A TAWP A NOTE KHU CHHIAR HRAM RAWH U AW Ka meng chhuak ruai ruai a,in chung var vek chu ka hmu hmasa ber.Ka thaw hak thei,ka thil tih mawlmang tak ka hriat chuan ka zak thar ngawih ngawih.Rilru na tawp khawk leh kan beidawn tawp ah hi chuan tih hreh kan nei loh zia ka hriat thar phah .Thawh chhuah mai tum a,Ka han in nem kang deuh chu ka rak that a,ka ban chu a na tak zet ,"I rawn harh tawh a,lo che suh ."Sawmzuala chu ka bulah rawn ding in,min mut that tir nghal sawk sawk a.
Ka dang ro huam avang chuan," Tui"ka ti deuh sap a.Ka thusawi a hriat velah chuan ka mut na bula bottle chu ban in,a hawng nghal vat a,no a arawn thlit leh hnuah,min rawn pe ve chauh a."Ka tihpalh"arawn tih sup chuan,ka melh zawk a,chhang loin tui chu ka in nghal khawlh khawlh a.
Ka tui in na no pek pah hian,"Ka chau tawh,ka beidawng tawh bawk.Inthen hi duh lo viau mah ila, engtik ah mah kan pahnih hian,chhungkaw hlim tak kan din theih ka ring lo"ka ti sup a.Ka thusawi laia, a hmel awmdan ka hmuh chuan,ka rilru chuan ka khawngaih a,ka thusawi kha sut leh ka duh ut ut.Mahse hetiang a, ka awm chhan ka ngaihtuah chhuah rual erawh chuan 'Engtik ah mah in hlim ngai dawn lo,i lakah hlimna famkim a hmu zo tawh lo chu a ni ber hi'tiin ka in hrilh nghal mawlh mawlh a .Ka thu tlukna ah ka in chhir loh hram ka beisei bawk .
" I rilru a la buai deuh a ni kha,muhil leh la,kan sawi tha leh dawn nia"En pawh min en tawh lo chuan a ti sup a.Chhang chak viau mah ila,ka lo chau ve bawk nen,mut chu ka tan a tha ber rih a hria in,ka hnial buai duh lem lo,ka harh leh hunah pawh tun a ka thu tlukna hi sawh sawn ka tum lo bur thung.
Ka mit ka chhing riai riai lai chuan,ka bulah chuan a rawn in thawlh ve sawt sawt a,"Eng thil nge i tih "ka ti deuh that."Mu mai mai teh,engtin mah tih ka tum lo che,ka chau mut ka mamawh ve alawm"arawn tih chuan,"Ka chau tak zet ania,tho teh muthilh ka duh" ka ti deuh hmak a.Ka thusawi hrelo ang hmak chuan,ka kawngah a kut chu rawn rawlh in,a lamah chuan min hnuk hnai deuh salh a,a hmui lum thar thar chuan,ka lu a rawn fawp vang vang a,Ka taksa chu a tang nghal teuh a.ka thin lah chu a chhuak mai ang tih hlauhawm khawp in,a phu rang bawk
"Muhil rawh " ka kawnga kuah reng chung chuan a rawn ti leh sup a.Muhil ang mai chuan a thaw chhuak nghal sak sak bawk.Ka taksa tang tun chu ka thlah dul ve nghal tulh tulh a,a awm lum nuam zet mai ngheng a,ka mut leh tak ah chuan,ka kim hliah hliah in ka in hre thar a.Ka natna zawng zawng ka theinghilh thak thei.
Kut lum thar thar in,ka hmai tlang arawn zut leh riai riai thin avang chuan peih lo deuh hian ka meng riai riai a.Sawmzuala chuan min lo nuih nghal ver ver a,"La mutui viau mah la,i chawei a hun tawh a" arawn tih sup chuan ,"Dar eng zat nge?"ka ti ve sep a,"Dar 5 a ril vel chiah ang,Zan laiah i riltam ka hlau a, i taksa in a mamawh hrim hrim bawk"a rawn tih leh tak ah chuan,"Ka zung hmasa phawt a nge"tih sep pah in thawh mai ka tum a.
