KA KHAWVEL THAR CHAPTER-9

Episode kal lai dah luhna

Moderator: writers

Judy chhakchhuak
Posts: 313
Joined: June 7th, 2023, 1:17 pm

KA KHAWVEL THAR CHAPTER-9

Unread post by Judy chhakchhuak » June 10th, 2024, 10:55 pm

Chapter-9


DAVE ZODINSANGA POV

Rody tui ti zeta mu chu ka en reng a,tun thla thum chhûng zawng khan alo tuar nasa ve hle mai,a kum ngaihtuah chuan a rilru a puitling hle a.Kan kum erawh inthlau tak ani,Arona leh Rinrini te an in ngaizawng ru reng tih ka hria a,eng vanga Rody kalsan a inzui leh mailo nge an nih ka hre bik hauhlo,Rody'i lah hian Arona hi a ring bur mai sia.






Rody chu arawn meng siar siar a,anui var var mai kan hotel room kawngka arawn rik takah chuan ka tho vat a. "Sir in eitur alo thleng a,duh dang in nei em" atih chuan Rody lam chu ka hawi a, "duh inei em" ka tih chuan alu a thing vut.







"Kan mamawh lo e,ikal thei ang" tih pahin a eitur lo ken chu ka nawr lut a.Khum lamah pheiin "ei rawh" tih paha a hmaa ka dah chuan, "ka duhlo" ati sep a, "chaw hi ei rawh ka tih chu!naupai lai inih kha" sehchilh zetin kati chang run a,henu hi eng vanga luhlul em em nge anih.






Naute ka sawi takah chuan eitur chu la in a ei zui mial mial a,naute chu a hmangaih ve hmel hle mai.A puitling ti mah ila ala naupang a,a naupang rilru hi a chhuak leh zeuh ṭhin a,naute pawh hi engtin tak enkawl ve ang maw.






"Eng vângin nge min hrilh loh" ka ti chu a thil eilai tawp chawt in minlo en a. "Engmaw ka hrilh loh che" hriatthiam loh hmel zetin ati hu mai, "naute chungchang kha ngatinge min hrilh loh,ka nau fa anga lantir zêl ila tum em ni engmah ka hriatloh iring amaw" ka tih chuan a meng buai nak mai.






"Naute pa hi chuan thla thum kalta khan a in aṭang min thehchhuak a,zak tak min siam anih kha,he naute hi ka naute chiah ani engmah ilo buai ve na tur a awmlo" ati ve phiar phiar reuh a.






"Oh!chuan ka buai na tur a awmlo amaw,i bialpa naute pa anga i lantîr pa khan a kawp che tih i hre nange" ka tih rual deuh thaw in ka biang ah arawn beng pawp a,mahse ani ben mai mai te chu a na lemlo khawp mai.






"Eng nge i hriat a,Arona saw i unaupa ka bialpa ni bawk ani asin,nang anglo takin a nupui hual a kawp velo tal alawm" ati ve ngei a. "Animaw,nang naupang dawt sawi thiam i kum mai nilo i nu leh pate thi ang hial in isawi thei a,ka chhûngte chuan awi hle mahse keichuan ka awi ve hauhlo a chhan chu maw dawt sawi thiam tak ini miau a" ka ti chang bawl a.






"A tawk Dave,nangmah vangin engkim ka chan tawh a,khami zan khan lo intawng lo ila chuan kanu leh pate thla zâr hnuaiah kala awm ngei ang,ka hmangaih che hi apawi kati hmangaih loh che hi ka duh a,mahse ka thei ngawt silo hi hreawm kati asin nang chuan natna bak min thlen lo" tih pahin a biang ah a mittui a lum thla pap a.






"Ka tihpalh" zawi sup a ka tih chuan "tihpalh a,tihpalh tih kha i tan chuan sawi a awlsam ang chu tiro,a chhan pawh ka tawrh ang hi i tuar velo a,tihpalh tih khan ka thianglim na ka zahawmna,mahni in rintawk na ka chhûngte mai bakah ka ṭhiante min pe kîr leh thei dâwn ami,ka kum a diklo a ka sawi chhan pawh i hmelṭha em a,min hnar ka hlauh vâng ania zak tak min siam a,chuan tûnah hetah naute chungchang ka hrilh loh chhan che min zâwt leh ania,a chhan chu maw pa ni tûrin i ṭha tawk lo ramsa ang mai ini asin Dave,ka fa hi nangmah ang anih ka duhlo Arona hi nang ai chuan ala ṭha fe zawk," tih pahin a in hnit leh feih ṭhin a.






