MY KRYPTONITE Chapter-6

[Luna Pachuau]

MY KRYPTONITE
CHAPTER-6
BY
Christy pachuau




"Lut tawh rawh" min vawnna a thlah hnu chuan a ti a, nichin khan eng vanga lo bu ve ngawt nge ka nih pawh ka hrelo. Zothankima chu ka melh ran ran a, ka ngei lek lek mai. A awmdan hian min tilawm lo takzet...fiam kual mai mai tur atan chuan ka inphal hauh lo.


"I awmdan hi a ninawm... tiang hian awm tawh suh" ka tizawk sap, amah pawh en tawh lo chuan hnuai lam ka hawi daih tawh thung. A hmel rum lutuk bak ka hmachhawn leh chuang lo ang.


"Ka fiamthu angah i ngai ami?" Lungawi chiah lo tih hriat tak hian a ti a, ka la en chuang lo. Aw tih pawp mai ka duh, a fiamthu ah ka ngai mai mai dawn. Thil tullo a ka rilru lo tihbuai vel ka peih lo.


"Lo buai suh" tiin ka lut daih a, keipawn ka chhanna kha enge a awmzia pawh ka hrelo. He mihring pa hi ka hlat angai dawn a ni. Lo thutak tehreng pawh nise ka pawm chuang lo a. Kan dinhmun piah lamah, amah ah hian natna bak ka hmu tlat lo. Min sawi sep sep kan kai ang a, a tawpah chuan keimah bawkin ka tuar leh dawn tho. Chu chu ka peih lo a, ka duh lo tawp bawk.




Puipuia chu chinese checkers khel chuan alo la buai nasa mai, pan hnai vatin mu tawh turin ka ti a. Alo duh lo nasa mai....aaaa....chuti leh chu a mut chhuah thak thleng khel rawh ka ti ta tawp. A hlimna ho te chu tichhiat sak ka duh miah lo. Kan room chu ka en a, Zothankima thil lei hlir hi a ni tawp mai. Toys pawh a tam tawh narawh e, ei tur pawh a tam tho.
Ka lut hnu reilo te ah chuan Zothankima pawh a rawn lut leh a, thutthleng ah chuan a thu ngawi ngal mai. Min rawn en zuk zuk thin tih pawh ka hmu vek, mahse ka hrelo der tlat dawn.




Puipuia pawh a chau ta deuh a niang, a thil khawih lai chu a nawr sawn nak a, a mut chhuah thu a sawi. Ka nui ta hak...naupang ho tak hi chu ahhh!!! Thil chu dah fel sak in a mut rem theih dan ber chuan ka siam rem nghal a, reilo ah a mut chhunzawm nghal mai. Ka nau chu ka en vang vang a, ka pa ai chuan ka nu a ang zawk mahin ka hria.
"Puipuia chu a mu tawh...min thlah rawh le" Zothankima chuan ka hnung lam atang chuan min rawn be thut a, ka lo phu zawk. Chet tlak tlak in ka kutah min kai a, min kalpui leh nghal dawr dawr tawh. Engmah sawina hun hi a awm ngai lo reng reng.




Reilo te ah a motor bulah ka ding dun leh der tawh. Ka zam bawk si, ka mangang bawk si awm ngaihna pawh ka hrelo.
"Dawi atin i awm zawk em ni? Tinge tawng nachang i hriat tak loh?" Hnuai lem an pahin ka ding reng lai chuan a rawn ti a. 'Ka hlau che' tih te ka duh rum rum mai.


"Min hlau ami" a rawn tileh a, ka la ngawi reng.


"Min fiam kual suh...hetiang ang buaipui nan hun ka nei ve lo. Min hmu a, min hria a...sawi belh vak tur a awmin ka hrelo. Infiam kual ka hman ve lo" tiin ka chhang a, a mitah ka en ran. Mahse a mit atang chuan enge a ngaihtuah ang tih ka hre thei lo.


"Ka fiam kual lo che" a rawn tibung nghut, tih ngaihna pawh ka hre tawh lo e a. Kei chuan min fiam kual ang bakin ka ngai thei chuang lo.


