BY~Rinrini Big Star
ʕ ꈍᴥꈍʔSir te an kal liam hnu chuan keini chhung pawh inchhung ah lut leh in tlai deuh tawh mahse an thingpui inna no ruak te chu ka sil nghal zung² a ka sil zawh chuan reilo te ka chhungte bulah thu khawmuang lehin 10:30 ah chuan mangtha hlawmin mu turin ka room lam chu ka pan ta a
Ka hmai te phih a ka kawr te ka thlak zawh chuan khumah chuan ka mu zal nghal a nuam dar² tak a ni eng ti mang silo ka kawng te hi a kham thum mai khum bula side table chunga ka dah ka phone chu banin whatsapp ah kan lut chu no. hlang pakhat hnen atang hian message a lo thleng a kan en chu tu dang ni lo vin Erika kha a lo ni a no. ka save lo a ni tih ka hrechhuak ve chiah mizo class a sir thil explain laia in kuangkuah at chunga ka chhing lai thlalak kha min lo thawn in "i engkim i nungchang zawng² hian min hip hluah²
" tih hi a lo ziak a kan like rikngawt kha chhan loh ai ah tiin a no. te chu ka save leh hnuhnawh a Feli pawn min rawn text leh nasa tawh ngang mai naktuk a a in dress dan tur leh online a a thil chah te chu a pic te min lo thawnin nalh ka tih leh tih loh te mi rawn zawt ve chiam a chang leh fiamthu maksak pui² nuih pui loh theih si loh te hi a rawn chhamchhuak ang nga tawngkam bungrua te hi a nei maksak thei sia keipawh ka nui leh vur² zel henu bulah hi chuan a hlim loh theiloh mama tan te hian ka duh rum² tawh nia a ni lah chu Delhi ah in exam in a awm mek a vawin a ka nun nen an in biak dan ah kha chuan karleh leh pek vel ah chuan a lo haw ve theih tawh hmel a a lawmawm viau mai chhungkua kim taka awm khawm te hi nuam ve a
Dar zat ka en chuan dar 11 a hnaih thuak tawh vangin ka phone chu dah vatin mutthilh zai chu ka rel ta a ..
Dan ngai te in alarm in min kaiharh in workout tur chuan ka in siam nghal a tunlai boruak hi zingkarah pawh hian a lum em² zel maia mahse taksa langtam ka hak ngai loh vang hian khawlum ah pawh kawrban tlawn hi ka ha ngei² zel ka workout zawh chuan thlan leh nasa tawh tak ka ni in ka thlen chuan ka nu in eirawng a lo bawl tan mek a fridge atang tui bottle chu la chhuakin ka in nghal khawlh²a ka nu chuan eirawng bawl malh² pah chuan vawin a a tihtur te chu min hrilh ve mawlh² lai chuan kan kawngkhar chu an rawn kik a ka nu'n lut tura a tih chuan sir Puia kha a lo lut hlawl mai
Kawngkhar lam ka lo hawi lai tak ni bawk nen in melh fuh chiang tak hi kan ni mai ka nu chuan "eee Thante eng nge ni ta zing kar² ah te thingpui in rawh aw lo thu rawh lo thu rawh" a lo ti zung² a sir chuan min rawn melh leh zeuh vin " aa nia nu Hruai nizan kan lo leng khan ka nu in a zungbun bun lai kha a lo theihnghilh a niawm a a hmu zo si lo kha min va en sak chhin teh a tia hei lo a awm leh awm loh ka lo en dawn nih hi" felfai zet chuan a ti a
Ka nu chuan "ee ni tak maw nizan khan kan zungbun te kan in bun tawn dun chhin vel kha nia mambawih nizan kan thutna vel kha i u Thana kha va enpui chhin teh a awm ka va ring ve a hmuhzawh si loh chuan" a tih chuan lu bu nghutin ka bottle ken lai chu fridge ah dah lut leh te² in nizana nu Pari leh ka nu te thutdunna vel chu ka va en a mahse ka hmu mai lo ka hawi kual ka hawi kual vang chuan sir chu ka hmulo tih lo hrethiam ve in ka bulah chuan lo kal hnaiin min enpui ve nghal vat a chutia ka bul hnaia a awm chuan amak lutuk hi ka mur uai² mai male electric in min man chhawk ang mai hian ka awm mak tak ni a bul hnaiah pawh chuan ka awm tha vak duhlo min rawn hnaih deuh piang chuan hmun dangah ka lo kal daih zela ka hlau emaw a tih ka hlauh vang chuan zawng ang deuh chuan ka awmlui kual vel ringawt
