A THAR LEH THIN chapter 13

[sangtea juff]

Ruatkima zawk chuan"nu....mami hi...a u pawh min hre lo a?"tih pahin mami a tih der dan chu nui chungin a sawi a..mami chuan"i aw te i tidanglam vel anih kha.."thutthlengah chuan a thu tum bar a...Kima chuan mami thutna lam chu panin thutak zawkin"mami..i van lian tawh ve a..."mami chu ala tau bar bar a..
"ka bag hi room lamah min dahpui la...ka ngai lutuk che a.."tihpahin a nau darah chuan a kuah a,...mami chu anui var var a..a u nen chuan room lamah an in zui lut ta..
Dec. Thla khawvawt vin tuk maiah chuan Kima chu lunglen hmeltakin thlam kawt a,mei a chhem chu a ai a,..a nu leh pa te buhseng pui tur a haw hman hmawh em em ani bawk a,.a nu te buh seng puiin a riak ve nghal a...
An buk awmna lai chu kawn zawlduai mai hi ani a..thlam pawh pasarih lai a ding nghe nghe a...vanthiang kuk maiah chuan arsi a lang pe tuarh a,siruk pawh kawl a tang a suk chen vel asangah alang tiar a,thlasik kawng paw chuk mai leh lunglen tizual turin khawchhak lam atang chuan thla a rawn chhuak a.....
Thla engah chuan lo a buh tlim hmur maite chuan a lang siau a..Ruatkima chu a hmel atang pawn ngaihtuah anei ani tih alang reng a..nie a hmangaih Angela-i angaihtuah mek reng ani..
Hei ngei hi ani D ngaih suihlunglen chu...Angela-i'n amah angaih luat avang a,amittui a hru nap nap laite,hlimtak a a ban a kai a,an nuih dun laite a mitthla ah alang a..amah mai a awm ni mahse anui sak a.."Angela..ka hmangaih che..ka ngai lutuk che"ati sap a.
Angela-i pawh adang bik chuang lo..a room bul tuk verh ah chuan dakin Ruatkima nen a hlimtak a an inkuahna khumah ngei chuan a mu a....Ruatkima'n a kut vuan a..a mitah tak en chung a"Angela..ka hmangaih che"a tihlaite chu a mitthla ah a lang iar iar a..."Kima..ka hmangaih che"tiin a phunsep sep a..a biang ah chuan mittui a rawn luang a..hmangaihte ngai a tah na chu.....
"chhawrhthla vanzawl alo kai hian.. "suihlunglen tahzai ka rel leh thin.. "kan runah siang lawi ve la.. "nemten ka chawi nang che valmawi "tawn leh ni her se maw? "duhten tangnem ah pawm ila.. "suihlunglen biahthu di zawng.. "nemten ka hlan nang che..
Krismas zaikhawmna lampanin mi an kal sup sup a,Ruatkima erawh khumah chuan hlim loh hmeltakin a thu ngui bar a..mami chu a rawn lut a"u..i zaikhawm dawn lo ami.."
"Mami..ka phur lo khawp mai" "u engemaw vei riau i nei chiang mai" "mami..ka la hrilh miah lo che..bialnu ka nei ve asin"
"i lungleng ani maw?" "aw..a dik alawm ka ngai asin"
"tunge a hming?" "Angela-i" "kei ai in a hmeltha em?ha3" "hmeltha dawn lawmni..mahse nang chu ka nau ani a, ani chu ka hmangaih"
"u....lokal rawh..tia i awm te chuan nuam lo alawm..zaikhawm ang..in tih harh i mamawh"tih pahin a u pheikhawk chu ala a,Kima chu a bun tir a..khuma jacket chu ahak tir leh a...phurlo zetin Kima chuan zaikhawm turin anau chu a zui chhuak ta a..t
Kumthar ruai thehna ning nawi tlan ui insual bap bap te chu Ruatkima a chuan engahmah angai lem lo..a rilru ah chuan Angela-i chauh a awm si.,hun chu kal muang ati takzet a..feb 18 hla a tih ber tum ani..

Buangpui khawlaiah chuan 407 rawn tlan lai chu a ding chat a...kawngkhar a rawnin hawng a....Ruatkima chu pheikhai zang tih hriat takin a rawn chhuk a...a nutei inlam pan chuan a kal nghal a..kal kawngah chuan Angela-i hmuh mai inbeisei takin a hawi kual deuh a..mahse a beisei ang erawh a hmu lem lo..
