KEI LEH KA PASAL ( CHAPTER -14)

Episode kal lai dah luhna
Azelea
Posts: 1
Joined: February 4th, 2025, 6:27 pm

KEI LEH KA PASAL ( CHAPTER -14)

Unread post by Azelea »

KEI LEH KA PASAL

CHAPTER 14



Dindini chuan a phone ve tak nain, a chhang duh miah lo leh nghal a, han ang khum bawrh bawrh thin mah ila, tunah tak chuan a mangang ber ber Ka ni leh der tawh. A ni lah chu Ka mangan Zia leh Ka ngaihtuah zia hre lek loin, naupang ang mai hian a khawsa leh ta nghal a. Ka ngaihtuah chian hian thin a rim tun thei. A la naupang vang hian ania, inthen mai pawh ka duh tawh ni, midang ngaihdan leh duhdan ngai pawimawh lo in a duh dan te hian Kal a tum tlat zel a. A thinrimna a la thunun thei thin bawk silo, kan buai phah ve fo reng hi.






"Ei san mai ang, a duh hunah a haw loh chuan a rawn let ve leh mai ang" la thinrim tun chuan ka ti tak nain, Ka riltu tak chuan ka ngaihtuah ve khawp Mai. Dindini pawn engmah a sawi zawm tawh bik lo a, Aizawlah a haw chho lo anih chuan, keini pahnih kan awmdawn lo a, engti kawng zawng mahin, a ni hian chaw a ei thei dawn lo tih chu a Chiang ber tu Ka ni ang.





"Duh leh thenawmah chabi chu kan dah mai anga"Ka ngaihtuah na hria niawm taka Dindini arawn tawng chuan phawk zet hian Ka melh vat a.Lo nui ruh ruh chung hian,"I ngaihtuah zia chu, I hmelah a lang vek alawm"arawn tih chuan chhang let lem loin, ka ner vak vak ringawt.





Naupang ho Ka zirtir Lai pawh in, Ka rilru Ka pe hleithei meuh lo. Sawmzuala kha lo haw tase, kan thenawmnu Khan a lo pe Mai a ngem? a lo haw leh haw loh va en na changte kha a hria angem? Sawmzuala kha chuan a ma thuin zawhna Chang a hre dawn der silo, Ka ngaihtuah na chuan min to Chau ve hnawk thei."Miss Sangtei, chu vawiin I nuam sam vak na nge"kan thawhpui, Sir Gos-a chuan arawn ti a.Za vak lo a nuih sak pah hian,"Nuam lo lo e, Ka tha lutuk"Ka ti nghal vat a."I nawm loh hmel riau, period I nei tawh lo a ni lawm mi? Hei ban a hun tep tawh tho a, han lo haw Mai la, I haw na tura hla ber leh nghal"a lo ti leh nghal vat vat a. Chutia a sawi takah chuan ka thawhpui dangte pawn in thlahrung lo Turin min hrilh nghal liam liam hlawm a. "Ka tha alawm"tiin Ka lo chhang vat hlawm a. Heta thawk zingah chuan a junior ber Ka ni piah lamah, a mihring ang zawng pawn Ka naupang bera, lo haw hmasak ngawt chu fel viau hlawm mahse, a inthlahrunawm





Father berin,"Nia, I nawm sam loh chuan haw mai rawh. Khi dar 3 pawh a ri tawh mai dawn a, inthlahrung duh suh"arawn ti ve vat a. Chutia Father berin arawn tih takah chuan ka hnial buai duh ta em bik lo a.Sir Gos-a hi chu tlangval senior kan tih Ang hi a Nia, heta thawk zingah chuan a upa ber a ni bawk nen, Father thleng hian an zah thiam ve thin khawp a. Tunah pawh Khan a man sawi chhuak kher lo se chu, Ka haw theih kher ka ring hran lo.





Rilru kap tunin, Mualvumah chuan ka haw chho nghal vat a. Sawmzuala bawk chuan a ni, Ka rilru luah chu ni, inah pawh lut hmasa loin, kan thenawm chabi kan dahna hmun lam chu Ka pan nghal vat a."Nu Manuni"kawngka a lo inkhar thiap avang chuan tiin pawn atang chuan ka au lawng lawng a,"Eng nge Nita?"kawmthlang lam atang chuan min lo chhawn let thuai a."Chabi kha rawn lak Ka tum a"kawmthlang daih a awm a ni bawk nen, kan in au lawng lawng reng Mai.



"Aw, min lo nghak lawk rawh"a tih hnu rei vak loah, kawnghar chu arawn ri rakah, Nu Manuni chu kut berh luai hian arawn ding teu Mai.Min nuih ver ver chung hian,"Kan vawk hian note NEIH tum a, hei min tibuai khawp Mai. Vawk hi chu ven reng ngai an ni bawk nen, feh pawh Ka feh ve theih loh phah"a lo ti nghal zung zung a."Note a nei dawn elaw?Ka lo hre ve reng reng hlei hnem let"nuih sak paha Ka tih chuan.A buai Zia thu leh, an vawk sual ziate chu a sawi zui leh luam a. mahni tawk a hmanhmawh tawh teh reng nen, a inrem hlawl thin lo.




