SHANE!! Chapter-10 By Ziki nu

[Ziki_nu]

SHANE!


Chapter-10


By Ziki nu




"Office I kal tawh dawnlo em ni a? Dar 10 a ri tawh asin, I dam that taw nen tiang em em a zing thawh han hriat loh thin mai chu'h, ka fanu i ni hi a chang chuan ka ringhlel lek lek lo chauh ania, tho vat teh, I kal dawnloh pawhin insuk tur a tam ania, vawiin chu i putea boral atanga thla khatna ni chiah ania, tlai lamah kan vaiin chaw kan ei phei dawn nia"



Ka nu chuan a sawi hnem hman bawk a, thawk a la zui kawk kawkin ania ka rin ni.



"Vawiin chu ka kal lo law law ang, karleh atangin, , ka chau lutuk ka insuk theih pawh ka ringlo Nu" ti niah niahin ka puan sin lai chuan ka in vur tha sauh sauh a, ka pindan kawngkhar a rawn hawn rual in nghet zetin ka puansin tlang chu ka lo tham leh bawk.




"Khum atanga tawng zawt zawt lo khan lo tho mai teh, a zahthlak lutuk" tih leh parda hawn chu a rual a, ka puansin a rawn theh hlim chuan ka lo ner khum nasa ngang mai.





Tha tho lo zet chuan ka tho chhuak ve ta nge nge a, ka nawmsam loh avangin karkhat zet chu office ka kal tawhlo a, Shane erawh ka hrilh hranlo. Ka pa hnen ah min lo biaksak turin ka ti ringawt kha ania, keima hrilh tur zawk awm tak ni mah se ka be chaklo em a ni.



Ka lu na ngut ngut vang chuan nachhawkna ka hmawm nghal ngawt pek a, chaw ka la ei lo bawk nen ka nu chuan hria se min hau nasa leh khawp ang.


"Shane-a te pafa kha lo kal an tum tih i hria em, min rawn bia a, chawhnu lamah thawhpui dangte nen lo kan che an tum anih kha" ka chaw ei tur min siam sak mawlh mawlh paha a tih chuan ka lo melh vak a, "Ngatinge?" ka ti hluai vhu hriatthiam loh hmel zetin "I damloh vangin i kallo reng a, a assistant I nihna nagin a rawn ngaipawimawh ve che a ni mai alawm, Marthai pawh a ngaihawm tawh reng reng, kan inhmu khât ta deuh a" te chu a la ti tak ang deuh deuh a, chupa pawh chuan ka nu be lovin keimah min rawn biak hmasa ve bawk âwm alawm mawle.





Ka kâ tuiloh vangin chaw pawh chu tlemte chauh ka ei a, insuk kha chu min kaihthawh nan a hmang mai mai tih ka hriat ve kar avangin ka ngaihven duhlo a, sofa ah mu in TV ka en a, hmuhnawm lah chu a vang hrep mai.



"I pa leh Bawihtei school bang pawh heta lo haw lovin I pu te in lamah an tlang dawn a, keini pawn kal tlai lutuk lo ila a tha ang, Shane te pawh chu be rawh, rawn kal har suh se" a ti leh chu ka ning ta deuh a, "Ka nawm loh em hi, tumah ka be peihlo" ka lo ti hlak chu a hrethiam vaklo aniang min rawn en vung vung a, "I boss nen hian in intithiamlo deuh em ni a? Eng pawi nge i khawih?" min ti nghal ngawt anih chu, ve leh ringawt hian.



"Suahsual rawngbawl te chu ka simma a rei tawh emai, ka boss saw ka ning, hna dang ka hmuh velah ka bang vang vang ang" uar fahran hian ka lo ti leh a, ngaihtha zanlo hmel chu la pu mah se min zawt lui tawh bik em lo e.




Chawhnu dar 1 velah kan kawtah chuan motor a rawn ding a, peihlo lutuk in ka lo thaw chhuak hawk ringawt.



Ka nu'n kawngkhar a lo hawnsak thuai a, Shane te pafa chauh an ni dawn emaw ka tih laiin Elina-i leh U Hriatpuia te an lo tel ve a, kan pathlawia hmel chu en pawh ka en peihlo.