In a thlen chuan A nutei fa ten an lo lawm nak nak a...Ruatkima chuan sana a melh zauh a..dar thum leh a chanve alo ri tawh a....anutei chuan an chhungkaw chanchinte alo zawt nual a...a hahdam deuh hnu chuan tuilum sa ver vawr chuan a inbual a.....
Khua chu a tlai har mah mah ani..Ruatkima chu inchhungah a vei kual sek tawh a...ni e..a hriatthiam awm tho e....kha leh chen alo hmuh chak a alo nghah tawh a hmangaih Angela-i nen khaw khatah an awm dun leh tlat tawh alawm....
Zan dar ruk leh a chanve a rik meuh chuan Ruatkima chu a insiam peih at tawh a..han lenchhuah dawn meuh chuan ahma ala ti deuh si...khumah chuan an thu leh rih a...Angela-i'n alo hmuh hun chuan engtin tak awm ang maw??....
Dar 7:00 a ri a,Ruatkima chu in atangin a chhuak ve ta a..hmun dang pan kawi lo in Angela-i te inlam chu a pan ding nal nal a....Angela-i te inah chuan midang pawh an leng ve ani tih hriat takin an tawng lang lang a...
Kawngkhar a kik karh karh a..."lo lut rawh"titu chu a hmangaih leh angaih em em..Angela-i ngei ani tih a hre nghal a......kawngka a hawn dawn lai tak chuan current a thim hmak a...Kima chu a lut ta tho a...Angela-i bati chhit tur zawng nen chuan an in su thawi thuak a...Angela-i rim tui chek mai kha..tunah chuan a hre leh ta...

Current thim bawk nen Angela-i chuan tu nge anih a hre hauh lo.."lo leng thu rawh" ati liam mai a....Ruatkima chu lo leng ve dangte thut lohna lam kil thim laiah chuan a thu a...Angela-i bati chhit en chuan a en theihloh tawk chiahin thutthleng nghen chhan chuan a hmai a hliah tawk chiah a...
Angela-i chuan a inleng dangte chu a be bawrh bawrh a....thlanglam kil a pakhat thu chu apian zia velah chuan a hriathnu a ang a ti si mahse tunge anih a hre mai thei si lo..han enchian lah thilmawi niin a hre bawk si lo...
"thingpui in ang u aw"tih pahin no ala nghal a..lo leng ve zing a pakhat chuan"aaa.thingpui min intir hma tlat..haw thuai angai dawn anih hi"tih pahin anui hak a..
Angela-i chuan"teuh lo e..no dang pawh kan in leh ang chu" zangkhai takin alo ti ve vat a...amah pawhin mak ati khawpin tlai lam atang khan a chhan a hriat siloh in a hlim ru veng veng a,....a hlimna ber chu an inchhung ngeiah chuan a awm ve tih a la hre si lo..
Thingpui chu a sem dan dan a...Ruatkima chu a hla ber a thu ani bawk a..a tawp berah a thingpui tur keng in a pan a....Ruatkima thingpui pe tur a adin lai tak chuan current a rawn eng chiah a...Ruatkima hmel a hmu chu...makti hmel leh lawm hmel..a hmelah chuan a in pawlh niai a.."awiiii..Kima"
a thingpui ken lai chu a ngaihtuah tawh lo...Ruatkima chu anui sak a...Angela-i thingpui ken baw tur chu a kutah a vawn sak chat a.
Lawm luat avang pawh hian mittui hi alo tla thei chiang khawp mai...Angela-i lawm lutuk chu a mittui a parawl teuh a....Kima pawn a hmangaih Angela-i hmel a hmuh chuan a hlim ani tih a hriat theih a..
Inleng dang an awm ve bawk avang chuan Angela-i chu tapchhak lamah chuan a chho leh thuai a..khua ala vawt deuh bawk a..mei lum lamah chuan a kut a pharh a.."lo ai ve ru...Kima..lo thu chho ve rawh u"..rilru a sawm bik nei ru ran in a han sawm a...mi dangte chu an rawn thu chho sap sap a..Angela-i chu Kima la thu reng chu a zuk melh ralh a...Kima pawh a rawn thu chho ve a..Angela-i sir tawn tawnah chuan midang an thut avangin tap chhak bul a thingrem in hungah chuan a thu a..
