CHAPTER 33
BY : JENETI
Zothanfeli pov
Repeat
"Awle a nih chuan i tlai palh ang kal tawh rawh le, i rilru natna tur eng thil mah thleng tawh suh se, i bang ve leh min lo call dawn nia", tiin a chal ah chuan ka fawp leh zeuh a. Kal mai a tum chu a ban ah ka chelh leh rih a. Zawhna mit meng a min en avangin, "I nuih loh chuan ka awm a nuam theilo ang, nui phawt la i kal dawn nia" ka ti a. "Duh hun hun ah a nuih theih hleihnem mawle", a ti pawr hlar a.
__________________________________________________
"Tlem tal, nuih seih kha a ni mai" ka ti a. A nui a mahse a tûm leh nghal, second 1 pawh a ni dawn ami tih tur a ni. { :-) :-(
hetiang hi nimai } kha chiah kha maw ka ti a. "A nih chuan tih dan ka hria i mit chhing la, chuan i awm nawm theihna tur ka tih sak dawn che nia" a ti a. ka chhing mai loh avang chuan "chhing rawh... "a ti leh a. Ka chhing ve ta nge nge, mahse motor kawngkhar a hawn rik rual in ka meng leh nghal, a kut ah chuan rang zetin ka vuan leh nghal bawk, "mitchhing rawh.. ka la kal dawnlo" a rawn tih leh hlar tak ah chuan, a kut vuan chung chuan ka mit chhing a, a ri sat sat reng a.Eng nge a tih tum chu keiin ka lo ngai chang ve thung a. A kut ka vawnna chu la sawn ka mal chungah min dah tir a, ka mit erawh ka la chhing reng thung, a ri leh sat sat a. A hnu ah ka rinloh lutukin ka hmui ah chuan a rawn fawp zeuha,a rei lo hle thung a Chet dan min thawng em avang chuan ka meng nghal kawk thei, mahse ka meng rang teh reng motor chhung atang chuan rang zet a chhuak rawk rawkin, gate chhunglam ah chuan a tlan lut nghal daih a. Ka hmui chu khawihin ka nui hawk a, a inthiamlo ve a ni mahna, a zah em em thil in fawh chu, a mah ngeiin min fawp hmasa sia. Duhawm ti lutuk in ka hmui chu khawihin ka nui leh vur vur thin.
Zothanfeli pov
Class chhung a ka luh chuan Remi chuan chanchin min lo zawt vat a, zan lam ah a chiang chauh ang ka ti hrih thung, nichin a thil thleng kha ka ngaihtuah zui a. Baby shirk-a ka lo ring diklo lutuk kha ka inthiamlo takzet,ka inthiamloh em avangin a hmui ah ka fawh sak ta kha ania. Eng tin nge min ngaih ah tih erawh ka ring thiamlo thung, mahse a lawm ve tho chuan tlem chuan ka ring leh si.
Eng tin nge kha tiang rilru tui ek lutuk kha ka put tir theih ni. Keimah zawk hi ka rilru a tui ek zawk in ka hre hial mai, a nî lah khan min ngaihtuah vang zawk a ni reng sia. Mahse a thlawn a, a pawisa hma chu ka duh lo bur thung, zan a ka dil tha leh aga, ka in sawi lut thei em em ang.
Class kan ban chuan, baby shirk-a chu call lo in ka text leh ta zawk a. Kan ban chiah thu vel chu ka va hrilh a. Bus chu kan lo nghak thap a, bus ka tih ve ziah hi kan university college bus a ni. Chutia bus kan nghah thap lai chuan kan hnung lam ah mipa 1 hian min lo bia a, ka hawi phei chuan ka hriat ngai mi pawh a nilo, ka nuih ringawt a. Chhang dan tur ka hriat miau loh vang a ni.
