Officer Vanmalsawma chapter 34 by Jeneti

[Jeneti]

OFFICER VANMALSAWMA
CHAPTER 34
BY : JENETI

Zothanfeli pov


Repeat

"I dâwn thui lua e tawi" ka lo tih sak a, "tawi a?" Nui hawk chuan a rawn ti a. Keipawh chu ka nui ve tho, "chet i ti remlo dawhkan ah sawn lo va thu rawh" ka ti a. "Dawhkan ah an thu ngai a mi?" a rawn tih chuan ka sawi sual tih ka hre chiah, "hmh kan thu anga a thu nga a nimai lawm, mi sawi sual hi hre thei viau suh" ka ti hlak a. "Awle boss" nghal zet chuan a rawn ti leh hram a, nghawk sawkin "kal mai mai teh", ka ti hlar a. Nui ruh ruh chung chuan a phei ve ta hram a




__________________________________________________

"Thingpui i in duh em?" tiin ka zawt a, a ni pawhin a duh thu a lo sawi avangin ka lum sak nghal a. Ka lum tamlo bawk a, reilo ah so in ka siam sak nghal a. Ka siam zawh chuan thingpui no chu dawhkan ah chuan ka va dah a, a nî erawhin ka chelai chu ngawi rengin a lo thlir reng thung.






"Lo in rawh" tiin ka bai chhuan chu ka va chawk nghal rawk rawk a. Bai reng reng chu kan chawh ngun pauh leh a tui tur ai nasa in a tui duh bik. Ka bai siam chu a hmin tawh leh tawhlo chu kan tem hmasa leh te te a, a hmin ni a ka hriat tak ah chuan ka off zui a. Ti hian eirawng chu ka bâwl zo der a nimai, han tih tur vak a awm tawh lo bawk nen baby shirk-a bul ah chuan ka va tu phei ve a, a bul a ka thut hnu pawh a min la en reng avang chuan ka awm a nuamlo zo leh vek dawn tak ngial a ka hriat avang chuan, "tinge min en reng a, diklo a awm a mi?" ka ti ta nge nge a. "He thil awm chhan hi min hrilh la athat ka ring" rawn ti supin ka mit bul chu a rawn tawk zeuh a. "Eng tin nge a awm a?" mak ti deuh a ka tih chuan, "a sen chuan a bui bawk" a rawn ti leh a. Chutia a sawi tak ah chuan ka hrethiam ta chiah.








Ka u vanga ka tah vang khan, ka mit ah alo lang a nih hmel. Ka tah hi chuan kei chu a hriat bik thei lutuk a, keimah lah vun ngo lam chi ka lo ni bawk nen, Aizawl ka awm atang phei chuan tute emaw sawi dan tak ah ,ka glow zual ve a, chuvang chuan a lang awlsam buk em em ani.








Ka chhang tâk mai loh avang chuan, "a hma a ka sawi kha i hre tawh lo em ni? a hmasa ber nih ka duh, chuan kan in kar ah in thlahrunna a awm ka duhlo a, zep neih ka duh heklo. Chuvang chuan engkim min hrilh la, keiin ka pui ve thung ang che." a rawn ti a. "Le min hrilh tawh rawh le" a rawn ti leh a, ka kut dawhkan a ka lo dah chu la in, a hum vang vang a, a fawp zeuh bawk.







Keipawhin engkim hrilh chu ka tumsa a nih tho avangin ka hrilh ta vek a, ka sawi zawh meuh chuan ka mittui a lo hnai leh uar thei. "Ka hnem thiamlo che, mahse hei hi i hre reng dawn nia. Engtik lai pawn i kiangah ka awm reng anga, ka chelh tlat bawk ang che. A chhan chu ka hmeichhe hmangaih hmasa ber leh a awm chhun, a tawpna ni bawk tur i nih avangin" a thil rawn sawi avang chuan mak ti deuh chuan ka en a. "Kei hi min hmangaih maw?" ka ti a. Ka tawngka chhuak ah pawh mak ka tih zia a lang thei hial.







"Hun rei ala ni lo tih ka hria, mahse, hmangaihna hian hun bi tuk a neilo eng bawkin, nang hmangaih tur che hian hun rei ka mamawh lo" a rawn ti leh a. Chu zawng ka hre chiang ta khawp mai, Vanmalsawma hian kei ve mai hi min hmangaih a nih chu(h). Mahse kei hian ka hmangaih ve chiah em, chu zawng ka hre ve ta hauhlo. Hmangaih na hi eng tin nge a awm tih chu ka hria. mahse, keimah ah hian eng tin nge a thawh ka hre bawk silo.







Hmangaih nei tawh te sawi ka hriat ve ah chuan, hmangaihna hi duh hun hun ah a awm theilo a, hmangaihna hi in hmangaih te 2 inkar ah chiah a awm thei bik heklo. Hmangaihna hi chu kan hriat loh lai a lo awm niin, kan mi hmangaih te pawh kan hmangaih a ni tih kan hre mai ngai heklo, kan hriat ve tawh meuh chuan kan lo hmangaih tawh viau zel.