An ti ti sap sap hlawm a,Kima erawh a ngawi kar thung.....Angela-i chuan"kei chu lum ka ti tlat tawh..kan thu sawn lawk"tih pahin a tho a,Kima bulah chuan a thu chho a....
HMANGAIHNA AVANGIN MI PAHNIH THINLUNG INZAWM TLATTE CHU ENG DANG MAHIN A DANG ZO LO A..A DANG THEI HEK LO...HUN REMCHANG LEH HMUN CHU AN ZAWNG A...AN INSIAM SAK A..MI TAMTAK KARAH PAWH HMANGAIHNA MITIN AN IN ZAWNG A...HMANGAÌHNA ZUN ZAM CHUAN PAWT TAWN IN REILOTE AH AN IN HNAIH LEH MAI THIN.


Dar 9:30 a rik chuan inleng dangte chu an tin ta hlawm a....Angela-i'n inleng te a thlah zo lo lut lam chu a rawn tum hmak a...Kima thut lohna lam thutthlengah chuan a thu daih a...Kima chuan Angela-i awmdan chu a hrethiam khawp...engmah hrilh lawk lo a a thawn thut avangin a titau ani tih a hre thiam mai...
Angela-i bulah chuan a zuk thu thla a.."ehhemm"...a chhang lo,lehlam a hawi hmak a...."Angela"...
"enge?" "tau lo la" "enge?engmah pawh min hrilh loh a?" "eng maw?" "i lo haw hi" "hrilhna hman a awm lo alawm" "chu pawh nise"
Kima chu a ngawi vang vang a..thu tak fe in"Angela..ka kuah chak che..ka kuah thei che ngem?"
Angela-i chu ala ngawi hmak a..Kima chuan a awm ngheng chuan akai awn a....a kuah a..rem vak lo chung chuan a zuk fawp a..Angela-i pawn atitau thei tawh lo..a hmui chu dawh remin Kima chu a kuah vawng vawng a..
“Tawnni lo her chhuak leh ta..Khuanu leng hualin.. “Lungduh buan ang pawm e.. “Lunglen Biahthu D hlan nan..
Angela-i chuan a hmai chu Kima awmah chuan a phum kak a..a thaw sek sek a..”Kma..ka ngai lutuk che..” “Angela…keipawn ka ngai lutuk che…takin..Krismas I hmang nuam em?” “Kim..hmang nuam lo..a chhan chu maw…ka lung a leng lutuk a..ka ngai lutuk che a” “Angela..kan in ang anih chu..hetiang em em hian ka ngai ang che tih ka ngaihtuah ngailo..ka ngai che” “Kim…min fawp the”..Kima chuan a nghak reilo khawp mai..Angela-I hmui senno chek mai chu a fawp vang vang a…Hlimna hi a hlu a,hmangaihte avanga hlimna hi chu hlimna thuah hnih ani an lo tih thin zawng a dik ngei ani ang.. “Kim..naktuk enge I tih ang?Insu ila?” “Nia…insuk chu ka ngai a,mahse hei ka kut a na a..”a nui hak a.. Angela-i chuan “khawi maw?” “En mai hi chuan alang theilo a..he3” Angela-i chuan Kima thusawi chu a hrethiam chiah “Lutuk..ka suk sake m em ang che..”Kima chu a nui var var a…
Result chhuah ni anih avang in kumthara a vawikhatna atan sikul naupangte chu sikul lam panin an kal sap sap a...
Naupangte chuan an kumkhat hnathawh dan pholan a awm tur chu an huphurh tlang ani ang..an sawi sap sap hlawm a...
Naupang zawng zawngte chu class room pakhatah chuan an thu khawm thap a....Angela-i pawh a huphurh pawl ani ngei ang...a hmangaih hriat lai a,a fail vaih chuan..Kima pawh Angela-i ang tho ani..a fail vaih chuan...mipa zawk a ni a..rintlak ani tih lan tirna atan a pass ngei a tul ani..mahni ko a hna awm hlen lo te chu tuman rintlakah an ngai ngai si lo a..Angela-i tan rintlak ani tih pholan ngei chu a mawhphurhna ani si...