Sawmzuala rang zet hian ka bulah arawn phei nghal vut a.Ka in rin hman hma chuan min pawm tho nghal lawp a."Hei engthil nge i hriat a, min dah thla rawh.Keimah pawn ka kal thei reng alawm" ka ti nghal chiam a,"Ka pawm chak che lawm"nui deuh sak chung hian a ti deuh sap a.Bathroom kawngkhar bulah chuan min nghat dat in,"Lut rawh,ka lo veng ang che"a tih takah chuan sawi buai tawh lemlo chuan ka lut nghal ve mai a .
Bathroom atanga ka chhuah leh pawn,ka mut na thleng min pawm phei leh thlap a.Kan chawei tur teffin ami chu a siam nghal sawk sawk bawk.A che vel chu mittla lek lo hian ka lo thlir reng a .A taksa in phut mawi tak te,a hnar ngul sang vah teh,a mitmeng rum lam lek lek,a mah ti lang pa zual em em tu,a mitmeng rum lam lek lek te,a khabe ruh kual in vuah fuh zet te chu,a un hmeh mah mah,mizo paah chuan a palian pawl aniin,a vun ngo em em lo ,mahse hang chhe chuang silo te chuan,a ti lang pa leh zual a.Hei tak hi hmeichhia te pawn,mipa a nih tih hre reng chung pawh a,an rawn biak fo na chhan chu a ni ka ring ta ber.A hmel leh piang ah hian,sawisel tur hi a awm lo ve thlawt alawm.
"Khatia min en reng chuan,ka fawp hrep mai ang che" ka lam rawn hawi vut pah a,a tih chuan ka phu nghal zuk a,a nui sak leh nghal."Ka en reng lo che"ka ti hmak a,"tak tak "ti pah hian cho zet hian mi rawn melh run a,a nui hmel te hlei hlei chuan min ti thinrim."Ka en lo che ka tih chu,thil ka ngaihtuah a nih kha" ka ti deuh chiam a,"Ok ,min en lo ni mai rawh se, chaw hi a sat lai hian ei vat vat teh ang"tih pah chaw chu a rawn keng phei nghal vut a.Rum em em hian ka lo melh hrep ringawt .
Min en miah lo khan,engtin nge ka en reng tih a hriatni,nunglama min nei ang mai.Min ti zak lek lek zawk alawm le,khatiang em em a,han in man chiang mai chu .Chaw chu kan pahnih chuan kan ei dun rak rak a,cabin a kan awm avangin,dam lo dang hmuh tur an awm .Chu chu rem chang ah lain kan chawei kham rual chuan ," Sawmzual sawi duh ka nei"ka ti nghal sep a,"In then i sawi anih chuan ka dam chhung zawng in then che ka tum lo"a rawn ti deuh hmuk a.kan chawei na chu a seng fel nghal sawk sawk bawk .
"Kan nupa in kar chu kan hre ve ve,hetiang reng nun hi ka kham tawh,rilru hah reng reng awmte,chhungkaw in nghir ngho reng te,hetiang reng kan nih chuan engtik ah mah chhung hlim tak kan din ve thei ngai lo ang.Chuvangin" ka ti hman awr tih ah,"A tawk ,ka hria ka pa ka lo bia ang.Kan in dang mai dawn nia,inthen chu sawi pawh sawi tawh suh" chang zet a rawn tih hnuah cabin atang chuan a chhuak nghal vut.Koh din pawh ka tum tawh lemlo,i ngaihtuah fim se ka duh zawk tawh .Kan nun dan hreawm leh hahthlak zet hi ka kham hluah tih hria se,ka duh ber mai .
