Ni sa deuh mahse khua a thian thrat em avang in a nuam khawp mai, lirthei in min tlan pel zut zut a, ke in muang chàng in ka kal ve beuh beuh bawk. Taxi ruak rawn tlan pawh ka hmu reng a mahse ka phar duh ta lo. Mahni a hetia ke a Han kal hi a nuam phian mai, kan véng péng ka thleng a, wholesale dawr kawt a Zonuni leh Sangsanga lo ding chu ka hmu a, kal pelh mai ka tum lai Chuan "min lo nghak la" Sangsanga chuan a rawn ti lauh a.
Keimah min be lo emaw tiin ka Han hawi kual a, "nangmah kha, Zonuni hi a haw dawn a" a rawn ti leh a, "in thlah tir rawh, phurh tur a nei hleihnem" dawr a rawn chhuah pah hian nui sang in Zonuni pawh chuan a lo ti a, ka mak ti lutuk chu ka hmel ah pawh a Lang chhuak thei hial in ka ring. Sangsanga nen an in ngaihzawnna a rei ve tawh a hetiang hian vawi khat mah min la be Miah lo.
Zonuni chu two wheeler taxi ah Chuang in an tlan chhuak chu kan thlir liam a. Sangsanga chu
Ka zawn ah rawn ding in, ka chuan theih tur in a bike a siam rem a, ka Chuang ve nghal vat bawk "i ngaih ang kha engmah a ni lo ania" ka tih chuan "ka hria alawm" awlsam hmel té hian a rawn ti lauh a.
"Heyy , i thinrim der ami a" a hnung a ben pah chuan ka ti hlar a, nuih deuh hawk pah hian "thinrim der lo e, tiang khan awm leh tawh Suh, i awm leh anih chuan ka be tawh lo vang vang ang che" a tàwp lam chu a a thutak hmel viau bawk.
"Chutiang in ka awm lo" bah deuh nak hian ka ti a, engtia awm tur in nge min lo beisei re re ni?
"Ka sawi awmzia chu Sir Jeremya kha ania, a hrechiang ho chuan thra an ti vak lo ania" dam dap hian a ti a, Han chhan vak ngaihna pawh ka hre lo . An hre sual aniang Han tih chi ngawt lah Ani bik bawk si lo a.
A thinrim viau emaw ti a ka hlauhthawn hman Zia te ka hrilh a, a nuih a za ngang mai. Kan in kan thlen chuan lut kawi tur in ka sawm a, in chhung kan luh chuan OTheli pawh a lo awm tawh a, thingpui te min lum sak in sitting room ah kan thru khawm a. Nizan lam a keima a ka riah dan leh engtin nge ka awm ngam tih te OTheli'n min zawh chuan ka lo ip nasa thei khawp mai. Dawt tlém belh zeuh zeuh a ngai hian min ti hrehawm ani, Sangsanga lah chu a lo nui ru pat pat thrin a OTheli hian a hrethiam ang tih ka hlau khawp mai.
Sangsanga chu kawt thleng ka thlah a, a tlan liam hnu chuan in chhung ah ka lut ve chauh a , OTheli hi Hmeichhe fing tak ani a Sangsanga awmdan atang Khan nizan lam thil thleng chu a hre thuak in ka ring, birthday lawmna a ka kal tih kha chu a hre lo anga mahse Sangsanga che Zia khan eng eng emaw ngaihdan chu a neih tir ngei ang.
In chhung ka lut chiah chu rin ang nge nge in OTheli chuan "i bialpa in a riah pui che em ni?" Tiin min zawt a, keimah a ka riah thu chuan ka chhang vat a , ka in riah pui tir duh a ring reng reng amawn le? "mipa hi nel chin tawk hriat tur, hmun fal a awm phei chuan tum loh deuh hian thil a thleng thei ania" tiin min zilh chhunzawm mawlh mawlh a , ka in sawi fiah peih lo han in sawi fiah vak dan pawh ka hre, eng thil pawi mah kan ti lo tih ka hre Chiang a, amah tak pawh hian min riah pui chu a ring bik Miah lo ang
Ka mizia hrechiang ber tu kha Ani miau a.
Ka phone ka en chuan Rodingliana hnen atang in massage ka dawng a "zan in ah kan lo leng dawn,pindan ah in khung tlat Suh ang che" tih hi a ni a, ka chhang lo thung. Kan in awmna pawh an hre lo a, lo Len ngaihna a awm lo.
Zanriah kan ei kham ah balcony ah lehkha zir tur in ka chhuak leh a, rei pawh ka thrut hma in "Bawihi i phone a ri ania" in chhung lam atang in OTheli'n a lo ti Lang Lang a, in chhung ah lut in ka phone ka charge chu ka la a, call lak ka tum lai mek in a tawp leh hman daih. Sangsanga Ani call let ka tum lai Chuan WhatsApp ah massage a rawn thleng a, ka hawng chiah chu ka nuih a za ang reng khawp mai.
