CHAIN ROMANCE Chapter-28

Episode kal lai dah luhna

Moderator: writers

Christy love
Posts: 30
Joined: May 27th, 2024, 8:33 am

CHAIN ROMANCE Chapter-28

Unread post by Christy love » July 9th, 2024, 11:48 pm

CHAIN ROMANCE
(Mafia romance)
Chapter-28
By
Christy




Ka bula mipa lian zet mu chu ka en reng, ka kut chuan a harh leh harh lo kan fiah leh hmasa phawt a. Tunah hian a bula awm reng chakna ka nei a, a ban lian tak kham reng theia awm ka chak takzet. Mahse hlauhthawnna lian tak ka nei thung a. Ka lak atang hian eng thil zat chiah hi nge zep a neih ang le tih ka ngaihtuah a, rin mai leh a bula thlamuang taka awm hi ka ngam mai bik tlat lo.


Tuna ka mi hriat hi a bul chauh a ni anga hriatna ka nei a. Ka hlauthawng ve em a ni...kan hma hun tur ka ngaihtuah tel lo thei si lo a, ka fate enkawl sei lian tur hian ka duh chiah em tih pawh ka hrelo a ni.


A hmai chu ka tawk da da a, hlauhna mi petu a nih piah lamah hahdamna mak tak min pe tel bawk a. Thil mak ve tak chu a ni. Min tiduhdah em em tu hi ka duh tlat mai a, ngaihtuah chian chuan a nuihzatthlak zawk viau ka ti lawi a.
"Eng chen chiah hu nge ka lak atang hian zep i neih ang le? Police ka mantir mai dawn che em ni? Ka fate min enkawl pui tur hian i tha ber chu ka ti hauh lo. Mahse nun fel leh tha kawngah hian min hruai pui thei angem le?" Ka tisup, ka mittui a rawn hnam leh tiam tiam tawh.


Misual pawh hotu ka duh meuh mai sia, tawrhna hi ka hma chhawn tam viau angem tih ka hrelo a ni. Tunah rih hi chuan natna emaw buaina dang hmachhawn tur hian chakna ka nei tawh lo ani. Ka rilru buai bawk si chu ka thaw leh hak thin, tuna tan chuan rilru tihhah ka duh hrih lo viau bawk. He hahdamna hi chen ka chak hrih a ni.




"Creep a tih chi dawn em ni? La awm hrih rawh se, in a inenkawl mai ai chuan a tha zawk" ka ti lawm lawm a, min nuih mai mai duh chauh. Vincent hruai chhuah an tum a, nizan hmasa ah a harh chauh a, hruai chhuah tul ka tilo lutuk. Eng ngaihtuahna hi nge an neih bik thin ni.


"Boss pawn a duh zawk alawm, in lamah kan doctor in a enkawl dawn alawm. Hlauthawng duh chu nurse pawh a hranpa a neih angai lo ang. Stella a awm alawm" a tih sam et chuan ka hawi â lol lol hi ni tawp. Stella hi nurse a ni reng reng lo, chutiang han inenkawltir ngawt pawh chu thil tih chi pawh nilo.


"Kei chuan ka enkawl dawn Miah lo che nia...i thuin i chhuak a, nangmah bawkin i tuar vek ang. I bulah pawh ka awm tawh lo ang a, ka mu tawh dawn bawk lo. I hria em??" Vincent en kar pah chuan ka vo titih a, a mit chu a rawn kan auh ringawt. Ner vakin room atang chuan ka chhuahsan hmak. A duh duhin awm rawh se, thil te hi han sawi ve mah ila awmzia a nei ngai lo reng reng. Engah mah hian min ngai tak tak lo ni berin ka hria.


Car passenger seat(hma lam) ah chuan ka thu tau hmak, an rawn inkuah chhuak lawp lawp mai. Luhlul lutuk mai, ka ve dawn lo reng reng.
"A hnungah rawn thu rawh" tukverh bula dingin a rawn ti a, thu minla pe zui...ka van awih awm chuang lo e aw...


"Ka thusawi pawh i awih chuan loh kha, in en liam mai mai ang" ka tihap, mahse amah pawh ka melh tawh chuang lo.