"Tihpalh tih bak eng nge ti vak turin min duh," tih pahin a hmuiah ka fawp thut a,min hnar bik hauhlo.





RODY VANLALHRUAIZELI POV


A mi fawh dan chu ahma ang maiin ala nuam reng, "Dave eng thil nge kan tih" kan inthlah hnuah kati sep a, "kan pahnih duh dan tak thil kan ti ani," atih chuan a mitah tak ka en a. "I nau bialnu ka nih hi" ka ti chu a mitmeng ah thinrim na ka hmu thei, "chuan ka naute nu inia,eng nge pawimawh zâwk i bialpa Arona nge i naute pa" ati chu thlan tur zawk ka hrelo,ni e ka naute pa hi ka duh zawk ngei alawm mahse thlêm awlsam tak anga lan ka duhlo.






"Duh min thlan tir suh Dave" ka ti chu a thaw ve hawk a. "Ka ning tawh khawp mai,i duh duh chu thlang mawlh teh," tih paha a din chuan "khawnge i kal dawn" Kati vat a,heti laiah keimah chiah a awm chu anuam ka tilo.






"I buai na tur a awmlo" tih pahin kawngka chu a khâr ṭhuai a,a chhuak chu ka melh zui ngawt ngawt ringawt.






DAVE ZODINSANGA POV


"Buaina i nei animo ṭhianpa" bar tender in atih chuan kabu nghut a,a hmel lah chu Mizo a ang phian a. "Min hrilh iduh em,ka pui thei maithei che asin hmeichhe lampang anih phei chuan ka hre lutuk ania" atih takah chuan ka en vang vang a,Mizo ni ngeiin ka hria.






"Ka fa pai reng chungin ka nau hi a bialpa ani tih min hrilh nawn reng hi ka ning khawp mai," ka ti deuh hrawk a. "Ehe!i fa pai tunu chu i nau nupui tihna maw" atih chuan kalu ka thing vut.






"An innei lo,an in ngaizawng ringawt" tih pahin ka hmaa zu chu ka in leh pawp a. "Anih chuan ngatinge i kalsan mai loh a" ati ve sup, "ka fa lo piang tur saw a pate'a tûrin a enkawl ka phallo," ka tih chuan "ava buaithlâk ve" Mizo ṭawng ngei chuan ati sup a.






"Mizo ini alaw!" Kati ṭhawt a, "ni e,ini zawk ami" atih chuan ka phun zui hluk a,mawl lutuk ka phone chu la in ka awmna bar aṭang chuan ka chhuak zui vang vang.






Kan hotel awmna ka thleng chu kan room aṭang a doctor leh nurse lo chhuah avâng chuan mak kati khawp mai,Rody hrechhuak thut in hmanhmawh deuhin ka lut a.A kutah an chiu na niâwm takin an lo bêl var a, "eng nge awmzia,i ṭha em Rody" hlauthawng zeta tih pahin a mutna lamah ka phei a.






"Ka ṭha,ka pum ana deuh a doctor ka koh mawle,mahse ka ṭha tawh" atih chuan a pum ka en ngial a.Ka hrethiam ve lemlo, "i chiang amaw,damdawiin a kal angai angem" ka tih chuan alu a thing vut a,ka ruih pawh a reh vek thei.






"I duh ang tak chuan ka kaltîr ang che Rody,ka bulah hian i hlim zo ve thlawt lo ani,naute nen a in hlim na tur anih phawt chuan Aizawl a kan chho leh veleh ka nau bulah in let leh dâwn nia.Ka bulah chuan natna leh hreawm na bak in tuar lo,hna aṭang pawn bang ang che" ka tih chuan a mengkawk a.






"Ka duhlo,Dave ka hmangaih tawh lutuk che ka duh ka thlang fel tawh asin,ka thlang zawk che hna aṭang chuan min ban suh engtin nge naute ka enkawl anga,Aron'a pawisa ringawt ring a awm chu ka duhlo" atih chuan a kutah Ka hmer salh a.






"Khatah kha chuan in buai a ngailo ang,thla tin sing nga kalo thun ziah ang,nangmah leh Bawihtei te in enkawl na turin" ka tih chuan mak tih hmel zetin min en a.






RIDY VANLALHRUAIZELI POV


"Tunge Bawihteii chu" ka ti deuh haw a, "kan naute" ati veleh sup, "mipa nge hmeichhia anih dâwn pawh a hriatloh a,Pathian chauh lo chuan a hrelo,hmeichhia iduh ami" ka tih chuan abu nghut a.






