Chapter - 11
By- Bawihtei chhangte
Rei vak lo ah chuan varanda ah thawm a rawn awm a, ka lo hawi phawk nghal hle bawk, misual an lo kal leh em ni ang?
Christopher-a lak aṭanga in la hrang in, kawngka lam chu ngun takin ka en a, kawngka chu rawn inhawng in palian zet zet anlo lut khup khup a, panga vel lai an ni in ka hria, a thim em avangin an hmel erawh chu ka hmu theilo a, kan lam pan a anlo kal leh rual chuan Christopher-a chu ka hnaih lehnghâl rawk rawk.
Ka dar aminlo kuah in," hlauthâwng suh, misual man tur a rawn kal an nih hi," ka beng bul a rawn kûn hniam in a ti sup a, ka lo thaw huai thei, engtik laiin nge maw alo biak hman ni.
Chung mite zîng a an hotupa ber ni awm tak chu Christopher-a nen Hindi in an inbia a, light kan on tawh avângin a hmel pawh ka hmu ve thei ta a, vai ani. Enge an sawi tak chu ka hre ve tawh lem lo.
Room aṭang chuan tu emaw an rawn pawt chhuak nawk nawk chu ka hmu a, mahse chu mi hnung a an rik leh laih chuan midang an la awm ani tih ka hrethiam nghal a,mahse engmah ka hmuh hman hma in Christopher-a chuan ka mit a rawn hup daih a, thawm eng eng emaw chu ka hre leh ngei a, mahse han ngaihbel dan tur aih pawh ka hrethiam tawhlo thung.
Kan buaina a zawh fel meuh chuan zan dar 12 alo ri reng tawh a, dawhkan kil in ka thu a, Christopher-a'n kan intîr a siam mek bawk.
"Engtin nge ilo kal ve theih a?" Ka ti chhuak thut a.
"Ka Pu te leh ka ni te anlo thleng khawm tawh a, motor in mutbu chu rawn phurh mai ka tum mawle. Keimah ka lo kal leh zawk dawn thu lo hrilh che ka tum a mahse ka call che in i la thei silo a, ka lo kal hlauh loa ng tih a hlauhawm hle mai," a ti a, a sawi dik khawp mai. Lo kal hlauh lo sela chuan ka chantur chu ngaihtuah ngam pawh a nilo.
Kan inchinfel zawh chuan nu Madini call alo lut ve leh a," Laly lo kal talh tum duh suh aw, hei kan tha viau a nia, bawiha khan mutbu chu lo keng se la, nang chu naktuk lam a school kal ngai te i nih kha," ati a, ka thil tawn zawng zawng nen mahni a in a awm chu ka chaklo hle a, chutihrual chuan damdawiin vel han inkhalh chhoh leh pawh chu ka chak zawk zawk tawh lem lo khawp mai. Zîng ah haw ka a ngai ngei anga, mahni lehnghâl in, ka zuam loh em vangin tlawmngaih han chhuah thei pawh ni in ka inhre talo a ka 'aw' ta ringawt a.
Phone ka dah hnu chuan Christopher-a chu alo inpeih der tawh a, minlo en reng tawh zawk."i hman em ni?" Alo ti dut a, ka lu lo bu nghat in kan inzui chhuak a.
Kentur vel chu motor chhûng ah a dah a, a kal mai dawn emaw ka tih laiin ka bulah alo let leh a, ngawi reng a ka kut vuan in kan in lam ah min kaih chho a.
Inchhung a min luhpui thlap hnu ah,"i hlau a angem," ati sup a, ka ngaihtuah a keimah chauh a in a han awm tur chuan ka zuam hauhlo. Mahse duhthlan tur dang ka nei silo, a ni lah a kal ngei ngei a ngai tawh a, chelh khawmuan leh chi a ni tawh lo, chhan ngaihna hrelo in ka ngawi ta reng a.
A hrethiam a ni ang, kawngka a hawn zet tawh pawh chu khâr leh in room ah min kai lut a," mu rawh le, tah hian ka lo awm ang," tih leh ka khum mawng lam a single sofa ka hun ah chuan a va thu a, " mahse i kal a ngai sia,"
"Muhilh tum phawt la, kha lam chu ngaihtuah duh suh,"a ti duh lek a, nghengchhan nghêng in a mit a chhing daih bawk.
Engmah sawi zawm tawhlo in ka mu ve mai a, ka mut lah chu a chhuaklo em em khawp lehnghâl," Christopher?"....... Min chhanglo.
