Chapter - 5
By Betsy lalngaihsaki
A bik takin Josi bul hnai a a awm chang hian hrehawm ka lo ti ve veng veng thin a. A chhan ka hrelo, ka thian te ang tak takin ka en hlawm a, ka duhthawh lutuk a, ka chan hlawm ka hlauh vang te pawh ani ang.
Bakah Josi nen hian an inhnaih ka ti a, Hriatkima te thianho in an chhaih ve deuh reng nen nuamlo ka ti ve hle thin. Bena nen a min chhaih zeuh hi an ching a, min chhaih changin nuam ka lo tih ve thin tehreng nen hian aw.
Washroom pawnah chuan min lo veng a , ka zun chhuak na a rei tawh bawk a ka thaw huai huai thei. Ka chhuah dawn chuan darthlalang ah chuan inen leh te te in lipstic a reh deuh tawh avangin ka hnawih nawn leh a.
Ka chhuah min hmuh rual chuan a dinna atang chuan min lo pan ve vut a . " i zungtha thei maw? " nui suka atih chuan " i nghal e a" ka ti hlar a . Ani erawh a nui hawk hawk thung.
Kan thiante awmna kan va thlen chuan Bena chu an lo be vat a. Inhmuhkhawmna an neih lawk dawn anih hmel , an thian ho chu an inzui diak a. Hnung lam atanga ringawt a en chuan phir an ni emaw tih tur anni hlawm a. An palian hlawm lutuk chu an chhelo takzet.
Josi nen chauh chuan kan awm a , tullo ah chuan kan inbe vak lo . Min en Chik thei hle tih ka hria , ka be tam lem lo.
" Aizawl khua tho ami inih a " atih chuan " umm..ni e nang " en zeuh pah hian ka ti ve a.
"Aw" tiin min chhang ve mai. " Drinks chah leh ila , eng nge i duh ang " atih leh chuan ka duh chu ka hrilh ve mai a. Staff pakhat chu koh in a chah mawlh mawlh a.
Kan drinks chah te alo thleng a , inbe em em lo chuan kan awm awmin kan awm a. Kan piaha midang lam te chu ka en reng.
Min en zauh thin tih ka hria a, nui sang thin mahse a mitmeng chu a lawm ve hauh lo tih ka hria.
Bena te thian ho an lo let leh tawh a, ka lo nuih sang hlawm a. " Bena i hman tawh em, ka haw chak tawh e.." ka lo ti nghal a. Josi chuan mitmeng thip hlar in min en leh tawh. Eng nge a chhan ni ang le. Hetianga min en ringawt thin hi ka duh hauh lo.
" Kan haw dawn nia Dev Joshi kan la nghak lawk a. Alo thleng velleh kan kal dawn nia, " atih chuan ka bu nghat nghat a. " Chu chu tunge " ka tih leh chuan Josi zawk chuan inla hre fe hian " kan thawhpui ania, a zin a lo haw chiah a hmuh lawk kan duh mai mai mawle " min melh sak pah hian alo ti a. Bena ka va en zawk chuan lu min lo buk khum nghat.
Rei kan nghak lo Dev Joshi an tih pa chu alo thleng a. Kan lam alo pan nghal vut. Alo thleng chuan an inbe luam a, Dev Joshi an tih pa nen chuan min inhmel hriattir leh te te a.
Dev Joshi chuan min en leh vang vang thin , amah chu ka sawi thiam lo khabe hmul tam deuh a nei a. A hmel ka en hian sir Manish-a ka hrechhuak a , ka ten deuh tlat pek anih chu mawle.
Reilo te an ti ti a , min thlah tur thu a thiante a hrilh a . Tumahin sawinawi an nei dawn lo maw tih laiin , " keipawh ka haw duh tawh asin, ka lu ana bur tawh " Josi chuan Bena a melh kar a. " Engtinnge ni ang aw..in haw kawng a in ang bawk si lo " Bena chuan ati nung nung a.
" Hriatkima emaw pakhat zawk zawk hian Erica hi thlah mai se la " Josi bawk ani. Bena chuan min lo en zawk a. Engmah a sawi lemlo Josi chu a hma a sial reuh ka ti khawp a. Bena thlah te chu ka duh ve tho a, khatia han intih tawp kha chu ka lungawi vak lo. Bakah Bena'n ka peih vaklo chung min hruai chhuak ania midang han inthlah tir tawp mai chu.
