Chapter-1
By Betsy lalngaihsaki
Erica lalnunsangi's pov-
Ka tihtur hrelo chu washroom ah chuan ka awm reng ringawt a, ka college ni hmasak ber anih mai bakah thian pakhat mah ka la neih loh avangin ka mal tak zet a . Ka tan Chuan ni hi a sei lam mah ani.
Rei fe ka awm hnuah chuan chhuah mai ka rilruk a, ka chhuah hmain darthlalang hmaah chuan ka in en leh vang vang phawt a, ka lipstick man to zet chu ka hnawih nawn leh.
Erica lalnunsangi ka ni a, tunah hian Hyderabad ah college ka kal mek ani. Hyderabad a awm hi ka duhdan ani bik lo a, ka pa hi pa hausa leh strict tak ani a . A thil tum tawh chu tih hlawhtlin ngei tum mi ani. Thu a duh em em na hi ani a mizia a ka huat ber thin chu.
Ka pa hi mizoram ah Chuan sumdawng hausa pawl tak ani ve a. Ama pualin hotel lian ve tak a enkawl a. A hausakna avang te pawh ani ang mi zah a kai em em thung. Ka nu thih hnuah nupui te a nei leh a, a nupui chuan fa nula Kum 25 leh 23 mi anei tawh nghe nghe . Unau thisen zawmpui ka neilo a, awt pawh ka awt ngai hek lo. Ka nun nun hian ka nung mawp mawp ani ber.
Ka unau te nena kan awm ho hi chuan ui leh kel thlun zawm ang mai hi kan ni thin a, an ni chuan ka pa tih lungawi loh an hlau em em a, nitin zantin min hek reng bawk thin. U Jenny chu a sual em em hran lo a, a u zawk Jessicai erawh lucifera cousin chiah chiah ani thung. Kan in mil loh zia chu ka hrilh tawh che u kha , ka pain phai lama ka duh loh chunga min dah chhan reng ani mahse tunah erawh ka awm loh ka hlau tawh takzet.
U Jenny hi ka pa hotel a thawk ve a, u Jessi erawh nurse ani a civilah a thawk ve thung. Kan chhungkua hi chhungkaw inpawh tak tia sawi tur kan ni lem lova. Kan duh duh danin kan khawsa mai thin.
Kum 21 mi niin Hyderabad ah college ka kal a, nu hnap chi ka nih mai bakah ka inchhuanna lam nilo se ka pian analh in ka lo hmeltha zek nen Social media ah pawh ka invawrh lar thuai a. Chu chu remchangah la in online shopping ti hoin an thawmhnaw min fak sak tur te in min ti thin a makeup te nen tunah chuan Instagram model ka nih tawh ber chu.
"Watch where you're going" lo ti hmak tu lam chu ka hawi rang teh asin. Min lo melh ralh a.
"Ohh.. sorry " ka lo ti leh mai a, ka inngaihtuah muk lutuk avang khan ka su tep anih hrep kha.
" You're new, aren't you"a tih leh takah chuan dak chho ha in lu ka buk khum nghat . A hmel en chuan mizo a ang hle a, mahse anih loh hmel.
"What's your name?" Ati leh a, " Erica lalnunsangi " tiin ka lo chhang leh mai, chutah "ohh.. mizo ini em," atih leh chuan mak ti zetin alam ka hawi phei a, min lo melh kur . " Ni e, eng nge i hming ve" ka ti a ka kut ka phar nghal zat " Lydia , ka nia " tiin ka kut a rawn vuan ve vat .
Nuih var varin " mizo ini lo emaw ka lo tia " ka tih Chuan " ka nu mizo ania, ka pa chu Thai " alo tih leh Chuan , mak pawh ka ti lem lo, mizo tawng a thiam tho na chu a pai deuh lek lek em aw tih tûr ani a . "1st sem tho ami inih a," ka tih leh chuan, " ni lo e, 5th sem" tha deuh chuan min chhang ve mai bawk , ka senior lek chu niin.
A kal hnu chuan mak ti zet hian ka en reng a hmeichhia chu ani ve sia a landan pa lutuk hi ani mak ka tih zawk tak chu. Han en reng reng khan 5,7 vel a sang ani tih a chiang reng a. Keihi 5,4 ka ni a, ka cher chhe hran lo a, ka khal ve tat bawk.