Kan bul ah chuan rawn ding pheiin kan veng te min zawt a, a hming te chu sawiin thian kan nih theih leh theih loh te min zawt luam a, ka rin ai daihin a polite zêk leh nghal. a mah chu Kenneth-a a ni a, feet 5'9 vel a nih ka ring. A insawi dan chuna kan senior 5-sem a ni, keipawh chuan tha deuh chuan ka lo chhang ve mai bawk a. Remi pawh a be ve luam a, a mah chu sual hmel pawh a pu hranlo, a fresh zawk em em a, a ngo veng a, tenawm khawp erawh a nilo thung, a incheina te pawh a thianghlim sar bawk.
Kan bul a ding ve ho bus nghak ve tho ho chuan min melh leh hrek hrek thin a, u Kenneth vang chu a ni ang. Nuam ka ti vaklo, nelawm hmel viau mahse, mipa hi ka nel lemlo a, mipa thian pawh Zorina leh Rohminga te bak ka neilo, e.. baby shirk-a nen, sawi tel ve ang, a chhan chu baby shirk-a hi bialpa ang chauhin ka en lo a, thian ang in ka en tel bawk, chu vang a nia ka vin hlur leh thin, bialpa ang pawn en in la ka in ti no ve tak tak thiamlo, keimah a no lai ber chu ka rilru hi a nimai.
Bus a lo thleng chuan kan lut nghal a, in kan thlen chuan Kimi te pawh an lo thleng tawh a. Eirawng pawh an lo bâwl fel diam tawh bawk.
Hun a Liam a, thla lai a vei leh a der mai. Vawiin hi Aizawl kan a atang a, thla 3 na ni a ni a. Ka u nen pawh kan la in be ve thei zel na in, regular lutuk chuan kan in be hman lo thung, class lo kal ve reng a ngai tawh thin bawk nen. Bakah ka call hi pick loh zeuh zeuh chang hi a nei a, a phone sound a chhiat thu leh phone ri a hriat theih thin loh thin thu hi a rawn sawi thin a. Siam tha tur a ka tih lah chuan a ho em mai, kan in biak theih tho hi, a ti mai zel bawk si a.
Thil theihnghilh a nei zeuh zeuh thin bak, engmah diklohna tih tur a neih loh thu te a rawn sawi thin bawk. Chu thu chuan awm nuam takin min awmtir theih phah zual a, ka tawngtai chhanna ka dawn ta ni in ka ngai a, ka lawm lutuk tlat.
College ah pawh hmelhriat kan nei ve nual tawh a, hun pawh kan hmang nuam ve pangai ve viau thin. Mahse u Kenneth-a khan min ngaizawng deuh reuh in ka hria a, eng tin tin emaw ka no te a lo nei bawk nen, whatsapp ah te min lo be thin a. Ka be tha ve vak duhlo thung, ngaihzawng nei lai ka ni tih ka hria a, a nî pawhin a hre vek bawk. mahse min biak a thulh ngai chuanglo, mawilo tak chuan min be ngai chuanglo, mahse ka lo biak that lutuk chuan BEISEINA ka hriat loh in ka lo pe ang tih ka hlau a, chu vang chuan ka be tha lutuk ngailo. Baby shirk-an a la hrelo hlauh zawk a, a thik thu a chhe ropui bawksi a, hria se chu a thik khawp ang ka chung ah pawh a lawmlo hle bawk anga, chuvang chuan ka tan chuan biak that a rem ve vaklo.
Baby shirk-a nen kan inkar pawh a la tha ve zel a, tunalai boruak erawh a hlauhawm em a vangin a lo leng tam lutuk ngailo, zanah pawh chhuah a phal ngailo, a rawn leng thlah tur ringawt pawhin kawngka pui pelh pawh a rem ti tawhlo bur. Mahse min ngaihtuah zia ka hriat hian ka hlim ve veng veng thin.