"In hmu em?" ka nu chuan a lo tih chuan "ai hmu mai lo khawnge maw a awm dawn ni nge ka nu haihawt lutuk hian a thawmhnaw ip ah dah in a lo theihnghilh zawk nge ni kan hmu mai lo ka nu hi chu nu haihawt ve tak mai hi nia" a tih chuan ka nu chuan nuih hak² in "keini te chu i nu nen hian nulat lai atang renga haihawt thang lawm le kan nih le a ho lutuk nia" a ti zang vah a "kha thingpui te hi lo in teh khai a daih hma hian" ti paha ka nu'n tray a thingpui no 2 a lo ken chuan sir pawh chu thu in ka nu thingpui rawn ken chu ban ve nghal zat a kei chu thingpui hi ka in mai² ngai loh vangin min lo ken ve lem lo
"mambawih thuthleng hnuai te kha han en chhin teh a lo tla te hi a nia nge" ka nu'n thingpui in paha a tih chuan ngaihtuah chhuak ve thutin thunthleng hnuai chu kan bih nghal a rin ang ngeiin thuthleng hnuaiah chuan lo awm ngei lawm harsa lo te chuan la chhuakin sir chu melh pawh melh lem lo chuan ka pe ve mai a "nu Hruai Puitei hi a zakzum hle mai a" a tih chuan ka melh nghal vata min lo melh reng vang chuan ka hawisawn leh daih a la nui zuiin ka hria ka hresual pawh ni mai thei ka nu chuan nui hak² chung chuan " ni e mambawihi hi zawng a u mama ang chiah a nia mi zakzum tak leh tawngtlem tak hi an ni ve a kan khual kan in a lo leng let thin thenkhat phei chuan tawngtheilo emaw te an lo ti thin lawm" uang zeta a tih chuan ka lo ner nang a sawi hun lo thei e ka nu chuan zawhna te chu zawt mawlh² in tunlai a hah thin em tih te a zawt a sir lah chuan a lo chhang tha in ka nu biak dan te lah chu a thiam em² zui ka nu mitmeng leh hawiher atang chuan sir chu a ngainat zawng tak a ni tih lah hai theih loh an ti² na bulah chuan phone khawih in ka lo thu ve kur ringawt mahse a ruk tak chuan ka ning ru tawh takzet kei lah walk zo thlan rim nen ka la awm vang chuan ka awm a nuam theilo boruak uap bawk si nge maw tun ataka boruak te lah chu an uap em² mai ni
Thingpui an in zawh chuan rang fe mai hian an in na no ruak chu ka lo khawm nghal vat a che rang chu min ti ve khawp ang anih loh vek pawn sir chuan mawngzang chu min ti ve khawp ang le an bula thut reng kha ka peih lo ka hah chu ai chuan no hi sil ila roomah inbual turin chho daih ila hlawk zawk
No chu ka sil fai nghal a ka sil lai pawh chuan an in be thawm chu ka la hre reng ka sil zo ka room lama ka chho tur chiah chu ka motheri chuan min lo ko leh hmanhmawh a van hunlo thin e o peihloh ang reng zet chuan an lam chu ka hawi leh a sir pawn mi lo en chiang leh tawh ngang mai tinge chiang deuh² hian min melh vak² zel mai ni min entlang tum hi a ang thin mihring ve tho ka nia ka zak ve thei tih te hi hriat ve tur nia ka nu chuan "mambawih hei i u Thantea hi a haw duh tawh a va thlah rawh" an tiah ooo a van tul loh tak nge thlah kher a ngaihna le nih loh pawn amah pawh sawn thlah ve mai sela aw nge min pun buai kher mahse engmah chu ka sawi lem chuang lo a
Sir lah chuan "aa ngai lo nu Hruai kan kal a nge thlah kher ka ngai lo e" ti si kha chesawn chuang der silo min nghak niawm zia zangin a mitsir in min melh reng tih pawh ka hria ka van khawng chak tak "ee hei fanu nula kan nei ve tawh lawm mambawih i u Thana hi va thlah rawh khai school kal tur a nih kha a tlai a nge" a tih chuan thaw hakin setting room lam chu ka pan leh ta nge² a