"Ka pawm chhuah hma chein rawn chhuak rawh" a aw a ring tan ta viau mai. Ka hlau eih lo...


"Ka hlauh che ring suh, rawn chuang mai rawh. I chuan duh loh chuan kan kalsan mai ang che. Creep kal ang le.." ka tizung zung a, Creep pawh chuan engine a rawn on ve vut a, ka nuih suk. Vincent pawh a beidawng ta a niang, a thu ve ta hnu hnu mai. Mahse Christ in a thutpui tho.


An boss hi chu an tan ve a nia aw, ka ning lek lek zel zawk. Hmani a thil thleng vang pawh khan an na ti hmel pawh ka hmu eih lo reng reng. An khem ve nuaih tho a, mahse an tuar chhel viau ah ka ngai tawp tawh. Mi â awm khawm hi ka tilo theilo thin.




In kan thlen chuan ka chhuak nghal vut a, inchhung lamah ka lut nal nal bawk. Ka be peih lo, ka thu a awih lo thin hi hrem ve deuh angai ta in ka hria. A thatna tur ka sawi a, awih duh chuang bawk silo. Zilh fin theih si loh chuan ka awmdan atang ka lantir mai ang.


Zan lam dinner ei na ah pawh chuan ka ngawi ngal a, a kal tha thei lo bawk a, remchangah ka la ve tlat thung. Ka che vut zel a, ani pawh a inring hman ngai lo reng reng. Creep ten min lo nuih leh huk zel a, an boss lah hian alo melh ngur tawh mai thin bawk sia. An nuihzatthlak lek lek zawk mai.


Austin roomah ka mu a, min ko miah lo chu mak ka tizawk hial. Mahse a rukin ka ngai reuh lutuk, mood swing ka nei nasa ve bawk nen...ka mood hi a dang hlawk hlawk zel. Zanlai rik tepa mut ka tum chu ka phone a rawn ri a, ka en chuan Vincent a ni, ka nui sak.
"Enge?" Khirh thei hmel tur ang ber hian ka ti a, ka lungawi lo tih hria se ka duh ve reng bawk.


"Ila titau reng ami?"


"Ka titau reng reng lo...tuin nge ti?" Ka tideuh hmak, mahse min rawn phone chu ka lawm em em tho bawk sia.


"Lo phei la...ka dar hi ana reuh lutuk a"zawi sup hian a rawn tive leh a, ka hlauthawng tan ngei mai.


"Doctor call ta che... doctor kan nei i ti a ni lawm ni?" Ngaihtuah loh hmel deuh hian ka chhang a, a thaw hak ri chu ka hre thei.


"Nangmah alawm ka duh che...ka chak lohna i ni ka tih kha chuan chakna min petu i ni bawk" a thusawi vang chuan ka nghilh dup mai. Chhan mai nachang pawh ka hre leh mai tawh lo.


"Ila awm em?"


" Ahh... doctor chu call mai la" ka tihap, ka hmu ngam leh tawh lo.


"Ilo phei dawn em?" Van hahthlak tak, call mai tur nia. Aw tiin ka chhang a, mahse peih lo tak ka ni tawp. Ka hreh ngawih ngawih tawh mai.




Room chu ka hawng da da a, khumah chuan alo thu kur mai. Ka pan phei a, ka melh no lo teh e...ka zak chem chem bawk.
"Min tibuai suh ka tihche kha...ninawm" ka tihman tawk, ka banah vuanin khum lamah min pawt a. Zangthal zawng in ka mu leh der tawh. Awiii min dim ngai bawk silo, naute dim ve angai tih ka hrilh mawlh mawlh sia...over thei lutuk mai.


"Ka ngai che" tiin a awmah min kuah hlu hlu a, ka nem leh tan der tawh. Mahse ka tlawm mai mai bik dawn hauh lo.


"Ka ngai ve lo che...min thlah la, i tha anih kha...mu rawh" ka ti tan tan a, ka che char char bawk. Min la kuah nghet em em zui lehnghal a.


