"Huan lamah chuan alo kal ve duh dâwn ta em Nu'i" kani in atih chuan Nu Rengi a sawi tih ka hre ve mai. Vawiin chu School kan chawl a, huan lamah chawhmeh a la awm ang ang la turin kan kal dâwn a, UHminga leh anu te lo kal ve an tum a.
Vawiin lamah UHminga pawh a duty dâwn lo bawk nen kan vai kal dâwn anih ber chu, Pate'an in lamah naupang ho alo awmpui dâwn a. A chhan pawh huan lama kal chu zia zang ani tawh siloa, a hrisêl na in a tlin tawhlo.
"Khi anlo chhuk tawh ni" ka tih chuan alo aw ve mai a, motor in kawng chanve thleng kan kal dâwn a. Kan huan chhuk thlak na tak erawh motor a kal na chi anilo a, ke in kan kal dâwn thung.
"I ṭha tawh em" min hmuh rualin UHming'an ati sup a, keipawh kalo aw ve vat. Ka hritlang pawh a zia deuh tawh a, ka dam var var tawh atih theih ang chu.
Huan lamah motor a kal theih chin thleng kan kal a, kan thlam kan thlen dâwn ṭep ah Dinsangi te ṭhian ho kan tawk hlawl a. "Ehe!UHming,khawnge in kal dâwn" Dinsang'in ati deuh hluai a.
Ka hmêl a hmu tel ve chu a lawm loh tih a hmel ah pawh a thup buai peihlo ania'ng, "huanah" UHming'an ati ve deuh hmuk a. Tunlai chu a be ṭha peih vaklo in ka hria.
"UHming, naktukah kanlo leng ang aw" Dinsang'in ati no hluak a, "aih kawngka ka nei tawhlo" UHming'an ati chu keipawn ka en haw haw mai. "Eng nge awmzia" Dinsangi pawh chuan ati hu a.
"Ka inchhung luh na kawngka ka nei tawhlo," UHming'an ati nawn leh ngat a. "Avan pawi" Dinsang'in atih hnuah a ṭhian ten anlo koh tak avang in a chho ve vat a. Kei erawh ka nuih aza ru hle.
Chawhmeh pawh chu alo la awm nual a, kan hmuh ang ang te kan hawn ve a. Ruah sur tur ang in khua a dur khup a, a vawt ve lek lek mai.
(Thla thum hnuah chuan
) Ti leh daih lawk ang aw.UHming'an inneih a sawi ngun em avang in keipawn ka pawm ve mai a, palai te tirin kan inbe fel tawh a. Vawiin hi kan inneih ni tura an tih ni alo nive ta reng mai a, keipawh ka phur ve takzet.
Ka mipa hmangaih ngei pasal a ka nei tawh tur hi ka lawm a, ka hlim hle bawk. Ricky'a pawh a bialnu ve em em Sarah'in pasal aneih san daih a, tûnah chuan eng em em tilo in a awm tawp anih hmêl. A hna lamah lah a tla chhia a, ahma UHming'an minlo be tawhlo tura a hauh hrep aṭang khan minlo be ngam vak tawhlo a.
UAwmtea te lahin vanduai na an tawk a, an naute kha thi sa in a piang ani awm e. A pawi tak tak ani, "awi ka vahnu hi amawi e" kani in ati leh ṭhin a, mokawr fual ka hak chu Mawii nen bawk a kan thlan ania, Mawii pawn kani te khua chu nuam ati khawp mai.
URuthi erawh alo tel ve theilo a, a nau neih thla a hnaih tawh avang in zin kha a tih chiloh a. Bakah kawng a chhe ropui sia, UDuata ten naute hmeichhia tho an nei leh a, anni erawh anlo tel thei thung a.
"Ni, a mawi tak tak em" ka tih chuan a bu nghat a. UHminga thawh na khua ngei a innei tur kan ni bawk nen, mi pawh an tam dâwn khawp niin kani in a sawi a. Biakin hawng in kan la tlin veve a, biakin hawng ngei in kan innei dawn a.
Biakin lam pan in kan tlanchhuak a, mipui anlo pung khawm tam tawh khawp mai. Ka zam rilru ve takzet, biakin chhûnga kan lût te chu boruak ani khup in ka hria.
Keimah ni vanga hetiang anga tam lo kal zozai te hi an fel ka ti ve lutuk, bakah an khaw Doctor in nupui anei ve dâwn miau a. Inneih thu kan chham laite chuan ka kutah a vuan tlat a, ka chham lai chuan uluk deuh hian alo ngaithla bawk a.
Inneih ceremony a zo a, thla te la in kan hlim dar dar khawp mai. Tlai lamah ruai kan ṭheh dawn a, chhun lamah thingpui ruai kan ti bawk a, kan ri nak nak mai.
