The Mafia's Sweetheart 19

[Maam J]

"le le le.... vawiin chu kan mood ava fu ve a(h)" tiin a dar chuan a thiannu dar chu a va nghawk a.
Pakhat zawk erawhin lai zet in a lehkhabu ken chuan a hmai chu a lo hliah nghal.

"kan naute Gia hi hmangaihna zun ah a uai chiang mai" tiin a thiannu chu a fiam zawm leh a.
"Min hrilh rawh le, tunge kan mi vanneihpa chu?" tiin a thiannu hmai hliahtu lehkhabu chu a lak thlak sak.

"uaiiii a biang te hi enge a awmzia, a tai vel a mawh?" tiin a mitko te chu a san keuh a, pakhat erawh chu a lai chhe tawh ngang mai, a awmdan a lai vek tawh.

"le min hrilh rawh le" tiin a thiannu chu a lam hawi tur chuan a dar ah vuan in a kuai her a, a thiannu lam a in her chuan a hmui chu han khawih in zan lam thil thleng a ngaihtuah let a, a zak thar leh.

"Gia ti teh, ka hre chak ania min nghah tir reng suh" tiin lungawi lo der in a ke chu lei ah per in a hmui chu a han ti pawrh vel a, .
An va han naupang chhia dun thin tak em.

"Sophie min haw lo ang ti raw!" tiin bul chu a han tan a. Sophie pawh a melh ngam lo.

"ti teh Gia engvang in nge ka huat ngawt ang che" tiin a thiannu khabe chu kuai dak in Gia chu a nuih sen sen a, Gia pawn lo nuih let ve in "Sophie ihhh Mr. Gre...Mr. Grey" sehchilh zet a Gia in a tih chuan Sophie nui hmel chu rawn in thlak in "Mark itihna ti raw?" tiin Gia chu a zawt tha. Gia chu hnuailam bih in a bu nghauh a.

"Gia, a theih loh, ka pawm lo, ka hrilh che kha Mark hnaih lo tur che in, tinge Gia chu thil chu min tih sak theih loh" Sophie thinrim chuan a ti piap piap a, Gia lung chhe lutuk chu a mittui a lo ling pam tawh.

"Sophie... ka tum a mahse ka thei lo, min hriat kha Sophie, mi ka duh tawh chuan theihngilh mai ka harsa tih, Sophie ka tum ve sin" tiin a kawrban chuan a mittui a biang a luang thla ngiai ngiai chu a hru a, a in sut hraih hraih bawk.
He tiang hian Sophie hian a dawngsawng dawn tih a rin lawk vang ania Sophie hrilh kha a hlauh reng ni.

"Ohhh fucked Gia!! " a kut chu a kawng ah dawm in vanlam chu a hawi a, boruak chu a thaw chhuak hrawk hrawk.

A thiannu en in Gia chuan a mittui chu alo la hru mawlh mawlh a, a mit chu chhing in boruak chu hip lutuk in a taksa chu a han thlah dul a.
"Min en teh Gia" tiin Gia dar tawn tawn ah chuan a vuan a, Gia pawh in sut in a a tahna a vanga a mit senram kar atang chuan Sophie chu a melh.

"Ka haw lo che nia Gia, i hria ti raw?" tiin a awka nem chuan a han ti a, Gia pawh in a lu alo bu nghauh.

"Oh Gia!" Sophie chuan Gia tukhum ah chuan vuan in a âwm ah chuan Gia chu a bei tir a. A thiannu mittui hi a chakloh na pakhat a ni. Sophie chuan Gia sam dum tha zet chu a chul pah a.
Mahse a ngaihtuah na ah thil tam tak angaihtuah thung.
Ni e, Sophie hian Gia hi a hrechiang alawm, a thil tih tawh chu engkim a nihna tur ang tak a tih duh mi, thil engkim la serious vek mi ani, Gia sawi ang chiah chuan Gia hian mi duh zawng aneih chuan theihngilh mai a harsa dawn tih te thleng pawn a hria.
Mahse Gia hi a thian tha ber ani a,thian anih ang in a thiannu hi anat a hlau em a tin ni.

.
.
.
-------------------------------------------
.
.
.

"Boss" tiin guard chuan chibai alo buk nghal a, guard chibai bukna chu ngai pawimawh lo zet in mansion chhung ah chuan a pa hmu tur in lut tlang nghal.

