Chapter - 4
By Betsy lalngaihsaki
Dar hnih bawr velah chuan haw ka tum thu chu ka hrilh hlawm a. Bena'n min thlah tur thu a sawi chuan Josi'n min lo en zawk a a mitmeng chu a thip râm . Sawinawi erawh a nei lem lo thung.
" Riak leh la.. i ngaihawm dawn emai" fiamthu tihtak deuhin Remruata te thian ho chuan an tih vei luam a. Josi chuan min lo melh leh zawk pah a , " A riak inti mi " ati a , a nui sang bawk si a mizia tur awmang chu hraitthiam harsa ka ti.
" Riak e.. lo leng ziah rawh aw..Erica" Hriatkima chuan ati zawm zat a, a nui sawng leh ta nghal a . " In thawveng hlawm lutuk a, In huhang ka rui alawm " ka tih ve chuan , An vai mai chuan an lo nuih hawk hawk.
Bena room atanga alo chhuk tawh takah chuan kan in vai liam a . Leng leh tura min sawmna chu, hman veleh ka len leh tur thuin ka chhang hlawm mai bawk .
Mak ka la tih em em chu Josi kha ani . Nui sang chungin ka chungah lawm loh hmel a pu a . Mahse min huat ngawt nachhan tur ka hre bawk si lo. Ka ngaihbel vang mai mai anih te ka ring tawh .
Ngawi rengin kan hostel lamah chuan kan tlan phei a , Trafic a jam lo hlauh chu atih zia . Nupuii ka call a a lak rual chuan , kan thlen tep thu ka hrilh a. Ani pawhin gate bula min lo nghah tur thu a sawi ve mai bawk.
Nupuii tello pawhin hostel chhungah ka lut thei tho a, mahse nizan ka riak bawksi lo a, tun angah min hmuh thut kha chuan a buaithlak mai mai zawk dawn nia ka hriat vanga koh chhuah ka ni.
" Ka lawm e aw.." Bena en pah chuan ka ti sep a. A steering hnehsawh zeta a herkual lai chu ka en reng bawk.
" Engvang chuan.."
" A tam mai i khum min kian vangte kawr min lei sak vangte " ka ti duah a. Alo nui ve suk.
" I lawm takzet em" atih leh chuan ka lo bu nghat nghat a.
A ngawi leh ran tawh a, a tawng tawh dawn lo emaw ka tih laiin , " Zana hmeichhia mahni chauha chhuah a that loh thu te chu i hre ve reng awm sia " min lo en lem lo hian ati daih a. Kan thilsawi in perhsan dan chu aw...
Ka ngawi kar a a hlauhawm zia ka hre ve tho a. Ka chhungte mahin min ngaihtuah lo a, min dah bo ahnu ka duh duhin ka awm thei alawm ka rilru chuan ka ti ve tlat . Ka sawi chhuak lem lo thung.
Kan hostel kan thlen chuan motor ati ding a. Ka chhuk nghal thak . Leh hawi lehin ka kawr ka kawk zauh a, " hemi man aiah ka la treat ang che " thutak fahran hian ka ti a. A nui ve suk mai.
Bena'n ka luh hma loh chu tlan a tum loh miau avangin ka luhsan a, Nupuii gate bul a lo thu Tung at ka hmu zui zat.
" Tu i hmelhriat inah maw i riah a." ringhlel hmel fahran hian Nupuii chuan min melh a. " Reubena kha..I hria em DEJAVU bar a kan hmuh ziah thin pa kha " ka tih chuan a bu nghat nghat.
" Chhelo i tih theih zia kha aw .." atih leh chuan , ka lo nui hak. Bena hi kan hmu ve ziah thin a, a pian analh a a pa em em bawk nen Nupuii bulah chhiatloh ka tih zia ka sawi ve luam thin . Chu chu alo la hre reng pek anih dawn hi.
Room kan thlen chuan , " Rica , Reubena bulah chuan I mu tihna mi? " Alo ti a, " mu nang aw.. ani sofaah a mu a kei a khumah " ka tih chuan a awih loh hmel kher mai.
" I duh leh awih lo la.. a thiante an thawveng zia chu.." ka tih daih chuan " an bula awm a nawm dawn chu " ati ve mai.
Tlaiah chuan hostellers zawng zawng te min koh khawm a. Tumah in a chhan kan hrelo .