Class pangngai em em kan la lo a, first class anih vang te pawh ani ang.
Lokss, ka sawi theihngilh Hyderabad ah hian keimah teh tawlin ka awm lo ania, ka thiannu Nupuii nen class 10 atanga 12 thleng kan kal dun hnuah Hyderabad ah kan awmdun leh kha ani a, inluah tawm chak viau mah ila ka pa in a phal tlat loh avangin hostelah kan awm a, ka roommates ani nghe nghe. Ani erawh 'law' lam a zir thung a, LLb a zir ve mek ani.
Hostel ka va thlen chuan Nupuii pawh alo awm vang tawh a, a puan thlep fel mawp mawp pah hian " Ilo thleng tawh elaw, nuam iti em in college chu" alo nui sang leh tawh. "Aa..nuam tho mai , thian ka la nei loa nang " inthlak mawlh mawlh paha ka zawh ve chuan , "la nei bik lo, tumahin min biak pawh an tum lo , an mahni awm awmin an awm amaw " atih chuan mak pawh ka ti lo, kan college ah pawh an ni tho vai ho zia ve reng nge anih pawh ka hrelo.
Nupuii nen hian khawvel hi kan chen dun ve a, an chhungkua pawh an lo rethei zawk zawk lo bawk nen party naa kal zuk zuk te hi kan ching thin khawp. Nupuii pa hi Doctor ani a, anu erawhin dawr a enkawl a, u mipa pakhat leh nau mipa pakhat a nei a an unau a hmeichhe awmchhun anih vang te pawh ani ang an duat vet vet hle. A u hi college professor ani a, a nau erawh highschool ala kal mek ani.
Bar ah Chuan kan thu leh vang tawh a, weekend tin a kan tihdan ani. Kan hostel hi an strict ve thawkhat a, amaherawh chu kan chhuak ru fo a, min la man ngai lem chuang lo, min man hun chuan min hnawtchhuak emaw min hau hrep ka ring.
Zandar 10:30 velah hostelah kan let a, zanin chu whiskey kan inlo a, beer kan in ringawt a. A ruk thei ang ber in gate hnung lamah chuan kan kual a, zandanga kan tih thin dan ang bawkin kan lawn Kai leh a. Tumah erawh chuan min hmu lem lo.
Room kan thleng chu khumah chuan ka let thla nghal tawl a, " intihfai te i tum lo ami?" Nupui'n atih chuan " naktukah ka inbual tawh mai ang ka peih tawh thlawt lo" meng mang lo hian ka lo chhang mai a, a chek tlak tlak ringawt.
Nupuii hi hmeichhe invawng fai thlarh mi ani a, kei Anglo takin bialpa nghet a nei a. A nu leh pate hian zantin deuh thaw an lo biak laiin kei erawh ka pain min lo be zauh zauh chauh a. Ka thik lek lek thin.
Ka nuin min boralsan khan naupang a mai ka la ni a. A thih hlimchhawn lai vel kha chuan engmah ka hre tak tak loa. Thla te a liam a, Kum te a vei meuh kha chuan tu mihring mah khan ka nu hmun kha an luah zo lo ani ber . Ka pa ngei pawhin min ngaihsak loh lai khan tu mihring mah khan ka ring theilo , a bik takin ka nu hrawn te nufa leh lek phei kha chu ringlo tak ka ni.
Zingah hma takah ka tho a, Nupuii erawh ala muhil thung . In bual turin bathroom ka pan a, ka inbual zawh chuan Nupuii chu alo tho ve tawh . " I lo tho tawh elaw" ka tih Chuan, a puan thlep mawlh mawlh pah hian , " Tho deuh chiah , i thawhna a rei tawh ami ?" Ham bai bai chunga atih chuan. " La rei vak lo, inphihfai la breakfast kan zuk la dawn nia" ka ti a. A che zui mawlh mawlh.
College ka va thlen chuan mi an lo awm sap sap tawh a. Kan hostel atang hian a zuk hla deuh a, taxi a ka kal pawn minutes 20 vel ka hmang thin.
