KA HMANGAIH CHE CHAPTER-19

[Judy chhakchhuak]

LALHLIMPUII POV

Thla li dâwn kani te khuaah ka awm ve ta reng mai a, UAwmte'an minlo be ngai tawh bawk silo nen nupui anei ta ah ka ngai ve tawp a.Kan Doctor pa arawn kal awllo a,ka duh ve deuh tlat in ka inhre ṭan a,ani lah in kawppui atan a min duh thu min hrilh tawh bawk nen chhan dan tur kala hre mailo.





Kani te anlo haw tawh a,Patea pawh zia lam a pan ve hret hret a.Mahse a taksa erawh a hma ang in a hmang ṭha vak thei tawhlo thung, School pawh ka kal tawh tho avang in keiman kal tawhlo turin ka tia,alo pawm ve mai a.





Hnathawk lo a awm harsa ati ṭhin a,kan hriat loh laiin huan lamah te hian alo kal leh daih zel a.Kani pawn a hau fo a,awmzia a awm vak lemlo thung.





"Taka,Nu'i Hminga nen khian in in ngaizawng ami" kani in ati chu ka phu deuh zuk mai. "Tunge sawi a" ka ti deuh hu a, "aman bialpa neih in phal em atia,ka nuih aza reuh lutuk a" atih leh phei chuan kalo ip chawih chawih mai.





"Ni,min bem a mahse ka chhang thei rihlo ang che ka tia" ka tih chuan a nui deuh har har a. "Chhang ngei rawh,nangpawn i en dan ṭhin aṭang hian i hnar biklo tih ka hria alawm,hmangaih leh duh ber te hi chu chelh nghal pawp mai tur,han hel kual vel kha a ngailo ania,i tlai palh hlauh ange" atih chuan a sawi dik ve tho.





"Nia,alo len leh hunah ka sawi pui ang,mahse ni pasal ṭhen tawh ka ni sia min duhloh ka hlau a" ka tih chuan ka hnungah a beng dat a. "Chutiang sawi suh,hmangaih tu che chuan i nih na ang ang in a pawm vek ang che,i nunhlui ah let leh i tum tawhlo a hmalam i pan tih a hriat phawt chuan i nunhlui a hmuh kan sak ang che,ka hrilh ang che mate Doctor tluk a ṭha khi a awmlo ania" ati leh duah a.





URuthi in a tawp a tawp ah pasal anei ve dâwn a,keini pawh kani te nen kal vek kan tum a.A hmangaih ber a nei thei tur chu ka lawmpui khawp mai,thla thar ni sawm panga ah hian biakin ah an inkutsuih dâwn a,chumi hma a chhuk chu a ngai ang.





Karleh lamah hian kan tum deuh a,kan vaia kal tum kan ni sia.Ticket pawh lak hma deuh a ngai ang,keipawh a pangai ang in School kala kal reng a heti lamah hnathawh lai ka nei ta sia.Aizawl lama ka chho anih pawn ka chhuk thla leh vat ang,khiti lamah engmah tih tur ka nei chuanglo.





Kani hian min ngai ve thei sia,kanu thlan ka han tlawh ve zuai bawk anga.Kan Doctor pa in alo sawi lawk ang ngei chuan zanah alo leng a,zanin phei chu a chhelo leh zual in ka hria.





"Mate,lo inkawm rawh u aw Hminga,naupang ho homework kan tih pui lawk ang" kani in atih hnuah naupang ho nen roomah an lût ta daih a.UHminga nen chiah a kan ṭhu ta chu ka zam ve leh ringawt tawh.





"Ilo in ngaihtuah tawh em" ati deuh sup a,a rim lah chu atui mai mai sia. "UHming,hrilh duh che ka nei a min duhloh phah anih pawn ka hrethiam lutuk che ania,englo pasal ṭhen tawh ka nia mahse fa kanla neilo a,in hmangaih vanga innei kan nilo a" ka tih chuan ka kut alo hum lum vung vung a.





"Chutiang ah buai na a awmlo anih chu,mi nupui pawh lo nila ka nghâk ṭang ṭang duh ang che chu," ati chu ka thaw huai thei.





"Ka lawm e aw,chuan keipawn ka hnar biklo che UHming" ka tih chuan a nui deuh var var a.Ka lamah lo awm hnai in ka hmuiah arawn fawp vang vang a,keipawn kalo hnar biklo.