"Christopher?" Min la chhang chuang lo, a muhîl annih ka ring a mahse han muthilh na hun em chu ani in ka la hre silo, bakah a harh ngei tih ka hriat loh chuan ka thla a muanglo a, hlauhna ka nei tlat. Thu chhuak meuh in ka lo leh a,"min u rawh," a awm ngai a la awm reng chung chuan ati a.
Mu thla let dawt in," kan mi te khan pawisa na zawnga mi?" Tiin ka zâwt a.
" Mahna.... Ka hrelo le,"
"Engati nge in in ah kher anlo kal le?" Inchung en vang vang chung chuan ka ti leh a.
"Midang,in rawk tawk te hian an in rawk a ni dawn tih an hriat lawk emaw an rin lawk ka ringlo," a ti nghut a.
" Mahse in in kher na rawk an tum a?" Ka la ti leh hram a, kan thiltawn kha mak ka ti in ka hlau ve em ani.
"Lalawmpui dilchhut viau lo khan muhil mai mai rawh?" A ti nghut a, a nin hmel viau tawh. Mahse a thilsawi chu engah mah ngailo in," tun hma in tuman in in te chu rawk an tum ngai hleinem," ka ti leh hram a, a vin tawh viau in ka ring.
"Kan vânnei zawk viau a lawm, kan in hi chu kan veng lun ang ai hian a eng emaw fianrial ve zek a, thing kan nei bawk si, rûkru tan chuan a rem viau na in tiang hi kan tawk har zawk khawp a lawm," a ti dam dup a, Christopher-a aw pawh a anglo lek lek mai, a inhmeh lo em ani.
"An lo kal leh i ring em?"
" An lo kal tawh dawn hleinem Police in an man tawh kha," ati leh dap dap a, a aw zaidam hmel lutuk chuan ka mut a tinchhak ruai ruai a," zanin chu ka thi teuh kher mai," mutchhuak zet a ka tih leh hram chu ka thil hriat hnuhnung ber ani, ka muhil ta daih a.
Ka harh leh chuan ni alo chhuak daih tawh a, sana ka en chuan dar 8 alo ri tep tawh, ka room chhûng chu ka hawikual vat a mahse Christopher-a hmuh tur a awm tawhlo. Muangchangin ka tho a, chutihlai chuan ka lukham bul ah hian lehkha them tetakte a lo awm a, kan en chuan chuan ,'engmah hlauh tur a awmlo' tih zawng hi alo inziak a, thu ropui leh ril tak ni hram lo mahse ka thlamuan phah ve em em tho.
Nizan lam ka ngaihtuah pah neuh neuh bawk. Christopher-a min chhanna pawh ka hre hman talo kha ani a, mahse 'tuman an tihnat che ka phallo,' ti in min chhang tlat a hriatna ka nei a, ka mumang nge ka ngaihtuahna tih pawh ka hrehrang tehi tawhlo, Christopher-a chuan ati awm der silo.
Chaw pawh ei lo in school ka kal a. Nizan lam ka thiltawn vel vangin ka pangai chiahlo bawk nên, naupang hnên a hun hman leh lehkha han zirtir vel pawh chu ka phûrlo khawp mai a, tumloh deuh ah naupang ka hauh palh ka hlauh vangin keimah pawh ka theihtawp in ka inveng fimkhur ve bawk.
Nidang anglo takin naupang ho chu tih an har zek a, vawi nga lai chu insual ka telh a, tukin chu kan tum a fuh vaklo tlang ani.
Ban veleh thei damdawiin lam panin ka kal nghal a, kamah lak ah tehi eng eng ema an alei nual bawk. Tukin ka thawh hlim a nu Madini ka call khan a la harh loh thu a sawi a, a bak ka la biak leh miah loh vangin an chanchin engmah ka hrelo a , alo harh chhuah ve tawh hram ka beisei.
Damdawiin ka thlen chuan kawt ah Christopher-a ka hmu nghal a, a ni erawh chuan min hmu ve lo thung. Midang nen an inbia a, Mizo an ni hlawm pawh in ka hrelo, an sawi pawimawh hmel em avangin be lem lo in ka kalsan ta a.
Cabin chhûng ka luh chuan pa Kima chu alo harh lo ani tih ak hmu nghal a, a bul thutthleng ah nu Madini'n phone alo en mawlh mawlh bawk.