Sawmzuala chu zan laiah pawh a la rawn lut miah lo a, mahni chiah a ka awm chu ka khua a har veng veng,ka phone awm na tak ngial pawh ka hre bawk silo.Remsangi kha a pan leh mai em mi?ka ngaihtuah na avang chuan ka thawk a rawn sak nghal talh a,ka tah a rawn chhuak nghal em em bawk.Ka ngaihtuahna chu duh lo viau mah ila,ka ring tlat bawk si,mittui parawl kuanga ka lo awm lai chuan ,cabin kawngkhar chu a rawn ri rek a,rang zet hian ka hawi chhuak nghal vat bawk.
Sawmzuala chu a rawn pen lut nghal zat a, mittui parawl kuanga ka lo awm min rawn hmuh rual chuan rang zet hian min rawn pan nghal vat a,"Eng nga ti nge na i nei em?" arawn ti nghal vat a.A aw ah chuan a mangan zia ka hria,Ka bul arawn tlen rual chuan lo kuah thlawpin,ka tap nghal hawm hawm a.Ka samah chuan rawn chul in ,"Sawi rawh le ,na i nei em mi?" dam thlup a rawn tih leh phei chuan ka lungchhe zual sauh thung.Rei tawk fang ka tah hnu chuan ,"Sawi tawh rawh ,tinge i lo tah" arawn ti dam leh thlup a,"Remsangi bulah min kalsan ka ring a" ka in hnit feih feih chung hian ka ti chhuak tiau a.A thaw hak mai,"Chu ngaihtuahna chu engin nge neih tir che a" arawn ti ve sup a.
" Kan in hauh hlek in,in pan nghal zel,in rawn haw zan pawh khan i pan a nih kha" kha mi nia thil thleng ka hriat chhuah rual chuan in lak hran tum in,ka tal nghal vat a,min lo kuah nghet sauh thung."ka pan lo" arawn tih hmuk chuan,za lo deuh a nuih hak pah hian,"pan lo la, ka rawn phone che khan arawn chhang hauh lo ang" ka ti that a.Ka thin a rawn rim thar tak zet.Ka tal leh vak rual chuan ka kang nghal vawk a.Dam lo mut na khumah chuan a thu thla a, a mah hma chhawn zawng chuan ,min thut tir nghal zat a.
" Min ring rawh, ka pan lo , eng tikah mah ka pan nga lo ang" arawn ti deuh hmak a,"A nih chuan eng vangin nge , kan in tih thiam loh apaing in,i bulah a lo awm ve ziah" thinrim zet hian ka ti chhuak tuar a,"Ka thiante nen,kan in hmuh khawm naah a rawn kal ve thin alawm,thik duh suh.Nangmah chiah hi,ka mitah chuan hmeichhia an awm" nuih deuh sak pah a,arawn tih chuan,"ka thik kher lo" ka lo ti hmak thung .
KAWMPUI NEIH LAI A NIH AVANGIN,KA DAH SEI THEI RIH LO A, NAKTUK ZANAH KAN ZAWM LEH ANG AW,KAR LEH ATANG CHUAN , A SEI THEI TAWH ANG.LIKE LEH COMMENT A THAT CHUAN ZANTIN BEISEI ILA, LIKE LEH COMMENT A THAT LOH HI CHUAN,KA HNUAL VE THIN A, ZIAK TE HI KA PHUR LO THEI LUTUK A,COMMENT LAMAH MIN LO FUIH PHUR LEH THEUH ULA
ZAWMNA
ZAWMNA
Vawiin hi dawmdawiin atanga,kan chhuah ni a ni tawh a,ka phur lem lo khawp mai.Inah eng boruak nge kan tawn leh dawn tih lah a hriat siloh.Tumah,damdawiin a,kan awm chhungin an rawn lang lo a,chaw pawh Sawmzuala hian in ah ava lam mai zel a,min rawn pe ngai lo hrim hrim.
Kan chawei tur lam leh in tifai tur a,min kalsan bak hi,a chhuak ngailo a,a pain hnathawh tur arawn pek pawn,laptop hmangin a ti mai zel.A sawi dan hmangah chuan in dan chungchang pawh ka pa alo be tawh a ni awm a .A phal leh phal loh ka zawh lah in,min chhang tha duh der lo leh nghal .
