NGAIHZUAL chapter-7
(Taitea FF)
(Zan in hi tunkar a ka dah hnuhnu ber tur a ni a, karleh monday zan aṭangin ka rawn dah leh thei chauh ang aw….)
Ka hmai te phih a mut ka tum vêl lai chuan kawngka chu an rawn kik leh karh karh a, hlauthawng ru taka “Tunge?” Ka tih chuan “Keimah” rawn ti tu âw chu ka hai lo kher mai, ka hawng vat a, a hmel pawh ka en ngam tawh lo, “I mu daih tawh ang chu ka lo tia” ka han ti a, a mut tawh ka rin vang pawh a ni lo, han sawi mai tur ka hriat loh vâng zawk a ni,“Dar 10 pawh a la ri hleinem” tiin ṭhutthlêng sei ah chuan a ṭhu ta rân mai, a hnunglam aṭang chuan ka en leh ṭhin, engemaw sawi tum a nei tih ka hria a, mahse ka ngaihthla ngam lo, ka hlau a ni, inṭhen a sawi ka ring nghet hmak a, mahse hmaichhanah ai chuan Phone kal tlangin min rawn ṭhen zawk se tih techu ka ngaihtuah a, hrehawm ka van ti tak êm, mahse dem thei ka ni bawk si lo, “Thingpui lum a ngai lo a nia” a rawn ti a, “Aw le” ka lo ti mai a, ṭhutthlengah pawh chuan ṭhu ve ngam lok lo in gas bulah chuan ka tei sek ringawt, “Lo ṭhu lok la, in be lok ang” thu tak deuh taka arawn tih chuan ka lungphu a rang nghâl dup dup mai, ka âwm chu dawmin thâwk ka han halh a, a bulah pawh ni lo a bula ṭhuttleng sei pakhat ah chuan ka ṭhu ta zâwk a, “Ka ṭawngṭai a” tiin min rawn enkar a, ka lo melh zawk ringawt, “I nunhlui vâng hian ka dem lo che a, hmusit tûr che in engmah ka ni bîk lo, mahse…” a ti a a châwl leh dat, ka thaw techu a chham mai dawn in ka hria, “Mami ka hmangaih tawh che in ka hria” arawn ti chuan ka en zawk a, “Ka ṭhen thei lo che, ṭhen ta che pawh ni ila i tello in ka awm thei lutuk ang, mahse i hlim ka duh a, vênhim che ka duh a ni, ka rilru a awm ang pawh hi ka sawi chhuak thiam lo, ka rilru chu a na lutuk a, mahse ka hmangaih che” arawn ti nih chu, mittui luang ngiai ngiaiin ka lo en reng thung, min ṭhen zawk mai se a na lo ni mai tur, a va han mawl tak tiin ka ngaihtuah a, mahse a thutthlûk na chuan min ti hlim êm êm tho si a ni.
“Hmangaih tlâk pawh ka ni lo asin” khûr hlak hlak chuan ka lo ti a, ka kutah chuan rawn vuan in, “Tiang lam chu ngaihtuah tawh lo ang, khawnge i thawhnaw pack tûr chu?” Tiin a han hawi chhuak nghal ruai a, “Engmah ka la ti lo” tiin ka mittui tla chu ka hru sawk sawk a, “Make-up i hman loh hian i ṭha zawk a nih hi” tiin a han nui sak a, ka lo nui ve sak ringawt.
Hlim tak chuan kan theih ang ang chu min pack pui a, bungrua hi chu ti hian kal san mai ila, remchân veleh han lâk leh hisâp in ka ti rilru a, a dang erawh lâk ka duh rih lo thung, kan chêt zawh meuh chuan 12 alo ri ṭêp tawh,
“I ṭawngṭai chuan engtin nge alo chhân che a?” Tiin ka zawh châk em em ka zawh ngam si loh chuan ka han zâwt leh kher a, “Chhânna ka hmu nghal bik lo,mahse ka rilru kha a harh fîm thuai a, ṭawngṭaina zawng zawng chhân ni vek se kan thi phuk phuk dawn asin” a ti zui leh kher chuan min ti nui hak, “E taka, naktuk lamah Matei alo chho dawn a, chah duh te i nei em?” Ka lo ti vat, “Nei lo, rawn ṭawng tlêm deuh tawh se a tawk a ni mai, in in ang lo emai” a han ti zawm leh zat a, ṭawng tam ka lo in tih vei nen, ṭawng tlèm min tih ka vawikhat hriatna, “Ka ṭawng tlêm i ti mi?” Ka tih chuan, “A mawi tawk vel chiah” alo ti mai a, ka nui zui hak.
A haw hnu chuan Uluk lutukin ka ṭawngṭai a, ka lo huaisen tawh zia leh Pathiana ka in nghat hi a inchhîr awm loh zia ka hre thar leh ta a ni ber, lâwmna tûr hlîr hi ka nunah hian a thleng reng mai a ni, ka harsatna tawh tepawh kha a pawi ka ti ta lo, puitlinna zinkawng ka zawh zinga min ti fing vâr ber tu kha a ni tlat a ni, engkim hre chunga min hmangaih tu mipa ka tawng chuan mahni inrin tawkna min pe thar leh ni maiin ka hria a, ka phurrit te lâk kian a nih vang nge ni ka zâng huai a, ka thaw tehi a veng hawk ni berin ka hria.
A tuk lamah chuan zîng lamah ka u ka cousin Mapuia leh Matei techu an lo thleng a, ka haw tawh dawn vangin Taitea te in ah chuan chaw kan ei tlâng vek bawk, in ngai ru em em chung siin kan ti lang lo ve ve a, ani phei chu a inthup leh lutuk chuan min ti thinrim lek lek zel, kan hlim tlâng bawk a, car ah chuan ṭhu in ka han hawi lêt vang vang a, ngawi renga uluk em em a min lo en tu chu love sign ka hmuh zauh, a rawn nui ta var var a, kan in bye bye lauh lauh hnu chuan Aizawl lam panin kan tlân ta vung vung mai.
Kan in kan thleng chu khua alo thim ruih tawh a, ka room a in dah fel zung zungin zanriah techu kan ei a, ka inbual fai nghâl bawk, Naktuk lama join tur ka nih vangin ka khumah chuan ka lehkha pawimawh techu ka han pharh nuai a, ka phone rawn ri ral ral ka en chuan nui var varin ka la vat a,
“Min va rawn be lo ve?” Arawn ti nghâl ringawt, “Awi ka la buai char char alawm, tihpalh aw” ka tih chuan a thaw hak rî chu ka hre thei, “Enge i tih a? Mam mam te ei tawh em?” Ka lo tih chuan arawn nui ve hak a, “Ka ei thei lo, ka ngai lutuk che a” arawn tih chuan ka hmui ka lo ti pawrh nasa mai, thu ho te te sawiin kan ti ti reng a, kan in be rei ta phian a, “Ani pawh Aizawlah rawn chhuk a tum thu te sawiin a hun erawh ala chian loh thû te a sawi a, ka hlim ru nghâl veng veng mai, enge a rawn tuh dawn tih erawh a sawi hran lo, kan inbiakna kan tih tawp hnu chuan whatsapp ah lût in ka number hriat ngai loh aṭangin message alo awm ṭeuh mai, a message ka hmu chiah chu ka lungphu a su lehnghâl dup dup tawh,
*Mami, ka tihpalh” tiin thlalak hi min rawn thawn a, ka en chu Facebook group pakhatah ka saruak han ti mai ila kekawrte leh kawrhnuai nena ka awm chu alo post a nih chu, ka hmelah erawh Emoji love dum hi a dah a, ka bîng mup mup a, ka thâwk te hi a buai vekin ka hria, Taitea message arawn thleng a ka en chu, *Icon ah tel ve ka tum a, ka thlen sân phei chu ka ring lo a, mahse tel ve hrim hrim ka châk a” tih hi alo ni, ka reply lo, awm dân pawh ka thiam lo, ka hlau a, ka khûr zawih zawih reng mai, chutah Lalhruaizela bawk chuan min rawn call a ka la nghâl vat, “I ṭhen vat lo a nih chuan a i hmel ka ti lang ang” arawn ti a, chhâng turin chakna ka nei lo, ka tho hluai a, ka kal kual a, lawmpuina leh duhsakna hlân awm tak ka ni, mahse ka rilru lah chu a bîng mup mup mai, “LalPa hei hi ka tana ṭha ber tura i ti a nih chuan ka vui ngai lo ang, Engkimah ka lawm e” ka ti chhuak sap a, Lalhruaizela chua call in “I duh ang chuan ka awm ang, mahse min beisei tawh suh ang che, ka ṭhen ang ka ṭhen em em ang, mahse i nupui kha i ṭhen lo a nih chuan min rawn be bîk tawh suh ang che” ka ti ve ta hmak a, a ṭhen ngam dawn lo tih hi ka chiang ve èm a ni.
Taitea pawh chu reply lo in ka mu ta ngar ngar a, mahse chumi zân chuan chhîn khat mah ka chhîng lo, ka rilru na lutuk leh ka hrehawm ti lutuk chuan min ti mu theilo a ni ber, Taitea rilru tûr ka ngaihtuah a, eng angin min ngaih ang ka hre lo, keimah ber pawh hi a ni, vawikhat mah ka la sawi ngai lo na in Kei ngei pawh hian ka hmangaih tawh ni berin ka hria, kha hun reilote kha ka nuna ka hlim ber ṭum leh ka thlamuan ber ṭum a ni a, engtikah mah ka theihnghilh theih ka in ring tawh lo, tunah chuan a tana ka tih theih hnuhnung ber tiin zing lam dar 4 rîk dawn ah chuan a chhiar tur message thui tak chu ka type ta mial mial a.
