STILL WITH YOU 28

Episode kal lai dah luhna

Moderator: writers

Maam J
Posts: 29
Joined: December 27th, 2022, 4:26 pm

STILL WITH YOU 28

Unread post by Maam J » July 10th, 2024, 3:09 pm

Sora pov.


Ka hma a Jungkook rui a mu chu ka en reng a.

"Mahse oppa engtin nge a nih theih, Jungkook pawhin...." Ka sawi zawh hma in
"ka hria lawm i sawi tum chu, Kook pawh in a tir ah kha chuan i rin ang chiah khan a ring alawm, chuvang ania a in thiam loh a, khang hun chhung pawh khan nang hmu ngam lo che a pehhel dan ringawt che a zawn" Yoongi chuan a ti a.

Ni e, khang hun khan min be duh lo in min pehhel reng a, vawi engzat nge keipawh in ka lak ah a lungawi lo em ni tia zawh na ka in zawh fo anih kha.


"Mahse engtin?"


"nie kha tia thil a thlen khan kei leh hobi chuan Lisa kha kan chhui ru a, a kalna hmun leh a chet tlat na zawng zawng, chuan rinhlelh kan nei ta a, vawi khat chu club ah chuan hobi nen chuan kan hmu ta a, Mipakhat kingdom neitu te fapa nen khan an awm dun a, chu chu kan chhui Chiang ta zel a, Kingdom neitu te fapa thian te chu a ruk in hobi nen chuan kan be Chiang a, Lisa nen chuan an lo inkawp ngei a, chupa fa chu Lisa chuan alo pai a, mahse Kingdom neitu pa ber chuan Lisa chu lo duh lo in Lisa nen chuan a in then tir a, Lisa chuan mahni a fa enkawl chu a thei dawn lo tih a hria a, Jungkook kha alo hmangaih ve bawk nen, tikhan remchang ah la in Jungkook chu a hrai rui ta a, Jungkook mutpui a Jungkook fa ang a lan thei tur in" Yoongi in a tih chuan sawi tur ber pawh hre lo ka ngawi dak a.
mins rei fe ka ngawih hnu ah tawng chhuak in

"Mahse Yoongi shiii ka hua ni, Lisa naute pai kha a fa pawh lo nilo mahse engtin nge Lisa in a ringhlelh tur a awm theih? Enge maw thleng chu a awm tihna a nia" ka mittui tla chung chuan ka la ti hram a. thudik hre mah ila Lisa nen a an in biak dan te ka hmuh thin khan ka rinhlelhna a la tireh thei chuang lo.

"Hyung a mah ngei ani, a âw pawh a la dang miah lo, Ala ngai reng ani kha engtin nge ka lo hriat loh theih? Ka bul hnai ah alo awm reng si, Hyung a hmeltha lutuk ka Jane chu a hmeltha lutuk asin" ka hma a thu chuan rui tih hriat zet chuan a rawn ti a, a thu rawn sawi vang erawh chuan a ngaihna hre lo in ka bo hle thung.

"Kook, i harh tawh em ni, i harh em?" Yoongi chuan a dar ah a sàwi a mahse engmah hre lo ang mai chuan a awm si.

Chutah Yoongi chuan min rawn en leh in "ni e Sora thil thleng chu ka hrilh ang che, ni e kha mi ni khan Kook kha Lisa khan keimah hmang in a lo ko chhuak a, i hriat kha Kook nen kan in kungkaih dan chu harsat na tawk anga ka hming a rik tawh chuan Kook chu a che vat thin" a bul tan nan chuan a ti a. Ni e, ka hre lutuk tlat vawi engzat nge ani nen kan awm dun lai a Yoongi in a rawn koh tawh chuan a kal vat thin a nih kha!.

"Jungkook chu Lisa chuan buaina ka tawk ang in a in ah a ko a, mahse ka awm tak siloh ah chuan Jungkook chu haw leh mai a tum a mahse Lisa chuan Jungkook chu rei lo te in tur dawm pui tur in a lo sawm ani awm e, Kook chu kan hriat kha, Lisa in ngen tak te a angen chuan a awm khaw muang a mahse hei hi ka chhiang ani, Kook in Lisa chu hmeichhia ang nilo in a tetlai a athian anih na ang chiah in a kawm ang, mahse Jungkook chu in tur a in hnu rei lo te ah ni khua a hre lo zui a, zing a thawh in Lisa nen khum khat ah engmah thawmhnaw ha lo in an lo awm ta, heihi ni kha mi ni a thil thleng chu" tiin Yoongi chuan a sawi a.