Tunlai chu rukruk leh tualthahna atam hle a, chuichhuah tih an la nei thei bawk silo. Baby shirk-a pawh a rim thei hle a, lo leng a duh ve thin bawksi a. Reilo te bak a rawn leng thei ngailo, ka khawngaih ve thin. Ni 2 lai kan in be tawhlo a, text pawh kan in text hmanlo, min biak duh chuan min lo call tawp zel a. A sawi tam ber chu min ngaihtuah thu leh fimkhur tur a min tih thu a ni. A nî anga mipa mahni bialnu te ngaihtuah leh ngaihsak, duat thiam bawksi hi, he khaw vel ah hian an awm pawn an tam kherlo ang.
A dawr a thawh ve kha zan a khan zan ah ka dil kha a nia, mahse ka dil ngawr teh reng nen a phallo bur a, min ngaihtuah vang ni tho mahse ka tan a mawilo mai bakah ka pasal pawh ala nilo a, a pawisa ka lo hman pui ve sek chu thil mawilo tak ani.
Chu bakah keipawn ka duh lo hle bawk, mahse mamawh ka na neih leh neih loh min zawt reng zel a. Alo leng changin ka hman tur 500 te min pe thin a. Duhlo viau pawn min pe lui tin bawksi, "i hman tur vek a nih hi, I tan vek a thawk ka ni tawh" a ti mai zel bawksi. Han hnial vak theih pawh a nilo, kei lah hmanna tur neuh neuh ka lo nei ve reng bawk nen, ka la leh ta nge nge thin, mahse 500 aia tam erawh ka la ngai chuan miahlo thung.
Baby shirk-a pawisa hman reng chu a nuam famkim thei chuanglo, ka inthlahrung velo thei thin bawk silo. Dawr ah khan Remi leh Kimi kha an kal dun a, Kim'n ka thawk ve duh a tih avangin Remi nen an thawk dun a, mahse an kal rual mang ngailo, kan subj lâk a lo in ang lo bawk nen, kan bang rual thin tawh silo a. Weekend ah bak an kal rual tawh ngailo.
Rohminga leh Zorina erawh in ah an awm thung a, an Chhungten hna zawng ve kher a ngailo, an tih vang a ni. Zirna lamah an pa chhe riau bawk nen, Remi te chu an thawh rei loh thin avangin an hlawh pawh a tha em em hranlo a, mahse thawk lo a, chhungte chawm reng a awm ai chuan, a tha ka ti tho tho, mahse keizawng baby shirk-an a phal ve tlat bawk silo a, in ah ka lo che tawp zel.
Vawiin hi inrinni (Saturday) a ni a, Remi leh Kimi an hna lam ah an kal a, Zorina leh Rohminga te pawh "chhuah lawkna tur kan nei" an tih a vangin angin an chhuak ve a, keimah a awm ai chuan tiin, keipawh inchung ah ka leng chho ve daih a, u Ruthii leh a fapa an lo awm a, u u Rinhlua erawh police officer a lo nih avangin a duty thung.
U Ruthii nen chuan kan in kawm mai mai a, a fapa erawhin games a khel thung. U Ruthii chuan baby shirk-a nen kan intawn dan te chu min zawt a, kan hrilh tak tak chu a nui uar uar mai, keiin an nupa in tawn dan ka lo zawt ve leh a.
"Keini chu in tawn dan em em pawh kan neilo, chhungte sawi rem chawp kan nia, mahse e ka thinchhe ve bawk nen kan in hau ngun thei rapthlak, keimah ber hi thiamlo zawk ka ni ziah leh nghal" a ti a. An awmdan vel chu ka hre châk nghal zek zek mai, chuan han sawi zel teh ka ti a. "A tir chuan pathlawi emaw ka tia, chu chuan kan la innei lo kan inneih ni in ka hre ve chauh alawm", a ti leh rih a.