*Engkim vang khan ka lawm e aw, mahse inkawp reng hi ka theih ka in ring lo, ka tihpalh aw, i rilru tih nat ka duh vâng a ni lo a, keichu i tan ka tling lo êm a ni, a ṭha ber ka duhsak che a, engtikah emaw chuan mi hriat khawpin i talent tehi Pathian in ala pho chhuah sak ngei ngei ang che, keichu min theihnghilh la, hma lam pan la, I awm dan ngai khân i awm reng dawn nia*
Tih chu vawi tam tak tak type ṭha a ka delete leh hnu ah ka thawn thei ta hrâm a, ka ṭap tlaivâr ti tih ni ber in ka hria, mit bui lûk in zing dar 6 a rîk chuan ka tho a, bathroom darthlalanga ka in en chu ka hmêl chu leh…a râp awm zawk, ka meng sen rûm mai, ka khabe ah ar ngêng lian tawk alo la awm zui, ka mit chu a vûng emaw tih mai tûr a ni, ka inphih fai a, ka mitah chuan vûr in ka dep pah zauh zauh bawk, thingpui ka lum zui a, reivak lo ah ka pa pawh a rawn tho ve a, thingpui ka lo siam nghâl thuai, ka nau pawh rawn tho in pawn lamah chuan a ui duat em em nen an in fiam zui a,
“Vawiin ah chuan i join dawn maw?” Arawn tih chuan ka lo bu nghauh a, “I hlawh tepawh a pung ve tawh ang a, pasal neih lam tehi i ngaihtuah ve lo maw?” Arawn tih chuan ṭah insûm takin ka lo nui sak a, “Aaaa….neih tur pawh ka la hmu lo” ka lo ti mai a, ka âwm a min hnawh ut ut tu vâng chuan ka chil ka lem khalh, ka nu pawh a rawn tho a, Matei erawh atho har ber ziah thung, “I va tho hma ve?” Ka nu chuan arawn ti a, ka chhâng lo, “Hei a hlawh a pung tawh dawn sia, pasal nei la ka lo ti a nih hi” ka pa chuan a lo ti a, “Aw….Bawktlâng lam ami kha kan chah thla mai dawn em ni?” Ka nu chuan nui har har hian alo ti a, ka nui ve thei dêr lo, ka mittui arawn hnâm ringawt nia, “Ka va hmu ve châk ve, a tu kha nge?” Ka pa in alo tih chuan, “Aw a in luahna tlangval tê kha, hmelfai ving veng deuh kha” ka nu chuan alo ti a, Chutianga mipa dang tawnga nunthar ka nei chu min lawmpui tih ka hria, “Matei ṭhianpa zawk emaw ka tia” Ka pa chuan alo ti leh a, a chanchin an sawi an sawi takah chuan ka mittui chu a rûk in ka hru ka hru mai, “Sawi tawh lo teh uuuu” tiin ka room ah ka tlán lût a kawngka kalh in khumah chuan ka ṭhu hnawk a, ka ṭap leh ta, chuti taka min tina chu keipawn mak ka ti, heti êm a ka nat hi ka in ring bìk lo, ka phone chu ka han en lek dêk dêk a, Taitea message leh call alo awm ṭeuh mai,
*Chutiang rilru i put chu ka lo ring phâk lo a sin, tihsual ka nei em ni? Nge ka hmangaih ang che hian min lo hmangaih ve ngai reng reng lo zawk?* tih te,
*Ka lo chhuk hunah kan sawi fel dawn nia*
Tih in thû a ti tâwp a, “Mam lo hawng teh” tiin ka nau chuan kawngka arawn kik dawt dawt a, “Aw” tiin ka mittui chu ka hru sawk sawk a, ka hawng zui vat, chiang zet hian min lo en a, “Taitea’n min rawn bia a, Enge awm zia?” Arawn ti lût a, khumah chuan ka ṭhu zawi hnak thei, “Engtin emaw deuhin a vo che em ni Lalhruaizela khan?” Dam dap hian arawn ti a, ṭap pâr chungin ka lo bu nghauh, “Ka thuthlûkna hi min pawmpui hrâm rawh Mate, thil thui tak thlîr chunga ka tih a nia” ka lo tih chuan ani pawh beidawn hmel fê hian a thaw deuh halh, “Engpawh ni se chhan mumal awm lo lutuk chuan ṭhen lo la, chhan ṭha tak nei se la” a ti ve a, engmah pawh kan sawi zui thei tawh lo, boruak a rit em em reng mai ni.
Ni 2 lai a liam leh hnû chuan keipawh kan in aṭang ngeiin ka hna ka thawk thei dawn ta a, mahse zan erawh ka la mu mumal thei lo, Taitea pawn min rawn be zui lêm lo a, Matei bulah arawh ka chanchin alo zâwt ziah a ni awm e, ka ngai a, ka be châk viau na in, ka tih tawh chu ka tih tawh ti tlat mî ka nih vangin ṭhian anga va biak zui tumna pawh ka nei lo, ka inbual zo ka room a lotion ka lo inhnawih hlap hlap lai chuan ka room kawngkhâr arawn ri rak a, “A u lo chhuk vat teh, u Taitea kha alo kal a” Ka nau Mama chuan arawn ti ta mai, ka lungphu arang leh dup dup tawh a, “Aw ka rawn chhuk ang” ka tih chuan a chhuak leh mai a, ka nu leh ka pa an awm lo a, Matei arawn la haw lo bawk, inthlâk sawk sawkin hreh ru tho si, hmu châk tho si chuan ka awm ni berin ka hria, ka chhuak chu sofa a ngawirenga lo ṭhu ka hmuh chuan ka chil ka lem khalh a, min rawn hmu chu min en deuh vang vang mai,
“Khawnge midang hi?” Pangngai tak hian arawn ti a, kei erawh inthiamlohna leh hrehawm tihna in min tuam ut ut mai,
“Ka nu leh ka pa chu khawhar in ah an kal a, Matei chu alo la haw lo” ka lo ti mai a, Min be zui tawh lo in ka nau nen chuan an inkawm zui malh malh a, “Khawi ah nge i awm a?” Ka tih chuan, “Ka ni te in ah, ka nau scooty ka rawn hmang a” a ti leh mai a, ka lungphu rang dup dup reng chu hrehawm ka van ti tak, Amah lah chu engmah thleng lo ang mai hian a awm a, engtin nge a theih zawk le? Enge thleng zel dawn ka hrethiam lo.
NGAIHZUAL (Youth icon Taitea fanfiction) BY Hlutei Jocund Pachuau (Completed)
NGAIHZUAL CHAPTER-8
(Taitea ff)
By Hlutei Pachuau
(Ka reh rei ta bawk a, rawn dah leh zung zung tawh ang aw, ka story te in lo ngaina a ka lawm vek e 🥰)
Ka nau chu eng engemaw sawi puiin a ti ti pui luam a, a be thiam ngei mai, “Engemaw in tur i duh em?” Ka tih chuan “Aih duh lo e, rei ka awm lo ang” rang zet hian a lo ti a, Chutah Ka nau chu a ṭhian techuan futsal khêl tur hian an rawn sawm a, hmanhmawh taka insiam in a tlân chhuak zui a, kan pahnih chauh chuan kan ni ta, Matei lo haw hun ka nghah hlelh hlê a, awm dân tûr pawh ka thiam lo,
“I hmel ka hmu a ka sawi tum zawng zawng a bo vek” arawn ti chhuak hlawl a, ka en zawk ringawt, melh pawh ka melh ṭha ngam lo, “Engmah sawi a ngai lo” ka lo ti a, a thaw halh rî techuan min ti hrehawm ngei mai, “I rilru put hmang hi ka hrethiam thei lo, Ṭhen che hi ngaihtuah pawh ka la ngaihtuah lo a sin” arawn ti leh a, ka chil ka lo lem khalh thung, “Inṭhen hi a ṭha zawk in ka hria, kan kawng tûr ve ve hi zawh ila, inkawp tur kan ni lo a niang” ka lo ti leh thei hrâm,
A ngawih tâk vang vang hnu ah chuan, “Awle….i duh ang chuan ni rawh se…” nghet charh hian arawn ti a, ka sa chhuak zawk thei, ka duh dan chu a ni ngei a, mahse min va ti na kher êm, ka ka theih tawp chuan ka ṭah chhuak lutuk chu ka insûm hrâm hrâm a, “I hlim hi ka duh ber a, ngaihdam min dil kher a ngai lo a nia, min hlat i duh a ni mai a, i duh ang chuan ka pawm e, mahse, ka hlimna aia i hlimna ka ngaihpawimawh zawk vanga pawm ka ni tih hi hre reng rawh aw” a rawn ti a, a thusawi tawi te chuan ka ngaihtuahna ava han ti kal thui tak êm,
“I duh ang chuan ni rawh se, mahse ka theih chen chen ngaihzawng neih rih loh ka tum anga, ka lo nghâk ang che, chu chu ka hmangaih zia che ka lantir theihna awm chhun a ni, ilo lêt ta lo a nih pawh in ka dem hauh lo ang che, i tan a ka tih theih hi a tlêm êm a, dem thei che ka ni lo” a ti leh a, hnuailam a melh tlat tawh, ka mittui luang chu ka hru malh malh a, ka aw râwl tâwpa ṭah vak mai chu ka duh a, mahse a ṭhen tu han ṭah nghek lah thil dik a ni si lo, ka laka a beidawng ta mai chuan min tina a, chuti tak maia ka na chu keipawn ka in hrethiam bîk hauh lo, khâ hun reilote kha ka tan alo hlu êm a nih dawn hi ka ti ta a ni.
Kha mi zan aṭang khan thla 2 dawn a liam leh ta, kan chhungkua in Mizoram puma reality show hlawhtling ber, Youth icon result an puan zan chu kan en ṭhap a, Lalsangliana pakhatna ti a an han puang chiah chu ka nau te pahnih phûr taka an au laiin kei erawh chuan TV a Taitea mittui tla chu lainat takin ka lo en reng a, “I ti thei ta” tiin ka phun sap, kan inṭhen tawh tih an hre vek chunga ka chhûngte’n an la support em em reng techuan min ti hlim a, a hlawhtlinna chuan eng ang khawvelah nge a hruai dawn hre lo mahila, ka rilru in ala ṭawngṭai pui reng a, a ṭha ber ka duhsak reng bawk, a nunhlui ka hria a, ka khawsak ṭhin dan nen, a phû takzet a ni, Pathian hnenah chuan lawmthû ka sawi mawlh mawlh reng bawk.