Min lo hmuh ve leh nu Madini chuan," e Laly ilo kal hman ani maw, Iva ti lawmawm ve, hetah hian lo thu rawh," tiin ka thut theihna tûrin alo thu rem sawt sawt a. Ka thei ken te chu ka pe a, a lawm khawp mai
"A lo la harh miahlo em ni? Doctor in a en leh tawh em?" Ak ti nghal zung zung a,a rei ka ti ve tawh em ani.
" Harh tawh ee... ka lo hrilh lo che ani maw...Dar kua vel khan alo harh a mahse stroke tih tak ah a ngai angreng khawp mai a, amit te kha fiahlo a tia, a tawng tha hleitheilo bawk a, na erawh ka neilo e a tia, Doctor khan muthilh a la mawh a tih vang khan mutna in chiau a, ala muhil leh ta char char a nih hi," a ti a, ka lawm ve hle.
"A lawmawm hlauh chu, ka ngaihtuah lutuk a, a tha leh thei hlauh chu ava lawmawm tak," ka ti ve mawlh mawlh.
" Nia lawmawm khawp mai, tihian zawi zawi in a tha leh mai ang a tia Doctor khan, ngaihtuhawm a nilo ania," a ti a, ka rilru in pathian hnên ah kan tawngtaina te a chhan vangin lawmthu ka sawi ve mawlh mawlh a, mi tam tak in an tihpui laiin, pa Kima erawh chu a vânnei takzet.
Upa lutuk la nilo mahse kum upat hnaih lam an nih ve tawh vangin pa Kima chu a tha chaklo angreng hle a, mahse zawi zawi chuan hma a sawn ve zel. Tlai tin school bân apiangin ka tlawh kawi ziah a, tun hi damdawi a karthum an awm na tur ani tawh a, nu Madini te nufa in an awmpui chawt a, an chhûngkua in damdawiin ah an insawn a ni deuh ber mai, pa Kima damdawiin awm ning lutuk lah chu chhuah atum reng a, a chang phei chuan thinrim phah lek lek chang te a nei hial thin, mahse nu Madini hi pa Kima lak ah hi chuan adawhthei a, an han inhrilhfiah hi chuan tha deuh hian a awm ve leh mai thin. Damdawiin a awm hma kha chuan pa Kima hian nu Madini hi a dawh deuh reng thin zawk kha ania, a treatment lak te vang hi nge ni tunlai chu a thinchhiat ve deuh thin.
"patling hi hi chu an thu hi an duh leh lutuk a, patling ho hi chu an mahni in leh lo tak tak lo ah hi chuan an awm peih tak tak lo, an thu ber theih loh vang hian an ning thuai thuai zel," pa Kima awm reng lai chuan a ti a, ka Kima pawh alo nui ve vur vur mai.
Christopher-a alo lut a," ka thlah ang che," ati leh ringawt tawh.
Thil pakhat, kha zan atang khan mak tak maiin Christopher-a hian ka school kal tur min thlah leh ban hnu a min hruai hi a tum ta ziah a, a buaithlâk khawp mai, han in khap viau pawn awmzia a nei thin silo. A tir lam phei kan chuan thinrim khawp in ka hnar thin a , mahse awmzia a neih loh em vangin tun ah chuan ka hnial duh tawh lem lo a, a peih chhûng chu tih tir ka tum ta ringawt, ka pawisa a hek hleinem tiin ka inthiam chawp a, pa Kima damdawiin awm lai alo ni zawng zawng nen a inthlahrunawm duh thin khawp mai.
Min hruai tih ah khan ka tlan loh ni a nih chauh hian a car ah chuan min phur thin a,, hei pawh ka duh loh em vang ani, abak erawh ka hnung ah muangchangin min zui thin thung.
Nu Madini te nupa lah hian an thlawp khawp a, a chhan pawh a nu leh pa te bul ah hian hmanzan thil thlen zan khan, dawrkawn bul in ruak awmna lai ah khân misual, mi awm tha duh vaklo ho rualin min lo tibuai lai a mân min rawn nangchîng leh min chhan angin alo insawi a chu chu chhuanlam ah a hman ziah avangin nu madini te nupa awmlai ngat phei hi chuan ka tan hnial theih loh tluk ani a, min ngaihtuah em vangin Christopher-a thil tih hi an thlawp hle ani.