Pathlawi emaw a tih dan vel chu ka lo zawt leh nghal a, "a nau thi ta kha a phir pui a nia, a nau zawk kha pathlawi a lo nia, Rinpuia a lo ni ve tho nen ka hriat pawlh ta alawm, ka chhungten min kan inneih tur thu min hrilh khan, u Rinhlua hming hi an sawi a, ka thinrim lutuk a, ka lo ngaihthla duh lo vel a, kan inneih ni chiah lah khan a hmel ka lo hmu bawk sia. Chuan chu pathlawi emaw ka tih vang khan ka thinrim tawp a nih chu, kei nula hnahkhat virgin ngat ka lo nibawk nen, ka virgin hawng tu tur atan a, pathlawi a han ni tur a ka hriat avang khan ka thinrim bawksi rilru na bawksi kha ka la feel theiin ka hria hreawm tak a ni" . A tih lai mekin ka phone a rawn ri a, lo chhang rawh bawih-a ka va ngaih ven lawk ang, kan sawi leh dawn nia nui hak hak chung a tiin a kal zui nghal a.
Keipawh ka phone ri chu ka en vat a, Nuteii (Remi nu) a lo ni. "Aw nute" ka ti a, "keimah i pa rema zawk" pa rema chuan a rawn ti a. "E aw pa rem eng nita a", ka lo ti leh vat a. "I u chung chang ah biak lawk che ka duh deuh a", a rawn tih leh tak ah chuan ngaih that loh em em na pawh neilo in ka thu Remi sat sat a.
"Sawila ka lo ngaihthla ang" ka ti zang vah a, mahse a thil rawn sawi leh tâk avang chuan ka lungphu chu a rang nghal kher mai, ka thu khawng awt a, awm dan tur ber pawh ka hrelo, ka hlauthawng nghal em em bawk. "Zep chi niin kan hre tawh silo a, ka rawn hrilh tawp mai dawn che a nih hi. I u chuan sawi lo turin min ti viau mahse, hre tawh ngei la kan ti bawk si a nih hi" a ti anih kha.
"Pa rem sawi vat teh, ka u chu a thalo a mi? eng tin ka u chu a awm a?", ka ti nghal zung zung a. "Awle lo hlauthawng vak kher lo la, hahdam deuh khan i lo ngaithla dawn nia" ti dam leh thlup in a sawi zawm a.
"I u hi in kal hnu tha chho viau mahse thla 2 vel in awm tling tawh tih vel ah khan a rawn zual chho riau a, a chang phei chuan min hriat loh nawlh nawlh chang te a nei thin. Vawikhat kan awm loh hlanin kan lo buai deuh nen, kan lo ngaihsak hman silo a, a hriatna kha a lo hlauh leh a, a lo zawng vak mai che a. Tete-i lah a nupui emaw a lo ti leh thin a, a khua te a sik a, tunlai phei chu a chhuak peih meuhlo a, i rawn chhuk hrih mai dawn a mawni le kan ti deuh a, i u hriat lohin kan rawn be hrih tawp mai che, hei tun ah pawh. keini lahin kan lo ngaihven hman reng bik silo a, tunlai phei chu in daihloh a na si a. Duh leh a that chhoh hnu ah, i cho leh mai anga" a ti a.
Ka mittui chu a rawn luang thla nghal nguai nguai a, ka thinlung chu vih sawk ang ber in a na vâwt vâwt a, ka kawchhhung chu a tawt nghal up up bawk, theihtawp a thawk la kawkin ka lo be leh ang che, ti tham chhal in ka dah nghal daih a. Tun ah rih chuan engmah ka ngaihtuah theilo a ni
U Ruthii room atanga rawn chhuakin ka awm dan a rawn hmuh chuan "eng nge thleng?, ti ngei tha em?" a rawn ti nghal zung zung a. A Mangang hmel khawp mai ka bul ah chuan a rawn thu thla vat, keiin lo kuah thlawp in ka Tap nghal hliam hliam bawk, ka insum thei tawhlo ani.
