KA HMANGAIH CHE CHAPTER-15

[Judy chhakchhuak]

LALHLIMPUII POV

Zing ka tho chu ka mawng leh hnungzang vel ana ṭhem ṭhum mai a,vuak hrep ang vel kani "ilo tho tawh maw Nu'i,thingpui i duh ve em i mutui thei maw" kani in alo ti deuh var a.





"Mutui lutuk,mahse nimin lama ka sumo chuan na ka mawng a na vek,kawng a chhe em bawk ani,thingpui chu ka in thlit ve mai ang" tih pahin thingpui chu ka thli zui nghal a.





"Khawnge Patea hi" tih paha ka hawikual chuan "a chhuak tawh,zîngah khan huan lam ka ngaihtuah deuh atia a kal anih kha" atih chuan kabu ve nghat a.Kawtah te chuan ka han hawi khawthawng vel a,anuam reuh phian mai.





An khua hi ala thintlâng ve ka tih tawh kha,Aizawl ang in motor tlân hmuh tur a vang em em a.Kan awmna lai hi vengchung an tih ve kha ani bawk nen,motor arawn tlân chho vak ngailo nge kala hre chiahlo.





Kani te inchhak ah hian damdawiin a awm a,a bul chiah ah Doctor pa atih kha a awm ve bawk a.Amah chiah in a awm anih hmêl,Aizawl aṭang an rawn dah kani khan ati mai sia,a in compound ah erawh pipu te chu a awm ve bawk a.





"Au,kan leng dâwn lo kal ve rawh" kani fapa Ismael'an atih chuan "khawnge in len dâwn a" kalo tive vat a.A nau chu a kai ve ngei a, "Apa Hminga inbul ah kan infiam dâwn," tih pahin Doctor in lampang chu a kawk vâva a.





"Han leng rawh u,inu kalo pui zawk ang aw nakinah kan la leng dâwn nia" ka tih chuan min hnial lemlo.A nau nen chuan kan awmna chhak lam panin an tlanchho ve ter ter a,a upa zawk Ismaela hi kum sawm vel a nive tawh in ka hria,a nau zawk Helen'i erawh in kum nga na a hmang ve mek a.





Inchhûng a ka luh leh chuan "ipa in alo phone a,kalo chhang ta mai" kani in alo ti vat a.A bai siam chu a chawk rak rak bawk a, "eng nge a sawi a" tih pahin a awmna lamah kava phei ve a, "eng em em a sawilo,i thawh tawh leh tawh loh te min zâwt a,inpa hlui chanchin te kan sawi ve nual a" atih chuan ka chhang lemlo.





"Nizan ah alo kal atia, Ricky'a chu" atih chuan "eng nge ava tih a" kalo ti vat a.Kani hian a hre ve vek a, "alo kal mai mai ati nge,kanu ten va kal ve hrim hrim la ngaihdam va dil rawh an tia kalo kal tih bak sawi a neilo ati mawle, ka rinai daihin a mawl reuh a" ati ta zek a.





Sawi thui ka duh lemlo bawk nen thu dang ah ka pakai pui ta daih a, "engtik thleng nge i cham ang,la awm ve reng rawh aw a khawharthlak,i Patea lah hi a khat tawk in ram lamah a riak reng mai bawk sia" kani in atih chuan ka hriat loh thu in kalo chhang a.





Kapa chuan cham rei lutuk suh chu ati tak na in engtik thleng nge ka awm dawn kala hrelo,anuam ka tih dana zir te pawh ani ve ang chu. "Ismaela te lah hi haw hun an hrelo reng reng mai a,chaw te hi kan Doctor pa in ah an han ei leh ringawt ṭhin a,a fel sia kan Doctor khi alo duat thiam ṭhin bawk sia,eitur tui hnai tak tak hi alo pe a,a châng leh an thil leina tur te hi alo pe leh ringawt a naupang khian an ngaina asin aw...Nu leh pa tar chaklo pui pui pawh hian an han pan ngat ngat peih ania,a fel bawk a kawm anuam reuh asin" kani in ati duah a.





A tawp mai dâwn emaw tih laiin "a naupang ngaihtuah khian mi kawm hlim a thiam a,nula ho hian an star hlawm teh ania,putar naupang an kum milpui zel a kawm a thiam a.Khawtlang tan a ṭangkai si,kan khua hi nuam ati em em mai a,Aizawl ah te chuan a hausa Pawl an ni ve ania,an fapa neihchhun ani bawk sia aizawl lama an in te chu lian tak ani,anu leh pate pawh anlo zin tawh an fel chhungkua ania aw,a tlawmngai bawk sia a motor te khi midang in an hmansak reng a,a motor khian nunna a chhan hnem asin kan khaw Ambulance ani ringawt" ati leh a.