Kani te in aṭang UHminga te inah ka lawi lût dawn a, mi an tam lutuk. Ka vanneih ve na chu ka lawi luh na in leh kan in hi a in hnaih zel a, pasal ka neih hmasak pawh khan a ni tho, ka vanneih ve na kawng tak aniang.
UHminga inbul ah pa rual ho anlo fatu laih laih a, an hah ve viau ang. Man in hlan ni aṭang khan ruai kan ti tawh a, tlêm chuan pawisa a hek duh ve deuh, heti lamah kani te in lamah man leh mual kan in hlan fel ta kha ania.
"I chau em, roomah han mu daih la" UHming'an atih chuan ka duh mai biklo, inleng te haw hma thleng chu kan ṭhu ve ta reng a. Chaw pawh kan ei hmasa tawh a, Mawii lah hi alo bo hman ziah leh nghal a, nuam ati lutuk a zawn reng a ngai.
Inlêng haw vek hnuah roomah kan inzui lût a, ka inbual laite chuan keimah in ka nui ka nui leh ṭhin a. UHminga nen nupa kan nive ta reng chu ania, a mak ka ti zawk khum a ka mut ve veleh minlo hnaih sat sat a, ka hmuiah lo fawp nghal in ka awm bawr chu a ṭham salh a.
**********
Zing ka tho chu kalu ana ve bur mai, nizan lamah kamu ṭha thei siloa. UHming'an min kaitho deuh reng a, "i mutui em" kanu(UHminga nu) in alo ti var a.
"Aw mutui lutuk, i mutui zawk em nu" ka tih chuan a aw ve vat a. Pawn lamah pa ho an ri nak nak reng a, UHminga pawh pa ho zingah a awm ve reng a, kawngka aṭang ka en reng tih minlo hmuh chuan minlo pan vat a.
A thawh pui ṭhenkhat ho chuan an chhaih nak nak hlawm a, UHminga pawh anui anui mai. "I va tho hma ve" tih pahin hnunglam aṭang ka kawng ah min kuah a, ka nghâwng ah alo fawp zeuh a.
"I tho hma daih zawk alawm" ka ti chu a ṭhen sak a. Zingkar aṭang a hmelṭha nghal lutuk, UHminga hian tarmit a vuah zeuh zeuh zel a, tarmit a vuah hian a ti hmelṭha zual mai bakah ati lang pa zual daih a, tarmit hi alo inhmeh pui em anih hi.
"Hlimpui," tih paha kawngka aṭanga Mawii lo lût chu kalo en reng a. Ṭhen ṭhaw chung hian a kawr ah thil a fun ṭeuh a, "eng nge a, khatia i kawr a i rawn fun vel a" tih pahin a lamah ka phei a.
"Enla, Ismaela te ṭhian ho in min lawh pui a" tih pahin kawlthei hi alo keng vava a, UHminga inhnung ami kha ani tih ka hre nghal, UHminga in hnunga kawlthei hi a rah a rem ve theilo a. Engtik lai pawh hian a rah reng mai a, amak tak tak ani.
Chaw eitur kan tam deuh avang in kan bâwl pui sawk sawk a, UHminga lah hian min duhsak thei em em a, ka rilṭam a hlau thei hle bawk, chawhmeh te hi alo dah leh hnur zel a.
*Kum hnih hnuah chuan*
"Ramdinthar" ka tih chuan a tlân chak zual sauh a, thawmhnaw inhak tirte hi a har thei ania, tûnah kum hnih chauh ania. Kan fapa chu a sual reuh em em leh nghal a.
Kan fapa hian autism natna a nei a, kan buaipui hle bawk. Apa nen pawh theihtawp in kan enkawl ve a, Mizo ṭawng a biak hi a hrethiam lo a, sap ṭawng hlîr a biak a ngai a, a chhan pawh a tetlai ti ila kum khat anih vel aṭang khan phone kanlo entir nasa lutuk a. A beng ah sap ṭawng kha a lût tam zawk sia.
Apa nen pawh phone en tir lo in ṭhian kawm tam kan zirtir a, keipawn ka len pui ve reng a. Wadi ah te ka kalpui nasa ṭhin hle a, amah hian len hi a peih lo lutuk a, tih luih ve deuh a ngai ṭhin a.
A taksa leh engkim chu a pangai vek a, ṭawng lamah leh a thinrim insum theilo hi kan buaipui ani mai a. A rilṭam te hian pek vat loh chuan a thinrim ṭhin a, ho te ah a thinrim nghal em em zel bawk a, a thusawi engkim hi dik vek tura a ngaih mai bakah a phone a a cartoon en ang ang a awm atum a. Cartoon vel hi chu thil ti hlek se an thil tih kha an ti zung zung a, khatiang anga che ve tur khan min duh ṭhin mai bakah thil a nghâk theilo ani ber e.