"Engmah hrelo angin ka lo awm ang, haw tawh rawh" tia kal ka tum chu min rawn vuan lehnghal vut. Hahthlak tizet in ka hawi let a, a mangang hmel ka ti tawh zawk.


"I duh ang chuan awm rawh, keipawh ka duh angin ka awm ang" a ti a, min pawmpui ah ka ngai ve tawp. Min thlahin a bolero hnunglam chu a hawng a, pangpar bawr lian zet hi a rawn phawrh leh a. Min hmehbel nghal chawt, mak tiha pawh ka nei tawh lo. Mahse ngaiah ka nei ka tihna a ni chuang hauh lo. A awm dan engkim hian min hnar vek...kan kum alo inthlau ve ang reng bawk nen, hei bak hnarna tur ka neih ka hrelo. Alo thutak anih pawn ka hnar tho ang.


Engmah sawi zawm tawh lo chuan pangpar pawm bawr chung chuan ka kal ta vat. Ka pawm anih ngat chuan mi â angah ka inngai, ka tawrh tur ka hrethiam ve vek. A mizia pawh ngaihtuah in kei nen pawh hian kan inang lo lutuk.




"Nu...vawiin chu inrinni a ni tho a, ka lo haw ve" ka nu rawn kal bulah chuan ka ti a, zanin ka haw ve ang a, naktukah ka thlak leh mai ang a. Zothankima vang ringawt pawh hian ka chau tawh, engmah ka ngaihtuah thei tawh lo.


"Va haw rawh... Puipuia pawh ka ngai ve tawh alawm" alo timai a, ka lawmzia chu ahh....
"I u alo kal dawn, in haw rual dawn nia" a tih chuan ka bag la chhuakin ka insiam nghal mawlh mawlh tawh. Puipuia awmpui ngawr ngawr hi ka ning a nilo a, Zothankima vanga haw ngen ka ni. A hmel ka hmuh ringawt pawn ka zam thei.


"Nih nu bye aw" tiin Puipuia nen chuan ka bye lauh lauh a, kan hreh ve leh hnuhnawh a, ka ngai dawn hle mai.




In ka thlen chuan ka intifai a, rawng ka bawl pah bawk. Eng pawh chu lo nise...in ai baka nuam hi a awm lo anih hi. Kan inah chauh hahdamna a awm, ka duh engkim ka nei nghal vek bawk. Abak engmah ka mamawh tawh miah lo.
"I nau chu enge a an a?" Ka pa chuan a ti a, Puipuia chanchin tlangpui chu ka lo hrilh ve vat. Zanah ka u nen an kal tur thu a sawi a, naktuk chawlhni a ni bawk sia, tuna kal kha a pawi lo zawk.




Ka pa te an kal fel hnu chuan khumah mu in ka phone ka khawih melh melh. Hmuhnawm hi a tam bawk si, ka battery a low te anih ngawt loh chuan ka tawpsan thei ngai lo reng reng. Film ka en tui lai tak chuan ka phone a rawn ri a, ka en chiang chu Zothankima lek lo niin. Avan ninawm reuh tak e aw...la lo chuan ka ring ral ti ta thak. A rawn tileh zel a, a vawi 3na ah chuan ka chhanh ve ta chauh.
"Enge??" Ka tivak, inah lehzel chuan min tibuai lo se ka duh.


"Lo chhuak teh" teh tlawng chuan, ka bulah khatianga a awm tawh hnua ka chhuah leh ngam a ring reng reng e maw ni?? A teuh lo mai.


"Ka duh lo"


"I duh leh duh loh ka zawt lo che" a tichang bal mai. Ka ngei reuh lutuk. Mi duh loh chung hruai chhuah tum tal, police ve si.


"I rawn chhuah loh chuan ka lo kal mai dawn ami? Nangmah chauhin i awm tih ka hria a nia" ka phone chu keng hla in ka en ta hu mai, damdawi in ah a kal sa anih ka ring ta tawp.


"I ngam chuan..." Ka ti chiah, phone chu a rawn cut nghal zat. Awii leh...a ti leh tak tak dawn tih ka hriat vang chuan ka tho nghal vut, pawnah ka chhuak nghal a, alo chhuk ve mek chu ka hmu nghal zat. Kan kawngkhar chu ka hawlh kalh a, ka kal leh tur chiah chu ka bul alo thleng fel leh der tawh. Chhoh ka tum reng a, ava han ninawm tak em!!!!