" I in peih tawh em?Taxi ka la nghal a,ka rei deuh ani"cabin a rawnl luh pahin,ka pasal chuan arawn ti deuh zung zung a.Kan awmna bill pe tur lek a,in sawi kha dar kar dawn a thang ka ti reng ani."In peih tawh e,kal nghal mai ila,taxi ber i biak fel tawh chuan,in nghah tir reng chi pawh a nih loh chu"tih pah in, ka thawmna dahna chu ban mai ka han tum a.Sawmzuala chu rawn che vut in,ka thawmhnaw dah na chu a rawn ban nghal vut a.
Ka en chho ha chu min rawn melh zawk chung hian ,"Kal rawh ,in nghah tir reng i duh loh kha"atih chuan nui hak hak pah hian ka kal ve mai a.
Kan in kawt kan thlen chuan thawj ka la hmasa ham ham a.Saw in chhung ropui leh nalh takah sawn luh leh ka hreh zia chu,ka sawi fiah thiam lo zawk.Ka pasal leh taxi driver an inbiak lai chuan ngawi rengin,ka pasal bulah chuan ka lo ding ngawi ve reng a.Lo va luh hmasak kha huphur tak te in ka huphur ani.
"I lut va lut hmasa lo anih kha"Taxi driver tlan liam rual in ka pasal chuan arawn ti sup a.Nur nang hian ka lo melh tawp ringawt.Ka nuih a zat hmel khawp mai.Keimah chuan ka lut huphur dawn tih a hre ve reng awm sia .
In chhung kan luh chuan kan rin ang leh beisei ang in,engmah a thleng lo chuan min tihahdam huai thei.Chumai ni nang,ka mi hmuh hreh em em te,an lo la awm lo leh zel nen,ka thawveng huai thei."In bual rawh aw, i rim chhe tlat tawh"ka nupa room a kan awm hnu chuan ka pasal chuan a rawn ti sup a .
Rum zet a ka va melh ram ram chuan,nghal zet hian min rawn melh vat a.a mitmeng chimawm zet avang chuan,lei ka chhuah khum vak ringawt.A rawn nuih chhuah hawk hawk avang chuan,ka hawi tau deuh hmak a."Nula senior thinchhia a ti tau ani maw?"a nghal chhuah a rawn tih chuan,"Malsawmzual, nula senior min ti ziah suh"tih pah in bathroom chu ka pan tau nghawng nghawng a.
A rawn nui chhuak nghal hawk hawk a.keipawh ka awmdan naupang chhia tak avang chuan ka nui ve tho.Keiai in naupang zawk mahse,a rilru hi a puitling a,thin butut a nei thut thin leh a pa a hlau thei lutuk tih loh ah hi chuan,ka lakah hi chuan sawisel na tur avang viau.A lakah naupang ang maiin ka pangchang fo a,keiai naupang zawk si hi,a bula ka awm chuan ka thla a,muang em em zel bawk.
Tlai lam dar 5 vel a rik pawh,ka nu leh pa leh Bibi te an rawn la haw loh avang chuan Sawmzuala chu ka zawt tawp a."khawi ah nge ka pa te hi,a tlai tawh bawk sia tumah an rawn la haw silo "ka tih chuan,"Ka nu leh pate chu thingtlang ka pute bulah an zin a nih kha,ka pu a dam tha vak lo aniang,min rawn chah a "arawn ti ve mai a,"A nih khawih ah nge Bibi?"tunah dar 5 a ri tawh collage a kal ti dawn ila arawn haw hun a ni tawh si a.Ka ngaihtuah deuh avang chuan ka ti ta tawp a.
