A THAR LEH THIN chapter 10

Episode kal lai dah luhna

Moderator: writers

sangtea juff
Posts: 151
Joined: November 28th, 2016, 7:30 am

A THAR LEH THIN chapter 10

Unread post by sangtea juff » July 22nd, 2017, 1:14 pm

""Angela"
"enge?"
"thinrim lo la"
"enge?"
"khawngaihin thinrim suh"
"ka lo kir leh vat ang ka tih kha...kha nu kha..."
"an lo thu ve ringawt alawm"
"chupawh nise..i kut a lo vawn kha"
"i kutna chu ka lo enchhin ati a..."
"vawn kher a tul ami?"
"anih Angela,ka tihpalh aw...nangmah chiah hi ka duh che alawm"
"kim..ka tihpalh zawk ani..ka thik alawm.."
"Angela....ka hmangaih che..nang lo hi tumah dang ka mamawh lo"
"Kima,ka lawm e..keipawn ka hmangaih che.."..Ruatkima khup chuangah chuan a kiu in a in dawm kang a..Kima chuan a kut a lo khalh neuh neuh bawk a...
(Thuro nupa duat tak in chuk tawn melh melh thinte pawh hi an dem awm loh e...hmangaihna in a luah mipahnih te hi zawng induat alo awl anih hi)
Chu tau thla nisa vawng vawng kar a rengchal lo kiu vawng vawng kar a uleuh lo hram vang vangte chuan an inkar a hmangaihna chu an hriatpui ani mahna hlimtakin an lo hram vawng vawng a...
Ruatkima pawh tunah chuan a damtha tawh viau a,mahse a ban ruhna avang chuan a thil ziah lam erawh ala harsat viau a.....
Inrinni ani a...Ruatkima chu a insilfai a,kawngkhar hawngin an inpanthlakna kawng chu a en zauh zauh reng a..lokal tur a beisei anei ani tih a hriat theih a.....dar 10:30 velah chuan Angela-i chu note bu keng chungin kawngah chuan a rawn chhuk a...
Ruatkima chu anui sak a....a hmangaih leh a ngaih em em a duatlaii chu a hlimna ani si a.....Angela-i pawh chuan Ruatkima kawngkhar a lo dak chu a hmuh chuan a rawn nuih let var var a...
"Kim..min lo ngai em?"a nui har har a..
"ngai e..nang?"
"ngai lutuk...hei note chu aw"
"i hmanhmawh em?"
"hmanhmawh lo e..vawiin chu tih tur vak ka nei lo"
"nih chuan...note hi min lak sak la..ka kut ana si a...he2"
"hmmm...ka bulah i awm chak vang ani reng si a.he2"
"ni tho..hawh room dawhkanah khan"
room lamah an inzui phei a,..Angela-i chuan"pen leh lehkhabu.."
"zawng ve mai la..."
"lo la ve mai la.."
dawhkan hnuai a,lehkhabu leh pen chu Ruatkima chuan ala chhuak a..."bawihte,ka lo mu ang aw.."
"hmmmpp..ngai bik lo...min lo en rawh"
"nih leh"tih pahin Angela-i kawngah chuan a kuah a...
"Angela..min hmangaih tak tak ani tih ka hre tawh e..tun a kan kal chin kha a tawk tawh alawm...hei note ziah tur i la ngah lutuk ania."a ti zawm zat a..
Angela-i chuan Kima nghawngah chuan kuah in"Kima,ka lawm lutuk ..ka hmangaih che"tih pahin ama duhthu ngei a a fawh vawikhatna atan Kima chu a fawp vawng vawng a...
Hun leh nite hian tumah min nghak lo a, chumi hun chhung a awmte chu a duh ang in min kalpui mai thin ani...
Kumtawp exam a hnaih tawh avangin Ruatkima pawhin atheih tawp chhuah in lehkha a zir ve a.....Angela-i nen a an in hmangaihna chuan tanna nasa tak a pe zawk a...'mi ama ko a tla hlen zo lo chu miten mi rintlakah an ngai lo a..chutiang chiah chuan a hmangaih Angela-i tan a in nghahna tlak leh rintlak ani tih lan tir a duh tlat na chuan nasa leh zualin lehkha a zir tir zawk a...
Lehkhazir tulna in a nawr hneh tawh avangin Angela-i nen pawh an in hmu hlei thei lo a..mahse hmel inhmuhloh chhung reilote ringawt chuan an inkar a hmangaihna chu a ti dai chuang hek lo...
Current a en loh avangin November thla bial vawikhat kawl a lo chhuak eng ruih mai chu a lang eng leh zual a....Ruatkima pawh zan dang a a tih fo thin angin roomah chuan lehkha a zir malh malh a...
Zan a rei tial tial a....thla lah chu a eng tulh tulh mai si...dar 9 a rik chuan mi thawm ri nak nakte pawh a reh deuh duak tawh a..Ruatkima lehkha zir peih tawh lo chu tukverhah chuan a dak vang vang a..a lungleng veng veng a....a hmangaih Angela-i bawk chuan a thinlung a rawn luah leh nghal a...zep lohah chuan Angela-i chu a ngai tak zet a....enge a tih dan tih pawh hre hauh lo in a chapal chu a bun sawk sawk a..kawngkhar pui lam chu a pan phei a...Angela-i hmu tur chuan a chhuak ta a..

