Pitartei Zûn. Chapter 3 by Betsy lalngaihsaki

[Bethsy lalngaihsaki]

Pitartei Zûn
Chapter - 3
By Betsy lalngaihsaki






Ka thiante chu ka call a an pick lo reng reng . Han kalsan tawp chu , ka ngaihtuah a tha chiah bawk si lo.Reife kan nghak pawn an hmel hmuhtur a maw chuanglo, hemite hi an laklawh viau anih dawn hi . Pakhati lah hmanhmawh in alo che sek tawh bawk nen. Bartender te bulah chuan kan lo haw san tur thu ka hrilh a, kan hmelhriat anni tho a , message in erawh ka hrilh ta tho.







Erica chuan an hostel a sawina lamah chuan ka inkhalh a, a tawng deuh nang nang reng a, a mizia te chu a lawmawm phian mai.








" Tahkhan ding rawh , " atih chuan an hostel kan thleng tawh tih ka hrethiam mai a, kawng sirah chuan ka ti ding ve mai bawk .









Chhuk ta lemlo chuan a va dak chhuak da da a, " naaaaaa.. an lo inkhar hman" pawi tih hmel zeta min lo en pah hian ati a, a ner nang mai. Chutah " nangmah vang vek" ala rawn tia nih chu , keiin a ngaihna ka hrelo hle thung .









A tawng peih tawh lo a tum bar reng a. Kawng sirah chuan kan dinga , kan tlan chhuak chuanglo.









" A luh theih mai lo ami " ka tih Chuan min lo en zawk in, " gate hnung lam atang sawn kan lut ru thin a, mahse zanin chu security an awm " tum bar chung hian ati a. " Anih ..Ka bulah rawn riak mai la.. " ka tih leh Chuan " Engaaaaa.." ati vak. "Au vak mah ta che pitar" ka ti a. Pitar tia ka kohna chu ala na ngang mai. " Ka riak awmlo em mai " ala ti tang tang.








" Aw.. riahna tur i nei si lo a, hostelah lah i lut ngam si lo anih gate pawnah sawn riak mai rawh aw" ka fiam zauh a. Min melh rum ram ram . " I sual e ... Hmanni zan kha chuan i fel hmel kan lo tih tehreng nen.. bakah nangmah vang vek anih hi" ati leh a a tum lian hle tawh.









" Ka bulah rawn riak rawh ka tia i duh si lo anih kha.. riahna tur dang i nei Chuang hleinem " henu te hi chhaihkawlh a nuam dawn riau. A lungawi lo tum bar bar hmel a duhawm si.








" I bulah maw? Khum khatah kan mu dun angaa..mawl eeee.. engeneer lai ni ve si.." ati leh a, min melh rum nasa tawh tak ani . Ka lo nuih hawk hawk.








" Lungngaihna tur a awm loh chu..kan inkarah Bible kan dah dawn lawm, " rapthlak tih hmel zet hian min melh a, a chek tlak tlak .









" Anih motorah hian kan riak dun anga ani mai lawm, i chhuk bik awmlo em mai , " atih leh chuan. " Keite chu ka khum dup nuam deuhah ka mu ang chu , mahse lungngai suh motor ah Chuan i riak dawn nia ka phal lutuk" ka nuihza lutuk chu ka insum hram hram a a serious thei ang tur berin ka hmel chu ka Siam a.









A ngaih a ngam chiah lo ani chek ang chu , " Anih in in lamah chuan tlan rawh, " ati hmak a, seat ah Chuan a insawh nghawng nghawng a min en duh tawh lo reng reng.








" Takzet " ka tih leh pawh chuan min melh lem loin " tlanrawh hmelchhepa " ati leh hmak kei erawh ka lo nuih rah rah thung.










In kan thleng a garage ah chuan motor ka dah lut a, ani erawh pawnah min lo nghak thung. Kut kuangkuah et hian a piah vel chu a thlek dan dan a, kawrfual senduk chhing zet a ha a. Heels a bun a, a hmui a sen leh em em a, alan dan engkim chu a inhmeh takzet.








" Room awl a awmlo ami, " bedroom a kan luh chuan ati a. " Awm lo e, sofa anih loh chuan " tiin ka chhang mai a. A thaw halh ringawt a beidawng ve ang chu aw.