“Mam, Va phei ve ila, an in lamah” Matei chuan phûr fê hian arawn ti a, ka châk vak lo, ka hmuh ngam pawh ka ring lo, “A…a zahthlak dawn emai” ka lo ti a, “Enge zah thlak? Ka kal ngun e, ka va in ti thû ber ang, insiam rawh” a rawn ti a, phûr lo tak si, châk ve tho si chuan ka awm ve tho bawk nen, ka insiam ve nghal mawlh mawlh a, min hmuh hunah mak a ti viau ang le? Min lo hriat duh tawh pawh ka ring lo, mahse a hlawhtling lai hmel hmuh hrim hrim ka duh avangin ka huaisenna zawng zawng nen chuan kal chu ka tum ruh ve hle.
Scooty chuan an inkawt kan thleng chu an lo ṭhahnem khawp mai, tumah ka hmelhriat ka hmu lo, “Kimkim, in lo kal chu a va han tih zia tak, thingpui hi lo sem pui ve r’u” Taitea ni chuan a rawn ti nghäl bawrh bawrh a, tuman min hre chuang lo bawk a ka zak duh bìk dêr lo, “Awi kan rawn thleng ve chiah a” Matei chuan alo ti nghal bawrh bawrh nia, ka inthlahrung lutuk chuan ka nghawk zauh,a ni chuan min rawn en leh zak zak ṭhin, “Ka u a nih hi, Taitea te in kha a han luah ve ṭhin a” alo ti a, “Ka hmuh hnu i ang ka ti rêng a ni” tiin min be nghal bawrh bawrh a, tlêm chuan nuam ka ti ve ta deuh, chutah tleirawl ho an rawn leng lût sap sap a, Taitea fans te vek an ni, an chhungkhat laina pawh an awm lo, chutiang ka’n hmu techu ka lo hlim veng veng nia, hetia ka awm chhan hi lêt leh ka tum vâng a ni lo a, a bialnu hlui ka nih vang lam a ni lo, a hlawhtlinna ṭawmpui ka duh vang mai chauh a ni.
Chutah an vai chuan Hall lamah an chho ta diak a, A ni pasal leh kan unau leh an ṭhenawm tlangval te nen chuan kan awm ta reng, an ṭhenawm ami chu kan thawhpui pa alo ni hlauh bawk a, an in kan lo nghah sak a ni top, rawn lêng lût an awm zauh tih loh chuan boruak a reh duk mai, haw mai kan duh thû kan sawi lahin a patea chuan nghâk chhuak law2 turin min ti tlat mai bawk si, ka nau lah ala haw peih lo tih ka hre reng, rei fê kan awm hnu chuan dar 1 rik dawn ṭepah an rawn ri thla nak nak hlawm a, motor rî nen, an gas bulah chuan inthlahrung takin ka lo ding ngawi kar thung, chutah an rawn lût ta huk a, Lalsangliana ngei chu suit nen arawn lût ve a, mi an tam avangin min la hmu mai lo, Ka nau chuan ring zet hian alo au a, an in biak bawrh bawrh lai chuan thla lâk pui duh an rawn lût zui ṭak ṭak hlawm a, Matei chu thla la tû ah alo ṭang nghal zat, “Kimkim i û kha khawnge? Thingpui hâng kha lo sem leh ula” a ni in ahan tih takah chuan Taitea chu arawn hawi nghal thuai a, en pawh ka lo en ṭha ve ngam lo, a hlim hmel chu mak ti hmelin a rawn in thlâk a, chhuan lamah no chu ka lo la a, thingpui chu ka lo thli nghâl bawrh bawrh thung, keimah ngei chuan ka va sem leh vek a, min be miah lo na in min en leh vang vang ṭhin tih ka hria, keipawn ka be bîk chuang lo, chutah a bulah chuan ka va sem a, “Tui ka lo in ṭeuh tawh a, ka puar” zâng vah hian alo ti a, ka iptê a Lion bûr ka ah chu ngawirengin ka pe a, “Ka lawm e” tiin a lo la ve mai, “Lawmpuina min hlân ve dawn nange?” A rawn tih chuan, “Ka chhuang lutuk che” ka lo ti ringawt a, midangin an rawn chìm leh tak avangin ka lo inthiar fihlìm zui vat a.
Ka khuma ka mut meuh chuan alo tlai tawh ngei mai, ka phone chu ka en a, hmun tinah Lalsangliana chanchin chu an lo post ni maiin ka hria, fans a ngah lutuk techuan min ti hlim êm êm a, whatsapp status ah chuan hman ve ka tum ûk a, amah chu hide in ka hmang ta a, a en phei chu ka ring chuang lo na in enge ka hide chhan pawh ka hre chuang lo, chutah a number aṭang ngei chuan ka rin loh lutukin call ka dawng ta hlawl mai,ka ṭhu chhuak hluai a, ka la nghal vat,
“I va cher ve?” A rawn ti nghâl,
“Chêr ami? Enge i an? I chau viau lo maw?” Ka tih chuan, “Aw…ka mu a ka chau tih ka in hre chiah, a hma kha chuan ka in hre miah lo ka hlim lutuk a” arawn ti a, a awkî pawh a zâng vah mai, “Chawl hahdam rawh, a tlai tawh êm hi” ka lo tih chuan, “Aw ka mu dawn alawm, ka beisei loh lutukin ka hmu thut che a, zan in chu mak tihna hlîr in ka khat a, rilru fîm pawh ka la pu thei lo” a rawn ti a, a awm dan tur chu ka hrethiam khawp mai, la tawng ve lem lo mahila, “Ka lawmpui lutuk che aw, Pathian hre reng la, i dinhmun ang thleng pha hi mi tlêm te chauh an nia” Ka tih chuan,
“Enge ka tihsak ang che, hetiang dinhmun ka thlen theih nachhan pakhat chu Ka ṭhian te, ka chhung te leh Pathian tih loh ah chuan nangmah i nia sin, lawmthu sawi te ka duh a”
A rawn ti a, ka lo nui hak,
“Engmah a ngai lo, nangmah kha ni reng la ka duh, engtikah emaw chuan nangmah duh em em tu che, i fans te emaw, i zai ngaina tu tepawh hian nin hun an la nei dawn che a, i awm dan apiang sawisel hun an la nei dawn, nangmah hmangaih tu ni a inchhâlte ngei pawh hian i tih sual ni miah lo a huat hun che an la nei ang, tun aṭanga kum 10 emaw kum 5 velah pawh a ni maithei, tah chuan nangmah kha ni reng tho rawh aw, mahni in hlauh lo in, ṭha takin i hun hmang la, i tih lawm tur chu Pathian chauh a ni tih hi theihnghilh ngai suh, mahni in hlauh hi khawvela thil hlauhawm ber a nia, midangah in nghat lo in muangchângin i ke pen zel la, chak deuha i tlân chuan i tlûk palh hun a thleng mai ang, muangchang leh fimkhur takin i awm dawn nia, Engkimah Pathian râwn zel la, mi tumah hi famkim kan awm lo a nia”
Tiin ka thiam ang tâwk chuan ka han fuih ve a, thudang em em sawi lo in kan inbiakna chu kan ti tawp ta a ni, Nun a hlim veng veng reng mai, ka bialpa ni tawh lêm lo mahse a ṭha ber ka la duhsak reng ka tih tawh kha, a nih tum chu hlawhtling takin ni reng se, engtikah emaw khuanu ruat kan nih chuan kan la in kawp ṭha leh mahna.
Hun te a liam ve deuh a, Taitea nen chuan kan in be ngai ta meuh lo, kan inṭhen chiang ta hle mai, mahse rilru nat vawng vawng châng chu nei ve ṭhin mahila ka nat dán pawh a zia chho ve zêl a, engkim erawh ka theihnghilh ta tihna a ni lo,hmangaih taka kan lo vawn ṭhin te hi chu thlah pawh an lo har nge nge a nih dawn hi ka ti ta.
Vawiin chu kan office in picnic kan nei a, kan hlim ve hle zaithiam an sawm tih thâwm tepawh ka hria a, mahse tunge a nih erawh ka hre mai lo, ka ngaihven hran lo bawk, program ṭan hma chuan hall ah chuan kan ṭhu ṭhap tawh a, ka phone ah chuan ka ṭhiannu nen kan in be mek bawk, kan department hi kan tam tham avangin nitina ka awm pui te tih loh chu ka hre mu mal lo, an ni pawh in min hre bik lo, chutia ka phone ka lo khawih mawlh mawlh lai chuan an rawn au ta chiâm hlawm a, chuta ka hawi chhuak chu ka mi hmuh chuan min van ṭhawng tak êm, Zaithiam lâr thar ti a an sawi chu Sangliana ngei alo ni, a incheina pawh a changkangin a hmel pawh hmuh a nuam hle a, sunglass a vuah avangin min hmuh ve leh ve loh pawh ka hre lo, kan ho tu te bulah chuan a ṭhu ve ta rân a, a tlar hma aṭanga chhiar a pathumna kil berah chuan keipawh ka ṭhu ve rân mai, hetiang hi engtikah emaw chuan ala thleng dawn tih hi ka hre lok tlat a, mak han tih a, min han barakhaih pawn ka hre hran lo,
“Awi a ṭhat zia khi” Ka thawh pui Mawii chuan a han ti leh ṭhin, chutianga an han duh em em mai techuan min ti hlim veng veng a, chhuang tak chuan ka lo en ve kar bawk, ngaihzawng a neih leh neih loh kan thawhpui pa in thiam taka a han zawh chuan a neih loh thu a sawi a, hmeichhe ho chang ni lovin mipa lam pawh an thâwm a ṭha dar dar hle, eng engemaw zawt kuala a kawm hnu ah chuan a zai ta a, Ngaihzual tih hla, ka hla duh em em mai kha arawn sa phei chu mittui a hnâm lo chauh a ni, ka duh zia a hria a, amah pawhin a sa fo bawk, a zai pah chuan thil pek an pe sap sap reng a, a tling khawm chu atam phian ang le, program a zawh chuan pawn lam chu kan pan sang sang hlawm a, biak ka châk hle na in ka ngam leh ta ngang lo, mipui kar aṭang chuan min hmuh hlau takin ka chhuak ru ta zâl zâl a.