"Ka hrilh che kha,Rody keichu i tan ka ṭhalo,hmangaih na awmzia ka hrethiam velo Pathian chuan ka ṭawngṭai na a chhang ngei ang,hmeichhia ani ngei ang" atih chuan mak ti zetin Ka en,a ṭawngṭai ve ṭhin maw.






"I ṭawngṭai ve ṭhin ami" ka tih chuan "ṭawngṭai ṭhin,Bible pawh ka chhiar" ati hmuk a.A titau daih amawni, "Dave" tih paha ka khawih chuan min hnungchhawn daih zui a,a lian sia ava inhmeh lo tak kei tunah kum sawmpariat ka nia,ani erawh kum sawmthum pahnih daih ani tawh a,mahse a hmel erawh ala young reng a tlangval kum sawmhnih pakhat vel pawh inti tase ka awi tho ang.





**************


DAVE ZODINSANGA POV


Aizawl lama let leh tûrin jet ah kan chuang mek a,Rody pawh a muttui leh tawh khawp mai.Aizawl kan thlen hunah erawh kan kawng veve kan zawh tawh ang,mihrang ang hlak kan ni tawh mai dâwn sia,a tello awm chu a harsa dâwn khawp mai mahse a bula ka awm hian natna bak ka thlen siloa,chumi vanga ban pawh chu kani.






"Naute,min hrelo tih chu ka hria mahse ipa ka nia,ka hmangaih che a ka hmu chak tawh hle bawk che.Ilo pian hunah chuan i duh tinrêng kape ang che,inu hi ka hmangaih lutuk a in tan ka ṭawngṭai ve reng zêl tih hre rawh aw,in bulah awm thei dawnlo mah ila in hnunglam aṭang ka veng reng ang che u,inu hi harsat na lo thlen lo la,lo venghim tlat ang che aw inu hian ka hmangaih aia nasa daihin a hmangaih che ania,chuan nakinah kan inrem leh thei anih ngai chuan nau inei ngei ang" tih pahin a pum chu ka chûl ka chul a,ka rinloh deuhin naute chuan alo pet ve a,ka hlim takzet.






"High five itih ve na ami naute,inu in a hre palh hlauh ange,ka lama ṭang tûrin ka thlêm che amaw ati palh ang," kati sup a.






Ka ṭhut ṭhat hnu lawkah Rody pawh alo harh a,kan Flight tur a thui dâwn sia.Chawlh hahdam a mamawh rih viau asin, "ngatinge khatia min en a,i ṭhen sak sak reng a" tih pahin min rawn a.






"Engmah,i taksa kha ka hre chiang tawh lutuk,i serh neih na zawng zawng nên" ka tih chuan "teuhlo,ser ka neilo hrim hrim" ati ve ṭung a.






"Inei alawm" ka tih leh chuan "neilo" ati vin ve hlar mai, "i ser neih na lai chu ka hmuh dâwn che ami" ka tih chuan "i ngam chuan min hmuh la" ati leh hlar a,mi a cho ar ar mai bawk sia.






"Naute hian eitur a mamawh ve asin" atih leh tawh, "ngatinge naute pawh chu avir em em a,nichin lawkah thil kan ei zo chiah sia" thawk kala vang vang a, "sawi inei ami" minlo en paha atih chuan "neilo e,kapi" kati sup a.





Bâwng pum pawh a ei zawh theih ka ring,zing aṭang vawithum chaw mai bakah eitur chi hran hran a ei tawh.






A thil ei zawh chuan a tal a tal a, "a hreawm ami" ka tih rual chuan abu nghat a. "Lo kal rawh" ka tih takah chuan a seatbelt phelh in ka lamah alo phei vat a,ka mal chunga a ṭhut hnu rei vaklo ah a muhil zui nghal,a hreawm hmel em avang chuan seat chu ti awn in ka mut tîr a.





RODY VANLALHRUAIZELI POV


"Dave khawnge i awm" tih pahin ka mutna bul chu ka en a,tumah an awmlo lawks in keihi Arona in a ka roomah ka mu daih tawh maw,eng nge awmzia nichin lawk khan Dave'a bulah ka awm reng sia.