Kan Doctor pa chu ka rinai takin a zei a,a lamah min pawt hnai in min fawp uar leh sauh a.Kan inthlah chuan boruak thlachham zetin thawk kala nghal kâwk kâwk mai,ka phone lah chu ari ve sek a Ricky'a bak a ni leh lo.





Hepa bialnu nge a nupui ka tih zawk dâwn ka hrelo,an inṭhen hi min rawn text lo leh min lo call reng a.A hneawm tak tak ani,an chhungkua nen a in pawh vak ka duh tawhlo a, Ricky'a nu pawh ka be talo tawp kha ania.





A châng leh ngaihdam min dil a,lo let leh turin minti mahse let leh tumna chu ka nei tawhlo hrim hrim. "Karleh ah damdawi la in Aizawl lamah chho ka ngai dâwn a" atih chuan ka en vat a,a thu tak ve tawh lutuk.





"Keini pawh ka chho dâwn alawm,Kan upa ber hian pasal anei dâwn a" ka tih chuan a ngawi deuh vang vang a. "ka rualin lo chho ula,motor ka keng dâwn alawm" ati ve sup a, "kani te kalo hrilh ve chhin dâwn nia" ka tih chuan ka kutah alo vuan leh a.





Ka kut alo vawn paha anui suk chu leh a lai ve hmêl lutuk chuan ka nuih ati za, "ngatinge i nuih i nuih a" tih pahin ka en reng a,minlo en ve in ka biang ah alo fawp zeuh a.





"Ka hlim" ati teh tawp a, "Dinsangi chu tinge i duh let ve mai loh a" ka tih chuan ka darah alo kuah a.A lamah min pawt hnai deuh a, "rul ang mai ani,a tleng zawt zawt a ka hriat loh laiin ka roomah te hian alo awm leh nawlh zel a,ka ngai na lo" ati mauh mai sia.





"Hetah hian i awm reng dawn ami,i insawn ve dâwn em ka tih awmzia chu Aizawl lamah te" ka ti leh a.Zawhna ka ngah ati viau ang, "ka hrelo le,min sawn leh sawn loh ani tawh mai,tinge heta awm i duh vaklo ami" minti zawk ta daih a.





"Keite chu kani te an awm a,bakah nuam ka ti hrim hrim a a khua te hi anuam reuh sia,ngatinge min zawh daih a" ka ti veleh a.





"Kan inneih hunah chuan ka kalna apiang ah min zui a ngai dâwn sia,hreawm itih ka hlau a" ati sup a.Alo va ngaihtuah thui tak, "hma hun kan hre siloa,kan innei dâwn tih i chiang ami" ka tih chuan anui leh suk suk a.





"Neih ngei che chu ka tum alawm,hreawm in ka siam lo ang che Hlimpui,i duh engkim min dil la pek zel che ka tum ang,kut ke kim a ka awmchhung chuan kan fate nen rilṭam in in awm ngailo ang," atih chuan ka nui ve var var mai.





Tinge UHminga hi kalo tawn har em em le, "Aizawl chho hunah kan inah ka hruai ang che,ka chhûngte hmuh tir ve che ka duh ang,Hlimpui naupang chhe zawk zawk kani tawhlo a nupui neih pawh ka duh ve tawh tho a,in ngaihzâwn ṭan ve chiah mah ila ka nei nghal hreh lo che" ati erawh ka in ngaihtuah leh fee a ngai ang.





"Mahse UHming,ka pasal hlui nen a kan inṭhen aṭang thla li na chiah ala ni sia,miin min sawi duh dâwn lutuk keimah pawh hi ka diklo ve aniang,i bula ka awm tam pauh leh ka ngai na zual zel che sia,ngainat na aṭang duhna ah a inthlak a ka hmangaih che em tih erawh kala chianglo,nghâk deuh phawt ila kum khat vel tal han liam leh phawt se,nangpawh ilo upat lutuk phah lo ang chu" ka tih chuan abu nghut nghut a.





"I inpeih hun hun animai,ka nawr lui lo ang che mahse Hlimpui thil nghâk theilo chi ka nia,nang erawh hi chu kum za chuang pawh nghah ngai mahla ka nghah theih che ka ring" ati chu ka nui leh ver ver tawh.