Thla eng kulh mai hnuaiah chuan chhungte tih harh hlau takin stepah chuan a chho tham tham a....ni e,hmangaihna zun in a pawh hi chu na tak ani....
Kawng a chhuah chhoh chuan Angela-i te inlam pan chuan a kal nghal a..reilote ah Angela-i te in chu a thleng thuai a.. A lo reh thap tawh a......Ruatkima rilru ah chuan beidawnna alo lut nghal a..Angela-i pawh a mu daih tawh ang..tih a ngaihruat thiam mai a...mahse haw leh nghal mai lo in mi bathlar thim chinah chuan a ding a,Angela-i te in chu a thlir vang vang a....
Rei mawi tawk a dinhnu chuan haw leh mai tumin a inher a...tukverh in hawng ri rak thawmah chuan a leh hawi leh vat a.....a duhtak leh a hmangaih,a ngaih em em Angela-i ngei mai chu tukverhah chuan a rawn dak a..lunglen hmel tak in a zai rat rat a...
"ka ngai em che.. "ka duhlai valmawi.. "tleidang tangnem zawng bel lo la.. "hlimten runlum nuthai chan ve nan.. "vawngzel ila,tiamthu rinawmna"tiin a zai rat rat a...
Ruatkima hmelah chuan hlimna leh lawmna alang chhuak a....thla eng no nghulh mai in a chhun pawt riai mai Angela-i hmel chu a thlir vawng vawng a...a dinna bathlar thim a tang chuan a chhuak a..Angela-i rawn dah na tuk verh lamah chuan a kalphei a...
Angela-i pawh chuan a rawn hmu ani tih hriat takin a zai lai chu a tawp chat a,chiang leh zual a hmuh tumin kawngkhar chu a rawn hawng zau a..Ruatkima chuan alo hui zauh a....rangtakin Angela-i chu tukverh a tang chuan a kalsawn nghal a..reiloteah kawngkhar a in hawng ri rawk a....
Ruatkima lam chu a rawn pan a...an inkuah nghal chat a,engmah sawi lo in an in fawp nghal chawt a.. An in en a,an in nuih a,an inkuah leh vawng vawng..Angela-i chuan zawi sep hian"Kima..ka ngai lutuk che....thla a eng bawk si a...ka muhil thei lo reng reng"
"keipawh..chuvang alawm ka lokal..."
Angela-i hmui fawh chak awm tak a rawn dawh ha chu duhthawh takin a fawp leh a.....
"Angela,lut tawh rawh le..zan a rei tawh si a..i nuten an lo hre palh ange"..
"hre rawh se pawilo..ka la ngai che alawm"
"nih leh thu lawk ila"
Angela-i te inpiah lawk a in sak lai mek lam chu inkuah rialin an pan phei a....
Duhtakte nen a,vangpui chhawrhthlapui thlir dun tluk a chak awm a awm chuang em maw ni le?...an in kuah rial a......Angela-i chuan"Kima....ka ngai lutuk che..i tello a,awm hi ka peih lo asin..krismas alo thleng ang a,i haw daih awm si a"