"Ka ngai che alawm" a tithawp sup a, ka ngawi ka reng. Achang hian naute ang maiin a awm a, a chang leh a rum leh em em ang lawi a. Mize pahnih a neih miau vang anih hi ka hriatthiam theih ngai loh.




Vincent awm ah chuan ka bei hle hle tawp a, hahdamna mak tak ka nei bawk a. A nuam ma ti, hetiang hian awm reng thei ila ka tive takzet.
"I lungawi lohna ber sawi la" a rawn tih chuan ka hawi chhuak vut, a mit a chhing tlat thung a.


"Ka thusawi hi engah mah i ngai ngai lova...i duhdan ang chauhin i kal thin. Min ngaihtuah ve tak tak ngai miah lo" ka ti a, a mit a rawn meng ta chauh. A mit pawl ram chuan ka mitah min en ve ran a, ka zam tan ve ta deuh


"Kan nihna i hriat chian kha... hospital a kan awm reng chuan buaina kan tawh phah zawk ang" a tih chuan tlem in ka hrethiam ve ta deuh. Mahse vawiin ka lungawi loh lai te jhan min hrilh chian ve thin tur a nia, a ngawi ngul zel a.


"Ka lakah hian eng tianga tam nge zep i neih ang le?" Beidawng zet chuan ka tisup, ka ring thei lo. Ka duh ngei a...mahse amah rin hi harsa ka ti.


"Tam tak a awm...mahse i hriat ve atana tha lo leh tullo a tam a"


"Hriat ve kher ka phut chuang lo. Mahse thil reng reng hi a awmzia te min hrilh ve hmasa thin la. Thinrim miah lovin hun ka hmang ve mai tur a nia"


"Ka hria alawm..." A tisup, ka tawng zui tawh lo. A awmah chuan ka hmai ka phum nghal zat. A taksa lumna chuan min ur ham hma reng mai chu a nuam takzet. Tinge mipa hi an lum em en bik thin le? Khaw vawh viau lai pawh hian an lum em em reng zel a, an thutna hnua thut te hi nuam ka ti thin.


"Keipawn chhungte ka nei ve alawm" a thusawi ka ngaithla tih a hriat nan a pum chu ka thai neuh neuh reng bawk.


"Unaunu leh nu ka la nei" ka hawi chhuak vut, alo thutak run mai.


"Enge awmzia..!!?"


"Ka nihna avang hian ka bulah ka awmtir thei lo, an tan a hlauhawm lutuk. Nang leh Austin ang tho hian an himna ka ngai pawimawh a, ka hmangaih bawk" a sawi pah chuan a nui suk suk reng, a thutak ang aiin a hnel hmuh a nuam.


"Chuan..."


"I hmu ve duh em?" Ka lu ka bu rang ngei mai. Chhungua a nei miah lo emaw ka tia, thinlung a nei ve tih pawh ka proof ve leh ta e. Vincent chuan min lo nuih suk a, ka chalah a rawn fawp nghal zeuh. Ka thinrimna te kha a bo vek maiin ka hria.


"Chala fawh hi enge a entir i hria em?" A ti a, ka bo ngei mai. Infawh mai mai in enge entir vak se a tih. Ka bo hu avang chuan a thaw leh hak tawh. Ka hrelo a ni ve mai a, han thawk kual vel. Thaw suh tih mai ka duh hial a ni.


"Forever a entir a, chatuan a bo ngai lo tura kan ngaihhlutna entirna a ni. Kan bula awm reng tura kan duhzia lantirna a ni bawk" a thusawi vang chuan ka tim dai mai. Hetiang thu hi a sawi tam lo, a sawi ve chhunah chuan ka zam thei lutuk.


"Ka hria e...mu tawh ang. E...chuan i nu leh unaunu chu ka hmu ve duh a nia. Austin pawn..." Tiin mu turin ka insiam rem a, ka tawng tawh lo. Ril deuh deuh a thu a sawi hian ka zam thin. Ka thin a phu rang thei lutuk, ka tha a khur ru der der zel. Chu chu hrehawm ka ti.