Mi va hmangai tur hian hun rei tak ngai thin fo mahse kan tan mi special tak hi chu, keimah ni ah feeling rawn awmin hun rei kan mamawh loh chang pawh a awm bawk. Hei hi chu thinglung 2 te inzawmna a ni a. An in hre mai ngailo zawk chauh a ni.






Baby shirk-a chuan ka ngaihtuahna hria ni awm tak hian, "phût let neiin ka hmangaih lo che. Ka hmangaih che a, chu chu a tawk mai" a rawn ti leh a. A thil sawi hian eng tiang chiahin nge keimah ah danglamna a thlem a hre kherlo ang, mahse ka thinlung hi a lawm ani.






He mihring hi ka va han phulo ngawih ngawih tak em, ka hrechiang telh telh a, ka bel chiang telh telh bawk. Ka Phu loh zia pawh ka hre chiang zual hle bawk. Ka tan hian a famkim chiang alawm, inzawmna min siam pui a. mahse, kei chauh nilo in, ka u leh ka thian te thlengin a ngaihsak em em a. Min hmangaih pui ka tilo theilo.








Hetiang ang mipa hi an awm leh pawh ka ring tawh lo hial kha a nia, mahse a lo awm mah mah a ni, min hmangaih a ni tih pawh hi ka ringhlel phallo. A chhan chu rinawmna leh dawhtheihna tello hmangaihna chu a lem mai a ni a. A nî erawh chuan dawhthei takin min nghâk a, rinawm takin ka tan a awm bawk a. Ka thîk theih tur khawpin hmeichhe dang a hnaih ngai heklo bawk.







"Ka tihpalh, ka hmangaih ve che em ka hrelo" ka ti sap a. Ka hmangaih che ka ti ve ringawt ngamlo a ni. Lo ti ve ngawt ta ila, a mah ka bum mai bakah, keimah leh keimah pawh hi ka in bum tih na a ni bawk ang.






"Bawihi, ka sawi tawh kha, Min hmangaih ve kher a ngai ka ti chuanglo a nia. Ka duh vang che a hmangaih che ka ni a, duhlo chung a hmangaih che ni ila ka kalsan tawh ngei ang che. Mahse ka duh vang a hmagaih che ka ni a, chuvangin min hmangaih let ve turin a ti ve kherlo ang che." ti sup sup in a lamah ka chair chu a rawn pawt hnai a. Min kuah nghal hlun bawk.






"Naktuk ah chuan em ni i chhuk ang a rawn ti leh daih a, mahse kan thupui thlak a tum a ni tih hrethiam in keipawhin, "ka tum deuh, a hma thei ang ber a chhuk ka duh. Mahse principal biak angai dawn a, ka la be lo a". Ka ti a. "Umm ka lo be mai dawn nia, thlah che chu duh viau che mahila, ka hman dawn si lo a" a lo ti ve thung a.






"Eng tin nge I sawi anga, lo phallo ta se" ka ti a. Nui suk a min lo en in "phal em em ang, in principle hi ka pa alawm" a rawn ti a. Mak ka ti lutuk chu ka meng phawk vek ringawt. " kan principal hi I pa maw, tinge a hma khan I sawi miahlo a", Ka ti vak a. "Ohhh... Bawihi tlemin I tawng zawi deuh dawn em ni. A ring deuh mah mah ani, a nih loh chuan midangin an lo hre pha anga tlangau ah an hmang daih palh ang che" a rawn ti chu ka melh vak a.






"Kha tiang a ringlo em mai, chuan tinge a hma khan I sawilo" a ka ti tha leh a. "Chutiang sawina chang ka lo hre miah hleinem, sawi kher ngai pawn ka lo ti vaklo a" a ti dam thlup a. Kan principal hmel ka mit thla nghal a, pafa na ni tih ka hriat tak ah phei chuan in ang ka ti khawp mai, baby shirk-a ang bawkin a hmel chu a nelawm lemlo a, mahse a tawngka chhuak erawh a ni ve hmuk hmuk lo thung.






"Naktuk ah i chhuk leh nghal dawn sia, zan in chu ka in ah chaw lo ei la" a rawn tih leh tak ah chuan amah chu ka en vat a, "a... Eirawng ka lo bawl vek tawh sia, ti hian lo ei ve mai zawk la" ka ti a. "Kan 2 chauh a awmdun ve te pawh a chakawm ve tawh alawm, ka ngaih zia che hi I hre bawk silo, i chhuk thla leh daih anga. Eirawng chu keiman ka bawl vek ang i lo ei dawn phawt chuan". A tih tak tlat avang chuan ka aw ve ta nge nge, keipawh hian dik tak chuan ka ngai ve alawm.





Ka thiante lo haw hnu chuan baby shirk-a in lam ah kan in zui phei a, ka thiante pawh chanchin ka hrilh tawh a, min lo hrethiam khawp mai. Baby shirk-a in bual chhungin chaw ka lo chhum leh a, a bak chu engmah lo ti suh min tih tlat a avangin TV ka en ta mai mai a. Mipa tih tak a, rei in bual lo in a lo chhuak vat a, kawr ha lo in kekawr bul dum a rawn ha chhuak a, towel chuan a sam a rawn hru chhuak mawlh mawlh bawk a.