Kan Doctor pa chanchin chu sawi nuam ati khawp mai,mahse sumo ah kha chuan a ṭawng vaklo.A motor chuan a rui ve deuh te pawh ani ve maithei e, "chaw ei kalo siam ang,i naute chu han koh thla teh" kani in atih takah chuan ka kal chhuak ve mai a.





Kan Doctor pa inbul vel chu ka rinai takin a nuam a, damdawiin leh a in a inhnaih hle a.Damdawiin leh a in inkarah thingkung bung lian deuh hi a awm a,chu chuan ati dai lutuk ringawt.





Hreh ru tak chungin a inbul ah chuan kava kal hnai a,a in chu alo in hawng deuh huau a.A inbul ah chuan pangpar mawi deuh deuh a awm duah a,ama khawi ve nge mawni dâwn le.





"In awm em" tih pahin a inchhûng chu ka enkual a,ka rinloh lutuk in sofa te chu alo awm ve reuh a.Pawnlam aṭanga a lan ang aiin a chhûng chu a changkang reuh, "lo lût rawh" arawn ti thum dut a,choka niawm tak aṭang arawn chhuak a.





Ka naute pahnih pawh an kâ berh nuaiin alo chhuak ve a,thil an ei anih hmêl. "Ismaela te kalo hruai dâwn a,chaw ei a hun tawh sia" ka ti nghal tawl a.





"Au,cake kan ei a atui lutuk" Helen'in alo tive vat a,naupang dang pawh anlo awm nual mai.T-shirt dum a hmaa pasalṭha lem inziak hi aha a, "lo ṭhu rawh" tih pahin a ṭhuthleng awmna lamah chuan a lu a thle zeuh a.





"Aih ṭhu lo ang,chaw kan ei dâwn a ka naute kalo hruai lawk mawle," ka tih takah chuan "Ismael zu haw phawt rawh u le,chaw in ei dâwn anih chu nakinah in rawn leng leh dâwn nia" ati dam dap a.Ka naute pawn an chapal an bun sawk sawk a,an tlanchhuak nghal daih bawk sia.





A dawhkan te chu ala hnawk nuai a,tv ah cartoon a chhuah bawk sia amah nen chuan a inhmeh lo angreng.Kal tawp aiah tiin ka nuih ve sak a,ka kal hnu pawh chuan minla en reng tih ka tukhum a zât mer mer danah ka hre thei.





Chaw eilai te chuan ka nauten Doctor pa thil hawn sak chu an sawi zât zât a,an lawm thiam ve lutuk.Tunlai chu an exam chawlh lai ania,an result pawh a chhuak ve ṭep tawh.





Thleng ka sil mawlh mawlh laiin kani in "ram lamah i kal ve duh em, chawhmeh i Patea ka zu phur pui lawk dâwn a,ilo kal ve duh chuan Ismaela te chu kan hruai thei tho ania,an kal thei lutuk" atih chuan ka hriatloh thu in kalo chhang a.





"Nimin lam i chuan na ila chau viau anga,i duh leh i naute lo awmpui la keimah in ka zu kal mai dawn ami" atih chuan kalo aw rang khawp mai.





"Ka la rawl em mai,nidang ah ni mai rawh se,in te kalo tifel zawk ang" ka tih takah chuan êm nen a chhuak a.A fate pawn an ngen lemlo,pawn daih hlim laiah an ṭhiante nen an infiam a,phone leh tv tih vel an en ve vak ngailo aniang,bakah thintlâng a piang leh seilian ka nia,ka hrethiam lutuk.





Kan tetlai chuan Keini pawn phone kan en ve vak ngailo atia kanu in,pawn lamah ṭhiante nen kan in barbie loh leh kan in khualtelem a,a châng leh kan in bai lem chhuan a,anuam thei asin aw...





Varanda aṭang thei ei pahin ka naute infiam chu ka en reng a,ka lung anti leng reuh lutuk. "Apa Hming khawnge i kal dawn" Helen'in atih chuan a hawi na lam chu ka hawi ve vat a.