ZAWMNA
Ni thlâk hnu hi chuan khua hi a vawh zual deuh thin a vangin ni tlak hma a in thlen hman ngei ka duh thin a, damdawiin ah pawh awm rei lo in ka haw hma a, dan ngai tein Christopher-a'n min zui hhuak lehnghâl zat bawk.
Ka tlân loh ni a nih vangin taxi in ka kal a, vawiin chu Christopher-a'n min phurh ngei a ngai dawn ani.
Damdawiin kawt a Christopher-a motor la ka lo nghah lai chuan kan khaw mi ka hmu hlauh mai a, min tawk zawng a rawn kal an nih vangin an ni pawn min hmu ve nghal mai a, ka bul an lo thlen chuan kan khaw YMA hruaitute an lo ni.
"Ee.... Hillary-i teh hlawl chu, in damlo em ni," ka nula n lo thlen rual chuan kan YMA president chuan ati a, pa tha tak leh bengvâr deuh mai hi ani a, biak hmasak hi kan chang ngai meuh lo.
"Damlo lo e, kan in neitu te zawk a nia, ka lo kan ve mai mai a nih hi, nangni zawk engati tehdaih nge?" Tiin ka zâwt let vat a, chutih lai chuan kan bul ah chuan Christopher-a pawh alo ding ve chiah bawk.
" Pi Sangthangi kha, nijhaw hrelo in alo awm reng mai a, hei YMA hmalâkna in kan rawn buaipui anih hi?" A ti a, tha ka lo ti ve khawp mai. Pi Sangthangi hi hmeithai ani a, a kum pawh a upa ve tawh khawp mai. Kan hriat phâk ve hma daih hian bus chesual ah a pasal leh a fapa an boral a, chuta tang chuan amah chauh hi a ni tawh mai a, chhûngkhat laina hnai a nei bawk silo nen chutia YMA ten anlo tuamhlawm thei chu a mimal tak pawn ka lawm a, an ti tha ka ti khawp mai .
"A nih tak chu, in ti tha hle mai, tun ah enge a an tawh, a natna te an hrechhuak tawh em?"
"Aw....hrechhuak tawh e, rannung seh (scrub typhus) leh typhoid alo ni ve a, tun ah chuan a zia ve tawh viau mai, ngaihtuah awm a ni tawhlo e,"
"Oiii a van lawmmawn tak, in ti tha emai, hei hei hian ka lo kan ve a nge," tiin cheng 500 ka pe a, Christopher-a chuan cheng 1000 a pe ve bawk, alo khawgaih ve viau ani ang.
" In ti lawmawm hle mai, amah pawh a lawm ngawt ang, ani hi chu mi tlawm ngang hi a ni a mi pawi a sawi bawk silo, keini te chuan engmah kan ti ve tak tak hleinem, rawn phurh thlak tawp kha kan tihtheih chu ani mai a, tanpuina a dawng nasa a amah leh amah hi chu a intum thei vek bawk nen, Zosanga hian a riah pui ngat ngat bawk a..... E Saw... Amah pawh alo kal a lawm," tiin damdawiin canteen lam chu a kawk a, ka va hawi chuan ka diklo nghal vek in ka hria .
U Zosanga hi kan khaw tlangval taima leh fel a ni a, kan naupan deuh lai, kan tleirawl hma si vel pawh khan langval ani tawh. Amah hi a hleitlingin a hmel pawh a chhelo hle a, hmel pâ kan tih thin ang chi hi ani. Bawihi nen hian kan star thin khawp mai a, tun thleng pawh in ala ni. Mahse star tih ah khan kan va ngaizawng hranpa chuang lem lo a, a hmel hmuh nuam kan ti a, a awm tawh hi chuan kan lo lai ve em em mai thin. Amah lah hian min han hawi lo khawp a, naupang chhe en hian min en ni ber in ka hria.
Reilo te ah kan bul alo thleng a, min han hmuh chuan min nuih ve sak a, " i dam maw?" A ti ve sup bawk. Kei lah chu ka lo lai em em khawp a, ka biang te chu a sa hat hat a min hmu tu tan pawh ka lai tih chu a hriat viau in ka ring, a zahthlak zâwk.
Tawngka pawh a chhang lo in ka lu ka bu nghat a, Christopher-a'n kal alo rawt tak avângin kan kalsan ta a. Christopher-a lah chu a hmanhmawh tawh a ni ang ka kawng ah dawm in min kalpui hlawk hlawk a.
