Lalte chapter-24

[Pie sangtei]

"Happy valentines day atia Loane in" ka thiannu chuan a ti a,ka lo tir ta kher kher chu ka inchhir viau mai, engmah pawh chu pe lo law law mai se ka ti thil a kal dik dawnlo reng reng u Jmin-a erawh a ngawi reng a, enge maw a sawi ang tih ka hlau ngawih ngawih "heihi pe tur che in min ti a " ka thiannu bawk chuan a ti leh a, ka thin chu phu nasa tak a ni.


"Khawiah nge amah chu" u Jmin-an atih chuan ka awmna ata kalsawn vat ka ngai tih ka hrethiam a, thawm dim tak chung chuan school one lam chu ka pan a, ka thawm hria in anlo kal ang tih mawlh chu ka hlau tawh "Loane" tiin minla rawn au zui a, henu hi chuh ava han rin tlak loh thei tak "Loane, khawiah nge a awm a ti che" ala ti lung lung zui a, ava han hahthlak thin tak, hmanhmawh deuh chuan ka tlan ta vak a, Sangpui in ring zet a "hetah hian a awm reng sia" a ti te chu ka la hre phak a, ka lo ring ta kher kher chu ka in chhir hle tawh.


Tlangte lam bawk chu ka pan a, Sangpui lo phei hun chu ka nghak rân bawk, tun tum chu ka hau ve hrep tawh ang mawle , felfai deuhin a che ve dawn emaw tih pawh hian ka zak leh nge nge zel, ka kawmlo thei bawk silo, a tello chuan engmah nuam ka ti lova, eng ang pawn minti zak mahse Sangpui lo chu thiandang tumah ka duh chuang der lo.


Minute nga(5) awm vel ka thut hnuah alo thleng ve choh a "ka zawng nasa lutuk che i kalna tur te chu sawi ve ta che" tiin a phun zawkah chuan ala rawn tang zui a, "ka pum ana vek" atih leh takah chuan keimah zawk chu ka inthiamlo leh tawh zawk "ana viau em" ka lo tih chuan "na e, mawl thei lutuk" te chu minla ti ta deuh deuh a, keipawh hian fing ka ti vak bik der silo "ngati nge i lo bo daih a " ati leh a, a chhan erawh ka sawi duhlo ka sawi anih vaih chuan ka thinrim anga, kan in hau vak dawn tih ka chiang.


"Engtin nge u Kimtea chu i pe ve dawn em" ka tih chuan "kan pek loh ten" alo ti nghal var a, engpawh chu nise pe ve ngei se ka duh avangin "haw phawt ang, tlaiah keiman ka lo pe mai ang" ka ti a, tunah tak hi chuan ka thurualpui duh tawh rihlo "khawthim hma in pe rawh aw" tiin duh te chu ala thlang zat zat zui a, aw ka pawh hma chu haw ala duhlo zui khawthim hma a ka pek tur thu ka sawi hnuah kan haw ve thei hram a ni.


"Loane, iva rawn haw tlai ve " in chhung ka luh rualin ka nu in alo ti nghal zat a, ka haw tlai chhan erawh sawi chi zia zang anilo "Sangpui te in ah ka kal kawi lawk" tiin dawt var chu ka sawi a, ka nu mitmengah erawh min ringlo tih ka hmu thei thung.

"Kimtea kha chaw ei a tum a mi rawn zawt nghal teh" inhnuai ka chhuk tur chu minla rawn au zui a, "u Kimtea a awm ami" ka tih chuan "ala haw lo hrim hrim" alo ti a, hepa hi a rilruna hi an in ah a awm peih thlawt lo a nih ka ring.


Ka khumah chuan alo mu than a, a muhil anih ringin thawm ka dim ve tehlul nen "iva rawn haw har ve" alo ti chu ka phu nasa lutuk ringawt "i men reng te chuan thawm te nei ve ta che" ka ti nghal thawt a, mahni lo mah a dawih nak alai in tlem a tlemah ka thi lo choh a lawm le.


"Aho e a" alo ti duh lek choh a,a school bang kan in ah a kawi nghal tih hriat takin a thuamhnaw hak pawh ala thlak lova, an in chhungah hian buaina a nei zawk nge Aruati vang a hetiang a awm anih pawh rin dan ka nei thiam tawhlo.