Inhmuhkhawmna room kan va thlen chuan Warden te pawh an lo awm tawh a. Kan thlen kim hnu chuan miss Reaha chuan , "hosteller thenkhat te zana chhuah ruk in ching hlawm riau a. Tunah chuan inchhuah ruk emaw hostel chhungah phal loh thil in rawn ken luh anih chuan dan ang thlap in action kan la tawh ang. Karkhat ah vawi hnih theuh in room kan check bawk ang " ati dap dap a. Tumah tawng ngam kan awm lo.
" Report an awm ani hrim hrim ang, awmlo seng Warden te khan an hre awm lo emai. Puja te thianho bak anni lovang " Nupuii chuan ati nang nang a. Ka lo thlâwp ve bawk.
Nupuii thil sawi kha a dik reng report thleng lo se tumah in kan chhuak ru thin tih an hre loang , dar 9 velah chuan gate pui an khar nghal tawh thin a. Gate pakhat chauh a awm a. Chhuah ngaihna a awmlo rêng ani. Candy te thianho leh Nupuii nen chuan building hnung lamah laihlawn tê thleh theih kan dawh a. Kan lawn zawhah kan thlep leh daih thin kha ani a. Warden te'n an hre dawn lo hrim hrim ani.
Hun a liam ve zel a November thla tawp kan lo chuangkai ve ta reng mai. College kan kal ziah a , zanah a khat tawkin kan chhuak ru ve zel a. Tumah pawh chuan min la man chuang lem lo a mahse hostelah hi Chuan ka awm peih tawh lo tak zet .
Reubena leh a thianho nen kan inkawm tam ve tial tial a kan inngaina hlawm tawh takzet. Nupuii pawhin a ngaina hlawm ve hle a. An in chhaih peih hle . A bik takin Remruata'n a chhaih peih fal bik a Nupuii lahin a haw duh der thin si lo. An in chhang tawk thei ania aw..
Reubena nen pawh WhatsApp ah te kan inbe ve zauh zauh thin. Kan leng kual nasa thei hle a tunah chuan an thianho zinga mi ang tak tak kan ni ve tawh. Fiamthu an duhin an bula awm anuam hle a, ka pa te nen kan inhauh chang pawhin an bula ka awm hi chuan min ti nui leh nge nge zel.
Kan vai chuan christmas a haw kan tum hlawm a. Vanneihthlak takin Remruata tih loh chu Aizawl khua vek kan ni hlawm a, a tihzia phian .
Zirtawpni ani a, project submit tur ka neih mai bakah vawiin hi class kan kal hnuhnung ni ber tur ani a. Class kal tur chuan ka insiam mawlh mawlh.
" Nupui....ka chhuah hma bathroom luh lawk ka ngai ania aw.." ka au lang lang a. " Lawks ka hman tep " a rawn ti ve mai bawk . Henu bathroom lut hi chu a rei zek thin a. Hmanhmawh deuh chang phei hi chuan kan inhau leh bap bap thin. A tua mah chuan kan haw ngai lem lo.
Alo la chhuah mai loh avangin ka phone chu ka lo bih mai mai a. Reubena message chu ka hawng vat . Zing dar ruk vela a lo thawn ani a.
** I class dawn em pitar ** tih te mai hi ani. Reubena hian kan inkawm reng takah chuan pitar tiin min koh fiam a ching a. Engah mah chuan ka ngaihsak lem hleilo thung.
** Chhuak tep ** tih te hi ka thawn ve a.
Nupuii alo chhuah takah chuan ka lut ve vat.
Bathroom atanga ka chhuah leh chuan ka hman ani der tawh a. Ka dressing table a ka phone dah a lo rik ral ral takah chuan ka en vat a Reubena alo ni.
Call ka pic rual chuan " Yes kid.. " ka ti nghal a ka kohdan ve ziah ani. Alo rum nghut a. " Class i kal dawn chuan ka lo thlah ve nghal ang che , in college lamah ka kawi dawn a " atih chuan .
" Yes ka lawm ngawt ang , ka hman nghal ania " ka tih Chuan , " umm .. ka lo thleng tep keipawh gate pawnah lo chhuak tawh rawh " ati a call pawh chu kan ti tawp ve mai bawk.
Bena hian a hman changin min thlah zauh a ching a, kei lah taxi in ka kal mai thin bawk nen ka lo hnial lo nasa thin hle.
