UHminga nu nen rawng kan bâwl a,kan bulah an nula alo awm ve reng a.UHminga pawh a phone ah a damdawi lei tur vel a ziak thla mawlh mawlh mai, "nu hei enteh, au min lei" tih pahin anau Maria'i kha choka lamah alo lût ve a,au in kawrfual a leisak ngei chu alo ha bawk a, a inhmeh ve reuh lutuk.
"A va mawi ve bawihte, i U chuan ava lei thiam em em" UHming'a nu in duat hmêl taka a fanu a han en vel te chuan kanu ka hrechhuak a. Kanu chu ka ngai takzet, midang in an fanu te duat taka an han en te hian ka thik ru thei lutuk, kanu kha la dam sela chuan tûnah te hian ka sam thar te hi mawi ati ve awm sia.
Nu Rengi chuan min be siam siam reng a, UHminga nau chiah pawh alo haw harlo, Vanlalchhuangi niin Chhuangi anti mai ṭhin ani awm e.
UHminga pa pawh a fel viau a, an chhungkua hi an fel ve hrim hrim anih hi, Chaw eikham ah UHming'an kan in thleng min thlah a. "Lo lût kawi la" ka tih chuan min hniallo ve teh mial a.
Kapa te awmna lamah chuan phei puiin an bulah UHminga nen kan ṭhu ve a, an bula kan ṭhu chu kapa pawn UHminga nen min melh tawn zak zak a. "Pa heihi UHminga anih hi, kan khaw Doctor chhuanvawr" ka tih chuan a hrethiam ve tho aniang, Patea te khua hi kan khua ka ti deuh tlat tawh a.
"Anih chu mawle aw...Hminga chu i fel hmêl hle mai, Keihi Hlimpuii pa ka nia, Hlimpuii nu hian thla thum kalta khan min boral san a," kapa in ati dap dap a.
"Ava pawi ve aw.." UHming'an ati ve deuh sup a, "pa" tih paha URuthi lo pheiin UHminga a hmu chu alo tlân ti tih a. "Ehe!Hming, nangmah ini tiraw ini tak tak, hetah eng nge ilo tih dâwn pasal ka nei dâwn tih i hria ami" URuthi in ati nghal mawlh mawlh a.
"U, UHminga hi ka ṭhianpa ka sawi kha ania," ka tih chuan a nui tawp riai riai a, "in in hria ami" tih pahin UHminga zawk chu ka en a. Minlo nuih deuh vur vur a, "kan training ho alawm i U te nen hian, damdawi chungchang vel kha, chuta ṭanga inhria chu kan nia" ati sup a.
"Anih chu kanlo van in hre har chutiang te chu" ka tih chuan abu ve nghut a. Kan inah chuan a ṭawng ṭha duh vaklo in ka hria, rei em em pawh a awmlo a, kan ri deuh nak nak reng bawk nen "nakinah kalo leng ṭha ang" atih hnuah a phei a.
UHminga ka thlah zo inchhûng a ka lût leh chu URuthi in minlo koh vat a, "Hminga kha mi i bialpa chu" ati sep a. "Aw ni e, ngatinge" ka tih chuan engmah a nih loh thu a sawi leh ang lawi a.
Ṭhazuala alo kal ta bawk nen URuthi pawh a phei vat a, URuthi leh Ṭhazuala te hi in hmangaih vanga innei an nih ka ring tlat lo a. Mahse URuthi in kan in hmangaih ati ve tlat bawk sia.
Mawii te inah pawh riak tawh lemlo in URuthi roomah kamu ve a, UHminga nen message in kan inbe reng a, URuthi nau ka ni daih te chu amak atih thu a sawi ve leh zeuh zel a.
Naktuk mai hi URuthi te man hlan ani tawh a, UHminga pawh ka sawm ve a. A lo kal tur thu chu a sawi ve ngei a, a hman ange maw.
Naktuk kan buai dawn avang in ka mu hma hle a, zingah alarm ka set bawk nen ka tho hma khawp mai. URuthi pawh ka thawh chuan alo tho daih tawh a, a ṭhiannu nen vawiin lama an kawr hak tur vel anlo nawt mek a.
Room aṭanga chhuak in choka lamah ka phei tlang nghal a, kan ni deuh nuai bawk nen chaw pawh mahni a in khawrh mai tur an ti deuh aniang. Chaw ei fel vatin keipawh ka insiam ve a, UHminga pawh zing lamah ka hrilh ṭha tawh a, nakin deuh a alo kal tur thu a sawi tawh tho a.
Ka vahnu te pawh amawi khawp mai, kapa chu a lungleng deuh nge tukverh lam hi a hawi a hawi leh ṭhin a. Kanu awm ve sela chuan anuam viau ang mawle, kapa pawh chuan kanu a ngai deuh in ka hria.