Class ah ka thut mai mai lai chuan hmeichhe pakhat hian nui var var chungin min lo pan a, " hii, Saniya ka nia, eng nge i hming ve " ka bula rawn thut pah chuan sap tawngin ati a, "Erica-i ka nia" ka lo ti ve vat, " Eurikha maw" alo tih Chuan " Erica" a lam dan diktak chu ka hrilh ve mai a. Hnam dang ho hian ka hming hi lam harsa an ti a, a diklo in min koh fo mai.
Vawiin chu class pangngai tak kan la a, keiman be hmasa lo mahila min rawn be zeuh zeuh hlawm a, inkawm em chu kan inkawm chhunzawm lo.
Zanah chuan ka pa in min rawn bia a, " zanah te khan i leng chhuak ange,tunlai hi boruak atha lo ania," atih chuan ka len ngai loh thu ka lo hrilh mai a, a awih ve mai aniang . Ka sawi tawh kha ka chhungte nen kan inbe vak ngai loa ngaiah ka nei tawh hmunkhata kan awmlai pawh khan in inkawm ho chu sawi loh chaw pawh kan eirual ngai lo kha ani a. Nupuii hi ka awt ve lek lek thin.
Ka pa in pawisa min lo thawn belh leh a, ka neih sa pawh ka la hmang zo lo a, sumah na na na hi Chuan ka buai lo. Ka pa hian min ngaihtuah loh tawp ani lo a, min hmangaih lutuk tih ka hria mahse a fa hrawn te leh a nupui nen kan inmil lo miau sia, chhungkaw tana tha tur bera a rin phairam a min dah kha ani , hre reng mah ila ka hrelo lui ve tlat. Ka nuhrawn te nufa hi an phakar si ka nel hlawl lo .
Thla thum zen zawn alo Liam leh ta reng mai kan routine pangngai in Nupuii nen kan khawsa mawp mawp a, kan theih ang tawkin khawvel lamah kan inhmang ka ti mai. Kan mizopui Hyderabad a awm ve tho te an inkhawm suau suau laiin keini thian dun erawh khawi khawi ah emaw kan vak thawveng daih thin.
Kan college ah pawh thian ka nei ve nual hlawm tawh a, vai anni deuh tlangpui avangin chutin ka nel hlawm em em lo . Nupuii erawh Hindi tawng a thiam avangin mi tupawhin an nel a, thian chu chhiar tham fe a nei tawh.
Tunlai chu Nupuii leh a bialpa inkar a tha vak lo bawk nen zantin kan chhuak ziah a. Kan kalna hmun erawh kan thlak ngai lem hleilo a. Kha DEJAVU barah ngei khan ani kan kal ve ziah thin ni.
Class kal regular deuh kan ni lo a mahse kar khatah vawi thum tal kan kal ngei ngei thin. A chhan pawh attendance a tlak kan hlauh miau vang ani pakhat.
Kan mizopui te nen kan inhmu leh hlawl thin a, Vairamah awm thin te chuan inhria anga, hmelhriat loh zinga kan mizopui te han hmuh hi Chuan thla hi a muang zaih zaih thin ani.
Zanah kan chhuah apiang hian taksa lang tam thei thuamhnaw kan inbel tlangpuia . Mizo thenkhat ho phei Chuan mi khawlo ah te min ngai hial tawh in ka ring . Aizawla kan hmelhriat te pawh an awm ve nuk avangin ka pain kan awmdan a sawisel zeuh zeuh a. Eng teh lua ah ka ngai lem lo.A duh a min dah ania , a sawisel leh hnuhnawh chhan tur ka hrelo.
Zanin chu ka Kai deuh lam mah ani , ka in hnem mah mah a. Music ring tawka play in kan lam hawr hawr a. Mipa thenkhat in min lo chul deuh thuak thuak te chuan ka lo tlawh pawp thin.
Duh duhin awm kual thin mah ila mipa rapist mind deuh hi chu ka ten lutuk tlat.
Kan piah lawkah mipa palian zet zet pathum hian beer an in ve a. Mizo Anni ve tih ka hria mahse ka hlauthawng eih lo, an duh duhin mi hian min ngai rawh se , ka nih loh phawt a hnu.
( End of chapter )
( Mikhual ka la ni e.)