Ka inthlak zawh hnuah a mawza tur chu ka pe a "heihi enge" tiin a en vung vung a, engmah in kan tuam lova, mawza a ni tih a hre chiang hle awm sia "mawza anihkha i hmu ve reng lo ami" ka tih chuan chiang zet hian min rawn en in "min lei sak maw" ati chu ka lu ka thing rang khawp mai "Sangpui lei sak che anihkha, Vday te a ni ve a, a pe ve che " phur deuh chuan ka ti a, a en leh vang vang hnuah "i fuihpawrh a mi" ati pek a nihchu "i duhloh chuan neilo tawp rawh" ti a laksak ka tum chu alo phallo nasa "ka duh alawm" ati ve ngei a, hlim hmel a pu lova, lawmlo hmel pawh a pu heklo.



"A duh te mai che ania" tiin Sangpui chu sawi luh ka tum khawp mai, tun bak a hun remchang ka neih hi ka ring tawhlo "Bialpa ineih vangin i thiannu bialpa neih tir ve itum ringawt ami" ka rilru lo deuh chuan ati a, a ngaihdanah chuan thil ni thei ve tho chu a ni mahse "nilo e.. U Jmin-a ka duh hma daih hian a duh tawh che alawm, a tir chuan û te kan star thin ang hian a star ve che a, tunah chuan a duh takzet tawh che" ka ti a, Sangpui in a duh zia hi hrethiam ngei se ka ti takzet a ni.


"Ka haw dawn, lehkha zir tawh rawh" tiin a tho a, ka khumah chuan thu in a hmai a tuai thuak a "ka muhil dawn chiah a sin le" ati nuah nuah bawk "û.. Ka fiamthulo tak tak ania" ka tih leh chuan a fiamthu bikloh thu in minlo chhang a, engvang a fiamthulo nge anih ka hrelo a eng ber kha nge a fiamthu lohna ka hrelo a ni.


A kal zet tawh chu rawn let lehin Mawza chu a rawn lek kang a "lawmthu lo sawi rawh" tiin a kal zui leh nghal "ka rawn biak tir dawn che ania" ti a ka auh zuina erawh min chhang tawh lova mahse, ka phur takzet a ni, khati kha chuan Sangpui pawn bia pawh nise a lo be chhe duh tawh bik lovang...


U Kimtea leh Sangpui vangin phone pawh ka lo la en reng renglo tih ka hrechhuak a, hmanhmawh zet a ka phone ka en chuan u Jmin-a call leh message alo awm leh nual tawh, call back lo in a message chu ka chhang a , Sangpui in mawza a pek lai vel ami ni tho mahse "ka inthlak zo chiah" tih chu ka thawn a, a inkhelh ka rin avangin inchunglamah ka chhoh san a, ka phone chu ka charge bawk.


Ka nu in ei rawng alo bawl a, ka nau awmna ka zawh chuan "a thiante nen an chhuak lawk" alo ti mai a, ka nau hian bialpa a nei ve tlatin ka hria a ni "tu a thiante" ka tih chuan "Lawmsangi te kha, hei bai hi lo vil teh, Machhungi te in ah ka han kal lawk teh ang" atih chhunzawm a, a rilruah enge maw a lan tawh hi chuan a thil tihlai hi a theihnghilh thak zel.


"Loane, hmanhmawh rawh" ati a, eng chu nge maw a ngaihtuah chhuah leh tak ni "thil ngaihtuah vak vak zel suh" tiin a fian ken chu ka chhuhsak a, a vawkchaw chan lai te hi a rilruah thildang a lan tawh chuan alo kalsan daih zel"Machhungi chu ka han be lawk teh ang" tiin hmanhmawh deuh chuan a chhuak zui a, eng thu tak han sawi dun leh ang maw?



Ka nu a chhuak ta maw tih in Sangpui a rawn lang hlawl a, "phone hi enga tan nge ineih" tih chu a rawn sawi hmasak ber a ni , inhnuai a ka charge thu ka sawi chuan "mawl lutuk mai , u Kimtea chu i pe tawh em" ati leh nghal a, ka pek thu ka sawi rualin a au vak a "chuan engtin nge a tih" tiin chair chu a pawtchhuak a , a thu nghal zat bawk "lawmthu lo sawi rawh ati" ka ti a, a hmel a hlim hmel langchhuak chu hmuhhmaih theih pawh a nilo.