A hnung ah chuan a kut dinglam Enzo chuan a hnung ah chuan a zui ve bawk, thil pawimawh tak a awm avanga a pa be tur a kal a ni.

Tunhnai thil thleng shipments vel ah buaina tam tak an syndicate chuan an tawk a, an client te hnen athlen hma in a then chu an cancel a, a then a thleng hma in buaina a awm bawk, Chung buaina thlen tu chu Mark Grey ani tih a chiang hle bawk.
Thil engkim chu a kal dik lo ani vek mai chu chuan nasa tak in Mark a huatna a tih pun belh bawk.

Mark Grey chuan a thil tih engkim ah hlawhtlinna aneih zel na te chuan an nun chu hremhmun ang mai in a chan tir a, chu vang chuan Mark Grey a din hmun atanga pawt thla tur chuan ruahmanna tha tak a siam a ngai dawn ani.

Mark Empire hi Europe ram ah empire ropui ber leh thil ti thei ber ania, chu chuan a thin a tirim hle, Adrian empire hi a hnaih ber tu ani thung,mahse chu chu a duh khawp lo a, a ber nih chu a tum ani.
Engkim ah a top nih chu a tum ber ani a.
Mahse chu top nih a tum na kawng hrang hrang ah Mark Empire chuan lo chet khalh zel in a ber anih tir thei lo in chet alo lakkhalh thin avang in a thlen tur ang a thlen tir theih loh a, chu a thil tum thlen tir theih dan awm chhun chu Mark Grey dah that a ni.

Chu vang in Mark Grey dah tha tur chuan plan tha tak a siam angai.

Mansion chhung ah luh chuan apa chuan laptop ah chuan thil hi a lo type mawlh mawlh a.

"Morning ka pa" tiin apa chu a wish a, a fapa tawng ri ah a pa chu a hawi chho.

"Adrian, hetah hian enge i rawn tih dawn"

"Eng emaw sawipui che ka duh a ka pa" tiin a pa thutna ep chiah couch ah chuan a thu thla nghal a, Enzo chuan Adrian chu file, a kawmsen chu a pe.

Adrian chuan file chu a pa dawhkan ah chuan dah "enteh ka pa, tunhnai kan shipments chungchang hi engkim a chingpen vek ani, kan zawng Mark Grey vang khan" tiin a ha chang chu a thial bauh bauh a.

Apa chuan file chu hawng in a chhunga thil awm chu chik zet chuan a en dik a, a lungawi vak bik lo tih chu a chal a tih chuar dan ah a hriat theih, Adrian erawh a pa in file en chung chu lo nghak in a kut pahnih chu a hma lam ah suih in apa chu a lo nghak a.

A pa chuan file chu khup in dawhkan ah chuan a thehthla a.

"Mark Grey that tur a mi pakhat chiah i tir kha a puitlin loh thlak khawp mai Adrian, chu pawh mi naran ve mai, The Devil thah hi thil awlsam ni tur ah i ngai em ni?" tiin Adrian chu a hau.

"Wow, ani chu i ngaisang a ang hle mai ka pa" a tawngdan ah chuan a lawm hmel vak lo.

"enteh Adrian nangin i huat tluk zet in Mark Grey hi ka hua mahse i chetdan hi a puitlin loh thlat i ti ve lo maw?
Mark Grey hian a pa lal thutthleng a chan atangin Europe a empire ropui leh thil tithei ber ani a, chu pa thah chu thil awlsam tur ah i hmu a mi? mi naran mai leh nghal i tir a , Mark Grey chuan a taksa peng ah pawh khem chhe te pawh a nei eih lo ang, ti raw?" a pa in atih chuan Adrian chu lungawi lo in a hawi sawn hmak, thaw hawk in couch hnung chu a ngheng zui a.

"Ka hria lawm mahse saw zawng phiansen Mark Grey sawn kan shipments chunga a thil tih ka hriat hian ka awm mai mai theih lo atin ni"


"Mark Grey sawn thah i tum tih kha ngaizam in awlsam tak a a theihngilh i ring em? ni e, a dik alawm kan nun tih chhiat vek a tum tih chu ka hria lawm,
Mark dahthat kan tum anih chuan plan tha tak kan ngaihtuah chhuah angai, awlsam tak a tih theih a nilo, dawhthei la, uluk deuh in thil ngaihtuah rawh, tuna Mark dahthat hi a hun ala ni rih lo, tuna chet lak kan lo tum chuan Mark thinurna kan chawk chhuak mai mai zawk ang,
Tuna ka tum hmasak ber tur chu kan shipments venhim ani" a ti a.