" Ka peih teuh lo, Bena thlah ve ve mai mai rawh tihtur i nei Chuang lo, ti raw Ruat.." Hriatkima chuan ati nghal hlur a. A dik chiah Hriatkima sawi kha , min thlah dawn chuan kan pahnih in min thlah mai rawh se. Bena pawh chu engmah a sawi loa ka haw hlur thei dawn.
Eng nge maw ka hriat ni kei hi , eng vanga Bena thlah phut tlat nge maw ka nih le . Ka mawl tawh anih dawn hi.
" Nia, lo kal ka thlah mai ang che u" ati a, ka thaw huai huai thei . kan pathum chuan kan chhuak ve diak a.
" Tah khan lo awm rawh u, motor ka zuk la ang e " garage lamah chuan a pen vuk vuk a. Josi nen chuan kan lo ding reng a.
A rawn in turn a lut tura min hrilh chuan front seat a luh ka tum chu , Josi chuan min lut khalh a. Ka nuih aza zawk tak zet a kan awmdan vel hi a naupangchhiatthlak ka ti riau bawk.
A hnungah chuan ngawi rengin ka lut mai a. Bena'n min lo melh zawk a, ka nuih sang thung. Josi'n min melh rum em em nachhan chu hei vang hi ani thei mai angem, hahh.. a ho takzet. Nuam pawh ka ti lo e a.
Bena chu min thlah hmasa turin ka ti a. Sawi nawi a nei lem lo. Josi a tawng lang lang a. No zet zetin a tawng a, ka lo ngei reuh tawp anih chu . A hma kha chuan a ka ngei em em lo mahse a fin phakar kha chu ka rin dan sa ani hrim hrim .
" Bena aizawla kan haw hunah chuan hangi lunglen tlangah te lawn ang u, a hma ngaihtuah khan kan thianho hi kan inpawh tawh lo riau " mei nei zet hian Josi chuan ati a. Min sawichhhan tih chiang reng reng. Bena pawh chuan alo " aw " sak ve mai .
Ka hostel kan thlen chuan ka chhuk tharh a. Bena lam chu hawiin " ka lawm lutuk aw " ka ti sep a. Min nuih suk in " tui deuhin i mu dawn nia" ati ve sup .
Hawi let ta lemlo chuan gate lam chu ka pan a, an la tlan chhuak lo. Gate ka luh thleng chu min nghak tih ka hria, Bena tih ziah dan ani. Khawiah emaw kan kal chang hian min thlah ziah a. Gate chhunga ka luh hma chu a tlan chhuak duh ngai lo. Ka thla amuang hliah hliah thin.
Kan room ka luh chuan Nupuii alo la haw lo a, call ve hrim hrim chu thaa ka hriat avangin ka call a. A lak rual chuan " Nupui.. engtin nge i awmdan tur hi , I rawn haw angem " ka tih chuan a haw dawn loh thu zawi ang reng tak hian alo ti sa sa a. Nuam deuh a hun hmang turin fiam ti tih hian ka ti zauh a. Lai deuh hian " i nghal reuh e a " atih chuan ka nuih ati za angreng.
Hun a liam ve zel a kan haw ni chu alo thleng leh ta der mai. Khang hun chhungzawng khan Bena nen call emaw WhatsApp ah te kan inbe ve zel a. A hming an lam hian mak tak maiin ka lungphu hi a rang thei hle a. A bula awm nuam ka ti a , ka hmu dawn ani tih ka hriat chuan a nalh thei ang ber a lan ka duh thin. Nupuii chuan i duh deuh anih kha ati mai a. Kei erawh chuan ka awih chiah lo thung.
Bena te thianho leh Josi te chu nimin khan an haw a, keini erawh Nupuii project a submit angaih avangin kan la cham rih thung.
Bena awmdan hi ka hrethiam lo , Josi nen hian an inkawp em aw tih theih khawp hian an inzui nasa a. Hriatkima sawi atanga ka hriat danin Josi chu Bena te inah a riak ve zeuh zeuh thin ani awm e. Bena chuan aduh leh duh loh ka hrelo a mahse Josi erawh chuan a duh tih chiang takin ka hre tawh thung.
Nupuii nen chuan Rajiv Gandhi International Airport lamah chuan taxi la in kan kal a. A ngui bam reng mai. Ka hrethiam lutuk Max-a nen hian an inkawp atang vawi khat mah an la awm hrang ngai lo a. An vawikhat awm hran na tur anih vang ani.