"Sora kha thil thleng kha Jungkook chuan a hre lo, A duh vang a thleng a ni bawk hek lo, heng avang hian lawm Jungkook kha tianga a awm" Yoongi chuan thu tak fe chuan a ti a.

Um a zu chu ka thli leh a, ka tlak leh pap a, ka thaw leh hawk thin.

"Sora i tha em?" Yoongi chuan uluk zet chuan min en a.

"Ka hre lo, ka hrethiam tawh lo Yoongi shiii" ka mittui luang atang chuan ka ti a.

"Ka thu sawi khan a thawng che tih ka hria mahse thu dik i hre tawh a, Sora? Jungkook chu kalsan ila tum tho em ni"

"Ka hrelo, engmah hi ka hre thiam tawh lo, ka awm dan tur ngei pawh hi"
Ka tho chhuak a, " Yoongi shiii ka haw phawt mai ang, ka haw hun tawh Nabi ka chhuahsan rei theilo" chibai ka buk a, ka pei deuh zawk a, Yoongi chuan ka ban ah a rawn vuan a.
"Sora i thutlukna siam hma in i fanu hi ngaihtuah hmasa ber ang che" ka kal tur chiah chu Yoongi thu sawi vang a ding in a thu sawi chuan thil tam tak min ngaihtuah tir a mahse ka chhang zawm lo, ngawi reng a ka awm hnu ah Yoongi chuan Jungkook chu a buaipui zawm nghal a. Keipawh ka awmna tang a chhuak in ka in lam pan in taxi ah ka chuang a.

Kawngtluan chuan ka inngaihtuah a rilru siam har ka va han ti tak em!
In pawh ka thleng a kawngka hawng in ka room lam pan in ka chho a khum ah Nabi ka hmu hoh lo, mahse kawngka rawn in hawng lam chu ka en a, ka nu ani.

"Nu, khawiah nge Nabi" ka ti nghal a.
Ka nu chuan ka chhuah hnu deuh lawk khan a harh thu sawiin tunah chuan a muhil a, a room ah a awm tih min hrilh a.

"Nu Nabi chu ka lo mutpui ang" ka ti a, mahse ka nu chúan zan in chu a mutpui duh thu sawiin lak a phallo a, ka chhuah chhan min zawt leh in Yoongi nen kan in hmuh thu chu ka sawi a, jungkook erawh ka sawi tello thung.

Ka khum ah chuan ka mu a Nabi awmlo chu ka ruak huai mai. .
.
.
Ka mut theih loh vang nge ni ka taksa hi a hah vek a, ka kimlo ani. Ka kim thlawt lo, ka khum bula ka phone dah chu ka en zinglam dar 3 alo ri tawh.

Ka muhil thei dawn chuanglo tih ka hriat avangin ka tho ta law law a ka nu room lam ka pan a,thawm dim thei ang ber a kawngkhar hawngin ka lut a, ka nu leh Nabi tui em em a an mu ka hmuh chuan ka khi suk a.
Nabi bulah chuan kal in chhuatah thu in Nabi chu ka en reng a.

"Bawihte, eomma hi sual iti em? I pa bulah pawh i awm thei silo a, eomma hi ngaidam hram rawh aw" ka ti a, Nabi sam ka chul hliau hliau bawk.

"Bawihte, eomma sual tak ka nih hi ka tih palh" ka mittui chu a rawn tla a ka in sut nghal.

Ka nu chu a rawn che hrut a, ka mittui ka lo hru nghal vat.

Ka nu chu a rawn thu tha a.
"Ka tiharh che mi" ka ti nghal vat, ani chu nui suk a. "Ka tihpalh lutuk nu"

"Bawihi tinge i tah"

"Ka tap hleinem nu" ka tih chuan hnunglam hawi in ka in hru zawm leh a, tap lo tur in ka in sehruh bawk.

Ka nu chuan min kuai her in ka khabe a dawm a, "min en teh bawihi" a tih chuan en ngam lo hle mah ila muang chang in ka meng a.
"Min hrilh rawh bawihí enge thleng"

"Nu" tih leh ka kuah nghal vat.
Ka nu chuan ka hnung ah a chul a. A hnu ah in pawt hrangin.

