SURPRISE SURPRISE SURPRISE
le sawi duah lo mai ang aw, lo chhiar leh phawt mai teh u. A tawp note kha lo chhiar tel leh bawk ula
OFFICER VANMALSAWMA
CHAPTER 32
BY : JENETI
Zothanfeli pov
Repeat
Ka thilrem chu reilo ah ka rem zo a, ka thiante chuan chance kan lo pe a g che u tiin room lam ah min luh san zui a. baby shirk-a nen chuan kan 2 chauhin kan thu tawh a, thianten fa 2 an neih tawh dawn laiin kei ve chu Nula ka la rim zak zak chu a nisia, a rawn ti thum dût dût a. Min lo enin a la nui suk zui a, in nei ve tawh mai ang a rawn ti leh zui a.
__________________________________________________
'I mâwl a nih chu ah", in sûm hman lo in ka lo ti a, ka tawngka chhuak hi chu a no ngailo lutuk a, bialpa te bul ah pawh he ti fawk fâwk hian ka lo nih leh thin. Mahse lungawilo ang pawn a awm lem chuanglo, "ka nupui ni ve vat tawh la ka duh tawh che alawm" a ti a. "Min en la, tun ang hunah pasal nei thei hmel ka pu a mi?" Ka ti a.
"I pu lo a mi? I hmel te chu athat ngaiin a tha reng alawm", a rawn ti daih a. Ka ngei tak tak, rum deuh chuan ka en a. Ka kut a hum lum vang vang chu ka mal chungah chuan ka dah sawn hmak a. Mahse rawn la leh nghal in, ka kut zungtang kar ah chuan a kut lian leh sei sang, thisen zâm lang kalh thei hial a, kut pa lutuk chu a rawn rawlh lut leh nghal zat a.
"Tun ang hunah pasal ka la nei theilo tih I hriat kha, ka la naupang mai bakah, college ka kal ve tan chauh a, ka u lah ka kalsan theilo, tun a ka awmbo san te hi, rilru nuamlo deuh chung a awm ka nih hi", ka ti leh a. "Umm ka hria lawm, mahse kum lamah leh i u lamah kha chuan buai a ngailo, kan bulah pawh a awm thei reng dawn a, chuan college pawh kan in neih hnu ah pawh I kal leh thei tho bawk a. Mahse ka nghâk thei tho che a, mahse a theih phawt chuan ka chhungkhat-nu ni turin ka duh tawh che", a ti a.
"Tun ah rih chuan ka la inpeih lo, chubak ah hna tha tak neih a, ka u enkawl ka duh, min nghah theih phawt chuan keichu I tan ka awm reng dawn", ka ti ve a. "Umm nghâk thei lutuk che, I tan chuan eng tik lai pawn ka awm reng ang, ka nghâk reng dawn che i inpeih hma chu" a ti dam thlup a. A thu sawi avang chuan ka nuih var var a, a thusawi hian min hneh a, a mah ka en a, a tih tak zia leh rin ngam a nih zia ka hmu in ka hria a, chu chuan min ti lawm ani.
"Ka haw tawh mai ang, i chau awmsi" a ti a. "Chau ve deuh tlem chuan" ka lo ti ve a. "Nih chuan min lo thlah la", a tih avangin kan in zui chhuak a. Inchung thleng hma step tawp berah chuan min ding pui leh rih a. "Lo kal teh tiin a mah zawk chuan a lam ah min pawt hnai a, rawn kun hniam in ka chal ah a lo fawp zeuh a, "mengrei lo la aw", a ti sup a. Aw tih nan ka lu ka lo bu ve zeuh a.
Ka biang ah chuan dim te in a lo dawm a, amah en tur chuan min kuai dâk deuh a, rawn kun hniam leh hlekin "ka fawp dawn che a nia', a tih rualin ka hmui chu a rawn bawh thuah nghal a, ka hamhaih em avang chuan ka ding khawng reng a, a mi fawh dan chu a dam thlup a, mahse awm dan tur ka hrelo, ka ding ngai chuan ka ding khawng reng tawp, rei fe min fawh hnu chuan a in la hrang a, kei ka lo zak lutuk chu ka sa chhuak leh vek tawh, a mah pawh ka en leh ngam tawh lo, ka kun nghal daih a.