"Kan nula thatho ber i awm loh chuan office a nuamlo teh mai ania aw" nui sang hian Elina-i chuan a lo ti nghal zat a, ve ringawt chuan, thawk ve âwm ang zia zanga a tawng vel chu le.



Tawi te hian ka lo nuih a, sitting room a kan han thukhawm thap chu a reh zui duk a, sawi mai tur an hre lo hlawm aniang ka nu chu rawn tawng chhuakin Marthai chu a chhaih nui nghal har har a, choka lama an inkaih phei hnuah keini pali chu kan in en kual ralh ralh a, za lo fe hian kan nui leh ringawt thin.



U Hriatpuia'n eng eng emaw a rawn khai luh hote chu ka lama rawn nawr hnaiin "Kan na thilpek anih kha, a tui hlawm viau ang" a ti a, a kekawr ipte atang kuhva a phawrh zui nghal zat bawk.



A ei tur a siam mawlh mawlh laiin Shane chu ka va en ve zawk a, chiang lutuka min lo en ka hmuh rual chuan ka hawi sawn leh rang hle thung.




"Ka van lawm ve, in rawn lei hnem ropui sia, chuti lutuk pawhin ka na hran hleinem" ka ti ve luam a, Elina-i chuan nui sangin min en reng mah se min ngaina lo hle tih ka hailo a, khatiang thil a thlen hnuah khan engtinnge kan inah ngei a rawn kal ngam zawk tih ka lo ngaihtuah daih thung.





"Naktukah i lo kal thei tawh dawn em?"
An rawn luh atanga a tawngchhuah ve hmasak ber a ni, "Naktuk chu inrinni alawm" tiin ka chhan hma in Elina-i chuan min lo chhan khalh a, mahse kan pathlawia chuan keimah ngawt min la en thung.


"Inrinni" ka ti nawn leh sep a, "I lo kal theihloh pawhin in inah hian ka rawn kal chilh mai ang che, file en fel tur kan ngah lutuk" a tih leh lai chuan Elina-i bawk chu lo inrawlh lehin "A la damkawr sia, keiman ka lo enpui ang che" a ti a, "Lo inrawlh suh" a ti hmuk chu Elina-i chauh nilo in keipawhin ka hrethiamlo khawp mai.



"I peih chuan lo kal la" tih zawng ka sawi thung a, a buk pui ve nghut nghut tho.



Delhi atanga kan haw leh kar khatna chiah a ni a, thilthleng duhawm lo lutuk avang khan hna ah ka la kal leh ta miahlo chu anih hi.


**FLASHBACK

"Mawla.. Min thlah vat teh"
Mall kawtah min dinpui fel der tawh a, "I ruala bazar ka duhlo ka tih chu" ti leh that in ka banrek a vawnna chu ka thing zui nawk a, awmzia erawh a awmlo khawp mai.



"Luhlul suh, I thianpa khan a chhuahpui hman dawnlo che" a ti sup a, a awri dam thlup te chuan ka thin a tirim hluah hluah.



"I lo buai ve na tur a nih loh chu, ka chhuahpui chaklo che" ka ti leh thawt a, nghet leh zualin ka kut chu a vuan a, a na lek lek tawh.



"Tunah hi chuan i mizia kha thup then rih teh Zothantluang, ka kidnap dawnlo che, ka lenchhuahpui mai che anih hi" zawi leh fiah zet hian a ti ta sup a, "Elina-i sawm ve mai rawh" ka la ti talh chu a tei thei vak tawhlo aniang min vawnna thlah hlawk pahin "Ka thlah tawh dawnlo che, I duh chuan nangmahin i thianpa laktlakloh deuh kha lo nghak mai rawh" a ti a, motor atang chuan a chhuak zui vut bawk.



Rum lutuk in ka melh ngawt ngawt a, kan kal na chin lah chu ka hre tawh derlo lehnghal, heng laia vai ho hi ka mirin zawng an ni hauhlo bawk nen mahnia let leh nan chuan kan kal hla viau tawh tih ka hria a, duhlo eng ang mah ila hepa hi ka zui tho tho a ngai tih ka hre thiam bawk.