" I hlim meuh nange nizan zankhat lai in awmdun tawh ania " ka fiam zauh a a nui hak hak. " Dik tak chuan maw Rica, ka ngai em em pawh ani lo, ka la hrilh lem lo che a hmanni lawk khan kan inkar thu kan pate ka hrilh ve a, " thawk ala halh a. "chuan..." Ka ti leh a, thaw leh halh in "hnamdang ngaizawng lo turin min hrilh a, kan lut thûk tak tak hmaa then vat turin min ti bawk a, " a rilru a hah hmel takzet.
Heihi ani nu leh pate ka demna pakhat chu . An fate'n an hmangaih a Kristian an nih ve phawt a hnu hnam ah hian buai lo thin se ka ti.
" Ka nu chuan engmah a sawi lem lo a, ka pa kha ani buaithlak ber chu " a ti leh a, ka khawngaih tak zet . Pa mafela pawh chu a ti awm anglo ka ti ve takzet.
" Aa..i rilru ti hah vak duh suh, a rei anga an pawn ve mai ang " hnem tum tak hian ka ti leh a, a mittui hru zauhin a lu a thing nar nar a. "Rica.. i hriat chin ang ngawt hi an ni lo, ka then vat loh chuan pasal min neih luih tir an tum alawm , tih ngaihna tak pawh ka hre tawhlo, min tuithlar dawn seng chuan ka pawm thei ang , pasal dang min neih luih tir an tum kher hi ani ka hriat thiam miah loh chu, Maxa'n a tuar thiam dawn lo lutuk." Ati a, ka hnuk a ulh ve lek lek
Nupuii hi a nu leh pate thu ka hriat chinah chuan hnial lai ka la hrelo a. Hetiang kher kher a an vau hi pa mafela te pawh an dem awm ka ti ve takzet.
Airport kan thlen chuan mi an lo Phusa nuaih nuaih a. Reilo teah thlawhna pawh a thlawk chho dawn ani. Thlawhna chhungah chuan kan thu thap a. Ka pa pawhin min lo call ve teh mial a, tunlai kan inbe khat asin aw..
Ka pa chuan ka ei chak zawngte min lo zawt nual a. Chak em em ka neih loh thu in ka chhang mai.
Darkar nga vel zet kan thlawh hnu chuan Lengpui airport kan thleng thei ta hram a. Ka chau nghulh thei.
Bena pawh kan thlen tawh thu message in ka hrilh ve a. A hman chiah loh thu a min chhangin naktuk zana alo len tur thu a sawi a. Ka hrethiam lutuk , nizan khan an thleng ve chiah a, chhungkua a inkawm ho na leh tihtur pawimawh dang an nei ve nual dawn tih ka hria.
Ka pa in driver alo tir a, Nupuii chhungte pawhin chu ti tho . Nupuii chu a haw dawnah a nu leh pa ten eng ang pawhin Max-a chungchangah hau se engtin mah chhang loh tur te in ka chah luam a. Buaina lian zawk a thlen ka hlauh vang zawk a hrilh ka ni .
In ka thleng a inchhung chu a reh ruih a, kan awmpui Rebeki chu ka chhungte awmna ka zawt a. " Ka pu chu a hna kal a la rawn haw lo, ka pi chu a thiannu te inah a kal a, u Jenny leh u Jessi chu ka hrelo , inchei deuhin an chhuak a, " ati deuh duah a. Engmah pawh chu ka sawi ta lem lo.
Ka nu diki ( ka nu hrawn) te nufa ho chu awmlo mahse ka hrethiam kan awm ho lai pawh khan kan inbe em em lo anih kha . Mahse ka pa leh zel ka haw thlen zana a hmel hmuh tur a awmlo chu ka lungawi lo takzet.
Mi fate chu an zin haw zanah an nu leh pate nen hlim deuhin an ti ti ho thin ni khan ka hria a, keichu ka riltam leh tam loh min zawt tur takngial pawhin ka pa a awm ve lo a. Ka nu kha chu la dam se chuan ka chau leh chau loh te min zawtin ka college chungchangte min sawipui ngeiin ka ring. Ka hnim ve ruih thei.
Ka nu ka ngai em em ngai tawh lo kha ani a. Mahse zanin chu ka nu ka ngai ani. Kan in kilkhawr ber te chu ka hawi kual vek a. Ka nu sulhnu vek ani ka hmuh ni. Nu zanin hian ka thlahlel zual takzet che.