Pool bulah chuan ka ṭhiannu ti ti ngaithla in kan ṭhu ta reng a, chutah ka ṭhiannu in a hnunglam a hawi chu, “Taite thla ka lo lâk pui che” a ti ta nih chu, mask ka vuah sawk sawk a, sunglass ka vuah ve zui bawk, “Mami, thla min lo lâk sak teh” ka rin ang ngei chuan arawn ti ta, ka bag chu dahin ka han ding chhuak a, sunglass a vuah tawh loh vangin a hmel chu chiangtakin ka hmu thei ta, khawdang hawi miah lo in min en ta reng a, hre lo der hmakin thla chu ka la zui mial mial bawk, phone pe tura an bul hnaia ka va kal chu “I dam ṭha maw?” Arawn ti ta ngei a, min hai lo chiang khawp mai, “Aw dam ṭha e, i hriselna te a ṭha em? I chau thei viau lo maw?” Ka tih chuan “Chau thei khawp mai, chaw pawh ka ei ṭha thei lova, ka cher tawh i ti em?” A tih chuan, “Ngati nge? In enkawl ṭha rawh, program i la ngah dawn chauh sia” Ka ti a, a nui zui hak, chutia kan inbia chu ka ṭhiannu chuan mak ti hmel fê hian min lo en a, in sawi fiah dan tur ka hre lo kher mai, nitina an ti ti tui ber chu Sangliana chanchin kha a ni a, in be em em lo pawhin an ni hnen aṭang khan a chanchin techu ka lo hre ve mai kha a nia, mahse engmah ka sawi ngai lo erawh min ngei viau ang le.
“I kal lehnghal dawn em ni?” Ka tih chuan, “Reilo te techu ka la awm ve ang chu, nangmah i lo awm bawk sia, Tlai lamah Kal kawi na tur ka nei tho a, heta ṭanga pan hi a awlsam a” alo ti a, mahse thildang kan sawi thui hma in thla lak pui duh ho in an rawn bawr tak avang chuan keipawh ka inthiar filhim thuai a, ka inthiar fi hlìm hma chuan “Lo kal bo suh” ka beng bulah arawn ti zui zauh, ka ṭhiannu nen kan awm chiah chu, “I van sual tak, in in hria tih sawi ve mai awm che” tiin min chhâl ta ngei a, “Bawktlângah khan ka awm ṭhin a, an in hi ka luah ṭhin a, ta ṭang chuan kan in hria mawle” ka ti a, “Awi a van ṭha tak, nakinah video siam tir la, min lo bye bye rawh se aw” a ti a, a ka hreh viau na in ka âw ta tho, a status pawh ka hmu tawh ngai lo a, ka number kha a delete niin ka hria, engmah demna tur ka nei lo a, min la be duh tehi ka tan chuan a lawmawm hliah hliah zawk.
In te ah chuan mahni in ka mu a, ka hritlan deuh vangin tui pawh ka chêng ngam ve lo, ka thaw techu a sa riau a, nachhawkna ka lo hmawm lai chuan Taitea pawh arawn lût hlawl, ka pum pawh a na leh riai riai tawh mai, tunlai chu lang em em silo hian hriselloh na ten min tlák buak ve reng a, ka nun zâng vah tekha a bo ve tial tial mai, a thlan a rawn hru zui mawlh mawlh mai,
“Eee…zu rim nen a ni tawh a, ka tlin tawh lo, hetah hian reilote ka awm anga ka kal mai ang” arawn ti a, ka dem hran lo, keini chu hetiang ti tawk hi an lo awm ve reng bawk nen, a in a tepawh dem chi an ni lo, kan khawvel chen dan a in ang lo a ni mai a, “I va nawm loh hmel ve?” Tiin ka chal chu a rawn khawih a, “Ka Hritlang awmna ve deuh a, ka la na ṭhin hrim hrim a” ka lo ti a, “I pang pawh a sa vur alawm” arawn tih chuan ka lo nui sak, kan in te awmna chu Di in a ni a, a chhuat pawh a fai avangin ani chu a mu a, kei erawh thlang lam hawiin ka ṭhu reng thung, “Ka status ah ka hide che a apawi lo tiraw?” Arawn ti ta hlawl a, Ka rilru hi a hre thei emawni le, ka ti rum rum zel, ka number chu alo save ṭha leh a ni mahna, “Pawi lo e, mahse tinge min hide kher a?” Ka lo ti a, “Hmeichhia ka lak pui nasa sia, hmuh hrehawm i tih ka ring a”, alo tih chuan ka nui sak, “Min ven thawn a ngai hleinem” ka lo tih chuan rawn tho in ka kutah chuan alo vuan a, ka la phu uih zui, “Aih, Mami, chutiang rilru pu suh aw, rei a ni lo ang, khawngaihin ngaihzawng lo nei lo hrâm rawh aw, min lo nghak thei angem?” Arawn ti leh ta, ka chhang lo, a hmel chu ka en vang vang a, ka mittui arawn hnâm ṭiam ṭiam mai, “Ka rilru hi a la pangngai reng asin, abakah nangman alawm min ṭhen, kei techuan ka ṭhen ve reng reng hleinem che” a rawn tih phei chuan ka mittui arawn luang thla ngiai ngiai a, ka rilru a in sual but but mai, “Mahse….” Ka lo tih chuan, “Engmah hlauh tur ka nei lo, ka neihsa te chân hi ka hlauh ber a ni a, engmah neih ka neih loh lai pawha min pawm a, thu ṭha tam tak min hrilh reng tu tehi ka chân chuan ka chhe vek a ni mai, tuna ka thil neih tam zawk hi chu chân reng thei ka ni a, a chhan chu Pathian vang leh nangni avanga nei mai chauh ka nia, ka tan chuan Ropuina leh larna aiin in hlu daih zawk” arawn ti a, ka mittui arawn hru zui bawk, ka biang a khawih lai reng chuan a kut chu lo vuan in ka ṭap chhuak ta hak a, “Engkim vang khan ka tihpalh aw” ka ti chhuak thei hrâm, “A tir kha chuan haw viau che mahila, hun a rei telh telh a, i tello chuan ka famkim thei tawh lo a ni, mahse i rilru erawh a zau hlê a ngai dawn nia” a ti leh a, ka chhâng ta lo, kei mi dawih zep hian engmah ka tiam ngam tlat lo a ni.
(Taitea ff)
By Hlutei Pachuau
(Ka reh rei ta bawk a, rawn dah leh zung zung tawh ang aw, ka story te in lo ngaina a ka lawm vek e 🥰)
Ka nau chu eng engemaw sawi puiin a ti ti pui luam a, a be thiam ngei mai, “Engemaw in tur i duh em?” Ka tih chuan “Aih duh lo e, rei ka awm lo ang” rang zet hian a lo ti a, Chutah Ka nau chu a ṭhian techuan futsal khêl tur hian an rawn sawm a, hmanhmawh taka insiam in a tlân chhuak zui a, kan pahnih chauh chuan kan ni ta, Matei lo haw hun ka nghah hlelh hlê a, awm dân tûr pawh ka thiam lo,
“I hmel ka hmu a ka sawi tum zawng zawng a bo vek” arawn ti chhuak hlawl a, ka en zawk ringawt, melh pawh ka melh ṭha ngam lo, “Engmah sawi a ngai lo” ka lo ti a, a thaw halh rî techuan min ti hrehawm ngei mai, “I rilru put hmang hi ka hrethiam thei lo, Ṭhen che hi ngaihtuah pawh ka la ngaihtuah lo a sin” arawn ti leh a, ka chil ka lo lem khalh thung, “Inṭhen hi a ṭha zawk in ka hria, kan kawng tûr ve ve hi zawh ila, inkawp tur kan ni lo a niang” ka lo ti leh thei hrâm,
A ngawih tâk vang vang hnu ah chuan, “Awle….i duh ang chuan ni rawh se…” nghet charh hian arawn ti a, ka sa chhuak zawk thei, ka duh dan chu a ni ngei a, mahse min va ti na kher êm, ka ka theih tawp chuan ka ṭah chhuak lutuk chu ka insûm hrâm hrâm a, “I hlim hi ka duh ber a, ngaihdam min dil kher a ngai lo a nia, min hlat i duh a ni mai a, i duh ang chuan ka pawm e, mahse, ka hlimna aia i hlimna ka ngaihpawimawh zawk vanga pawm ka ni tih hi hre reng rawh aw” a rawn ti a, a thusawi tawi te chuan ka ngaihtuahna ava han ti kal thui tak êm,
“I duh ang chuan ni rawh se, mahse ka theih chen chen ngaihzawng neih rih loh ka tum anga, ka lo nghâk ang che, chu chu ka hmangaih zia che ka lantir theihna awm chhun a ni, ilo lêt ta lo a nih pawh in ka dem hauh lo ang che, i tan a ka tih theih hi a tlêm êm a, dem thei che ka ni lo” a ti leh a, hnuailam a melh tlat tawh, ka mittui luang chu ka hru malh malh a, ka aw râwl tâwpa ṭah vak mai chu ka duh a, mahse a ṭhen tu han ṭah nghek lah thil dik a ni si lo, ka laka a beidawng ta mai chuan min tina a, chuti tak maia ka na chu keipawn ka in hrethiam bîk hauh lo, khâ hun reilote kha ka tan alo hlu êm a nih dawn hi ka ti ta a ni.