"Rodingliana te'n an rawn rim che ania" tih leh thlalak hi Ani a, sofa pakhat ah Rodingliana te thrian ho lo thru hi Ani.
"Ka nau in a mah an rawn rim amaw a tia , a lawm khawp mai" tih a rawn thawn leh a, chu tih lai mek chuan Rodingliana hnen atang in massage ka dawng leh a
"Pindan ah in khung tlat mah ta che" tih ani.
Chhang lo chuan balcony lam ah lehkha zir tur in ka let leh a, rei fe ka chhiar hnu chuan in chhung ah lut in ka in ti harh zuaih zuaih a. OTheli pawh a lo mu tawh, zan rei lam a nih tawh avang in thawm pawh a reh thriap tawh a. Ka phone charge chu la in balcony lam ah ka thru chhuak leh a.
Phone en pah chuan ka thru ta reng a Rodingliana massage pawh a lo awm nual a
Chhang lét lem lo chuan ka seen ringawt a , Han chhan lét chi em em pawh a awm lo , thil ho mai mai Ani a lo sawi ni.
Sana ka en chuan dar 12 leh a chanve a lo ri va va tawh a, thla thar mai ah exam kan neih leh nghal dawn avang in zir nasat ka ngai hle bawk, internal test kha ka mit nat avangin ka duh ang in ka ti thra lo leh nghal a , tun exam chu a hma ai nasa a ka beih angai ang mark ka khawl thra vak lo emai.
Ka Han in ngaihtuah a lehkha thiam thei tak ka ni a mahse tuina pakhat mah ka nei lo hi amak ka ti Ani Professor ho in enge tih ka tum? Enge ka hma hun ah hmachhawp ka neih? ti a min zawh Chang te hian Han chhan mai ngaihna hi ka hre thrin lo tun thleng hian kan zirlai te chu ka hnehsawh em em thrin a enge nih ka chàk? Enge tih ka tum? Ka hma lam hun a tan enge chhawp ka neih? Engmah ka hre lo college hi Han graduate ringawt ila ka zir zawm leh ang nge? Thil dang training tur ka zawng dawn?
Ka mit ka chhing vang vang a, ka mitthla a lo Lang erawh chu thil ho té Ani. Fahrah in a thawh a nu leh pa te nei lo hmangaih tak a enkawl thei tu nih chu ka thil chak ber Ani.
Ka thei angem ka hre lo mahse hna sang tak thawh ai chuan hna hniam té anga Lang mahse ropui zet mai hian ka rilru a luah tlat si, ka thil chak em em hi ka sawi chhuak ngai lo. Ka thrian te ho chuan lehkha ka thiam theih em avang hian sawrkar hna sang tak chelh tur in min dah ringawt a mahse ka thil tum tak erawh a hniam hle thung si. Ka nu leh pa te hnen ah phei chuan sawi chhuah chi va Suh, harsa tak in min kal tir a ka thiamna te hman trangkai loh na hmun a min awm tir phal ka ring hauh lo.
Tin ka pa hi lehkha thiam ngaisang mi Ani a
Ka pa hi hmanlai mi ve ngang hi Ani a "hmeichhia chu in zahawm na chu in zir San na ah a in nghat" tiin a sawi thrin.
A ngaihdan hi a dik loh na a awm a , a dik na Chen pawh a awm bawk. OTheli hian pasal lo nei ta se kan sum hmuhna ber chu kan Chan ani mai dawn a, kei lah tum mumal nei lo ta fam chu eng teh lua ka nih ka in ring bawk si lo, engpawh chu nise keimah chauh inngaihtuah thei ka ni lo. Ka nu leh pa te tan ka zir trang trang angai ti te chuan ka Han in fuih leh hnu hnawh a.
Ka phone rawn nghawr dar dar avang chuan ka thil chhiar lai chu tawp in phone screen chu ka en nghal vat a Rodingliana maw!! Tun ang zanrei ah enge HEPA hian a duh? La lo chuan ka hmet thim hmak a, rei lo te hnu ah a rawn nghawr leh dar dar a, Rodingliana bawk ani HEPA zet hi chu aw a mangan thlak thrin Ani.
Phone screen ka en reng lai Chuan a tawp hmak a, WhatsApp ah massage a rawn thleng zawm zat bawk "la ve mai ta che" tih hi Ani. Phone dah mai ka tum lai Chuan "balcony ah kher tinge i zir a?, A tlai tawh si in chhung ah Khan zir daih rawh" tih ani . Mak ka ti lutuk chu ka meng zau nasa mai
HEPA hian min hmu thei em ni? Ka Han hawi kual vel a, khawi atangin nge min hmuh theih?
