OUR FAULT CHAPTER - 13 BY MAWITEI BAWITLUNG

[mawitei bawihtlung]

OUR FAULT





CHAPTER 7






“Bawiha" in lian ve pangngai tak, concrete in nalh zet kawtah chuan dingin nupa upa lam hi an rawn chhuaka,“Ka nu leh ka pa chu an nihsaw" Thansanga chuan ka beng bulah a rawn ti supa, ka lo bu nghat ringawt. Bawihtea a mutthilh avangin Thansanga chuan a pawma, keiin kan thawmhnaw chu car chhung atang chuan ka la chhuaka.







“In lo thleng tluang maw? Kan tupa chu a muhil a nimaw? Kawng a thui sia in chau viau ang le" tiin a nu zawk chuan min lo nuih var vara, nuih letin an bulah chuan ka pheia, min lo kuah nghal vang vang mai.







“Inthlahrung miah suh aw, fanu thar kan nei che a kan lawm hle mai. In inneihna pawh kan buaipui ran a ngai a ni, i nu leh pa pawh kan be tawh a" a nu chuan a rawn tihzawma, ka chhang lem lo. Chhan dan tur ka hrelo miau a, Thansanga pawhin inneih a duh tihchu a hma pawh khan a sawi tawh tak kha, kei erawh ka hmanhmawh vak lo.







Ka laka a rilru put dan dik tak hrelo chuan ka pawm leh mai theilo tlat a ni, an thenawmten min thlir thap tih ka hriat chuan nuam lo ka ti lek lek mai, a thenin Thansanga chu an lo chibaia, a awm rei dawn leh dawn loh bakah a nupui ka nih leh nih loh te chu an zawt thul, thingtlang lam chu mi an la in ngaihvenin a chhe lam leh a tha lam pawhin nise an hre zung zung zel ti a Thansanga sawi kha ka awih ta thlap bawk.








Thenawm khawvengte nen chuan inchhung lamah kan inzui lut diah diaha, Thansanga chuan bawihtea chu a room lamah hruai lutin keipawh chu min ko zuia, “A nupui tur in sawi nen an va in ang lo ve, khalah naute lah kha a changkang tawh ropui si, nuthlawi te hi a nilo maw?" ti a an zawhna chu ka hre pha reng mai.







A nu leh pa erawhin kan nufa thlavang chu hauhin bawihtea chu an thisen zawmpui dik tak a nih thu a an chhanna chuan min ti thaw huai mai, rooma ka lut chu Thansanga chuan bawihtea chu a lo mut fel than tawha, room chhung chu ka enkuala, a zau tha hle lehnghal.






An sakna a la rei vak lo tih a hriat “Ka hlawh khawl hmanga kan sak a nia" ka ngaihtuahna hria ni awm taka a rawn tihsup chuan ka lo bu nghata. Ka ngaisang takzet, rethei takin a zir tang tanga tunah chuan a tumruhna chuan in tha tak leh hna tha tak a nei ta chu a nia, alamah min pawt hnaiin min kuah vang vanga.







“Hrehawm iti lo tiraw? Ka sawi tawh ang khan thingtlang chu hmanlai rilru tam tak an la pu a, kan chanchin pawh hi an la sawi dawna, mahse an rilru chhiat vangah ngailo la, an zia ve rengah ngaihsak i tum dawn a nia. Kawm nel chuan an fel lutuk" a tihchuan ka nuih sak ringawt, kan awm rei anga a hriat zel mai ang chu.








“Bathlar sir lamah sawn bathroom leh toilet a awma, i duh leh va intifai la, pawnah ka nute ho kha ka lo va pui ange" a tihchuan ka bu nghat ringawt, dik tak chuan ka la tlangnel lo nen ka awm thiam chiah lo, ka thawmhnaw chu phawrhin towel nen chuan a bathroom awmna lam a sawiah chuan ka chhuak zuia, thingtlangah pawh awm thei tak tak an lo tam fu a nih dawn hi.








Inbual sawk sawkin ka inthlak thuaia, Thanthana pawh a la mutui viau mai. Tiharh duh lem lo in ka chhuaka, mi an lo tam lutuk tawh lo tih ka hmuh chuan ka thaw huai mai, rawng an lo bawl mawlh mawlha. Thansanga nu in min lo hmuh chuan min ko nghal vata, Thansanga pawh chu arsa puahin a lo che mawlh mawlha.









“Hetah hian lo thu rawh, i chau em? Motor chuan hi chu a chauh thlak a nia, mawng te hi a kham thum zela. Chuvang a nia Aizawl lam pawh kan rawn rin zen zen loh ni, ruih phei chuan tar hnu lamah chak loh a awl bawk nen, i nu leh pa pawh an tha ang maw?" tiin min lo be sawk sawka, a aw a damin ngaihthlak a nuama, nu fel tak a ni ang tih ka ring nghal mai.








“Um ka nu leh pa chu an tha e, nia rinai kawng a thuia, mahse khua rawn thlen takah chuan a nawm hmel ka ti, Bawihtea pawhin nuam a ti viau ang. Rawn zin kha a chak lutuka, amah lah a leh muthilh daiha" tiin ka nui hak haka, a ni pawh chuan min nuih var var mai.








Kan inkawm zui zela, Thansanga chuan a nu nen kan inkawm chu hmuhnawm tih hmel zet hian min lo en leh reng thin. Min ti zam zo vek, miin min en reng hi chuan awm hi a nuam lo duh viau lehnghal. A tawpah ka tihngaihna hrelo chuan lei ka chhuah khum vak ringawt, a khi suka, lu thing nur nurin a ar puah chu thukah chuan a chhuang zuia.








Gas hmang tho mahse thuk an la nei tho a, rawngbawl a rang duh phianin ka ring.




A zawh hnu chuan kan bulah a rawn thu phei ve a “Ka fapa chu a la muhil em ni?" ti a min zawhna chu buk pui nghatin ka sam chu ka chul zauha, “Tupa kan nei tih kan hriat khan kan hamhaih a sin; kan Hmingthansanga lah hian engmah min hrilh lawk miah loa, tikhan Nunhlui te inah palai kan lo tir tawh bawk si nen a nuam lo duh ve lutuk, engpawh chu nise inthlahrung lo la, keini chuan kan mo atan chuan kan fapa in a thlan tawh chu hnarna kan neilo a nia, in karah fate an awm tawh bawk nen a rang lamin innei thei ula kan duh a ni" a tihchuan ka bu nghat ringawt.








Dik tak chuan inthiamlohna chen ka nei ve a, mi pasal chhuhsak tu ah riak ka in ngai lo theilo. Nunhlui tan pawh khan a hrehawm viau in ka ring, ana viau ngei bawk ang. A bul berah chuan Hmingthansanga lak tlak loh vang vek hi a ni.






Thanthana min au ri ka hriat takah chuan room lam chu pan vatin ka lut zuia, a mit nuai chat chat chuan a lo thu chhuaka “I lo harh elo? Tirawh le, pipi te khua kan thleng tawh a nia" tiin ka pawma, tho phang e tilo chuan kan thleng tawh tih a hriat rualin a au nghal chula, pawn lamah chuan ka hruai chhuak zuia.







A pi leh pu ka hmuh chuan atirah a tim deuha, mahse an lo biak tak sawk sawkah chuan pan hnaiin a inpawm tira, ka en reng ringawt. Thansanga pawh chuan a lo fiam zauh zauha, a pi leh pu chuan lawmin Thanthana pawh a tlangnel nghal mai bawk. Mahni thisen zawmpui te nge nge hi chu ngainat ran an lo awl a nih hi


Chaw chu ei zuiin arsa chu Thansanga chuan a ti tha tha chu kan nufa in min pe mawlh mawlha, khap ve mah ila awmzia a awm lo; angai te bawkin min pe leh zel tho. Thanthana phei chu a pi leh pu in chaw chu an barh titiha, amahin ei thei tawh mahse pi leh pute nge nge chuan tute chu an lo duat zia ka hriat belh hi a ni ringawt.








Thanthana hmangaih tak tu ka nu leh pa te tih loha ka hmuh hmasak ber an ni, nui sen senin ka lo en leh reng thina “Ka nupui chuan hmuh nawm a va ti awm ve" Thansanga rawn tawng avang chuan ka harh chhuak zawka, ka chaw chu ka bar nghal tawn tawn a, a nui hak lehnghal! Hepa hian min tih zah a tum nge mawni?








A nupui angin min la sawi zui leh ta nghala, kan la innei tawp silo.




“Vawiin chu lo lamah kal ve in duh em?" chaw eikham chuan roomah kan awm thapa, room intawm mah ila khum khatah kan mu hauh lo thung. “Aw duh e, bawihtea pawhin a hmu chak a lawm, kan zin khat tawh dawn si a, a tam thei ang ber hmu mahse a pawi ka tilo; chubakah keimah pawhin ka hmu chak hrim hrima" tiin rang zet chuan ka lo chhanga, ka feh ngailo nen thingtlang lo neih chu hmuh ve hrim hrim ka chak.







“A nihchuan in hak tur kan va zawng ange, Thanthana chu a thawmhnaw i ken zinga a chhe deuh kha lo hak tir mai rawh aw, kan pathumin kan kal dawn a nia" a tihchuan ka bh nghat nghata, a chhuah hnu chuan bawihtea chu thlak zung zungin lo lam kan kal tur thu ka hrilh chuan a ni pawh chu a au ve hliaia, a phur lutuk chu enin ka nuih var vara, ka fapa hlim hmel tluka hmuh nuam tih ka neilo.







“Khale va inthlak vat la, pawnah kan lo nghak ang che. 125 saw kan keng dawn a nia, lo lam feh nan chuan a tha ber" a tihchuan ka bu nghat nghat ringawt (Hei burma lam bike aw, scooty ang type mahse bike pangngai ang mah mah zawk).





An chhuah hnu chuan inthlakin darthlalangah chuan ka in en vang vanga, Thansanga nen kan inkar ka ngaihtuaha. Hetia kan awm leh hnu hian vawikhat mah min la tawk leh lova; mahse, min ngaihsakna erawh a ti lang reng thung.







Ka inthlak zawh chuan chhuak zuiin an pafa lo dinna lam chu ka pana “I hman tawh em ni?" a rawn tihchuan ka bu nghata, an bul ka thlen rual chuan ka taksa chu a en kual dun duna, dik lo a awm emaw ka tihlaiin a rawn nuih phei chuan a chhan hre silo in ka in enkual ve a, engmah dik lohna ka nei bawk silo.