La chheih chak viau mah ila, a serious tawh lutuk a, chhaih ngamna chu ani tawh lo.








A chau ve tawh bawk aniang sofa ah Chuan a thu sawp niai a. " Insil la ka khumah i mu dawn nia, sofaah khan ka lo mu ang " ka tih Chuan a mit chhing chial tawh chu alo meng zawk a. " I phal tak tak maw" nui ver ver hian lo ti chhuak anih chu.








" Phal lo ilang chuan i tap hreh miah lo ang chu" ka tih leh zauh chuan , a lawm lo kher mai a ner leh nang nang tawh.








Bathroom ah lutin ka insil fai deuh thuak thuak a, room a ka luh a ka inthlak chhung te chuan min en reng a. Mak ka ti lek lek ala tum bar leh ta nghal a.








Min melh tlawk tlawk takah chuan " eng nge....hmeltha min ti viau an in maw" nuih suk pahin ka ti a. Ani erawh hahthlak tih hmel zet hian min en a a chek tlak tlak.








" Ka kawr fual chhing zet nen hian mi ka mut bik anga, ka heels te nen hian mi ka mut ve ang .. nangchu i inthlak thlap a, I sual emai" min melh chho ram ram chung hian ati leh pang pang a. Ni dawn tak ka lo theihngilh alawm mawle.









" Aw..ka theihngilh alawm engmah i sawh bawk si lo a, pitar thinchhe nu.."








Ka closet ka hawng a towels leh ka kawr neih zinga te ber ka la chhuak a. Ka kut atang chuan towel chu pawt tawmin bathroom min luh san a, " kawr kha tahkhan lo dah rawh, ka insil hmasa dawn" ati a. Ka lo dah sak ve mai bawk.








Bathroom ah Chuan a awm rei zek a rei ka nghah pawhin ala rawn chhuak mai lo . Kei lah ka chau tawh bawk si ka mut a chhuak tawh takzet. Mut san ngawt dawn lahin nuam lo atih ka hlau tho bawk.









Erica lo chhuah hun nghah pah chuan ka thiante biak pawh ka tum a, tuman call an chhang thei lo . Elijah call leh ka tum lai tak chuan Hriatkima zawkin min lo call leh hlauh a.










" Aw bawiha, khawnge in awm" ka tih Chuan " DEJAVU hotelah kan riak mai dawn nia ka lu ana kan lo haw tawh lo mai ang." Ati a, Remruata'n " hmeichhia i mutpui dawn vang mai a min han kalsan , kan hre rei khawp ang aw" alo ti lung lung a. Chutiang lam anih loh thu ka hrilh pawh in an awih duh der lo a. " Te viau mahse dim vak angai dawn lo ania aw.. naktukah feedback kan hreduh dawn ania" an la rawn ti ta deuh deuh leh nghal. " Mu teh u " tiin phone ka dah a, an biak tlak hlawl loh.









Ericai pawh chu alo chhuak tawh a, towel var chu a awm thlengin a venga, a mal no var sar chu en loh a har teh e.








" Khawnge kawr chu " min melh zauh paha atih chuan , " dawhkan chu ka kawk zauh a, kawr chu ala mai bawk .








Lehlam hawi rawh atih avangin ka hawisawn mai a. A in thlak zo ani ang a nui hak chu ka en vat. Khai a.. darthlalang hmaah chuan a ding a, pum dawn meuh hian anui. A kawr hak teh hrep chu a Lian em bawk ani ka kawr neih zinga a te ber kha ka pe ania, a khup a thleng tep alawm mawle.








" A Lian deuh hret anih kha ti raw" amah en pah chuan ka ti a . " A pawilo, ka ha thei mai ang, a Lian em a, ka nuih aza lutuk alawm, kekawr ka ha si lo a, a tha zawk daih " ati ve duah a, a inthlahrung ve nge mawni.









" Mu tawh rawh naktuk zingah ka zuk thlah dawn che nia," ka tih Chuan " nia " tih leh rang zet hian khumah a zuk bawk thlawp a, henu harh zia hi chu aw ka nuih suk ringawt.

.

.
.
.
.




Erica lalnunsangi pov-







Zinga ka harh chuan Reubena chu sofa ah ala mu a, a thaw ri sâk sâk chu ka melh renga, ka nuih var var. Sual thiam hle mahse a rilru a chhe tlat lo.