An zawn ka thlen chuan sir chu lo ding chhuak nghal vat a leh lawi si chuan nichin te khan tiang hian ding vat se chuan a in khalh chhuak daih tawh ang mawle ber bur mai engmah sawi chuang lo chuan melh zeuh vin pawn lam chu ka pan san daih han biak kual vel kha thiam miau hek lo sir a han kal dawn meuh chuan ka nu pawn "Thante zanah te lo leng thin rawh aw i chhungte kha min lo biak lo lo leng leh vat an che u in ngaihawm ropui si" a lo ti leh luam a sir pawh chuan "ni e nu Hruai anih ka kal phawt a nge remchang leh kan rawn la leng leh dawn nia" ti pah chuan min lo pan nghal a kei a car dahna bulah ka lo ding reng tawh thung
Ka bul a lo thlen chuan biak loh tawp aiah tiin hre ru ang reng tak zak loh hmel tak chuan "anih chawei tui le sir in lo leng leh thin dawn nia" ka tih chuan cara lut ta lo chuan ka hmaa ding ren rawn in mi melh ngur chunga hmui pet sawi zeuh vin " i chiang chiah maw kan lo leng leh thei tak² ang maw min hlauh hmel mai sia ka seh dawn lo che nia" a tih chuan ka melh nghal vata a ni pawn mi lo melh kar mai eng ka hria ni maw sir hmui chu kan en ringawt a hmeichhe hmui ang mai in a senno suah mai sia zuk leh hmuam a ti ve ngai lo a ni tih a hriat takzet a ni harhchhuak zawkin "a teuh lo mai ka hlau hleinem che i lo leng duh phawt te chuan i thu lawm anih chawei tui le" ka ti ta daih a sir pawh chu carah chuan thu lut ve nghal in a tlan chhuah dawn chuan min rawn en leh in "college anih loh chuan sir tia min koh kher a ngai lo nia u Pui tiin min ko mai dawn nia" a tih chuan ka lu ka lo bu nghut ringawt a tlan chhuak ta chu thawl huai tur si kha ruak huai ang hian ka in hre leh tlat ang lawi a ka chianglo a ni kei hi
In chhungah chuan lutin ka room lamah tlang chho nghalin fai zet chuan ka in bual nghal a ka in bual zawh chuan college kal nghal thei tur chuan ka in siam zawm nghal zata ka in siam zawh chuan darthlalangah chuan ka in en vang² a ka duh tawk viau mai kawrvar ban bul ka mawng tawk pha lo tawk chiaha fual ha in a chungah hoodie dum ka ha leh a cargo dum ka bun leh tawp a buza var leh sneaker var nen tawk viau ni ka sam chu sang vaha ka tawn leh tawp a perfume in kap in already ni ta bag chu la in ka phone nen room chu ka chhuahsan nghal a
College ka thleng chuan min en duh leh hlawm tawh khawp mai engah ngai lo chuan Feli chu ka zawng nghal a amah ang lo takin thingbuk hnuai ah chuan lo thu ve ngeiin hla hi a lo ngaithla ve niawm tak a ni a phunzawm pui ve ang nuah² a va pan hnaiin ka thawm a hre miah lo leh nghal kun hniamin a chhip ah chuan vawi 2 na lo te a ka zuk kuk chuan lo hawi chhuakin min hmuh chuan a rawn nui nghal ver² a " i lo van tlai" a tih chuan "sorry" ka ti sup a "kal ila" ka tih chuan lo tho ve mai a tum a a cher² nen hian a la in fit lo em² chu kan han kaitho leh ang lawp² a class lam chu kan pan dun nghal a
Dam chuan ni te hi a kal zung² mai sir te an chhunga an rawn len atang khan kar 2 zet a liam leh tawh khami zan bak kha an lo leng leh tawh chuang lo mak deuh maiin Sawmi khan khawi atang nge ni ka no. lo neiin min rawn be ve thin a mifel tak leh hmeichhe ngainat awm tak a ni college ah lah hian mak tak maiin sir nen hian kan in hmu fuh thei in min en duh bik riau hian ka hre thin mahse ka in ngaihbel zawk pawh ni maithei bialnu te hi a nei ve lo mawni amah a chhelo ve tho sia neih awm tak chu nia mahse bialnu nei tur ang nga ka ngaihtuah apiang lah hian ka sawi thiam lo ka na veng² zel leh nghal ka awm dan hi ka duhlo tak zet a ni sir hi hmuh tam loh ka ngai tak zet a ni ..
