh bawrh.
.
"Fimkhur rawh i hak ange". Ka lo nui liam mai a,angainatawm takzet. Ka nu bula awm ang maiin ka inngai.
.
Tawngri ka hriatrual chuan ka dinga.
.
" I va mu thei tawh ang".
.
"Lisa".
.
" Apawilo tunah,ka lo tifel mai ang". Hnial chi ka nilo tih a hrethiam ani chek ang. Phun buai lovin a lut ve mai.
.
Ka eina chu kalsan in tawngri awmna lam pan chuan ka kal a,fiahlo riai in mipakhat lian zet min hnungchhawn zawnga ding chu ka hmu thei. An tawng hriat tumin ka beng ka dawh hnai a.
.
"Damdawiin ah kal ang khawngaihin ". Hmeichhe àw chuan tap tuau in alo ti a,chupa chuan akut athing thla lawp. Ka lam alo hawi chuan Mathew ani tih ka hmu thei. Ni e,tu mipa dang nge ni tehlul ang.
.
" Duhtawk teh. Ilo inrawlh atullo ang". A vin vak a,chunu chu a thingthi nghal bawk. A tap bengchheng em em lehnghal.
.
"Tawp suh. Phuba vang chauhin iti nilawm ni". Ka chanchin an sawi ni a hriatna ka neih avang chuan ka meng phawk nghal hra.
.
"Ilo buaina tur a awmlo". Tipah chuan kawngkhar lam pan chuan alo kal a,a rang arang in room lam ka pan a,ka tlanchak bawk si,step ah chuan inchhuih in ka thal thla tawp.
.
" Minlo nghah angailo ka tih kha". Rum ri hawk ri ka hriatrual chuan ka chhing sawk a. Ka bula lo thu hniamin ka ke chu a en a.
.
"Ka...ka...ka nghak bawklo che". Bah nak chuan ka ti a,a hmel a thim rap a,arapawm zawk. A jacket ban chu athler thluah a,a hmui bul a thi ser ser bawk. Mak ti zet chuan ka lo melh a. Urrghhh a rim zet hi. Engzat fa ko nge a in le!
.
"Min nghah loh chuan athat chu. Lo kal teh". Tipah chuan ka ban ah min chelh a,min pawt tho lawp bawk. Choka lamah chuan min kai a,dawkan a ka noodles eina inchhawp hnawk rap ahmuh chuan athaw hawk a. Kan awmpuite room lam pan chuan apen nghal thauh thauh.
.
Enge tih atum tih ngaihtuahin ka zui ve dat dat a. An room kawngkhar chu a chum dawt dawt.
.
" An harh ange". Anui ri hawk a.
.
"Tihharh tumin alawm ka chum mawle". Ka lo ner nang. Nichina noodles min chhumsak tu chuan alo hawnga.Mathew chu melhin hnuailam a bih lehnghal. Ngemaw a hlauh hmel viau chu le!
.
" A mamawh hunah che awmreng turin ka ti che. A dik em?". A hrawk vak avang chuan a phu dawt a,keiphei chu ka thlawklo chauh ani. Ka lung zawn chu ka dawm a.
.
"Mathew a...a...a awm alawm".
.
" Ka tihpalh ka pu. Ka lo muhil palh a tin ni". Inthiamlo tih hriat zet chuan achhang a,anu rual vel tur a vin vak ngam chu ani sia le'h.
.
"Sawtiang thil mai mai saw a ei leh anihchuan sawinawn ngailo in i chhuak thei ang. Ka inah hian sawtiang eitur laktlaklo lutuk saw ka hmu tawh tur anilo bawk".
.
" Awle ka pu". Zaidam zet chuan alo chhang leh a,ka hmaa ding chu thinrimna vangin a sen tawn tawn thei thung. Ka nui ri hawk a.
.
"Engvangin nge ani chungah khan i tuan? Tihsual engmah aneilo". Rum ri hawkin ka banah a chelh a,room lam pan chuan min hruai chho lehnghal. Min hmerna chu ana bawk ani. Ka kut a mu nghal churh churh thei.
.
" Ana nia". Ka kut chu lak sawn ka tuma a hmer nghet zual sauh thung.
.
"Kan awmpui te hmaah min hnial tawh tur anilo. Chuan khatiang thil kha i ei tawh tur anilo bawk. I hriselna atan athalo chuan mamawh inei anihchuan inthlahrung lo in hrilh thin rawh" . Khumah chuan thu in a jacket chu a phelh a.
.
"Kan inneih zanah min kalbo sana,alo haw hnu in kan awmpuinu a hau hrep a,kei min vin bawka,khawvela mipa tha ber ka lo kawp anih pek hi". Engtik laiin nge bangah min nawr beh ka hrelo. Rum zetin min melh a,kei erawh chu a pangai thei ang berin ka awm thung. Chhandang vangin a thinrim tih ka hria chuan ka chungah a hrithla tih pawh.