"Avan nuam tak, a duhloh ka hlau lutuk a" tiin a nui var var reng a, ka bai vil mek chu off in a bulah chuan ka thu a, "zanin ah be leh rawh aw" ka ti chu a pawm zawng tak anih hmel a lu lo bu nghatin "mahse enge ka va sawi ang" ati a, sawi tur mai ka hre bik tlatlo "engpawh va sawi rawh i awm ve a ni tih lan na tur hrim hrim kha a ni mai" tun bak hi biakna huntha a awm tawh kher ka ring lova be ngei ngei se ka duh a ni.



Phur deuhin a haw a, zân a u Kimtea biak a tum avangin inbual a ngaih thu a sawi a, a tlai tawh ropui sia a damloh leh phah ang tih chu ka hlau ru takzet a ni.


Chaw ei na vel ka tihfel laiin Goane chhuak tur chu ka hmu fuh a "khawiah nge kal itum " ka tih chuan rang zetin a rawn hawi let a, ka nu te an room lamah an awm avangin an hmu ve lo thung "pu Little-a dawrah ka kal lawk dawn " ati chu ka awih chiah lova, engtik atang khan nge pu Little-a dawr a kal anlo chin ve tak "enge in tih dawn" ka tih leh chuan min rawn pan vat a , zawi te hian "a damloh kha i hre ve lo a mi, a khawngaihthlak teh mai ania" ati chu rang zet hian "a damlo amaw" ka ti hehaw a, tunlai chu Sangpui damlo chho bawk nen pu Little-a dawrah pawh kan kal khat a, a chanchin engmah ka lo hrelo chu ka inthiamlo lek lek.


"Aw.. A dawr saw kan nghah sak thin alawm ka nu hrilh miah suh, naktuk zan atang chan lehkha ka zir tawh ang" ati ve leh mai a, dawt a sawi ka ringlo bawk "lo haw har suh aw" tiin ka thlah a, alo haw har chuan ka nu in a awmna min zawt leh ngei ngei dawn a, dawt ka sawithiam ve silo a, ka kâ ka an rualin min manchhuak nghal a ni mai.


Lehkha zir hma in phone ka khawih zuai a, u Jmin-a lah chu tlai a ka message thawn kha alo la seen lo hrim hrim a, call ka tum zuai na in a hman hunah minlo biak ve mai ka ring a, ka call leh duh ta lo.


Lehkha ka zir a, ka zir han ti ila Sangpui ka be pah reng a, u Kimtea a biak avangin tih dan tur minlo zawt ve reng a, chhan loh chi anih loh avangin ka lehkha zir pawh rilruah a lut hleithei meuhlo.


"Ka hmangaih che ka va ti tawp mai dawn mawnle" Sangpui message chu ka chhiar a, awm anglo lutuk "i â mi, chutiang in an ti nghal ringawt ngailo, u Jmin-a pawh hi ka hmangaih em pawh ka hrelo a nia" ka ti a, duhna atangin hmangaihna alo piang thin an ti a, u Jmin-a hi ka duh emem a, mahse ka hmangaih em ka hrelo duhna leh hmangaihna hi chu thil hrang hlak ni mahse hriatpawlh awlhsam tak pawh a nih ka ring, kan duh lutuk avang hian kan hmangaih emaw tih pawh hi thil awl tak a ni ngei ang.


Sangpui message tur ka type lai mekin u Jmin an minlo call a, rang zet chuan ka chhang nghal bawk "a ngaiah khan i thik tur ka dah a " arawn ti a, a ngai a tih chu ka lo hre leh mai tawhlo "lamkhuang kung hnuaiah maw" ka lo ti deuh ha a "nilo e, in sirah khan dinglam pang zawkah khan, vawiin khan ilo kal ve dawn maw ka tia, pek che ka tum nen ilo kal ta silo a, ka dah fel chiah a, lo han la rawh" a rawn ti a, vawiin chung chang a sawi chu nuamlo ka lo ti lutuk


"Tunah khawihah nge i awm a " ka ti a, Aizawl atang a alo chhuk hnu in kan la inhmu bik miahlo a, hmuh ve ka chak tehlul nen "ka haw mek han ka vat la midangin an hmu ang" atih leh takah chuan ka tho vat a, ka nu ten ka thawm an hriat ka hlauh avangin kawngka pawh dim te in ka hawng a,a hnen atangin thil pek ka beisei hran lova, amah ka nei hi ka lawm tawk emem a sin mawle.