Zing ka harh chuan ka phone ka ban nghal zat, ka tih dan thin ziah a ni. Thawh hi tunlai chu ka harsat a, ka phone hi ka ban nghal chawt zel. Peter message alo awm a, ka en chiah a phone call a rawn kal nghal a. Room ka en kual chu Vincent alo awm tawh miah lo, call chu ka chhang vat.
"Hello.."


"Claire kan ruahmanna anga thil a kal loh takah chuan finfiahna kha min pe rawh. Hei chiah kawng kan nei tawh" a rawn ti a, min rawn la be ngam zawk hi ka ti. Kei leh Austin kha min kah a tum kha nia...ka hrelo emaw a tizawk a maw ni???


"I thawhpui ka ni hleihnem...kan thawh dunna chu tihian tawp rawh se. Ka fapa i khawih dan te, ka fapa nena min kah i tum dan te...engkim ka hmu vek. Ka pui thei tawh lo che. Tihchhiat i duh leh nangmahin bei rawh. Kei chuan ka pui dawn lo che. Ka ten lutuk che. Mi tha angin ka ngai che a, ka ring em em che. Mahse nang chuan tawktar tak tak atan min lo hmang reng a. I tenawm lutuk, mihring pawh i nilo" ka ti nghal tan tan a, ka thinrimna thup buai ka tum lo. Ka hua a ni tawp mai.


"Hah...tuna min bansan leh theih mai i inring em ni? Vincent kha i thil tih zawng zawng kha hriattir i duh em ni?" Min la vo ngam nia, zahpuiawm lutuk.


"Min vo reng reng suh...i duh chuan hrilh la, ka hlau hleihnem. Keipawn police officer emaw secret agent i ni ngei tih proof na nei turin ka lo bei ve ange" ka tilet ve er. Lehlam ami chu a rawn nui nghal hak hak. A nuih aza thlawt lo tih a hriat lutuk mah mah


"Min beih i thlang zawk tihna a ni maw? A tha alawm..enge ka tih theih chu ilo en dawn nia. Kha finfiahna kha ka kutah nge ala awm ang. Chuan ka tichhe vek ang che u" a ti chang fak mai. Ka thinrim tawh bawk si chu ka off ta hmak. A duh apiang chu tirawh se...ka hlau eih lo. Vincent hi amah hneh emaw buaipui tur chuan a fing tawk lutuk.


Hmani a min rawn chhan ni pawh khan kan awmna chhungah khan tumah an rawn lut lo, oh... Christ leh Kevin chu an rawn lut. Mahse silai mu tam zawk kha chu chung lam atang leh hma lam atang a rawn lut a ni. Ruahmanna nei sa tih a hriat lutuk. Chuvang chuan Vincent ah hian ka inghat tawp.




Ka infai fel zo chiah chu room chhungah Christ alo lut a, inhnuai lamah Vincent in min nghah thu a sawi a. Enge maw tih a tum leh tak ni?? Ka cardigans ka hak hnu chuan inhnuai lamah ka chhuk a, Austin pawh chaw an lo barh mek bawk. Min hmu chu min lo nuih sen sen mai. Vincent chu a thutna ah alo thu ran tawh a, tshirt var hain silver chain nalh zet mai hi a awrh a, a kekawr erawh ka hmu thei lo thung. Hah...ka va enchiang tak
"Morning" alo tivat. A hmel hmuh a nuam hle mai.


"I va that tawh hmel ve"


"Italy lamah kan kal dawn" ka chaw ei lai ka hak teuh kher mai. Thil hi a ti thut thut zel a, tunah pawh dam kawr chauh ala nia...han zin nghal te chu a awm lo ve deuh chu ni...


"Ee...enge kan tih dawn? Ila dam that loh kha" ka ti a, min nuih liam mai mai nih chu. Nizanah thil inhrilh chian ve tur ka tizo chauh a, zawm leh chuang miah nang.