Motor atanga ka chhuah ve lai chuan garage pawn lamah a lo ding reng tawh a, tum bur ka pan phei lai chuan phone in Tu emaw hi a lo be mawlh mawlh a, a bula ka thlen rualin a hmet tawp zui hmiah bawk.



"Lo kal rawh" tih pahin Mall ah chuan a lut zui a, a hnungah muangchang fe hian ka lo kal ve det det a, bazar kual vel ka chakna te kha a bo vek tawh, hepa bulah hi chuan awm nuamin ka awm ngailo reng reng.



A chhung chu a zau in a mawi khawp mai a, ka vawi khat kalna a ni bawk nen ka hawkdak khawp mai.

"Engnge i mamawh?" a tih chuan thutak lo fe hian "Min leisak dawn ami?" ka lo ti let a, "Dawn e" a ti chiah chu ka nuih thaw a, "I duh duh la rawh, ka leisak ang che" a tih nawn leh phei chuan ka che zawk zawk tawh, Pheikhawk dawrah kan lut a, ka enkual vel lai chuan ka hnungah min lo zui ve zel a, "Gold digger ka ang em?" ka ti chhuak phawng chu keimah tak pawh ka hrilh hai let ling.


Hawi let meuha amah chu enin "I pawisa in ka lei vek dawn sia" ka ti leh a, ka ngaihtuah chianga han in lei tir vek ringawt chu a tih chi leh chiah pawhin ka hrelo, ka laina hnai a nilo a, ka ngaihzawng a ni lo bawk a, chu ai chuan ka boss a la ni zawk zui ania, a tihchi loh reng reng.



"Ka pawisa tho in alawm i lei dawn, I hlawh ka pe che a" a lo tih chuan tur khaia melhin "Ka la teuh anga, ka hlawh cut i tum chiang mai" ka han ti ngawt a, a lo nui chhuak hawk mai.



Ka darah rawn dawmin min nam kal dat dat a, "I duh duh la rawh, ka leisak ang che, I hlawh cut lovin" a tih chuan ka hrethiam lo dawn deuh a, "Ka fanu quota in ani dawn a, inthlahrung duh suh, I duhzawng kan lei zawhah Marthai leh I chhungte thil tur kan en ve dawn nia" a ti leh sup bawk nen ka hnial duh ta lo va.



Pheikhawk mawi deuh mai min leisak a, a man pawh a hniam zawk zawk lo khawp mai, thildang duh ka nei em min zawh chuan lu ka lo thing ringawt a, ka pum ri rawk rawk chu a lo hre pha aniang nui suk hian "I ril a tam em ni?" a ti a, ka lo bu nghat nghat chu kan awmna bul vel melh kual thuak in "Tah sawn thil ei lawk ang" tih leh a hawina lam pan chu a rual a, cafe lian lo te ah hian min luh pui a, a chhungah pawh chuan mi an tamlo, cake leh coffee te chaha duhtawka kan in eipuar hnuah kan chhungte thil tur lei tur chuan kan chhuak leh a, dar 3 a hnai kuar tawhin ka ring.





Ka nu leh pa te tan kawrlum in ang ka leisak a, Bawihtei tan a awh em em sana ka leisak bawk a, chung ho man erawh chu ka pawisa in ka pe tawh thung.




Marthai thil tur a lei ve dawn chuan a inkhap buai khawp mai a, a thlang thiamlo deuha ka hriat avangin ka han thlanpui leh rih bawk a, kan bazar zawh meuh chuan kan bawr tawh khawp mai.



Motor ah kan thil leite dah lutin tlanchhuak ta mai lo chuan kan thu hahdam hmasa a, khua chu a dur deuh khup vang nge a tlai hmel ruih tawh a, sana ka en leh chiah chu dar 5 a lo ri der tawh.




Ka phone ka hmeh ên rualin John-a miss call lo awm tuar chu ka hmu nghal a, vawi 5 lai min rawn call chu niin, engtinnge maw a ri takngial pawh ka hriat loh theih zawk le...