“Enge?" vin deuh hleka ka tih takah chuan lu thing nur nurin “Engmah nilo e, i inhmeh lutuka" a tihchuan ka hmui ka pet zauh ringawt. Thil dang sawi tawh lo chuan pawnah an chhuaka, ngawi reng chuan ka zui hnak hnak mai, 125 chu tinung hlat hlatin lawn tur chuan min mitmei zauha, bawihtea chu a hma a ruakah chuan a thuttir thung, a hnungah chuan lawnin ka kuaha. Bike khalh a thiam ang tih ka ring hauh lo, mahse a lo thiam tho a nih hi.







A nu leh pa chuan fimkhur taka khalh turin an rawn chah ve mawlh mawlha, “Ka fapa leh ka nupui nimai tawh tur an nia, chan ka phal bik hleinem" ti a a nu chu fiam zauhin a tlan chhuak zuia, a hnungah chuan beiin a kawngah nghet zet chuan ka kuaha, dik tak chuan a bike khalhah ka la chuang lova, ka hlauthawng lo theilo.







“Hlau lutuk suh, min ring rawh, ka chet sualpui lovang cheu, kawng hi ngun deuhin enla, ke a kal angaih palh tak pawhin i bo loh nan" a rawn tih sup chuan thaw hakin ka meng chhuaka. Ka hawi nghal vauh vauh mai, kawngpui sirah chuan a khat tawkin sava hmuh tur an awm renga, kawnglaiah thehlei kawngkan zawk zawk te chu hmuh tur an awm bawk.







Thlifim rawn thaw heuh heuh nen chuan a nuam ngei mai, darkar chanve vel kan tlan hnuah lo an neihna chu alo lang ruaha, kawngpui an lai tlang a nih hmel, an buh leh sawhthing hring dup mai ka hmuh chuan mawi ka ti ngei mai, chutia lo hnaih takah chuan ke a feh ho pawh kan hmu ta pheuh pheuha, a then chuan min lo au lawng lawng bawk.







Bike a tih din takah chuan chhuk vatin ka ippui ah chu ka siam tha a, “Hminga kha in rawn feh ve dawn a nimaw? I nupui lah chu a hmeltha in a no suah bawk nen ni te hian a em dum zo ang tih a hlauhawm a lawm" patling rawn thleng ten an rawn tihchuan zak zetin Thansanga kawr bana pawt chuan ka kun daiha.







“Apa, kal vat ang u. Khawiah nge kal tur" tiin Thanthana chuan a lo tur ve bawk nen “Kan kal phawt ange, ka nupui hi rinai a tuar chhel a bia" ti a nui hak hakin Thanthana chu kalna tur hrilhin ka kutah a rawn kaia, mi hriata a nupui anga min sawi chu ka haw lem lo, a chhan chu kan la innei lo tih an hriat chuan min dem lutuk dawnin a hria te pawh a niang.








“In suih tha vat rawh u, hnathawh nuam ule" tiin kan in thlah zawh chuan Thansanga te lo lam pan chuan kawngpui atanga pengin kawngthlangah mihring kalna tur tawka kawng an siamah chuan kan chhuk thla a, Thanthana phur lutuk chu a lum ka hlau bawk nen ka au leh that that thin, mahse naupang tih takah hauhin awmzia a awm thei der lo lehnghal.







An lo a zuk hla lutuk lo bawk nen thleng thuaiin di leh dap hmanga thlam nalh zet an sakah chuan kan lut zuia, an ri te chu an feh ve tih hriat takin an rawn au leh lauh lauh thin. Thansangan an tih dan phung a tih avangin mak ka ti lem lo, a nawm hmel ka ti zawk. Thlam hmawrah chuan thu in lo mawng lam atanga thlifim rawn thaw heuh heuh chu ka inchhem tira.







Thanthana erawhin a pa zawhna a pe mawlh mawlh thung, naupang thil hriat chak hunlai, dil chhut hun lai tak a ni bawk nen zawhna a ngah tih piah lam a ni. Thansanga lah chuan ning leh thinrim hmel pu hauh loin a fapa zawhna chu tha takin a chhang zela, ka lo en leh veng veng thin. Mipa zaidam tak chu a niin ka hria.


Chhiar zawh rualin a hnuaia ads khu in lo click ve theuh dawn nia

[mawitei bawihtlung]

OUR FAULT





CHAPTER 8






“Fanghma ka va veh ange, thlamah hian lo awm ula ka rei lovang" a tihchuan ka bu nghata, Thanthana chu ka ko vat bawk.





“Apa bulah ka tel duh" a tihchuan keimahin ka awm peih bik lo nen Thansanga hnenah chuan ka kal ve duh thu sawiin thlam atang chuan kan inzui chhuak zuia, a awih ve deuh nen ka tawlh thlu leh thina, ka fapa tak ngial pawh ka tluk lo. A pa nen in bia in thlai rah chu an lo mawlh mawlha.





“Aih ah ana!" ka tawlhleh chu ka kut a thip zawk mai, Thansanga chuan min rawn hnaih ruaka “I tha em? Fimkhur rawh ka tihkha, khawi maw" tiin min kai tho in ka kut chu a ena, ka tlukna lamah thing bul zumah ka sawh bawk nen a lo thi zawih zawih mai “Thi..thisen" thisuk ka nei bawk nen ka tal buai ti tih der.








Thansanga chuan ka mit chhing tura min tiin bawihtea chu lo thu rih turin a ti a, keipawh chuan thu awih takin ka mit ka chhing ve bawk. Ka kut chu a ka lum ham ham chuan a rawn hmuama, ka phu zawk mai; chutah, la meng lo tura min hrilhin a kalsawna, rei erawh kalsawn lovin a rawn let leh chuan ka kutah hian eng emaw a rawn bela, ka meng nghal vat bawk.







“Engthil nge?" a rawmawla a tuam hnan mawlh mawlh chu ka zawta, “Tlangsam hnah a nih hi, thlamah lo awm tawh mai ru aw. In intina leh palh ange, ka fapa, i nu hi thlamah lo awm pui rawh aw" a tihzawm a, Thanthana pawh a lo bu nghat nghat mai.







“Apa, anu kha a no lutuka chuvang a mi a tluk, hmeichhe no deuh chu kei ka duhlo, u Sangpuia pawhin hmeichhe no leh lutuk chu an ngeiawm a ti" ka fapa thusawi avang chuan ka melh ngheka, chutiang thu chu khawi atanga lo zir nge a nih ang? Thansanga lah chu a nui kur kura, ka va han ngei tak.








“Ni e, i nu chu a no lutuka, a vun hi khawih hlek chuan a pilh nghal zel dawna, chuvang chuan a nat tawh loh nan thlamah i lo awm pui dawn a lawm" a tihchuan Thanthana pawh chu a bu nghat nghata “Keichu ka tlangval hunah chuan hmeichhe in ti no lutuk chu ka ngaizawng dawnlo, anu ang te hi ka ngaihzawn duh loh chi. Hmeichhe pa ve tak, hmeltha tho si taima tawk ka nei dawn" a sawi zawh rual rual chuan “Zothanpui ngawi hmak rawh, khatianga tawng theih kha khawi atanga i zir nge" tiin ka vin ngheka.









A tah tum insiam chhe kual chu ka hau leh dawn tihah Thansanga chuan min lo dang vata “Bawiha, i nu chu a no hleinem. A rilru a changa, a taksa a no mai mai a lawm. Hetiang hna a thawk ve ngai lova, chuvang a nih hi, le! Thlamah phei ang u le" tiin a fapa chu a kaia, buh kar ah chuan fimkhur zetin thlam lam pan chuan kan pheia.








An pafa in be mawlh mawlh chu ka thlira, hetiang em em a inchhun fuh hi an awm leh tawh pawhin ka ringlo. An hnungah chuan muangchangin ka zuia, ka kut chu a thip zâwng raih raih hian ka hria.







Thlam kan thlen rualin ka mu a, ni a sa bawk nen ka tan chuan hrehawm tak a ni. “Tikhan lo awm ula, fanghma lawh sa hi lo ei rawh u. Ka rei lovang, ka fapa i nu hi lo awmpui tlat rawh ka tih kha aw" tiin a chhuak zuia, bawihtea pawh chuan thlam luhka a ding chhuakin a ban a vai lap lapa, hmanlai mite ah ka inchan hial mai.








Hmanlai pasaltha an sawi fo kha Thansanga nise, a fapa nen a an feh dun thin angah suangtuah in kei in ka lo thlir bawk anga, nui hakin fanghma no chu la in ka vel mawlh mawlha “Thanthan, lo kal rawh le hei ei ang" tiin ka ko pheia, a ni pawh chu rawn tlan lutin ka bul chetah chuan a rawn thu a.







Ka fanghma vel sa chu pe in a ei nghal hmarh hmarha, keipawh chuan ei ve in ka tuihal pawh a reh sawng sawng mai. Bazara lei ai chuan hetia lawh hlim ngei mai hi a lo tui bik zia ka hre chiang ta uar uar mai, a dai vawt raih lehnghal. Pahnih chu eiin bawihtea erawhin pakhat bak a ei lo, a pa auin a kal chhuak leh daih tawh.








Thlam namthlakah chuan thu in ral hla taka Myanmar tlang dung lang zui chu ka thlira, Tiau lui hruta awm an ni bawk nen an khua pawh hmuh theihin an awm ve teuh mai.






“I kut chu enge a an?" Thansanga aw rawn chhuak thut avang chuan phu zawkin ka inhera “Umm a zia tawh, i zo tawh em ni?" tiin an pafa a an rawn inpawm bawr lak chu ka ena. “Um chawl hahdam ila, tlai ni nem ah kan haw dawn a nia, chhun nisat laia haw chu in chau lutuk palh ang, bakah ni zung natna neih a awl" tiin a thlai lawh chu a rem tha mawlh mawlha.







A che vel reng reng chu mipa e tilo in a fel thlarh mai, a thawh than nge nge chu doctor hial pawh ni tawh mahse a la hre bel hle tih a hriat, a zawh chuan kan bulah thu in min kuaha. “Ka kianga awma min zui haw avangin ka lawm e, ka sawi tawh kha. Ka nupui i ni ngei ang; tichuan, tumahin ka lak atangin an la sawn leh tawh lovang che u" tisupin ka chalah chuan a rawn fawpa.









Ka nuih seih ringawt, ka biangah chuan rawn piai in min mutthlak puia, Thanthana pawh a pa sirah a mu ve ran mai. “Tihian kum tin lo in nei thin tihna em ni? A nawm hmel e, hetiang hian in feh ho a, in in au a, a reh lo viau ang. In in ngaihsak tawnna hi a hlu ka ti" tiin a awmah chuan ka beia, ni e khawpuiah chuan mahni hna buai in kan buai a, chhungkaw bil te te leh thian te bak chu kan in ngaihven meuhlo, thingtlang erawh chhungte leh thiante ni kher lo pawh an in ngaihsak em em chu a nia.








