By ~ Rinrini Big Starʕ ꈍᴥꈍʔ
"Oiii a nawm hmel e ka van chak ve tak" ti a kan hmaa couple thu te en reng tu ka thiani chu nuih vur² paha lu thing ngut² in ka lehkhabu chhiar lai chu ka chhiar chhunzawm san leh a
"Pui"
"imm"
"bialpa neih ve i chak em?" ka ner deuh nang a
"i chak vak lo ni maw i hmel tang ka hre thei"
"chak vak nang" min ner khum nasa khawp mai
"Pui" amak henu hi chu aw ka rilru pawh ka pe theilo min be buai reng a
"immmmm"
"Nang chu a nuam awm" a tih chuan a ngaihna hrelo zeta mithmul kan zeuha ka en chuan thaw hakin
"aw nang te chu i fel sia, i smart sia, i hmeltha in i nungchang a mawi a chuta karah lehkha i la thiamin tu pawhin an ngainat i ni a, in la hausa tel cheu zui i tan hi chuan khawvel hi chu a nuam tiraw?" ti paha min melh kiau chuan mit ka khap fak² ringawt
"I over " ka ban puama min rawn beng thuai pah chuan "a ni reng aw ka awt teh mai che nia"
"i mawl mai² e a min awt duh suh" tih leh ka lehkha bu chhiar lai chu bih ka rual leh nghal daih a .
Ka hming chu Debora Ngurnunpuii niin sap hming nei ve si ah chuan nei hlawkpui lo ber ka ni ngei ang ka sap hming hian tu vakmah hian min ko ngai lo Pui² tih hlir in min ko thin ..Unau hi 3 niin kei hi a milai niin tunah hian college kal lai mek ka ni a. kan upa ber hi Albert Zonuntluanga niin tunah hian college professor niin kan te ber hi Hilda Remruatkimi a ni a Kimkim tiin emaw bawihte tiin kan ko mai thin a ni erawh chu tunah class 5 zirlai a ni thung pang ber tih takah kan lakah pawh a pch thei viau duat pawh kan duat viau mai... Ka pa hi Zohmingliana niin doctor a ni a ka nu hi Lalhruaitluangi niin nu Mahruai tiin an ko mai thin a ni pawh nurse ni thin in mahse a bansan tawh thung a ni.
Hmeichhe nu zem chi ni mah ila ka cool an ti viau thin thung tawng tlem ve tak niin huau² hi ka lawm lem vak lo a mahse rualpawl tawk tur erawh chuan rual ka pawl ve chuan ka hria ka mizia hi tiang ni chung hian rin ai takin mi hian min be ve peih in min nel ve hlawm viau a keimah vang nge ka u vang tih erawh chu ka hre hran lo hmeichhe harhvang lutuk chu ka ni hran lo lehkhabu hi ka ngaina em² a lehkhabu a awm tawh phawt chuan khawi hmun pawh hi a nuam vel vek mai hian ka hre thin . Bialpa hi ka nei ngai lo han ti ila college 1st sem kan nih lai khan vawikhat kha chu ka nei ve thla 3 chu kan in zui ve hman mahse ka tui thlawt loh vangin chhan em² awm lo in ka then tawp tun thleng hian min la duh zia erawh chu a la ti lang reng thin.
"I u favourite color min lo hrilh" lehkhabu chhiar pah chuan " black" ka ti sap a
"anih a favourite food"
"alu" ka ti leh mai a
"a hmeltha i ti ve em?"