Call back ka tum laia ka bul ami thil lo sawi vang chuan call lovin amah chu ka va en a, "Hotel ah i tlang dawn nge tlangval dang I la chhuahpui leh dawn?" a tia nih chu!



Huhh hepa hian a ze ngai a chhuah leh dawn anih hmel e..

Za lo fe a nui hul hakin "I lo buaina tur a ni love, hotel ah chuan min dah phawt teh" ka lo ti hlak a, a nui ve suk tak na in a hmel chu a ngainatawm loh takzet.




A phone rawn ri chu en vut in chhang lo chuan a hmet tawp a, a ngai te bawkin a rawn ri leh nghal zat tho.



Thaw chhuak hawkin a chhang ve ta hram a, "Hello" tih takngial pawh a sawilo, a beng zawn ami chu a ngaithla vung vung a, "Zothantluangi nen kan bazar tawh" a tih chuan a biak tur awm ang chu ka hre nghal a, ka hming pum khera min sawi chu ka lo ngei leh pek khawp mai.




"Hun kan nei tawh lo ang, ruah a sur dawn" a tih chuan lehlam ami chuan eng nge maw a rawn sawi ni, "I ngaih ngaihin ngai mai teh" tih leh phone dah chu a rual a, "Elina-i em ni?" ka lo tih chuan min chhang lo chiang khawp mai.




Motor chu tinungin a tlanchhuak zui a, a ngawih reng vang chuan nuam ka ti chiahlo, a bialnu nen an inhauh vangin hetiang hian ka chungah that a chhuah ta mai em mawni tih thlengin rilru ah a rawn awm hman a, a bialnu ai awh Tu ang leka min hmang anga ka ngaihna chuan ka rilru a tina vawng vawng thei nia.





Hotel kan thlen chuan khua a thim fel tawh a, motor atanga ka chhuak tur chu "Naktuk chhun dar 12 ah kan haw ang, dar 10 reporting time" a lo ti sup a, lu bu nghatin ka chhuksan nghal bawk.



Ka pindan lam pan pahin John chu ka call back a, a lo chhan ruala ka mi hmuh vang chuan ka ding zui dat.



Lehlam atang chuan 'hello' a rawn ti mawlh mawlh a, mahse ka pindan kawngkhar bula lo ding vang chuan ka chhang mai lo.



Elina-i chuan lungawi loh hmel fe hian min lo en reng a, a kut kuangkuat atin ka bulah chuan a rawn kal hnai zui bawk a, a hmel nelawm loh zet chu thup buai a tumlo aniang, min melh rum tha khawp mai.




Ka thil khai ho chu thlek zawkin a nui hul hak a, "I inzuar thin a ni maw?" a tih chuan min ti bangbo hu ringawt.



"Ka hrethiam tho che, nangni ang hi chuan in boss te tihlungawi nan eng thil pawh inti hrehlo tih ka hria alawn, engzat chiah nge a pek che a" ka chhan hma chuan ti leh in ka thil khai bawk chu a melh leh a, "I ngaihdan atthlak lutuk vang khan ka buai lo" tia kal pelh mai ka tum chu min lo nam let rawk a, "Sum chu engzat nge I duh a? Mi bialpa ngaizawng lo hian nawhchizuar ho awmnaah kal ve mai ta che" min han ti zui leh siah a, ka dawhtheihna in a tlin bik tawhlo.




Ka thil khai lohna lam chuan a hmaiah ka beng sawk a, a na ve thawkhat aniang ka kut pawh a thip vawng vawng thei.




"Nangnu hi I va huaisen ve a?" tih pahin min rawn kek zui a, kan insual chu a ni zui der mai.



Kan samah kan inkek tawn chawt chawt a,hotela thawk nula pakhatin min rawn thelh a tum pawh chuan thlah hmasa Tu zawka tan kan tumlo ve ve niin ka hria, min thamna chu a tihnat poh leh ka tham na ve salh a, "Engthil nge in tih kha?" ti hluk ri kan hriat rualin Elina-i zawk chuan min thlah zui dawrh a, kan bulah Shane a rawn thleng chawpchilh nghal bawk.