.
"Tawng fimkhur rawh,i hriatchian loh thil sawi bawk suh". Min chelhna kut chu paihthlak ka tuma ka ham tàn tàn. Ka hriat chianloh sawi anga min puh chuan ka nuih ati za takzet hei bak bak a chiang a awm hauh silo a.
.
"Thi...thi...thisen". A t-shirt a thisen rawn hnawm chhuak avang chuan ka meng à veka, a nak hnuai chu dawmin a inla hrang nghal vat. Khumah chuan thu in a kawr a hlipa.
.
"Eng...engatinge?". Bah nak chuan ahma ah ka thu a,ka hlauthawng lutuka ka tha akhur zawih zawih thei.
.
" mu tawh rawh. Engmah anilo". Tipah chuan drawera lapua leh bandage chu ala chhuaka.
.
"Ka pasal in hliam atuar a,ka mutthilh theih i ring ami?". Tipah chuan lapua chu ka chhuh a,khuma nem thu in a thisen chhuak chu ka hru faia,achhan zawt mah ila asawi dawnlo tih ka hria,chuvang chuan ngawi renga ka puih atha ber.
.
Mu zangthal in a ban in a mit ahliah a,a awmdan chu ngawi rengin ka thlira,engatinge tih ngawt chu ka ngaihtuahna ah a awm.
.
Ka tihfai zawh hnu chuan ka tho chhuaka,a thaw ri sak sak ri ka hriat chuan ka thaw halh a,a pheikhawk hlih sakin a bawp chu ka chawi a,ala rit em em zui. Thlan tla phanga ka beih hnu chuan ka mut tir thei ta hram. Puan thianghlim chu ti huh in a hmai chu ka hru faia,abula thu in a hmel pa hrak mai chu ka thlir ngawih ngawih a.
.
Hmeichhia te duhthusam hmel chu a pu ngei alawm. Chumai nilo in,alandan pa zet te hi mi zem à tur khawp ani. Kha mipa hmeltha tak a àw ri ka hriat ringawt pawh a a hmel ka hmuh chak a kha ka pasal anih ka ring ngai hauhlo. Puan chu sin that tir in couch ah chuan puanlum la in ka mu a,dar 3 apel der tawh ka mut erawh ala chhuak hauhlo.
.
Ka phone ri bengchheng zet avang chuan ka inlukhup a,ngaihthah ka tum takngial chung pawn ala rik chhunzawm reng avang chuan thinrim zetin ka thu chhuaka.
.
"Enge". Ka vin deuh vak.
.
" Nizan hun in hmang tha nange". Malsawmi nui ri ker ker ri ka hriatrual chuan ka mood off zet arawn belhchhah. Nizan ka mutha chiahlo nen ka tho fuhlo takzet.
.
"Dar 9 pelh lamah minlo be leh dawn nia". Tipah chuan ka phone chu ka dahhla deuh a.
.
" Maw??? 11 arik dawn tawh hi. Tho rawh".
.
"Engaaaaa!!". Ka meng bial nghal kàwk. Sana ka melh chuan 10:55 alo ri tawh. Engtin nge maw ka mut theih zawk le!
.
Khum ka en chuan Mathew alo awm tawhlo. Ni e,hna ah akal daih tawh ang. Atthlak lutuk. Ni hmasa bera thawh hai mai.
.
Thochhuak vat in ka inphihfai a,ka inthlak fel hnu chuan inhnuai lamah ka chhuk a,kan awmpuite nufa chuan ei an lo siam mawlh mawlh. A fanu chu kei aiin a naupan hmel deuh.
.
" Ilo tho tawh animaw Lisa". Min hmuhrual chuan minlo pan vat a,anuam ka ti chiah lo. Awmpui nei ve duah mah ila hetianga min tih thlap thlap ka hre ngailo.
.
"Ohhhh....Khawnge Mathew hi".
.
" Tihtur aneih thu asawia zingkar ah achhuak tawh. Tiharh lo tur che in min hrilh a,eitur pawh kan peihfel tawh e". Choka lama ka kal chuan minlo zui nghal a.
.
"Nizan thilthleng avang khan ka inthiamlo takzet. Keimah vang ani min hrethiam dawn nia".
.
" Apawilo. Ka fel tawkloh vang alawm". Tipah chuan eitur chu dawhkan ah alo chhawp mawlh mawlh.
.
"Ka koh dan tur che ka hre mailo". Ka tihchuan anui sang a.
.
" Mamuani ka nia,ka fanu hi Lindai". Eitur alo chhawpfel hnu chuan ka kiangah adinga,a fanu chuan in a tifel mawlh mawlh.
.
"Lo ei ve ula".
.
" Maw???". A tawnrin lutuk avang chuan ka phu dawt.