Ka awmdan avang chuan nge, a nui ri suk a, "ka van haw peih leh lo, ka lo riak ve daih mai dawn a mile", a rawn ti chu rang zet in, ka en chho haw a, "a...aih ngailo haw vat vat mai rawh" ka lo ti bah nak a. Ka duh aiin ka tawng ring leh nghal, 'a nih chuan ka haw tak tak hma" tiin ka biang ah chuan a rawn fawp leh zeuh a, ka in ring hman thinlo. Min thawng thut thut reng a, mr surprise-a a ni ringawt. A hma atang tawh in min surprise nawn awn awn reng mai a nih hi.
A haw hnu chuan ka u nen reilo te in be leh in, ka mu zui ve nghal daih a, a tukah chuan inchungte pawh a rawn dâk ve zawk a. Kan mutthat theih leh theih loh te min lo zawt a, an fel nupa dun tak zet. An fapa erawh kha chu ka hmu leh tawhlo thung. Baby shirk-a pawhin min lo pui leh a. Dar 11 vel ah chuan kan in ti fel thei ve ta hram a. Veng hriat chian nan kan chhuak a, dawr kal dawn pawn dawr awm na kan la hrelo bawk nen, ke in kan kal a.
Mahse baby shirk-a chuan min ti zak tak zet, a veng ve si a hriatchian loh zia... mai chu(h). "Saw saw dawr a niin ka hria" a ti a nih chu mawle, dawr nilo pui ah min la luh pui zui a, kan zak hlawm a sin aw.... "In ah ka awm khat sia, ka awm ve pawn ka chhuak ngailo lutuk a", in thiamloh hmel deuh chuan a ti a. "I hriat loh pawn ka hrelo ti tawh rawh, a zahthlak em mai" ka ti a.
"Ka in min lo enpui ve ula, in duh em?" a tih a vang chuan kan duh thu hrilhin a in lam chu kan pan a, kan awmna leh a awmna chu a in hlat lutuk lo a. A in kan thlen chuan ka rin ai daihin a lo lian a, baby shirk-a bul ah chuan zawi te in "quarter i luah emaw ka tia' ka ti a. "Chi nang" a lo ti sup ringawt a, "nangni 2 kha eng nge in sawi dun sû sû bik, kan hre ve duh tho alawm" Remi chuan a rawn ti a. "Single tan hriat a rem velo", ka lo tih san hmak a. Baby shirk-a lahin ka thusawi pawm pui ni awm takin, a lo bu ve nghut nghut a.
Awiii in va han hmel chhe dun chiang tak, a ti hlak a. Kan nui leh dar dar a, i inchu a van fai ve ka rin aiin ka ti a. Ka che fel alawm a lo ti ve a, rei awmlo in kan haw leh nghal a. Baby shirk-a chuan hnathawh tur a neih avangin, min thlah leh thlap hnu ah a haw ve leh nghal a.
Hun a ral a, thla khat (1) kan awm tling ve ta der mai, hun leh nî kal chak lutuk avang chuan ka inring hmanlo a ni ber mai. College pawh kan kal ve ta der a, thian pawh kan nei ve tawh bawk. Kan veng a mi tho te an ni a, kan kal rual ve thin a, nuam kan ti ve tan tawh viau bawk. Ka pawisa khawl a tam tawh lemlo avangin part time a, thaw tur zawn ve tan chu a ngai deuh tawh a, sawi erawh chu ka la sawi chhuak lemlo thung.
Ka u nen pawh kan la in be ve thei zel a, a that thu nitin a rawn sawi thin a. Ka lawm thin takzet, hna pawh a thawk tha thei a, a in enkawl that theih thu te pawh a rawn sawi tel thin bawk a. Tawng tai leh Bible chhiar thlahthlam lo tur chuan amah zawk chuan min chah mawlh mawlh a. Pawisa min lo thawn tur thu thlengin a rawn sawi thin a, chu erawh ka lo hnial ve thin thung. Ka u in min hmangaih zia leh min ngaihtuah zia ka hriat hian ka u a ni hi vuina ka la nei ngailo, vui a hnekin ka lawm tak zet zawk. Rei tak min dam pui thei se tih hi ka duh thusam ber a ni bawk.
Baby shirk-a nen pawh kan in kar a la tha ve zel a, min ngaihsak em em reng thin. Mipa dang te tih thin anglo takin, a nî chuan min duh thu te a sawi châm chî ve ngailo a. A nî chuan a che zia in a ti lang zawk thin. Chu chuan a mah ka duhna te a ti zual a, amah ka ring hle bawk.