Sam thur bum chunga ding Elina-i chu ka la melhrum ngar a, a hmai velah chuan engmah hliam a awmlo. Chu tih rualin ka kamsir leh hmai chu a thip sup sup thung a, a kuttin sei zeta min hamna a ni ang tih ka ring nghal hmiah bawk.



Shane chuan hotel hnathawk hnenah chuan ngaihdam dilin a lo chinfel tur thu a hrilh hnuah a kalsawn zui ve mai a, ka sam ka lo hui mam thuak thuak chu min rawn pan hnai hretin "Engthil nge thleng kha?" tiin min zawt a, a bialnu pawh han zawh hmasak ve bawk awm alawm mawle...




Elina-i rawn tap chhuak hawk chu ka va melh vat a, Shane âwmah rawn beiin a tahkhum nghal chiam pek a, huhh ka nuih a tiza zawk mange..



"I awmna ka zawt ringawt a, zahlo deuh deuhin min chhang a, ka hmaiah min beng bawk a" tia tap hliam hliamin Shane âwmah chuan a hmai a phum tlat a, "I beng em ni?" tia min zawh let chuan ka lo bu nghat mai.



A thaw chhuak hawk a, Elina-i chu a pindan lama kal tura a hrilh hnuah keichu ka pindan lamah min kai lut dawr dawr a, khuma chuan min theh thla a ni mah ang chu.



"Engvangin nge I ben?" a tih chuan "Ka pawi a sawi" tih zawngin ka lo chhang a, "Zothantluang, tunge I nih in hre ta che" a ti hluk chu ka lo thinrim pui hlur mai.



"Min hmusit hle dawn anih te chuan min ban tur mai ta che, nang chauh pawh nilo, I bialnu lehzel ina hmusit taka min tawngkhum hi ka palzam mai mai thei lo" ka lo ti let ve hlar a, tihngaihna hriat loh hmelzeta min en reng chu za lo fe a lo nuihin "I bialnu kha tha deuh in hrilhfiah ang che, min ngaithei dawnlo anih chuan ka hna atang hian ka bang ang" ka ti leh a, min hmuhsitna tawngkam tenawm tak takte kha chu han saiwchhuah leh pawh ka chak tawhlo.



Pheikhawk min leisak tawh chu hmehbel chawt chawtin "I engmah hi ka duhlo" ka ti a, chutianga ka tih hnuah pawh thinrim hmel min la hmuh let thei chu mak tak a ni.



"Engnge I hriat a Zothantluang?" a ti hluk a, a awri pawh a zawilo khawp mai, "I bialnu kha I zawt dawn nia, mahse thudik chu a sawi ngam kherlo ang, min chhuahsan tawh rawh" ka tih takah chuan insehruh teuh chungin a chhuak a, Elina-i pindan lam a pan ngei ang tih ka hria.



Thaw chhuak ham hamin ka sam chu ka tawn khawm nawk nawk a, darthlalang hmaa ka in en chuan chawpchilh lutukin ka tah a rawn chhuak nghal bawk.



Ka mittui a tlak rualin ka hmai chu a rawn thip vawt vawt a, tap thei pawh ka nilo tih ka inhria.




Ka tissue neih ang angin ka hmai chu ka hru a, ka phone ri chu en vat in John hming ka hmuh rual chuan ka chhang thuai a, zangkhai taka biak tum ve bawk mah ila ka aw chu a lawi rût tho mai.




"Hotel kawtah ka awm, I room number lo sawi rawh" a rawn ti nghal thawr a, ka hamhaih deuh laiin amah bawk chuan "Thilt thleng a awm tih ka hria ania, ka lo kal ang, I awmna chu sawi rawh" a ti leh a, ka tahchhuak lutuk vang chuan tawng pawh ka tawng tha thei tawhlo.




Ka awmna pindan number ka sawi hnuah call chu dahin tap chhuaklo tur chuan ka in pet ruh fan fan a, ka dinhmun hniam bik lutuk te chu ngaihtuahin ka mittui bawk a rawn tla leh thin a, khatiang taka hmuhsitna kha ka la tawn ngailoh vangte pawh a ni mah na, ka tuar dam thei thlawt lo a ni.




