By~ Rinrini Big Star ʕ ꈍᴥꈍʔ
Room atang chuan chhuakin ka nu ten chaw ei an lo siam chuan siampui ve nghalin chaw chu kan ei zui nghal a kan in eifel hnu chuan scooty ka la chhuak nghal a kan college lam chu ka pan din nghal a
Ka thleng chuan ka rin ang ngeiin Feli chuan a kut sang taka pharin min lo au leh lung² tawh henu zet hi chu a lawmawm thin a ni e tawi te a nuih let vein ka ban ka vei khum zauh a scooty chu park tha in a lam chu ka pan nghal a
A bul ka thlen chuan ka bana min kuah leh nghal thakin a hun tawn a sawi leh siam² tawh keiin ka lo umm e o liam vel mai² sawi tur vak hi ka hre tlat pek lo tiang hian ka bula awm hi nuam a ti ve em² mai chu nia boring te hi min ti ve ngai lo mawni
"E taka professor thar kan nei dawn sin" phur zeta a tih chuan lo bu nghutin "nang chu i mak e min zawt chiang ve dawn lo mi" a tih leh chuan mithmul kan zeuh vin " i rawn sawi leh vek dawn tho lawm" ka tih chuan tur zeta mi melh chung chuan a nui leh ang uar² mize dangdai tak hi a nei hrim²
"ih maw a hmeltha lutuk an ti sin"
"i hmu tawh mi?"
"oo an sawi ka hria lawm" lu ka bu leh nghut ringawt
" miss Marami ai lo kal dawn a, chuan miss Marami chu a pasal kha hmun dangah an transfer a chuvang chuan a ni pawh a pasal zuiin a hna hi a chawlhsan a"
"Lalhretheii ni tawh rawh" ka tih chuan mak tih hmel zeta min melh chuan " engkim mai hi i lo hre vek zel a" ka tih chuan " aw nge maw beng 2 ka nei ve a mi thusawi ka hriat tang nih kha ka hrilh cheee" a pawr ve thei nia a te² hian a te² an thak tih zawng² hi a mahah hian a awm kim nimai hian ka hria
Bell lo rik chuan kan class lam chu kan pan nghal a "first period hi eng subject nge kha" a rawn ti leh hluai a mak hluai² thin
"Mizo" lehkhabu chhiar pah chuan ka ti sup a ka mitthla ah a mitmu lian kel kawl nen a min melh leh kuau tur ka mitthla nghal zet thei ka ngaihtuahna vang chuan ka nui hak a hrilhhai hmel zeta min melh pah chuan "nge a maw nge a tinge nuih a" ner sakin "a za ni ve mai lawm" ka tih chuan thluk zet mai hian "hmmmm" an tiah
"saw sir lo lut" a tih chuan kawngkhar lam chu ka hawi nghal zata mipa pakhat inkhaithli zet mai hi a lo lut a ka hmuh tawh hnu a ang takzet mahse ka hrechhuak zo tlat lo mipa ka hmuh tawh ah chuan a la chhelo ber mai awm a vun hang ni si lo ngo chuang si lo uk deuh kharh mai neiin a sam chu a dum hlap a ,a khabe ruh kual te chu a nghet hmel cherh chawrh khawp mai "good morning sir" kan ti rual thap a "morning sit down" a ti sup a a aw chu a pa hle mai ka beng bulah "oiiiii ka tuiral a chhiatloh si zia saw ka tliak hnawp mai" lo ti ru sar² tu chu melh in ka nui tawp hrelo bik hi ka ang thin nia ka thiani thin tak hi chu..