Kawnglakah chuan kan ngawi reng a, mahse kan vêng kan luh tan dawn chuan thumna deuh a sawi a, mak ka tih em vangin ka zâwt nawn leh ngat a," khatia chaw helh ang mai a awm kher kha a ngai emni?" Mak ti zet in ka en reng a, a thilsawi awmzia chu ka hre thlat lo, amah lah chu an lawm loh hmel viau mai lehnghâl.
"I thilsawi chuan awmzia a nei em?"
"Awmze neilo thil sawi mai mai rual ka ni emni?"
"Awmzia a nei anih chuan a awmzia chu min hrilh ta reng che," ka aw ah chuan ka lawm vak tawh biklo tih pawh a hrethiam ve ngei ang.
"Kha pa kha tunge?" Bul hmuk hian ati a.
"Kan YMA president kha maw?"
"Nilo?"
" Tu chu nge sawi chiang la," ka ning lam mah tawh ani.
" Chak hmel deuh kha," ka ngaihtuah vang vang a,"Pastor fapa hmel pu kha," a tih leh chuan ka hrethiam chiah, u Zosanga kha ani ngei ang.
"U Zosanga kha maw?" Ka tih leh chuan a bu nghut a, ka nui a ti za ang reng.
"Engtin vak nge ka awm a," ka awmdan kha ka zahpui ve deuh vangin ka haider tlat.
"Hrelo der buai duhlo mai rawh," a ti hrawt a, ka lawm lo viau, hetiang a ka awm dan a rawn inrawlh vak tur hian tunge maw a nih chiah le.
"Ka naupan lai a tang a ka star a nia, enge ni vak," ka tih rual chuan kawngsir ah motor chu a ti ding hrawk a, motor hma lam ah chuan ka chal ka va tauh deuh bawk, thinrim ute in ka hawichhuak a, ka hau hrep lo anih chuan khawvel hi a phek ang tih khawp in ka thin a rim.
"Engthil nge i hriat a Christopher Lalmuanzual," ka ti chhuak ṭhawt a, a bak chu ka thinrim em vangin engmah ka sawi theilo, min thing nek dawn pawh nise ka hlau chhete lo bawk.
"Mipa dang melh tawh suh," ti hluk in a tlân chhuak leh a, a thilsawi mak ka ti lutuk chuan ka thinrimna pawh ka theihnghilh ṭhak a, tun ah khân bialpa thik thu chhe tak ang mai in alawm a tawng le.
Reilote ah in kan thleng a, muang changin Motor a tang chuan ka chhuak a, kan inbe leh ta miahlo bawk. Tum dang chuan inchhung ka luh hnu ah a tlanchhuak chauh thin a, tun tum erawh chu motor atang a ka chhuah rual rual in a tlân chhuak lehnghal.
Muang changin in ah ka lut a, a lo thim rup mai, tunlai ka ha atlai thin avângin choka lam hi light ka on sa ziah thin ania, vawiin chu ka lo theihnghilh a ni ang.
Ka phone flash light on in choka lam ah ka phei a, choka lam ha swith awm daih fuh loh zia leh buaithlâk zia chu ka ngaihtuah phei a,sawn mai chu tha dawn riau in ka hre bawk.
Choka ka lut chiah tih chuan ka tukhum a hit mup a, ka beng a kiu nghal vawng vawng bawk, chhuat ah ka tlu thla riai riai chu ka hria a, a bak chu a thim mup a, engmah ka hre zui ta lo.
Ka taksa na lutuk vang chuan ka harh zawk a, ka taksa chu na lo lai a awmlo ani ber. Chet ka tum a ka che thei ta hauhlo, ka chet luih leh deuh chuan phuar beh tlat ka ni tih ka hrethiam a, ka mutna lah chu a dup fahran lo in a tawi bawk a, a sawh leh dawt dawt thin dan ah motor ah phurh ka ni tih ka hrethiam nghal bawk.
Ka mit ka men pawh chuang engmah ka hmu theilo a, ka lu chu puan in khuh tlat a ni tih ka hrethei. Reilote ah ka lu lah chu na menlo hian a rawn na a, engmah ka hrelo chhunzawm lehngal .
Ka taksa na vang bawkin ka harh leh a, ka kut leh ke chu phuar beh tlat a la ni bawk. Ka harh hmasak ang lo takin ka mutna chu a ruh hle a, ka lu pawh tuam a ni talo bawk a, ka awmna chu khawi emaw in sak lai ni ngei in ka hre bawk. Ka lu pawh a la na viau a amaherawhchu a hma ang em em a tawrh harsa erawh kha chu a ni tawh lem lo.