Ka pindan kawngkhar kik thawm ka hriat hnu lawkah a rawn inhawng zui a, John hmel ka hmuh rual chuan ka lo inhru hul sawk sawk.



"Engthil nge thleng a?" dam deuha tih pahin min rawn pan hnai thuai a, ka hmaia hliam te chu rawn thlek hnaiin "Tunge hetiang hian ti che?" tiin min zawt leh a, ka chhang theilo.



Min ngaihtuahna hmel ka hmuh rualin ka tah a rawn chhuak leh nghal a, ka insum zo lo.



John chu kuah rawk rawkin ka tap chhuak ta hawk a, ka hliam ai chuan ka rilru natna hi a thuk fe zawk ang tih ka ring, khatianga min tawngkhum kha na ka ti em a ni.





Ka duh tawka ka tah hnuah chuan ka thawl deuh huai hian ka hria, "Hahdam phawt rawh, I hmaia hnawih tur hi ka va la lawk ang" tih pahin ka thianpa chuan min chhuahsan leh rih a, suit nen a la induan zarh danah a hna atanga a banna a la reilo a ni tih ka hrethiam a, min rawn pan vang vang chu inthlahrung viau mah ila ka lawm ru viau tho mai.



A rawn let leh chuan pema hnawih tur leh lapua te a rawn keng lut a, ka thian pakhat a thawk a tih avangin a neih theih dan pawh chu zawh ka tum hranlo.




Min buaipui zawh hnuah chuan thutthleng ah kan thu dun a, thilthleng te chu zawi te hian ka hrilh ve sap sap a, a ngaihdan a nih loh hmel kher mai.




"Thlathar lamah lo haw dan ka ngaihtuah anga, hna thar tha deuh ka zawnpui ang che" tiin min tiam thlap a, lo kal nachang a hriat dan ka zawh ve thung chuan Elina-i nen kan inhnial lai kha a lo hre fuh hi a lo ni a, call kha ka lo off lawk loh vang a ni.




Rei deuh thleng chu min menpui a, a haw dawn chuan dar 10 a hnai tawh viau mai, inbiak zui zel intiam chungin kan han inmangtha leh rih chu ania, a ngaihawm leh dawn khawp mai.




Chhun lamah kan chhuak chau bawk nen ka muhil har lo khawp a, zingah 0awh ka hmai leh kamsir thip vang chuan ka harh hma leh pek khawp mai.





Thawm nei lovin ka thuamhnaw te chu ka siamfel sa thlap a, anni pahnih nena zinkawng han zawh ho leh chu ka chak tawh lo takzet.



Kan chhuah dawn ah chuan ka pa ka bia a, Lengpui lama min lo hmuak tura ka chah thlap hnuah chuan ka thla a muang leh ta deuh.




Elina-i leh Shane chuan min be lo va, keiin biak ka tumlo bawk a, kal ho vek e tilo chuan kan in be manglo hlawm a tih theih ang.






**END OF FLASHBACK




Ka nu chuan thingpui min rawn lumsak a, Elina-in a duhloh thu a lo sawi chuan ka ngei leh pek a, "Upa zawkten an siam chuan in lui ve mai rawh" ka lo ti chu ka nu'n min lo khap a tum viau a, mahse ka hrelo der thung.





Han hnial zui chu a hreh deuh tih ka hria a, thingpui no dawm chung chuan za lo fe hian min nuih bawk, helai hmun hi chu kan in a ni tlat a, an ni hian thuneihna an nei lo ve chiang emai.



An haw dawnah chuan kawngkhar thleng ka va zui ve a, "Zanah ka lo be dawn che nia, lo dam tha tawh rawh" ti suptu chu melh zawkin lu ka buk khum ringawt a, Marthai'n min kalpelh dawna ka kut a rawn tawk zeuh chu hrethiamlo deuh hian ka en a, a pa kut chu chelhin min rawn la en zui ve reng reuh a, eng tak chu hria ni maw..








Cont....

Ads click leh comment kha aw🥰🤍

#Ads click kha theihnghilh lo ang u aw, a hnuai a fakna thlalak lo lang hrim2 khu click zeuh a ni mai aw