Expecting The Unexpected 39

[B.laltlanhlui]

Lettu: B. Hlutei

EVELINE KNIGHT

"I ti thei lovang. Chocolates ka ngainat zia i hriat kha" ka ṭap lo chauh a ni

Ka khabe a kuai dak a, a nui kiah kiah mai

Hrethiamlo deuhin ka lo melh a

"Ka fiamthu anih kha ṭap tawh suh"

A awm ah ka chum a "I sual em mai aw. I thutak emaw ka ti a, ka hua che"

Ka ban a chelh a, a lamah min pawt hnaiin a awm ah min beitir thlawp mai

"I hmangaih hmasa ber hi dawttu ka laksak thei hleinem che"

"Dawttu a?"

"Aw dawttu ni e. A hmasa ber chu kei ka ni" min rawn fawp zawm zat. A kawngah ka ke in ka lo kuah a

Khumah min chawi pheiin min mut tir riai riai a, a chung lamah awm in min rawn fawp leh a, ka kawng a chelh a, lehlam in ka nghawng. Kan lei pawh an che dun nasa mai. A sam ka han chul a, duhthawh tawkin min rawn fawp leh a, ka taksa a chul kual vek

"I hmui hi ka lo ngai tawh lutuk alawm" hawisawn in ka hmui chu a kutzungpui in a tuai zeuh a "A nem thlup a, kumkhua pawhin ka fawh nin theih ka ring lo" kan inchuktuah leh nghal zat

Kan thaw a chham ṭep ah chuan a hawisawn a, ka chal rawn si chat in "Ka hmangaih che Ev. Ka hmangaih lutuk che" a ti a

"Kei pawhin ka hmangaih che" Ka thaw hlawp hlawp a

Ka chal ah a rawn fawp a "Muttui le Pi Knight"

"Muttui le"
________________________________________

Nau ka pai tih kan hriat aṭang thla khatna a ni leh ta der mai. Vawiin hian Xander a nu leh pa in zanriah ei turin min sawm a, a chhan a hria em tih ka zawh in a ngaihna a hriat bik loh thu a sawi a, kan thlen hunah kan hre chauh dawn anih hmel

Eng nge ni ang aw?

Ka nu nena kan inbiak pawh khan min hrilh miah lo

Ka hre chak zek zek tawh mai

Inchhung kan luh chiah chuan kan ding chawt mai

Ka meng zau kawk a, Xander pawh a in hum ruh nasa mai. Hahdam tir tumin a ban ah ka vuan a

"An inkar i pawm vek tawh kha khawngaihin inbengdai hram rawh. Rose vang tal pawhin" a beng bulah ka ti sap a, a lo bu ve nghauh nghauh mai

"Oh Alex, Ev! In rawn thleng tawh maw? Lo kal rawh u"

Xander chu a bu leh nghut a, inkai rial in kan lut a, Blake leh Rose hmaah kan ṭhu a

"Rose leh Blake inneihna tur chungchang sawipui che u kan duh a" Pu Knight a'n a ti a

Ka sawi hmaih chu kar hmasa khan Blake a'n inneih puiah a sawm a, a remti nghal hmak. Xander chuan buaina ka nei lo ti mahse inneihna chungchang sawi ho chu 'Aih' tihna ang vel a ni

Xander chu a insum nasa ngei mai

"Xander khawngaihin" zawi te in ka ti a, a rawn thaw chhuak halh

"Ka tum mek alawm" nin hmel zetin min rawn chhang a

"Alex Blake nen in thawk ho tih ka lo hria a, ngaihthlak a nuam khawp mai" Pu Knight a'n a ti a

"A dik alawm" Xander chuan a lo chhang a

"He project hi in hlawhtlin pui ngei ka beisei"

"Tehreng mai Mr Knight. Kan thawh dunna a rei tawh alawm. Ni lawm ni?" Blake chuan Xander a va melh a

An pahnih chuan ka lo en tawn zak zak

An mitmrng in inthah an tum te hi a ni em lo maw?