"Hmeltha ngang mai" tih a rawn thleng leh a
Ka harhchhuak zawk mai ral leh lam a in mawi leh Lian zet chu ka thlir a,balcony ah chuan ruang àm Lian zet mai ka lam lo thlir reng ka hmuh chuan Rodingliana Ani tih Chiang tak in ka hre thei. In chhung ah ka lut daih mai dawn mawn le? Engtin nge kan in hi a hriat theih?
"I zir rei peih em mai, mu tawh rawh" tih a rawn thawn leh a, ngaihsak duh lo lui in ka lehkha ka chhiar zawm ngar a, rei fe ka thrut hnu pawh chuan Rodingliana chu an in chhung ah a lut Miah lo a din ngai chuan a lo la ding ve ngar a , a va Han peih mai mai tak. Ka phone a lo Rik leh Chuan Han hmeh thim leh mai ka tum a mahse ka rilru thlak in ka la ta zawk "aw enge i duh" vin hlar hian ka ti a "nangmah" nui deuh suk hian a rawn ti a.
"I van mengrei peih mai mai tak" a rawn tih zawm leh zat a "ka mu tawh" ka tih chuan
"Balcony ah Khan i mu em ni?" Nui hak pah hian a rawn ti leh a , a àw atang chuan ruih anei tih pawh ka hre thei "Rodinglian ka phone kha rawn la tawh teh eng thla mah I la lo ang" hmeichhia hian vin hlak hlak pah hian a rawn ti thawm chu ka hre thei , a nu a ni ngai ang.
"Ka thil hmuh hi I hmu ve lo Ani, a mawi lutuk" tiin kan mimawla chuan a chhang let a , a awmzia ka hre lo. " khawimaw Enge i zoom vak vak a" Anu in a tih leh Chuan a ri deuh rawk rawk a "va kal sawn teh I hmuh ve chi Ani lo" nui deuh huk huk pah hian Rodingliana chuan a ti let a. "Tunge i en a, I mawl si" tih leh in Beng ri deuh kawng kawng ri in a zawm nghal zat bawk.
"Ngaihzawng i neih dawn chuan thra deuh in nei rawh college Ami pawh in a hlauh em che kha min ti Zak thei teh mai ania" Anu in vin deuh thrak a atih leh Chuan ka lo ip chawih thei mai tu chanchin nge a sawi chu hre Chiang tak ka ni.
"In va bengchheng ve mut a hun tawh hi" patling aw hian a rawn ti a, thawm a Rik deuh nak nak avang in enge an sawi chiah ka hre Chiang thei lo, balcony ah chuan ruang am pathum ka hmu thei a, ka lam an rawn thlir thrap ni te hian ka hria, phone chu ka beng zawn ah chuan a ka dah char char a
An in chu ka thlir reng bawk.
"Pa naktuk ah telescope min lei teh u" Rodingliana chuan a tih ri ka hre leh a, lawk HEPA hi Anu phone hmang khan min rawn en thla tih na em ni? tunlai ah phone a thra tawh a camera hian thil hla tak ami pawh zoom chuan a Lang Chiang hle thrin anih kha phone thra nei tur in an neih in Atlin hle tih ka hre bawk.
Khai aa , kan mimawla mai mai chu! Engtia rei nge min lo enthlak tawh ang le? Phone chu off in inchhung lam ka pan nghal mawp mawp a, engtin nge kan in awmna te hi a hriat zawk le ? Ka phone chu hmet eng in "Zonunsang Rodingliana hi kan in awmna I hrilh em ni?" Tiin Sangsanga chu ka text a, tun ang zan tlai tawh ah chuan min reply ka ring Miah lo na chung in Sangsanga hian a lo hrilh anih vaih chuan ka ti tau leh nasa ngawt ang.
Bathroom ah lut in ka hmai te ka phih hnu ah khum ah ka mu nghal vat a, lehkha ka duh Anga min ti zir thra thei lo chuan ka thin a tirim trun mai. Mutthilh mai ka tum chu ka thei mai lo leh nghal WhatsApp ah te chuan ka Han lut leh a Rodingliana last seen check ka chak tlat mai, min rawn call nawn tawh lo a massage in engmah a rawn sawi tawh lo bawk, a last seen ka en chuan a lo la online va va mai, min rawn text leh Miah lo hu mak ka ti ang reng, engemaw tak a rawn sawi leh ka rin teh lul nen a!
Cont.......
Regu deuh kan tum tawh dawn nia 🥰 tun chapter hi chu a ni deuh nuaih mai . Min lo hrethiam hram hram dawn nia 🥰
