Expecting The Unexpected 14

Episode kal lai dah luhna

Moderator: writers

B.laltlanhlui
Posts: 167
Joined: August 30th, 2023, 7:41 pm

Expecting The Unexpected 14

Unread post by B.laltlanhlui » June 11th, 2024, 4:34 pm

Lettu: B. Hlutei

EVELINE KNIGHT

Rose i'n a delete fel hmaa ka biak buai a ngai ang. Office ah chuan rawn hawi tawh lovin a lut a, ka hnung ah ka zui ve zel

A ding hlut a, pen thawm a hriat vang a ni ber ang chu, a rawn lehhawi a "Eng nge i duh Ev?"

"Ti nge tiang hian i awm? Coffee ka siam loh vang maiin i ti tau vel a" thusawi tur ka dap a ngai sia, hei chauh hi ka hriat chhun a ni. A phone a phawrh a, a hawng ṭep a ni. KA HAWN TIR THEI LOVANG

Phone chu ka chhuhsak vat a, min rawn en a "Ka biak mek che hi! Min hre lo der thei lovang"

"Hna thawh i ngai lo em ni?"

"Ngai e mahse min chhan phawt a ngai"

"Tunah tak hi chuan tumah ka be chak vak lo. Ka phone kha min pe leh vat rawh" min rawn chhuh a tum a, hnung lamah ka thukru leh a

"Aih"

"Ev"

"Eih ah"

"Min pe rawh"

"Aih"

"Min pe vat rawh ka tih chu Ev"

"Aih" Kan lo indin hnaih leh tawh hle tih ka hre chiah. Office dawhkanah ka ṭhu a, ka ban theihtawpin ka phar a, phone a ban fuh theih loh turin! Ani lahin min rawn ngheng tawn tawn a

"Eng nge i buaina ber chu? Office ah hian i duh hun hunah i rawn lut thei ngawt hleinem"

"Ka thei alawm. I nupui ka nih hi. Chutiang tih theihna chu ka nei bawk" ka la che sawn duh miah lo

"Nang-" a ti leh chiah. Aw thian kharh ri kan hria a, kan hawi phei chuan Rose a lo ding reng. Xander chuan kan din dan posi chu hrechhuak thut in a coat suit chu a siam ṭha nghal mawlh mawlh

"In hun ṭha neih ka tihbuai lawk che u a ngaih avangin tihpalh. Mahse Ev hi ka hruai lawk thei ang em khawngaihin" Rose chuan a mitmeng in a zawh tawh thu a sawi a, dawhkan aṭang chuan ka tho a

"Kha le, i phone! Mangṭha Xander" ka nui seih a, min rinhlelh hmel lutuk. Ka nui ker ker a

"Kal ang le Rose" kan chhuak fel ṭep tih in Rose chu tlan let in Xander chu a kuah vawng vawng a

A hlau hle anih dawn hi

"Ka hmangaih che Alex. Ka hmangaih che"

"Hey i ṭha em? Eng thil nge thleng a? Rose min han en teh! Eng nge ni?" Xander chuan a ngaihtuah hmel takzet. A kuah let ve a

"Thil thleng engmah a awm lo, ka hrilh duh mai che ania"

"Tak tak em?" A tih chuan a bu nghat a

An duhawm dun reuh lutuk

CASSANDRA DIAZ

Evan chu ka kai hnak hnak. Mak a la ti hle tih pawh ka hria. Alexander Company pawnah kan ding a

"Evan" min chhang lo

"Evan" min la chhang chuang lo

"Tinge hetianga i awm?" Ka sawi vak vak a

"Eng thil nge i rawn tih chiah kha?" A rawn ti a

"Ka va lawm em! I rawn let leh ta"

"Min chhuahpui i duh maw?" A rawn meng de sawr sawr a

"Ka sawi chhan te chu Alexander hnenah engkim i sawi loh nan anih kha, thudik a ni hleinem"

"Ka awih zawng a ni lo"

"I buaina anih tawh chu" a mitah pawh ka en ṭha ngam lo. Min aikaih leh dawn tlat

"A ṭha e, i la inchhir dawn ania aw"

"Eng nge ka inchhir na tur?" Hrethiam lo deuhin ka zawt a, Company chhungah luh a tum a, ka bo telh telh

"Khawiah nge i kal dawn?"