"In vaiin chibai ule tun atang chuan miss Marami ai ka lo kal tawh dawn a kan in ngaih tlan viau ka beisei kei hi Abraham Zothanpuia ka ni a sir Hriatpui emaw sir Pui tiin min ko mai dawn nia " a tih chuan " oo ka pasal tur ka hmu ta" ti tu chu ner nangin ka melh leh a a mit te lah hi a a chhelo tih chu ka phalo mahse ka duh zawng a ni leh tlat lo
"nge lo ner vak² suh a chhiatloh em saw" a tih leh sar² chuan a chal a nawr nawkin " chhelo ti reng ringawt lo in i lehkha zir ah chiah rilru pe rawh chhelo tih lah hi i ngah tawh pakhatah hian rinawm ve la" uang zeta ka tih ve ngei chuan a tum nghal bur a lawmawm ka tih em vang chuan a biang kan piai leh hram a a teu nghal hlar mai henu hi chu ka lawm ve chiang ni hmalam chu ka hawi leh nghal vat a
"Ka class ah hian mutthluk, thil ei, phone khawih, thil lo sawi khap a ni in zirlai ah buaina in neih chuan min zawt hreh lo ula in zirlai hi uluk takin in zir theuh dawn nia ka subject ah hian tumai pawh lao atang hian beiseina ka nei sang dawn a min beidawn tir loh hram la beisei a kan in ngaihtlan vek beisei ang" a ti leh sup a
A thilsawi duh a sawi zawh chuan tlar hma tang a rawn hawi kual a kan hmel hriatchian a duh niang chu ka lehkhabu chhiar lai bawk chu ka lo chhiar chhunzawm sam leh daih a ho emai rilru pe taka ka chhiar lai chuan ka darah Felin min lo nghawk zeuh chuan melh nghal vatin mithmul ka kan khum zeuh chuan hmalam hawi tur chuan min mitmei nghal a hmalam kan hawi chu sir Hriatpuia nen chuan kan in melh nghal chat min la melh run zui a mitmeng a thip hrim² nge ni min melh no lem vak lo bawk "i hming i sawi thei a ngem?" a tih chuan ding chhuak nghalin "ka hming chu Debora Ngurnunpuii niin Ramthara cheng kan ni" ka tih chuan " i kum zat" a tih leh chuan "kum 21" ka ti ve leh mai a min en leh vung² vang chuan nuam ti chiah lo in " sir ka thu thei tawh em?" ka tih chuan a lu a bu nghut a ka thu chiah a Feli chu a ding ve nghal a a lo thu chiah tih in ka ban puam chu an beng leh nghal thawp a henu kut rang lutuk hi chu o " eng nge" ka tih chuan " oii nangmah chiah kum zat a zawt bik che nia ooo oiii nuam awm" an tiah ho e lu thing ngutin " i ho e a" ka lo ti mai a
Self introduction te kan tih zawh chuan miss Marami tih hmabak atang chuan min chhunzawm pui nghal a a thil explain chu ngaihthlak a nuamin hriat a nuam takzet ka lehkhabu chu dawhkanah pharh in inkuangkuah chungin kan thuthleng thut hnung awm chu nghengin mit chhing vang² in sir explain chu ka lo ngaithla a a aw a thum deuh bawk sia mut a ti chhuak dawn rum² a lawm le
"Debora" tia min koh avang chuan ka mit chu ka meng nghal riai² a sir Puia nen chuan kan in melh nghal chat mai " min han hrilh teh mihring nun ah hian nun tawi leh nun sei hi an awm i ring em?" a tih chuan ka thutna tang chuan muang changa ding chhuakin "Sir ring hran lo a chhan chu mihring nun hi a tawi in a sei bik hran vang a ni ngai lo a ,a nun nei tu ten kan hun hman dan kan hman dik loh chuan kan nun hi a tawi turh mai hian a hriat thin a ni nun tluang tak nei in hlim ila midang itsik reng² in nun hmang lo ila rinawm tak leh fair taka engpawh kan tih vek chuan kan nun chu a lo tluang parh ang nga kan nun khua pawh a sei ngei ka ring" ka tih chuan a bu nghut² a " tha lutuk thu rawh le" a ti sap a