Keini erawh thenawm hnai pawh nise kan chhungte nilo chu kan hre mang lo a nia, “Ni e, tam takah chuan thingtlang nun hi a nuam an ti fo a nia, khawpui hi in awhawm veleh chhawnga. Thingtlangah chuan tihian kan thawh hi kan ei tawpa, sum a vang bawk nen rethei kan tama, mahse an nun a hlim tho. Chhungkua leh thenawm khawveng te hi in hmangaih tawn ila, nun chu a hlim a nimai, sum awm lo mahse kan in pui tawna, hei hian inpawhna tha a siam thin" tisupin Thanthana lam chu a melha, a lo muhil der tawh mai.









Keipawh thawm a reh tan ta bawk nen a changin kuk thawm awm leh thin mahse ka hre chang meuh tawhlo, vaua koro rual hram te. Tawllawt leh thereng hram nen zawng zawng chuan ka mut a chhuak duh lutuk tlat, Thansanga kuah chung chuan ka mit ka chhing riai riaia.






“Puite, harh teh maw. I haw tawh ang u hmiang" Thansanga chuan min sawi nak naka “Anu, tho vat rawh khua a thim dawn" Thanthana aw a rawn chhuak zui bawk nen peih lo zet chuan ka thu chhuaka “Dar eng zat nge ri tawha?" ka la hawi â deuh chhu mai.








“Dar 3, i haw tawh ang u hmiang. Kan tlai mah mah dawn e" tiin min kai thoa, keipawh chu ka sam chu chul mam thuak thuakin ka ippui ah ve chu ka la a, thlai ah ve ka tum chu Thansanga chuan rem tilo in a mah chuan a phur veka, hmaah Thanthana nen min kaltirin a ni in hnung a dawl thunga.








Bawihtea pawh rinai chho kal a thei daih mai, kei erawh ka thaw leh hak thin. Ka chau tih piah lam a ni, kawngpui hlat lo mah ila vawithum kan chawl hman hial. Ka in fit loh zia ka hre chhuak uar uar mai, engtin nge mi dang an ni aia hla a lo nei te hi an kal theih zawk? Thingtlang mite hi an lo namai lo, ram hnathawh an thiama. Inchhung chet an thiam leh tho bawk si, mi tam takin thingtlang nula an fak thin hi ka dem ta em em lo. An thawh rim zia a tak ngeia hmu tu ka ni ve ta tlat miaua.








Kawngpui kan thlen chuan fanghma pakhat chu insem leh in kan ei leh te te a, kan eizawh chuan bike hmalamah chuan thlai dahna ip chu tawn hnanin keini nufa chu a hnungah kan chuanga, ke a kal ho pawh an rawn inzui haw leh diah diah tawh mai. Kalpui an nei zel bawk nen a nuam viauin ka ring.








In kan thlen chuan a nu leh pa chuan min lo chiau au vata, Thanthana pawh a chau viau a niang ka tihfai zawh hnu lawkah a muhil nghal daih mai, zep lohah chuan keipawh chu ka mal vel a rawlin a na ut ut mai. Ke in thui tak tak chutah chho lam ka kal ngailo bawk nen ka zawng ngawih ngawih chu a awm lo lem lo.







Thansanga chuan min hriatthiam pui nge in tifai vat tur chuan min ti a, thuawih tak chuan ka intifai ve mai bawk. Zanriah ei zuiin eikham rual chuan ka mu lut daiha, Thansanga nu leh pa pawhin engmah an sawi lem lo, “Khawi ka lo hmet ang che" Thansanga rawn lut chu ka bulah a rawn thu zuia.






“Ka na ut ut mai, ka mal leh ka chawn kha" tiin ka kawka, a chum nghal dat dat mai. “Lo kha i hmu chak ve bawk sia, nidangah chuan in tel tawh lo ang"a tihchuan ka ner nanga, a rilru in nawi min ti dawn tih hriat reng, ka na hma em bawk a ni.



ZAWMNA...





“Awi ka tliak, mi thenkhatin thingtlang nula ve tho te an han fak leh lutuk hi chu kei ka duh miahlo. An hmeltha tih zawng an nih avangin an fak chula, an ni ai aia thawk nasa an awm tih hi an hre lo nge, keichu khatiang no pek puak kha chu an school chawlhah chiah an feh thin a nih ka ring, inkhaw mite hi ka ena. Mi ngo chu an tam, mahse an kut atang hian hnathawk mi chu an hriat bik lutuk, mi pakhat fak em em in thawk nasa dang ho kan hre chang leh duh miah lo, kan tunlai khawvel thin tawh dan hi" tiin ka lo ner leh nang nang thin.








Ka ngaihdan avang hian mi thenkhatin min ngei mahse ka pawi tilo, thingtlang nu hnathawk mi tak tak chu an no lutuk thei lo tlat. Thenkhat lah hian kan lo post chhena, midang hi hnathawk ve lo an ang ka ti thin, kut hnathawk kan fak dawn pawhin a hmeltha chin, a awm no chin feh ve zeuh zeuh emaw ni hi kan faka, sawrkar hnathawk ah lah nise chuti bawk, kohhranah lah pawisa ngah chin chiah kan fak leha, sawrkar ah pawh nise mahni party bil te te in kan in rel hranga, kan ram hian hmasawn aiah a hnung tawlh zawngin kan thang a nih ber hi.








Khawi hmunah pawh a taima leh dik te aiin mi hriat hlawh leh sum ngah in hmun an chang thuk zawka, mi rethei thawk rim tak tak erawh a pawimawh chinah an lang leh thin lo. Thil hi mi kan fak dawn pawhin a chin tawk hi thiam a tha, kan post a kan fak duh lutuk na lamah hian mi tam tak ngei hlawhna a ni leh daih thin. Mite hian hna an thawk lo bik a nilo, thingtlang school kallo chin chuan nula tlangval chenin an thawk mai.








Khawpuiah pawh chu ti bawk, kan hna thawh dan a inang lo mai zawk. Tin, vun rawng avanga an inhmusit fo te hi ka haw thin, Pathianin min siam dan a nih miau chuan lawm taka pawm mai tur, an duh vangin an hang lo va, an duh avangin mi hmelchhe tih nih an duh bik reng renglo, siam tun duh taka a siam ve tho an nihna hi zah sak an phu.






Hmel ringawt hi chhuan tham a tling lova, vawikhat chet sual palhah a chhe vek thei, hmelthat na chu mitah nilo in nungchang ah hian a ni daih zawk. Hmeltha si sual si ai chuan hmeltha lem lo, fel leh taima an hlu zawk.






“Ka duat mek che hi, phun nasa lutuk lo la" Thansanga chuan a rawn ti dam dapa, ka hmui chu ka tipawrh nghal tiauh mai.







“Min duat pawh ka tilo, min ngaihsak lo thlawt" ka ka chu ka chip vata, kha thil kha engvanga sawi nge ka nih le. Thansanga chu ka en chhoa, ka in let nghal thak bawk, ngawi reng hian min lo ena, a mitmenga thil lang ka hmuh avang chuan thawh chhuah tumin ka che a, chu veleh rang zet hian ka hmuiah a rawn fawp nghal tawn tawn mai.








“Thansang, duhtawk rawh" a biang dawm meuh hian min ena “Engvang chuanin nge ka tawp ang, helai thleng ka hruai haw che a ka nupui i ni tawh a lawm" a tihchuan ka mengkawka “Nang hi" a rawn nui nghal hawk hawk mai.







“Ka sawi dik lo em ni? Ka nupui angah an ngai vek che tih i hria a lawm, min en teh Puite" tiin ka khabe ah chuan a rawn vuana, a mit ah ka en rualin ka khur chhe leh der mai.







“He hmeichhe hmeltha lutuk thinlung hi engtin nge ka lo neih theih zawk ni. Ka phu lo tih hre reng chungin a zûnah ka uai zel chu a nih hi; tunah chuan ka chhuah tawh mai mai lovang" a aw nghet charah chuan a tih mai mai loh zia a hriat, thawk la ham hamin a hrawkbawk chu ka khawih saka, a chil lem zawnga che leh ralh thin hi hmuhnawm ka ti.









“Min kalbosan dawn khan min ngaihtuah ve reng reng em?" ka zawhna avang chuan ka chalah a rawn tauh data “Engtik lai pawhin ka ngaihtuah che, kalsan che kha ka hreh a sin mahse ka hma hun atan a ni miau si a, ngaihzawng i nei tih ka hriat khan ka na em em a, doctor niha bem that che a ka nupuia sawm che tuma ka rilru ka siam laiin ngaihzawng i neih thu ka hre leh si a, ka thianpa ngei lehnghal tih ka hriat khan min tina ber" tiin ka bulah chuan a rawn mu thla a.









“Min lo biak ka ring thina; mahse min rawn be ngai lo khan i tan ka pawimawh ve tak tak lo a niang tih ngaihdan kha ka nei nghet bura, chuvang chuan Johnny-a kha ka nihpui ta tawpa, mahse a lo fuh lem lo a nih hmel, Thanthana ka hmuh apiang hian ka ngaihtuah chhuak fo che a sin, fa i nei tih tal kha hria la ka duh thin" tisapin hun kal tawh chu ka ngaihtuah vang vanga.







Hun reilo te liam taah kha chuan ka huat ber a la ni a, tunah erawh a tawngkam khat lek vang pawhin ka hlim leh em em tawh chu a ni si a. Hmangaihna hi a lo mak a nih hi, kan thlahlel ngawih ngawiha, min ngaihsak lo ni a kan hriat in kan na a, kan thinrim mai thin. Mahse chung zawng zawng te chu tawngkam khat lek kan laka an hman pawhin kan dampui leh thei lawi si.





NAKTUK ZANAH A REM CHUAN CHAPTER 9 KA RAWN DAH ANG AW.

[mawitei bawihtlung]

OUR FAULT





CHAPTER 9






“Hey mi bialpa i chhuhsaka i zak miah nange" damdawiinah Thansanga hmu tura kan chu doctor hmeichhe pakhat hian ka inrin hma in min rawn kek thlu thuai mai. Bawihtea lah a lo au nghal chul bawk, inherin chunu chu ka khawih let ve hmiah hmiaha, ka thinrim lutuk chuan a sam leh a hmai vel chu ka ham thi nung tawh mai.








Nurse leh a guard te chuan min rawn pawt sawn vata “Engthil nge thleng? Hetah buaina in rawn siam a maw? Kan doctor te kutthlak hi kan duh viau lo" mipa aw chang beng bawng a rawn chhuah rualin ka inher nghata “In doctor chuan midang khawih hmasa turin dikna a nei bik hauh lo, hetah buaina siam turin kan rawn kal lo a, Dr Thansanga hmu turin kan rawn kal mai a ni" ti ve fak fakin chu doctor nu chu ka ena.