Rose chuan ri lovin min rawn bia a 'Tinge rum deuha an inmelh'

'Ka hre bik lo' ka ti a

'An hlauhawm e'

'Ka hria lo ngawi tawh rawh'

"Engpawhnise ka lawmpui che Eveline. Rose hnen aṭang chanchin ka lo hria a" Blake chuan min rawn nuih a

"Ka lawm e" ka lo nuih let ve a

"Nangpawh ka lawmpui che Alex. Ka hlim lutuk ringawt"

Xander chu a meng kual ralh ringawt

Rose chuan dawhkana tui chhawp chu thli in a in khawlh khawlh a

Pi Knight chuan a aw a rawn thian kharh a "Umm...Alex, Rose hian inneih chungchang ah hian i tel ve ngei a duh a"

Rose chuan a tui in lai chu a hak pawp a, Xander chu a thinrim hmel khawp mai

Blake chuan Rose hnungah a lo chum det det a "I ṭha em Rose?" A ti a, a lo bu nghat mai

"I tel ka duh pawh a ni chiah lo" Rose chuan a lu a thing a

"Nu a pawi lo ania. Rose hming sawi lan kher a ngai hleinem. Kan chingfel thei mai ang" Xander a'n a lo ti a

"A va lawmawm em Alex. Engkim tifel tawh rawh u aw, insual tawh lo ula, inngaidam tawh zawk rawh u"

"Alex hian min ngaidam thei lo alawm" Blake a'n a ti a

"A ṭha e. Inremsiamna nei ang. Thudik min hrilh la ka ngaidam ang che" Xander a'n a ti a

Blake chu a che sawn tawh lo, a hawisawn daih a

"Han en la, thudik pawh i sawi thei lo ania, ka ngaidam thei lovang che"

"Sawi tur ka nei lo" Blake a'n a ti a

"Sawi tur i nei ṭeuh tih ka hria, ka hriatthiam loh zawk chu tinge i sawi duh tlat loh tih hi a ni"

"Engkim chingfel vek ang Alex. A tawk tawh lutuk"

"I sawi ang chiah chu ka ngaihdan a ni. I thil zep chu min hrilh mai rawh"

"Xander" ka lo ti a, min rawn en a, huan lamah min kalpui a, min vuan nghet khawp mai

A hnuah min thlah a

"Engkim hi a buai zo vek Ev. Min hrilh anih phawt chuan ka ngaidam ang tih ka sawi kha i hria tiraw? Mahse min hrilh duh tlat lo anih hi. Tinge a sawi duh miah loh le Ev?"

"Xander sawi duh loh chhan a nei a ni maithei asin"

"Engah mah ka ngai lo. Engkim hriat vek ka duh. Chu chu a ni mai"

"Alex" kan hawi phei a, Blake leh midang zawng an lo ding vek

Xander chuan Blake chu a pan rawk rawk a

"Xander ni lo" ka kut in ka lo dang a

"Awm sawn rawh Ev" hmun dangah min kaltir a

Blake kawr nghawng ah a ṭham a "Tinge ka lakah hian zep i neih tlat a?" A vin hrawk a

"Ka hrilh lovang che" Blake a'n a ti a

Pi Knight bulah ka va tlan a "Khawngaihin duhtawk tir rawh khawngaihin"

"Ni love bawihi, an pahnih a an chinfel a ngai a ni. Lo en tawp mai rawh"

"Mahse-"

"Ni love Ev" a lamah min pawt hnai a

Xander hian na a ti lutuk

Blake pawh a na a ni

"Ka engkim i ni asin" Xander a'n a ti a

"Ka thei lo" Blake chu a aw a lawi rut mai

Xander chuan Blake hmai ah tak a hnek siah a "Xander ni lo" va tlan ka tum a, Pi Knight leh Rose chuan min lo chelh a

"Ni lo Ev. An mamawh alawm. An pahnih a an chinfel a ngai" Rose i'n a lo ti a

"MIN HRILH RAWH. ENG NGE NI? MIN HRILH VAT RAWH" Xander chuan Blake chu a hnek leh a

Blake chuan Xander chu hnek let ve in "Ka thei lo ka tih chu" a ti a

"Tinge? Ka unaupa ang mai i ni asin. Chuti chungin min la hrilh duh lo tlat a, tinge?" Blake chu a hnek leh a, lei ah an tlu dun a

Xander chu a chung lamah awmin Blake chu a hnek mawlh mawlh a "TINGE MIN HRILH RAWH? TINGE?"