Khum te chu ka tihfel sak a puan ka thleh zawh chuan bathroom ka lut leh rih te te a. Room kawngkhar an rawn kik ri karh karh a.









Reubena ala harh mai loh avang chuan ka zuk hawng a. Khawngkhar ka hawn rual chuan mipa pahnih lian pui pui an rawn dak nghal vat a. An la khi thaw zui , pakhat zawk chu nui sawng chunga Reubena mu lai chu thlek pah hian, "Nizan a chau deuh anih dawn saw, ala mutui ngang mai" ati a. Ka chhan HMA chuan rang deuh hian an tlan chhuak leh daih ang lawi a..eng nge maw an hriat ni.









Reubena a tho tawh a " i mutui meuh maw" min melh zauh paha atih chuan, "mutui lutuk ringawt, i mutui zawk em" sofa lam thlek pah hian ka ti ve a. Ka chunga athatna hi rul leh ngei ka tum ani. Nupuii lah chuan min la rawn call mai si lo .









" I hnar ring lutuk a, ka muhil thei reng reng hleinem" nuih suk a a tih Chuan , pet zawt chu ka chak a a chunga thatchhuah ka tum kha ka sut leh zawk dawn mawnle.









Nupui'n min lo call lawk tak si loah chuan khumah chuan thuin ka call ta zawk a. Call a lak rual chuan thil awmzia ka hrilh a, nizan khan message chuan ka hrilh tho a seen a min chhang tawh lem lo anih kha.








" Nizan khan i message kha ka hmu alawm, miss Reaha in hostellers thenkhat te a hrem a, ka rawn call duh tawh lo che anih kha. I lo kal lo kha i vannei zia chu aw..nilo se hrem zingah khan i tel ve ngei ngei ang." Ati teh duah a.









Miss Reaha hi kan Warden pakhat zawk ani a, kan hostel hi a te hran lo a. A man pawh a to khawp mai, an strict em em a hostel a ruihtheih thil tih an phal loa. Rui leh lek phei pawisa an chawitir emaw, an hrem ngei ngei thin, nizanah kan Candy leh a thianho an rui pek aniang chu.









" Gate bulah min lo chang rawh ka lo chhuak ang e" ka tih Chuan " lo la kal lo ang, nizan i riak loh tih an hriat chuan apawi dawn a nia aw, khawiah emaw inhnawhpuar la college ban hun velah i lo kal chauh zawk dawn nia, class ka kal dawn lo keipawh " ati zawm zat.








Call kan dah rual chuan Reubena chu ka va en a alo awm tawh lo reng reng. In hnuaiah a chhuk anih ka ring, A Kamis ka hak lah chu ka mal thleng chauh ani si. Ti hi Chuan ka chhuk ngam nang, a thian mawl hmel zet zet te kha an awm ve reng awm emaw ani ang a, an nghak hlawm si. Bena la chuan min ngaihtuah ve tawhlo reng reng.






Room ah Chuan ka hawikual ruai a a kekawr lo hak ngawt lah a len dawn mai bakah a neitu hriat loa a closets lo Hawn ringawt chu a tih chi chiahin ka hre bawk si lo.









Darthlalang ah Chuan inen in, ka kawr chu ka pawt fual deuh te te a, engpawh nise ka chhuk mai angai dawn ani. Misuala lah chuan min ngaihtuah der si lo.









Inhnuai a ka chhuk Chuan tumah an lo awm lo a. Ka hamhaih lek lek, choka lamah an awm ringin ka va en a an awm chuanglo, khawnge an awm vek ni. Inchhung lah chu a reh ruih a, ka thinrim hluah hluah tawh. Ka phone chu hum nghet salh in , Reubena chu ka koh a, mipa pahnih awm ve te kha an hming ka hriat loh avangin " mawl deuh deuh pahnih te u.." tiin ka au ringawt a, tuman min chhang Chuang lo a reh tlawk tlawk.










Reubena lah a phone room ah a awm la daih zui a. Hepa hi a chaklo khawp ang. Thutkhawmna pindanah chuan zuk kalin sofaah chuan ka thu ngiai a. An room chu a Lian khawp mai. Ka hnuk a ulh lek lek tawh ti em em a min ngaihtuah lo hi chu aw. Alo fel tawp lo anih dawn hi.