“A dik em Doctor Chhan" chupa in a tihlai chuan “Puite" ti a Thansanga min kohna chu hria in ka inher vata “Apa, heng ho hi an sual lutuk anu nen kan lo kala, sawlai doctor hmelchhe deuh sawn anu hi kut a lo thlak ringawt ania" Thanthana chuan a lo ti nghal pang panga, a hmelah chuan a thinrim ve zia a lang thei. Ka fapa hi chu ka tan hian a hlu thin.







Thansanga chu a rum nghata “Doctor Chhan, engvanga ka nupui chu lo khawih nge i nih le? I pawi an sawi em ni? Midang hmaah i ti mualpho bawka" rum ul hian a ti chhuaka, chulaia midang awm ve ho chu a ngaipawimawh hauh lo tih a hriat, kha pa upa lam ngei pawh kha a en duh thaklo nia.







“I nupui maw?" chu putarin a rawn tihchuan Thansanga chuan alama min pawh hnaih salh pahin a bu nghuta, “A ni a lawm, pu Robert thil i hrechiang lo a nihchuan finfiah hmasak hi a tha ngai, kan thawhpuite an nih avang ngawtin an dik leh dik loh hre hmasa lo in tan bur tawh loh tur; tin, damdawiin ani a tute pawh an leng e. Mi hmuhah a mawilo tih in hriat thiam ka ring, kal ang u Puite" tiin Thanthana chu a pawm kanga.








An pafa a an kal nul nul chu ka en zui reng a, a ngal sei zet nena damdawiin chhuat a rap ri khauh khauh chu a inhmeh hliah hliah mai. An hnungah chuan muangchanga zuiin ka in ngaihtuah neuh neuha, Aizawl a kan let na a la reilo nen tumah vakin kan innei tha tawh tih an hre hauh lovang, tu vak mah kan sawm bawk silo.








“Tah hian lo thu ula, tinge in rawn kala?" min zawh kha ka ring renga, keipawhin a hnathawh lai tih buai ka duh bik lova; mahse Thanthana hian a pa hmuh a tum bur bawk nen ka kalpui tawp kha a nia “Thanthana khan a ngai che a niang" tiin ka mit ka chhinga, ka lama kal anga ka hriat avang chuan ka meng chhuak lehnghal vata, ka ngaihdan chu a lo dik tak tak. Thansanga chu ka hmaah rawn awmin ka thutna chair ah chuan a rawn in nem khalha.









“Ka fapa chiah in maw? Min ngai ve lo tihna em ni?" ka lamah a rawn awm hnai sauha, ka lo ip vak mai. Thanthana ka va en lah chuan a pa phone enin min ngaihven lo hrim hrim, “Min ngai ve lo em ni Puite?" ka hmui bul chetah chuan a rawn phun sapa, ka khur leh der der tawh mai.








“Awmsawn teh Thansang, bawihtean min hmu ang" tiin ka hawisawna, a nui hak mai. “Min ngaihven lo, min ngai angin ka pawmsak mai ang che" tih leh ka hmuia rawn fawh chawt chu a ruala, hepa hi lungphu chawlin min thih tir thei takngial dawnin ka hria.







Zei zeta a hmui leh lei a tihchet takah chuan ka chhang let lo theilo, a awmsawn rual chuan ka hmui chu ka liak zauh va. A hmui pawh chu a huh ve hlap tho, a kawr nghawngah chuan ka thamsak taia, ka thaw ham ham bawk.








“Ni tin hian ka thlahlel telh telh che chu a nih hi" tiin ka biang vel chu a nul leh thuak thuaka, “Anu, apa enge in tih? Tikhan awm tur mi?" Thansanga chu ka namsawna “Anu i duat em ni? Apa nichina ramhuai pitar sual deuh kha tinge i hauh loha?" tiin a pa chu ala zawt zui, a buaithlak thin.








“Hmeichhia a nihkha, mipa chuan hmeichhia chu tih ve vak loh tur; bakah i nu in a khawih hrep lo em ni?" a tihchuan ka lo ner naka “Aw, anu chuan a hmaiah a hnek sak mawle, anu chu a pui rem rem lutuk" tiin Thanthana lah chu a au chul mai, Thansanga chuan nui suk sukin min rawn ena, lei ka lo chhuah khum vak ringawt.








“Ka sawi kha, i nu chu a bawn lutuka, i pa hian ka chhan a ngai thin lo a lawm; Mahse, mipa in i nu hi tihnat an tum a nihchuan i pa hian engtik lai pawhin ka veng reng zel ang, chuan nangpawhin i nu hi venghim tlat ang che. I hria em?" tiin Thanthana hmaiah chuan a piai saka, an pafa inbia chu ka lo en renga, an hmuh nawm chiang a lawm.










“Tikhan lo awm ula, ward ka va fang lawk anga kan haw dawn a nia, a tha em?" tiin Thanthana lu ah chuan chulin a chhuak zuia, ka en zui vang vang mai. A hna a tlinin a ngaipawimawha, a duty loh zan pawh nise hmalai chu damdawiin lam a a awm tum a tam zawk thin.









Ka thaw ham hama, Thanthana hian nau a nei leh vat dawn tih hi ka hrechiang hle bawk. Thansanga lah chuan fa neih leh vat vat a chak tawh bawk nen ka bula a awm phawt chuan a sawi ngei ngei zel.







A rawn let leh chuan bawihtea chu sofa ah ka lo ti mu tawha, a rawn hmuh chuan a en vang vang mai. “Min lo nghak zo lo a nimaw ka fapa chuan, ka in dah fel lawk ange, chuan kan haw dawn a nia" a tihchuan ka lo bu nghata, a doctor form hi chu a inhmeh bik tak tak, amah a palian bawk nen en zui loh theih loh hian a chhelo vur chu a nih hi, a chang chuan ka ngaihtuahna vak velin hmeichhe dang a lo hnaih ang tih ka ngaihtuah chhin hian ka thinrim tun zel.









A inthlak chhung chuan tukverh ah chuan ka daka, mi in sul pel zut zut zingah chuan an chhungte an chan avanga tap chhuak hawm hawm lah bo lo, mihring hi zawng piang chhuaka thi leh vek tur kan ni si, kan nunna chungah thuneihna kan nei mawlh silo, khawvel eng hmu in kan piang chhuaka, chutah kum hlun lo turin kan piang tih reng ngaihtuah lovin kan khawvelah kan chenga, mahse a tawpah chuan kan ral leh thin zawng a nih hi.









“Kal ang ule, ka bag kha min lo khaisak mai rawh aw" a a a rawn chhuah avang chuan inher vatina bag chu ka la a, a niin Thanthana muhil chu a dara bei tirin a pawma, damdawiin kan chhuahsan meuh chuan ka thaw huai mai, engtin emaw hian a uap churh zelin ka hria.







A car a lak chhuan chhung chuan bawihtea chu ka lo pawma, kan bula a rawn din rualin Thanthana chu a hnung seat ah chuan mut in kei erawh a hmaah chuan ka thu thung, kan tlan chhuah rual chuan a hna chungchang chu a sawi pah mawlh mawlha, lung thalo an tam zia vel a sawi te chu ngun takin ka lo ngaithla a, tam tak te hi chu kan natna te hi kan insiam chawp ani ve tlat.




ZAWMNA





“I mut a chhuak tawh viau em ni?" ka bengbula rawn phun sar sar avang chuan mengchhuakin Thansanga kawr engmah ha lo a ka chunga lo in nem khalh ran chu ka ena, zan lam ka chau bawk nen ka mu hma kha a nia.






“Bawihtea a mu tawh em ni? Tinge kawr i hak loh?" ti a ka en ha lai chuan a rawn nui suka, ka hmuiah chuan rawn fawpin ka sam chu a chul zauha “Naute kan siam vat vat a ngai ka tihkha" a tihchuan ka mengkawka, min ti lai leh tawh.







“Thansang tinge i sawi phawng phawng zela" a awmah chuan ka khawih saka “Nupa kan ni tawh, ka nupui ka mamawhna chu sual a nilo bawk. Min dang suh" tiin ka hmuiah chuan a rawn fawp zuia, ka dang duh ta biklo.








“Naute a insiam tawh angem le aw?" ti a ka dul chul hauh hauh tu chu thawk la pangngai lo zet chung chuan ka ena, “Ka hrelo le, Pathian thu thu a nimai, nang lah hi i hmanhmawh si" tisapin a awmah chuan ka bei chiala, ka ham bai bai bawk.







“Taka i thawhna a mi hmeichhiate hian an duh thei riau che, ka lawm miah lo. Ka pasal i ni a ka ta chiah i ni tur a ni, tumah hnaih hauh suh ang che" ka tihchuan a rawn nui huka “Ka luck chu i duh meuh nange, ka hmel hian a zir em a niang, mahse ka nupui bak ka duhlo" a tihchuan a fiamthu mah nise ka sik nghal vak mai, tunlaiah mi pasal kawp hreh lo tak tak an tam tawh bawk nen khatiang kha tawn ve ka duh lo bur.







“Min kawp dawn ai chuan inthen pawh ka duh zawk a nia, keichuan inkawp tih vel hi ka ngaina lo. Mipa tam tak an awm laia mi kawppui kher ngaizawng duh tlat te hian eng rilru nge an put dawn ni. Mi chhungkua an tikehchhia a, in thiam lohna nei miah lo in an la leng zuia" ti chuan ka phun hlak hlaka.








“I thinrim leh zo dawn, hmeichhe dang ka duh hleinem, duh ila chuan ka nei teuh tawh ang. Ka tan chuan i tha ber, i thingtlangpa, a tul changa i doctor ka ni leh mai" a tihchuan ka nui hak haka.







“Taka hmanni chu ka thiannu thlavang hauhin ka buai hrep a lawm, nula senior zah hre tawh map lovin a kuthnathawk kha a lo hmusit lutuka,khawpui nula hna nei a nih thu te a lo sawi khum vak vaka, ka zak zawk. Amah aia hnasang thawk thingtlang mi an awm teuh tih a hrelo aniang, lehkhathiam fing silo chi a nih ka ring" ka ti hlak hlaka.







Thiante thlavang hauh tina chi ka ni bawk nen ka thiannu ka ngaihtuaha, ka thinrim thar pui leh. Hna a hmuh avang ngawta thingtlang mi lo hmuhsit, amah lah kha a hmelchhe ropui sia, nula senior tih takah a tawngkam lah chu a rapthlak narawh. Khavang kha a niang pasal pawh a hmuh theih loh ni.








