CHAPTER 12
BY : JENETI
Zothanfeli pov
Repeat
A password chu ka pian kum thla leh ni a ni, ka ngaihtuah na chu a ni thei lo ang, tiin ka lu chu ka thing nawk a, a phone chu ka check sak ta a.
___________________________________________________
Ka on eng chiah chu ka meng kawk nghal, a lockscreen ah chuan, ka mutthil lai thlalak a lo hmang a nih chu, mak ka ti bawk si thinrim deuh bawk si, zak, lawm deuh tho bawksi chuan ka in pawlh nawk, password chu ka chhu a, a in hawng ka thil hmu leh lek phei chuan awm ngaihna min ti hrelo mai dawn alawm le, a wallpaper ah thleng thleng chuan ka thlalak a lo hmang a nih chu, kan la inngaizawng em silo a, a lo hmang nghal thawt thawt chu ka lawm leh ta vaklo, khaw chhung miin hmu palh ta se, kan la inngaizawng hma in inngaizawng angin kan thang anga, chu chu ka duhlo ber a ni.
Keichuan ngaihzawng te social media a tih lang vak vak te hi ka duh velo a, a zathlak ka tih zawng tak a ni, a hnu ah an inthen leh thin a, an mahni lah hian an zak ngai thin silo.
Kei chuan pasal neih hnu ah, an in ngaihzawng awm lai ka hrelo reng reng an tih theih ang tur kha ka duh a ni. Kan pasal neih tur chiah hi hria se kan inngaihzawng lai hrelo thung se ka duh ber.
A ig ah chuan ka lut ta a, a ac chu ka check ber, thlalak chu 1 a post ve a, chu pawh an collab pui a ni, mahse eng nge ka hmuh hi, hepa pui roh hian film a chang maw.
‘Raymond’ tih film a ni a, a chanpui te ni awm tak nen thla an la ho a, an thlalak na zawng zawng ah vawi khat mah nui hmel a pulo, a thawh pui te an nuih sang laiin, a ni chu alo tak run bik.
Comment na chu ka chhiar a, comment tu ringawt pawh a tam viau mai, a ‘changtupa leh misualpa ni bawk u sawma ka duh bawn let tawp tawp’ tih chu ka hmu fuh chiang lutuk, a changtupa leh misualpa ah maw a lo chang a, hrim hrim in film chang thin pawh a anglo viau a sin.
Comment na tam zawk chu, changtunu leh changtupa in hmeh an tih thu leh, baby shirk-a pa an tih thu deuh hlir a ni.
A film changpuinu, a changtunu chu miss mizoram a ni. Keipawn in hmeh chu ka ti chiang ve alawm, zep lo chuan, followers a ngah em em laiin follow erawh engmah a neilo, hepa han over zia hi.
A story chu ka delete daih dawn amaw ni ka ti rilru a, mahse nuam ka tih ruk ve tho avang in ka delete leh ta lo
, a message chu ka check sak a, betu an ngah mai mai zia chu aww, mahse en pawh a en ngailo ka thai chho char char a, be tu te chu hmeichhia hlir a ni. Kei chu ni ila ka ngam pawh ka ringlo u isacka pawh kha rei tak star tawh e tilo chuan, private in vawi khat mah ka la belo.A hmasa ber a, message lo awm chu ka chhiar châk tlat pek a, ka chhiar châk vek tho na a chu, hei hi ka chhiar châk bik fal a chhan chu, miss mizoram nu kha a ni miau a, messages pawh a hnut chhiah hnem viau nghe nghe. Ka en sak dawn em aww ka tih rilruk laiin phone call a lo kal a, ka phu zawk nghe nghe baby shirk-a phone a nih avang chuan ka ko a, mahse a hre thei bawk silo, room va luh ve ngawt lah chu ka duh chiah bik bawk silo a.