"ti ve tho e"
"nang chu a rul tawk lekin min chhang zel a i in la cool lutuk" a tih nang² chuan ka nui hak a " aw min zawt sia ka chhang che nih kha"
"Pui"
"imm"
"lesbian chu i ni lo tiraw?" a thusawi vang chuan ka nui hak a van ti anglo mai² e aw khuh kharh² in lu thing pah chuan "ni nang ti nge lesbian ka ang em ni?" ka tih chuan min en vang² hnu ah "ih maw a nihna takah chuan maw mipa hi i ngaihsak lo ve sia bialpa lah Jacoba tih loh kha tumah i la nei lova i inthuam thin dan lah a pa theiin nu hnapa han in chei hi i nei ve ngai si lo, mipa i melh vak ngai si lo mipa ho fiamthu sawi a nui vak ngai lo kha hmeichhe ho fiamthu ho te² ah chuan i nuihpui leh hawk² si a i ang em lawm chuan i cool bawk sia ihh ka sawi thiamlo nangmah tawp hi lesbian ang chiah i ni" a tih chuan ka ngawi vung² a ama lam atang chuan chutianga ngaih pawh chu awm tho mai mi thenkhat rindan pawh a nih tho ka ring hmeichhia min ti ang tu awm chhun ni a keipawhin ka hriat chu ka sam sei hniang hi ni mahse lesbian kher chu ka duhlo nuih te lam² hi a ti za thin
Ner sakin " ti mak emai mi pawh chu i lo va chik ve" mithmul kan zeuh a ka tih chuan biang sen tan² chung chuan " aaa englo ihh o eng nge ka chik ve loh che ten ka kawm ve ber lawm i nih le i â tuk chhaw vah suh" thaw hluai chunga a tih chuan ka nui ringawt leh hluai zel hian ah " ka star che maw i ti ni maw" ring ang reng zet hian a rawn ti reuh a henu tak hi chu aw lu thing ngut² chung chuan " i â mai² e ah ka fiam mai² che nih kha" tih leh ka lehkhabu chhiar ah bawk chuan ka rilru ka pe leh nghal a ani pawn phone a khawih leh nghal mual²
Ka chhiar lak lawh laia ka malpui a Felin min rawn sik chuan amah chu ka melh nghal zata a ni lah chuan ka hma lam chu hawi tura min mitmei zeuh² chuan kan hmalam chu ka hawi ve ta a ka hmaah chuan Ericka chu a lo ding chu niin mi lah chu a la en nasa em² leh nghal eng chu hria ni maw "Erick eng nge ni ta" dam dapa ka tih chuan a kut hnung suih tat chu rawn phelh in ka hmaah chuan rose sen hi a rawn keng kang ta vu mai kan class a awm ho te lah chuan an rawn la au chiam zui min ti phu zawk thei lawm chiang fea Ericka ka melh chuan chil lem kawlhin "ihh Pui² kei hian ka duh che a min hnar i tum nih chuan dim deuh vin min hrilh rawh aw ka na lutuk palh ang mahse min hnar loh erawh chuan lawm avangin school pum pui hi ka lam hual chhuak vek thei hial ang" a tih chuan mipa ho chu an lo au dur² a sawi tha a in tih ve hmel viau leh nghal
Class a awm ho mit chu keimah ah chiah a fu thup a ni tih pawh ka hria ka lehkhabu chhiar chu khup in ka dah thla te² a Ericka chu melh leh in ka nuih sang a ,a rose ken chu mawi ah tia laksak pah chuan "Erick"
"yes mam ohh Pui² " an nui huk hlawm a " thaibawi nghal ve" hnunglam atang an lo ti keipawh ka nuih a ti za ang reng khawp mai "Erick mipa tha tak i ni a i bright in i hmel pawh a chhelo kan college ah chuan a tha ber pawl i ni" a tukhum hiat neuh² a min nuih deuh sangin"aaa chutiang em² ka ni lo i mak emai mahse ka lawm e" amak zung² sawi zawh hma² a ka nuih tawp " i lawmawm em² bawk mahse ka phu lo che ni" ka tih chuan an thawm huk a kan Lalruatfeli pek chuan "Laldebo i phu lo a maw a awihawm loh leh lutuk i phu ber o" a rawn ti hluai a thlawp zetin an lo la bu thliar² zui beidawn thlak lu thing ngut² paha Ericka hmaah chuan kal hnaiin a hmaa ka va ding chuan a zam zia chu ka hmu nghal vek thei a ban puama ka tawk zeuh chuan a la phu zuk zui "min hlau elaw"