"Va chhang tha dap² ve le " Feli'n a tih chuan ka nui leh tawp sana chu ka en zeuh va minute tlem te bak a awm tawh lo e " hemi zawhah class i nei em?" lu chu a bu nghut a " oo Pol Sc kan nei " a tih leh chuan ka ner nang a "nang" lu thing in "nope nei lo ka haw thei nimai dar khat ah leh last ah ka nei a ni mai" ka tih chuan "aaa ninawm e" a ti leh hluai a
Sir lah chuan a engah hma chuan tihtur min han pe nghal ringawt a Feli phun nasa ngang mai "chhiatloh na zawng² kha bo nghal vek" a tih hmuk chuan ka nui haka "min lo nghak tal la" mitmeng a beisei nei zeta min melh chuan han hnar mai chu harsa ka ti henu hi chu mi hnehtheih na riau hi a nei leh tlat thin a tawp a tawp ah chuan ka lo nghak leh ta nge²lo nghah pah chuan ka favourite place thingkung buk hnuai bawk chu ka pan leh nghal a
Ear phone vuah a hla ngaihthlak pah chuan lehkhabu chu ka lo chhiar leh malh² lai chuan ka dara min lo sawi avang chuan hawi chhuak ve nghalin ka hmaa hmelchhe pakhat hmeltha zet mai hian min lo nuih ver² a,a ngaihna hrelo zeta melh pah chuan earphone chu ka beng atang ka la thla nghal " heyy Sawmi ka nia min la hria em?" a tih chuan aw ti a han chhan mai chu harsa ka ti ka hmuh hnu a ni tih erawh chu ka hre si ka hmuhna hmun ka hrechhuak tawh a zeng ni si lo " hre chiah lo ,Deboi ka nia" ka tisap a nui hakin " aa a pawi lo kha nimin mi kha kha ui lo tlan thut nei tu te kha" a tih chuan hrechhuak ve nghalin " ee ni taka ka tihpalh mi hmel hi chhinchhiah har ka ti deuh a " ka tih chuan "a ho lutuk ka hmu che kha ka lo pan ding ve nghal tawp che" a ti nghal a hmeichhe ngainatawm tak ni
"eng nge i lo tih a hetah i kal ve zawk mi" ka tih chuan " ai nilo englo.."
"Sawmzual" tia hnunglam atang an lo auh chuan lo au tu lam chu ka en ve nghal zata sir Puia kha lo niin kan bul chu a lo thleng zui nghal a chutia Sawmi nen an han din dun takah chuan hrechhuakin Sir Puia chu nimin a Sawmi bula ding ve pa kha a ni tih ka hrechhuak leh hnuhnawh in ngaizawng nia ka hriat te kha an ni tak e ka hmuh tawh hnu a ang ka ti reng a
"Khawiah nge i dah" sir Puia chuan bung nghut hian a tia ka lo ip chawi thei Sawmi lah chuan engah ngai hmel vak loh hian " i dawhkan chungah ka dah sak tawh che i haihawt lutuk zar hi chu ka zo reng mai dawn nih hi" a tih chuan eng nge awmzia an ni hi nupa an lo ni reng zawk em ni aaaa nilo ka buaina tur pawh nilo mahse mak chu ka ti reng