"Xander khawngaihin tawp rawh"

An pahnih chuan an thi sung a, Blake chuan hun ṭha hmu in Xsnder chungah awm in a hnek ve leh a "A CHHAN CHU I NAT KA DUH LO ALAWM" a ti a

An pahnih chuan an chawl dat a "Ka na ang maw? Engtin?"

Blake chu a kalsawn deuh a, lei ah chuan a ṭhu hnawk a, Xander pawh Blake awmna hlat deuh ah a ṭhu ve tawp mai

"Mason khan Maddison nen in inngaizawng tih a hria" Blake aw chu a chuai raih a, ka lo meng zau kawk mai

Xander chuan Blake hnenah mak ti lutuk in a zawt nawn leh a "Eng a?" A ti a

"Maddison nena min inhmelhriattir hma chiah khan Mason inah ka hmu a, hrilh che ka tum a, mahse a vawikhat nan i mitah khan hmangaihna ka hmu a, chuvang chuan Mason zawk kha ka hrilh a, mak a lo ti vak lo"

"Engkim a hriat vek thu a sawi a, Maddison nen in ni tih a hria a, hmeichhia tu pawhin amah ai chuan an thlang zel zawk dawn che tih a hria. Maddison a hmangaih em avangin a kalsan theih loh thu a sawi bawk"

"Tumah hrilh lo turin min ti a, Maddison hnenah ka sawi a, Mason hlauh ang ngeiin nangmah zawk a thlang che. Ṭawngkam na takin a lo hnar a ni"

"Ka hrilh loh chhan che chu Alex, i indem nasa dawn lutuk in ka hria a, nangmah i inhuat tur ai chu min haw zawk mah la pawi ka ti lo alawm"

"Anih chuan keimah vangin a thi tihna em ni?" Xander mittui chu a rawn tling kuang a

"Ni lo Alex. Engkim i hre hleinem. Inthiamlo duh suh"

"Mahse thudik a ni alawm"

Blake chuan Xander chu a kuah a, an pahnih chuan an ṭap dun a, Xander chuan Blake chu kuah let ve in a dar ah a ṭap hawm hawm a

"Ka tihpalh"

"Ka tihpalh lutuk. Engkimah ka lo puh vek che a, keimah zawk a lo ni"

"Ni lo Alex"

"Engkim hi keimah vanga thleng a ni"

"Alex indem tawh suh. Kan inkar a ṭha leh hi ka lawm zawk asin" Blake chuan Xander chu a hnem a

Xander chu a lo bu nghut a, Blake nen chuan an inkuah leh a

Rose chu rawn kal hnaiin min rawn kuah ve a

Ka kutah rawn vuan in "An inrem ta. Ka va lawm tak em Ev"

Ka lo kuah let ve a, Xander chauh chu ka melh reng a, a mit a natna langchhuak chu a kehchhe vek a ni ber mai
________________________________________

Blake leh Rose innei tur chu ka lawmpui lutuk. An inhmeh dun sia. Blake hian ṭha takin a enkawl ang tih ka hria. A hmangaih em a

Zanriah ei laiin kan sawi ho a, Rose chu a zam chhe nasa mai. Blake lah chu a nui ver ver bawk. Engkim hi a fuh vel vek mai. Xander leh Blake pawh an inkawm leh ta

Kan haw lamah ruah a rawn sur chiam a,zanriah ei lai pawhin Xander khan thu kam khat mah a chhak chhuak lo. Zawhna an zawh te kha a um e liam vel mai mai

A ngawih reng chhan hi ka hria a, ka ngaihdan chu a ni vak lo

A hmelah a na tih a hriat reng

Tinge amah a indem vek kher le?