"Nu! Misual tak ka nih hi ti raw?" Tiin ka tap a.
Ka nu chuan min kuah leh..
"I sual hleinem Bawihte"

"Nu... Nizan khan Jungkook ka hmu a"

"Nizan ah maw!!?"

"Immmm Yoongi shi ka hmuh khan Jungkook alo awm ve a, chuan nu Yoongi sawi dan chuan jungkook chuan kha thil ah khan thiam loh na a nei lo ati, Jungkook hian Lisa lak ah fa aneilo tiin Jimin chuan a sawi ani"

"Chuan engtin nge i tih" ka nu chuan a ti a, a hmel a mak tih na lang miah lo chu mak ka ti ni.

"Nu engtin ñge tiang chuan awlsam deuh a i sawi theih"

"Ka hria lawm, kha thudik kha ka hriatna a rei tawh lawm"

"Mawww!!! I lo hre daih tawh maw? Anih chuan nu engtin ñge ka lak ah i zep theih" ring deuh tak chuan ka ti a, zep lo chuan ka nu lak ah hian tunah tak hian ka thin arim ani.

"Bawihí vawi engzat nge Jungkook kha hun pe a, a thu sawi vawi 1 tal ngaithla tur a ka tih che" dam zet mai chuan ati a. Ka ngaihtuah let a. Nie ka nu khan Jungkook thu sawi kha vawi 1 tal ngaithla tur in min ti a, mahse keichuan ka duh lo anih kha.
Ka in thiam lo hnuhnawh leh chu ka ngawi reng a.

"Bawihi he thu hi Jungkook pawh khan hrilh che a tum a mahse nang chuan i ngaithla duh lo anih kha, keipawh in Jungkook chu hun pe rih tur che in ka ti a, khang hun lai khan ipa vang pawh khan rilru fim ipu lo tih ka hria chuvang ania Jungkook pawh hrethiam hram hram tur che in ka tih, chuan nangpawh in Paris a kal tur a thutlukna i siam pawh khan dang lo che in ka remtih ni! Khang pawh khan rilru fim i neih theih nan ka ti nih kha. Chuan bawihte thil pakhàt Jungkook hian a hmangaih lutuk che ni. Nangpawh in ila hmangaih reng tih ka hria. Chuan khang i awm bo chhung zawng khan Jungkook chuan min enkawl char char asin, vawi tam Paris a rawn zawn che a tum bawk mahse a thianpa Yoongi leh Hobi khan an dang thin ani" ka nu chuan a ti dap dap a, sawi tur reng ka hre lo ka ngawi reng ringawt mai ni.

"Bawihi eng thu tluk na pawh siam dawn la keichuan ka dang lo ang che mahse i thutluk na i siam hma in Nabi hi ngún tak in en la thutlukna i siam chauh dawn nia".
"Chuan Bawihte thil pakhàt i pa i chan tawh a, pa tello a nun hman chu a hrehawm zia i hrechiang ani lawm ni, chu natna chu i fanu Nabi hi i pe ve dawn tihna em ni"
"Chuan Sora bawihi Jungkook in Lisa lak ah fa aneilo a, chu chu i duh ber kha a ni lawm ni" ka nu chuan a rawn tih zawm leh a, ka mittui a rawn tla ringawt.

Ka nu chuan min rawn kuah vat a.
"Nu ka hre thiamlo, engtin nge ka awm ang? Nu ka hlau ani. Jungkook hi pawm leh ta ila min kalsan leh ang tih ka hlau ani. Min kalsan leh ta se keihi ka nung zo tawh lo ang" ka sawi zawng chuan ka mittui chu a luang nghal zawih zawih a. Ni e, Jungkook in midang lak ah fa a neilo, chu chu ka duh ber kha a ni lawm ni mahse ti nge hlauhna ka neih tlat!?

"Shhhh!!! I thinlung in a tih chu zawm tawp rawh, Jungkook chu bia la sawi fel rawh u,chu mi hnu ah thutlukna chu i siam chauh dawn nia, ..tha em?" Tiin ka nu chuan min chhang a, a nui suk a, ka bianga mittui luang chu min hruk sak a.

"Immm" tia bu nghauh nghauh in ka nuih ve a.