"Ka hre lo ,a duh hunah arawn haw ve mai ang.Ngaihtuah suh naupang chhia ani tawh lo,mahni tan a tha leh tha lo hrethiam rual ani tawh"a tih hnuah,"Eirawng an bawl zo tawh ang,chawei turin zuk chhuk ila "a tih zawm nghal zat a.Khuma ka mu chu min pawt tho ve nghal vat bawk .
Ka nuin awmpui lak a duh loh vang khan,ka mo hnu atang khan engkim ka kut ah a tla a,school lama kan lo buai chang phei chuan, ka lo chau ve thin bawk nen,tah te hi a chhuak lek lek zel.Mo ka nihna angin,ka leh Bibi chuan engmah an ti ve ngai mang lo,heti chung hian thenawm khawveng lakah,min rel fo a,mo that chhia thang in ka thang tawh.A hrehawm thin khawp mai.Tuna awmpui kan nei hi mak ka ti vak lo,Bibi'n engmah a ti ngai lo a,ka nu lah a chet hlekin'ka chu mi kha mi chu ana'a ti nghal dur dur zel a.Ka awm hma zawng awmpui an nei thin a.Min duh lo lutuk min tih hrehawm nan a,an tih nge ni,an awmpui hlun kha ,an ban nghal hmak a .An ngeiawm thiam ve hran pa hrim hrim .
Zan dar 10 vel a rik chuan,ka pasal chu a thaw sak sak tawh .kei erawh ka muhil thei lo thung.Kan mut hma zawng khan Bibi ala rawn haw silo a,hmeichhia a ni leh nghal ka lakah sual viau thin mahse,ngaihtuah a na duh ngei mai .Ka tui in hal avang chuan khum bula kan dah bottle chu ka ban nghal vat a.Tui a awm thak lo leh nghal.Bibi rawn haw tawh leh tawh lo en pah ani mai tiin.Ka pasal tih harh hlau zet chuan khum chu ka thawhsan them them.Bibi room lam chu ka pan nghal vat a.A room reh thap leh ruak huai ka hmuh chuan alo la haw lo tih la hre thei mai a.
. Nidangah tiang hian,a awm ngai silo a, ngaih a ti tha lo rum rum.Sawmzuala lah khan,a ngaithu tak vak bawk silo a,a buaithlak lek lek ani a.Bibi ber a awm tak loah chuan,tui la tur chuan in hnuai ah ka chhuk thla chhat chhat a.Choka ah chuan lut in fridge a tui vawt chu la chhuak in,room a kan in chhawp chu thun khat in fridge ah chuan ka dah ta zawk a.Tun lai khawlum lutuk vang hian,zan laiah pawh hian tui vawt kher hi la in duh thin .
Fridge chhung a apple ka hmuh chuan ka ban vat a,silh hmun lam pan a ka in her tur chu ka hnung lawk a,Bibi lo ding reng ka hmuh chuan ka phu zawk mai ."E i lo haw tawh elaw"ka awm dan vang chung hian ka ti hliai a,"Haw chu a nih hi, min va lawm awm lo ve"arawn ti deuh hmak a,"Lawm lawh chhan tur che ka nei hleihnem"ka tih chuan za lo deuh tih hriat tak hian a nui hak a,"Enteh ka hrilh ang che,in lak fel vak hi a ngai lo,i rilru chhe zet hi ka hriat loh ring suh .Ka u hi kan lak atang in lak hran tum eng ang mah la ,i la hrang thei chuang lo ang."arawn ti deuh hmak hmak a.
A thusawi awm zia chu ka man lo mai bakah ,a mual bo in ka bo,"Sawmzuala hi lak hran ka tum awm ka hre lo"ka ti hmak chu a rawn nuo leh hak hak a.Min nuih sawh a ni zawk mah ang chu,"Tun hma zawngin,in dan pui che a tum ngai lo, i lo langa a mizia a dang a,engtik lai mah a ka pa hnial ngai lo khan,a thusawi zawm loh a ching thar a.Min ngaihsak em em reng khan,mi. thlah thlam tial tial a,chhungkaw dah pawimawh ber thin kha, tunah chuan nangmah a hmasa ber i ni reng a.A chhan pawh i kheuh hrang reng thin vang in.Tunah pawh i natna chhuan lam in,in dan pui turah i sawm a.I duh ang hian engmah a thleng dawn lo,Ka u hi mipa awmchhun a nih angin ,he in hi a ta tur a nih hi,eng ang pawn chhuah pui tum mah la , a chhuak chuang lo ang"arawn ti tawn tawn a,ka hmai bul mai a,rawn hau a ni bawk nen,zu rim chu a rawn nam leh ham ham thin.