Dave'a hian min fiamkual mai mai tihna ami,ngatinge min kalsan leh si,ngaihdam min dil a ka ngaihdam hnuah pawh min kalsan leh ania,ka ngaidam thei tawhlo ang.Arona room lamah pheiin "Aron" ka tih chuan min chhang lawk lo,bathroom lama a tui herh haw ri ka hriat chuan a inbual anih ka ring.






"Aron" ring deuha ka tih leh chuan "ilo harh tawh ami Rody,ka inbual zo ṭep" atih takah chuan "awle,ka roomah kalo nghâk ang che" ka tih hnuah kal mai ka tum chu a phone ri ka hriat takah chuan ka ding dat a.






A rik tawp hman avâng in dah mai ka tum a,mahse message chuan ka mit ala em a dah talo chuan password a dah lemlo bawk nen ka hawng a. "Test chu a positive lo hlauh,mahse naute iduh chuan kan ti leh thei tho ania,Rody chu alo let tawh em a chunga kan thil tih tum hi duhlo viau mah ila tih a ngai sia,ka neih theih na tur che ani sia a chhuah hunah chiah i bulah ka awm ang,khawnge i awm hrim hrim kalo kal dawn" tih te ani nawk hlawm a,heihi eng nge awmzia ni ang a hming lah chu Rina tiin a save bawk sia Arona hi tuai ani tihna ami.






A phone chu Rina tih aṭang chuan call a dawng leh a,ka phu nasa lutuk.Mahse engkim ka hriat angai,call chu "hello bawih,ngatinge ka message i reply miahloh a,kan thil tum kha i ṭhulh leh ami i ngaihdan i thlâk leh tihna ami,ngatinge min chhan loh" ati sep a,a aw ah chuan Rinrini ngei ani tih ka hre thei.






"Aron min chhang rawh" lehlam ami chuan ati leh a,ka thinrim a hreawm kati bawk. "Awle,aṭha lawm min biak duh hunah minlo call leh ang che" atih hnuah call a dah a.






An in biak na ka chhiar thla zêl a,ka mittui a tling pam tawh. "Damdawi chu ka nei tawh a,a chaw ei tur ah i phul zeuh anga naute chu a tla mai ang,mahse lungngai suh amah chu aṭha vek ang naute chiah kha animai,naute a awm loh hunah i ṭhen anga" tih te ani nawk hlawm a,ka naute hi thah anlo tum amaw,he inah hian rei ka awm thei tawhlo ang.





Ka roomah pheiin ka in pack sawk sawk a,In rin nan hrim hrim chemtê lâk tumin choka lamah ka phei a.Areh duk mai,khawnge Lisa-i leh nu Ṭpi te pawh hi an awm vek,Dave'a bulah lah ka kal duh siloa,aman min duhloh mai bakah keipawh a chungah ka thinrim hrim hrim a.






Hmun tin ah ka zawng kual a,an awmlo ka hnunglam aṭang Aron'an min khawih chu ka phu nasa lutuk. "Bawihi in zinna chu anuam em" ati sup a,an thil tum ka hre vek tih hi a hrelo ani ngei ang,mahse tûnah rih chuan kan pahnih chiah kan nia lem chan ka ngai.






"Aṭha vek,mahse anuam em em lo,khawnge Lisa-i leh nu Ṭp-i te hi" ka tih chuan "ngatinge min zawh" ati leh sup a, "ka rilṭam alawm,chu mai bakah ka chhûngte ang mai an nia ka ngai ve reuh alawm" tih pahin ka en kal a.






"Imm englo.." atih chuan "khawnge an awm Aron" kati nawn leh sep a. "Ka ban" ati chu "engtin maw" kati nawn hap, "ka ban" ati veleh a. "Ngatinge i ban a,inu ang mai anni iti sia" ka tih chuan "min phatsan alawm,nangmah a hruai bo theih nân che ka u an pui a,ka chan tawh che amaw kati hman alawm" ati nghut a.






"Engmaw,eng nge i sawi awmzia,hna vanga zin alawm kan nih a P.A ka nia,min mamawh alawm" ka tih chuan "ka hria,mahse chan che ka hlau ani" atih chuan a rukin ka ner deuh sak,acting chu a thiam khawp mai.






"Ti teh,Aron min chan lo ang,ka bialpa inia chu mai bakah kan pahnih hian awm dûn tur a ruat alawm kan nih, khatiang khan ngaihtuah tawh miah suh," kati thei hram a,min rinhlelh ka hlau ve tho mipa fel tak ani khan ka hre sia.