Mipa lam anlo thleng a, ka U chu kan hralh fel ta phawt a. Ṭhazuala pawn min nuih min nuih ve mai, Mawi'in "UHminga chu alo kal ve dâwn lo ami" atih chuan kalu ka thing vut a.
"Message in man hlan zawh lamah leng ila atia, alo kal châk vaklo aniang pawi ka ti lemlo a, kanu thlan tlawh pui te pawh ka duh, naktukah chuan a hman dâwn siloa damdawi lei a ngai dâwn a" ka tih chuan abu ve nghat a.
*****************
Kanu thlan mawi taka an chei chu ka en vawng vawng a, ka ngai zual takzet "nu, hei UHminga ka ṭhianpa kalo hruai a, ilo hmu ve ang tiraw" ka tih chuan min chhang lo. A thlalak lian deuha an tar chu ka en reng a, a nui hmel te chu ala ṭha reng.
UHming'an ka darah minlo kuah a, engmah sawilo mahse a awm ve ringawt chuan ka thla ati muang. Kanu bula rei ve deuh kan awm hnuah thlanmual aṭang chuan kan kal a.
"Len duh na inei ami" tih paha UHming'a ka en chuan "nei lemlo, i nei zawk em" ati sup a. Kalo thing vat "kanu in nei vat tur che in min tia, Aizawl in awm lai hian nei nghe nghe teh a atia, mahse ka thawh na khua ngei a neih che ka duh a, pawi iti em" atih chuan ka en vat a, a thu tak angreng sia.
"Ka hrelo, i tih dan dan neih pawh ka hreh lemlo che," ka tive ta phawng a. Kani sawi ang deuh khan neih ngei ka duh, midang in min chuh pui ve ka hlau em em a, UHminga hi Chan ka hlau em atin ni.
UHminga ang mipa hi kala hmu ngailo, "ka sawi tawh kha Hlimpui, hreawm in ka siam lo ang che" tih pahin ka kut alo hmer salh a. "Ka hria alawm," kalo ti ve vat.
"Ipa te pawh nakin ah kalo sawipui anga, i U te inneih boruak zia deuh phawt sela, felfai deuhin kalo leng ang" atih chuan ka aw ve mai a. Kani ten haw hun anla sawi chuanglo a, UHminga an nghâk veleh deuh nge mawni.
Sumo a chuan ai thlawt chuan UHminga motor a chuan chu anuam daih zawk a, mahse a cham rei dâwn leh dâwn loh kanla hre siloa. "UHming" ka tih chuan "umm" ati ve sup a.
"Engtikah nge i haw dâwn" ka tih chuan "ka haw harlo ang, kar thar Nilai vel hian ka chhuk ang, ka rualin lo chhuk leh ula" atih chuan kabu nghat a.
"Phurh tur ineih chuan loh chuan i motor a chuan kha a hahdam ka tia," ka tih chuan anui ve suk suk a. "Ka nau emaw kanu hi ka rualin anlo chhuk ve maithei a, mahse ka tawt lo ang" tih pahin a motor chu a herh kual pap a.
A phone arik chuan motor a khalh laklawh bawk nen la mai tura min tih avang in ka lâksak a. "Hello" alo call tu pawh en lemlo a ka lak chuan "khawnge UHminga" hmeichhe aw hian alo ti deuh hlar a.
"Motor a khalh laklawh lutuk a, a pawimawh ami" ka ti ṭha mai a. "Tunge inih a, Dinsang'in alo call ti la phone ala vat mai ang" ati chu ka nui hak a.
"Dinsang, keimah Hlimpuii ka nia" ka ti chu thawm a reh deuh vang vang a. A dah ta mai emaw ti a ka en chuan ala dah chuang siloa, "hello" ka ti nawn leh ngat a, a hnu rei vaklo ah call a dah nghal daih.
"Tunge a" UHming'an atih chuan "Dinsangi" ka ti ve mai a. Engmah a sawi lemlo, haw hma mai ang ka tih avang in kan in thleng min thlah a, kan inkawt a kan din vang vang hnuah hawi kual thuak in ka hmuiah alo fawp zeuh a.
"Ka kal aw" tih pahin motor ah a lût a, a tlanchhuah thleng chuan ka thlîr zui vawng vawng. "Hlimpui" min titu an awm avang chuan ka hnunglam ka hawi vat a, Albin'a nge Ricky'a zawk ka hrelo, alo ding reng a.
"I dam maw, engtik in nge ilo chhuk a" atih takah chuan Albin'a ani tih ka hre thei, "nimin piah khan kanlo chho a," tih pahin ka nuih var a. Kan khua hi Aizawl thlang lama awm ani tih a hrelo aniang, "i dam zawk em" ka tih chuan a dam thu in minlo chhang vat a.