“I sawi dik e mi ram kan tluk lohna ber a ni, mi chuan an kuthnathawktute an zahthiamin an chawimawi thiam a lawm, Mizo chuan mi fak leh rim taka thawkte ngaihsanna chang kan hrelo, thingtlang hmuhsitna hi a reh tak tak dawn lo, chuvang chuan mahni hi kan pawimawh ber. Thingtlang hmusit tawk leka lehkhathiam chu eng a nih bik loh chu, ngaihtuah tawh suh a tluk loh a sawisel mai mai ani, muhil tawh rawh zingah i tho hma thei si a " a tihchuan ka sik nghal hlawka.








Ka tho tlai thei lutuk tih kan hre ve ve, ngeiawm hi a chhuah reng mai.



Engdang mah sawi tawh bik lo chuan a taksa kuah chung chuan ka mit ka chhing riai riaia, khua a lum chho bawk nen puan pawh kan sin pan hle renga, Aizawl phei chu nipui a nih meuh hi chuan kan alh lo chauh zel chu a nih hi, fan awm lo phei se chuan ka alh pupin a nia ka rin, mihring kan tam tawh nen khawlum lai phei chuan thawm bengchheng nen a ninawm lek lek zel.








“Anu tho tawh rawh" tiin ka fapa chuan min rawn sawi leh nawk nawk tawha, a zing tin tihdan a ni bawk nen ngaiah ka neih tawh. Fa neih chu an tho hma thei bawk nen a chang chuan ka ning lek lek zel, mut ka kham thei reng reng lo lehnghal.








“Ka fapa i nu i lo kai tho leh tawh a nimaw? I nu khan a seh hlauh ang che, helamah lo kal rawh. Vawiin chu i pa hi ka chawl dawna, i nu chu tikhan la mu mai rawh se" ti a Thansanga rawn tawng zawh rual chuan an pafa chuan an chhuak zuia, ka thaw huai mai. Englai pawh hian tleirawl mutduh ang reng hi ka niin ka hria.










“I chau viau em ni?" Thansanga a rawn luh leh rual chuan a rawn ti a “Mut leh nang hmangaih che hi ka kham thei dawn lo a nih hi" ka bulah chuan a rawn hnai nghal ruak mai “Eng maw i sawi? I va ril reuh ve" a tihchuan lei ka chhuah teta, a rawn nui nghal hawk mai.








“Ka nupui chuan thu thlum chhak chhuah pawh a lo thiam hle a nimaw?" tiin ka hmuiah chuan a rawn fawpa “Ka mut a la chhuak ania, Thanthana khawnge" tiin a sam chu ka tham sak nauh nauha “Pawnah Matlani nen (awmpui) an infiam a nih kha, mu leh rawh. Chaw ei dawnah ka lo kai tho dawn che ania," tiin ka chala fawp chung chuan a kalsawn zuia.








Keipawh chu engmah sawi lovin ka mu thla hnaka, ka zawi ngawih ngawih reng mai



NAKTUK ZAN ATANG RAWN REGU KA TUM TAWH ANG AW.

[mawitei bawihtlung]

OUR FAULT





CHAPTER 10







“Anu khi khi kan perh leh chhin aw" Thanthana chuan tiin a sairawkherh chu a pawt fana, thingtlang kan zin khan a hre ve bawk nen a pa a siam tir kha a nia, rinai a la lawm lehnghal.







“Bawihte mi in te i perh fuh ang, miin min rawn hau palh ange" ka tihchuan a ner nang nanga “A nih in hnung lam a ramhnuaiah sawn sava ka va veh ang aw, api te khuaa ka thiante pawh kha ramhnuaiah an kala an perh thla zel a lawm" a tihchuan ka en tawpa, a pa ang chiah a tum tawh chu a tileh bur dawn tih ka hriat avang chuan kal hla lutuk lo tura hrilhin a tlan liam chu ka en renga.









Kan inhnungah hian vengdang nen in danna laiah ramhnuai zau vak lo a awm a, thingpawh an lian tha viau bawk.






Tualah chuan thu in kan hun hman mek te chu ka ngaihtuah neuh neuha, Thansanga nen kan inkar te, kan chhungkaw boruak vel nen, chumai nilo Nunhlui te leh Johnny-a chungchang thlengin ka ngaihtuaha, tun thleng min la tibuai peih hi amak ka ti, Johnny-a ngat phei chuan ka hmelhriatte karah kawp angin min lo sawi kual vak a nih kha.







A hnena ka let a duha, mahse pasal ka nei tawh tlat. Neilo pawh ni ila ka let leh kher lovang. Ani ang mipa mi tihmualpho nana dawt sawi pawh hreh lo kha ka hnaih hlauh chi tak a ni, tun thleng min la rawn tibuaia, ka block hnuah pawh min hmuh ala tum tang tang a nihkha, vawikhat phei chu Thansanga hmuh laiin min ti buaia, Thansanga thin thawkin a sawisa hrep a nihkha.








“Anu" ka fapa mangang au avang chuan harh chhuak zawkin inhnunglam chu ka pana ”Thanthan tinge, enge i hlauh?" tiin ka lo kuaha, ka mal ah pawmin a hmai chu ka dulah a thukru tlat bawk nen ramhnuai lam chu ka melha “Naupang nghal lutuk" patling lukawlh rul mai a rawn chhuah chhur chhur avang chuan ka lo en kara.









“Ka pu enge ni ta?" ti a ka lo zawh lai chuan rum zet hian min rawn ena “Kha naupang nungchang mawilo zet nu kha i ni ang maw?" a rawn tih leh hluk avang chuan thaw hakin ka bu nghata “Ka fapa chuan enge a tiha? A aiawhin ngaihdam ka dil e" ka tihchuan a rawn ngampa sauh tih hriat takin a rawn kal hnaia.









“I fapa kha zilh loh fa ang chiah a nihkha, nungchang mawi pawh hrelo, aia upa zahna a hre hek lo. Ka inthiar lai min rawn perh a nihkha" a rawn tih tawn tawn lai chuan bawihtea chuan min kuah nghet sauha “Anu, ka hmu lo a lawm hnim karah a lo awma, ka sava hmuh kha perh ka tum mai a nia" tiin a rawn tap aw tiaua, ka fapa hian dawt a sawi dawn lo tih ka hria.







“Ka pu kan thiam loh a ni e, chutih rual erawhin a hmu lo che a nih hmela, naupang mai ani bawk nen hrethiam rawh" ka tihlai chuan thinrim zet hian ka fapa chu rawn khawih a tuma, ka ngai thei tawh lo chuan ka lo danga. Ka hmaiah chuan a beng nghal sawk mai.









“In chan tawk a nihkha" a tihchuan ding chhuakin ka en ngara “Ngaihdam kan dil che, engang mipa nge maw i nih le? Tin mitinin mahni inah ek in kan nei vek, ramhnuaia i inthiar kha i thiam loh zawk a ni. A niin i inthiar tih a hre reng reng lo, naupang a nia a tihpalh tih chiang takin nangpawhin i hria, kut min thlak leh teh. I ngam ngam ka ngam, ngaihdam dil hnu pawha naupang kutthlak ching chu dan in engtin nge a tih zawk ang che" ka tihchuan a hmel chu a tlanchhe nghal du mai.








Kan tihsual em em pawh nilo vah ngaihdam kan dil chung pawha mi kut a thlak duh hial khan min ti thinrim ve tlat, patling pui leh nghal mi in bula ek kha a mawilo hle bawk. “Ka tihpalh" tiin a kalsawn zuia, engtin mah ti zui tawh bik lo chuan Thanthana en tur chuan ka thu hniama.







“Anu ana em? Apa bulah ka sawi vek ang, mahse maw khapa kha a mawngah ka perh sak a, a na ve tho ang tiraw?" a tihchuan lehlam hawiin ka thensaka “Na lo e, bawihte tun atang chuan fimkhur tawh tur aw, thingtlang ang kha a nilo a. Mipui an tam tawha bakah mi an inang vek lo tih hre reng ang che, tirawh le lut tawh ang" tiin inchhung lamah ka luh puia.








Ka biang a benna lah chu ana tur at at mai, fridge a tui dah khal chu lain ka in depa, a nuam huai huai mai. Thanthana lah a muhil leh daiha, keimahin sofa ah chuan mu in ka lo chhing sek a ni ngei ang Thansanga rawn haw pawh ka lo hrelo a, ka biang a rawn khawih a a na avang chuan ka harh chauh a ni.








“Enga tinge i biang hi? Tu nge rawn kal" a aw chu a chang tha beng bawng hle, ka biang sen tut a hmuh chuan a ti lungawi lo hle tih a hriat.





“Engmah a nilo; ka in tipalha" ka thusawi awih loh hmel lutuk chuan a rum nghuta “U Matlan, ka nupui chungah hian enge thleng?" awmpuinu chu a zawta “Pu Hming, bazara ka chhuah lai a nia, ka hre bik lo ka haw lahin an lo muhil sia" a rawn tihchuan Thansanga chuan chiang zetin min en rana.








“Puite thu dik hriat ka duh, i bianga benna hi tu kuthnu nge? Tunge kutthlak che? Thudik chiah ka hre duh ka tihkha" a tih leh chuan ka mit ka chhing vang vanga, thudik ka sawi hma chu min zawt leh dawn tih ka hriat avang in engkim chu ka hrilh veka, a phun nghal hluk mai.








“Phiangsen chuan a hming i hria em? Ka nupui mai nilo ka fapa pawh kutthlak duhtu chu ka hre duh" thinrim zeta a tihlai chuan a kutah chuan ka humsaka “Ka tha a lawm, a ti nawn leh ngam tawhin ka ringlo. Ka vau let ve a, Thanthana khan a awm tih a hre siloa, zu rui a nih ka ring sawtianga lo awm duh chu, engkim a tha. Buaina siam leh kher a tullo, kan tha a nia" tiin ka lamah chuan ka pawt hnaia, a awmah chuan ka bei nghal than bawk.








“Mahse i na lawm, keimah bakin an tina tur che a nilo. Kut ka thlak phalloh ka nupui hi a dikna ah ngei kut an thlak hi ka duh lo hle bawk, keimah bakin ka tina thiang lo che, kutthlak zawnga tihnat che lah ka duh hek lo. Tunge sawi rawh, i biang ti duk tu hian phuba chu a hmu ngei tur a ni" a rawn tih chan hrawk avang chuan a biang tawn tawnah chuan ka vawn saka.








“Shh....Bible in hmelma hmangaiha, ngaidam turin min tih kha, mi kan ngaihdam theih loh chuan kan thih hunah siamtu'n min ngaidam duh lo ta se engtin nge kan awm ang? Thil tisual thei vek kan ni a, in sawisela phuba la mai lo in kan in ngaidam tawn tur a ni" tiin ka awmah chuan ka kuah beta, engmah a sawi tawh lem lo.