"U Jmin , khawilaiah tak hian nge" ka tih chuan "bang sir ah khan" alo ti ve leh mai a, anilo lamah ka en anih ringin kalsawn ka tum chu hlimthla lianpui hi ka hmu a, a che lova, minlo en reng tih ka hria ka hlau lutuk chu ka au tuarh a, lei ah chuan ka tlu nghal bawk, ka thau ah min man avangin ka che sawn thei tawh lova, u Jmin-a tawng ri chu ka hria mahse enge a sawi ka hrelo, ka nu leh ka pa ka au tuarh tuarh a, anlo chhuak mai lo te chu ka thinrim hlur thei.


Ka thi ngei dawnin ka hria a, ka thil hmuh lah chuan minla en reng bawk si, engtin mah minti lo mahse hlauh avangin ka thih loh hi ka ring tawhlo "Loane i tha em" ti tu chu ka en vat a, u Jmin-a alo ni, engtik laiin nge alo thlen hman pawh ka hrelo "engthil nge thleng a i tha em" tiin ka biang leh lam leh lamah chuan a dawm a, "palian ka hmu" ka tih rualin kan in kawngka a rawn in hawng a, kawngka in hawngthawm ah pawh ka phu dawrh thei alawm le.

"Loane , ngati nge i au vak thin a, Ehe.. Jmin, enge thleng a" ka nu in a tih chuan u Jmin-a chuan "Ka kawng kallaiin Loane hi ka hmu a , ka thleng phei deuh chiah" ati ve mai a, ka thutna ngaiah chuan thu in ka tha te hi a khur ru dar dar thei.


"Palian ka hmu" ka sap a, ka nu in "khawiah maw" atih hluai laiin u Jmin-a leh ka pa erawh an ngawi reng a, "i hmuhna chu sawi ta che" ka nu bawk a ni, ka thutna ata thawh pah chuan ka hmuhna lam chu ka kawk a "tah sawn, min en char char a , a che bawk silo" ka ti leh a, thlasik lai mah nise thlanfimin min bual khat vek bawk.


"Henglaiah te Palian alo kal awmlo emai" tiin ka nu chuan ka hmuhna lam chu a pan a, "nangmah in kal suh" ka lo ti ve bawk "Palian an awm reng renglo" ka pa in a tih lai mekin ka nu a rawn au thawt a, rang zetin ka bulah rawn tlan phei in "a rapawm lutuk " a rawn ti zui a, "pa a, a awm tak tak a nia" ka nu in a tih ve takah chuan "light kan la ange" tiin inchhung a lut zui a, u Jmin-a chuan "Palian a ni dawn ami" ati a, ka nu hmuhloh lamah chuan ka kut a rawn vuan bawk amah chu ka en vat a, ka chhan hma in ka nu in "a awm tak tak alawm, ngati nge a kalsawn miahlo le, ava han ngampa emem" ati zui hlak hlak a,"i pa pawh chu ava han rei" ati leh a, a phi ruai tawh mai "Jmin nangman va en mai teh" ka nu in alo tih chuan "atih chi loh" ka lo ti ve bawk a, light awm bawk silo amah choh a va hmachhawn tir ka phal teuhlo mai.


A khuh leh kharh thin a, ka pa lo chhuah leh rualin ka kut chu a thlah nghal bawk "eng Palian nge en chhin ang aw" tiin ka pa pawh a light tha ber nen a rawn thawk chhuak a, "engmah a nih ka ringlo" u Jmin an a tih chuan ka nu in "a ni chiang alawm ka hmu chiang lutuk" alo ti vat a, keimah pawn ka hmuh chian em avangin engmah a nihloh chu ka ringlo.


"Ehe, ... A lian em anih hi" ka pa in a tih chuan a hlau ve miahlo chu mak ka ti a "Loane lo en chhin teh" dam deuh hian ala ti ta cheu a, ka ngamloh thu ka sawi chuan u Jmin-an "va en vat rawh a zahthlak" ati ringawt a, a zahthlakna engmah ka hre velo thung "ka duhlo, ka ngam teuhlo mai" ka tih chuan "va en rawh" ati deuh tlat a, eng a hria chu nimaw.

