Chapter 5
PUII POV
" Eng thu maw i sawi "ti a rinpuian a en reng mipa chu ka haw so bawrh bawrh, john chu khi deuh suk a ka lam chu lo hawi in" i hriat zawh tak chiah ang kha ani mai" ti a thu hniam in bawihte chu a nuih suk rinpuia mitmeng a zawhna tam tak lang chhuak chu mi a nilo tan chuan hmuh loh chi pawh anilo.
" bawihpui i ril a tam tawh em, ice cream te i ei chak em" ti a bawihtea sam chul sak tu chu ka pan phei pawk pawk . Bawihtea chu pawt hrang hlawk in ka hma a chuan ka din tir nghal john pawh chuan min en chho in reiloah alo ding chhuak ve ruai ruai , ka thinrim lutuk chu tawng pawh ka tawng chhuak thei lo ka khur ru dar dar.
Bawihtea chu en in kei chu min en leh in ka bula ding mipa rinpuia chu en leh in a ner sawk. A awm dan chu ngeiawm tak hi ani" naktuk a engkim a chiang vek ang chuan heihi hria la ka duh" ti nghet charh a rinpuia nen chuan min en tawn zeuh in.
" ani hi ka fapa" atih lai mek chuan vin zet hian bawihtea beng hup sak pah a rum zet a en in" i duh tawk thei tawh em ka fapa hian tiang dawt thu awmze nei lo kha hre lo se ka duh, chuan nang hi bawihtea pa a ilo in ngai maw" ti a nui chhuak hak in ka nuih azat vang erawh ani hauh lo.
Ka bula ding rinpuia ngawi run chu en in" in chhungah lo va luhpui rawh rinpui ka rei lovang " ti a ka hma a ding ngawi ngul chu en ram ram in " min lo zui rawh" tiin ka pen sawn nghal , in hnunglam pan chuan ka kal a ka ding deuh dat heta tang chuan kan thusawi an hre thei tawh hauh lovang
" eng thu laktlak loh nge i sawi ziah hi i hria em jail tan theihna ani tih hi i hre bawk em" ti vin nghek in ka bula ding run chu ka vin deuh chiam a. " hrep tak che hian min vin chiam suh chuan tham lo deuhin min be tawh bawk suh" ti ve nghut in min en run a ka nui leh hak
" chu chu ka thu ka chunga thu neihna nei tu chu Pathian leh ka nu leh pa te chiah an ni bawk. Enteh bawihtea pa anga i in ngaihna rilru hi dah bo rawh eng ti kawng mahin bawihtea pa i nih theih dan tur hi a awm hauh lo. Nge ni a nang hi chian loh na i nei te ani lo maw" tiin ka en chho ha
Thaw chhuak hrawi chung hian" tak zet "tiin a sam buk lam lek lek chu a tuai chho puat , a lian bawka a chet zawng te chuan hmuh nawm khawp a en tur taksa a nei " naktuk ah engkim a lang vek ang, i fapa saw ka fa alo ni ngei anih chuan hre rawh kei hian pa nei lova a awm hi ka duh dawn hauh lo" ti nghut a min en run in
A sawi zawm leh " naktuk a ka lo kal ang DNA test result nen , ka fapa anih loh chuan buaina tur ka nei lo tihna ani mai, buai vak tur a awm lo mahse ka sawi hmasat tak ang khan ka fapa ka thisen ngei anih chuan fahrah ani dawn hauh lo" ti nghet charh a in her in kal mai chu a tum a vin deuh tak hian.
" i a tak zet tawh anih kha kar khat thil thu a i fa hi ka pai itihna ani ang maw" tiin ka nui hak hak lo in her leh ruai ruai a khi suk in" ani mahna mahse bawihpuia hi ka fa ngei ani chu chu naktuk hian a chiang bawk ang. Chuan kar khat lek a chuan nilove mahse i lo awm tawhna te ngaihtuah la i school kal na te party zan te " atih khik suk chuan ka meng buai nak.
Ka hmel lan dan chu a hre thiam ani mahna khi leh deuh suk chung hian" lo ngaihtuah ve tawh mai rawh" tih leh kal a rual nghal a . Ani khan eng thu nge a sawi kha eng party chungchang nge nilo ani kha chu ani lovang sex kan hman leh hman loh pawh ka hriat loh laiin ani kha chu ani lul lovang, nge ni a ani hi alo ni tak tak anga bawihtea hi chhui in a fa anga lan tir tum in min laksak a tum zawk tihna em ni.
Ka rilru chu a buai ru kher mai ka dar min lo khawih tu an awm vang chuan ka phu deuh zawk , rinpuia chuan min lo en vung vung chung hian" i tha maw enge khapa khan a sawi bawihtea hi apa tak tak ani em " tiin ngun zet hian min en a ka lu ka thing deuh nak nak ka chiang ngam ta zan lo ani khan eng thil emaw ni tak chu hriat a nei ngei ang.
" enge awmzia" atih takah chuan ka chal chu dawm vang vang in ka thaw chhuak deuh hak " ka hre lo , ka hrelo tak zet enge ka chungah hian thleng bawihtea pa chu ani theilo nise hmana khan alo in lan daih tawh ang chu" ka ti chhuak nawk nawk rinpuia ngawi ngul reng chuan min ti awmnuam lo zo vek
" ani lovang " ka ti leh ringawt enge mawni ngaihtuah nei hmel pu hian rinpuia chu a ding ngawi run a ka awm te ati nuam lo zo vek. " nie ani lovang "ati chhuak ve ta nge nge . Ka thaw leh halh ringawt rei awm tawh lovin ani pawh a haw a kei pawh ka lut zui ve nghal. Bawihtea chu api in chaw alo hrai a an piaha thu chungin john chuan bawihtea leh api te chu uluk zet hian alo en ve run bawk.