Gate pawnah ka awm tawh a Bena bolero reng reng ka la hmu lo rei ngial ka nghah pawn ka la hmu mai lo a. Min bum emawni ka ti rum rum tawh.
Minute sawm dawn a ral hnuah chuan min lo call a, ka chhan rual chuan " I hmalam hawi rawh" a rawn ti sup a . Ka hmalam chu ka hawi a, kawngsirah alo ding reng tawh.
Ka va thlen chuan motor kawngkhar min lo hawnsak vat a. " Iva rei em em , class ka tlai ang a sin..." Ka ti vang vang. " Ka nghak char char zawk che a" a ti sup a .
" Kan college lamah eng nge ilo tih dawn , in office lam ani bawk si lo " tia ka zawhna chu hna pawimawh tihtur a neih thu in min chhang mai a, ka zawt zawk ta lemlo.
College kan thlen chuan lawmthu sawiin ka chhuk mai ka tum a. " Zanah engnge i tih dawn " atih chuan chhuk ta mai lo chuan ka melh a ka dar chhin ak in " tihtur em em ka nei lo , ngati nge " ka tih chuan "Chhuak lawk ila " ati leh a chuan " khawiah maw" ka ti haw.
" Christmas hmang turin keimahni khaw lam theuh ah kan haw dawn sia, kan office in party an buatsaih a , kal ve ila ka ti.." min en reng chung hian ati a.
" In office thil tih ani sia , ka lo kal thei ngawt dawn mi.." ka tih leh chuan , " theih ngawt e..a...zuk kal phawt teh zanah ka lo lam dawn che nia" a ti sup a. Ka tawng leh hmaa chuan a tlan chhuak daih leh ta nghal a.
Classroom ka luh chuan an lo phusa leh nuai nuaitawh a. Shane-i ka hmuh chuan " project i submit tawh em " sap tawngin ka zawt a. " Nichin lawk khan ka submit tawh alawm " min nuih sang pah hian ati mai a.
" Awle, khawiah nge submit an tih " ka ti leh a, " department ah " ati ve mai bawk. Lawm thu hrilhin ka kalsan a.
Department ka thlen chuan kan political science HOD prof Manish-a alo thu vang a, ka va luh chuan min lo nuih leh sang tawh.
" Lo lut rawh Erica " alo ti vat a. Ka lut ve mai bawk. " Sir project ka rawn submit dawn a " tih leh ka project ka pe nghal zat.
Bu nghat nghatin a en kual thuak thuak a. Chutah lo hawi in " Mizoramah christmas i hmang chho dawn mi a" a atih chuan , ka bu ve nghat . " Anih chu aw.. i ngaihawm dawn anih chu " atih leh chuan ka nuih sak a. Ka chhang peih vak lemlo.
Sir Manish a hian min ngaizawng deuh reuh thin a. Class banah min thlah zeuh zeuh a. Canteen ah thil min treat ziah bawk. Tlang takin min duh thu sawi lo mahse a che zia ah a thup lemlo thung. A Hma chuan ka ngaina ve thin a, min ngaizawng deuh reuh tih ka hriat atang kha chuan ka hlau a ka ten deuh tlat tawh.
Cabin atanga ka chhuah chuan ka thaw deuh huai huai a. Kha pa kha ka ngaina lo.
Class kan la mumal lo a , kan kal tawp ber ni tur ani bawk nen , kan thian vai ho nen chuan kan inbe teh luam a. Mizorama christmas lo hman chho an chak thu an sawi liam liam a. "Lo hmang chho mai Ula" han ti chiah ilang chuan an hnial dawn lo tih ka hriat avangin ka sawm duh der duh lem lo.
Reubena nen party naah kan kal dawn avangin ka insiam a, kawr fual sen duk ka malpui thlenga kak chu ka ha a. Heels sang zet ka bun bawk. Ka hmai te chu uluk takin ka chei a. Ka hmui chu nalh ka tih thin ang ber chuan ka ti sen a. Darthlalang a ka landan ka hmuh chuan ka lungawi hliah hliah .
Dar 7 velah chuan Bena'n min rawn hruai a, zanin chu Warden te pawhin len chhuah an remti a. Mahse rui an phal lo thung. Nupuii pawh a bialpa nen an dine out a. Zanin chu alo let kher lo maithei ani.
Nupuii hian bialpa nghet a nei ve a. A bialpa chu sap thlah ani . An inzuina a rei ve tawh a , an induh ve tawh lutuk. Max-a hi a fel em a, Nupuii a hmangaih tak tak tih ka hria a ka lawmpui em em bawk.