Vawin chu college chhan awm em² lo in ka kal lo ve tawp ka peih lo tlat a tihngaihna awm lo Feli pawn ka kalloh vangin zuk kal lo ve ringawt a henu tak hi chu vawinah lo len a tum nghet viau lehnghal vawina ka college kal lo chu ka nu tan chuan vanneihna hi ni ringawt min tir kual char² pot te ti fai dunin darthlalang te chu min hruk fai tir a amah a lo nulian zawk² silo chu ventilation te chu ban pha hek lo kei a ban phak tu ni zawk ta na³ chu keimah vek chuan ka ti fai vek a ka zawh chuan hmu nuam tawh tak hi ni mai ..
Chhun ah chuan Feli chu lo kal tak² in noodles chhum tur te chu rawn kengin noodles ringawt chu tiin ka nu te ho nen choka ah chuan momo te chu siam in nuam kan ti tlang viau mai Feli leh ka nu lah chu mize in ang chi tih takah an tawngduh dun in an in ngaih nghalin an in fiam nghal bawrh² a fiamthu te thawh an 2 chuan an nui leh uar² zel a kei an bula lo thu ve in a mawi hnaiah ka lo khik pui ve suk² ringawt
"Teh nu Hruai Laldeboi hi in ah pawh hian a cool viau zel lo maw? a nui ve ngai em?" a tiah motheri lah chuan "cool ang chu mawle thil nuihzathlak deuh pawh sawi ila a nui suk² ringawt zel " a tih chuan ka ner nang a awihawm loh e ka nuih va nasat thin nen
"ka ring reng a teh nu Hruai Laldebo-i hi chu mipa tur hmeichhia ah i lo nei palh nih hi mipa lah ngaihtuah nachang hre bawk si lo star tu an ngah vei nen teh nu Hruai hmeichhia thlengin star tu zuk nei a male" te chu a la ti ta deuh²
Chutia star tu ka ngah viau pawh ka lo hre hran hlei nem le "Chu kan mambawihi chu a lo va luck awm ve makpa ai ah te hian mo te hi kan nei nulh mai nga" ka nu'n a tih chuan an nui dun uar² a nuih pui ve vak tur ka hre hran lo mahse a mawi hnaia ka lo nui ve ringawt " i la nei lo ang tih ka sawi thei lo ih maw nu Hruai Laldeboi ka hmuh hmasak ber phei chuan patil emaw ka tia" te chu a la ti ta deuh² va ka nu nuih a za thei ngang mai kei erawh lu thak lo pui ka hiat ka hiat tawh mai mother-i nen chuan in kawm nel chho telh² in Feli lah tawngdah tak mai a ni a ka nu lah in a thil sawi apiang mai chu a lo sawi phur pui thei em² zel lehnghal kei erawh phone khawih chungin ka lo ner leh nang ringawt zel an thu khel dun a ho mai sia a tawp ah ka chanchinah bawk an lut zel
"Chu i thiani chu star tu a lo nei ve mial a maw ?" ka nu'n a tih leh chuan "nei ang chu male an chhiat ve nen hian star tu te lah hmu thei phian a" a tih chuan mithmul kan zeuh vin "hmm chu hmeltha min lo ti vak lo ni maw?" ka tih chuan lei min chhuah khum ringawt kan nui ta ringawt a chetdan hi a lawmawm thin a nia noodles te chu ei in kan hlim tlang takzet ka nu leh pa te hi ka chhuan na em² chu an bula awm te awmdan a zir zelin an mizia hi siam rem thiamin kawm dan tawk an hre em² thin a an fakawm ve na ni mi pawhin a an ngainat na chhan an ni reng bawk a kei erawh in ka chhun loh na lampang tak a ni kei chu keimah ka nihna ang² hi ka nimai han in siamrem ve te chu tum ve thin mahila harsa ka ti ka thiamlo ka mizia vanga min hnaih duh lo tu chuan min hnaih lo mai rawh se tih hi ka thupui a ni tawp mai