Kha mi zan aṭang khan thla 2 dawn a liam leh ta, kan chhungkua in Mizoram puma reality show hlawhtling ber, Youth icon result an puan zan chu kan en ṭhap a, Lalsangliana pakhatna ti a an han puang chiah chu ka nau te pahnih phûr taka an au laiin kei erawh chuan TV a Taitea mittui tla chu lainat takin ka lo en reng a, “I ti thei ta” tiin ka phun sap, kan inṭhen tawh tih an hre vek chunga ka chhûngte’n an la support em em reng techuan min ti hlim a, a hlawhtlinna chuan eng ang khawvelah nge a hruai dawn hre lo mahila, ka rilru in ala ṭawngṭai pui reng a, a ṭha ber ka duhsak reng bawk, a nunhlui ka hria a, ka khawsak ṭhin dan nen, a phû takzet a ni, Pathian hnenah chuan lawmthû ka sawi mawlh mawlh reng bawk.
“Mam, Va phei ve ila, an in lamah” Matei chuan phûr fê hian arawn ti a, ka châk vak lo, ka hmuh ngam pawh ka ring lo, “A…a zahthlak dawn emai” ka lo ti a, “Enge zah thlak? Ka kal ngun e, ka va in ti thû ber ang, insiam rawh” a rawn ti a, phûr lo tak si, châk ve tho si chuan ka awm ve tho bawk nen, ka insiam ve nghal mawlh mawlh a, min hmuh hunah mak a ti viau ang le? Min lo hriat duh tawh pawh ka ring lo, mahse a hlawhtling lai hmel hmuh hrim hrim ka duh avangin ka huaisenna zawng zawng nen chuan kal chu ka tum ruh ve hle.
Scooty chuan an inkawt kan thleng chu an lo ṭhahnem khawp mai, tumah ka hmelhriat ka hmu lo, “Kimkim, in lo kal chu a va han tih zia tak, thingpui hi lo sem pui ve r’u” Taitea ni chuan a rawn ti nghäl bawrh bawrh a, tuman min hre chuang lo bawk a ka zak duh bìk dêr lo, “Awi kan rawn thleng ve chiah a” Matei chuan alo ti nghal bawrh bawrh nia, ka inthlahrung lutuk chuan ka nghawk zauh,a ni chuan min rawn en leh zak zak ṭhin, “Ka u a nih hi, Taitea te in kha a han luah ve ṭhin a” alo ti a, “Ka hmuh hnu i ang ka ti rêng a ni” tiin min be nghal bawrh bawrh a, tlêm chuan nuam ka ti ve ta deuh, chutah tleirawl ho an rawn leng lût sap sap a, Taitea fans te vek an ni, an chhungkhat laina pawh an awm lo, chutiang ka’n hmu techu ka lo hlim veng veng nia, hetia ka awm chhan hi lêt leh ka tum vâng a ni lo a, a bialnu hlui ka nih vang lam a ni lo, a hlawhtlinna ṭawmpui ka duh vang mai chauh a ni.
Chutah an vai chuan Hall lamah an chho ta diak a, A ni pasal leh kan unau leh an ṭhenawm tlangval te nen chuan kan awm ta reng, an ṭhenawm ami chu kan thawhpui pa alo ni hlauh bawk a, an in kan lo nghah sak a ni top, rawn lêng lût an awm zauh tih loh chuan boruak a reh duk mai, haw mai kan duh thû kan sawi lahin a patea chuan nghâk chhuak law2 turin min ti tlat mai bawk si, ka nau lah ala haw peih lo tih ka hre reng, rei fê kan awm hnu chuan dar 1 rik dawn ṭepah an rawn ri thla nak nak hlawm a, motor rî nen, an gas bulah chuan inthlahrung takin ka lo ding ngawi kar thung, chutah an rawn lût ta huk a, Lalsangliana ngei chu suit nen arawn lût ve a, mi an tam avangin min la hmu mai lo, Ka nau chuan ring zet hian alo au a, an in biak bawrh bawrh lai chuan thla lâk pui duh an rawn lût zui ṭak ṭak hlawm a, Matei chu thla la tû ah alo ṭang nghal zat, “Kimkim i û kha khawnge? Thingpui hâng kha lo sem leh ula” a ni in ahan tih takah chuan Taitea chu arawn hawi nghal thuai a, en pawh ka lo en ṭha ve ngam lo, a hlim hmel chu mak ti hmelin a rawn in thlâk a, chhuan lamah no chu ka lo la a, thingpui chu ka lo thli nghâl bawrh bawrh thung, keimah ngei chuan ka va sem leh vek a, min be miah lo na in min en leh vang vang ṭhin tih ka hria, keipawn ka be bîk chuang lo, chutah a bulah chuan ka va sem a, “Tui ka lo in ṭeuh tawh a, ka puar” zâng vah hian alo ti a, ka iptê a Lion bûr ka ah chu ngawirengin ka pe a, “Ka lawm e” tiin a lo la ve mai, “Lawmpuina min hlân ve dawn nange?” A rawn tih chuan, “Ka chhuang lutuk che” ka lo ti ringawt a, midangin an rawn chìm leh tak avangin ka lo inthiar fihlìm zui vat a.
Ka khuma ka mut meuh chuan alo tlai tawh ngei mai, ka phone chu ka en a, hmun tinah Lalsangliana chanchin chu an lo post ni maiin ka hria, fans a ngah lutuk techuan min ti hlim êm êm a, whatsapp status ah chuan hman ve ka tum ûk a, amah chu hide in ka hmang ta a, a en phei chu ka ring chuang lo na in enge ka hide chhan pawh ka hre chuang lo, chutah a number aṭang ngei chuan ka rin loh lutukin call ka dawng ta hlawl mai,ka ṭhu chhuak hluai a, ka la nghal vat,
“I va cher ve?” A rawn ti nghâl,
“Chêr ami? Enge i an? I chau viau lo maw?” Ka tih chuan, “Aw…ka mu a ka chau tih ka in hre chiah, a hma kha chuan ka in hre miah lo ka hlim lutuk a” arawn ti a, a awkî pawh a zâng vah mai, “Chawl hahdam rawh, a tlai tawh êm hi” ka lo tih chuan, “Aw ka mu dawn alawm, ka beisei loh lutukin ka hmu thut che a, zan in chu mak tihna hlîr in ka khat a, rilru fîm pawh ka la pu thei lo” a rawn ti a, a awm dan tur chu ka hrethiam khawp mai, la tawng ve lem lo mahila, “Ka lawmpui lutuk che aw, Pathian hre reng la, i dinhmun ang thleng pha hi mi tlêm te chauh an nia” Ka tih chuan,
“Enge ka tihsak ang che, hetiang dinhmun ka thlen theih nachhan pakhat chu Ka ṭhian te, ka chhung te leh Pathian tih loh ah chuan nangmah i nia sin, lawmthu sawi te ka duh a”
A rawn ti a, ka lo nui hak,
“Engmah a ngai lo, nangmah kha ni reng la ka duh, engtikah emaw chuan nangmah duh em em tu che, i fans te emaw, i zai ngaina tu tepawh hian nin hun an la nei dawn che a, i awm dan apiang sawisel hun an la nei dawn, nangmah hmangaih tu ni a inchhâlte ngei pawh hian i tih sual ni miah lo a huat hun che an la nei ang, tun aṭanga kum 10 emaw kum 5 velah pawh a ni maithei, tah chuan nangmah kha ni reng tho rawh aw, mahni in hlauh lo in, ṭha takin i hun hmang la, i tih lawm tur chu Pathian chauh a ni tih hi theihnghilh ngai suh, mahni in hlauh hi khawvela thil hlauhawm ber a nia, midangah in nghat lo in muangchângin i ke pen zel la, chak deuha i tlân chuan i tlûk palh hun a thleng mai ang, muangchang leh fimkhur takin i awm dawn nia, Engkimah Pathian râwn zel la, mi tumah hi famkim kan awm lo a nia”
Tiin ka thiam ang tâwk chuan ka han fuih ve a, thudang em em sawi lo in kan inbiakna chu kan ti tawp ta a ni, Nun a hlim veng veng reng mai, ka bialpa ni tawh lêm lo mahse a ṭha ber ka la duhsak reng ka tih tawh kha, a nih tum chu hlawhtling takin ni reng se, engtikah emaw khuanu ruat kan nih chuan kan la in kawp ṭha leh mahna.
Hun te a liam ve deuh a, Taitea nen chuan kan in be ngai ta meuh lo, kan inṭhen chiang ta hle mai, mahse rilru nat vawng vawng châng chu nei ve ṭhin mahila ka nat dán pawh a zia chho ve zêl a, engkim erawh ka theihnghilh ta tihna a ni lo,hmangaih taka kan lo vawn ṭhin te hi chu thlah pawh an lo har nge nge a nih dawn hi ka ti ta.