"I sawi awmzia ka hre lo ang bawk in.I u hi la kheuh hrang lo bawk" tih hmak pah in,dawhkhan a,ka tui bottle chu lain ,in chung pan chuan ka chho hlawk hlawk a.Ka hming lam a,a phun bawrh bawrh ri chu hre mah ila, a tawng a sehchilh ve nak bawk nen,ka hrethei tawh lo thung.
Ka pasal muhil ka hmuh chuan thawhak in,amah tih harh hlau zetin,a bulah chuan ka in thawlh sat sat a.Muthil tum chuan ka chhing nghal siar siar bawk.
Ka hmai tlang zut ruai ruai tu,an awm avang chuan paih lo deuh ka meng chhuak ruai ruai a.Ka pasal chuan ka hmai bul chetah min lo melh run a,"Morining"ka meng rual chuan a rawn ti sup a,"Morning"ka harh chiah vang nge,ka aw chu a tial ruai leh ta nghal a.Ka zah ve deuh chu ka khuh vak ringawt.Ka pasal lah chuan nuih insum zet hian min lo la melh run a.A in bual zo deuh chiah tih hriat takin a sam chu ,ala hnawng deuh chhap a,kawr erawh a ha vek tawh thung.A perfume rum chu a rim tui tak zet leh nghal.
" Tho tawh la, chaw ka ei tawh a.Kan in sakna ah kal lawk ka ngai a.chaw lo ei la,tlaiah chiah ka lo haw ang aw"a tih chuan nur nanga melh chung hian,"Tunah dar eng zat nge a" ka ti sep a,"Dar 10 leh a chanve a ri tawh" arawn tih chuan rang zet hian ka thu chhuak nghal vat a.
"Min kai tho vat ta che,school ka tlai phah vek hi" ka ti nghal vak bawk.Nui chhuah hap pah hian,"Principal ka be tawh.Nauapang zirtir tur chuan i la chak tawk lo,vawiin chu lo awm hahdam rawh .Engmah tih lo tum ve suh ang che" a tih hnuah ka luah chuan a rawn fawp vang vang ,"ka kal aw" tih pah in kawngkhar lam chu a pan nghal vut a.A kal chhuak chiah chu ,ka thaw hak thei, a
ka ruak huai hian ka in hre tlat pek a.
Sawmzuala ber a awm tawh lo bawk a tiin,ka hmahmawh peih vak lo a,dar 12 rik thuak ah cbuan in hnuaiah ka chhuk thla ve vat.Sitting room a hreh thap bawk nen,choka lamah cbuan ka phei tlang nghal a.Ka mihuh te avang erawh chuan ka ding nghal chawt a.An ni pahnih pawh chuan ka thawm an hria a niang chu ,an raw. hawi ve nghal vat bawk.
"Morning USangte"Remsangi chuan nui sang hian a rawn ti a.Nui sang mahse a mitmengah erawh chuan min lawm hmel vak loh,"Mornung " ti ve pah gas thuk bula hmeichhe tleirawl lo awm ve bulah chuan ka kal nghal hmak a.
ZAN DAY ZAN A DAH TUM KHA ,COPY TUR AH CUT KA HMET PALH A,A BO VEK LEH NGHALZAN TLAI TAWH AH KA TYPE LEH CHUNG CHUNG A,KA LO MUTHILH SAN ZUI.TUN AH KA RAWN DAH MAI A NIH HI