Ti nge e tinge, ka u kher, hetiang hian tinge a awm leh tak, a tha ve tawh dawn emaw tiin kalo lawm ve hman em em tawh a, beiseina sang tak nen ka lo thlir thin a sin. Kha chen kha ka bul ah a lo inzep thin a maw, na neilo buailo ang mai khan ka bul ah chuan a awm thin a, a phone sound chhiat thu vel a sawi te khan, dawt min hrilh tih hrelo in ka lo awih hmin hmiah a, a nî chuan tha tak a ka zir theih nan dawt min lo hrilh lek si. Kei lahin lo awih in ka hming lam a min lo zawn buai laiin, ka lo mu a, ka lo ei a, ka lo nui a, a nuamsa sa ka lo ti a.mahni indem na hlir chuan ka khat a, ka u chu ka khawngaih takzet, ka u tan hian nau nih hi ka va han tling lo thin tak em.
U Ruthii chuan ka hnung chu beng thek thekin, "a tha leh vek mai ang" a ti a. Mahse kei chuan a that theih ka ring tawh lo, ka beisei tawhlo. Pathian hian eng vangin nge ka tawngtaina hi engah mah min ngaih veloh, a tan a inpumpek pawh hnial lo tu hi, tinge heti tak a na hian min siam. Ka dem lo ang ka ti a, mahse ka dem lo theilo, ka dem a ni. Ka dem takzet, engvangin nge hetiang natna hi ka u a pek bik, mi hausa tam tak, sual em em, tualthah leh eiruk pawh hrelo tam tak an awm laiin, tinge a mah be thintu, a mah fak thintu chungah hian engvangin nge na tak a, a siam theih. Engvangin nge mi â ang maiin a awm tir theih zawk.
Rei fe ka tah hnu chuan ka hrawk a thip vek a, ka dang a ro hle bawk. ka tap thei tawhlo min hnawh up up tu erawh kha chu a zia deuh in ka hria, "tui ka va lak ang che aww" tiin u Ruthii i chuan min thawh san a, a rawn let leh chuan no ah tui a lo keng phei a, min lo pe nghal zat bawk lo la in ka in khawlh khawlh a. Ka in zawh chuan no chu pe let lehin a nin no chu a bul dawhkan tê ah chuan a lo dah a.
"Ka hriat ve te a rem chuan thil thleng min hrilh ve dawn em ni niang" a ti dam dap a, a mah ka en chuan a lo nui deuh a, nui let ve sakin ka u chung chang chu zep nei lo in ka hrilh fai ve ta vek a, a hmel ah chuan min khawngaihna chu a rawn kan lang chhuak nghal uar uar thei.
"I u chu mipa dik tak leh u tha tak a nih chu(h). In thiamlo duh reng reng suh, hrilh hriat i nih loh avanga ngaihsak theilo i ni a, chuvang chuan chhel takin awm zawk la. Pathian i dem a nih pawhin dem la, mahse dem reng tur erawh a nilo a nia. Pathian hian ang khat vekin min en a, duhsak bik a neilo, mi sual ber leh fel ber pawh min hmangaih dan a in ang vek a. Heihi hriat reng tur, vanduai bik emaw kan in tih lai hian, keini aia vanduai hi tam tak tak an awm, chenna neilo kutdawh tam tak an awm a, ei leh in tur neilo pawh tam tak an awm bawk, chuvang chuan vannei in ti zawk hle rawh".
"Nang chuan u hmangaih em em tu i nei a, chenna leh eitur tha i nei tel bawk. A vanneih reng theih biklo a, hreawmna leh lungaihna te pawh mihring kan nih chuan kan tawng ve angai a, chuvang chuan eng nge lo thleng tur chu nghak la, a tha emaw a chhia emaw chhel tak a, i awm theih nan lo in puah chah zawk rawh" a ti leh dap dap a.
