The Mafia's Sweetheart 18

[Maam J]

A tukverh darthlalang atanga ni zung rawn lût chuan a hmai chu a rawn chhun a, a mit chu a rawn che ralh ralh a,
Nizung in a hmai a rawn chhun na ngaithei lo in a rum nghut, mut that leh tum in hnung lam hawi in ain her nghal a. Muthil leh chu a han tum viau na a nizung rawn zam vel avang chuan a muhîl thei lo.

A hmui chu tipawrh târ in a puan sin lai chu a khum mawng lam ah chuan a tlawh thla a, A mit chu meng in a in tung tho nghal mahse a luna na chuan rawn shock nghâl in a lu chu a dawm vat a..

"Oh...Oh my gosh!" tiin a luna tih reh tum chuan a bek chu a han tuai vat vat a... mahse a thawk lo anih hmel e.

A hmai chu a kut ah phum in khum atang a a tho chhuak chu a rum nghut a.
A luna chu nasa tak ani, tiang hian alu ala na ngailo reng reng.
Alu na a hriat chuan nizan lam a athil in vang kha ni ngei in a hria.
Vawi khat na a kha tiang în tur strong lutuk kha a in tur anilo tih a hre tho na a mahse a hun lai khan tlem te in khan a taksa a fan chak lutuk a, kha khan a taksa a thunun tlat tawh vang ani.

Mahse kha mi hmun ah khan a mah in a awm lo tal a Sophie leh Jay te khan hruai haw lo se chuan engtin nge in pawh a thlen ang?


A lu a rawn nat bur hnu chuan a lu chu a hai leh muai muai tan a.
Hetiang hi movie vel a a en thin hangover an tih chu a mawn le?

Luak chhuak chuan a rawn zui a, rang zet in bathroom lam a pan nghal, Toilet chhin chu rawng in a luak nghal bawrh bawrh a, a taksa a thil awm zawng zawng a luak chhuak ang mai chuan a taksa chu a chau vek tawh.

"Kha tiang a tam kha i in tur anilo asin Gia" tiin a in hrilh hnuhnawh leh.

A luak zawh chuan toilet flush chu a on a, ding chung in a pum chu a dawm, a pum chu ana tawh tak zet.
Mahse luna chu zia deuh tal tawh a a zia deuh e.


Shower chu nei nghal in shower a nei zawh chuan bathroom chu a chhuah san a, oversized sweater a laia teddy bear print var awm chu ha in, jeans kekawr pawl chu a ha leh bawk, towel ro chuan a sam chu a hru ro bawk. A sam a tih ro hnu ah towel chu laundry basket ah chuan a dah a, darthlalang hma ah chuan a in en leh. Nizan lam vang in a hmel chu a dik chiah lo a, A hmai ah chuan makeup tlem a zawng a tat ve a, chu chuan a ti zia ve deuh.

A lu na bur chu a la reh hlei theih loh vang chuan a khum lam chu a pan leh a, rei lo te tal mut leh a duh, a khum bul a thlen chuan a khum bul dawhkan a damdawi leh tui lo in chhawp chu a hmu a, tui erawh a lo in khuh tha thung, damdawi chu la in a han en a, luna damdawi alo ni.
Sophie in a hangover dawn tih alo hre lawk anga, atana alo dah sak ah chuan a ngai.

Damdawi chu hawng in a kà ah chuan a han dah a, damdawi chu dawlh in chu mi hnu ah tui chu a in leh, college tlai lo tawk tur vel in alarm a set a, tunah chuan mut a mamawh rih ani.


time skip....


An university a tlen chuan an college kawt ah chuan Sophie chuan alo nghak a, Gia rawn kal mek a hmuh chuan Sophie chuan Gia awmna lam chu hmanhmawh zet a pan in
"I tha em? ka tih awmzia chu nizan khan i in tam lutuk a" tiin a lo zawt nghal.


"Umm ka zia ve deuh tawh e, nizan a i damdawi dah kha ka ei a" Gia-in a tih chuan a ngaihna hre lo zet in Sophie'n a mithmul a lo kàn a.


"damdawi maw!? eng damdawi maw!?, nizan ah eng damdawi mah ka hnut chhiah lo che, chuvang ania ngaihdam dil tur a ka lo nghah che" Sophen in a tih chuan a ngaihna hre lo zet in Gia chuan a thiannu chu a lo melh ve bâwk.