Mi tih lawm dan hi avan thiam reuh tak,zeilo ve deuh tur ah kalo ngai a.Mahse ani miahlo,a ṭawngkam khat lek pawn min ti lawm vawng vawng thei ṭhin anih hi, "naktuk chu keini pawh kan bang hma dâwn a,zinglam chiah kan kal ang,inkhawmpui kan thleng dâwn sia chawhnu lam Kohhran hnatlang ani sia,i kal ve dâwn em" ka tih chuan "ka hrelo le,zinglam ka duty ania ka duty a zawh hma tak leh kalo kal ve ang" ati ve mai a.





Rei em em awm tawhlo in a haw a,keipawh a haw hnuah kan thingpui in na no vel sil in roomah ka lût nghal a.Ka phone a Maengi message minlo thawn chu ka en hmasa ber a, "naktukah sam ka colour tir dâwn a,inkhawmpui hma in i duh ve em,i duh chuan kan kal dâwn ami kan khua a sam siam na awmchhun ani ve a,alun ve lutuk a chhunah kan kal anga" tih hi alo nia.





Ka sam hi kala ti danglam ngailo hrim hrim,keipawn ka chak ru ve viau mai.Ka duh thu ka hrilh hnuah Mawii message te chu ka chhang leh tête a,ka sam hi sei deuh mai dum thlap reng hi ania,ka sam te hi tan ve chhin ka chak tunlai phei chu a hnawk ka ti riau a.





Ricky'a call bawk arawn thleng leh a,ning zetin kala ve ta nge nge a. "Eng nge" kati pawr reuh hlar a, "Hlimpui min ngaidam rawh,mahse ka ngai lutuk che" tih bak a sawi leh tawhlo.





"Ahma kan inneih laite khan hun i nei ṭha asin,engkim a tlai vek tawh hnuah ngatinge siam ṭhat itum.I siam ṭhat theih lai khan ṭha takin awm la chuan kan inṭhen ka ringlo,mahse tûnah chuan vân a rah ang vel ah ngai rawh,mipa ṭha tak ka tawng tawh a,minlo ti buai chhen tawh suh" ka tih hnuah call ka dah nghal hmak a.


**********

Zingah ar khuang ri in min ti harh a,sana ka en chuan ala hma viau mai.Dar nga vel chiah ala ni,mahse School kal tur ka nih avang in ka tho ta tho a.





Hmai ka phih hnuah pawn lamah ka chhuak a,vân te chu a thiang kak a.Amawi takzet, "mate i va tho hma ve," inchhûng a ka luh leh chuan kani in alo ti var a.





"Nia ka harh hma ve teh mial a,heta ka awm aṭang hian ka harh hma thei ta riau a,mahse anuam ka ti zawk,taka ni ka sam hi ka tân tir ve dâwn mawni ka tia,nizan ah Maeng'in ka tih danglam duh leh duhloh minlo zawt a,a rawng te hi thlak ve chhin ka duh" ka ti chu alo phal khawp mai.





"Vawikhat pian ve man ah sam te chu tih danglam ve hrim hrim chu a pawi hleinem,bakah sam sei lutuk chuan thisen a heh a tawi pawh i inhmeh dâwn chiang em mai,thlasik a in ṭan anga sam tawi chu nuam iti zawk daih ang,i thlah reng thei tho anga i sam te chu a ṭhang chak tho ani lawm ni" atih chuan ka aw ve vat a.





Kani hi chuan min hrechiang ve mawle,ka sam hi a ṭhang chak tho a.A pawi ka tilo,sam sei a ngai reng put hi chu a ninawm ve a,sam hian kan hmel lan dan thleng in ati danglam ve thei a.





"E chuan ka sawi theihnghilh ṭep,ni UHming'an maw karleh ah damdawi la in ka chho dâwn a,Aizawl ah ka rualin lo kal ve ula a tia" ka tih chuan "a remchan khawp chu a,a ṭha mai alawm sumo chep deuh a inhnawh ai chuan" ati ve vat a.