A thusawi chu diklo awmin ka hrelo. ni e, vanduai bik viau angin ka in hria a. Mahse kei aia vanduai tam tak an awm, u Ruthii sawi ang khan, ka hmalam hun lo thleng tur a tan ka lo inbuatsaih a tha zawkin ka hria. Ka u hma ah pawh hetiang reng a tap hmel ka hmuh chuan a tan a nuamlo ve bawk ang.
Rei awm tawhlo in ka chhuk a, eirawng bâwl a lo hun ve ta bawk nen ka bâwl tan a, ka in ngaihtuah ngut ngut tur pawh ka chet chuan a zia deuh in ka hre bawk. Chutia ngawi reng ka lo chet mawlh mawlh lai chuan ka hnung ah hian tu emaw hian min lo kuah thut a, tunge a nih ka hriat loh avang chuan duh lo lutuk in ka tal nghal nawk nawk a.
Min kuah tu lah chu a ngawi reng bawksi, min kuah ngeh em avang chuan ka tal ve chuan awmzia a neilo, hnung lam ka hawi dawn lah chuan a lo in her rem ve zel bawksi, a kut ka pum zawn a a suih beh tlat chu phel tumin ka vuan a, mahse ka chelai chu ka tawp chawt.
Aww tun a min kuah tu hi ka hria, ka hre chiang lutuk, baby shirk-a lek a ni. A kut ka vawn rual khan ka hre thei nghal, a chhan chu he kut hi vawi tam ka lo vawn a, ka lo chelh tawh kut a ni miau a ni.
Ka hria tih a hre ve ta aniang ka darah a kha be chu rawn nghatin, "min hrechhuak ve thei ta alawm" a rawn ti sup a. "Min ti hlauthawng hman alawm, eng kha tia ngawi reng a min lo kuah" ka ti hlak a. " Ti hian awm dun ve thei tawh ila, fate kan nei dun anga" a rawn ti teh daih a, "a ti leh ta...." Ka lo tih chuan a nui nghawr dat a. "Ka nghakhlel tawh, ang chhungkhat-nu i ni aga, kei chhungkhat-pa, chuan ka hlawh apiang I kut ah a lut thin anga, chhungkaw mamawh leh I duh leh mamawh i lo lei thin bawk anga, kan fate pawh anu leh apa ang chiah a hmeltha te an rawn ni anga" a ti duah a. A in sawi phur telh telh in ka hria hepa hi.
"I dâwn thui lua e tawi" ka lo tih sak a, "tawi a?" Nui hawk chuan a rawn ti a. Keipawh chu ka nui ve tho, "chet i ti remlo dawhkan ah sawn lo va thu rawh" ka ti a. "Dawhkan ah an thu ngai a mi?" a rawn tih chuan ka sawi sual tih ka hre chiah, "hmh kan thu anga a thu nga a nimai lawm, mi sawi sual hi hre thei viau suh" ka ti hlak a. "Awle boss" nghal zet chuan a rawn ti leh hram a, nghawk sawkin "kal mai mai teh", ka ti hlar a. Nui ruh ruh chung chuan a phei ve ta hram a
__________________________________________________
NOTE = CHHIAR NGEI NGEI RU
Tun tum chu a sei in tih ve tawh ngei ka beisei, chuan like leh comment kha theihnghil lo ula
Chuan ka rawn âng ve leh lawk dawn.
View 1000 hi chu chapter tin ah kan nei tling ve deuh ngei ngei zel a, mahse rawn comment tute erawh hi chu 10 pawh a tling dawn emaw tih tur ang hi a ni chauh a, in chhiar Turin ka rawn chhawp chhuak ve a, min chhiar sak a, ka lawm. mahse like leh comment tal hi chu in chhiar tur a ka rawn chhawp chhuah ve na ah hi chuan min lo tih sak ve hram hram thin ula, chapter thar ka rawn dah a, comment thar lam leh hriatnuam te kan beisei ve a. Chuvangin min lo tih sak ve theuh tawh dawn nia.
Full stop ka dah tawh hi chuan ka lungawilo ve hle tawh tih na.