"Angela..kei tak hian asin i tello a awm chu peih lo..ka ngai em em reng che a..ka hmuh phakloh a i awm hunah phei chuan..."
"Kima..innei mai ang hmiang.."
"Angela..khawvel a ka thil chak ber ani asin..mahse"
"enge mahse?"
"tunah rih chuan ka thei hrih lo..."
"ngatimaw?"
"Angela...lo innei ta ila..engin nge ka chawm ang che?.ka hmangaih i ni a,hreawm tak a awm tir che ka phal hleinem....lehkha hi ka zir tang tang a,..ka nei ang che"
"mahse nula dang kei aia tha zawk i hmuh hunah min kalsan leh si ange ?"
"Angela..nang hi ka hmangaih hmasak ber leh ka hnuhnung ber tur i ni asin, ka tiam ang che"ka phatsan hauh lo ang che"
"Kima..ka lawm e keipawn ka phatsan hauh lo ang che"
zanthla eng lawm a,perhpawng lo chiri vawng vawng kar vabak thir lo chher ri kauh kauh leh ralkhat a kang kang lo hram lauh lauhte mai lo chu thawm dang reng reng hriat tur a awm lo.,
"Angela..haw tawh ang hmiang"
"nia..mahse haw hma in?"a hmui chu a khawih zauh a.,Ruatkima chuan a hrethiam kher mai..duat takin a fawp leh vang vang a.
Khawhawi tinuam lo khawp ni si lo a paw chek mai kar a ni chhuak eng sut mai in buangpui khua a chhun en ruai mai ah chuan zing ni chhuak ai in khawlaiah an thu fir fer a..kum dang ai mah in kumin chu khua avawt zawk dawn ani mah na.....
Ruatkima chu phur fe in a insiam malh malh a,a chhan pawh vawi in hi an exam zawh ni ani tawh miau a.....
"Lal pianni kawl a liamhnu alo eng leh ta.. "hmuh ka nuam chìngkhual run a,van lalfa lo piang chu" ti a a nutei zai rat rat chu Ruatkima chuan angaithla kar a...krismas pawh alo hnai ta hle mai tiin a ngaìtuah a..
Sikul kal tur chuan a chhuak zui nghal a.....nidang ang bawkin pengah chuan Angela-i nghakin a ding ran a..rei pawh a din hma in Angela-i chu a rawn thleng ve thuai a..
"tukin chu min lo nghak ve tlat"
"vel a che..nitin ka nghak ziah che ani lawm ni?"
"hmmm..niminah pawh tu in nge nghak che?"
"tleirawl te reuhte,samsei"Ruatkima chu a nui hak a..