Adrian chuan apa thu sawi chu uluk zet a alo ngaihthlak chuan dik atiin a lu chu a bu nghauh a,a mit chu chhing in a hahdam thei ang ber chuan a ke chu tluang zar in a thu a.

A blazer chhung a phone rawn vibrate treng treng chu a la chhuak a, tu nge rawn call tu pawn en lo chuan
"Hello" a ti a.

"Hello" lehlam amiin a rawn tih chuan chu àw chu tu aw nge tih ahriat chian em avang chuan a thu tha nghal vat.
A awm dan teh thut chu mak tiin a pa leh a right hand Enzo chuan an lo en ve nghal bawk.

"Mark Grey" tiin a thutna atang chuan a tho nghal vat a, apa leh Enzo te chuan mitmu bial kuau chung chuan an lo en ve a.


Phone lehlam a mi chu khi suk in "ka thil pek che kha enge i ngaihdan, i duh zawng ani em"

''Thilpek maw!!?"

"Ohhh!!! a lan dan chuan ila dawng lo anih hmel khawp mai" tiin a bana Rolex sana chu a en a.

"mahse a rawn thleng tep ang"
atih rual chuan door bell chu a rawn ri ral ral a.

Adrian chuan hlauhthawng zet in Enzo chu a melh a, kawngka hawng tur chuan a ti.
Enzo chu che vat in kawngka lam chu apan a, kawngka a hawn chuan delivery boy hian parcel lian ve zet hi alo keng,
Parcel chu Enzo chuan la in kawngka chu a khar tha leh nghal a, parcel keng chuan a boss awmna lam chu a pan.

"Hei le Boss" tiin Adrian hma ah chuan a dah a, Adrian chuan phone chu a beng bulah chuan la dawm reng in parcel chu a en a, a hming leh address a in ziak a, thawntu hming erawh ain ziak lo thung.
A mit mei chuan Enzo chu hawng tur chuan a ti a, bakchek hmang chuan Enzo chuan parcel pack na tape chu a
a chep chhia a, parcel chhung ah chuan sarang in alo in pack leh.
Enzo chuan sarang an tuam na chu muang chang chuan a phelh a.
A chhunga mi a hmuh chuan a barakhaih hle aniang chhuat ah a tawlh hnung nghal hrut hrut.
Midang awm ve dang te pawh chuan an mit meng bial kawp chung chuan an lo en ve thap a.

Ni e, parcel chhung a thil awm chu mipa lu ani, chu pawh The Devil that tu tur atan a Adrian Stone in a rawih ngei, kha pa lu ngei kha ani.

"Mark Grey!!!" a biang fawn hlawrh hlawrh khawp chuan a au a.

Helam a mi chu za zet a nui in
"Ka thil pek che chuan a surprise hmel hle mai che.. hahaha" a nui zawm zel a, pakhat erawh in a phone chu nghet zet a vuan in a mit chu thinrimna avang in a sen ram a.

"Awlsam zeta min thah theih iring ami Adrian Stone, Keihi Mark Empire neitu Mark Grey 'The Devil' Europe ram a mi thil tithei ber ka ni tih hi hre reng rawh"

"Mark Greyyy!!!; lo ngawi tak rawh nang hi ka la that----"
tut... helam a mi chuan phone chu a dah tawp hmak.

A thinrim na chu nasa tak ani, a thaw halh halh a.
"Ka la that khawp ang che, ka la that dawn che lawm, lo ngai reng rawh Mark Grey!!! ahhhhhh"a phone chu chhuat ah chuan paih in a kehdarh vek a....
.
.
.

---------------------------------------
.
.
.
.
Tukverh bulah chuan ding in an huan enkawl tu ten an pangpar tui pe an enkawl lai chu a thlir a, hnunglam atang chuan a kawngah kut pahnih chuan rawn kuah in a dar ah chuan a khabe a nghat bawk.