Result chu an puang tan a...class-XI...an tih atang chuan Angela-i thin chu a phu dup dup a......a tih chhiat dan in dawtin an sir chuan puang chho zat zat a...."Angela..Remsangpuii"an tih rual chuan Angela-i chu a phu zawk a..a pass...12na..a nui sak a,progress report card la tur chuan a kal a,a hlim ani tih hriat takin Kima awmna lam chu amelh zeuh a...7na..6na..5na..4na..mahse Kima hming reng reng ala lang ve lo...Kima chuan a hlauthawng thar leh a,a thin a phu dup dup a..3na...a la ni chuang lo..a fail ani ngei ang le...tiin alo in ngaihtuah hman tawh
a...2na.."LalRuatkima"...dawhkan hnuai lam bih a, a kun ngal chu a rawn dak chhuak a...a ringhlel avang chuan a tho lawk lo.."LalRuatkima"an han tih leh chuan phur takin a tho chhuak ve ta a...
Hlimna thlifim a tleh heuh heuh lai hian lungngaihna khawdur leh thlipui alo thleng fo thin..vanduainate hi amal malin alo thleng ngai si lo a...
Angela-i chu tukverhah adak vang vang a...a ngaihtuahna akal thui kher mai..a vawi hnihna atan a hmeichhe nihna lo lang thin chu a lo tlat lo..a luak chhuak nghelh reng mai pawh chuan chhan a nei ngei ang le.
Angela-i chaw eisiam lai chu a uak tuarh a..pawnah a tlanchhuak nghal a..a chetdan chu a nu chuan alo en reng a..a hmelah chuan lawman reng a lang lo..
Angela- I lo lut leh chu rum fe a melhin”I rai ani maw?” alo ti tawng a..Angela-i chu a ngawi hmak a..anu chu a en ngamlo ani tih hriat takin a kun ngaih a..”Min chhang rawh,I rai ami?” “Ka hrelo” “I van mawl tak e aww…tun thla I peiod tawh em?” “Aih..thla hmasa atangin ka awl tawh..” “I van zak theilo ve a..tu fa nge..?” “Ka rai anih chuan..Ruatkima..” “Min van ti zak ve aww..kha pa lehkha zirlo a awm ..kha maw..?!” “Aw”…a nu chu a meng sen rum a..Angela-i hmaiah chuan a in rin loh lai takin a beng thuai a..”naupang tee maw ka lo tic he a..i van hurherh reuh ve a..” “Hurherh” a benna ai chuan a nu tawngkam ngei a hurherh tih chuan a tin a fe zawk,a tap hlawp hlawp a..”Tap khanglang suh…vawiin atang hian pawnah I chhuak tawh ngailo ang..sikul pawh kal tawh suh”. Angela-i chu tap zawih zawih chungin roomah a lut a ..khumah chuan a bawk thlawp a..Ruatkima’n hria se engtin tak ngai ang maw?..vawikhat nunkawng a dai sual a..mahse chu vawikhat dai sual chuan kawng bumboh zawkah a hruai lut dawn ta..

[sangtea juff]

Chapter 14


Sikula Angela-i a hmuh miah loh avang chuan ruatkima chu a hrilh a hai ang reng hle a..a chhan awm ang engmah a hre bawk silo..nileng mai chuan rilru nuam lo zetin a awm a..
Angela-i te kawngkhar chu a in kik kauh kauh a...mahse chhangtu reng reng an awm lo..Ruatkima chuan tlemin a pawt a...kawngkhar chu a in hawng mai a..."In awm em?"
Chu aw a hriat rual chuan Angela-i chu khum atang chuan a tho nghal vat a...Kima a hmuh chuan a kuah nghal chawt a..lungchhe takin a in hnit nghal hlawp hlawp a..Kima chu a hrilh hai hle ani tih a hmel atang chuan a hriat theih a,..Angela-i mittui tla chu hruk sak pahin "Angela..ngatinge..? Ngatinge i tah a?"
"Kima...'asawi zawm thei lo a,a inhnit leh hlawp hlawp a...
"Angela..tap lo teh...han sawi la..enge thil nge thleng a?"..
"Kim....ka rai"
"Eng maw?"
"Aw..Kima..i fa ka pai"
Kima chu a meng kawk a,a hmangaih berin afa apai anih chu..mahse a nu leh pa ten engtin nge an ngaih ang le.....
Angela-i bawk chuan"Kima..ka nu in min hau...."a sawizawm thei lo a..a mittui luang ngiai ngiai chu a hru a...
"Angela..."...Angela-i chu a rawn dak chhuak a..