Eng vak sawi tawh lo chuan chaw te chu kan ei a ka ei tui lo kher mai, ka pa leh john pa te chu an ti ti malh malh a john chuan a chang in alo tui hnih ve zeuh zeuh tih loh chu a tawng bik lo. Chaw ei na te seng in kan zawh chuan in khawm turin kan in siam a kan zawh rual in kan chhuak ve nghal
" anu ka ril atam "ti nang nang chu a sam a chul sak zeuh in ka nuih lui sei ka awm a nuam lovin kha john a thusawi kha ka rilru a a awm reng ringawt. Vawiinah eng kim i hre vek ang ati anih kha. " bawihte lo kal rawh thil ei ang" ti tu chu rinpuia ani class a la lo alo kal ani ngei ang.
Kan bul vela awm te chuan min chhaih leh nak nak hlawm , mi zawng zawng hian min hrethiam in min fak vek thei lo, kan hnung lam atang min sawi sel tawk te pawh an awm ve nuk ang. Mahse engamah ka ngai lo lui ve tlat, ka tana tangkai lo thu te hi chu hriat reng tum lo ila nun a hahdam ani mai.
Class te kan bang a rinpuia chuan min en zeuh zeuh thin a zawhna tur awm ang chu ka hre thei, john thusawi kha ani pawh hian a dik leh dik loh thu hriat chian ve a duh ngei in ka ring. " john chuan alo be tawh che em" atih sup chuan alam chu ka hawi zeuh a motor khalh lai hma lam chu a en run thung.
" be lo dawt bak ani dawn lo" tiin glass lam chu ka hawi daih min chhang lovin a car khalh lai chu a khalh ngai in a khalh a, keipawh ka ngawi reng kan in kawt kan thlen rual in bawihtea chu phur zet a chhuak tharh in rinpuia chu nuih sang in.
" daddy by api in ice cream min lei sak a" tih leh tlan a rual nghal rinpuia nen chuan in en in kan nui ta tawp" ilo peng dawn em" tiin chhuah tum chuan a hawnna chu ka vuan a alu chu thing zeuh in " peng lo mai ang zan lamah ka lo kal hman chuan ka lo kal dawn nia "ati sup bu ve zeuh a kawngkhar chu hawng in ka chhuak ve nghal ani pawh a tlan chhuak ve nghal.
Zanah chuan john chu alo lan ka rin teh reng nen alo lanh miah lo ka thaw veng hawk, a chhan pawh a thusawi kha a dik lovah ka ngai hmiah bawihtea chu en in a sam chu ka chul sak hauh hauh, pa nei lo tawpa a han awm hi ka in thiam thei lo mahse kei hian apa ka hre miau lo apa pawh hria ni ila eng tin nge ka tih chuan ang ka in ngaihtuah nasa lutuk chuan ka lu ati na vek thei hial.
Kan dam a hun te chu a kal ve zel a inrinni ani ta der john pawh alo lang leh tawh lova, kha ni bak kha chu chuan bawihtea pa anih loh zia a nem nghet a ka ngai hmiah. " anu hei papa in min lei " tiin rinpuian jcb alo lei sak ni ngei tur chu ka fapa chuan min lo pan phei in min hmuh a ka nuih ve hak.
Ka nu dawr ka nghah pui a rinpuia pawh bazar angai ani ang alo peng ve a bawihtean a ngen miau vang in a hruai ve ta ngawt kha ania, " bawihte apa in jcb a lei bik bik che elaw ava tha ve "tiin ka nu chu nui hak hak in a tupa thil ken chu en sak in an in chhaih nui leh hak hak rinpuia chuan min en zeuh in" thil ei ila" ati sup " ila ei lo ami "tiin ka nu chu en in" enge i duh ang hei rinpuia leh bawihtea hi thil ka va ei pui ange ka lo pack tir ang i duh sawi la" tiin ka in siam tha sawk sawk.
A duh te chu sawiin kan rei loh tur thu sawiin kan in zui chhuak hlawm a min en deuh vang vang thin te chu ka hmu nie chhungkaw in ngeih tak te pawh kan ang ta ve ang . Kan piaha john ni ngei tur leh kan mizor miss ni lai mek loin zui phei te chu ka hmu a ka ding chawt ka hmuh duh loh ber te zing ami ani miau.
Tun lai hian social media a an thang dun nasa in an in kawp tih thu thang lah a tam an lo lar dun bawk a an thang chak viau. Enga mah ka ngaih loh vang in an chanchin erawh hriat ka duh vak lo mahse an lar dun em a short leh eng emawni a an lang dun nasa bawk nen hriat loh theih pawh anilo
Dawr chhung kan luh rual in bawihpuia chu min pe in " order ka va siam ang tah sawn lo va thu ula "tiin thutna awl lam chu a en zeuh Bawihtea nen kan thu fel awr tih a thawm a awm deuh huk , ka hawi kual lem lo a chhan pawh lo lut mek te hi ka hre tlat " in biak kan ngai" ti tu chu biak let chu sawi loh chhan enah pawh ka en lo A dawh theihna in atlin lo nge " i hria em ka thusawi chu nge ni a he dawra awm zawng zawng te bulah hian ka fapa hi ka sawi chhuak dawn" atih nghut rualin ka hawi chhuak nghal
THING TIAK 5 BY PIANI THLAUHTHANG
ADVERTISEMENT (A hnuai a milem hi a nia hmeh zeuh tur chu)
Who is online
Users browsing this forum: Google [Bot], Google Adsense [Bot] and 57 guests