Ka in ngaihtuah lai chu har zawk in, phone chu ka en a, call chu alo tawp fel chiah. Mahse a lo lut leh nghal zat call chu ka la ta tawp caller id ah chuan PU Rammuansanga tih a lo ni, hello pawh ka tih hma in, rang tak a i lo haw chhoh a ngai tlat mai, glass house a kan file pawihmawh dah kha a bo nual mai a, hmanhmawh thlak khawp mai a rawn ti nghal a, ka chhang loh avang chuan hello a rawn ti a, aw thian kharin ka pu, baby shirk-a oh u u sawma chu a in khawm a bang chaih a, a inthlak a, ka ti bah nak a, ka sawi zawng chuan ka ner nasa,a nih chu, a zawh ve leh min lo biak tir nghal vat ang che, tiin a off zui nghal daih a.
Eng nge a sawi awmzia pawh ka ngaihtuah hma in call a lo lut leh a, officer pekhlua tih a lo ni tawh thung, la vatin rang deuhin hello ka ti nghal a, lehlam chu a reh vung vung a, hello ka ti nawn leh a, sawma ka va be duh ve a rawn ti thum dût a, a inkhawm bang chiah a, a in thlak mek a, ka ti a, a zawh ve leh min lo biak tir vat ang che aw, a rawn ti ve leh a. Awle tiin call chu kan dah zui a.
A pawimawh viau a ni ngei ang, an thu sawi awm zia lah kha ka hrethiam ve lo nasa, baby shirk-a chu ka ko leh pawh chuan room a in kalh tlat avangin a hre theilo a niang. Nuam ti vak tawhlo chungin a phone chu ka en leh a.
Miss Mizoram nu ah chuan ka lut ta nge nge, a message chu uluk leh hmanhmawh rilru tak chuan ka chhiar a, ‘ka ngai che, a chhan tal sawi rawh. Eng vangin nge min then, min then mahla ka then ve dawn chuanglo che, ka hmangaih che sawma ka ngai che, tinge min pehel reng,’ tih te a lo ni duah mai, a then chu chhiar tlak pawh a awmlo baby shirk-a chuan vawi khat mah a reply ve lo, miss Mizoram nu nen hian anlo inngaizawng tawh thin tih na a ni maww, miss rsp-i lah chuan hmeichhia e tilo in a tawngkam a duh tui lo in a thawmhnaw fexcy (Rem kalami tih dan kan la ve zuks
) deuh deuh te chu hain a thlalak te arawn thawn a, miss Mizoram ve meuh hetiang a, a han awm duh chu maka ti hle a ni.‘I duh i hmu meuh maw’ rawn ti tum dût avang chuan ka phu nasa lutuk a, ka phone ken lai chu ka thloh chiang lutuk, awii min ti phu alawm tih pah chuan a phone ka thloh chu rang zetin ka chhar a, nangmah vang a nih hi, tiin ka in sawi khalh nghal zat a.
A keh leh keh lo ka en a, a lo keh lo hloh, ka thil en chu rang zetin ka back nghak mawlh mawlh a, i duh ‘i hmu bawk maww, ka thawm hre lo khawpin i bih ngur ngur sia, i duh i hmuh ka beisei’ a rawn ti leh a.
Ah aw hmu nimai ka ti bah nak a, a tawp lam phei chu a zuih ral a ni mah zawk, nui suk suk in i duh khawp i chhiar meuh a maw, i duh leh chhiar leh ka a rawn ti leh a, chum pawpin ‘ i over lutuk, ka chhiarlo bawk ka hmet fuh palh mai mai a nih kha ’ka ti teu hlar a, mahse ka thusawi chu a awihawm loh zia ka hre chawp chilh nghal, hmet fuh palh mai mai chu a nih ka va ring lo em, a rawn ti leh hram a, hmmh chhiar i phal loh chuan sawi tha hle* mai ta che. Kha, chhiar lo pawn ka awm thei th pah chuan a phone chu ka hmeh bel chawt chawt a, i ngai kawi a nih kha, ka fiam mai mai che a nih kha, i duh hun hun ah, nangte chu chhiar ka phal vek, ka ta chu i ta vek alawm, a ti sup sup a, ka bul ah rawn thu thla in ka chal ah a rawn fawp zeuh a, ka thinrim tak tak emaw a ti chiang lutuk.