Kan Doctor pa chu arawn chhuk thla mek a, "in inah ka rawn kal lawk dâwn" atih hnuah kailawn ah arawn lawn a,kani te in a luh dâwn hian step tawi te kal angai ve a.





"Pu Buanga te an awm na nge" tih pahin pawn ah arawn chhuak leh vat a,min be hmasa ve eih lo in a lût tawp reng anih kha. "Awmlo,ram lamah chawhmeh an phur a," ka thiam ang ang chuan kalo sawi ve a.





"Pu Buanga sa chah chem kha hawh lawk ka duh mawle," atih chuan ka ding ve vat a. "kan en chhin ang,lo awm rawh" tih pahin an dahna tur awm ang vel chu ka han enkual a,kala hmu theilo zui a.





"Tui dehna hnuaiah khan a awm,a dah ṭhin" ka hnunga miin arawn tih chuan ka enchho ha a.Ani pawn minlo enthla ve reng,a lian er urh si,a kekawr ipte zen rûnin a ding a.





A neitute ai pawn a hre zawk mai dawn alawm le,a sawi ang ngei chuan tui dehna hnuaiah alo awm ran a. "Ngatan nge itih a" tih paha ka pek chuan "sa chan na tur,sa chah chem a thing kih daih thu awm suh" tih pahin anui ve suk suk a.





"Mikhual ami inih a" a chhuah dawn ah ati ve sup a, "aw nimai ang chu,kani te bulah kalo zin ve lawk anih hi," ka tih chuan abu nghut a.





"Ka kal phawt ange,damlo an awm ve reng sia,ka duty a hun ṭep" atih hnuah engmah sawi tawhlo in naupang ho chhaih zuk zuk pahin a chho a.Damdawiin ah khan thawk tu an awm ve nual aniang,nurse ang deuh deuh te ka hmu ve nuk hlawm a nichin a ka kal khan,varanda ah damlo leh midang anlo vei ve suau suau a.





Nileng in în te chu ka tifel ve a,kani hi nu taima tak mai ania.In pawh a bal lutuk lemlo,ka room tur in mikhual room te minlo siam sak ve vek a,engtik thleng nge ka cham dâwn ka hrelo.





UAwmte'an chhunah min rawn call hlawl a,a thil sawi erawh chuan ka awm ati nuamlo vek thei.Min duh thu min hrilh ngei a,mahse a nau nupui hlui ka nih na ang in inkawp erawh ala duhloh thu a sawi a,boruak te pawh zia ve phawt se ati anih kha,mahse bialpa neih tumna rilru kala pulo.





UAwmtea hi chu a fel lutuk,mahse a sawi ang takin ka pasal hlui u anih na ang in lo innei ta pawh ni ila a zahthlâk dâwn lutuk.Kan inṭhen chhan ah an puh daih thei bawk a,a upa ber a nih na ang in an chhungkaw ro khawm tu tur ania,indan tih vel kha a rem teh ṭalh dâwn siloa.





Ka rilru ah thil tam tak ka ngaihtuah ve a,tûnah rih chuan hetah hian la awm ila a ṭha ber rih in ka hria. "U" Helen'in arawn ti deuh thut bawk sia ka phu nasa lutuk, "chhunah eng nge kan ei dâwn" arawn ti sa sa a.





"Eng nge in ei ṭhin a chhun ah" ka tih chuan "chhang leh thingpui te,wai wai chhum te zingah chuan thingpui leh chaw ṭhing kan ei ṭhin" atih chuan ka nui ve hak hak mai.






Thingpui leh chaw ṭhing hmeh pawlh hi alo tui ve reuh em ani, "wai wai chhum tur zu lei ang aw,dawr awmna ka hre siloa min kalpui anga" ka ti chu a phur khawp mai.





Ka purse keng in pawn lamah kan inzui chhuak a,in kawt ah Ismaela te ṭhian ho an in marble tho a in chu ka hawlh kalh ringawt a.Dawr lam panin Helen'i nen kan inkai thla a,kan awmna aṭanga
chhuk ve deuh fe a ngai a,ka rinai takin a hla a ni asa reuh bawk sia.





Dawr chhûng kan lût chu minlo en duh khawp mai,hmeichhia la nula ve tak mai hian dawr alo nghâk a.Kuhva alo thel mek bawk a,a bulah tlangval pathum vel anlo awm ve bawk a,min hmu ngailo bawk nen min en duh hlawm khawp mai.