.
"Min ti phu lawm. Mahni chuan ka eitui lo,lo ei ve ru".
.
" Nilo e,Lisa ka pu alo let tep tawh ang". A hmela in thlahrunna ka hmuh chuan Mathew mize huatawm zet chu ka hrechhuak a,ka lo thinrim em em ringawt. Awmpuite chunga rawng taka che mihring hi ka huatzawng tak,ka nu leh pa te pawh hian an ching takzet. Mihring ve tho an nih nalai chu ka hre kur bawk si nen.
.
"Mathew hi a hawtlai fo thin em ni?". Ka zawhna avang chuan hnuailam a bih tlat,sawi nuam a tilo ani ngei ang." En teh,kan inkar hi i hrethiam tih ka hria chuvang chuan zep ineih angai hauhlo ania,engkim tlang takin min hrilh rawh". A mizia leh awmdan atang hian nupa inpawh tak kan nilo tih ka hrethiam. Nupa inngeih tak anga lan buai ka tum hauhlo..
"Mahse ka pu".
.
" Apawilo hria angin ka awm dawn hleinem".
.
"Ani kha alo kal fo thin a,hun an lo hmang dun fo,khanu nena an inneilo kha chu amak ka ti". Tawngsual intih hmel zetin achhing sawk a.
.
" Apawilo sawi zel rawh,chunu chu tunge anih a".
.
"Ahhh. Zorinpuii ania,a hotel pakhat hi a enkawltir nghe nghe,ka hriat dan chuan inneih ngei pawh an tum a,mahse Mathew hian neih che atul thu asawi ka hria a". Ka thil ei chu ka hak bawrh bawrh. Ka hnungah chuan alo chum a,tui minlo pe nghal vat. Ka lungzawn chu dawmin ka thaw halh a,ka hriatsa mah nise engvanga minla thawng cheu ngemaw anih le!
.
" I tha em?".
.
"Ahhh...aw chuan kei hi engvangin nge min neih?". Hre tho mah ila kan chhan hriat a inan loh takin tih thil ah ka zawt duh hrim hrim.
.
" Chu erawh ka hre bik hauhlo mai. Mahse ka pu hian neih che a tul takzet tih a sawia chuan venhim che angaih thu asawi bawk a".
.
"Maw??? Kei min venhim maw! Tu lak atangin maw?". Ka meng phawk nghal hra. A lu a thing mat mat a.
.
"Atawk e,ka pi,i room ah i kal thei ang chuan i insiam nghal thei bawk ang". Kan hawilet rual thawt. Mathew chu pyjama dum leh t-shirt pawlduk ha in kawi zetin a dinga,bang nghengin a kut a luangkuah bawk.
.
" Eng...engtik in nge ilo haw". Bah nak chuan ka ti a.
.
"A rei tawh". Tipah chuan ka lam panin alo kal a,Pi mamuani te nufa room a an luh chuan ka thaw halh a.
.
" Keima thiamloh anih kha an thiamloh anilo". Tui chu la chhuakin a lem ri khalh khalh a.
.
"I duhchuan min zawt thei alawm,engatinge ani kha i zawh". Dam thlup chuan ati leh a. Chhan dan tur ka hriat lawk loh avang chuan achevel chu ka thlir renga.
.
"Lisa,ipa thusawi kha dawt vek ani tih i hriat angai". Ka kut chu ka hum ruh teu a,ka ze thalo ber ka chhuahloh nan theihtawpin ka insangmar bawk.
.
"Ummm....breakfast i ei tawh em?". Ka thleng chu sengin ka tho a. Sawichhuah a inhauh ka peihlo ani.
.
"Ka thusawi kha i hria em?". Ngawi rengin a eitur chu ka buatsaih sak a.
.
" Lisa luhlul chhuah suh". A àw atang chuan a lungawilo tih ka hria,mahse ka tawng anihchuan hei aia buaina nasa zawk hi achhuak dawn tih pawh.
.
"Ei rawh le". Tipah chuan room lam pan ka tum a.
.
" Tehchai che chuan". Ti hrawk pah in dawhkana eitur chu avai thla a,ka lam pana alo kalchuan ka lo ding khawng reng ringawt. Chet ngaihna pawh ka hrelo.
.
"Hmeichhe luhlul lutuk".Banga min nawr betin ka nghawmgah a rek a,min rehna avang chuan ka thaw achham mai dawn,ka kut chuan ka vai kual ruai a,ka tha a zawi tial tial a,ka chhing duar duar bawk.
.
" Kawngkhar inhawng sa in alo awm a". Mipa pakhatin alo tihchuan ka meng sar sar a mahse a hmel ka hmu phe ruai chauh.Chhuatah ka thla thla tawp ani tih erawh ka hria.
.
"Zorinzual". Zawi raih chuan ka ti sap a. (To be cont...).