Nichin a rawn call tute kha hre chhuak zawkin, miin an lo kal che a, pu Rammuansanga leh officer pekhlua a niin ka hria, ka ko che a i hrethei bawk silo a, ka lo chhang tawp a,a pawimawh hmel lutuk call nghal tur che in an ti che a, pu Rammuansanga phei kha chuan glass house a file pawihmawh dah a bo te a tiin ka hria,a mah en pah chuan ka ti a.
A mitmeng chu a danglam zawk a, ka lo bia ang a tih a ang chan a phone chu ka pe a, tikhan lo awm lawk rawh ka reilo ang tiin room lam ah bawk chuan a lut zui a.
Minute 5 vel hnu ah rawn chhuakin Zo-i ka haw angai, a hmanhmawh thlak khawp mai, hna lam a nia, min lo insiam pui lawk mai a ti a, maww ti teh thut nge ka ti a, hna lam ka tih tawh kha buaina kan tawk palh a, a hmanhmawh thlak khawp mai a ti leh a.
A room ah chuan lutin a thawmhnaw dahna ah chuan a thawmhnaw ken ho chu ka dah luh pui sawk sawk a, a hmanhmawh thlak viau a nih ka ring, a che te chu a hmanhmawh khawp mai, ka thlah pah dawn che nia tiin kan chhuak zui a, chabi chu doormat hnuaiah chuan a dah a, mortor chhung ah chuan lutin kan kal zui a.
Kan in kan thlen chuan chhuk nghal mai ka tum a, min lo vuan vatin ka tihpalh a rawn ti sup a, eng ah maw ka tih chuan, haw ka ngai sia i bul ah ka awm hman dawn silo a, a ti a. A ho lutuk i hna a nia, a pawimawh te chuan i haw mai a ngai lawm ka ti a.
Ka thleng ve leh ka lo be dawn che nia, ka ngai ngawt ang che, ka lo chhuk vat tawh lo maithei a, mahse ka lo be thin ang che. Tiin lo awn pheiin ka sam chu a rawn tuai zeuh a, ka chal ah rawn fawp vang vang a, a in lak hran hnu ah, kal tawh rawh le a ti a. Glass a up vek avangin tuman min hmu theilo.
Keipawh chhuk nghalin in lam chu ka pan a min rawn auh leh avangin ka hawi phei a, glass chu a lo down tawh a, fly kiss min rawn pe zeuhin min lo bye bye a, bye let ve in ka luhsan a, a ni pawh a tlan chhuak thawm ka hre zui a.
In chhungah chuan ka thiante chu an lo la awm a, baby shirk-a awmna min lo zawt nghal a, a haw ka tih chu , ‘maw ti nge? in in hau a mi ?’ an rawn ti nghal a, hau mau mai lo hna a nei thut a, a hmanhmawh thlak sia a kal nghal a nih kha ka ti a.
An rawn biak dan kha chu sawi ve kher ngaiin ka hrelo, a lo chhuk leh a ngam lee kum hlui thlah zan hmang ho ila ka ti a sin mawle, a van han hun lo thin tak, Remi chuan a ti a.
U sawma hian eng nge maw a thawh ve leh kimi chuan a ti a, nu zopuii sawi dan kha chuan dawr a nei a tih kha, a mah pawn a ti tak ka lo ti a, lungleng kan awm dawn a nih hi Rohmingmawi-an a lo ti a, ka thiante chu an nui kar kar hlawm a.
Kan in thlak zawh chuan, ruai theh tur in kan kal nghal a, kan kal lai chuan ka phone a lo ri a, baby shirk-a alo ni. I thleng tawh a mi? engmah a sawi hma chuan ka ti nghal a, thleng lo ka lo call che chu pawi i va ti awm ve a rawn ti hmuk a, hepa hi a ngai kawi nghal ringawt a nih chu, pawi ka tih thu ka sawi loh kha, nghal ringawt che hian, ka thleng hun ah ka lo bia ang che i tih vangin ka lo zawt mai che a nih kha, ka ti hlak.
Ka tihpalh, ka ngai che, a rawn ti thum dût a. Sawi tur min ti hai chham chiang hle a ni. Ka thiante chu ka melh ralh a, engmah an hre ve lo a nih tih ka hriat chuan ka thaw huai, fim khur deuh khan khalh ang che, hmanhmawh viau mahla fimkhur tho rawh ka ti a.