Vawiin chu kan office in picnic kan nei a, kan hlim ve hle zaithiam an sawm tih thâwm tepawh ka hria a, mahse tunge a nih erawh ka hre mai lo, ka ngaihven hran lo bawk, program ṭan hma chuan hall ah chuan kan ṭhu ṭhap tawh a, ka phone ah chuan ka ṭhiannu nen kan in be mek bawk, kan department hi kan tam tham avangin nitina ka awm pui te tih loh chu ka hre mu mal lo, an ni pawh in min hre bik lo, chutia ka phone ka lo khawih mawlh mawlh lai chuan an rawn au ta chiâm hlawm a, chuta ka hawi chhuak chu ka mi hmuh chuan min van ṭhawng tak êm, Zaithiam lâr thar ti a an sawi chu Sangliana ngei alo ni, a incheina pawh a changkangin a hmel pawh hmuh a nuam hle a, sunglass a vuah avangin min hmuh ve leh ve loh pawh ka hre lo, kan ho tu te bulah chuan a ṭhu ve ta rân a, a tlar hma aṭanga chhiar a pathumna kil berah chuan keipawh ka ṭhu ve rân mai, hetiang hi engtikah emaw chuan ala thleng dawn tih hi ka hre lok tlat a, mak han tih a, min han barakhaih pawn ka hre hran lo,
“Awi a ṭhat zia khi” Ka thawh pui Mawii chuan a han ti leh ṭhin, chutianga an han duh em em mai techuan min ti hlim veng veng a, chhuang tak chuan ka lo en ve kar bawk, ngaihzawng a neih leh neih loh kan thawhpui pa in thiam taka a han zawh chuan a neih loh thu a sawi a, hmeichhe ho chang ni lovin mipa lam pawh an thâwm a ṭha dar dar hle, eng engemaw zawt kuala a kawm hnu ah chuan a zai ta a, Ngaihzual tih hla, ka hla duh em em mai kha arawn sa phei chu mittui a hnâm lo chauh a ni, ka duh zia a hria a, amah pawhin a sa fo bawk, a zai pah chuan thil pek an pe sap sap reng a, a tling khawm chu atam phian ang le, program a zawh chuan pawn lam chu kan pan sang sang hlawm a, biak ka châk hle na in ka ngam leh ta ngang lo, mipui kar aṭang chuan min hmuh hlau takin ka chhuak ru ta zâl zâl a.
Pool bulah chuan ka ṭhiannu ti ti ngaithla in kan ṭhu ta reng a, chutah ka ṭhiannu in a hnunglam a hawi chu, “Taite thla ka lo lâk pui che” a ti ta nih chu, mask ka vuah sawk sawk a, sunglass ka vuah ve zui bawk, “Mami, thla min lo lâk sak teh” ka rin ang ngei chuan arawn ti ta, ka bag chu dahin ka han ding chhuak a, sunglass a vuah tawh loh vangin a hmel chu chiangtakin ka hmu thei ta, khawdang hawi miah lo in min en ta reng a, hre lo der hmakin thla chu ka la zui mial mial bawk, phone pe tura an bul hnaia ka va kal chu “I dam ṭha maw?” Arawn ti ta ngei a, min hai lo chiang khawp mai, “Aw dam ṭha e, i hriselna te a ṭha em? I chau thei viau lo maw?” Ka tih chuan “Chau thei khawp mai, chaw pawh ka ei ṭha thei lova, ka cher tawh i ti em?” A tih chuan, “Ngati nge? In enkawl ṭha rawh, program i la ngah dawn chauh sia” Ka ti a, a nui zui hak, chutia kan inbia chu ka ṭhiannu chuan mak ti hmel fê hian min lo en a, in sawi fiah dan tur ka hre lo kher mai, nitina an ti ti tui ber chu Sangliana chanchin kha a ni a, in be em em lo pawhin an ni hnen aṭang khan a chanchin techu ka lo hre ve mai kha a nia, mahse engmah ka sawi ngai lo erawh min ngei viau ang le.
“I kal lehnghal dawn em ni?” Ka tih chuan, “Reilo te techu ka la awm ve ang chu, nangmah i lo awm bawk sia, Tlai lamah Kal kawi na tur ka nei tho a, heta ṭanga pan hi a awlsam a” alo ti a, mahse thildang kan sawi thui hma in thla lak pui duh ho in an rawn bawr tak avang chuan keipawh ka inthiar filhim thuai a, ka inthiar fi hlìm hma chuan “Lo kal bo suh” ka beng bulah arawn ti zui zauh, ka ṭhiannu nen kan awm chiah chu, “I van sual tak, in in hria tih sawi ve mai awm che” tiin min chhâl ta ngei a, “Bawktlângah khan ka awm ṭhin a, an in hi ka luah ṭhin a, ta ṭang chuan kan in hria mawle” ka ti a, “Awi a van ṭha tak, nakinah video siam tir la, min lo bye bye rawh se aw” a ti a, a ka hreh viau na in ka âw ta tho, a status pawh ka hmu tawh ngai lo a, ka number kha a delete niin ka hria, engmah demna tur ka nei lo a, min la be duh tehi ka tan chuan a lawmawm hliah hliah zawk.
In te ah chuan mahni in ka mu a, ka hritlan deuh vangin tui pawh ka chêng ngam ve lo, ka thaw techu a sa riau a, nachhawkna ka lo hmawm lai chuan Taitea pawh arawn lût hlawl, ka pum pawh a na leh riai riai tawh mai, tunlai chu lang em em silo hian hriselloh na ten min tlák buak ve reng a, ka nun zâng vah tekha a bo ve tial tial mai, a thlan a rawn hru zui mawlh mawlh mai,
“Eee…zu rim nen a ni tawh a, ka tlin tawh lo, hetah hian reilote ka awm anga ka kal mai ang” arawn ti a, ka dem hran lo, keini chu hetiang ti tawk hi an lo awm ve reng bawk nen, a in a tepawh dem chi an ni lo, kan khawvel chen dan a in ang lo a ni mai a, “I va nawm loh hmel ve?” Tiin ka chal chu a rawn khawih a, “Ka Hritlang awmna ve deuh a, ka la na ṭhin hrim hrim a” ka lo ti a, “I pang pawh a sa vur alawm” arawn tih chuan ka lo nui sak, kan in te awmna chu Di in a ni a, a chhuat pawh a fai avangin ani chu a mu a, kei erawh thlang lam hawiin ka ṭhu reng thung, “Ka status ah ka hide che a apawi lo tiraw?” Arawn ti ta hlawl a, Ka rilru hi a hre thei emawni le, ka ti rum rum zel, ka number chu alo save ṭha leh a ni mahna, “Pawi lo e, mahse tinge min hide kher a?” Ka lo ti a, “Hmeichhia ka lak pui nasa sia, hmuh hrehawm i tih ka ring a”, alo tih chuan ka nui sak, “Min ven thawn a ngai hleinem” ka lo tih chuan rawn tho in ka kutah chuan alo vuan a, ka la phu uih zui, “Aih, Mami, chutiang rilru pu suh aw, rei a ni lo ang, khawngaihin ngaihzawng lo nei lo hrâm rawh aw, min lo nghak thei angem?” Arawn ti leh ta, ka chhang lo, a hmel chu ka en vang vang a, ka mittui arawn hnâm ṭiam ṭiam mai, “Ka rilru hi a la pangngai reng asin, abakah nangman alawm min ṭhen, kei techuan ka ṭhen ve reng reng hleinem che” a rawn tih phei chuan ka mittui arawn luang thla ngiai ngiai a, ka rilru a in sual but but mai, “Mahse….” Ka lo tih chuan, “Engmah hlauh tur ka nei lo, ka neihsa te chân hi ka hlauh ber a ni a, engmah neih ka neih loh lai pawha min pawm a, thu ṭha tam tak min hrilh reng tu tehi ka chân chuan ka chhe vek a ni mai, tuna ka thil neih tam zawk hi chu chân reng thei ka ni a, a chhan chu Pathian vang leh nangni avanga nei mai chauh ka nia, ka tan chuan Ropuina leh larna aiin in hlu daih zawk” arawn ti a, ka mittui arawn hru zui bawk, ka biang a khawih lai reng chuan a kut chu lo vuan in ka ṭap chhuak ta hak a, “Engkim vang khan ka tihpalh aw” ka ti chhuak thei hrâm, “A tir kha chuan haw viau che mahila, hun a rei telh telh a, i tello chuan ka famkim thei tawh lo a ni, mahse i rilru erawh a zau hlê a ngai dawn nia” a ti leh a, ka chhâng ta lo, kei mi dawih zep hian engmah ka tiam ngam tlat lo a ni.
| Link: | |
| BBcode: | |
| HTML: | |
| Hide post links |
NGAIHZUAL (last chapter)
Hlutei pachuau
(Ka type lai hian ka mittui a tla🥹)
Phone call a dawn reng takah chuan “Ka kal ange aw, ka hman veleh ka rawn bia ang che” a rawn tih chuan ka lo nuih lui sak a, “Aw le, ṭha deuhin aw” ka tih chuan bu nghauhin hmanhmawh tak chuan a chhuak zui a, kei erawh mutna rem turin ka han siam rem sauh sauh a, ka pum rawn na leh vang vang ṭhin chu a zual telh telh emaw tih tûr a ni,mahse ka muhîl ta daih a.
Ka harh leh meuh chuan ka awmna chu alo vâr pup mai, ka han maimitchhìng leh vang vang a, ka men leh chuan ka awmna in tê kha alo ni tawh hauh lo, “Mami, na te ila nei em?” Rawn ti tu chu ka en vat a, Mawii alo ni “Tinge hetah ka awm?” Ka lo ti hû thung, “Kan haw tur kha rawn kaih thawh che kan tum a, thlan tui nen ilo muhil a, kan kaitho zo lo che a, i chhung te an lo thleng ṭep” arawn ti a, chuti em em a ka na chu keipawn mak ka ti, nâ hi ka nei ngai meuh lo, nula hrisel ve pangngai tak kha ka ni ṭhin a sin le, ka muhil leh ta vang vang a.