"Alex engkim ka hrilh dawn"

"Ngawi teh ding rawh. I ti thei lovang"

"Rawn tum chhin ta che bawihte"

"Tawp teh. Evan, Alexander a'n Rose a huat i duh em ni? Khawngaihin Evan"

"A ṭha alawm. Min chhuahpui i remtih chauhin ka sawi lovang"

"Anih chuan min blackmail tihna a ni maw?"

"Ni mai e" ngeiawm deuhin a nui suk a

"Evan Black, i na lutuk mai ang"

"Min tina lovang. A chhan chu maw min duh tlat alawm Cassy" a rawn kun hniam a, ka beng bulah phun sup in "Chuan Cass, min chhuahpui chu i peih dawn em
em? Anih loh chuan Alex ka hrilh vek dawn ania

Rum deuhin ka melh a, a nui mai mai. Tichuan ka ngaihtuah ta a, 'ani ang chhelo leh hmelṭha bawk chhuahpui chu a pawi lem dawn a mi?' Tiin

"A ṭha e. Mahse Alexander hnenah engmah sawi loh i intiam a ngai ang" ka ti a, a bu nghauh nghauh mai

"Chuan naktuk zan dar sarih ah ka rawn lam ang che, i lo inpeih dawn nia" a ti a, ka biang a sen ṭawn ṭawn mai. A nui chhuak leh hak a, Ev leh Rose pawh an rawn lang ve leh chiah

"Engkim a fel vek em?" Ka ti a

"Aw" Ev i'n min lo chhang a

"A va lawmawm em"

"Rose kan inbiak a ngai" Evan a'n a tih chuan Rose chu a va hawi a "Blake i hmangaih tih chu ka hria. Mahse hre tel tura ka duh che chu Alex leh Blake inkar hi a ṭha ngai dawn lo"

"Pakhat i thlan chuan pakhat zawk i thlauh thlak a ngai. Alex chu ka hrilh lovang mahse kan thup theih loh hun a la awm ngei dawn si a" a ti a

"Evan eng chungchang nge sawi i tum le?" Ev i'n a lo zawt a, Evan chuan thawk a la halh

"Blake hi ṭhen mai rawh Rose. Kan vaia ṭhatna tur zawk a ni"

"Eng thil nge maw i sawi le?" Evan chu ka lo zawt ve bawk a

"Kan chingfel thei mai ang. A thleng kher nang. College kan kal lai pawhin harsatna kan su ho dial dial ṭhin alawm. Kan ti thei em em ang" Ev i'n a lo ti a

"Ni love in thei lovang. Kei ngei pawh hian ka haw lutuk ania. Theih phei se chu thah hial ka chak zek zek"

"Alex pawhin a huatzia hi i hrethiam kher lovang. Chuvang chuan Rose ṭhen mai rawh. Anih loh chuan ka hrilh mai a ngai ang e"

"Ka ṭhen tawh alawm" Rose chuan hnuai lam a melh a

"ENG A?" Ev nen kan au rual ṭhawt

ROSELYN KNIGHT

'BLAKE A OFFICE DARKAR LIAM TA MAI AH KHAN'

Chanchinthar a kan hming chuanna kan paih fel tir hnu chuan kal mai ka tum a, Blake chuan min pawt let a, hnung lam aṭang min rawn kuah a, ka dar ah a lu a nghat a

"Ka tihpalh lutuk. Media te kha ka lo ngaihtuah thleng lova"

"A pawi lo" ka ti zawi raih a, min her kual a, hnuai lam la melh tlat in ka ṭap a

"Hey, ka tihpalh lutuk ania. Hetiang em em hian buaina a thlen ka ring lova, Rose min en teh" ka khabe chawi kangin ka mitah tak a rawn en a

"Ṭap tawh lo teh. Hetia ka hmuh che hian nuam ka ti lo ania, ka-"

"Inṭhen mai ang Blake" ka biangah mittui a rawn dir zawih zawih a

"Eng a? Ni lo, Rose. Min ngaithla phawt teh. A thleng tawh lovang tih ka tiam a che. Vawi khat chiah hun min pe leh rawh"

Ka lu ka thing a "Ka thei lo, tihpalh lutuk ka hmangaih che. Mahse Alex hi ka chan thei lo a ni"

"I chan dawn hleinem Rose, ka be fel mai ang. Tiang chuan ti suh. Min kalsan suh"