"Enge ilo ngaihtuah a" tiin a beng zawn ah chuan a zawt a. A nghawng ah chuan a fawp leh zeuh.

"Mark leh Gia"

"Mark leh Gia maw!?, enge nita?" tiin Jay chuan a zawt a.
Sophie chu thaw hluai in Mark leh Gia te chanchin thil thleng chu Jay chu a hrilh ve ta vek a.

"Nitin mai hian an in hnaih tawlh tawlh mai bawk si, Gia lah in ka thusawi engmah a ngaithla bawk silo" a sawi zawng chuan a tap lek lek.

"Sophie ka ngaihdan chuan an pahnih hian an duh dan in an awm tur ani" dam zet chuan Jay chuan alo ti ve thung.

"Eng ah? Jay engmaw i sawi? ka thil hrilh zawh chiah che kha i hre lo em ni, ka u hi mafia ani tih ka hrilh che kha, engtin nge Mark khawvel ah hian Gia hi ka awm tir theih ang?"


"ka hria lawm Sophie, mahse min lo ngaithla teh, Gia hi i hmangaih tih ka hria, Mark nen hian inlaichinna nei lo se i duh tih pawh ka hria mahse Sophie, Gia hi dan tum teh pawh ni la Mark ah a let anga, a let leh thin bawk ang a chhan chu maw Gia hian Mark hi a duh miau a, chuan Mark pawh, Gia laka tiang khawp hian attention a pe anih chuan feelings pawh a nei ve tih na ani mai thei sin, ka ngaihdan chuan maw thil thleng hi kan pawm thiam tur ani'' Jay in a sawi lai chuan Sophie chuan chiang leh uluk zet in Jay chu a lo en a.

"Jay i sawi chu a dik tho a mahse Mark hnathawh hi i hria ti raw" Sophie chuan a la tifan a.

"Sophie Sophie Sophie ti teh, thil chu a nih dan tur in thlen tir tawp ang, eng feelings nge i neih i control thei lo a, tu lak ah nge feelings i neih tih i control thei bawk hek lo, heng thil hi chu a mah in alo thleng ve mai thin, Gia leh Mark chu an hlim anih chuan tinge hlim tak in kan awm tir mai loh ang? tinge a hlim na chu kan lak sak kher ang? Gia chu i hriat kha, a hun kal tawh ah nasa tak in a tuar a, a thawk bawk a, hmangaihtu leh ngaihsaktu a mamawh a, chu chu Mark hian a pe thei anih chuan chu chu thil dik lo ani dawn em ni?"


"Chuan Mafia thil vel kha chu dah tha ila, an in kar a thil thleng tur chu hun in alo la hrilh zel ang chu, an inkar ah thil a awm ve chauh ani a, muangchang in an in kar chu an la serious chho ve zel tur ah ngai ila, Gia pawn Mark hnathawh chu a hrethiam ve zel tur ah ngai ang"
"mahse a tawp ah Gia chu nà ta se?" tiin Jay chu alo pawtchat.


"Baby... thil i ngaihtuah thui lutuk anih kha, tun atan chuan tuna kan nun ang hian hlim deuh in, nuam deuh in nung ila, hma lam hun vang in kan in tilungngai tur anilo, relax la. aw?
Gia a hlim chuan a tha ni mai, hrethiam em?" tiin Sophie khabe chu a vuan a.
Jay thusawi engkim a ngaihthlak a, a ngaihtuah chuan Sophie chu bu nghauh in "i tidik alawm Jay, Gia a hlim chuan engkim a tha ani mai, Gia hi hlim reng tur in ka duh a, a nat ka phal tawh lo"


"Ana lo ang Sophie, eng thil pawh lo thleng se Gia chu a bul ah kan awm reng dawn alawm, engtik lai pawh in"


"Um, engtik lai pawh in a bulah kan awm reng ang" a sawi zawng chuan a mittui a rawn tla a, Jay chuan a lo kuah vat.


"Ti khan chuan kan tha tawh ti raw!?" tiin Jay chuan Sophie kuah chung chuan a ti a, Jay âwm a bei chungin Sophie chuan "umm" tiin a lo bu nghauh.

"Um that's my girl, ka hmangaih che babe" tiin Jay chuan Sophie sam chu a fawp a.

"Keipawn ka hmangaih che Jay"

.
.
.
.
.
to be continued...