"Engpawh lo thleng se..ka phatsan hauh lo ang che....ka hmangaih che"

"Kima..ka van lawm tak em..keipawn ka hmangaih che"tih pahin Kima nghawngah chuan a kuah a..an in fawp vawng vawng a...
Kawngkhar lam a ri rak avang chuan an in hlat nghal dawrh a..mahse atlai tawh Angela-i nu ngei mai chu lungawilo tih hriat fa hran in a lo ding a..Angela-i chu a kawk a"..Nang nu kha..i va han zak thei lo ve le...roomah lut nghal rawh.." Kima lam chu a hawi leh a.."Vawikhat mah he inchhung hi rawn dai tawh ngai suh ang che....ka fanu hi rawn hmu tawh ngai suh"ati chang fak a...Angela-i chu hreh tih hriat takin room lamah chuan a lut a..Kima erawh ala thu kun ngal a.."Ka pi..Angela-i hi ka hmangaih" nelawm loh fe a Angela-i nu melhna avang chuan a tawp chat a.."I van zak thei lo ve le..ka fanu hian i fa a pai dawn lo..kan ti tla ang..hei damdawi pawh"tih pahin a polythene khai lai chu a ti che dat a..
Kima chuan"Ni lo e..ka pi khawngaih tak..."
"Engmah sawi tawh suh..chhuak nghal rawh"
Kima chu a chhuak hna hna a...Angela-i room zawn akal lai chuan a han hawi a..Angela-i chuan mittui tla zawih zawihin alo thlir reng a.....Kima chu a dingchat a....Angela chu a en ngawih ngawih a....
Zan alo thleng a,Kima chu a muhil thei hauh lo a..khumah chuan alet tap tap a....a thaw leh halh halh thin a...Angela-i chu nupui a neih mai pawh a pawi ti hauh lo a..mahse anu chezia enkhan a rem dawn lo tih alang reng mai si....chu lo rengah lo rem ta pawh nise anu leh paten an fapa in sawn a thlak ani tih an hriat hunah engtinnge an tih ang le..."I thu a din tlang i tum bawk a...keipawh ka thu ah ka ding ang..he in hi zaninah chhuahsan ang che"..
Angela-i mittui chu dan rual loh in a far zawih zawih a....mahse a hmangaih tan a rinawm leh hmangaihna vahvaih pui chu hmangaihtu chuan a thlang zawk si..aw hmangaihna dik leh ril hriatthiam zawh rual loh khawp a ropui i va ni em...
Kima nu leh pa te chuan an fapa duhlai lehkhathawn chu ngun thluk takin an chhiar a....an fapa an hmangaìh em em chu sual do zo lo in a tlu ani tih an hriat meuh chuan Kima nu chuan amittui a hru zauh a..."Mama pa..ka rilru ava na em..."
"Ni e..mahse Mama pawh a rilru a hah hle ang...a rilru ti hah zual tur chuan engmah ti lo ang....tha te in fa te han nei se la..kan hlimna leh kan tan a tha turte pawh ala ni zawk mai thei asin"
"Ni e..mahse Angela-i nu khan a duhloh hmel viau in ka hria a...Tluangte pawn han nei chho se la..kan in remthei ngut ange maw..? "
"Ti teh Mama nu..Mama pualin tawngtaina nei teh ang"
Rilru a buk rittu leh luahtu awm tlat hi zawng engtihmah hi a phurawm loh a,a chakawm hek lo....Kima sikul kal pawh a za lo kher mai...sikul ban thleng chuan tumah a be lo a,mi in an biak pawn a rul tawk bak in a chhang hek lo..tlai ban alo hun a,zawi hnakin inlam a pan a...Angela-i hmuh theihna anih beisei in kawng kual leh thui lamzawk ah chuan a kal a....
Angela-i te in zawn a thlen lai tak chuan.."Tenawmnu....ka vaw dawn che..ka thu i zawm hma chu ka vua ang che"Angela-i nu in a tih hlaih hlaih thawm chu a hre reng a..chumi hnu lawk chuan thil vuak ri thum deuh pawp pawp chu a hre zui nghal a....Kima thinlung chu a na nghal vawng vawng a....a kal thei tawh lo..a ding chat a..Angela-i te in lam chu a thlir vang vang a..