FIR vel pawh a tul ka ti chuang lo, ka tawngkhumna kha a tawk viau in ka hria, tun ang laia mite anga thil a hunlaia sawi luai luaia, mi anchhe lawh mawlh mawlha, a hnua theihnghilh leha a aia lar a awm leh hunah sawisel leh fak lam pawh in peih leh at si ang thil kha thlen tir ka duh lo. Ka fapa hma hun atan a tha lo thei tlat.







Min kan duh zawng chu an dik emaw dik lo emaw pawh hre hauh lo in an mahni kan duhna avangin kan fak mawlh mawlha, kan duh lem loh chu dik zawk pawh nise kan sawisel leh mai thin. Khatiang thil kha thlen tir ve ka duhlo, mihring kan in ang lo a buai chiah ila chuan min tan pawl leh mi sawisel pawl an awm dawn, khatiang zawng zawng tuar kha ka peih loh bakah ka fapa nun chepa a awmna tur ka ngaihtuah tel lo theilo.







Ka dikna ka duhlo a nilo a, mahse khatiang kha chu in tih mualpho nan chuan a ho ka tih vang zawk a ni. Bakah, kan biak Pathian ka zah bawk, hoteah buai duh ila chuan buaina tur a tam lutuk, mahsela ngaihdamna aia ropui a awm lo an tih fo kha.








“Engtin nge hetiang em em a i puitlin theih?" a tihchuan ka nuih var vara “Pasal fel leh hmeltha ka nei sia puitlin ve angai a lawm, hman ang khan naupang chhia reng ila min duh tawh dawn em ni? Doctor nupui ka nih hi, mi te chhanhima thlamuan thintu nupui chu midangte tan malsawmna ka nih ve angai a lawm, ni lo'm ni?" tiin ka en ha a, a rawn khi nghal suk mai.









“I ti dik e ka hmangaih zual sauh bawk che. Le! Tirawh inbual dun ang hmiang" tiin min pawm kang nawlha, bawihtea tih harh ka hlau bawk si inbual rual ka duh bawk silo chu au ring ngam chiah silo in ka chum awk awka “Ka duhlo min dah thla teh, Thansang ka zak a nia" tiin a awmah chuan ka sik vawta.








“Teuhlo e, nupa kan ni tawh ka tihkha. Engkim kan tirual zel ang, nang nen chhungkua dinin kan fate nen hlim takin kan awm zel ang. Ka hmangaih che" tisupin kan roomah chuan min pawm luta, bathroom ah lut tlangin kan thawmhmaw chu a phelh nghal mawlh mawlha, ka dang thei dawn lo tih hria in a tih ang ang chuan ka awm tawp ringawt.









Bra leh panty nen chauha ka awm hnu chuan a mah pawh en ngam lo vin ka inhup deuh tat tata, ka pasal pawh nimahse ka zah lo theilo. Shower chu on in alamah min pawt hnaia, tui chuan min rawn phuh nghal sar sar mai.



ZAWMNA



Sahbawn chu min hnawih mawlh mawlha, a chang in ka nghawng vel chu a rawn rin leh riak riak thin.





“Naktuk chu kan doctor pui an sawisak chungchangah kan inhmu khawm dawna, kan thawhna in ang lo mahse kan anpui an nihnaah support an ngai bawk nen ka lo haw har mai thei a nia" a tihchuan ka bu nghata.







Mizoram pawh hi kan sual tawh a nih hi, Kristian ram in ti thei pawh kan awm tawh lo. Tualthahna a tam tawhin nitin deuh thaw khawi emaw laiah ruang chhar tur a awm renga, ruihhlo avanga buaina lah a tam. Tlangval dukdak lo a huho baka mi khawih ngam lo khawpui chhungah kan pung a, thiante an awm avanga midang tihbuai nuam ti em em hi kan tam si. Mahni mimala mi tibuai ngam miah lo kha thiante karah a nih avanga mi khawih cho ran a awm ve theih tlat.







A bikin Aizawl ah, in thahna leh in sawisakna hi Aizawl ah hian a tam bikin ka hria, a khawpui ber kan nih rualin sualna a pung nasa a. Thalai in khawm peih lo a vak theu leu mai mai kan tamna rah ka timai, nu leh pa ten kan thunun thei lova, nula chenin ruihhlo leh party tih velah kan tlan a, a hmeichhia zawk lah buaina siam tu ah kan tang thul.







Kan Mizoram pawh hi chenna atan a hlauhawm takzet tawh a nih ber hi, mi hausa kan pung thur thura chung mite chuan an fate ai an sum lakluhna tur an dah hmasa a.An fate hun hman dan engtin nge khawlai leh pawnah an awm tih ngaihtuah theilo khawpin nun nawmna beiseiin kan tlana, kan nawm duh luatah keimah ni kan in tihrehawma a aia nasa in kan tuar thin.








Hausak kan duh luatah keimahni chhungkaw boruak kan tichhia a, mi rethei te hi an awhawm ka ti thin. Rethei te mah nise in hmangaih tawnna chang hausa te ai hian an hre chiang zawk. Tin hausa reng reng hi chu an in rena, an uikawm chawk, retheite erawhin an retheih pui tanpuia khawngaihna chang an hria, mi rethei te zel hian Pathian thlamuanna leh rinna an nei nasa zawkin ka hria.






“Kan Zoram meuh pawh tunah chuan a hlauhawm ta takzet a nih hi, khawlaiah chhuak dawn ila misual tawn hlau reng rengin awm a ngaia, tualthah hreh hauh lo an tam tawh si. Nun hi a ralmuang lo takzet, tumah hian kan hmalam hun kan hre silo, in sawisak hlum tam tawh zia te hi, nang pawh fimkhur hle rawh aw. Ruih hlo khawih thin phei chu hnaih hauh suh, mi kan khawngaih luatah hian keimahni nun hlauhawmah kan dah daih thei a nia" tiin a awmah chuan sahbawn chu ka hnawih kuala.









“Tanpui ngai chu puih tur, mahsela mi an hmel leh awm danah tanpui tur leh tur loh an hriat theih lutuk ania, ka sawi kha fimkhur a hun tawh. Khawpui chhungah hian tlangval sual tak tak an tam tawh, tunah ngei pawh an mahni avanga doctor in kut tuar an ni, a veng vengten an inhua a. Hmanlaia aia upa zah leh tlawmngaihna ang kha a awm tawhlo, misual tak pawh nise an nu leh pa te mi hausa leh thil ti thei an nih chuan dan pawhin thudik a tan ngam tawh lo, keimah ni hi kan fimkhur a pawimawh ber" tiin ka sawi zawma.








Ni e ka pasal ngei pawh hian kut a tuar ka hlau, kan sawrkar leh dan ngei pawhin midikte thlavang an hauh ngam tawh lo a ni a, misual kan punga mi hausa fa awm ngaihna hrelo ten pawi an khawiha, danin hma lak a tum miau loh avangin an pawngpawrh tual tual chu a nih hi.







“Engpawh kan chungah a lo la thleng thei. Chutih hunah pawh ka nupui chiah ni reng la ka duh, tu tan mah ka phal hek lo che. Kan thi emaw kan dam emaw ka ta bak ni suh ang che" tiin ka hmuiah chuan a rawn fawp zauha.







“Danin hma alak ngam loh chuan a mipui te hi kan tanrual a hun tawh takzet a ni, mipui kan tanrual phawt chuan engtikah emaw pi pute hun lai ang mai khan khawtlang kan lungrual leh thei mahna. Khawvel changkanna hian sual a tipung zela, mihring kan tam tawh bawk nen in mamawh tawnna a bo tial tiala, thenawm khawvengte ngei pawh kan hre hlawm ta meuh lo chu a nih hi, nang ni pawh lo fimkhur ula, lo vak chhuak vak lo ula ka duh, buaina in lo tawk leh hlauh ange. Ka hmangaih che " a tihchuan ka nuih seiha.









“Tehreng mai, in tifai ila chhuak tawh ang hmiang. Chaw ei ila mu vat ang u, zanin i duty dawn lo a ni lawm ni?" ka tihchuan a bu nghauh nghauha; mahse, emergency deuh chu awmse a kal leh thovin ka ring.







Bathroom atanga kan chhuah rualin inthlakin choka lam kan pana, u Matlani chu chaw ei siam pui mawlh mawlhin Thansanga erawh chu Thanthana kai tho turin a kal thung, kan fapa muhil vek vek hi chu a mu rei thei hle renga.

COMMENT TAIMA HRAM HRAM ANG AW

Ads kha in lo click ve thin dawn nia, story chhiar paha ads click hi kan tlem sawt ltk a, tan i la thar theuh ang u aw

[mawitei bawihtlung]

OUR FAULT






CHAPTER 11






“Puite" Thansanga min kohna chu chhang ngam lo in ka fapa nen chuan kan biru a, bawihtea ninhlei lutukin tukverh perh keh miau hek. Bungrua reng reng Thansanga hian a uluk bawk nen Thanthana perh keh lah darthlalang pangngai nilo in a man to chi a ni bawk si min hau dawn chiang lutuk.







“Anu, apa in min hau dawn ami, thawm miah lo ang aw. Apa in min hmu ang" Thanthana chuan a lo ti ve bawk, huiham! Pasal te hauh hlauin kan nufa in kan biru chu a nia, kan awmna dawhkan hnuaiah chuan chep zetin kan in hnawha.







“Puite lo chhuak vat teh u, darthlalang in tih keh avangin ka hau dawn lo cheu" rawn ti mahse a aw atang chuan na vak lo pawh nise min hau tho tho dawn tih ka hrechiang lutuk.






Chutah kan awmna dawhkan hnuai a rawn bihthut avang chuan Thanthana nen chuan kan au tuar a, a phun nghal hluk mai. “In va ho nufa em em ve, rawn chhuak rawh u in chhun nufa lutuk" tiin Thanthana chu a pawm chhuak nawlha, min hmuh tawh miau avangin chhuah loh theih hek loh le, phur lo zet chuan ka chhuak taih taiha.








“Apa, a nu nen min hau suh aw. Keima tihsual a nia, darthlalang kha ka perh palha, anu hau miah suh aw" Thanthanan a tihchuan Thansanga chu a nui suka “Aw le ka fapa, i roomah lo va lut la, i nu hi kan duat lawk ange" tiin Bawihtea chu a tir zuia, kan pahnih chauha kan awm hnu chuan chil lem dakin ka ena.








“Lo kal teh maw?" tiin a ban chu a phar hluaia, inthlahrung zetin ka pan zal zal mai. A bul ka thlen rualin nghet zetin min lo kuaha, ka hahdam nghal sawng sawng bawk “Min hlau em ni? Engtin mah ka ti dawn lo che; tunah chuan nupui leh fa min ti buai thei tur ka nei ve tawh tih ka hre chhuak thar leha, ka tana hlu ber in ni tih hre reng rawh. Saw chu a thar kan lei leh mai dawn a lawm, tinge in thlahrunnan i hman, ka nupui ka taksa pakhat, ka kawppui ka hmangaih i nih hi, he inchhunga thil pawh hi i ta vek a ni a lawm" tiin ka chalah chuan a fawp vang vanga.