"Chuan kan Doctor chu engtin nge i chhan tak,ilo kal tirh te kha chuan i pha nasa ve sia" kani in ati chu ka nui ve hak hak mai. "Aw ka duh thu ka hrilh ve a,mahse a hmanhmawh lutuk a,ka pasal hlui nen a kan inṭhen na pawh thla li chiah ala nia ka tia,ka hrilh vek a i inpeih hun animai ati leh a,ka khawngaih ve tho bawk sia" ka ti ve sep sêp a.





"Hmangaih ber a hnu mate,midang ngaihdan care lutuk te hi a ṭha ngailo ania,rilru kawi ho chuan eng ang pawn awm la an sawisel zel tho ang che.I duh thlan na ah chiang la,i hmangaih anih chuan nei tawp rawh,hmangaih te intih hreawm reng tur anilo ania midang te tih mai mai,lo sawi pawh nise an sawi rei peihlo,chhungte pawh nilo ho hi chu engah mah ngaih loh tur,chhungte pawh nise puitling ini tawh a an phallo bur reng tur anilo,nula ini tawh a i thlang sual anih leh nangma hreawm na tur ania,i thlang fuh anih chuan i nawm na tur ani bawk a mahse Doctor khi chu a fel dâwn tih hi ka chiang lutuk a,Hminga kher khi chu iti fuh lutuk ania" ati duah a.





A sawi dik ve tho mai,mahse nghah deuh chu ka duh,inneih hi tih mai mai ani siloa.Pathian hmaah thu kan intiam tawh a, Ricky'a pawh kha ṭhen ka tumlo viau na chu a hreawm ka ti em a,tun ṭum erawh ka tih sual tawhloh ngei ka ring.





Rawng ka bâwl pui hnuah ka insiam a,chaw ei kham ah ka naute pahnih nen scooty in School lam panin kan tlân a.School kan thlen chuan Maengi pawh alo thleng daih tawh,Rampuia hi ahma ang khan ka ngai na thei tawh miahlo a mizia hi a sual ka ti dawn nge,a ngeiawm thiam thei reuh lutuk a.





"Sam chu ka tan dâwn mawni ka tia,ka dar thleng vel hian a rawng te ka thlak ve anga" ka tih chuan a phur khawp mai. "Keipawh a rawng ka thlak dâwn a,tan chu ka tan lo ang" ati ve niah niah a.





Zing lam chiah class kan lak avang in ka naute pahnih ka han thlah lawk a,Maengi nen sam siam na dawr lam panin kan tlang nghal a.Ala hma tho bawk nen kan hmanhmawh lutuk hranlo,dawr ah chuan ka rinai takin mi anlo tlêm a.





Kan sam duh ang thlap a kan sawi hnuah min tih sak a,rei em em pawh kan awmlo.Ka sam thar chu ka rinai takin ka inhmeh a,ka sam hi a ngil ve hrim hrim bawk nen a kum deuh chial a,mawi ka inti ve lutuk,rawng eng lampang deuh in ka thlak tir a,minti lang ngo zual sauh in ka hria.





Hnatlang tura kan kal te chu ka zang deuh hawk in ka inhria a,ka sam ka tan chu ka thawveng hawk mai.Hnatlang tura kan tlang nghal avang in kani te pawh minla hmulo.





Kan theih ang ang kan tih pui ve a,UHminga hmêl erawh ka hmulo thung. "Taka Hlimpui,Rampui'an min hrilh a kan Doctor nen khian in in hnim hnai riau in ka hria,eng emaw ni hi a awm anilo maw" ati chu Rampuia bawk,ka va ngei reuh tak mipa ve si ṭawngthei lutuk mai.





"Chutiang engmah a awm hleinem,Rampuia chuan a ngaihdan a sawi ve mai mai anih chu,Patea a chetsual lai vel khan alo kal ṭhin a,Patea vanga lo kal ania" ka ti ta daih a.





Kan in ngaizawng tih hi an hriat vek kher ka duhlo,kan inneih hunah an hre dâwn tho.Tlai dar nga dâwn ah kan haw ve chauh a,in ka thleng kani in min hmu chu a meng lian ve khawp mai, "awi mate sam sei ai khan i inhmeh daih zawk,tinge hman hman ah ilo tan loh" ati ve hluai a,chutia min fak ve ta hluai chu anuam ka ti ve lutuk.

#Ads click kha ngai pawimawh theuh ang u aw, in fel kha hmeltha ho