A taksa phiar nalh tak leh a six pack te chu a lang Chiang khawp mai, mahse keimah ah chuan eng teh ual a ni ve lo, k drama vel chu nise chagtunu ten an mit an hum der vel ang, an kut kar atangin an em leh dek dek ngei ang. mahse heichu a tak a nia, chu bakah keimah ka ni miau a, baby shirk-a six pack vel leh kawr ha lo mai mai hi ka u ta ang ve tho a nia. Ka hmu ngun lutuk ringawt, ka engah mah a thawk ngailo. Chutiang an bawkin baby shirk-a lak ah pawh hian ka danglam a ka hrelo.







Ka bul ah chuan rawn thu thla in, "i duh leh va inbual ve la" a rawn ti a. Mahse ka lo in bual tawh avang chuan ka i bual tawh thu chu ka hrilh vat a, a rawn rimtui chhuak chem chem leh nghal. Ka mit sir chuan min en reng tih ka hria a, mahse hrelo derin ka tv en lai chu ka en ve tlat a.





Ka en duhlo avang chuan ka khabe ah rawn dawmin a mah en tur chuan min kuai dâk deuh a, rawn kun hniamin "ka bul a I awm reng chung pawh hian ka ngaiche" ti supin ka hmui ah chuan a rawn fawp vang vang a, ni dang aiin a duh thawh viau leh nghal mahse a mi fawh dan chu a dam thlap a, ka feel veng veng bawk.







Engtik laiin nge ka chhang let pawh ka hrelo ka hriat chhuah meuh chuan ka lo chhang let ve tan tan a nih chu(h). zak thutin ka inla hrang a, hamhaih deuh a min en chuan, ka zak zual a. Ka kun daih bawk, ka ngaihtuah chiang pauh leh ka zak zual ting ka bialpa mah nise ka zeilo a ti dawn lutuk, a ni a zei ropui bawksi a... Ka zak hi ani tawp. (He thil ka type lai hian zaktheilo ka inti a sin aw...)








"Bawihi tinge diklo a awm a mi?", a rawn ti sup a, lu chu ka thing a. "Tinge i in lak hran si?" a rawn ti leh chuan ka thaw hawk a, "ka zak alawm" ka ti chhuak sap a. A nui chhuak hawk mai, "zahna tur a awm em ni, ka bialnu I nia, i bialpa ka ni bawk a in ngaizawng te tih thin dan angin kan tive a nimai" a rawn ti leh chuan. "Ka zeiloh em kha" ka ti lawi rat a, "oh... Chutiang lam daih chu maw, ka lo ngaihtuah miah hleinem, i zei loh hian ka tan chuan a nuam zawk I tan mipa hmasa ber ka ni tih ka hriat chhuah thinna 1 a nia. Chuan ka laklawh khawp mai, ka kham hauhlo" ti zawm zatin ka hmui ah bawk chuan a rawn fawp leh zeuh a, "a bak chu nakin hun ah kan kheng ang. Lo kal rawh leh ka thilsiam tui tak ei tur in lo in puahchah rawh" tiin min kai tho in choka lam chu min pan pui a.






Dawhkan bul chair ah chuan min thut tir a, "eng nge i ei châk? i ei châk apiang ka siam dawn che a nia" a tih avang chuan "potato pancakes ka ei châk i thiam em?" ka ti a. "Lutuk lo en rawh" tiin alu vel chu ala chuak a, a siam dan ka hre ve hauhlo thung. a siam lai vel chuan a bul ah ka lo awm ve a, a siam zawh a min tem tir chhin chuan ka rin ai daihin a thiam, "a tui lutuk tlat" tiin ka kut zungpui ti pir vahin ka hmuh a, nui sukin "a tui I tih chuan a tha a nih chu" tiin ka hmui ah chuan a rawn fawp zeuh a.






"Thil dang chu siam tawhlo mai rawh, ka ei châk ber a nia. Hei hi ka ei chuan ka puar dawn lutuk, chaw pawh ka ei chak tawhlo" ka ti a. "Tha lo lutuk chaw ber i eilo ten, noodles kan chhum tel dawn nia" tiin a chhum zui a. A ei theih hnu chuan kan ei dun mawlh mawlh a, tui ka ti lutuk ringawt, ka thil ei lai chu min lo thlir leh thin a chang leh pancakes chu min lo barh leh thin bawk a, mahni tawk ah chuan nuam kan tive viau.
__________________________________________________
Ka type sa ka lo tih bo avangin ka rawn dah tlai a, bakah chhiat kan lo tawk ve bawk nen ka rawn dah sei theilo ta ani.


Like leh comment tur in ka ti tawh lo mai ang che u, in duh thu ngei a in lo tih hian a lawm awm zawkin ka hre ta. Ka story ziah hmasak ber min ngaihhlut sak pawh hi a lawmawm tawh lutuk tih ka hre thar a. Chuvang chuan ka ti tawh lo ang che u.


In zavaii muttui, mangtha veks u (⁠♡⁠ω⁠♡⁠ ⁠)⁠