"Enge i sawi awmzia? anih chuan in a min hruai haw tu kha in ni lo em ni?"

"Nilo.. ka tih awm zia chu Jay nen khan kan rui lutuk a, engmah kan lo hre tawh lo a" in thiamlo zet chuan Sophie chuan a ti a, "Kan lo let leh khan i la awm kan ring a, mahse i lo awm tawh silo a, kan hlauthawng lutuk, i chungah eng emaw thil tha lo a thleng ah tih ka hlau lutuk a, ka lo call thin che a mahse i phone i pick up thei silo"


"Anih chuan tunge min hruai haw?"

"Mark... Mark kha a awm ve reng tih kha ka hre chhuak a, Mark chu ka phone a, ani chuan call lo pick hlauh in i rui tawh lutuk thu leh a hruai haw tur thu che min rawn hrilh a" Sophie'n a tih chuan Gia a mit alo mengphawk nasa ngang mai


"Mr. Grey maw!?" Gia chuan a han ti thawp leh sat a. Sophie'n alu alo bu nghauh.


Oh god! Gia? thil atthlak tak a tih chuan engtin nge niang? emaw thil atthlak zet lo sawi ta se. Gosh!! a rui hle si a eng emaw thil atthlak tak ati hrim hrim ang.
Mark Grey chuan Gia chu a in ah a hruai haw a nih chuan Gia awmdan kha naupang chhia a tiin mah ni pawh in veng zo thei lo tiin a ngai hrim hrim ang.
ohh!!!! engtin nge Gia a awm tak ang!?

"Gia ka tih palh lutuk khatiang khan nangmah chiah a kal san tur che kha ka nilo a, tiang a tam in tur in tir tu che kha ka ni lo a" Sophie chuan inthiam lo zet chuan Gia chu ngaihdam a dil mawlh mawlh a mahse Gia erawh a ngaihtuah na ah ala cheng muk lutuk.


A nih chuan Mark chuan Gia chu in ah a hruai haw a a khum a mut tir tu ani a, a hangover dawn tih a hriat avang in pill a lo hnutchhiah bawk a.
Mr. Grey chu mi sweet tak leh mi ngaihtuah thei tak mi ani tihna ania.

"Ohh ka make-up kha lo pher nuai ta se awii ka hmelchhe dawn Lutuk!!
arghhhh!!!!"

"Gia!!" Sophie in a rawn tih lauh chuan Gia chu rawn phu zawk in a ngaihtuah na atangin a rawn harh chhuak zawk a, a bula ding a thiannu chu a melh.

"ka chunga ithinrim vang in min be duh lo ami? ka tihpalh lutuk Gia, a thleng nawn tawh lo ang. Ka tiam ache.." tiin Sophie chu a in thiam loh em vang chuan hnuailam a bih daih a.


"A tha vek Sophie.. i thiamloh anilo .keimah min enkawl hi i tih tur ani hleinem puitling ka ni ve tawh a keima in enkawl chu ka mawhphurh na a nia lawm, Jay nen khan enjoy tur a kal innia kei min awm tur nilo in....
ka tih awmzia chu couple te chuan thil tih tur annei thin a, keimah vang a i nuam tih zawng leh i tihchak zawng ti thei lo a i awm hi ka duh lo, bak ah keimah pawh tianga tam kha in tur ka ni lo a, keima thiam loh vek hi lawm" tiin Sophie chu a han nuih suk a.

Sophie chu Gia chhan dan vang chuan hlim em em in Gia chu a kuah nghal thlawp a, Gia pawn alo khuah let ve.

"Chu lo ah ..." an in kuahna atanga in pawt hrang in Sophie chu a en a.
"Mr. Grey hi mi fel tak ani, in ah min hruai haw mai bak ah ka khum ah min mut tir thlap bawk a, ka hangover hlau in ka dawhkan ah pill min lo hnutchhiah bawk a" lai zet tak chuan a ti a, a sam rawn tla chu a beng ah a zep zeuh bawk.


"ohhh!!!! Sophie? Mr. Grey bulah chuan ka lawm thu ka hrilh ngei ngei tur ani, ka tih loh chuan hmeichhe polite lo tak ah min ngai ngei ang" tih chuan a rawn kal na lam ah chuan let leh nghal mai a tum a mahse Sophie chuan a ban ah alo man.