"Lo kal teh ka bulah hian rawn mu ve rawh" tih leh a khum chu a beng thek thek a, ka nui a, hnial lo chuan ka in rawlh ve a, ka nu chuan min beng thek thek a, keiin Nabi chu ka kuah bawk.

Ni e, Jungkook chu chance ka pe ang, ka tan chiah pawh nilo ka Nabi tan pawh.
.
.
.
.
Ka harh chuan ka bula Nabi lo léng chu ka buaipui nghal vat a, a kut veiin a lo tal ve nasa mai, lehlam ah ka nu erawh alo awm tawh lova, ka nu hi chu ka thawh khalh thei thlawt lo anih hi! A bul a ka mut tawh hi chuan naupang chhia ang maiin ka thla a muang a, ka thlamuan zia chu thawh ka hai leh tak dan ah pawh hei a hriat hle e.

Nabi thawmhnaw vel ka thlak fel hnu chuan in hnuai lam ah kan chhuk a, ka nu ei siam rimtui zet mai chuan ka hnar a verh leh ta zar mai.

"Ka lo kaitho dawn chiah che u a, hei breakfast a ei theih tawh e" kan lam pan a rawn kal mek ka nu chuan min nuih sang chung chuan a ti a.
Khawmuang lo in kan chhuak thla dun a.

Breakfast kan ei a, a tui em em mai leh nghal, ka nu thilsiam kum 21 lai ka lo ei ve ta, mahse ngaiah ka nei thei meuh lo, athil siam apiang a tui em em thei vek mai nih hi.

Ka nu chuan Nabi chu lo awm in keiin kan breakfast ei na vel ka ti fel ve thung a, chu mi hnu ah Nabi tifai leh in vawiin chu in ah awm tawp rih ka duh, zan lam ah Jungkook chu ka hmuh duh thu ka hrilh mai ang.

"In lo va hlim awm ve a" thawm rawn rikna lam chu kan en vat a.

"Tae nang maw!!"
Tae chu nui sang in a rawn kal a, ka Nabi pawm lai chu rawn la in "ka Nabi hi ka ngai tawh lutuk" tih pah in Nabi hnar chu a'n piai a. Nabi pawh in nuih ver ver chung in Taehyung chu a lo ban ve nasa mai.
He mi te pahnih te chu an in mil reuh phian leh nghal. Nabi pian hlim pawh kha Nabi hian Tae a hmuh khan a nuih nghal kha ani....

Tae in Nabi a pawn lai chuan ka nu chu lo kal in Nabi chu a rawn la ve leh a, Tae pawh in a tawp nan a hnar ah a'n piai sak leh hram kha. Ka nu chuan Nabi chu kan piah a sofa ah thut pui in a lawm nui leh ver ver tawh.

Tae nen chuan kan ti ti dun ta reng a. A kar lak ah ka nu chu a rawn in rawlh ve leh zeuh thin. "Lawk Sora i mit chhing teh."

"Ti maw"

"I mit bulah khan thil a awm a" a kut a ka mit kawh pah chuan ati a, tih tlak tum in ka mit chu ka nuai a.
"Ala awm em"

"Aw la awm e" tih pah chuan min nuih vur vur a.

"Khawi ah, tah hian mí?
A awm tawh lo em" ka hmai beng thek thek pah chuan ka ti a.

Taehyung chuan min nuih reng a.
"I mit chhing rawh keiman ka lo la ang" a ti a.

"Tha lom" ka dar tih chhin zeuh pah chuan ka ti a, ka chhing zui nghal bawk.

"Meng rawh le" a rawn tih chuan ka meng nghal a, ka hmuh theih tur in ka mit hmul tla a kut a awm chu min en tir a.

Laksak in ka nui ver ver a, "ka lawm e" ka ti sap a.

"A ho emai a" tih pah chuan ka sam chu a tuai thur vek a, kan pahnih chuan kan in nuih tawn ta reng a.

"I kut kha ka nupui lak atang khan la sawn nghal rawh" thinrim tih hriat zet a àw rawn chhuahna lam chu kan hawi nghal thap a, Jungkook ani tih ka hria ka nui lai chu ka tawp chiang ngei mai. Thinrim em em a rawn kal phei hlawk hlawk ka hmuh chuan ka chil chu ka lem khawlh a.


.
.
.
Cont.....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)