"ka hrelo ka mur chhuak vek a"
"thian angin i awm dun zawk ang hmiang ka ngainat zawng tak i ni mahse kawppui neih erawh hi chu ka la tum hran lo min lo hrethiam hram ang chu tiraw?" ti pahin a mitah ka melh kara a mitmeng ah chuan a hrilhhai zia ka hmu thei ka khawngaih reng mahse ka thei lo a ni harsa tih hmel fe a nui lui in lu bu nghut chung chuan " ka hrethiam alawm" a tih chuan nui ver² in "ka lawm e" ti sapin dawhkanah rose chu dahin ka bag leh ka lehkhabu chu la a kal pel mai ka tum chu "mahse pawi ka ti ka bansan thei lo che i in peih hun ka lo nghak mai ang che a pawi lo ka nghak thei che ka dawhthei lutuk a lawm” a tih chuan ka ding dat a thaw hakin " chuzawng i thu ni rawh se" ti leh class chhuahsan ka rual nghal a ka dan ngai te in college compound piaha thingbuk luih lam chu ka pan ding leh nghal a helai hi ka favourite place pahnihna a ni pakhatna chu library helai hmun hi a nuam em² a khaw thlir a nuam in thlifim lah a tam thing ngheng chung chuan lehkhabu bawk chu ka chhiar leh malh² a Ericka thusawi khan keimah ah nghawng a nei hran lo thian ang a ka en miau chuan min duh lo ve mai ang
Ka class neih tawpna ka zawh chuan Feli nen a in mangtha in ka scooty nen chuan kan in lam pan chuan ka in khalh haw nghal a kawng laklawha ka tlan lai tak chuan ui lian zet pakhat hi a rawn tlan thut a kei lo in ring bik lo nen ka ding chik ri nghal chawta ka thin ka la tauh chawrh zui a na veng² mai mahse ka tlu lo hlauh zawk a " oiii kan tihpalh lutuk i na em?" tia min lo be tu chu ka melh nghal zat a nula la naupang hmel zet hi a ni a a in thlahrung hmel hle bawk nichina ui rawn tlan thut kha a bulah chuan a lo awm bawk a an ui a ni ngei ang " a pawi hlei nem ka na hran lo e " ka tih chuan "a zialo emai Lalbruno-a hi lawm" ti paha ui chu rum zeta a melh chuan ui chuan nuam lo tih hmel zetin hnuai lam a melh a ka nui hak " aa a ho lutuk theihnghilh rawh thil thleng palh nih kha" ka tih lai chuan "Eng nge thleng a" aw thum zetin a rawn tih chuan chu aw lo chhuahna lam chu ka hawi nghal vat a
Ani pawh chuan min rawn melh nghal chatin chumi zawha ka bula ding nula chu a en leh a nula lah chuan nuih ver² in " ee i zo tawh ni maw hei Lalbruno-a hi a rawn tlan thut a hei thiannu hi a chetsual tir tep lawm thiannu hi a lo fel hlauh zawk a tih zia tak² ni " a tih siam² lai chuan chupa chuan min rawn melh leh a chutah zawng min melh chiang tawh ngang mai a hmel chu a rorum viau mai sawi thiam ngaihna a awm vak lo mahse a hmel chu a chhe hran lo mahse ka ngainat chi a ni vak lo
"Min lo hriatthiamna ah lawmthu kan hrilh a che" a ti hmuk a lungawilo a sawi a ni lo tih chu hre mahila tawng bung ve tak chu ni nuih lui sangin " a pawi lo ka tih kha in thlahrung su hei ka that vek hi nih ka kalsan phawt ang che u" tih leh scooty chu start lehin engmah sawi tawh lem lo chuan ka in khalhchhuak nghal a side glass atang chuan ka enzui a mipa khan nula dara kuah pahin min lo la thlir a inngaizawng an ni ngei ang an in hmeh hle bawk