"Gia, class tan a hun dawn"


"mahse..."


"a ho lutuk Gia, Engah mah ngai suh" Sophie chuan a ti a, a unaupa leh athiannu te in hmuh chu a duh lo ani.


"mahse..." tiin Gia chuan la ti fan in a hmui chu a pet a.

"nidang ah i hrilh dawn nia" aw nem zawk a Sophie in a tih tak ah chuan Gia pawh chuan rem ti ve in an class lam ah chuan an in zui dun a.


.
.
.
Nilenga Gia ngaihtuah na thil awm chu thil pakhat chauh ani, nge Mipakhat chauh kan ti zawk dawn.

A thil tihna leh a hnathawh ah te chuan a rilru a pe thei meuh lo a, zan lam a thil thleng kha a ruih em vang in a hre thei tawh bawk silo, thil engemaw atthlak tak leh thil atthlak tak alo sawi palh mai ang tih ringawt chu a hlau a ni.


.
.
.
.
.
In a thlen veleh chuan shower chu a nei leh hmasa ber a, a hak fo thin tshirt var lian hnekhnawk, amalpui chen vel a fual chu a ha leh, a sam chu dryer chuan a chem tir a, a lukhum sam a chhem tir chuan a sam chu chunglam ah hui tawm in a chhem tir a, dryer in a nghawng vel a chhem vel lai chuan thil hriat chhuah anei tlat.

A mit chu chhing in a nghawng chu a han khawih vel a, a mitthla ah zan hmasa thil thleng chu chiang lo zet in a rawn lang ruai ruai.

"Babydoll!"

Chu aw a hriat chuan a mit chu a meng nghal zawk a.

"Mr. Grey maw!!"

"Ka nghawng a fawp ani"

"Mahse enge thil dang"
"Arggg!!!!"

Enge thleng?
Tinge Mr. Grey khan min fawh na chhan?
Tinge engmah ka hriat chhuah theih loh?
ka nghawng a fawh hnu khan enge thleng?
Eng tin nge Mr.Grey khan min hruai haw daih theih?


"ni dawn tak e tinge Mr.Grey hnen ah lawm thu ka la sawi miah loh?" ingaihtuah chhuak in a phone bedside table a awm chu a ban nghal a.

"Aishhh a contact number ka nei lo" tiin a phone chu a awmna ngai ah chuan dah let leh in a zangthal zawng in a khum ah chuan a let thla a, a in chung ceiling chu a melh kar.

A chau a, hahdam a mamawh a, mahse mut chhuak in a zam thei der silo.
A phone chu la leh a phone a games awm chu a khel vel mai mai a.
.
.
Chutih lai chuan inhnuai lam atang in door bell chu a rawn ri ve ral ral bawk, door bell a hriat veleh chuan Gia chu a in tung tho nawlh a.

A phone sana chu a han bih zui nghal zat , 10:34pm a ni.

tiang hun ah tunge rawn kal ang ni?.
Rukru an ni thei angem?


Chuthil angaihtuah chuan hlauhna chuan a rawn ṭham a, kawngka chu hawn loh him rih in a hria.

Ngaihthalo zet in a khum ah chuan a mu thla leh, a ngaih erawh a ngam zan lo.
A mut atanga minutes 3 na vel ah chuan door bell chu a rawn ri leh a, Gia a in tung tho nghal vat.A thin phu chu nasa tak ani tawh. Door bell chu a rawn ri nawn tluk tluk a, Gia chu hlau zet in a tho chhuak ṭhem ṭhem.
Inhnuai lam pan a akal te chu a ke chu a khur der der a, a in chhung chu a melh kual zek zek bawk, rukru emaw suamhmang an nih a hlau tak zet.


A kawngka zawn a thlen chuan a kut khur cher cher chung chuan doorknob chu a vuan a, a kawngka a hawn hma in a kut veilam chu a âwm zawn ah dah in a tawngtai mawlh mawlh.