Chutia an inbiak laia lo din ve kur chu nuam ka tih vak loh vanga kalsawn ka tum chu Sawmi chuan eee taka "heihi" tih leh ka ban puama min rawn kuah rual nghalin " Deboi hi i la hria em? Kha nimin a kan hmuh hnu kha scootya chesual tep kha i la hria emmm?" a tih chuan "hria e" a lo tih hmuk chuan sir Puia chu ka melh zeuh va min lo melh ngur mai ka hawisawn rang ngei mai a mitmeng hi engtik lai mai pawh hian a rum reng mai hian ka hria vawi 2 chiah la in hmu mah ila ka hmuh piang a mitmeng hi a rum eltiang thei tawp " Debo hei hi ka u a nia Abraham Zothanpuia nih hi" a tih chuan mak ka ti ngei mai an in ngaizawng maw tih nak laia "aa ka hria lawm" ka tih sap chuan mitmu phawk zeta min melh pah chuan " i hria maw engtin?" a tih lai chuan sir chuan a chala rawn nawr pah chuan "Sawmzual i over hret an zirtirtu ka nih hi" a lo tih chuan "eeee nia in zirtirtu thar a nih hi" an ti leh a ka nui tawp a lawmawm reuh tawp
Tawng leh ka tum chu ka phone message tone vang chuan ngawi zui leh datin ka phone ka en chuan Feli'n min zawn thu a lo sawi chu niin cafea min lo nghah tur thu a lo rawn sawi zawm leh nghal zata "ok" tih te bakin ka chhanglet lo kan hawi chhuah leh chuan Sawmi leh sir Puia chuan min lo melh dun kara min ti hrilhhai dawn lawm le nuih ver² paha mithmul kan zeuh vin "eng nge nia min bia mi" ka tih chuan Sawmi pek chuan "Debo bialpa i nei em?" a rawn ti hlut a phawk zeta ka en lai chuan " a va mak Malsawmzaul" ti hluk paha kuai her nawk tu chu mak ti hmel leh zualin ka en nghal a a nau nghawngah kuah paha a kalsawnpui lai chu ka en reng ringawt harsat hmel zeta Sawmi chu lo hawi letin a ban min rawn vai in "kina Debo in be leh ang o" a rawn ti hram a keipawh chuan ban vei leh ve zeuh vin ka bag chu ka la a Feli min lo nghana lam chu ka pan nghal a
Vawin pawh kan ti nek² a kan zo ve leh mai zing a kan class a sir Puia lo kal bak kha kan haw dawna a car a a thut luh lai bak kha ka hmuzui tawh lo ka ngaihven lem lo bawk
Zanah chuan ka pa dar chu thu chungin ka hmehsak niap² nawm a tih hmel khawp mai "ee taka mambawihi nu naktuk tlaiah kan thianpa Mafela te chhung kha chaw ei turin ka lo sawm ngawt a sin eng nge i ngaihdan" a tih chuan ka nu pawh chuan kuhva ei tuam² chung chuan " ee a tha lawm ngaih pawh an ngaihawm tawh lawm le" a tih chuan "nu kan hre ve em?" ka lo tih chuan " in hriat tawh pawh ka van ringlo ve i pa Mafela chu i pa nen hian tette atanga inkawm thin niin in tetlai kha chuan a pawm a pawm ve hman che lawm vawikhat phei kha chu ek te kha i cheh khum a " ti pahin a nui hak² a keipawh ka nui ve suk mai " class 4 i nih lai kha nge class 3 i nih lai ka va chiang ta lo ve a chumi lai chuan i pa Mafela hi police officer niin hmundangah an transfer a hei Pathian khawngaihna zarah tunah chuan helamah an lo dah let leh a i pa hnathawhna ah lo han tlawh a ni awm a hei i pa hian chawei ah a sawm ta lawm le" a tih chuan ka lo bu nghut² a
"Thiana fa kha engzah nge Maduhi nen khan an neih tak kha" a tih chuan " 3 kha an ni a an te ber kha khatia Darlawn a an sawn hnu lawk kha pai ve leh invanduaithlak takin an chhiat ta niin ka hria tunah chuan Thanpuia leh Mali chiah kha an nei tawh in ka hria" a tih chuan ngaihsak lo zetin tv chu ka lo ensan daih thung " bawihte naktuk i lo banghma thei ngem?" ka nu'n a tih chuan ka nu chu melh zeuh vin " aw thei ang ka ring " ka tih chuan " a that hlauh chu i lo haw hma thei chuan eirawng te min bawlpui ang chu le" a tih chuan ka nuih ve var² a
.........
A tuk tlaiah chuan....