Min ngaihtuah ve deuh tih na a mi? a rawn tih chuan, ngaihtuah ve bawklo ten ka ti hlar a. A ri rawk rawk zui a, umm min ngaihtuah a ka van lawm em em, ka lo fimkhur ang, ka ngai nghal che a rawn ti leh a, ka ngai velo che, ka lo ti thung a.
Min ngaihtuah chuan min ngai ve tih na a nimai lawm ni, ka lo video call che kha lo la rawh a ti zui a, la vatin, motor i khal kha eng nge i rawn video call kher a, ka lo ti a. Ka hmu chak che alawm a lo ti daih thung a, i bialnu pawh ka la nih loh hi aww, over viau suh ka lo ti hlak thung a.
Ka thiante nen chuan an in be ve zuai a, camera a rawn en rei thei mai bawksi, kawng kha en tha hle hle rawh, helam rawn en suh ka lo ti vin hlar, ka thiante lah chuan hei a ngaihtuah khawp mai che fimkhur hle rawh an lo ti a.
Baby shirk-a chu a nui suk suk a, dah tawh ang kawng i en tha lo em mai i accident palh ang, i mâwl bawksi ka ti a. Call chu kan dah ve thei ta hram a.
Ruai theh zawh chuan leng kawi tawhlo in, kan haw zui a, baby shirk-a chuan min lo la call leh rih tawhlo a, a call chang pah chuan ka phone ka khawih kual vel mai mai a.
Vanmalsawma Pov
Zo-i bul a ka awm lo chu ka ruak nghal huai hian ka inhria, haw nge ngei ka ngai si a, pu Rammuansanga ka call khan ka haw na chhan tur case lian lutuk a lo awm reng mai, misual ho hi ka ning tak zet a ni, ka hna hi nuam ti viau mah ila, Zo-i ka tawn atang hi chuan ka ning deuh tlat tawh, hun lo deuh deuh ah hian hna thawh hi a lo awm leh thin a.
Ka haw chhan tur hi, sawrkar tan a thil pawi mawh lutuk file pawihmawh a bo tlat a ni. Security guard an dah hnem teh reng nen, eng tia han bo thei mai nge maw a nih ni. Professional ve tak chu a nih ka ring, spy pawh a ni maithei bawk.
Zothanfeli pov
Awm mai mai chu thei tawh lo in inchhung chu ka ti fai leh rih a, ka thawm hnaw vel ho chu ka rem fel leh rih a, chu tih lai chuan ka phone a lo ri a, baby shirk-a a nih ka ring tawh, ka va en chuan alo ni ngei bawk ka chhang vat a, ka in bual zo chiah a lo ti a, a tleng tluang leh tluang loh chu ka lo zawt ve vat a, a thleng tluang thu chu a lo sawi vat a, ka ngai che a ti leh tawh i over eee, kalo ti vak a, a nui chhuak hawk a, hmm mi kan ngai ve em em che a, a lo ti a, a tawng dan vel lah chu a naupang chhia ang reng bawk sia, hahthlak reuh tak tak a ni.
Min bialnu chei viau suh ka bialpa pawh i la nih loh kha, bialpa dang ka neih san daih mai ang che ka lo ti fiam a, han nei vaih teh, chu pa chu a nuamsa lo viau ang a lo tu6 hluk a, eng vangin maw? keimah zawk min hnek dawnlo a mi ka tih chuan, nangte chu lo sual viau pawh nila ka hnek phal teuh lo che, a lo ti hluk a, nuam ve reuh mai mai tak a ni.
Thu tak deuh zawk chuan, ka lo chhuk vat thei mai ka ring chiah lo a, hei tunah pawh mi hmuh tur ka nei a, ka kal hma in ka lo be lawk che a ti a. Ih thil ka lo zawt che aw, ka ti a.
Ka zawh duh hi, a haw hnu a tang khan ka rilru ah a awm char char tawh. Umm sawi la a rawn ti a, ka rilru a awm hmasa ber chu ka sawi chhuak nghal phawng, spy a mi i nih a, file bo te kha an sawi sia, i chhui dawn a mi ka ti a. Nui hawk in nilo e, a dang zawk a lo ti a.