Vawiin hi Friday niin chaw hma period kan neilo a, Remi nen hian kan subj lâk a in ang a. Midang 3 te erawh a in anglo thung. A hma kha chuan kan subj lâk kha a inang thin a, a chhan pawh subj lâk tur kha a tlem em vang a ni. Kan khua a tê ve bawk nen. Tunah chuan Zorina, Kimi leh Rohminga te an subj lak a in ang a, an ni 3 hi chuan sumdawnna lam hi a ti mi ve lo a. Keini 2 erawh kan tuina lam a ni ve daih thung a. A hlawk ve zia kan hre ve a. Pawisa hian engkim ti theilo mahse, a tam zawk hi chu a ti thei miau a. Bakah sumdawnna hi ka tui mai bakah, ka u vang hi a ni tel bawk a, ka u hi nuamsa tak a awm tir ka duh ber a ni.
"College kal chhung chu hna zawn ve angai ni", Remi bul ah chuan ka ti a. "Nang te chu usawma dawr ah khan thawk maila", a lo ti ve thung a. "A man a sawi bawk silo a, bakah hnathawk tur an mamawh leh mawh lo pawh ka hre bawk silo", ka ti a. 'I sawi loh te chuan I hre reng nang mawle, sawila chuan min lo sawi kep ve nghal daih dawn nia", a ti a. "Hman hunah kan sawi dawn nia, nih chuan" ka ti a.
Chaw hnulam a nih dawn tan avangin, class kal tur chuan kan in siam tan a, printed top, sweat heart neck line, a dum ka ha a, wide leg jeans pawl dal ka ha leh a, sneakers var ka bun leh tawp bawk a. Ka sam chu Rem'n thlah tur a min tih avangin ka thlah a, kan inpeih chuan kan chhuak nghal a.
Taxi chang tur a, kan kal lai mekin baby shirk-an min lo call a, call chu ka chhang nghal vat a. "In kal tawh em?" a rawn ti thum dût a, taxi kan chang mek thu chu ka sawi a, "min lo nghak rawh u ka lo thlah ang che u, e khawih ah nge in awm" a rawn ti leh zung zung a. "I buailo a mi, I buai chuan min lo thlah duh Suh" ka lo ti a. "Police station ah kal lawk ka ngai a, ka lo thlah nghal mai ang che u, khawi lai ah chuan maw in awm" a rawn tih leh tak ah chuan kan awmna chu ka sawi a, call chu kan ti tawp nghal a.
Rem-in zawhna mit meng a min lo en avang chuan baby shirk-an min thlah theih tur thu chu ka sawi a, "a that hlauh chu(h), hnathawh kha dil nghak nghe nghe la a tha ang" a ti a. "Dil nghal lo ang, hnathawk an mamawh leh mawhloh ka zawt phawt anga, an mamawh tak leh kan dil dawn chauh a nia" ka ti a. "Awle pi ber i thu vek alawm" nui var var chuan a ti a
Rei vaklo ah baby shirk-a pawh rawn thlengin, kan lut zui nghal a. Remi chuan sawi tur chuan min Signal zeuh zeuh a, mahse han sawi nghal mai chu nuam ka ti bik chiah bawk silo, ka tawi hrut hrut a, a tawp ah phei chuan college kan thleng der. Remi chuan a chuah hma chuan sawi tawh ngei ngei ang che, ti ni awm fahranin min melh a, ka chhuah ve mai loh avang chuan baby shirk-a chuan mit min sang khum zeuh a, aw thian kharhin, "ih i dawr ah khan hnathawk i mamawh belh em?" Ti dêk chuan ka ti sap a.
Ngun fe a min melh ngurin, "mamawh ta ila, eng nge?" a rawn ti a. "Englo class kal chhung chu Remi nen kan lo thawk ve duh a", ka ti a. A thaw hawk mai, "Remi chu ka phal a, mahse nang chu ka phallo" a ti hmuk a. "Timaw, ka thawk ve duh tho alawm", ka ti a. "I thawh ve ka rem tilo" a rawn ti leh hmuk a, ka ngei ve ta deuh chuan "a nih chuan hna dang ka zawng anga a nimai", tih ve hmak pah chuan chhuah ka tum a, mahse alam ah chuan min pawt let leh nghal nawk mai. "Eng nge i hriat" ka ti vin that a, a awmdan avang chuan ka lungawi lemlo, Remi chu thawh a phal tho a, a nî ai chuan pawisa ka mamawh zawk daih a, kei a rem ti leh mang silo. Ka melh râm râm a.