Ka han harh leh chuan ka nu leh Matei an lo awm tawh a, thisen chaw min lo khai sak bawk, test chi hrang hrang an nei tawh a, result ala chhuak lo a ni awm e, an damdawi min jection vang chuan ka chau riau a, damdawiin boruak techuan min ti chau takzet a ni, “Nu ka na viau em ni?” Ka tih chuan, “Ka hre lo, hei an la serious riau a” ka nu pawh chuan alo ti ve a, chuti taka ka na chu mak ka la ti tawp thei lo, “Result a chhuak ṭêp ang” ka nau chuan arawn ti lut a, “Laltaia’n min rawn call a, i dam lo tih ka sawi a nia” a han ti zawm zat a, hrilh lo se ka duh viau na in a hrilh tawh tho a ka thinrim hran lo, ka phone ka han en chu a message leh missed call alo awm ṭeuh mai,
*Inṭhen hlen chu ka duh lo a nia*
Ala rawn ti fan mai, thil awm dan techu ka han sawi zung zung a, min reply mai tak loh ah chuan ka mu leh ta vang vang a, “Lalnunpuii chhungte an awm em?” Nurse pakhat chuan arawn ti lâng lâng a, ka nu chu a tho vat, nurse chu ava zui thuai a, an chhuah dun vang vang lai chuan Taitea chuan min rawn call chiah bawk,
“I dam lo mi? Damdawiin ah te ilo awm a?” Arawn ti nghal,
“Ka ṭha lawm, ngaihtuah ka ngai lo” ka lo tih chuan,
“Keipawh hei drip te ka khai a, ka chau ve deuh a” arawn ti a, a âw aṭang chuan a chau tih ka hria, rei fe kan inbiak hnu chuan ka nu ka result keng chungin arawn lut a, a hmel awm dan chuan min ti hlauthawng ru ang reng viau mai,
“Nu enge Doctor techuan an lo sawi a?” Ngaih ṭha lo rilru tak chuan ka lo ti a, “Mate, fa i nei thei dawn lo an tia, i chi kawng a ping a ni awm e” ka nu in a han ti chiah chu ka phu nghal dup dup mai, sawi mai tur ka hre lo, “Tuna i damlohna hi chu engmah thil hlauhawm a awm hran lo” a ti leh a, han tawrh vak ngaihna pawh ka hre lo, “A nih kan chhuak thei dawn em?” Ka tih chuan alo aw thuai a, kum naupang te pasal pawh nei lo a chutiang ka tawng chu mak ka in ti a, a pawi thui tur zia pawh ka hre reng, mahse tunah chuan engmah ka ngaihtuah thei lo, ka bîng mup reng a, ngaihtuahna a tawi tup mai.
In a kan haw chu room ah chuan ka in ngaihtuah zui vang vang a, ka ip pik a, ka sawi chhuah thiam si loh hian chhungril ah ka tâwt up up mai, lan chhuah tîr dan pawh ka thiam chuang hek lo, ka hma hun ka ngaihtuah a athim mup hian ka hria, keimah ang hi mi tam tak an awm tih ka hria, chung techu ka khawngaih thar hle a, an tawrhna tekha aw….alo va na dawn em, Pathian laka vui ka tum lo a, a chhan zawh lah ka tum bawk hek lo, hei hi ka tana khuanu in a ruat a nih chuan pawmthiam zir chu ka tih theih tawk a ni tih ka hria, A chang chuan thil zawng zawng hi a chhan hriat vek ai chuan pawmthiam mai hi alo awlsam zawk ṭhin tih ka hre thar leh a, ka hringnunah zirlai tam tak zir chhuak ka lo in ti ve a, thil tam tak tuar in ka tuar zo vek tawh dawn emaw ka tih laiin harsatna dang arawn thlen belh zel chu a ni si, Ṭha ka lo in tih ve na te, mite aia chungnung zawka ka lo in ngaihna tekha tunah hian hnuh hniam sakin ka awm mek a ni si a, ka ngaihtuahna techuan mittui a ko chhuak a, ka maimitchhin zawnga ka mittui rawn luang ngiai ngiai chu alum thla pap pap mai, A pawi lo e, khawfing a chah dawn in thim a chhah zual ṭhin an tih ang khan, khua arawn var leh vat dawn tih beiseina nen tlai ni tla tur chu mittui nen ka hmang liam ta a ni.
Taitea chu ti hian ka va message leh ta a, tun hi a tawp tak tak tur a ni ta,
“Ka tihpalh aw, keichu i tan ka tling lo emai, ka lakah hian engmah beisei tur a awm tawh lo, ka nunhluia ka tihsual ten min vaw lêt mek a, keichu beisei awm ka ni tawh lo, nangchu ka tan chuan Arsi ang mai hi i ni a, ka tana mawi taka eng si, ka ban phâk ve ngai miah loh tur ang hi, Arsi ang khian êng reng rawh aw, keichu khuar khurum thim takah ka pil mêk a, chhanchhuah theih ka ni tawh ngai dawn lo, Min kalsan mai la nangpawh i hlim zawk ang, Min theihnghilh turin ka duh lo che a, i rilru tina em em tu ang talin min hre reng dawn nia”
Ka ti a, ka phone chu dahin ka nau chaw ei siam chu ka siam pui zui a, “U, in inṭhen kher a ngai lo a nia, a hrethiam em em ang” ka nau chuan ka rilru a hria ni maiin ka hria, ka ṭhen dawn tih hi a ring lawk sa tih pawh ka hria, “Ni lo e, ka chelh reng chuan hmalam a panna kawng ka dal mai mai, hetia awm hi a ṭha zawk” ka lo ti a, a rûk a amittui a hru zui zauh chu ka hmu a, ka ṭah chu chhuak ru ve viau mahse ṭah erawh ka tum lo,
Chhung inkhawmna kan hman na ah techuan theih tawpin min fuih hlawm a, ni e, an ni hi an awm chhung chuan ka tlu chhe ngai lo anga, chak lo in ka awm ngai hek lo ang, mahse ka lo tiam tawh angin Taitea erawh ka mipa hmangaih hnuhnung ber a ni reng ang, ani theihnghilh tum chu Ka la hriat ngai miah loh te hriat chhuah tum ang vel a ni ang.
Ka zan mu techu ka in ngaihtuah nasa hle a, min hmangaih tu te lungngai hmel chuan min tina a, ṭah loh ka tum pawhin ka mittui ka dang thei thlawt lo a ni.
Taitea phone call arawn kal a, ka en reng, ka la ta lo, a hnu lokah a message a rawn thleng zui a,
*Hetiang hi i tih kher a ngai lo asin Mami*
Tih te hi arawn thawn a, a sawi thawm tur nen ka bengah arawn ri a, ka mûr sung sung mai, hei hi ka pawm thiam a ngai, Duh ai sam chauh a Siar mawi ber nei tu ka ni hi, a harsa a ni, mahse ka thei ang.
*A tawp tak tak thlen chu i duh chiah amaw?*
Arawn ti leh a, *Aw* tih chiahin ka lo chhang thung,
*Aw le, ka kal tîr tawh ang che, mahse i duh dan ang ni lo in, he khawvela ka hmeichhe hmangaih hmasak ber, duhawm em em, ka nun ti hlim tu, ka hlawhtlinna peng pakhat angin ka hre reng ang che, engtikah emaw nupui fanau thleng ka neih hunah pawh ka hmangaih kal ta kha i ni reng ang, Mami, i tel ve lohna hringnun hi engtin nge ka paltlang zel dawn ka hre lova, mahse ka lo tlu a nih pawhin keichu ka tho leh mai ang a, mahse nangmah kha engtin nge i awm ve ang tih ka ngatuah tel zel tawh ang, chhan ṭha tak i neih ka ring a, ka hriat ve kher ṭul i ti lo a nih pawhin ka dem hauh lo che aw, mahse ka hriat miah lo a ka lo ti na che a nih chuan ngaihdam ka dîl nghal che, kei aia ṭha chu i tawng leh dawn tih ka hria a, mahse kei aia hmangaihtu che hi chu i tawng leh tawh lo ang, Mangṭha tak tak tawh le*
A rawn ti a, ka va han chhiar nawn ngun tak em, mahse thil thui tak thlîr a ti ka ni a, na lo ka ni lo, mahse ka chhungrilah hian hahdamna a awm tlat thung.
Hun chu a liam leh deuh zel a, Krismas boruak ruih tawh, khua a vawt ruih tawh a, ka natna te up bo a hlim luih dan pawh ka hre ta, Taitea chanchin chu hre ve reng mahila ka haider hram hram a, milar a ni tawh a, hriat loh tumahila a loh theih si loh, chu ber chuan min ti buai ṭhin, a hlim tawh tih ka hria a ka lawm pui em em reng tho, mahse kei erawh hma lam pan zai rêng ka rel thei lo, khawi ah mah ka kal bo thei lo a, kha hunah khan ka la cheng reng a, kha hunah khan ka la châm bâng ta bik a nih hi, kha nunhlui duhawm tak tak tekhan lungphu an la ti danglam a, Zan ka mutin mang ramah ka mang phan zui a, ka harh ruala ka ngaihtuah hmasak ber pawh amah tho kha ala ni, khang hun kan hmandun ṭhin tekha ka thinlungah hian ala awm reng a, hmalam ka la pan thei tlat lo a ni, ka fuihna tam tak tekha la hre ve ang maw, kum tam pawh liam mahse theihnghilh ka tum lo a, hma lam pansan ka tum hek lo, hetia Pathian lo kal hun nghah top hi ka duh dan a ni a, kan lo intawng leh a nih pawhin hmelhriat satliah ang chauh kan ni tawh dawn a, a pawi ka ti hran lo, ka duh ber chu sâng tak thleng se, beidawng ngai lo bawk se tih hi a ni.
A TAWP TA
Hlutei pachuau
(Ka type lai hian ka mittui a tla🥹)
Phone call a dawn reng takah chuan “Ka kal ange aw, ka hman veleh ka rawn bia ang che” a rawn tih chuan ka lo nuih lui sak a, “Aw le, ṭha deuhin aw” ka tih chuan bu nghauhin hmanhmawh tak chuan a chhuak zui a, kei erawh mutna rem turin ka han siam rem sauh sauh a, ka pum rawn na leh vang vang ṭhin chu a zual telh telh emaw tih tûr a ni,mahse ka muhîl ta daih a.
Ka harh leh meuh chuan ka awmna chu alo vâr pup mai, ka han maimitchhìng leh vang vang a, ka men leh chuan ka awmna in tê kha alo ni tawh hauh lo, “Mami, na te ila nei em?” Rawn ti tu chu ka en vat a, Mawii alo ni “Tinge hetah ka awm?” Ka lo ti hû thung, “Kan haw tur kha rawn kaih thawh che kan tum a, thlan tui nen ilo muhil a, kan kaitho zo lo che a, i chhung te an lo thleng ṭep” arawn ti a, chuti em em a ka na chu keipawn mak ka ti, nâ hi ka nei ngai meuh lo, nula hrisel ve pangngai tak kha ka ni ṭhin a sin le, ka muhil leh ta vang vang a.