Eng nge a dang chu ka lo ti vat a, CID officer a lawm ka nih, nangmah i nih vangin chauhin ka hrilh che a nih chu, tuma bul a sawi lo tur aw, a ti a. Ka lu ka lo bu nghut a, mahse phone in kan in bia tih hre chhuak lehin, aww sawi lo ang ka ti a.
A nih file vel chu i chhui dawn a mi a, avan pawimawh awm em em ka ti a, umm pawimawh lutuk, sawrkar tan pawimawh lutuk a nia. Ram dangin kha file kha an kawl vaih chuan kan ram tlak chhiatna tur a ni ngei ang a ti a.
Mak ka lo ti lutuk, tinge a nih nang mah kher chhui tir che an tum a, ka lo ti a, keimah chauhin ka chhui dawn hleinem, thawhpui officer dang te nen kan chhui dawn a lawm dam thlupin a ti a.
Kal tawh la, In chhui chhuah vat theih nan ka lo tawngtai pui ang che ka ti a. Awle mi fel nu hmeltha nu, ka ngai che, ka lo be hman tawh rihlo maithei che a, min lo nghak duh suh aw, ka dah a nia a ti a.
A off zui nghal a, a nihna ka hre ta chu a mah nen a inhmeh khawpin ka hria, min ring hle tih ka hrethiam a, a chhan chu kha tiang a thil sawi te kha, mi mai mai bul a sawi chi a nilo tlat a ni.
Min ring ngam a, a nihna leh a thil chhui tur thleng min hrilh a, chuvangin a rinna tih chhiat ka tum biklo, chhui chhuak vat nghalvse ka ti hle bawk, chuan hriat chhuah ka nei a, sir mamuana man tu te zing ah khan a tel ve chiang lutuk, CID pawh an tel a tih kha, ka hmu dun thin laite khan a lo chhui pah reng tihna ni awm sia, sir ma muang a lah khan a hre lo a ni khawp ang, a van lo in thup thian em em.
Zanah pawh kan in be leh ta lo, a buai nghal viau a nih ka ring. Chhun lam ah chuan ka thiante an lo lang a, baby shirk-a be turin min ti a, a buai dawn tih ka hre ve khiau sia. Ka be duh lo, ka ti tlat a, in in hau a nimaw I tt Chiang Mai, an ti daih a.
Keiman kan bia a nge tiin Remi chuan call a tum a, a ngailo call lo ang ka tih pawn a call ta tho, nuam ka va han tilo tak, a hnathawk tih buai ka hlau viau a sin lee, chu vangin be châk ve viau chungin ka be duh lo a nia.
Call chu a la thei ta lo reng a, call tawh suh ka tih rualin a call nawn leh ngat a, ka va han nge mai mai tak rei vak lo ah, hello a rawn ti thum dût a, kan awmho a, i bialnu hual nen in in hau a mi hei be tur che in kan tia a duh tlat lo a, a ti zat zat a.
A va han tul lo thin tak, khawnge arawn ti a, hei, ta hi a awm tiin ka hmai zawn ah phone chu a rawn keng a, phone chu lo la in ka room ah ka luh pui daih a, i thinrim a mi a rawn ti thum dût a, thinrim lo, ka ti a, ka tihpalh ka buai lutuk a, min lo hrethiam hram hram rawh aw ka ngai lutuk che, lo thinrim tawh lo hram rawh, a rawn la ti a. Ka thinrim lo ka tih kha, i buai ka ring a, ka lo be duh lo che a nih kha. He mite hian kan in hau a, ka ti tau emaw an lo ti tlat vang mai mai a nih kha, ka ti a.
I hrilh lo a mi a rawn tih chuan, hrilh lo tumah hrilh lo tur in min tih kha ka ti a, nia, a ti a. I buai chuan ka dah dawn a nia. Ka ti a, umm buai ve tho mai, ka lo bia ang che hman deuh hun a, ka ngai lutuk che a ti a, ka ngaih ve thu erawh ka sawi ngamlo ka zak, call chu kan ti tawp zui a.
___________________________________________________
Zanin chu a ngaihnawm em em pawh ka ringlo🥲
Tlak duah tur pawh ka neilo