Vuak thawm chu a reh zui mai a..reiloteah chuan Angela-i room tukverh chu a rawn in hawng a,hmel pawr deuh phang leh a tap ani tih hriat takin Angela-i chu a rawn dak chhuak a...a mittui a hru zauh zauh bawk a..Kima chuan Angela-i dahna tukverh lam pan chuan a insawn hlek a...Angela-i'n Kima hmel a hmuh chuan a lungchhiatna a zual ani tih hriat takin a in a tap nghal hlawp hlawp a...Kima chuan tawng a han tum a,mahse a thei l a,a hrawkah engemaw ni in a hnawh tlat..a tawngri thei tlat lo...ana a ti ani..a hmangaih tap lai han thlir chu..
..Angela-i chuan lehkha a rawn thlak zauh a...Kima chuan ngawi rengin a chhar a..a hmangaih mittui tla chu a thlir zui ngam tawh lo muang changin a kal liam ta a....
In a thlen chuan muangchangin lehkhathawn chu a phelh a...
Kima..
Ka nun hi..ava hreawm tak em..ka hmangaih che asin...
Kima..ka nu in kan fa hi ka tihtlak duh loh chuan in atang a chhuak turin min ti a...ka rilru hi a buai zo vek..mahse thutlukna chu ka siam fel ta..ka hmangaih nangnen a kan fa hi a thih ka phal dawn lo..ka phal ngai hek lo ang...ka pai tlang dawn a..in hi ka chhuah san bawk ang...zanin dar 9:00 velah ka chhuak ru dawn a..kei hmangaihna avang a mi vakvai hi min hmangaih tak tak anih chuan in khaw lam kawtchhuahah khan min lo nghak dawn nia...
Angela..
Tih hi alo inziak a...Kima chu a in hum ruh a.."Angela..ka lo kal ang..ka lo kal mawlh ang,ka hmangaih ka phatsan lo ang che"tiin a phun mawlh mawlh a...
Kima chuan engmah zep tit tet hun ani tawh lo tih a hrechiang a..a nutei eirawngbawl a,buai mek chu a pan phei a..ngawi rengin lehkhathawn chu a pe a...a nutei chuan"Mama..enge ni ta a..?"
"nute...han chhiar ve teh"
a nutei chuan ngun fe in a han chhiar a...Kima chu a en pah zauh zauh bawk a..."Mama..ava mak ve"
"nute..engkim ka hrilh fiah vek ang che..."tiin Angela-i nen an chanchin zawng zawng chu kimchang takin a bul atangin a hrilh vek a..a nutei chuan Kima chu alainat hle ani tih a hmel atang chuan a hriat theih a...a tawpah chuan"mama...lungngai rengreng suh aw...zaninah chuan khawiah mah kal chi ani lo ang..Angela-i chu he tah lo hruai phawt ang che..a ti a.
Zan a lo thleng a,Ruatkima chu khumah a mu zan a..sana a en sek tawh a..dar 8:30..hun chu a kal muang deuh ruih hian a hria a...
Angela-i erawh chu room chhungah ngawi reng in a thawmhnaw a mamawh zual ni a a hriatte chu a khungkhawm malh malh a...pawn tukverhah chuan kalpah a lak mai theih turin a theh thla a...room atang a a chhuah chuan a nu no lo zet a lo melhtu chu en pawh en lo in"Zautei te inah ka riak dawn ania"tih pahin a nu chhanna pawh nghak lemlo chuan a chhuak nghal daih a...nunkawng hreawm tak zawh tir a,in atang a hnawt chhuaktu chu zah pawh a zah duh bik tawh lo a...
Ruatkima te khaw lam panna kawng chu a zawh nghal a...kawtchhuah ava thlen chuan amah lo nghak reng tawhtu Ruatkima lam pan chuan a tlan a,Ruatkima chu a kuah thlawp a..engmah sawilo in a insut nghal hlawp hlawp a..Kima chuan duat takin a lo kuah a,a sam tle sep sep chu a chul sak heuh heuh a..
"Angela" "Ummm" "Kan inlamah kal ang aw" "Kima..a va zahthlak duhawm ve i nutei ten min hau ang" "Hau lo e a,engkim ka hrilh vek tawh alawm..nutei kan inlamah lo kal phawt ru a tih vang alawm.." "Tak tak maw?" "Aw..hawh kal nghal ang..mi in min hmu palh ang"a ti a,Angela thil khai lai chu a khai sak a..Kimate inlampan chuan an in zui let leh ta a..