Ka han harh leh chuan ka nu leh Matei an lo awm tawh a, thisen chaw min lo khai sak bawk, test chi hrang hrang an nei tawh a, result ala chhuak lo a ni awm e, an damdawi min jection vang chuan ka chau riau a, damdawiin boruak techuan min ti chau takzet a ni, “Nu ka na viau em ni?” Ka tih chuan, “Ka hre lo, hei an la serious riau a” ka nu pawh chuan alo ti ve a, chuti taka ka na chu mak ka la ti tawp thei lo, “Result a chhuak ṭêp ang” ka nau chuan arawn ti lut a, “Laltaia’n min rawn call a, i dam lo tih ka sawi a nia” a han ti zawm zat a, hrilh lo se ka duh viau na in a hrilh tawh tho a ka thinrim hran lo, ka phone ka han en chu a message leh missed call alo awm ṭeuh mai,
*Inṭhen hlen chu ka duh lo a nia*
Ala rawn ti fan mai, thil awm dan techu ka han sawi zung zung a, min reply mai tak loh ah chuan ka mu leh ta vang vang a, “Lalnunpuii chhungte an awm em?” Nurse pakhat chuan arawn ti lâng lâng a, ka nu chu a tho vat, nurse chu ava zui thuai a, an chhuah dun vang vang lai chuan Taitea chuan min rawn call chiah bawk,
“I dam lo mi? Damdawiin ah te ilo awm a?” Arawn ti nghal,
“Ka ṭha lawm, ngaihtuah ka ngai lo” ka lo tih chuan,
“Keipawh hei drip te ka khai a, ka chau ve deuh a” arawn ti a, a âw aṭang chuan a chau tih ka hria, rei fe kan inbiak hnu chuan ka nu ka result keng chungin arawn lut a, a hmel awm dan chuan min ti hlauthawng ru ang reng viau mai,
“Nu enge Doctor techuan an lo sawi a?” Ngaih ṭha lo rilru tak chuan ka lo ti a, “Mate, fa i nei thei dawn lo an tia, i chi kawng a ping a ni awm e” ka nu in a han ti chiah chu ka phu nghal dup dup mai, sawi mai tur ka hre lo, “Tuna i damlohna hi chu engmah thil hlauhawm a awm hran lo” a ti leh a, han tawrh vak ngaihna pawh ka hre lo, “A nih kan chhuak thei dawn em?” Ka tih chuan alo aw thuai a, kum naupang te pasal pawh nei lo a chutiang ka tawng chu mak ka in ti a, a pawi thui tur zia pawh ka hre reng, mahse tunah chuan engmah ka ngaihtuah thei lo, ka bîng mup reng a, ngaihtuahna a tawi tup mai.
In a kan haw chu room ah chuan ka in ngaihtuah zui vang vang a, ka ip pik a, ka sawi chhuah thiam si loh hian chhungril ah ka tâwt up up mai, lan chhuah tîr dan pawh ka thiam chuang hek lo, ka hma hun ka ngaihtuah a athim mup hian ka hria, keimah ang hi mi tam tak an awm tih ka hria, chung techu ka khawngaih thar hle a, an tawrhna tekha aw….alo va na dawn em, Pathian laka vui ka tum lo a, a chhan zawh lah ka tum bawk hek lo, hei hi ka tana khuanu in a ruat a nih chuan pawmthiam zir chu ka tih theih tawk a ni tih ka hria, A chang chuan thil zawng zawng hi a chhan hriat vek ai chuan pawmthiam mai hi alo awlsam zawk ṭhin tih ka hre thar leh a, ka hringnunah zirlai tam tak zir chhuak ka lo in ti ve a, thil tam tak tuar in ka tuar zo vek tawh dawn emaw ka tih laiin harsatna dang arawn thlen belh zel chu a ni si, Ṭha ka lo in tih ve na te, mite aia chungnung zawka ka lo in ngaihna tekha tunah hian hnuh hniam sakin ka awm mek a ni si a, ka ngaihtuahna techuan mittui a ko chhuak a, ka maimitchhin zawnga ka mittui rawn luang ngiai ngiai chu alum thla pap pap mai, A pawi lo e, khawfing a chah dawn in thim a chhah zual ṭhin an tih ang khan, khua arawn var leh vat dawn tih beiseina nen tlai ni tla tur chu mittui nen ka hmang liam ta a ni.
Taitea chu ti hian ka va message leh ta a, tun hi a tawp tak tak tur a ni ta,
“Ka tihpalh aw, keichu i tan ka tling lo emai, ka lakah hian engmah beisei tur a awm tawh lo, ka nunhluia ka tihsual ten min vaw lêt mek a, keichu beisei awm ka ni tawh lo, nangchu ka tan chuan Arsi ang mai hi i ni a, ka tana mawi taka eng si, ka ban phâk ve ngai miah loh tur ang hi, Arsi ang khian êng reng rawh aw, keichu khuar khurum thim takah ka pil mêk a, chhanchhuah theih ka ni tawh ngai dawn lo, Min kalsan mai la nangpawh i hlim zawk ang, Min theihnghilh turin ka duh lo che a, i rilru tina em em tu ang talin min hre reng dawn nia”
Ka ti a, ka phone chu dahin ka nau chaw ei siam chu ka siam pui zui a, “U, in inṭhen kher a ngai lo a nia, a hrethiam em em ang” ka nau chuan ka rilru a hria ni maiin ka hria, ka ṭhen dawn tih hi a ring lawk sa tih pawh ka hria, “Ni lo e, ka chelh reng chuan hmalam a panna kawng ka dal mai mai, hetia awm hi a ṭha zawk” ka lo ti a, a rûk a amittui a hru zui zauh chu ka hmu a, ka ṭah chu chhuak ru ve viau mahse ṭah erawh ka tum lo,
Chhung inkhawmna kan hman na ah techuan theih tawpin min fuih hlawm a, ni e, an ni hi an awm chhung chuan ka tlu chhe ngai lo anga, chak lo in ka awm ngai hek lo ang, mahse ka lo tiam tawh angin Taitea erawh ka mipa hmangaih hnuhnung ber a ni reng ang, ani theihnghilh tum chu Ka la hriat ngai miah loh te hriat chhuah tum ang vel a ni ang.
Ka zan mu techu ka in ngaihtuah nasa hle a, min hmangaih tu te lungngai hmel chuan min tina a, ṭah loh ka tum pawhin ka mittui ka dang thei thlawt lo a ni.
Taitea phone call arawn kal a, ka en reng, ka la ta lo, a hnu lokah a message a rawn thleng zui a,
*Hetiang hi i tih kher a ngai lo asin Mami*
Tih te hi arawn thawn a, a sawi thawm tur nen ka bengah arawn ri a, ka mûr sung sung mai, hei hi ka pawm thiam a ngai, Duh ai sam chauh a Siar mawi ber nei tu ka ni hi, a harsa a ni, mahse ka thei ang.
*A tawp tak tak thlen chu i duh chiah amaw?*
Arawn ti leh a, *Aw* tih chiahin ka lo chhang thung,
*Aw le, ka kal tîr tawh ang che, mahse i duh dan ang ni lo in, he khawvela ka hmeichhe hmangaih hmasak ber, duhawm em em, ka nun ti hlim tu, ka hlawhtlinna peng pakhat angin ka hre reng ang che, engtikah emaw nupui fanau thleng ka neih hunah pawh ka hmangaih kal ta kha i ni reng ang, Mami, i tel ve lohna hringnun hi engtin nge ka paltlang zel dawn ka hre lova, mahse ka lo tlu a nih pawhin keichu ka tho leh mai ang a, mahse nangmah kha engtin nge i awm ve ang tih ka ngatuah tel zel tawh ang, chhan ṭha tak i neih ka ring a, ka hriat ve kher ṭul i ti lo a nih pawhin ka dem hauh lo che aw, mahse ka hriat miah lo a ka lo ti na che a nih chuan ngaihdam ka dîl nghal che, kei aia ṭha chu i tawng leh dawn tih ka hria a, mahse kei aia hmangaihtu che hi chu i tawng leh tawh lo ang, Mangṭha tak tak tawh le*
A rawn ti a, ka va han chhiar nawn ngun tak em, mahse thil thui tak thlîr a ti ka ni a, na lo ka ni lo, mahse ka chhungrilah hian hahdamna a awm tlat thung.
Hun chu a liam leh deuh zel a, Krismas boruak ruih tawh, khua a vawt ruih tawh a, ka natna te up bo a hlim luih dan pawh ka hre ta, Taitea chanchin chu hre ve reng mahila ka haider hram hram a, milar a ni tawh a, hriat loh tumahila a loh theih si loh, chu ber chuan min ti buai ṭhin, a hlim tawh tih ka hria a ka lawm pui em em reng tho, mahse kei erawh hma lam pan zai rêng ka rel thei lo, khawi ah mah ka kal bo thei lo a, kha hunah khan ka la cheng reng a, kha hunah khan ka la châm bâng ta bik a nih hi, kha nunhlui duhawm tak tak tekhan lungphu an la ti danglam a, Zan ka mutin mang ramah ka mang phan zui a, ka harh ruala ka ngaihtuah hmasak ber pawh amah tho kha ala ni, khang hun kan hmandun ṭhin tekha ka thinlungah hian ala awm reng a, hmalam ka la pan thei tlat lo a ni, ka fuihna tam tak tekha la hre ve ang maw, kum tam pawh liam mahse theihnghilh ka tum lo a, hma lam pansan ka tum hek lo, hetia Pathian lo kal hun nghah top hi ka duh dan a ni a, kan lo intawng leh a nih pawhin hmelhriat satliah ang chauh kan ni tawh dawn a, a pawi ka ti hran lo, ka duh ber chu sâng tak thleng se, beidawng ngai lo bawk se tih hi a ni.
A TAWP TA
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)