Kawngka chu a hawng tih hriat nan a rawn ri kerh a, Gia chuan kawngka chu a hawng zau a, mah se mak tak mai in pawn ah chuan tumah an lo awm hauh lo,hlau ru zetin a in chhung chu a hawi kual a, pawn lam a melh leh, tumah hmuh tur an awm miah lo chu mak tak ani.Nichin mai khan door bell kha hmeh rik ani si a. Gia chuan mi awm an awm leh awm loh chian tum chuan pawn ah chuan a chhuak a, a in bul vel chu a en kual a, mahse zan dang ang tho in a bul vel chu a reh thap tawh.
Gia in awmna lai hi a va fian rial ve deuh vang in a in bul vel ah hian awm an tam lo a, zan lam a reh hma bawk.

Pawn lam a engmah a hmuh tak siloh ah chuan Gia pawh chu a ngaih ati tha deuh a, tu emaw in a fiam kual vel mai mai tur ah a ngai.
In chhung ah bawk chuan a lut leh a, kawngka a khar leh chiah tih ah chuan
"Babydoll" hnunglam atanga a bengzawn a rawn ti tu a vang chuan a phu zawk.


"Mr. Grey" a hnung a awm ahmuh chuan a ti nghal a, a thinphu rang lutuk chu a la tawp thei mailo, Pakhat erawh Gia awm dan vang chuan a kut kuangkuah chung in a lo khi suk.


"Engtin nge ilo luh theih?" mak ti zet in Gia in a zawt, nichin khan kawngka zawng zawng kha a en dik vek ani si a, Grey thawm reng reng a hre miah lo.

Grey erawh a kut kuangkuah chungin Gia awmna lam chu pan in a hnung ah chuan a ding a, Gia beng zâwn a kûn hniam in "i choka turverh hawng chunga i mut chuan misual leh rûkru an lo lut mai tûr a sîn Babydoll" tiin a hmui chuan Gia nghawng chu a si lek lek a, Mark thawlum vang in Gia chu alo zâm leh hle tawh.

"Nge ni a ka lo kal theih nân ilo hawngsa ve hrim hrim zâwk" a tih leh phei chuan an boruak hip chu Gia chuan tuar thei tawh lo in a in la hrang vat a.

"Ai nilo, a theuhlo mai" tiin a ban chu han thing in a lu a thing ner ner a.

"Tak tak?" awih lo hmel zet in a mit ko chu a san euh a, Gia alo bu ve vat, a biang tai tuk te chuan a ti cute takzet ani.

"Um" tiin Mark pawh alo bu ve nghauh nghauh a.

In chhung chu a reh leh thap tawh a, "coffe ka lo siam ang che Mr. Grey, lo thu rawh" tiin an boruak chu Gia chuan rawn siam in a ni chu choka lam ah chuan a phei nghal a. Mark pawh living room a couch ah chuan a thu ve mai.
Rei lo te ah Gia pawh a kut pahnih a coffee keng chung chuan a rawn let a.
Mark hma a table ah chuan Mark ta tur chu dah in a ta tur pawh a hma ah chuan a dah bawk, Mark chuan a coffee chu la in tlem chu a han tem a, a tui ati aniang a in zawh chuan a bu deuh nghauh nghauh.Gia erawh in a coffee chu khawih lo chuan a kut chu hma lam ah chuan a sik neuh neuh a.
Mark chu biak han duh viau mahse bul tan dan tur chu a hre lo ani.

A tawp ah chuan thil hriat chhuah a nei ta.

"Mr. Grey" zawi deuh tak chuan Gia chu a ko a, Mark chu hawi chho vat in
"Hmm?" tiin Gia chuan sawi duh a nei tih chu hria in a coffee in lai chu dawhkan ah chuan a dah thla a.

"Nizan avang khan ka lawm e aw, Sophie khan min hrilh a in ah min hruai haw tih, ka tihbuai viau awm che sia ka tih palh tak tak ani, khatiang a tam kha lo in tur ka nilo a" tiin a ke lam chu a bih a, Mark erawh chu a lo khi suk.

"Min tibuai hleinem" dam zet in Mark pawn alo ti ve, Mark thu sawi a vang chuan Gia chu rawn hawi chho in Mark chu a en a, mahse enge maw ni a hrilh chhuah vang chuan hnuailam chu a bih leh nghal.

"thil dik lo a awm ami?" Gia ngui bam mai a hmuh chuan a zawt leh nghal.

"Thil eng emaw atthlak deuh ka sawi lo ang ti raw? emaw atthlak deuh ka ti lo ang ti raw?"a zam em vang chuan a hmui hnuailam chu a pet a.