"Ka rawn kal reng hi" ka tinghal hlur chu min lo nuih suk a, a banah ka beng nghal pawp. Ka te ngawih ngawih in ka inhriat phah, a thu thuin min dah a tum te hi ka ngaihdan a nilo lutuk. Leh lamah zah leh hlauh em em a nei bawk silo, keiin zah ka ngai lawi si. Ka ning em mai, sawi dan pawh ka thiam lo e ah !!!


"Kal ang le.." tiin ka kutah min rawn kai a, ka lo hawi ha mai. Inkai chunga kawngpuia kal ka duh lo reng reng. Min kaihna chu thing thlak tum ka bei a, min zuk thlah duh thak lo a. Hmela mai mai chuh...


"Aih...inkai lo ang, hei ka lo chhuak tawh tho a, i duh chu tihian sawi mai rawh" dam deuh zawk chuan ka ti a. Kei ai a luhlul zawk tih ka hriat tawh miau avangin awka vin in ka be duh tawh lo. A sual a chhuah leh vaih chuan min hnuk chho duh mai ang.


"Sawi duh ka neih thu ka sawi reng reng lo, i bula awm ka duh mai zawk a ni" a rawn tih chuan min kaih lohna lam zawk chuan ka beng leh nghal pawp. Chutiang mai mai a min han tihbuai em em chuh...ka ngei lutuk.


"I bula awm ka duh ve hleihnem...min thlah vat rawh" ka ti a, mahse a hmel atang chuan a tum tehchiam lo tih a hriat reng reng mai.


"I inah pawh kan awm thei alawm, ka ruala ilo kal duh loh chuan" ti sam et in kan kawngkhar chu hawn a tum a, ka lo dang nghal vat. A chi loh reng reng, ka paten rilru mak deuh a pu tih an hriat ka duh lo hrim hrim.


"A tul lo... khawngaih in haw mai teh, keimah minti hrehawm mai mai a nia aw" ngen tak te in ka ngen tawh. A awmdan hi ka duh lo reng reng.


"Ka duh dan in ka awm ve ang ka tih tawh kha. Min zui dawn nge kan lut dawn??" A ti a, a rum tha leh tawh lutuk. Ka hlau angah a inngai em maw ni!!!


"Nih chuan ka kut hi thlah phawt rawh, hmuhnawm siam ka duh lo" ka ti a, ani pawn min en vang vang pahin min thlah ve mai bawk. Mi mawl anih hrep hi. Min thlah velah chuan hmanhmawh deuhin kawngpui lamah chuan ka chho nghal hlawk hlawk, ka tlawm remg bik chu ka la na ve tawh takzet. A bolero bulah chuan ka lo ding ran a, a rawn thlen chhoh ve hnu chuan passenger seat hma lam chu a rawn hawng a, ka en ha mai.


Lut turin min signal a, rum zeta melh pah hian ka thu lut vut. Sual hri hre lutuk mai, ka theihghilh miah lo ang. Bolero chu rawn kal hualin driver seat ah chuan a rawn thu lut a, rei loah a tlan chhuak nghal vat. Min sual luih han tum na teh se...ka mipatna ah ka tlawh khawp ang le....


"Hahdam rawh...ka ei zo dawn lo che" a rawn tih chuan ka ner nang...a awmdan atang te chuan tuin nge rap lo bik ang. A bula awm hahdam lohzia te hi a hrethiam miah lo anih dawn tak tak hi ah...


"Khawiah nge kan kal dawn? Ka pa te an awm bawk silo, in chhuahsan rei chi a nilo" ka ti a, a ngawi reng. Ka ngei tawk lo tling ve hle tawh, ka be malek ang.


"I duh thua min zui i ni lawm ni?" A tih chuan ka thinrim ngang tawh mai. Tunge min votu kha??!!


"Ka duh thuin ka zui thlawt lo che aw, min vo kual vel anih kha" ka tilet hrep, ka thu hian ka kal lo ve chiang em mai ah. Zanin chu ka duh tawkin film ka en ang ka tive asin le, ka ning e ah...