Bena'n min hmuh chuan lo nuih var var a ka nuih let ve sang. " I mawi lutuk " atih sup chuan ka melh vat a, ka mur chuaih theiin ka hria " tak tak maw " ka tih Chuan " min melh pahin a nui var var a a bu zauh. Ka lawm ve takzet.
Bena bula awm hi nuam ka tia a mi uap na deuh mahse a bula ka awm hian ka thla amuang hle thin. A hmelchhe lo a a pa lian em em a. Ka taksa size nen chuan tehkhin chi pawh ani lo, a lakah chuan fanghmir ang vel ka ni ti ila ka sawi uar deuh mah mah maithei tih chauh ani.
Kan party na hmun tur kan thleng a mi an tam ang reng kei aia inchei uar deuh deuh an tam a. Hriatkima te thianho in min lo hmuh chuan Bena nen kan pan ve vat.
Josi pawh a awm ve a ani pawh a chhelo takzet. Midangte chu ka enkual a an inchei dan en reng reng pawh chuan min hausa tak tak hlir anni tih a hriat mai.
" Rica ilo kal ve elaw.. Bena'n engtin nge a sawm chhuah theih zawk che a.. " Remruata chuan nui thaw hian ti a. " Dik chiah , i luhlul reuh tehreng nen , ilo kal duh mai kha kan ringlo asin " Hriatkiman alo ti ve bawk.
" Min vau alawm Bena hian " ka chhanna chu awihloh hmel zet hian Josi'n min lo en a. Bena erawh a nui suk.
Wine te kan inho a kan hlim tlang khawp mai. " Heichu ..Elijah bialnu then pualin aw.." tih leh Remruata'n no khat a tlak pap a. Rang deuh in Elijah ka melh nghal vat.
" I bialnu nen khan in inthen amaw," nuih za aw lek lek hian ka zawt a. " A hmelchhe reuh iti itia, ila na tho si " Bena'n alo ti zeuh chu a duhlo ngang mai. " Ka la na lo " ati ve tlat .
Hriatkima zawk chuan inla zei deuh hian " Rosepar chiah hian hling a nei lo , chingit leh khanghu pawhin hling anei tho. " Khi thaw hian alo ti a. Remruata'n " a awmzia chu hmeltha deuh ho chiahin min tina lo, chhe ve deuh ho pawhin min tina thei tho, insum Suh bawiha " Elijah dara a ben thak thak rual chuan kan "Ehhhh" that. Hriatkima leh Remruata inla zei over hi chu aw..
Ka zung a chhuak tlat pek a, Josi inkalpui tir mai dawn lahin nichin atang khan min melh sakhi sa tawh nen , Bena beng bulah chuan kalpui turiin ka hrilh sa sa a. " Sawi mai ta che i zak ani maw" alo tia , a nuih suk. Ka zah vang pawh ani der si lo.
Kan zung lawk tur thu kan hrilh hlawm chuan an lo "ehhh" leh tuar a. Angaihna an awm lo mawle hemi te thianho hi chu. Josi hmelah erawh chuan a nui chak lemlo tih a lang reng a. Henu hian Bena a ngaizawng Chiang ani.
" Engmah kan ti dawn lo , ka zung ringawt dawn a kan lo let leh vat ang " hahthlak ti zet hian ka melh hlawm a. " Lo let vat lo mah ula a apawilo " an la ti leh hram. Ka chhang peih tawh lem lo. Ka chhang peih chhung chu min hnial peih leh dawn tih ka hre ve tlat.
Washroom lamah chuan kan inzui phei a mi chuan min en duh riau hian ka hria a. Ka bula mipa hrawl lian zet vang hi ani ngei ang le. Bena hi hmeichhe duh chi ani ve a, vai ho pawhin an bawr laih laih thin tih Elijah khan min hrilh anih kha.
Bena hi hmeichhe bul hnaia a awm hian nuam ka ti lo a, engvang nge chu ka hrelo . Mahse hmeichhe dang nena an chhuah ka hmu hian ka thik em em vang pawh niloin nuamlo ka ti thin a awmhmunah ka in sawh ka insawh ringawt thin.
( End of chapter)
**8660836915 , tah hian feedback in theih hram Chuan inlo pe leh theuh dawn nia ..umm
**