Class kan ban chuan in ah tlang nghalin ka nu pawh a lo che mawlh² tawh inthlak zung² in ka nu chu ka pui nghal mawlh² a fiamthu te thawhin ka pa nen an vanglaia ka pa in a bem dan leh a chetchhiat dan te a sawi chuan keimah ang lo takin ka nuih ve hawk² kha ka nu bula awm hi chu nuam ka ti ve nia
Kan bawl zawh chuan inbual tura room ah lutin ka in bual zawh chuan pyjama hak nuam zet a var leh sen a intial chu hain kawr eng tlema taksa phuar ve deuh hlek hain rawlhthawk bun leh tawpin ka sam chu hair dryer in ka chhem tir leh nghal mawlh² a zawh chuan cream leh lip gloss hnawhin perfume in kap leh zuaiin ka phone charge chu banin inhnuai lam chu ka pan thla leh nghal a inhnuaiah thawm a awm vang chuan kan khual tur te chu an lo thleng tawh a ni tih hrilhnawn ka ngai hran lo
Inhnuai ka thlen thlak chuan " aaa hei lo thleng thla mai lawm hei hi nia kan fa u ber Ngurnunpuii chu "ka pa chuan min chhuang hmel zetin a ti a , a mikhual te lam kan hawi chiah mai chu ka meng kawk mai sir Puia leh Sawmi te an lo awm ve nia chutah an bulah nutling hmeltha zet mai leh a pasal ni awm tak mai pa sar vuah hmeltha zet leh ngaihnatawm zet te hi an lo awm a Sawmin min han hmu chu "oiii Laldebo nang maw hei hi lawm nu ka tih hmeltha ka tih deuh kha" a ti ta mai ka nu te chuan "ee in lo inhre reng a ni maw a va tihzia ve" a tih hluai lai chuan sir Puia chu ka melh zeuh va min lo melh ve kur mai hawi sawn rang chiang tak ka ni
Sawmi chuan "hria e le ihh maw nimin piah khan tlai ah ka u leh kan ui Oscara te nen kan lengchhuak mai² a ka u in kan intur a lei laiin Oscara chuan kawng a va cross thut a chutah chuan Deboi hi a va ti tlu tep a " a tih chuan " ka tluk tep loh kha ka in tauh ringawt lawm" ka lo ti zauh a " chupawh nise i chesual tep lawm chuan ngaihdam ka dil nghal a Deboi hian min lo hrethiam khawp maia ka lawm sin aw chumai a la nilo Deboi te college kalnaah pawh u mama hi a thawk ve a nimin ah pawh kan in hmu lawm tiraw Debo" nuam tih hmel zeta a tih chuan nui ver² in lu ka lo bu nghut a sawi tur hi ka hrelo ve em a tin ni lo nuih loh leh lo buk khum ngawt loh chu sawi tur ka hre ve vak lo ....
"A va tihzia ve chu thiani kan fa te pawh an lo in hre vek a lawm le intawng tur tak kan in tawngkhawm leh nih chu a" Sawmi nu nu Pari chuan a ti hlut a a thusawi chu an thlawp khawp niang an bu thliar² a an nui huah² a rei lo te an inkawm khawm leh hnu chuan chawei zai kan rel ta a chaw ei lai te chuan ka khawr thut mai hian ka hria sir Puia chu ka hmaah a thu run mai sia ka awmdan hi mak ka ti takzet
Chaw chu kan eirei tlang khawp mai ti² vawrh tur an hre mai sia keimah tak pawh keimah ang lo takin ka lo nui ve leh hak² thin a tawpah chaw chu kan ei zo ve thei ta hram a Sawmi lah chuan min tihfel pui a tum phet a lo thu mai² tura ka tih pawn " i bulah ka awm duh lawm" a tih tlat vangin ka hnial hneh ta lo hmeichhe tawngduh tak a ni bawk a a bula awm chu a nuam khawp mai
A nin hmun a phiat a keiin a sil ka chuh tlat thung mahni in ah te chuan a sil hi chu kan tihtur ka ti ve tlat ka rinai keimah tak pawh chu ka lo tawngthei ve a kan ti² dun bawrh² mai male ka nu emaw Feli'n min hmu se mak an ti ngawt ang ka tawng tlem ve em a ni chutia ti² paha kan nui bawrh² lai chuan Sawmi chu an lo au a "ka va kal lawk aw" a tih chuan nui ver² in ka lu ka bu nghut a choka a chhuak chiah tih chuan sir Puia chu a lo lut ve leh a eng ka hria ni maw a lo lut chiah chu boruak chu a rit nghal vek mai hian ka hria ka khawr tut mai chawei lai a ka awmdan ang chiah khan mak tak a ni ka la tawn ngai loh thil nih vang hian dawnsawn dan ka thiam thak lo