Room ah ka chho leh a , ka thu ngawi reng. Room kawngkhar a rawn rik tak ral ah chuan ka hawi phei vat a. Bena chu engmah a sawi lo a, a closets lam chu pan vutin towel ala chhuak a. Ngawih rengin ka lo melh ve reng.








" Khawnge i kal daih a, engmah pawh min hrilh loin, keimah chauhin inah ka awm hi I sual tih chu hre tho mah ila mi ngaihtuah ve deuh ta che" rum deuha melhin ka lo ti pang pang a. Engmah pawh sawi loin ka lamah chuan handbag chu a rawn theh phei a. A ngaihna hrelo zet hian ka lo en ringawt .







" Mawl hmel deuh khan awm suh, i mal no lo zet kha kan hmu duh reng bik lo ania, khal lo si" atih chuan hand bag chu ka la vat a. Ka en chu mak ka ti tulh tulh .








" Kawr min va leisak maw? " Dak chho leh ha in ka ti a. " Ka tih chu i mal no lo zet kha kan hmu duh reng lo ka tih chu.. " nuih suk hian ati leh a , ka ngei takzet...







" Anih I thian mawl hmel zet ho kha khawnge an awm ve daih a," ka tih leh chuan , a nui chhuak hawk hawk a, ka thil sawi chu a nuihzatthlak viau emaw ni?







" Hriatkima, Remruata, leh Elijah te an nih kha. Remruata leh Elijah chu eitur an zuk lei, Hriatkima chu a motor a zuk la lawk anih kha." Ati duah a, a nuih a zat hmel viau . " Ka lawm e aw," ka ti sap a. Ka inthiamlo ru riau bawk. Enga mah hmaa ka lo ngei ringawt kha a dik chiah lo ani.








Ka inthlak duh avang chuan a chhuak mai a, a kawr min leisak chu aw.. a to hmel em em leh ta nghal a .









A thiante pawh an lo thleng a ,Ka haw theih rih loh tur thu te ka hrilh hlawm a, nui deuh pat pat chung hian min fiam leh zauh zauh thin nizan khan engthil nge thleng vak se an tih le, engmah pawh chu ka sawi ta lemlo.








Thil te kan ei ho a an ni pawh an office ve dawn loh avangin chawhma chhung chu an bulah ka awm ve hrih dawn ani. An thianho chu fiamthu an duhin an inchhaih bawrh bawrh hlawm a, a bik takin Hriatkima leh Remruata chu an thawveng zual , Bena leh Elijah erawh an thiante fiamthu thawh an lo an lo zawm leh zauh thin tih loh an tawng tam em em lo.








Kan inkawm hlawm ta reng a ka nel tawh takzet zahmawh rawng Kai lek lek a min chhaih zauh zauh an ching a. Bena'n an mizia ve reng anih thu min hrilh a engah mah pawh chuan ka ngai lo .










Kawngka an rawn kik ri karh karh a Elijah chu nuih huah huah pah hian Ava hawng a.










Nula piannalh leh hmeltha zet hi a rawn lut a, a nui sang leh nghal min hmuh chuan a hamhaih lek lek tih lo enchik tu na na na chuan ka hrethei a. Mahse a rei lo a insiam tha nghal vat.









" Bena tu nge a " nui sang pah hian Bena chu a en kar a. " Erica-i anih hi, Erica hei Josephine" a ti ve mai a. Ka lam a lo hawi chuan a nui suk.








Josephine-i chu Bena si chetah chuan a thu a a tawng duh malh malh hle , min be ve luam a a tawng pah chuan a nui sang zel a a ngainatawm hmel hle.









Josi chuan Bena chu a be mawlh mawlh reng a. Innel sa tak annih ka ring.








Hriatkima te nen chuan fiamthu te an thawh a, ka sawi tawh ang khan zahmawh rawng Kai lek lek hian an infiam bawrh bawrh a. Josi pawhin a zawm thei zel a. An vai mai chuan an in pawh hmel takzet.



( End of chapter)


**Damlo chung chunga ka type anih avangin chhiar alo harsa deuh maithei a , in mi hrethiamna ka lo dil e ***