"Ei chak i nei em?"


"Nei mai mai lo, ka haw duh" ka ti a, a nui tut tut rreng chu ka hmu ve kar. Fiamthu hun pawh a ni tawh lo, engkimah hian thu ber emaw hi a in ti a, ka ning tlat.


"Nih chuan ka duhna ah ka hruai mai ang che"


"Engmah ka ei chak lo, ei tur ringawt hi ka duh a nilo" ka tihap, thil hi a hrethiam duh ngai bawk silo. Engvang a min duh ngawt nge a nih le??? Ami duh ve dan te hi...min tihlau ve hrim hrim hi a ni ringawt alawm le


"Ei tur leh pangpar bakin thlem dan tur che ka hrelo a" lu tuai vut paha a tih chuan amah chauh chu ka en, zak hmel a pu ve deuhin ka hria.


"Setana i ni ringawt alawm chu...mi thlem reng renga khawsak te chu ah!!!" Ka ti a, a rawn nui suk. Keipawh ka thusawi vang chuan ka nuih aza ve reng, mahse tilan erawh ka tum hauh lo.


"I sawi apiang ka ni mai ang" dam deuh zawk hian a ti a, hmalam ka hawi hmak. Mize hrang hrang hi a nei bawk si, han tihvak ngaihna pawh ka hrelo e ah


"I thutak lo tih sawi hram rawh" ka tisup, tunah chuan keipawh ka thinrimna a kiang deuh tawh a. Rilru fim put ka tum hram hram a ni.


"Ka thu tak...ka thu tak mah mah zawk, englai atang nge....nilo... thinrim taka min an khum atang khan a intan daih tawh" a tithum dat, a aw phawi atang hrim hrim pawh a thutak ve hle tih ka hre thei mai.


"Nangmah ka hmuh che hian natna bak ka hmu lo, kan kum a inthlau chu thuhran...kan dinhmun pawh a inang lo lutuk a nia. Kei ai tha i hmu hnem dawn lutuk" tiin ka chhang a, darthlalang atang chuan amah chu ka en reng a. A awm dan engkim chuan min hip a ni, ka zep lo. Mipa mizia ro ro ah pawh ka duh chi a ni. Mahse inkawp chi kan nilo...kan na mai mai dawn in ka hre tlat a ni.


"Dinhmun ka ngai pawimawh lo, eng ang pawh nise ka tana tha tur chu ka hria. Min hnar chhan tlakah ka ngai lo" a tiduh lek chauh. Engvang pawh hian ka hnar dawn...ani nena bul tan ka duh lo. Kal kalkawng chu ka en a, bazar bungkawn lam kan pan tih ka hria. Khawiah tak min hruai ang maw!!! Police officer lai a ni a, atthlak taka a chet loh ngei ka beisei....


"Keiin ka ngai miau sia alawm. A reng rengin kum 19 leh 32 chu a inthau ve mah mah alawm. Miten min nuihzat mai mai dawn asin" tiin ka chhang leh a, rapawm zet hian a nui suk. Eng hi nge a ngaihtuah ve ang le???


"Kum tharah 20 i tling dawn a, i naupang lua tawh lo" a tihleh chuan a hma aiin ka beidawng zual. Min tichau...


"Mite nuihzat i duh ami? I pa MLA a nia...mite zah rawn a nia. Chuta kara mi rethei fa, kum naupang bawk i neih chuan miin an sawi nasa dawn lutuk che, kei thleng pawhin. I pa hmingthatna ve zawng zawng pawh i tihniam zo ve thei. Inngaihtuah chiang rawh, tun hun chauh ngaihtuah suh" ka ti ta deuh duah, ka hnar ani tih hrethiam se ka duh. I mawl a nilo a, mi sawi sep sep nih te hi a hreh turah ka ngai. Nun ho deuh nei ang maiin ka hmu tawh.


"Ka buai lo ka tih chu...min duhna chiah ka mamawh. Mi chuan an duh tawkin min sawi rawh se, engah mah ka ngai lo. Nangmah chiah ka duh che" a tih leh chuan amah en chuan ka thaw hak, kan inhrilh fing dawn lo anih hi. "Anih chu..." Ka ti ta tawp, tunah hian ka beidawng hle a ni. Tiang mi luhlul lutuk...ka hrilh fing lo ang.