"Awi Loane" ka nu bawk a ni,"hethil hi khawi a mi nge a " a ti leh a, u Jmin-a ka en chuan "va en rawh" alo ti ringawt a, ngaihtha zan lo a ka va en chu tedy Bear lian zet mai hi kan in bang nghengin alo awm run a, a bulah chuan ei tur chi hrang hrang a awm bawk, light engin a chhun phakloh avangin a thimlai ah alo awm a, thim zingah chuan hlauhawm khawp a lian a ni, "heihi em ni i Palian hmuh chu" ka pa in nui pah a a tih chuan u Jmin-a chu ka en vat a, a khabe alo tuai puat a, ka hrethiam ta chiah e, heihi a nihhi a thil minpek chu, hei ngei hi a nihhi ka valentines day present chu.



"Khawimaw" tih leh tedy bear chu pawm ka rual a, heti emem a lian te hi an zuar tih pawh ka hrelo, a bul a ei tur ho chu khai in ka kalsawn pui a, in chhung ka luh rual a ka nu in "la ringawt suh, mi dah aniang, nakinah anlo la leh duh ang" atih pawh chu ka hre reng a, hawi let chu sawi loh chhan pawh ka chhang ngam tawhlo hrim hrim bakah hethil tu tu ta tur mah anilo ka ta tur ngei a ni "ava han hahthlak thin tak, Jmin, thingpui lo in ta che" atih pawh chu ka la hre pha a, thingpui in pawh a ngaiin ka hrelo haw vat se ka duh zawk, ka zak lutuk hi sawi ngaihna pawh ka hrelo engtin nge a hmel pawh ka hmuh ngam tawh ang ..



Ka roomah chuan ka in kalh hnan a, ka nu alo kal ngei dawn tih ka hriat vangin ka hmachhawn peih rih tlatlo, hrim hrim in u Jmin-a pawh hetiang min pek dawn te chuan sawi lawk ve tur ania, sawi lawk se chuan hetiang buaina hi kan tawnglo tur...



A tedy bear min pek lah chuan chiang emem in min en reng a, a lian si, min hrilh lawk se chuan ka hlim pui dawn tehreng nen tunah chuan zahna leh hlauhna ka la nei tel a, ka rilru hian thinlung takin ala pawm theilo.


A ei tur rawn dah tel chu ka hai rawk rawk a , Lion chu la in ka in nghal khawlh khawlh, ka dang te hi a ro hman vek alawm le.


Message tone lo ri ve chiah bawk nen ka phone chu ka en vat a, u Jmin-a hnen atang a ka message dawn chu "hi" tih a ni, a inthiamlo ve deuh nge mawni "hello" ka tih chuan rang zet hian "tha maw" arawn ti leh a, a tih dan vel chu a inthlahrun hmel riauin ka hria "ka zak" tih ringawt chu ka thawn let a, a seen rang khawp mai "ngati nge" a rawn ti a, a hrelo tak tak nge a hrelo der zawk "ka zak a nimai , sawi vak ngaihna awmlo" ka ti a, zanin chu biak pawh ka be chaklo , a bulah hian ka che chhe thei emem zel te hi a chhan pawh ka hrethiam tawlo.


Minla rawn call zui a, lak loh ka tum zet na in ka la ta hram "aw" ka ti ringawt a, ka zah zia hia hria se chuan min rawn call miahlo ang mawle "i lawm lo em" inthlahrun hmel deuh chuan a rawn ti a, lawm loh chan tur ka neilo a awmlai kher a ka che chhe thei lutuk hian min ti zak zawk a ni "lawmloh chhan tur ka nei hleinem" ka ti a, a awih vaklo nge ni thawk ala hak a "Lalte" zawi te hian a ti a, Lali min tih loh leh Lalte minti ziah thin "umm" ka lo tih chuan "ka tihpalh aw" ati a, a thiamna rengah pawh ngaidam a dil a nia "tikhan ti suh, engmah tihsual inei lo" ka ti a, i thiamlohna neilo se ka duh, hetiang a a awm chuan nuam ka ti bik reng reng lo.