Ka pang kham lutuk vangin harsa ti takin ka inlet a, mahse hlau lutuk in ka te nghal thawt..... Ka bul lawk ah chuan ruang hi alo awm a, a hrawk a thlêr duai a, thisen ro tawh tih hriat tak in a bual zuih bawk, a meng phawk hle a kan in si lo chauh bawk nen, ka rap lutuk chu thei leh theilo in ka tawlh hnung nghal rawk rawk.
Ka khur zawih zawih a, ka mittui a tla zung zung bawk, a tir a ka te thawt bak kha ṭhaka ka chhuah leh tawhlo a, tap chhuak tur pawh in ka theilo, ka â muih ni ber hian ka hria, ka che thei tawhlo a, chu ruang lak a ta chu ka mit pawh ka la sawn thei heklo.
Ka taksa chu a mú in thil a hre mumallo tial tial a, engmah ka hre lo chhun zawm nghal.
......
Ka harh leh chuan ka awmdan chu ka hrethiamlo hle a, mahse hun rei a nilo, chair ah thu in ka kut leh ke chu chair ke ah leh vawnban ah chuan phuar beh vêk ka ni a, ka ka pawh engmah sawi theilo tûrin tawn ka ni bawk.
Ka chung a thil thleng chu ka ngaihtuah a, ka mumang chu ani silo, hetiang thil em tawk tir chuan enge tihsual ka neih. Movie ah leh mi ram ah chauh hetiang a inrukbo na thil hi a thleng thin emaw ka ti a, tun ah ka chung ah a thleng ta mai chu a nia.
Ka mittui a lo luang zung zung a, ka tah chhuak lutuk chu ka awm zawn hi a na vawng vawng thei hial, ka hamhaih a, ka chung a hetiang thil lo thlen chhan tur awm ka ngaihtuah in ka hre silo, kan chhûngkua kan hosa lo a, hmel leh pian ah lah mi te ai a kan that bik na a awm hek lo, thiamna lam ah lah nise chuti bawk, hetiang thil tawk tur hi chuan ka hlu in ka in hre ngang lo.
Mahse..... Ka rilru a thil lo lang vang chuan ka lung a phu rang nasa hle a, ka taksa peng hralh duh vang a min rubo ni tase,......nilo ...... A ni theilo ang',, thil theih a nilo, chhuak zet hian ka tap hawm hawm a, ka ka phuar tlat a nih vangin thawm erawh ka chhuah ring thei chuanglo.
Hun ka chhiar theilo a, engmah hrelo a awm kha ka ngah em vangin tun hi eng hun nge ni tawh ang tih ka hre thei tawhlo.
Ka chûngte khan min ngaihtuah awm mange, nge ni a,... Ka bo tih pawh an la hrelo zawk ang......tunlai ka buai zual deuh vangin kan inbe khat a, chuan... Nu Madini te lah damdawiin ah an awm daih bawk si, ka bo thu pawh tu mah in an la hrelo ngei ang, engtin nge ni ta ang.
Tun ah te hian Mizoram chhûng ah ka la awm ang nge Mizoram pâwn lam ah ka lo awm daih tawh zawk. Ka bo a tang khan ni khat nge ni a karkhat zawk. Nge ni a chu ai a rei? Ka rilru a buai a, ka mangang a, ka hlau a ka chau takzet bawk.Lalpa min han pui lul teh.
________________NOTE
chhiar vek turQ. Engati nge in chawlh vang vang?
=Story ziah hi ka chawl hran lo a, mahse lehkha zir ka ngai nasa em a, rawn dah khawp hi ka type tha hman meuhlo ani. Chawlh ka hreh vangin rawn tih hram² ka tum a, mahse ka taksa in a tlin thinlo.
Karleh nilaini(i.e,. 11.12.2024) hi DCA computer exam ni a nia, chumi a tan chuan ka inzir char char a ngai a, chhûn lam ah school ka kal bawk nen, hun hi ka neilo zual lutuk a, kan story kal lai hi kan chawl lawk a nga.... Tichuan ka exam zawh veleh kan chhun zawm leh dawn nia.
Ka thawnthu ziah ngaihnawm lem loh ve tak minlo chhiar sak thin vangin in zavai a chung ah ka awm em em e.