Mark chuan nizan thil thleng zawng zawng chu a ngaihtuah let a,Gia in a duh thu a sawi lai te, an lam dun lai te chuan kan thil leh thil an in nawk tir lai te.

"Tilo, eng thil atthlak mah tih inei lo,i rui lutuk a chuan i lam nasa hle a ni mai" Tiin Mark chuan dawt chu a sawi a.

Mahse Gia chuan zan lam ah chuan Mark khan a nghawng ah te khan a fawp ngei khan a hre bawk sia, tinge Mark hian dawt a sawi le? nge Gia ngaihtuah na mai mai zawk?.

An boruak chu a reh leh thiap tawh a sawi tur an hre tawh lo a ang.


Mark zawk chu couch atanga rawn tho in a blazer chu a siam tha mawlh mawlh a.

"Ka va haw tawh nge a tlai tawh" a rawn ti a, Gia pawh a thutna atang in a tho ve vat.

Mark chu kawngka lam pan in a kal a, Gia pawn a hnung ah zui in a thlah ve dawn.
Kawngka zawn an thlen chuan Gia chuan Mark chu ko ding in inhma tawn in an ding a

"Mr. Grey i number min pe thei angem" tiin Mark chu nervous deuh chuan a en chho haw a, Mark erawh chu a mak tih vang in a mit a kàn zeuh. Gia chuan hnuai lam a bih leh daih a.
Mark chu khi suk in a ban chu a phar chhuak a. Mark kut rawn dah chhuak avang chuan Gia chuan ngaihna hre lo zet in alo melh leh nghal.

"I phone" Mark in a tih chuan rang zet in Mark chu a melh a, chu mi hnu ah a kut chu a en leh, Mark chuan a phone a dil tih a hriat chuan a phone chu a pe a, Mark chuan Gia phone chu hmet mial mial in chu mi hnu ah Mark phone chu a rawn ri ral ral a, phone chu a off leh nghal. Gia chu a phone chu a pe let leh a.

''Ilo save dawnnia'' a tih chuan Gia a bu nghauh.
Mark chuan a aw chu han thlian leh kharh in kawngka lam ah chuan a in her a, kawngka chu hawng in a chhuak, Gia pawhin a hnung ah chuan a lo la zui ve zel a.

"Mangtha le Mr.Grey" a tawp nan ti leh in a in her tur chiah chu a thil rah avang chuan a ke chu a slip a.

"ahhh" tia tre that in a tlu tur chu a kawngah kut lian zet in a lo man.

An pahnih chuan an in hnaih hle a, an mit ah chuan chiang zet in an in en bawk. An taksa in hnaih em avang in an lungphu pawh a ri dup dup a, Gia chu a zam tawh tak zet, a chil chu a han lem khalh a.
Mit khap lek lo a an in en reng mai chuan Mark zawk chu a kun hnai riai riai a.

Enge thleng?
min kiss dawn em ni?
tinge ka thinphu hi a ran em em a.


"Babydoll" ti sup in Gia hmel chu chiang zet in a en a. An awm dan posi avang a zam zet a awm mek Gia chuan Mark in a kiss dawn ngei a rin avang chuan a mit chu a lo chhing.
Gia mithmul sei leh er tàn te, a hmui kiss chakawm tak a hma atang tawh a kiss alo chak tawh chu Mark chuan a hnaih zel a.

Gia lah in tal chhuah bik a tum lo tih Mark in a hriat chuan a hnaih zel a, Gia erawh Mark in a hmai zawn a hnaih zel tih a hriat chuan a thinphu alo rang leh nasa em em tawh, a kut chuan Mark kawr àwm chu a tham a, Mark chuan Gia hmui nem zet mai ah chuan a hmui chu a ti si a, muang chang in, hman hmawh lo zet chuan a fawp a.
Gia pawn a kut Mark âwma a dah chu a nghawng ah chuan a suih a, an hmui chu an ti che kual a, Mark chuan Gia kawnga a vawn na kut chu a aia nghet chuan a vuan a, Gia hmui hnuai lam chu a han seh zeuh a, Gia a lo moan chhuak, chu chu remchang ah hmang in a lei chu Gia ka chhung ah chuan tilut in a lei leh Gia lei chuan hnehtu chan chang tum in an han ti che dun a, rin ang ngei in Mark chuan hnehtu chang bawk.