Ngawi reng chuan thleng chu ka sil mawlh² a , a fridge hawng ri leh tui bottle a la chhuak ri te chu ring tak hi ni mai hian ka hria ka taksa lah chu a mur chum² mai hian ka hria a min en tlat ni a hriatna lah chu ka nei lian em² lehnghal aa a awiawh loh lutuk mai a
Thleng ka sil chhung chuan mak tak maiin chokaah chuan a awm ve reng ka mitsir in ka hmu thei dawhkan bula thuthlengah hian thu in phone chu a khawih mual² a a bulah a tui bottle lak chhuah kha a dah bawk a min vil ni ber hian ka hria aa a atthlak lutuk a ka sil zawh chuan ka kut te chu hru hul in huphurh ang reng tak chuan ka kalpel thei ta hram ka kalpel dawn khanin min rawn melh tlatin ka hria aa chupawh ka hresual niang eng ka hria nimaw mipa ngaihsak ngai lo hian hetiang feeling hi ka nei ngai silo a dawnsawn dan tur ka hre lo takzet
Setting roomah chuan va phei ve in Sawmi chu dawrah anlo tir chu niin ka nu te thutna piaha single sofa ah chuan ka thu thla a tihtur ka hrelo chuan phone chu ka khawih ta vel mai² a chang leh an thusawi chu ka lo nuihpui ve leh ang bawk a sir Puia pawh lo thu phei ve in amak ka hmaa single sofa ah chuan a thu ve leh chat tawh tinge ka hmaah hian a thut zel le tuna ka awmdan hi Feli hrilh ila chuan min awihlo a nih loh pawhin min awt leh tawh ngawt ang
Tinge ka kianga sir a awm hian ka mur uai² zel mai ni keimah ah hian dik lohna awm a nih ka ring ka bulah chuan Sawmi leh bawihtei chu tap chawtin an inkawm thei phian si pakhat lah in zawhna ngah a pakhat lahin zawh bel chakawm tak a chhang a thiam si an thukhel dun a ho bawk si a chang leh ka chanchin te chu Sawmi chuan ka hriattur kherin nge maw a fiamthu ni zawkin bawihtei chu a zawt deuh reng bawk a inkhata cheng leh unau ni ta na² chu bawihtei lah chuan min lo hrechiang nasa mai sia a tawpah phei chuan ka chanchina keimah pawhin ka hriat loh te thleng² zuk hrilh a ka nui ka nui ringawt fiamthu an duh bawk a Sawmi bula awm chuan a nuam khawp mai
Dar 10 leh tih ah chuan pa Mafela te chhung pawh haw lam an sawi tawh a aw haw tawh teh se ka awmdan hi mak emai ka hah vek mai hian ka hria tiang chuan sir bula awm tam loh hi a him ber dawn in ka hre ta ber a bul hnaia awm chu hahthlak emai bakah ka mut hun tawh lutuk ka kawng te hi a kham thum mai hian ka hria mut te ka duh sir te awm lai renga lo mut bo pil daih kha chu dikin ka hriat loh vang leh ka nu ten an phal ka rin loh vanga lo thu ve mai² ka ni pakhat bawk
An haw dawn chuan kawt thleng kan chhungin kan thlah a ka pa'n tikher pek a tul ka ti hran lo ka ngaina lo tihna ni lo in an fel ka ti lutuk mahse chhung kuakua a pawna thlah kher kha chu tul ka ti hran lo duhleh an thiante an nia an pahnih pawn thlah mai se mahse engmah chu ka sawi chhuak chuang lo hlim tak chu kan in mangtha hlawm ta e lo leng leh vat turin kan in thlahliam ta a
An kal dawn khan sir khan side glass atang min lo melh tlat in ka hria aaa kei hi ka suangtuahna atthlak lutuk hi ahh keimah pawh ka ang lo e a...
Nizan ka lo dah loh vangin kan tisei deuh nih hi ngaihnawm in tih ngei ka beisei
.. A rawn romantic chho tan ang nga a rawn pui chho viau ang Deborai leh Abrahama te in karah pawh thlipui kan la tleh tir hum² ang 
... Min lo chhiarsak zel dawn nia
Love you♡ʕ´•ᴥ•`ʔ