Kan zin dâwn tih a hriat hi chuan a hmanhmawh thei em em a, zan laiah pawn chhuah duh se chhuah pui ngei ngei a ngai a. Chhuah pui loh chuan zankhua in a nuar thei a.
Apa hi awmlo sela chuan keimah mai chuan ka enkawl thei miahlo ang, apa hian a hna ṭhulh ṭhak khawp a awm châng anei ṭhin a. Apa nge nge chu alo hlau deuh zawk bawk a, apa hi a strict reuh em em a, apa in ti suh atih tawh chu ati ngam bîk chuanglo.
A thawmhnaw ka hak tir hnuah damdawiin lamah kan chhuk thla ve a, apa a hmu chu lawm ang pawn a awmlo. A khawvel ah chuan a cheng em em ani tawp mai, midang a mamawh vaklo bawk a.
Tunlai ah autism natna vei hi naupang ah an tam em em a, kan fapa pawh ani chiah a. Hetiang ho hi chuan midang an mamawh vaklo a, an mahni in an tlei em em a, an khawvel ah an cheng ti ila a fiah ber ang chu.
"Lo kal teh ka fapa" apa in tih pahin a pawm a, apa stethoscope awrh lai chu a ngen len deuh tlat a. Apa pawn alo phallo bur biklo, apa in a han khawih tir te chuan a lawm thiam ve lutuk.
A tetlai ai khan a zia deuh tawh a, phone a en tlêm deuh tawh bawk nen tûnah chuan zia tawh tak ani. Ṭhian kawm pawh tlêm in a thiam ve deuh tawh a, "kan baby-a chu alo kal animaw" nurse pakhat in atih chuan kalo nui sang a.
Ka fapa hi a hmêl hi chu a ṭha ve chiang alawm, UHming'an ka kawng ah kuah in kan fapa infiam chu kan en reng a. Apa roomah chuan a tlân kual thak thak a, a mah chuan a hlim ve lutuk.
"Kan pahnih in kan fapa hi kan enkawl dun zel ang tiraw" ka tih chuan abu nghut a. "A dam fel ṭep tawh alawm,lungngai lutuk suh" tih pahin ka chhîp ah alo fawp vang vang a.
Bawihtea pa hi ka thlamuan pui lutuk, Doctor anih mai bakah ami uap ana sia. Hei hian min thlamuan ka ti mai, kani in theihtawp in min pui ve a, kan fapa pawh min buaipui sak ve nasa a, kani hi ka fapa ṭhat leh theih na pakhat ka tilo theilo.
"Ka hmangaih che UHming" ka tih chuan anui suk a, "keipawn ka hmangaih che u alawm" tih pahin min kuah nghet sauh a. Bawihtea a infiam a, a tlei tho avang in tukverh a ni tla tur chu kan thlîr a, amawi takzet hetiang hian awm reng ila, UHminga nen tar kûn thleng a awm dun reng hi ka duhthusam ani.
Thla leh maiah hian naute thar kan nei leh dâwn bawk nen ka pum chu apuar lian tawh lutuk. Hei vang hi ania Bawihtea pawh ka awm vak theihloh, apa a awm loh pawn a Office ah ka kalpui mai zel a.
Ka pum puar ve tawh tak chu ka tuai ka tuai a, ṭha taka leh pangai taka alo pian tawh ngei ka beisei. Bawihtea pawh hi mi pangai lo ani lo a, naupang dang in an vei ve vek ang avei ani ve mai a, bakah a nasa lo a bawihtea chu enkawl dam leh theih ania.
"Heihi lo chhuak vat vat rawh se," UHming'an ka pum khawih pahin ati sup a, Bawihtea hi chu Aizawl lamah kan nei a. Mahse tun ṭum chu hetah ngei hian ka nei ang, Doctor leh nurse an awm ve nual a, UHminga pawh a awm a, ka hlauthawng lo, apa ngei hian chhar se ka duh bawk.
UHminga leh midang in hmeichhia anih an ring vek a, keipawn hmeichhia anih ka ring a. A hming tur pawh apa hian alo ngaihtuah lawk vek tawh, kan fapa kan lama alo phei ve chuan apa in alo pawm vat a, apa stethoscope hmanga ka pum a en vel te chuan kan chhungkua te in kan nui hak hak a, tûnah hian ka hlim takzet khawvel a mi hausa ber ai pawn ka hlim zawk maithei ani.
A tawp ta...
Tun ṭum story chu fb lamin an remove zel sia, tuilo chung chung in ka ziak zo ta hram hram a
a ho in a ngaihnawm vakloh ang, story dang ah kan kai leh vat dawn nia.