"Ka nei alawm ka ti hlauthawng che a " atih chuan "khate chu ka hmuh sual vang anihkha, ka chet chhiat lai tak hian ilo awm ve thin bawk sia, ka zak alawm" tiin ka rilru diktak chu ka sawi chhuak a, kan in ngaihzawn hma atang tawhin alo awm ve ziah tak tak a, zaklo ila mak minti zawk ngawt ang chu!


"Kha tak kha alawm i duhawmna" ati chu ka awih lo zet hian ka nui a, tak tak nise ka ti , ka chhan hma in ka nu in ka room kawngka a rawn kik a, min au zui nghal bawk "nakinah ka lo be leh ang che" tiin call chu ka dah zui a, kawngka ka va hawn rual rualin a rawn lut zui nghal zat bawk.


"Han dah leh rawh a tih chi loh emai" tiin Tedy Bear chu kawng dawm meuhin a en a, a dum leh var in pawlh a ni bawk nen hmuh sual chu awl ve duh tak a ni "tu dah nge maw ni reng reng le, an tibo aniang tih dawnin a lian ropui mai sia" tiin a thlek leh vang vang thin a, sawi ve tur pawh ka hrelo.


"Han dah leh ang, an rawn la leh duh ang" ti a pawm mai a tum chu ka lo dang vat a, "an rawn zawn chuan min rawn zawt mai ang, hlauhthawn vak angailo, kan in bulah an dah a, kan thenawm te an zawt ngawt bik nang" ka ti a, a dahchhuah leh chuan midangin an la daih ang tih ka hlau.


"Chupawh nise min rawn zawt ngamlo thei a, ehe Lion te hi ilo in hman alaw" ati leh a, ka ta tur tih ka hrilh chuan min pe tu min zawt dawn bawk si "ka lei leh mai ang" ka ti ta ringawt a, min melh no lo chiang teh e "a hahthlak thin ngei mai, fapa sual nei ang char char ka ni" tiin a chhuak zui a, ka thaw huai thei mahse ka pa bulah a han sawi leh anga, zinglam ah ka pa in min zawh tawh loh hram ka beisei.


Ka phone ka en chuan Sangpui message alo tam khawp mai, chhiar lem lo chuan "atha vek, ka buai deuh a" tih chuan ka reply a, a thiam dan dan in bia se tha ka ti zawk hrim hrim.


U Jmin-a nen text in kan inbe chhunzawm a, Goane lo haw lai pawh ka hrelo room pawn atangin "Tedy Bear i chhar a mi" arawn ti a, ka khum bul a tedy Bear chu en in "chhar e " ka ti ve mai a, "ka van hmu ve chak" atih avangin room kawngka ka va hawng leh a, Goane in a hmuh rual a a hlim zia chu "ka van duh tak, ka awt lutuk a" tiin a kuah a,ka lo en tawp ringawt "Û amak e.. Khawiah nge i chhar a" atih leh chuan kan inbul a ka chhar thu ka lo sawi ve mai a, "ka nu in dahchhuah tir leh tur che in min ti nia aw" atih leh takah chuan "ka dah chhuak awmlo e, ka dawn ve a nihkha" ka ti ta nge nge a, Goane bulah chuan engpawh a sawi ila a sawi chhuak dawn chuanglo.




"Bialpa inei animaw" ka mitah tak min en kiau a, ka nu chiah chiah a ni "neilo, min pe ve tawp" ka ti chu a awih loh hmel kher mai "zanin chu ka lo riahpui dawn mawnle" ati a, naute'n an awt ve em em sia, han phalloh ngawt theih pawh a nilo "zanin chiah ka phal a nia " ka tih chuan a nui leh ver ver tawh "duat ang che, Laltea anihkha" ka ti a, a neitupa in Laltea ti miau hek "a hming ava mak" atih leh erawh ka chhang zui tawhlo.



Laltea pawm chungin a room lam a pan a, a hlimpui ngang mai , mut hmun a u Jmin-a nen a kan inbiak leh na ah Goane in a riahpui thu vel ka sawi a, a lawm loh ka rin tehreng nen chutia Goane in alo lawm chu u Jmin-a pawh a lawm zawk khawp a, ka lawm ve chiahlo in a hria nge mawni "a lawm zawng alo ni hlauh chu a lawmawm" ati a, nuamlo ka ti lek lek zawk.