In ka thleng chuan inchhung ka lut chu kan ui duatlai Alexi chuan min lo bawh nghal rawk² a keipawh chuan lo kuah nghalin kan ri ve nghal chul a ka hmai a liah chuan ka nui ve hak² a " bawihte i chau em?" ti paha ka nu ka bula a lo thut thlak chuan ka nu chu nuih ver² in " chau lo e nu i lo chau zawk em?" ka ti nghal a " chau lo e kha Alexi khan a lo ngai lutuk che a i lo haw hun tur nghakin kawngkhar lam saw a hawi reng a" a tih chuan nui ver² in Alexi chu kuah pahin " min lo ngai a maw ka duatte" ka tih chuan aw a tihna ni ve awm hrim chuan a biang chuan ka biang chu a rawn nul tir nghal dan² a lawmawm thin lutuk mai
"Han in thlak la thingpui ka lo lum ang che" ka nu'n a tih chuan lu bu nghutin ka bag nen ka room lam chu ka pan chho nghal a ka room ka thlen chuan inthlakin ka in bual nghal a ka dai sawng² thei khumah chuan rei lo te tlu zalin phone chu ka en ve a eng teh vak han tih tur ka nei a zeng pawh ni lo a mawi ah tiin whatsapp kan lut chu message a lo tlar thla ve dul mai no. hriat loh atang hian message hi ka dawng ve leh nawlh thin a chungte chu kan check kual ve a thu pawimawh an sawi a zeng a ni chuang lo phone khawih hi ka timi vak loh vang hian ka khawih tha peih vak lova phone ai chuan lehkhabu hian ka nun ah hmun a khuar nghet zawk
Inhnuiaah chuan chhukin ka nu chuan ka thingpui in tur chu dawhkanah a lo dah khu hlat² a a bukah ka cake ei tur a lo chhawp bawk a thil ei pah chuan vawin a hun hman dan te min hrilh mial² a keiin ngawi rengin ka lo ngaithla thung ..Ka nu hi nu ri phawr² chi leh tawng duh tak a ni a kan te ber hian ka nu chu a chhun fuh viau keini ka u nen erawh chuan ka pa mizia kan chhun fu viau mai keipawh hi hmeichhia ah chuan tawngmawh ve pawl tak chu ka ni ang thingpui ka in zawh chuan ka inna vel tifaiin ka zawh chuan ka nu chu eirawng ka bawlpui nghal
Tlai lamah chuan ka pa pawh lo haw tawhin bawihtei pawh a room atang tho phang hmel zet hian a rawn chhuak a min han hmu chu in la pangchang zet hian hmui ti pawrh tar paha min lo panin a ban a rawn phar nghal a keipawn nui ver² in ka lo pawm nghal a a biangah ka fawh sak zeuh a "a u mami"
"umm bawihte"
"miss you"
"ooo miss you too ka duatte" ka ti nghal zata henau lawmawm lutuk hi chu o ka nau a ni hi ka in chhuang a nia
Dan ngaitein zan lam chu kan tlingtla leh ta hram alarm ri chuan hma zeta min kai harh a zing thawh hi harsa ka ti takzet a ni peih lo tak chung chuan ka hmai te phih in ka in harh deuh hnu chuan walk turin ka in siam nghal a taksa enkawl uluk hi ka hna thupui a ni .
Thlan ban chap chuan ka roomah chuan lutin ka in bual nghal a ka in bual zawh chuan vawina ka routine ka en chuan first period kan la nei zui peihawm loh ve le hair dryer a ka sam chhem ro tir leh te² in ka thawmhnaw dahna bawk chu ka hawnga ka thawnhaw hak tur ka dah chhuah hnu chuan cream te in hnawih vein ka thawnhnaw hak tur chu ka ha nghal a perfume inkapin sana ka bun a ka zo der ka sam chu sang vaha tawnin ka chal hma sam chu tlem te lehlam lehlamah ka pawt thla ah full mirror ah ka in en chuan ka duhtawk viau mai top ver hain a chunga kawrlum hmaphel bodyfit deh nuam zet chu zip phui chiah lo a hain cargo pants dum ka ha leh tawp a converse rawng sang chu muza nen ka buna a tawk viau ni lipgloss in hnawih ve leh zuaia hman chiangbal tawh tak ka ni .....
Chhiar a nuam a nge maw chu chapter 1 chu a boring thin.... Naktuk zanah next aw min lo chhiar sak leh hram hlawm dawn nia o hmeltha ho ʕ·ᴥ·ʔ