"Xander tawp teh. Indem tawh suh. Eng thil pawh thleng se i thiam loh a awm lo"

Car chu a tiding a "Eng nge ka thiamloh a awm loh ang Ev? Blake vang ah ngaiin ka lo puh fai vek a, ka tihsual vangin Mason ka chân a ni. Maddison ka lo hmangaih vang vek khan"

"Dawt min hrilh ngai lo tu khan a zep a ngaih phah a, engkim hi ka thiam loh vek a ni"

Ka lu ka thing a, Xander chuan car kawngka chu a chhuah rualin na deuhin a khar a

"Xander lo lut rawh. Ruah a sur ania" car chhung aṭang ka lo au a, mahse a lo let lo

"Ugh" a au vak a

Car aṭang chuan tlan chhuak in ka va pan a

A biang ah ka dawm a "Xander i thiam loh a ni lo. Tu thiam loh mah a ni lo. Hria la chu Mason i chhanchhuak ang. I theihtawp chu i chhuah alawm. Mason a'n a hrilh lo che a, i thiam loh a awm lo. Indem tawh suh"

"Mawhphurtu diktak chu Maddison a ni. In pahnih in a kawp che u a, Mason chungah ṭawngkam na tak a hmang a, inthiamlo tawh suh"

Xander chuan min rawn kuah in a ṭap a "Tinge min hrilh loh le Ev? Vawi khat chiah sawi se chu tunah hian a la dam ve ni mai tur"

A hmuiah ka fawp zeuh a "Shh...hun kal tawh chu theihnghilh ang. Han en la hmangaih tu che an tam zia hi. Kei ka nia, ka nu-ka pa, Evan, Rose leh Blake i la nei alawm"

"Engkim theihnghilh in bul ṭan ang aw kan naute nen hian. Khawngaihin Xander hetianga hmuh che hi a hrehawm ania. Ka thinlung hi a lo na ve ania"

"Ka hmangaih lutuk che Ev. Ka hmangaih che"

"Kei pawhin ka hmangaih che"

Ka kut chu rawn vuan in a fawp a
________________________________________

"Ah! Ah! Ah!" Xander chu na tiin a au a

A hliam ah damdawi ka phul a, na tiin a au ruai mai

"Xander naupang ang khan awm tawh lo teh"

"Min hau suh. A nat zia hi i hrethiam pha lovang. Muangchangin. Muangchangin. Ah! Ah!"

"Tihpalh. Tihpalh. Tihpalh. Kan fimkhur deuh ang e"

"Tinge i insual pui reng reng? Nang ai a chak daih zawk a, a kut thlak na che hi han en teh. Hliam i ngah dan hi"

"Eng a? Kei ai chak zawkin i hria a maw?"

"Tehreng mai"

Ka thusawi zawh chuan lapua chu min chhuhsak a

"Dah rawh hetia i tih pawh a ngai lo" a ding a, khum lamah min chhohsan daih

"Eng nge? Ti maw?"

"Blake hnenah kal rawh. Kei ai chak zawk i tih kha"

"Xander chutiangin ka sawi loh kha"

"Tak tak maw? Anih chuan engtin nge i sawi?"

"Tinge i hnek hrep kher ka ti? Nang pawh i sil vek anih hi"

"Thudik min hrilh loh vang khan ka insum hman lo alawm"

"Chumi vang chuan i hnek tur tihna a ni kher hleinem. Blake pawh khan na a ti ngawt ang. Thisen te kha a chhuak nasa sia"

"Min lo hrethiam la, i pasal ka nih hi. Ani ni lovin kei hi min ngaihtuah zawk rawh" khumah chuan a ṭhu tum bur a

"Over viau lo mai teh. Damdawi hi hnawih ila a dam vat mai ang"

"Damdawi chuan a tihdam theih ka ring lo"

"Eng a?"

Min pawt hnai a, ka bawh rawp mai "Nangmah hian i tidam thei zawk ang"

"Tak tak maw?"

"Tehreng mai bawihte"

Ka nui sen sen a, a ban na lai ah tak hmer sak in khumah ka ṭhu chhuak a

"AHHH!" Na tiin a au chiam a

"I ngaihtuahna a fel hmul lo tlat"

"Kei hi? Eng nge ka tih a?" Pawisawi loh hmel deuhin a awm a

"Khatia awm kha tum reng reng suh"

"Fawh ka tum mai chauh che alawm. Eng nge i lo ngaihtuah zawk a? Ev nangmah zawk hi i ngaihtuahna a fel hmul lo tlat" ka melh rawl rawl a

A rawn nui chhuak hawk hawk mai

****

Chhunzawm tur