An awm dan chu mumang a ang rum rum, an thin chu nasa tak in a phu a,an pahnih chuan an in mamawhna leh in thlahlel tawnna nasa tak ani.
Pawn ah an awm tih pawh an hre chang tawh lo, Mark chuan Gia chu kawngka ah chuan nam in a kut pahnih chu Gia lu leh lu in kar ah chuan a dah bawk, Gia hmui chu duh thawh zet chuan a fawp a, mihring hmui a fawh tawh a zawng a fawh nuam ber ani.
A sweet a cheery ang mai ani, a nem bawk.

Tunah chuan Gia chuan a kut chu Mark âwm ah chuan adah a, a thiam ang tawk in Mark a fawp ve bawk.
Taksa pahnih te chu in thlathlel na avangin an taksa te chu a sa hat hat a.
Mark chuan duh tawk a Gia hmui a fawh hnu chuan a nghawng ah chuan a tuan a.

"Ahhh Mr. Grey" thaw chham lek lek a Gia in a tih chuan Mark chu tawp chat in a chal leh Gia chal chu a ti si a, an pahnih chuan an haw halh halh.

A mitmeng dur khuih chuan Gia chu a en a.

"Babydoll" tiin a mit chu a chhing a, a kut vei lam zawk chuan Gia nghawng chu a kuai, in sum tih hriat zet in a thawk te chu a rang em em a, a in thunun angai, anih loh chuan hnuai lam atanga túr tu hian thil ni lo thleng thleng in a kal pui dawn tih ahria.


"Mangṭha babydoll" in pawt hrang in a car awm na lam chu a pan nghal nal nal a, a ngaihna hre lo zet in Gia alo thing khawng thung.

Mark tlan chhuah thleng chuan Gia chu pawn ah chuan alo ding ve a, car tlan chhuak ah chuan in chhung ah lut in a kawngka a khar zawh chuan kawngka bula chuan ding in a hmui chu a khawi a, tu hriat silo chuan a nui vur vur.


-------------------------------------------

kawngpui chu a reh thiap a, a chang chang in car rawn tlan a awm ve zeuh chauh, Mark chuan a car darthlalang atanga a car hnung a bike rawn tlan chu a hmu a.
A mit chu tizim sut in chu bike chuan a um zui anih a ring, a zui nge zui lo tih fiah nan chuan a mansion lo lam ah chuan a in turn a, chu veleh a hnung a bike chu a rawn in turn ve nghal tih a hriat chuan a mah an um zui ngei tih chu a hre ta a.


A mitmeng rum zet chuan chiang zet in a car darthlalang chu a en a, a mah um zui tu jacket ah chuan snake logo awm chu a hmu a, chu logo chu a chiang lutuk tlat.
Adrian Stone.

Snake logo chu Adrian Stone mafia's syndicate ani tih lantir na ani.
Syndicate tin te chuan logo an nei hrang theuh a, Mark's te logo erawh wolf ani thung.


Mark chuan a car speed chu a han tisang a, chu veleh a hnung a tlan bike chuan a speed chu a rawn tisang ve zel a. Mahse Mark chuan a car chu vek lam ah chuan in her thut in alley thim deuh ah chuan tlan in a car chu a tiding a, biker chuan rawn nang hman lo chuan chu chu remchang ah Mark chuan a lo la ve thung in chu tah chuan alo nghak a.
Ahnu ah biker chuan alley a Mark car ding chu hmu in a zui ve leh a.

Hetah hian tinge a din le?
Mark car ding a hmuh vang chuan ati a, Mark kha a tlan chhuak tih a hriat khan that tur an tih ang in a zui ru a,zanlai ah a motor khalh chung a kawng reh lai ah tak thah a tum kha ania, mahse Mark khan a car kha a khalh chak em a, a nang ching thei lo kha ania, tun ah a car chu a ding tawp a, enge thil awm zia a hre thiam lo tak zet.

A bike a tang chuan chhuk in a silai dah that chu a phawrh chhuak a, mahse thil dik lo a awm tih chu a feel thei, mahse a hna chu a thawh ngei angai, anih loh chuan an boss in a that ngei ang. Muangchang in car dinna lam chu a pan a, driver seat lam chu pan in a silai chu kah mai thei in ring in a keng bawk, mahse driver seat a thlen chuan tumah an lo awm hauh lo.