"I hrethiam lo a nih kha, ka bialnu i nia, eng tin nge ka dawr ah ka thawh tir theih ang che" a rawn ti a. "Chu min lo zah pui tih na aniang maw", nui hak chung chuan ka ti a. Ka nuih erawh a za lo viau thung.
Vanmalsawma Pov (baby shirk-a)
"Chutiang a nilo ka thusawi I la kawi a nih kha", ka ti a. "Eng nge ka lâk khawih a, ka sawi kha thu dik a nilawm ni, min zah puilo la eng vangin nge Remi i dawr ah thawh i phal laiin kei min phal ve siloh. Lung ngai suh ka rawn thawk nuar ang, chuan kan in then nghal bawk e, min zah pui tu hi ka mamawh hrep lo e", a ti piap piap a.
Insum hman lo in "Zothanfel" ka ti hrawk a, a ngawi nghal dâk mai, a mittui chu a tling nghal pam bawk, "ka kal dawn" ti sapin, a mittui luang chu a hru nghal tâwk a. Motor kawngkhar hawng chu a rual nghal bawk a, mahse ka lam ah ka pawt let hrawk a, ka kuah nghal a, duh lo in a ta nghal nawk nawk a, mahse ka kuah ngheh em avang chuan a tal chhuak theilo, a hnu ah chuan a tal peih tawhlo nge, ka kuah ang ang chuan a awm a, ka inthiamlo takzet.
"Ka tihpalh bawihi, kha tia tih che kha ka tumlo, ka tumlo bur, i mittui ka tih tlak avangin ka tihpalh" ka ti nghal mawlh hmawh a, ka inthiamloh zia chu pui tak a ni. Vawi khat mah aw ka vin ka la hman khum ngailo a. Tunah khan a vawi khat nan ka hman khum a nih kha, a thawng zia leh mak a tih zia kha a hmel ah a lang chhuak thei a nih kha. A hming pumin ka la ko zui a nia, midang tan chuan engmah a nilo maithei, mahse a nî tan chuan a ni dawn lutuk tih ka hria.
Inla hrangin a mittui luang chu ka hruk hul sak a, a nî erawhin hnuailam a bih ngur thung. "Ka thusawi i hrethiam lo a ni, nang hi vawi khatmah ka zah pui ngailo che a, ka zah pui ngai heklo ang che, Hre reng rawh. Ka hnathawk a tan ka duh lo che a, ka zah pui na lam che a nilo thung, hnathawk lo in, i zir lai chiah ngaihtuah zawk la ka tih vang a ni. Pawisa i mamawh a nih pawhin ka awm a, ka pe mai ang che. I tan vek a thawk ka ni tawh, chuvang chuan ka thusawi kha ala ngai reng, hna i thawh ka phallo, i duh leh mamawh chu i sawi anga, keiin ka tih sak thung ang che. Chuan vawi khat mah inthen kha sawi nawn leh tawh suh ang che, nang leh kei hi kan in then ngailo ang, pialral ah pawh nang nen chuan kan awm dun reng ang. I hria ti raw" ka ti dam thlup a. A lu chu a bu nghut a.
"Awle a nih chuan i tlai palh ang kal tawh rawh le, i rilru natna tur eng thil mah thleng tawh suh se, i bang ve leh min lo call dawn nia", tiin a chal ah chuan ka fawp leh zeuh a. Kal mai a tum chu a ban ah ka chelh leh rih a. Zawhna mit meng a min en avangin, "I nuih loh chuan ka awm a nuam theilo ang, nui phawt la i kal dawn nia" ka ti a. "Duh hun hun ah a nuih theih hleihnem mawle", a ti pawr hlar a.
__________________________________________________
Ka rawn surprise che u em?
Kar tawp ah last chapter ka rawn dah leh hman dawnlo a, ka in peih hman dawn silo a, ti hian ka lo hman leh deuh bawk nen ka rawn dah leh deuh thut a nih hi. Naktuk ah erawh ka rawn dah lo mai thei a, chuan in like leh comment la pe lo zawng..... zawng leh pe tawh te pawh kha min lo pe leh theuh bawk dawn nia aw