"Helen,tunge ilo hruai hi" tlangval pakhat chuan ati ta reng a. "Au anih hi,Aizawl aṭang alo kal a" Helen'i chuan ati mai sia, "mikhual ami inih a ṭhiannu" dawr nghâk tunu pawn alo ti vat a.





"Aw,kalo zin ve zuai anih hi kani te lo tlawh pahin ka tia" tih pahin eitur chu kala khawm zung zung a. "Zanah lo len i phal em" tlangval pakhat in alo tih leh chuan keimah min en vek sia, "phal loh thu a awm hleinem" ka tive ta nge nge a.





Thil kan lei zawh ah kan in lamah kan chho leh a, Ismaela te pawh anlo la infiam nasa mai. "Isa bawiha,inchhûng ah lût ve lawk ula kha i sen vek tawh,ni asa sia in thlan nasa si tv en ula,eitur ka siam chhûng tal chu tlai daiah in infiam leh zawk dâwn nia" ka tih chuan min hnial lemlo.





An ṭhian thum chuan anlo chho ve mai a, Helen'i erawh kawm tur a nei vaklo nge ka bulah a awm deuh chawt a.Aizawl a zin ve chak thu te chu a sawi ve deuh chhen a,zin theilo chu an nilo mahse anu te hi an hmanlo ve ṭhin em a.





Ka Patea hi Helen'i te School luhna ah hian a thawk ve a,chu chu an eizawn na ani ve mai a.School chawlh châng in ram lamah an kal a,tlai velah te kani nu taima tih takah Patea tello pawh a kal a kal zel a.





Eitur an ei zo a,kani te pawh dar hnih pelh hret ah anlo haw a.Chawhmeh leh Fanghma tih angreng vel anlo hawn hnem khawp mai. "Zanin inkhawm zan ani sia,kan rawn haw hma" tih pahin a in hru thuak thuak a.





An chawhmeh lo hawn te chu ka dah fel pui zung zung a, "Nutawi heihi Hminga han pe lawk ta che u Isa te nen hian,kan fate min duat sak thei sia,a pawisa lamin pe theilo mah ila chawhmeh lam tal hian pek ve kan duh ṭhin a,pawisa te chu pe pawh ni ila a duh dâwn lo lutuk" atih chuan kalo aw ve vat a.





"Taka,pate Doctor khan i sa chah chem kha alo hawh a," ka tih chuan a pawi loh thu in minlo chhang vat a.Ka naute pahnih nen Doctor te inah chuan kan han kal leh a,kani hian a fanu ang takin min en a,kan tetlai in min awm ve nasa ṭhin a,pasal a nei har ka tih tawh kha.





Hauh ka ngaih na laiah min hau bawrh bawrh a,min tir a min duat bawk a,kanu ang chiah ani.Doctor pa in chu zing ang tho khan alo in hawng huau a, "in awm em" tih paha kan lût chu sofa ah hian mipa khat nen in hma tawn hian anlo ṭhu a.





An thusawi a pawimawh hmêl sia ka inthlahrung angreng, "lo leng rawh u" Hminga chuan alo ti ṭha ve mai a. "Leng lo ang,hei chawhmeh hi kan rawn dah lawk a" tih pahin dawhkan ah chuan ka dah a.





Lo dingchhuak in chawhmeh te chu a en ve a,lawmthu a sawi ve sup a.A Doctor form vâr ngei aha bawk a,a thianghlim lutuk ringawt,a bulah hi chuan kan te rawih rawih mai hian ka hre ṭhin.





Zan inkhawm kan duh avang in rawng kan bâwl zung zung a,inkhawm thawmhnaw ka ken nual avang in ka buai em em hranlo.





"Nutawi,i mawi lutuk mahse i inchei na ang kha heti lamah chuan a sang deuh mah mah ani,a pawi chuanglo ania" kani in atih chuan ka in en ve vat a.





Aizawl a ka hak ang ang kha ka keng mai sia,biakin lama kan kal te chu min en duh hlawm lutuk.Kani sawi ang tak tak in an in chei simple hlawm khawp mai,biakin chu kan in aṭang ava hla deuh hret a.





Inrinni zan anih avang in inkhawm pawh a rei em em hranlo,inkhawm bânah chibai tu ka tawng ve nual a.Kan Doctor pa pawh a luck khawp mai,a inchei dan chu a zahawm khup a a inhmeh phian mai bawk sia,a ṭawngkam chhuak reng reng chu a puitling tih a hriat ngawih ngawih.