Thinrim zet a rum nghut in in her a tum chiah tih ah chuan hnung lam atang in metal rod chuan a lu ah chuan rawn vua in lei ah chuan a let nghal tawp a,a lu na avang chuan rum nghut in a kut chuan a lu an vuakna lai chu khawih in a lu atanga thisen rawn luang chhuak chu a hmu a, a bulah a silai ken chu a let bawk.

Silai chu a kut zawi zet chuan la in a mah vaw tu ni awm tak chu en tum in a hawi chho a, amah rawn bei tu chu tudang ni lo in 'The Devil' Mark Grey ngei ani. Lei a mu mek chuan a mihring hmuh a vang chuan hlau in a khur nghal a, Mark Grey erawh in tifuh in tih hmel zet chuan lei a mu mek chu a nuih suk, Tunah Mark Grey lan dan chu pawisak nei lo mi bawraw a ang tak zet ani.

"Adrian Stone sipal te hi mi à tak vek anni tih ka hre reng ani" tiin lei a mumek awmna lam chu khi suk in a pan a.

Lei a mu pa erawh a theih ang tawkin a tawlh hnung hret hret a, alu na lutuk chu a puak dawn hial in a hre bawk.
A silai a bula thal chu la in Mark Grey chu kah a tum a, mahse Grey chuan a kut chu la kang thei lo tur in a ke chuan a lo rah beh sak thung.


"tch.. tch.. tch.. tch.. tch tikha chuan min bei thei lo ang" tiin a silai ken chu hla tak ah, lak phak theih loh tur ah chuan a pet bo sak a.

"Come on!!! rawn tho la ralthuam tello in patak in in bei ang hmiang" tiin a smirk zeuh a, a pheikhawk chuan Mipa hmai chu anawr a, na tih avang in pakhat a lo ner nak.
Mark chuan a pum ah chuan na zet in a han pet sak leh a.

"tho la min rawn bei ta che" a han ti leh a, pakhat zawk chu lei atang chuan a rawn tho chhuak ṭeih ṭeih a, theih leh thei lo a arawn tho chhuak chu Mark chu alu lo tle chung in a lo thlir thung.

Atawp ah chuan rawn tho chhuak in a kut chu Mark hmai ah tak hnek tum chuan Mark awmna lam ah chuan a tlan phei a, mahse Mark hmai a thlen hma in Mark chuan a banrek ah lo man sak in a hnung ah chuan a her sak a, na tih avang in pakhat a lo tre thung.

Mark chu a thinrim em vang in a aia na zawk chuan a ban chu a han herh sak a, a ruk rawn ri thawt a hriat chuan a ruh chu a tliak tih a hria, na atih em vang in pakhat zawk erawh a rawn au chhuak thawt.

God, he thil in sawisawk nuam a tih zia hi.
Thanks to Adrian Stone. hun rei tak hnu a he thil a ti leh theih hi nuam a ti tak zet.


"Tho la min han bei leh ta che" tiin a khabe chu na tak in a kuai dak a, pakhat erawh na a tawrh chu na a tih tawh em vang in alo au thung, thei leh thei lo chuan rawn tho chhuak leh in Mark chu hnek a va tum leh a, mahse a hma ang bawk in Mark chuan a banrek ah bawk chuan lo man sak leh in a hma a tih ang bawk chuan a ban chu a lo tih liah sak leh.

A na ti lutuk chu a rawn au chhuak vak in lei ah chuan a thingthi hnawk, tunah chuan a kut pahnih chu a tliak ani ta der mai.
Chhuat a mu chu a tawp nan Mark chuan a pum ah chuan a han pet sak leh a, a kà tang in thisen a rawn phutchhuak thawt.

"Nep lutuk, nitin mai hian Adrian Stone hi a à zual zel anih dawn hi kei min that tur in mi pakhat a rawn tir amaw!"
tia khisuk in a tawp nan chuan a pum ah chuan a pet leh a.

Lei a na tur a mu mek chu a ring ah rek bet in a car awmna lam chu pan pui in a passenger seat ah chuan a theh lut a.

.
.
.
.
.
to be continued..

#Ads click kha theihnghilh lo ang u aw, a hnuai a fakna thlalak lo lang hrim2 khu click zeuh a ni mai aw