Link:
BBcode:
HTML:
Hide post links
Show post links

sangtea juff
Posts: 151
Joined: November 28th, 2016, 7:30 am

Unread post by sangtea juff » July 22nd, 2017, 1:15 pm

Chapter 11



hmmm..ka te kher lo aw..i sual si" atia a titau bar bar a..
Ruatkima chuan Angela-i bengbul ah chuan"mahse ka hmangaih ber a ni bawk a"a ti sap a..
Angela-i hmel tum bar chu nui hmelin a thlak nghal a"hawh kal ila"tih pahin Kima bag hruiah chuan a vuan dat dat a..
"Angela..exam tur i huphurh em?"
"huphurh e..ka fail ang"
"ngatimaw?"
"Kima..ka ti mai mai lo..keichu lehkha hi ka thiam thei thlawt lo..fail ila min then daih duh ang a?"
"Angela..chutiang sawi tawh suh..(an bul a mi lo kal avang chuan a chawl dat a).....engvang mahin ka then lo ang che nangman min then anih loh chuan..."
Hmangaihtu in hmangaih let tu hnen a rinawmna a tiam lai ri tluk a hriat nuam hi hmangaihtu tan chuan atlem hle ta ve ang...
Sikul an thlen atang a rei vak lo ah bell a ri rang rang a......exam hall ah chuan naupangte chu an lut khawm sang sang a...an hmelah chuan huphurhna leh zauthauna alang a,...exam zawhni ani miau a.
Naupangte chu an eng a thawl ani tih an chezia atang chuan alang reng mai a...Angela-i hmelah erawh chuan hlimna phen a lung ngaihna in phum ru chu a hmuh theih a....
"Kima..engtikah nge haw i tum ang?" "ka hre bik lo..mahse ka nu leh pa te buhseng in an buai mek awm si a..a rang thei ang ber a haw ka duh ani..a theih phei chuan naktuk ah..."
"engtin maw?"
"naktukah hian haw mai ka duh hial a..ka nute ka ngaih tuah em ani."
"nia tiro? Mahse..."
"Angela..keipawn ka ngai dawn che asin....nang hmu lo a awm chu ka hreh tak zet...mahse ka nu leh pa te an in daih dawn lo ltk a...."
"Kima..i puitling ka ti...ka lo zui haw ve daih dawn che mawn le?"a nui hak a..
"ka hawn daih tak tak mai ang che.."
"min hawn la...." midang an bul hnai a midang an lo kal ve avang chuan an thu sawi lai chu sawi zawmna hun a awm ta lo a...
Kima te inpeng an thlen chuan Angela-i chuan "zan in chu lo leng rawh aw"ati sep a....Kima chu a bu nghat a...
Zan alo thleng a,Kima chu thawven hmel takin a faifuk rat rat a...darthlalang hma ah chuan a ding vang vang a....
Angela-i te in a thlen dawn meuh chuan a zam lutuk chu a tha a khur ru der der a....a thiam awm tho e..nula rim tur a avawikhat chhuahna ani miau a...
Kawngkhar bulah chuan a ding ran a..kik tumin a kut a han lek a,mahse kik tur in huaisenna anei tlat lo...kik lo in a kut chu a dahthla leh zal zal a..inchhung lam atang in kawngkhar chu a rawn in hawng rawk a...Ruatkima lu chu a ri lawlh a...
"awi..Kima...tihpalh lutuk..ana em"Angela i chuan a rawn ti a..
"aih na lo e...khawiah nge kal i tum a?"
"a nu in committee turin pi tlani va hrilh rawh..min va kalpui lawk la.."ati a..
Pi Tlani te inlampan chuan an inzui phei a..rei lo teah an lo let leh a...inchhung an lo luh rual chuan Angela-i nu chuan"mami..ka kal nia..ka lo haw tlai deuh dawn nya..."ati a,a chhuak nghal a...
"kim..i lu chu ana em?"
"na lo e...."
"hawh..ka roomah inkawm daih ang....mi an lo leng leh palh ang"tih pah in kawngkhar chu a chhunglamah a kalh daih a...room kam pan chuan an in zui chho ta a.
Angela-i room ah chuan an inzui lut a..Ruatkima chuan Angela-i room chu a thlek vang vang a,engkim fel tak a inrem thlap mai leh a khum thleh fel thlap mai te chuan Angela-i chu fel fai tak a che thlap chi ani tih a lo rin lawk chu adik ani tih a hrethiam mai a..
"i lo thu ve dawn nge i ding reng dawn?"Angela-i chuan nui deuh sang chungin ati a.. Kima chu Angela-i bulah chuan a thu ve a..khum ah chuan a mu nghal ar ar a..fiamthu tih hriat takin"..ummm..nuam hle mai...kan tar tawh a..kawngte hi ana hma tawh..he3"
"ve a che....min lo kuah teh..a vawt"tih pahin Angela-i chu Kima awmah chuan a zuk bawk a...Ruatkima chuan a lo kuah nghal vat a......
"Kima..naktukah chuan ami haw i tum a?"
"aw..ka tum deuh a.."
"haw lo mai rawh..krismas te hmang ve zawk la.."
"Angela..i bul a awm tluk a chak ka nei lo asin..mahse ka nu leh pa te ka khawngaih ve bawk si a"
"ka ngai dawn lutuk che"a ngui lap a,a mittui a parawl deuh kang a...ni e hmangaihte tel lo a khawsak zawng...thinlung ruak hiai in ni kan hmang ral thin anih hi..
Kima chuan Angela-i mitah tak chuan a en a.."Angela..ka hmangaih che tih i ringhlel lo tiro?"
"Kim..ka ringhlel lo che"
Angela..ka phatsan dawn lo che a..reilote atan kan awm hrang rìh dawn chauh alwm.."tih pahin Angela-i mittui parawl kiang chu a hruk sak a...
Mittui hian rilru chhungril ber a pho chhuak thin a,mipa te hian mittui ti tlak hi hreh viau mah ila,vawitam tak kan thinlung mittui erawh a luan ve thin hi..mipa awmkhauh zawk mah chutiang anih chuan tleirawl nun nem leh hmangaihna in a a luhchilh mek Angela-i chu tu in nge dem bik ang le….
Thenna thusawi ngai lo tur a khuanu duan kan ni si lo...lawmtakin kan intawng a, tap chungin in ngai ngawih ngawih chungin kan inthen leh fo thin anih hi....
Kima chuan Angela-i hmui duhawm tak chu a duat takin a fawp a.......Angela-i pawh chuan a lo kuah chial bawk a...mihring pangngai hriatna dik leh pangngai ni ve ta fam chu Ruatkima chuan Angela-i awm khal talhin a nawkna avang chuan a thawk a sak talh tawh a....a kut pawh a awm hlei sawt hle a.. Angela-i T-shirt hnuaiah chuan a kut a zen lut a....tuma la khawih ngai loh Angela-i awm khal talh leh kawh lah mai chu a chul kual ruai a..
Angela-i pawh chuan alo hnial hran bik lo..a mit a chhing daih a a thaw ham ham a....Ruatkima chuan Angelai chu a leh pui thak a......dai ngaihloh ram dai turin sual leh a thiltihtheihna khawvel chuan a lem ta riai riai a...
A tuk khua alo var a,Ruatkima chu haw turin a insiam a...a che vel atang chuan a phur lo hle ani tih a hriat hle a.
Ni e..tunge hmangaihte then chu hreawm ti lo ngai....kumkhua atan a inthen tur an ni lo hlauh erawh chuan an rilru atidam mahna le...
An intiamlawk tawh angin Angela-i chu thingphurh chhuan lamin Ruatkimate khawlam kalna kawtchhuahah chuan thingphurh chhuanlamin a kal a.....reipawh ala thut hma chuan Ruatkima chu bag an inhmuh hmasak ber ni a a ah ngei kha ak in a rawn kal hnak hnak a...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)