"Aw ni e,i sawi dik ang ka thikthu alo chhe deuh mah mah ani" ati ve mai a,ni e mahse hetah hian ka awm reng theilo.An hlauhawm tawh tlat, "Dave chu i u ania,ka bulah pawh awm mahse hlauhthawn tur a awmlo,afel lutuk" ka ti veleh sep a.






"Chutiang anih chuan a lawmawm chu,mahse min thik tih ka hria alawm" ala ti hram a,kan chungchang a hrechhuak amaw tiin ka hlauthawng hman lutuk, "nula thar tur te pawh anlo thleng ṭep ang,Lisa-i te ang maia in innel leh ngei ka beisei" atih chuan ka nuilui sak a.






A kal hmaa min en dan chu ka rap reuh tlat,a chhuak chu ka enzui reng.Tun hi kalna hun tak ani,engtikah nge alo let leh dâwn tih ka hre siloa,ka bag chu la in hmanhmawh deuhin ka chhuak a.Taxi lo tlân hmasa ber chu phar in ka lut nghal a, "kapu khawngaih in heta ṭanga hla takah min kalpui tawp teh" ka luh rualin kati nghal tawp a,ani pawh chuan min hnial lemlo.



****************



"Mami,nichin aṭang kan tlan char char tawh a,khawiah nge kan kal dawn a tlai zel ania" taxi driver in atih takah chuan "restaurant hnai berah min dah tawp rawh" kati sep a,ka ril aṭam ve tawh.






Dave'an ka ac ah sing rûk lai alo thun tawh a,tûnah rih chuan khami pawisa khan kala awm ve naw naw thei ang.Pawisa ka pek hnuah restaurant ah chuan ka lut a,eitur chah in ka ei nghal mawlh mawlh.






Midang chu an chhûngte nên an hlim hmel hlawm takzet,kei erawh tûnah phei chuan ka naute chiah lo chu neih reng ka nei tawhlo.Anni chu in haw na tur an nei tal a,haw na tur in pawh ka nei ve tawhlo ania.






Midang haw vek hnuah pawh chuan kala ṭhu reng a "miss kan in khâr tawh dawn a,duh ila nei ami" hmeichhe chhelo zet mai hian ka hmaa lo din pahin ati sep a,a mitmeng ah chuan min khawngaih hmel lutuk,mahse khawngaih nih hi ka duh ngailo asin.





Kalu ka thing nghat a,mahse ka mittui tla chu ka dang zolo,mahni in khawngaih na ka neilo thei siloa.Ka mittui tla chu hru faiin ka in hnit feih feih a,ka bag lâk ka tum chuan minlo dang vat.






"Min sawipui iduh em Mami" tih pahin min en reng a,mifel tak anih ka ring.Midang zawk dawr a thawk chuan form an ha vek a,mahse ani chuan a ha ve miahlo.





"Haw na tur inei lo ami" a zawh na chu chhang lo in ka hawi sawn a,Dave'a te nên an inrual vel ka ring. "Tinge form i hak ve loh a" ka ti ta daih a. "Heihi ka pasal nên a kan restaurant ania,a neitu ka ni tihna anih chu" tih pahin a zungbun chu hlim tih hriat zet hian min hmuh tir a.






Hlim hle mahse a hlim na chu ka ṭawmpui thei rihlo, "ka tihpalh lutuk" atih chuan "a pawilo" kati sep a, "eng nge awmzia Mami,puih theih na che ka nei anih chuan ka pui ang che" atih chuan ka hnial hranlo,biak tur ka mamawh ve bawk a.






"Kan khâr tawh dawn a,ka rualin lo haw rawh" tih pahin ka bag chu ala a,duhlo viau mah ila kalna tur ka nei tawh siloa.Ka lamah lo hawiin akut chu alo dah phei a,hrethiam lo mah ila kalo vuan ve tho, "Mellisa'i ka nia" atih takah chuan "Rody" kati ve vat a,anui sang mai.






An in kan thlen hnu chuan engkim ka hrilh ta vek a,a pasal nên awm mahse fa anla neilo anih hmel. "Lungngai reng reng suh aw Mami,kan inah hian i awm dâwn nia" ati sep a,a pasal alo la haw lo a ka awm ve hi a duhlo angem "kum engzah nge inih a" atih takah chuan "sawmpariat," kati vat a.






"Ka fate rual vel lek inih chu,i u ang in min en la,inthlahrung reng reng suh aw" tih pahin ka pum chu a en zeuh a.Ka pum a puar ve ak tawh sia,a lam ka hawi chuan min nuih leh var var.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)