"Ka duh bik lo. Mahse kawng dang ka hre tawh lo. Alex a'n kan inkar a remtih hma chu ka hmu che in ka be tawh lovang che. Tihpalh"

Office aṭang chuan ka tlan a, hnung lam aṭanga min rawn auh pawh ka hria, mahse ka ding tawh lo

PRESENT DAY

"I thinrim em? Engemaw kan ngaihtuah mai dawn nia. Tinge chutianga i tih le?" an vaia ka hrilh hnuah Ev i'n min zawt a

"Ni love Ev, engmah tih theih a awm lo. Alex a'n Blake a huat zia ka hria. An inkar ah hian thil thleng chu a awm alawm. Mahse ho te a an chinfel theih ka ring a, ka lo ring sual let der a ni"

"Alex hi ka nu leh pa awm loh a min enkawl ṭhin tu anih avangin ka zah lutuk. A thinlung ka tihnat sak thei lovang. Engtik niah emaw chuan a pawm ve mai ka beisei anih loh pawh in Blake kalsan pawh ka huam zawk" ka inhnit feih a

"Rose" min rawn kuah a

"Tinge an buaina hi an chinfel mai theih loh le?" Lo kuah let ve in ka ṭap hawm hawm a
________________________________________

EVELINE KNIGHT

Choka stool ah ṭhu in zanriah ka lo ei mawp mawp

Minute sawmthum hma lam ah kha chuan ka puah mai mai ang vel a ni

Ti nge a sual thiam em em le? Tinge Blake a huat tlat bawk le? Ka haw reuh tlat. Vawiina Rose thinlung nat zia mai kha! Khatianga hmuh leh chu ka duh tawh lo

Ka ei zo thei hlawl lo. Stool aṭang tho in swimming pool lamah ka insawn a, ṭhutna dup deuh ah ṭhu in ka hawi vel mai mai. Kawngka inhawng a, inkhar leh ri ka hria a, a rawn haw anih ka ring ve tawp

Ka ngaihven dawn lo. Zanriah a ei zawh hunah inchung lamah a chho leh tho ang. Che sawn lem lovin ka awm ngaiin ka awm reng

"Ti nge i ei zawh loh?" Ka hawi phei a, Xander chu sweat leh tshirt ha in a lo ding reng. Lehlam ka hawi hmak

Ka thin a la rim tlat. Min rawn kal hnaih a, ka hmaah rawn dingin "Zawhna ka zawh che chu" a ti a

Min awmtir mai mai a tum loh hmel khawp mai. Ka ding thut a "Ka ei chak lo" kal mai ka tum a, ka banah a lo chelh a, min en lah in hnuai lam ka melh tlat

"Thil thleng a awm em ni?"

Ni e thil tam tak a thleng. Chu pawh nangmah vang vek

"Engmah a ni lo" ka lu ka thing a

"I luhlul tih ka hria, awlsam takin i sawi duh ka ring lo. Mahse zanriah chu ei zo phawt rawh"

"Ka ei chak lo ka tih chu" choka thleng min pawt a "Min awm tir mai mai rawh Xander! Ka kut hi thlah rawh" min vawnna nghet tak aṭang tal chhuah ka tum a

"I DUH TAWK THEI TAWH EM?" Min vin ṭhak a, a thin a rim ve hmel takzet. Tun ṭum chu a thutak deuh run mai. Ka ngawi reng a, engmah sawi lovin chil ka lem khawlh

Ka hlau ve angreng khawp mai. Choka kan thlen chuan a ding chawt a, hetih chhung pawh hian ka hawi chhuak miah lo

"Ṭhu la, ei ṭan rawh" a aw ki ah pawh chuan a fiamthu mai mai lo tih a chiang. Ka lu ka thing a, a thaw chhuak leh halh mai

Ka kawng ah vuanin min chawi kang a, choka dawhkan ah min ṭhuttir hmak. Ani erawh stool ah ka hma takah a ṭhu a, ka chet sawn theih loh nan min dang bet tlat

Fian chuan eitur chu a suak a, min barh a tum a, tih thinrim belh ka duh loh avangin ka lo ang a, a vaia min eitir hnuah ka chet sawn a la phal lo

A ei ṭan ve leh a, plate a seng leh thlap hnu chuan chhuk ka tum a "Lo la awm rawh" a ti a, milim ang maiin ka che miah lo. Rawn let leh in ka kawng ah vuanin min hlang thla a

****

Chhunzawm tur



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)