Felin thlah a phut miau vangin an in thleng scooty in ka va thlah a kan tlan chhung zawng pawh chuan a dak char² sawi tur te lah hi a hre em² mai sia a ni a lo dak char² kei erawh ka lo ngawi reng ringawt a chang in ka lo bu leh nghut zel ringawt sawi ve tur hi ka hrelo thin em a ni
Ka thlah zawh chuan let leh nghalin ka thlen chuan ka nu chuan Feli chu a ngainat thu leh fel a tih thu a lo sawi leh siam² tawh mi zawng² mai hi fel hi a ti em² zel mai a "ti daih ila mambawih ngaihzawng te hi i nei ve reng² em " chik zeta ka nu'n min en paha a rawn tih hlut chuan melh zawkin ka nui ringawt nei miau hek lo" neih a hun ve tawh nia i naupang zawk² tawh lo nia"a tih chuan "nu 22 em pawh ka la tling lo nia hmanhmawh viau lo teh" ka lo tih chuan " oo ka fanu i ni na vang² in i hmel leh pian ten a lo zir ve si a heti chunga neih loh ringawt te chu min ti hlauthawng ve lawm" a tih chuan nui vur² in "aw a hunah te chuan kan nei ve mai dawn lawm lungngai mah ta che lehkha ka han zir tawh nge" ti daihin ka room lam chu pan chhoh ka rual nghal a
Kawppui tih vel mai² hi chu ka la buaipui peih vak lo a hun ah chuan kan la nei ve mai ang chu mak tak maiin sir Puia ka mitthla ah a lo lang zawk nia lu thing ngutin ka thaw halh a atthlak hle mai atthlak tak a ni
Lehkha te chu zir in lehkha ka zir zawh chuan rei lo te phone khawihin reels te chu ka en mai² a eirawng bawl ngaih hunah chuan inhnuai ah chhukin eirawng chu ka nu ka zuk bawlpui nghal a kan zawh hnu lawkah ka pa leh bawihtei te chu an lo haw a chang hian bawihtei hian a school bang hi ka pa han tlawh a a ruala haw hi a ching thin a mahse ka pa bula a awm chuan ka pa hian ka nu hi a rawn be nghal vat thin
an in sil fai zawh chuan a hma zawk² tawh loh vangin chhung inkhawm te kan neih zawh chuan chaw chu kan ei nghal a
Chaw kan ei lai chuan ka nu chuan "enteh thiana tun kum chu chhungkaw picnic te hi kan nei khat leh tawh riau nia a chakawm leh tawh riau a nia picnic te hi eng nge i ngaihdan khaw lum lai tak a ni bawk sia a chakawm viau nia in a tawm reng zawng a ninawm duh riau a nia" beisei nei zeta ka pa melh zeuh paha a tih chuan ka pa chuan antui a hawp zawh chuan" ni e mawle hna a kan buai a ta langin ka lo ngaihtuah reng² hlei nem i sawi takah chuan ni e a tha khawp mai intih hlim ve te pawh hi a tha a rilru leh hriselna lamoang thlengin a tha tak a sin mahse thiani tunlai chu kan buaizualpui lai tak a ni a sawrkar school chawlh ni ah te kan la tum zawk dawn em ni ang?" a tih chuan ka nu pawh chuan " ni e a tha tak ang" a tih chuan bawihtei chu a rawn khek raih a "yess le chawl vat ila aw a u mam i chak ve tawh em?" min melh kiau paha a tih chuan lu ka lo buk khum ringawt a chak tawh hmel ngang mai kei erawh chuan ka phur ve teh chiam lo
..........
Zan ah ka hman dawn loh vangin ka lo dah tawp mai
Ngaihnawm in tih ngei ka beisei he story hi long story tur a nih hran loh vangin muangchang in kan kal chhoh tir bep² dawn nia..
Min lo chhiarsak vangin ka lawm lutuk e..♡ʕ´•ᴥ•`ʔ