Tum buau in jet ah chuan ka chuang a, Austin kan hruai ve lo pawh chu ka lung a awi tawh thlawt lo. Kan tih tur ka zawh leh a sawi duh bawk silo. Khamawm lutuk mai. A bulah hian a lungawi rei theih loh reng reng.
Ka taksa chu a kang deuh lawp a, ka mit ka meng nghal riai riai. Min pawmtu chu Vincent a ni.
"Khawnge kan kal a?" Harh chiang mang lo chuan ka ti a, Creep aw ri pawh ka hre nghal zat alawm. Car chhungah hian min thuttir a, min dah ang ang chuan ka awm tawp mai. Dar zat ka en chu zing dar 9 a pel fel chiah. Darkar 14 vel zet kan thang a, a ninawm ngei mai.




Car a din fel hnu chuan kan awmna hmun chu ka en a, farm a ang zawk mah. Hmun hring mawi tak mai a ni, min tihahdam sawng sawng thei mai. Thli te lah chu a thiang bawk si a, a nuam ngang mai.
"Kal ang le" tiin Vincent chuan ka kutah a rawn kai a, ohhhh...in mawi zet alo awm reng alawm. A hlui ve deuh tawh hmel a, mahse a mawi lutuk. A bul vel chu thingin a hual a, pangpar nalh zet zet pawh a tam mai. A chhung ka lut chu ka ang phuau mai. A nalh lutuk. Hei.. aesthetic an tih ang tawp hi a ni mai. A zau hran lo, mahse mihring mamawh chu a kim vek mai. Leihlawn a awm bawk a, engkim chu duhthusam a ni tawp mai.




Bathroom tih hriat lutyk atang hian nu pakhat hi a rawn chhuak a, min rawn hmu chu a nui nghal sen sen mai. Nu duhawm tak a ni.
"Ka fapa...min rawn tlawh lohna a rei ta hle mai" a rawn ti mai chu ka â leh ta huih mai. Vincent nu maw...awiii an inang lo lutuk. Mahse an mit pawl ram atang chuan nufa an ni tih chu hai rual a nilo. Vincent chu a rawn kuah a, ka lo en reng tawp mai. Vincent hi chuan mi hi a surprise reng mai anih hi.


"Oh...nula pawh kan hmu ve ta alawm" tiin ka lam a rawn hawi a, an mizia inan lohna chu ka mit la tu ber a ni leh ta. Pakhat lah a nelawm em em a, pakhat lah a sual leh em em bawk a. Inang lo tak a ni.


"Chibai le..." Tim dai hian ka ti a, min lo nuih sen sen reng mai.


"Claire i ni ngei ang tiraw??? Ilo kal chu ka lawm hle mai" ka hming a hria chu mak ka ti leh em em tawh a.


"Ka hming i hria maw??!!"


A rawn bu ta nghauh mai. Nu lian lam a ni a, a la tar chhe lo. A mit a pawl ram a, a hmeltha reuh em em bawk. Mahse Vincent nen chuan hmel ah inanna an neih miah lo thung
"I chanchin hi k hre ta fo mai. Ka fapa nuna i rawn lan avngin ka lawm hle mai. In lo kal leh hunah chuan Austin pawh in rawn hruai ang a tiraw?" A ti a, a aw chu hriat a nuam ngei mai.


"Titeh ka nu...i monu hi mi zakzum tak anih hi" Vincent chuan a rawn ti a, a abanah ka beng nghal pawp. Sawi kher angai miau lo.


"Ka chau ka mu dawn" tiin a kal zui daih a, anu nen chuan ka en tawn ran mai. Ka zak lutuk....i monu han tih chu ngaiah neih a har khawp ang.




"Ka huai te hi enkual i duh em? Thlai lawh theih tur pawh ka ngah a nia. Rawng pawh kan bawl nghal ang chu" a ti zung zung a, a hming pawh ka hre silo. Chhan vak ngaihna pawh ka hrelo.


"Aw..ka va â tak... Vincent chuan a sawi leh tawp lovang. Ka nu min ti la ka duh a...chuan...ka bulah chuan zak lo la ka duh bawk. I nihna ang khan lang tawp rawh. Doris ka nia, chuan i pa hi a boral tawh a, Hamet tiin kan ko thin" a thusawi mal tin chu chhinchhiah tumin ka ngaihthla chiang ngei mai. Zak loh theih hek loh. Vawi khat inhmuhna te a ni ve a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)