Kimate in an thlen atang a reiloteah Kima nutei pawh alo lut ve hlawl a.."Kima..naktukah in venglam pan tur motor a awm a..chutah chuan inkal dawn nia.."a han ti chu Angela hmel dur khap maiah chuan hlim hmel a lo lang a..Kimanutei vek chuan.."roomah awm ula..inkalh hnan tlat ula..chutii lo chu..mi in an hmu che u ang a, a buaithlak zual palh ang..
..Khumah chuan Kima awm nghengin Angela-i chu a bei chaih a..Kima chuan duat leh hmangaih tih hriat takin alo kuah chial bawk a...hmangaihna diktak chu harsatna karah pawh a dingchang thin a...,beramtalhtu in beramte an tam vang ringawt a a hlau ngai lo ang hian..buaina leh harsatna atam vang ringawtin hmangaihna chu a tihbo in a awm ngai lo a..buaina leh harsatna te pawh hmangaihna tipungtu an ni fo thin zawk si a...
An infawp a,an inkuah a...harsatna chhum zing chungah thu in hlimna eng chu an chen dun a..
Zingkhua alo var a...pheikhai zang veh voh in Kima chu a tho a..Angela-i mu,thaw sêk sêk lai chu dimte in a fawp a..Angela-i chu a rawn meng siar siar a..a nui sek a..a biang chul mek tu Kima kut chu vuanin a a lamah a pawt hnai salh a...Kima chuan"Angela..tho tawh ila..ka chhuah har ltk chuan mi in min hmu hman palh ang"a tisap a...
Angela-i pawh muangchang lo in a tho vat a...Kima te khawlama haw dun tur chuan an insiam a..an insiam buai vel lai chuan Kima nute i chu alo tho ve a.."Kima..kal thuai ula..a tha ang..mi in an hmu palh ang che u..bakah pu sawmaten pick up in inkhua ami thingzai an phur dawn a..zing kal an tumin ka hria...mahse lo nghah ngawt chi chu ani lo ang..kal ula..an rawn umphak hunah che u inchuang dawn nia"a ti a..
Mihringte hian hmalam hun kan hre si lo...thihna kut vawt hian hmangaihte chu a then hrang fo thin a....vanduaina chungah vanduai leh zualna chu..
Harsatna leh manganna karah pawh hmangaihna avangin mi an hlim thin...
Inkai rialin Kima te khawlam kawngah chuan an kal a....an hmel a hlimna chhiar sen loh inphum chu eng pawisa mahin a lei thei lo a, a buk tawk a hlu rangkachak lah a awm hek lo..hmangaihna chauhin a pek theih hlimna chu....
Angela-i bianga a thlan lo luang chu Kima chuan a hruk hul sak a,"Angela..i hah tawh em?"
Angela-i chu a nui sak a"Hah lo e...i bulah te chuan"tihpahin Kima chu a melh ralh a...Kima chuan Angela-i chu a pawt hnai a..zo tih hriat takin a pawm kang nawlh a..a kalpui nghal a..Angela-i chuan nui ar ar chungin"Kima..ka hah lo ka tih kha..mi in min hmu ang..a zahthlak"ati chul a..Kima chuan Angela-i tawng lai tawp chatin a hmuiah chuan a fawp vang vang a...leiah a nghat leh a....Angela-i chuan Kima ban hnuaiah a ban rawlh lutin in si chetin an kal leh ta a..reipawh an kal hmain motor lo kal thawm a ri vung vung a..kawikhat emaw lek an kal leh hnu chuan Kima nutei sawi lawk ang ngeiin pick up chuan a rawn umpha a,engkim a nutei'n alo sawi lawk vek tawh avangin pick up chu an zawn a rawn thlen chuan a ding chat a..Angela-i leh Kima an lawn hnu chuan an tlan zui leh nghal a..
Kima awm ngheng diai in Angela-i chu a thu a...tumah rawn hmu tu tur an awm lem lo bawk a..an inkuah a,an infawp deuh reng bawk a...
Ralkhat atangin Senzo khua chu alang ut tawh a..an tlan tluan chuan darkar chanve velah Kima te khua ah chuan an lut tawh mai dawn ani..Kima chu lawm avangin a nui sak a..mahse anu leh pa te hmuh mawlh mai chu a huphurh thung a...kawng chhia leh rualrem lo avang chuan duh angin motor chu a tlan chak thei lo a..an insawh phei naw naw a..Kima leh Angela-i chu an in en a,an nui dun hawk hawk a..