Ahma ang tak a inpawh khan kan inbe thei tawhlo, rei awmlo in inchhûng ah ka luh san a. "Nutawi kan roomah lo lût lawk teh" kapa in atih chuan hnial lemlo in ka zui lût ve vat, "lo ṭhu teh tah khan" tih pahin a hmaa chair chu a kâwk zeuh a.
"I bialpa ani em, Doctor chu" kapa in ati dam dap a, UHminga chanchin a sawi tih ka hre ve nghal mai a. "Aw ni e, pa a fel asin" tih pahin ka melh zeuh zeuh a, "Nutawi i nei duh meuh ang maw, ini in minlo hrilh nual tawh a, inei duh anih chuan nei vat zawk rawh rei in ngaihzâwn hian inṭhen daih a awl duh ania, inu nen pawh khan thla hnih bak kan in ngaizawng hleinem" ati dap dap a.
"Kum tam tak kalo kawp tawh hmeichhia kha ṭhen in inu hi ka thlang ta zawk a, ka ti sual lo hle bawk, chuta ṭang a ka hriat chu in ngaihzâwn rei hian awmzia a nei vaklo, kan in duh a kan in hmangaih anih chuan inneih vat hian a ṭha zawk ania, kan inneih chuan inṭhen mai mai a harsa tawh a, kârah fa te anlo awm phei chuan, inei anih pawn naupang chhia deuhin awm tawhlo la" kapa in ati leh charh charh a.
"Tlangval fel tak ani in ka hria Hminga pawh kha,ka duhzawng tak ani" kapa in atih chuan ka lawm ve lutuk. "Pa ka lawm e aw" tih pahin ka kuah a, ka hnungah alo beng ve thak thak mai.
"Kanu pawh ka hmuh tir tawh a, UHminga nen tlaiah khan kanu thlan ah kan kal a," ka tih chuan "aṭhat chu bawihte, ka fanu duat hian min awmbo san rei lutuk a, ka ngai tawh che alawm, hmuh loh kârah ilo danglam chak lutuk a" ati leh dap dap a.
Hetia kanu leh pate ka kuah hian an rim ka hnim ṭhin a, an rimtui ka ti thei lutuk. "Pa kan innei anih pawn kani te khuaa inneih a duh a, UHming'an i kal thei ang tiraw" tih pahin ka en kiau a.
"Thei tehreng mai, ini te khaw zinna hun ṭha animai alawm" atih chuan ka nui var var a. "Pa, pu Muana alo kal a" Kawngka a lo dah paha ka U in atih takah chuan kan inzui chhuak vat a. URuthi pawh naktuk mai a pasal neih ani tawh sia, a phur ve khawp mai.
Tuman an tih thinrim theih ka ringlo, mahse a ṭha daih zawk mahni pasal neih ni a hlim loh hreawm zia ka hre tawh a. Ka U in a duh tak anei thei tur chu ka lawmpui takzet.
*************
Ka U te inneih a zo a, intih fai neuh neuh nen UMa'i nen erawh kan hah dun viau mai. URuthi pawh a mo na in ah a awm ve vang tawh dâwn sia, mahse ani chu a huai reuh a ngaihtuah ana vak lo.
Keini pawh naktuk mai hi kani te khaw lama kan chho hun tur alo ni leh tawh a, UHming'an anu a hruai dâwn a. Anu chiah a hruai dâwn anih hmêl, kapa ka kalsan leh tur chu ka hreh ve viau na in UDuata te chhungkua an awm tho a, UMa'in nau a pai leh bawk sia, kalsan ka hreh zual takzet mahse hna nei kani ve tawh bawk sia.
Kapa te leh Mawii te nen kan in mangṭha fel a, kan zinkawng lam zawh turin motor ah kan chuang fel a. Nu Reng'in a seat hma min kian deuh tlat a, ṭhu zawk tura ka tih lahin a sawh ana zawk a ati tlat sia.
Kapa chu ka thlen hun a ka biak tur thu ka hrilh hnuah kan tlanchhuak a, URuthi pasal neih boruak vel nen ka hritlang em em leh nghal a. Tun ṭum ka chuang chu a hreawm dawn tlat.
Kani leh Nu Rengi te an titi thla mawlh mawlh a, sawi tur an hre khawp mai. A châng leh kanu chanchin te an sawi a, ka nawm vakloh avang in mut tumin ka mit ka chhing ta daih a,tukverh glass kan up vek a, ac kan on tho bawk nen a hma lama chuang kani bawk sia a vawt lek lek, ka taksa chu inkuah khawm in mut tum takin ka in siam rem a, midang in min be lemlo bawk nen ka mut arawn chhuak riai riai a, mumang lamah ka lût nghal riai riai.
A story hi a tawp ve ṭep aw, a tam tawhlo ang chapter pawh