Ka thaw nghal huai mai, a mah chu kuah letin a awmah chuan hmai ka phuma, hei vang hi a lawm ka hmangaih em em. A zaidam in mi a hau mai mai ngai lova, a thinrim chang pawhin tawngkam vin hmang lo in tha deuhin min hrilh mai zel bawk, chu chuan alakah min inti thlahrung daih zawk thung. Tawngkam vin hmang reng chu nise ngaiah ka neih anga, a aia luhlulin ka awm ngei ang; mahse zaidam taka min biak thinna hian amahah zahawmna a ken tira, a thu ngaihpawimawhna min pe zawk daih thung.










“Ka hlauthawng hman a sin, Thanthana lah hi a harh tawh bawk si a" tisapin ka en chho a, a kuta ka lu chul hliau hliau in min pawt hnai sauh a “Nitin hian ka hmangaih thar thin che, i thil tihsual changte, i hlim ni leh i tah lai pawhin i nuna tela hmangaihna zawng zawng pek che ka duh ani. Mipa mawlmang ve tak hian nangmah avangin suangtuahna a ngah tawh viau a nih ber hi" tiin ka hmuiah chuan a rawn fawp zauha.








Ni e kan hmangaihte bulah chuan engkim hi a lo nuama, ngaihdamna leh dawhtheihna hi a lo pung zual thin. Chutih rual erawhin hmangaihna tawp chinah erawh chuan a tur a khain hmelma hlauhawm berah a chang leh thei thung si.







“Ka hmuh hmasak ber atang che khan nitin hian ka vei che, ka hmangaih ngei ka nei thei hi siamtu lakah pawh ka lawm a ni. Nang ka tawng che hi ka la inchhir ngai lo, nitin hian ka ngai che a, ka ngaizual zel dawn che tih pawh ka hria, engtik laiin nge i nuna tel ka chak a ka hre thei tawh lova. Mahse englai pawha i tana awm reng thei nih hi ka duh ani, i ke pen tin leh i thil tih apiangah tel ve ka duh bawk, nang anga mamawh hi ka nei tawh pawhin ka hrelo" tiin ka nuih sen sena.









“An sawi fo thin kha, hmangaihna in bul kan tana a tawp thlengin hmangaihna bawkin khar ang aw, miten an hmangaih ber an nei thei kher lo ti thin mahse ka tan chuan ka hmangaih ber leh ka nun kaihruaitu i nih hi hre reng ang che" tiin a awmah chuan ka beia.







Ni e, kan hmangaih avanga kan vawn tur leh kan hmangaih vanga kan kal tir tur an awm, min hmangaih let ve ngai lo tu nunah kan pawimawh ve tak tak thei lova. Englai pawhin kan in ven a tul thin, thenkhat nunah erawh chuan kalsan a harsa pawh a ni ang; mahse maw kan hmangaih viau laia min hmangaih ve miau siloh chuan kal tir mai a tha zawk, a chhan chu engtikah mah i beiseina a tih hlawhtlin pui thei lo ang che, an nunah midang an awm tawh tihna a ni a, chu mi chu theihnghilh tir tum mahla, i thei ngai lovang.








Chu ai chuan a hlimna hmuna kal tir mai kha a tha thin, kan hmangaihte ai min hmangaihtu an hlu zawk an tihfo hi a dikin ka ring. Keiniin hmangaih viau mah ila kan kiangah an hlim ngai dawnlo, a nuna theihnghilh theihloh a neih khan kumkhua in a chenchilh tawh dawn, keini thlak danglam theih a ni hek lo.







Kan vawn tlat tur mi chu an hriat mai, hmangaihna avanga kan neih theih chuan hmangaihna avang vekin kan kal tir thei tur a ni tih hi ka ngaihdan a ni, a ta chauh nih tir a tum khan hmangaihna mahni hmasial tak a ni ngei ang, Thansanga nen erawh kan nunah kan pahnih in kan in luah tawn tawha, engmah in a thlak danglam loh ka beisei bawk.





ZAWMNA...





“Apa i fel ber, nidangah chuan ka perh keh tawh miah lo ang" chaw ei lai chuan Thanthana chuan a pa chu bia in a kut chuan like a pe ve ngeia, ka lo nui hak mai. Ka thlengah chuan Thansanga chuan chawhmeh ka ban phak loh ho chu min rawn suah sak mawlh mawlha, Thanthana lah chuan a lo ngen ve zel bawka.








U Matlani pawh a nui hak hak mai, chaw eikham chuan Thanthana chu a room lamah kan muttir hmasa te te a, kan room dawt chiahah kan dah avangin kan ngaihtuah lutuk lo, amahin room hran neih a duh miau si a, a pa in a pawmsak kha a nia.







“Hna tan ang aw" ti a Thansanga chuan min pawm lawpin khum lam chu min panpuia, ka nui har har mai.





Chau hnepa kan mut hnu chuan thawk la hlap hlapin a bulah chuan ka tawlh hnaia, “Ka tina che em? Hrehawm i ti em?" tihchu min lo zawt nghal zata, ka lu chu ka thing nghal nak nak bawk.







“I lawmna siam hi ka tih tur a lawm, chuan keima hlimna pawh a ni bawk a. Naktuk chu in test ka duha, i rawn haw pahin damdawiin a mi min lo hawn mai la, nau ka pai in ka hria" ka tihchuan a tho chhuak hluaia “Tinge i inrinhleh thu i sawi vat loh? Ka tina che anga sin, tunah te khan dim takin ka che tur" a tihchuan ka nui hak haka.








“Doctor ve si, a pawi lovang, min kuah hle hle phawt teh. Ka pasal kuahna tello chuan ka mu hil thei miah lo a nia, ka hmuh tirh atang che khan ila hmeltha reng mai. Nitin hian ka vei tulh tulh che, putar i nih hunah pawh tar hmeltha an la ti che in a nia ka rin ni" a hmuiah chuan ka khalhsak pah neuh neuha.








“Englai pawhin nang chiah ka thlang thung che anga, kan chhungkua hian hlim takin kan awm zel ang chu. Ka nupui ka ta liau liau i nih hi hre reng rawh, tu mipa mah in an melh taih che ka phallo a nia. Vawikhat ka chan tep che a, khatiang ang thil kha thlen tir leh pawh ka duh tawh lo ve" tiin ka nghawng velah chuan a rawn fawp leh dan dana.







Ka dulah a kut chu rawn dahin a thaw ham hama “Fa neih ka lo suangtuah thina, mahse ka inrin hma in fapa ka nei tih ka inhria a, tunah chuan fanu kan neih ve ngei beisei ang aw, i thinchhiat tuar lo tur deuh neih a ngai" a tihchuan a awmah chuan ka chum chawrh mai.








“Thinchhia hi min ti ziah suh, keiaia zaidam hi i hmu mai mai lovang. Zovi ang kha ka nih bik loh hi, ka ang ve hlawih hlawih thin em ni? Teuhlo mai! Chuvang chuan fel hi min ti hlarh hlarh tur hi i ni chiang a lawm, i tawp lutuk" mi thusawi lai laiin a lo inhnit a nihchu, ngeiawm lutuk hian, min lehpui thawkin min kuah beta.









“Le! Mu tawh rawh le ka nupui duat em em te" tiin ka chalah chuan a rawn fawp a, a mit a chhing hmak bawk. Ka lungawilo dawna a hriat hi chuan mi mutsan daih hi a ching lehnghal, mipa sual thiam tak chu a ni ve in ka hria, ka phun dawna a hriat te, ka thinrim dawna a hriat te hian pehhel dan tur a zawng ngei ngei zel.



VAWIIN KA BUAI NEN TAWI MAI RAWH SE, CHAPTER THARAH TIHSEI KAN TUM DAWN NIA AW.

[mawitei bawihtlung]

OUR FAULT







CHAPTER 12






“Ka rai ania" toilet atanga ka chhuah rual chuan Thansanga chuan min lo pawm kang nawlha, kan nui dun hawk hawk mai “Ka awih theilo, ka rai tak tak bawihtean nau a nei tawh dawn" tiin ka lawm lutuk chuan Thansanga chu kuahin ka au vak vaka.








“Puite ka lawm e, fa ka neih belh leh dawn ta, tlem deuh neih ka duh hauh lo a nia, panga tal Pathianin rem a tihchuan neih ka duh" tihchu a sawi paha, ka nuih hak hak ringawt. Ni e mizo kan la tlem bawk nen fa neih tam hi kan uar a tul in ka hria, tin kan hnam tawng hi hnam bo kan duh loh chuan kan hmang tam tur a ni tih hi ka ngaihdan a ni, tunangah chuan English hman hi kan in tih hmuha, kan thalai ten tawng dik an thiam tawh meuh lo chu a nih hi.






Mai hmanna turah mei kan hmang luai luaia, A leh E hmanna tur hre hrang miah lo in english kan hmang dik zut zut thunga, kan hnam tawng hi kan zahpui a ang ka ti thin. Lehkhathiam chu a hlu a, mahse changkan kan tum lutuk na lamah hian kan Mizo tawng kan dah hniam tual tuala, nakinah chuan Mizo thisen kai siin mizo tawng thiam kan awm tawh lo ang tih a hlauhawm ka ti thin, kan pi leh pute kha rawn tho leh ta se mahni hnam tawng leh nundan theihnghilh thak khawpa hnamdang thuam leh tawng an ngaihsan hi ka ring lo ve tawp.









“Ni e Pathian zarah him taka an lo piang a nih ngai chuan tha taka enkawl hi kan tih tur a ni, chutih rual erawhin kan khawvel sual chho lutuk hian fa neih pawh a chang chuan min ti chak lo thin. Kan thunun theih loh fa, ruihhlo in a tihbuai an ni ang tih te hi ka ngaihtuah chang hian ka hlau, mahse theih tawpa ruihhlo bawiha an tan loh nan hma kan la dun ang chu tiraw? Chutiang tur chuan a tu a ve ve pawhin kan fate hi kan ngaihven reng an ngai ngei dawn, mi tam tak anga fa te dah zalen lutuk avanga chhungkaw keh darh hi ka hlau" tisapin a awmah chuan ka beia.








Ka ti tak tak, fa enkawl thiam tak kan ni bik lova, mahse chutih rual erawhin sual lama an kal loh nana ngaihsaka, an thil tih na lam enpui zel ka tum tlat thung.