Electric peng pan pheina sakawrpuilui ah min dinpui a, mi an lo awm deuh laih laih mai. Ei tur an ken danah thil zawrh chu an nei a ni.
"Lo awm rawh" tiin a chhuak a, a che vel engkim chu ka lo en ve reng. A lu lian lutuk ah sawn enge awm ang maw. Hrim hrim in ka ân khum vak vak te chuan min ngei emaw huat awm zawk a nia, mite lo duh daih te chu a awm hreh thlau hi ka tive tlat tawh. Mi awm tha hle hle lai duh der silo, mi thinrim lai kher....Awiii....ka ning ahhh!!!! Ka ngaihtuah reng bawk si.




Ka phone chu phawrh in notification vel chu ka en a, Ruatdika message alo awm reng.
"Min call hnar tawh" tih te mai hi a ni. Ka lo theihghilh ve chiang a ni. Mahse a hrim hrim in call kha ka tum vak lo hrim hrim...engmah sawi tur pawh ka hrelo. U ang bakin ka en thei lo, chu chu ka chezia ah pawh ka tilang ve chiang viau chuan ka inhre ve. Min biak luih zel chhan hi ka hrelo hepa pawh hi. 'Ka tihpalh' tih te zawmg chuan ka chhang, sawi tur dang hre hek lo.




Zothankima chu thil keng bawr luih pah hian alo let a, ka lo en leh reng tawh. Thil mak ve deuh chu, Zothankima anga mipa hnaih hi ka nei lo, Ruatdika chu thu hran, ani chu u angin ka en tawh a. Zothankima pawh hi tihluihna chu tel tho mahse, zana ka chhuahpui awm chhun a ni.
"Kha le..." Tiin a thil lei chu min rawn pe a, ka lo la ve mai. A tui hmel em em lehnghal. Kan ei chhin chu alo tui tak tak reng bawk, hei vang hi anih hi mi hian an lo bawr luih luih.


"A tui reuh hi..." Ka ti a, a rawn thutluh pah chuan a nui suk chu ka hmu thei. A mood hlimawm chi ah a awm leh tawh anih dawn hi.


"Haw tawh ang, hei chu inah pawh ka ei thei" ka thil ei malh malh pah hian ka ti a, a lungawi loh hmel ngang mai. Tum loh deuhin ka nui tak hak.


"Tikhan i mawl hmel lutuk...." Tiin mitko san ak chu ka en a, angry bird a ang reuh lutuk. Ani pawh a nui ve bawk, a biangsum chu a lang kalh a, a lang hmeltha zual sauhin ka hre thung. Tinge tianga nui mawi nei si hi, a tum buau zel le??? Han pangngai deuh se chu midang pawn an star rawn a ni dawn hrim hrim.


"Duh dang i nei em?" A tih chuan ka lu ka lo thing vak, hei pawh hi riltam viau lo ila chu ka ei thei chuang lo ang. Ka ei zawh chuan haw bawk ka sawi leh a, a tum leh ta buau mai. Mawl reuh lutuk mai.




"Thil min lei avangin ka lawm e...muttui phawt mai le" bolero nghena a din lai chuan ka tisup, ani lah chuan hmuhnawm tizet hiaj min lo en reng bawk, ka zam leh tan lek lek tawh. Zan dar 11 a ri tep tawh...ka pa ij thil min lo zawt nasa ngawt ang.


"Gift ka dawng thei angem?" A tih chuan hrilhhai zet hian ka lo en a, rawn chet hrut in ka bng tawn tawn ah a kut chuan min vuan a, a lamah chuan min kai hnaiin ka inrin hma chuan ka chalah a rawn fawp a. Ka hrilhhai bawk si chu ka che miah lo in ka inhria, tawng nachang ak hrelo bawk. Harh chhuak vatin miin min hmuh leh hmuh lih ka en a, tuman an awm lo. Mahse ka zat tho tho....ani lah hian zah fahran hi a nei bawk silo...min tihah....