A THAR LEH THIN chapter 12

[sangtea juff]

Thil engkim mai chu lung ti lengtu an chang zo tawh a...Thil engkim mai chu lung ti lengtu an chang zo tawh a...tlangsam kuh mum tir tiarte leh ral leh lam thingbuk a tukkhum vilik hram karh karh te mai pawh chu...lungtilengtu mai an chang zo ta.
Thingse buk hlimah chuan in si rialin an thu a..sawi tur an van dun hle ani ang..tawng hmasa zawk nih an duhlo zawk nge ni...an thu ngawi kar a...Angela-i chuan Ruatkima kut chu a chelh tlat a...Ruatkima pawh a thu kun ngaih a..a rawn dak chhuak a..."Angela"
Angela-i chu a bu nghat a..."Angela..ka ngai ngawt ang che..."
"Kima"...a tah aw tiau a...
"Angela..inthen hlen tur kan ni hleinem..mittui nen chuan khawngaihin min thlah lo hram teh"
"Kima..min hrethiam rawh aw..ka ngai dawn lutuk che"
"Angela..keipawn ka ngai ngawt ang che.."
"Kima....min fawp teh"
Ruatkima chuan duat tak a kuah in lungchim takin a fawp vawng vawng a....
"Kima..min phatsan suh aw...mi dang min neihsan chuan ka thi daih ang"
"Angela..vawikhatmah thih sawi tawh suh...ka phatsan dawn lo che..hlim takin kan awm reng dawn alawm"
"Kima..ka hmangaih che"
"keipawn ka hmangaih che"
hunte chu nidang zawng ai in a kal chak zawk emaw tih mai tur ani a....reilote emaw an tih chhungin ni chuan van laizawl a lo thleng tep tawh a...
"Angela...ka kal tawh ang aw"
"nia..ke in i la kal dawn si a...."
Kima chuan a bag a ak a,kal tur chuan a insiam a,Angela-i chuan a rawn kuah chat a..."Kima...."engmah a sawi zawn lo...Kima awmah chuan a hmai a phum tlat a...

Angela...mangtha nan ka lo fawp ang che aw"
Angela-i chu a rawn dak chhuak a,a hmaiah chuan mittui a luang ngiai ngiai a.....Ruatkima chuan"Angela..tap suh aw..kan inhmu leh vat dawn alawm.."Angela-i mittui chu a hruk fai sak a...a hmuiah chuan a fawp vawng vawng a...
Hawi let tawh miah lo in a kal nghal a....hawi let chu a chak takzet..a hnunglamah chuan khawvel a a hmeichhe hmangaih ber a awm tlat si........mahse a hawi let chuan kal thei lo in a kir leh mai thei bawk...kawngkawiah a a liamdawn meuh chuan a insum thei tawh lo..a inher a,Angela-i chuan a kut alo vai lap lap a...Kima chuan a bag ah lai chu a theh thla tawp a..Angela-i lam pan chuan a tlan let a..Angela-i pawh a rawn tlan ve nghal a...an in tawk chiah a..an inpawm nghal vawng vawng a..
"samang thenni lo her chhuak hi..duhlai, "ka tuar an zawng a na lua e" "nang ngai a tahnan mai maw? "kan kar hrui ang a sei si.." "dar ang tawn ni lo her leh se.. "hmangaih ber ka enchimloh.. "hlim zai ka vawr leh nan i tang belin. Hun hian mi 2 te a then hrang fo thin a,chu hun mi 2 te then hrangtu chuan engtikah emaw chuan mi 2 in ngai leh in thlahlel ngawih ngawih te chu a la hruai khawm leh ang...
Ruatkima'n an khua thlen chuan ni a tla dawn suar suar tawh....kal kawng a amah lo hmu tu apiangte chuan"e..Kima..i dam maw? I lo haw elo? "an lo ti tliar tliar hlawm a....an in athlen chuan anau anu leh pa te ai mah a angaih zawk kumkhat zet a hmuh tawh loh chuan thing a lo ek a..Ruatkima chuan tih der a chak ta tlat a, a aw chu ti danglamin"mami..mikhual min thleng thei angem?"
a thing ek a buai bawk nen en lem lo in"aw thleng thei e..inchhungah khuan lo zuk lut rawh"ati mai..Ruatkima chu ngawi rengin a lut a....a nu chu tapchakah a lo thu a,Kima a hmuh chuan"eee..mama i lo haw ani maw..?" hlim tih hriat takin alo ti a...pawn a a nau awm chuan anu tawng chu a hre phak si..hmanhmawh takin a rawn tlan lut a,a u hmel a hmuh chuan"suala"tih pahin a a um nghal a,Ruatkima alo tlanchhia a..a nu phenah chuan a tlan kual a..Ruatkima chu a nui kar kar a..a nau erawh a tum bar thung a..a nu chuan"mami..enge ni leh ta?engtinnge in lo intih leh hman tak a?"