Ka thaw halh a, Rebeki chuan min enin " Lo thu hahdam rih rawh chaw ei ka Siam ang che." Atih chuan ka bu nghat nghat a. Ani pawh choka lamah chawei min siamsak turin a phei nghal vat bawk.
Chaw ka ei lai chuan ka pa alo thleng a. Inthlak hmasa lemlo chuan ka bulah alo thu ve . " I chau em," dam thlup hian ati a. Kei erawh ka lungawi lo hle.
" Pa ka lo haw dawn tih inhre reng a engah nge pakhat tal inah in lo awm loh , midang chu ka phut lo a, nang tal chu hmuh che ka lo inbeisei ve asin " ka ti duah a. Ka tawngkam chu a vin hauh lo mahse ka rilru ana ve takzet tih a hmuhthiam ka ring.
" Bawihte chutiang lam ani lo , hna pawimawh a awm thut a, i nu leh i u te kha lo chhuak loh turin ka hrilh kha kawnge an lo kal leh tak ni " ati leh a, ka la lungawi thei chuang lo.
" I hna nge pawimawh I fanu hi, ka naupan tet atangin kei aiin I hna i dah pawimawh a, engvangin nge ka lo pian ve reng reng ni? Ka unau te nena kan in tihbuai lahin hmun dangah min dahsawn a, i tan hian engtiang takin nge ka pawimawh ka hrelo " a mitah tak chuan ka melh kar a.
Ka tawngkam hman duh dan kha a dik ka ti bik lo , ka pa nen hian inmil zawk zawk kan ni lo a, amaherawh chu ka pa ani a. Ngaina em em lo mah ila ka thlahlel ve viau ani.
" Lalnunsang ti khan min tawng khum suh " ka pa chu min vin mah mah ani. A hmel en reng reng pawh chuan a lawm lo hle tih ka hrethei a. Mahse ka duai duh bik thak lo.
" Hei vang hi alawm pa ...a buaithlak ka tih em em thin, naupang te ka nihin ka nu ka chan a, ka ngai em em thin , ka thlahlel che a ka ngai ve em em thin che mahse nang chuan hna i dah pawimawh ber a. Nilengin engtin nge hun ka hman thin i hrelo awmpui te bulah min dah tawp a, zanah lah ka tan hun i nei ngailo." Ka pa chu a ngawi reng .
Ka sawi zawm leh a" Nangchuan nupui i nei leh a, i nupui leh i fate tan engpawh iti thin.. ka unau ten hmuhsit taka min tawngkhum pawhin ka hmaah i ding ngai lo, nangchuan i hmuh phak loh turin phaiah min dah anih hi..engtiang takin nge i tan ka hnawk ka hrelo.." ka ti pang pang a. Mahse ka sawi zawh rual rualin ka hmai a thip zawk a ka pain min beng tih ka hria.
" I tawng hnem mah mah lalnunsang.. I pa hi khatia i tawngkhum tur ka ni lo, i tan veka thawk ka nih zia i hrelo . ka ngaihtuah zia che hreloin khatia min tawngkhum tur ini lo" A thinrim hle tih ka hria.
Khawia chaw ei mood ah mah ka cheng tawh lo, ka chawthleng chu Sink ah dah ri rawk in ka kut ka sil sawk sawk a. Ka Room ah ka chhoh san hmiah. Ka pa chuan min en reng tih ka hria ka lawm bik lo.
Step a ka chho rual chuan ka mittui a luang pap a, ka pa khan vawi khat mah kut min la thlak ngai lo, a thinrim hle chang pawhin.
Khumah chuan bawk thlawpin ka insut hlawp hlawp a, ka thiante ka awt thin ngawt mai. Anni chu tun hunah te sawn an nu leh pate nen hun an hmang ho anga an hlim ngawt ang.
Kei erawh ka pa ka tih thinrim a, kut hial ka inthlak tir a, mittui nen hun ka hmang a. Ka na ve takzet. Ka insut hlawp hlawp a, ka nu thih hnu a nasa deuha ka tah leh vawikhatna ani hial ang.
( End of chapter)
** Ka damlo bawk si a, phone ka khawih hian ka lu ana zel a , mit thip bawk nen ka edit loa, min lo hrethiam dawn nia..chuan feedback emaw inrawn comment khan phûrna min siam ve a, inlo ti leh hram hram dawn nia
**