An naupan tet atanga kan zirtirna hian rah tha a chhuah ngei in ka ring bawk.





“Le chaw ei tawh ang u hmiang, hna kal hma ka ngai tlat; chuan haw lamah ei chak zawng i neih chuan ka lo hawn dawn che a nia" a tihchuan ka bu nghat nghata “Zanin chu pawnah zanriah ei chhuak ila, thil thak lam ka ei chak. Korean food lam an zawrhnaah chawl ang u, ka rilruah noodles lam hlir a awm" ka tihchuan a nui haka.








“Aw le; mahse ei tam ka phal dawn miah lo a nia, i pum ana anga kan naute nen in tuar palh ang" tiin room atang chuan kan chhuak zuia, vawiin lam chu ka nute rawn len an tum bawk nen lo in peih hma angai tlat.






“U Matlan chaw kan ei dawn em ni? Khawnge Thanthana?" tiin ka zawt zuia, pawna a infiam thu a sawi chuan ka chhuak nghal vat a, amah te a a infiam hmuh hian ka khawngaih thin. Helamah chuan thian hi school an kal te a nih loh chuan an nei em em silo va, vah chhuah tir dawn lahin khawpui chu lir thei a tam bakah mi thalo pui pui hi an tam bawk nen keimah ka tel te a nih loh chuan ka phal meuh lo.








Thingtlangah kha chuan thian a ngah hmana, thenawm khawveng naupangte nen khan an inkawm reng zel a nihkha. Khawpuiah erawh in khuahkhirh loh a theih loha, mi cheng kan tam tawh bawk nen ngaihtuah an na lo theilo. Kan thenawm te lah hi an fate an puitling vek tawh bawk nen a kawm rualpui an awm lo hrim hrim bawk.









“Thanthan lo lut rawh le, chaw ei ang u i pa a hna a kal a ngai tawha" tiin amaha ball a lo pet chu ka au lang langa, a rawn tlan phei nghal vat mai. A lu ah chuan tuai sak zauhin inchhung lamah chuan ka luhpuia, u Matlani chuan chaw ei a lo siam peih leh diam tawh, kan ina a rawn awm tirh atangin a che felin a zam a tha bawk nen kan tangkai pui viau mai.








Chaw ei pah chuan kan titi mawlh mawlha, hna zawn veleh ka duh thu ka sawi chuan ka pasal chuan min khap leh bur tawh mai. “Hetia awm reng chu ka duh lo a lawm, nakumah bawihtea school luh tir kan tum tawh sia tih tur ka nei hleinem" ti a ka phun nang nang lai chuan “Naute i enkawl angaih kha, i theihnghilh em ni? I la buai dawn chauh, hna thawh tum ve ziah suh i thawh hman lohna turin a theih chhung chu i pumah khan ka fa an awm zel ang" a tihchuan ka ner nang mai.








“Uang viau suh, nangmah ringawtin min chawm chuan ka awm a nuam lo a lawm" tiin ka en ha a “Engah nge i awm a nawm loh? Mipa ka nih hi, ka nupui fanau enkawl zo lo khawpa nep ka ni bik hleinem, i pasal hi min ring tawk rawh. Nupui fanau ka chawm theih nan alawm rim taka thawka hetiang dinhmun thleng tura ka beih" a tihchuan chhan dan tur ka hre tawh lo chuan ka lei ka chhuah khum vak ringawt.







A thusawi chu dik ka ti ve tho, mahse engmah ka sawi tawh lem chuang lo.



THANSANGA POV...





“Bye lo haw leh vat rawh aw" ka nupui leh ka fapa ban vai lap lap chu vai letin ka nuih sanga, ka hlimna ber te an ni ka tilo theilo. Damdawiin lama chau taka ka awm pawhin in ka thlen chuan ka chauh na zawng zawng rehin ka hahdam huai zel, Puitei anga nupui dawh thei leh hriatthiamna ngah, lungawi lohna nei miah lo a min support thei em em tu hi chu he khawvelah hian an vang ve viau ang.







Zana ka duty a ka haw loh a ka hrilh loh chang pawhin ka lakah a lungawi lo ngai hek lo, hei hi ka duhna leh hmangaihna tipung tu a ni.






Damdawiin ka thlen rual chuan Nunhlui ka hmu leh nghal zat, damdawiinah nurse hna a rawn hmu thara, ka nupui ka hrilh duh rih lemlo, a chhan pawh ngaihdan dik lo a nei ang tih ka hlauh vang a ni.





“Morning doctor" chhan loh theih hek loh tawi hmek hmuk tak chuan ka chhanga, mipa in hmeichhe ngei tlat a mawilo ti viau mah ila he nu zet zawt hi chu ka ngeih thei ta vaklo. Mahni bialnu hlui temah nise ka luak a pawt tlat.


ZAWMNA....





“Hminga kal ila" ka office a Nunhlui ngampa taka rawn lut chu ka melh runa, ka hrilh ngun tawh nen engvanga ka laka ngampa taka awm ziah nge maw a nih le?





“Nunhlu ka sawi tawh kha, i pu ka ni ka hming pangngai khan vawikhat mah min ko tawh suh. Tin, naktuk atang chuan doctor dang i zui tawh dawn a nia" tihmukin ka tho chhuaka, ka nupuiin a ngeih lo bawk nen ka nupui ngeih loh zawng chu keipawhina lo hmuh reng ka duhlo, kan inkara thil lo awm tawh vang pawhin Puitei hian min hmu dun se a lawm hauh lovang.









“I mak thei emai, thian anga awm ka duh ka tihkha. In nupa inkar tihbuai tum angah min ngai lo teh, keichuan thian anga awm ka duh mai a nia. A hma pawhin kan lo inkawm fo tawh kha, keichuan hman anga awm leh theih kha ka duh, i nupui ngaihdan tur ka hrelo, mahse thian anga awm lehkha ka duh mai a nia, in nupa inkar tih chhiat ka tum lo" a tihchuan ka bu nghat ringawt.







Ward chu fangin damlo rawn thleng thar chu ka en leh mawlh mawlha, Mizoram pawh nitin natna chi hrang hrang neia damdawi in rawn lut kan tam ta hle mai. Tam tak hi chu kan natna hi keimah ni insiam chawp a ni a; tin, ruihhlo kan duh lutuk hian kan taksa a tichhia a ni bera, tar lam ai thalai thi kan ngahna hian a tichiang khawpin ka hria.








Nunhlui pawh chuan min pui tha viau mai, thian anga awm a duh chuan lo hnial bur pawh ka tum chuang lo. “Doctor emergency" nurse pakhat chu kan awmna roomah rawn lutin a rawn ti a, ka tho chhuak nghal vat mai “Nurse Nun min rawn zui nghal ta che" tiin inzaina room lam chu ka pana, nurse in hak tur an lo ken chu in bel mawlh mawlhin inzaina kutkawr chu ka bun mawlh mawlh bawka.








A chhunga ka luh rual chuan doctor Achhunga chuan chin a lo sawi mawlh mawlha, a thin lam paih a ngai a nih hmel. Tan nghal zung zungin midang chuan min lo puia, nurse pakhat erawh a khurh nasat em avangin an chhuah tir thung.Hmeichhe tan hi chuan thisen vel hmuh te hi a nuam lo viau reng a ni.








Ka zai hlawhtlin takah chuan thaw huaiin ka hmaituamna chu ka phelha “Tih tur in hriat kha, tunah chuan ngaihtuahawm a ni tawh love," tiin ka chhuak zuia, pawna a chhungte hnenah chuan chin hrilhin ruihtheih thil lam tih tir tawh lo turin ka hrilh zuia, mahsela an zawm thei angem tih lah hriat a nilo.






Damdawiin atangin an chhuak chiah hian doctor thusawi zawm duh lo in an tilui leh ngat zela, an mahni taksa an tichhia tih reng an hre ngai silo. Doctor te thusawi ngai pawimawh lovin doctor bawk hi kan pan leh thina, doctor te hian nunna hi kan chhan seng bik silova, ruihhlo kan duh lutuk hi chu a la pawi chho telh telh ang.





Doctor in sawisak chungchanga kan inhmuh khawm zawh chuan ka office lam ka pana, kan nunna chhan a theih tawp chhuah thin te meuh pawh zah zo lova sawisak duh kan lo awm leh zel hi kan tunlai rawlthar ho hi an hnawksak ta mah mah chu a ni e, ruihhlo tello a awm theilo leh in la pawr em em kan tam ta lutuk hian kan khawpui chhung meuh pawh a ti ralmuang tawh lo chu a nih hi.





Ka haw a hun tawh avang chuan insiam mawlh mawlhin pawnlam ka pana, khua a thim leh der tawh mak. Nunhlui min rawn zui tum erawh ka dang hmiah thung. Puiteiin a lo hre palh a nihchuan ngaihdan dik lo a nei ngei dawna, chutiang thlen tir ka tum lo, a naupai nen hlim taka siam ka duh.








Haw pah chuan a ei duhzawnga ka hriat chu leisakin naupai kawr chu ka lei bawka, a dul la lian lo mahse nakinah a rawn lian thuai dawna, tuna lo in lei sa kha pawi ka ti vak lo.






In ka thlen rual chuan an nufa in pawnah min lo hmuak leh ran tawh mai. Hei tluka hmuh nuam hi a awm kher lovang, ka hna ban a piangin min lo hmuak ziaha, an nufa a ka hmuh loh chuan keimah pawh ka kimlo riau hian ka hre thin.






An lam pan chuan ka phei vata “Enge min lo hawn, ei tur a mi?" ka nui nghal suka, ka thei lei mi chu ka pe zuia “Apa ka duh ve, anu min pe ve rawh" kan fapa pawh chuan a lo ti ve bawk. Nui hakin ka thil hawn chu ka pe ve a.








“Le lut tawh ang u le, vawiin lam teh in lo tha em?" tiin Puitei kawngah chuan ka kuaha, a naupai nen hrehawm a lo ti viau ang tih hi ka hlauh ber a ni. Thawk la suai suaiin min rawn nghenga.







“Kan tha chu a nimai, mahse ka mu theilo a a hrehawm Thanthana a harh bawk si" a tih nang nang chuan ka nui saka, in tifai duh rih lo in u Matlani chu chaw ei siam turin ka hrilh zuia, Thanthana erawh an lo pe tawh a nih hmel.







Chaw eikham rual chuan an nufa chuan in timu turin an kal zuia, keipawh in tihfai ka ngai nen kan nupa room chu ka pan ve bawka, ka thlen rualin ka intifai nghal sawk sawka. Khumah chuan ka nupui ka lo nghak ran bawk, a rawn lut har phian lehnghala.



KA PUM A NUAM MEUH LO A, KA TYPE PEIH TAWH NGANG LO.


Ads kha in click ve hram dawn nia