A hnu deuh ah chuan,"Uii, kei hi Ka lo ti leh hlaui thin. Khi fridge bulah khian Ka khai khi, han la rawh. A tawng ta chi tih takah, Ka lo tlak leh duah zel"a tih takah chuan,"A ho lutuk"tih pahin chabi chu Ka la nghal vat a.


Intifai tete in eirawngte chu kan bawl let rih a. Sawmzuala lah chu a chin ka la hre der silo, ngaihtuah loh theih loh hian a awm thin a, min ti hah zo vek tawh. Chutia Sawmzuala ngawt ka lo ngaihtuah lai chuan ka phone chu arawn ri a, Sawmzuala a nih ringin hmanhmawh zetin, ka phone dah na lam chu ka pan nghal vat a. Min rawn call tu ka hmuh erawh chuan, nuam lo ka ti nghal em em ringawt mai ni. Lak loh ngawt lah tih chi ni hek lo, phur vak lo hian,"Eng nge Nita"ka lak rual chuan ka ti chhuak sep a.





"I nuam vak lo em mi?"ka tawng zuai lutuk vang nge Albert-a pawh chuan arawn ti a,"Nuam e, eng tikah nge I rawn haw theih ang"ka awmdan chu ka inthlahrung leh deuh nen, ka ti ve nghal vat a,"Naktukah, I hman chuan min lo hmuak la"nuih hawk hawk paha arawn tih chuan, za vak lo hian ka lo then ve sak a.Naktukah arawn haw chuan, zanah arawn leng duh ngei a nga, Sawmzuala hi la haw lo tase, engtin nge ka tih tak ang. Ka rilru chu a buai nghal nuai mai. Sawmzuala ber lah chu a biak theih thak loh leh ta nghal a.




"Min chhang lo a"leh lam ami in, arawn tih leh takah chuan,"Ka hre lo le, school kal ka ngai dawn si a"paingai tak chuan ka ti chhuak thei hram a. Dik taka sawi chuan, Albert-a lakah pawh hian ka inthlahrung ngawih ngawih, Sawmzuala lahin heti lai thleng thleng in min rawn awmchilh leh ta si a, engkim hi a buai vek tawh mai ani.





"I nuam vak lo aniang. Min chhang tha duh lo em mai?"arawn tih leh takah chuan, ka ngaihtuah na atang chuan ka harh chhuak zawk mai. Ka rilru ka lo kawmna sa thei lutuk hi a buaithlak Chang a tam."Chutiang pawh a ni chiah lo"ka ti nawi niah a. Ka inthlahrung ve deuh bawk nen, han biak reng te hi ka hreh zo vek, inngaizawng tia sawi tur chu ni chiah lo mah ila, thian aia thuk chu kan pahnih inkarah a awm tawh tih kan hre ve ve a, chuta Karah kei ka pasalin min rawn la luh khung leh zel si nen, nuam ti taka biak chu a har ve det ani.





"A nih chuan lo in enkawl tha la, Eng nge ka lo hawn ang che?"arawn tih leh takah chuan,"Eng mah rawn hawn duh suh. Nangmah kha rawn haw la a tawk mai"ka tih chuan, phone atang pawn a lawm ve hmel viau mai. Kan inbiak zawh meuh chuan alo tlai duai tawh.Kei erawh ka buai tulh tulh thung. Ka awmdan hi ka hrethiam thei lo, Albert-a ka biakin emaw, a bulah ka awm in Sawmzuala ka rilruah a awm tlat zel a. Sawmzuala bula ka awm lah in, Albert-a ka ngaihtuah ve leh zel hian awmdan tur min ti hre thin lo.





Sawmzuala kalsan tak tak ka han tum meuh chuan, ka hmangaih hmasa ber leh ka pasal lai lo ni ve tawh a nih avang hian harsa ka ti a. Albert-a lah ka mangan laia ka kianga awm a, min fuih reng thintu a ni bawk nen, a thil lo paltlang tawh te thleng a, hriatpui tu tan chuan kalsan a harsa em ani.






Rilru buai Zeta ka lo thut ngawih reng lai chuan Dindini pawh chu arawn haw ve thei hram a."I rilru a va han hah hmel ve a"ka awmdan a hmuh rual chuan arawn ti nghal vat reng a. Ka thiantha ber leh, ka tana awm reng thin a nih avangin a lakah chuan zep neih buai vel ka duh lo,"Dik tak chuan Dindin ka rilru hi a buai ani. Sawmzuala hi kalsan tak tak ka tum hian, ka ngaihtuah chian pauh leh harsa ka ti, mahse leh lamah Albert-a alo awm ve leh tawh si a, eng tia han tih tur nge pawh ka hrethiam lo"rilru buai nuai chung chuan ka ti chhuak hap a.





Dindini pawh chu ka bulah rawn thuin, ka thusawi chu ngaituah zui niawm tak hian a ngawi vang vang a,"Ka thian I ni a, in tana tha tur bak hi chu ka duh ngailo, mahse hemi thil thuah hi chuan, nangmah hi ni ka dem zawk che. I pasal Kha ngaihzawng nei anga ngai in I rawn tlan tauhsan a, inthen na mumal awm miah loin tihian mipa dang chu I ngaihzawng san ti ila kan sawi sual Chuang lo ang. I pasal awmdan ang chiah Khan I awm a. Sawmzuala tak phei chuan ka bula a sawi hmangah kha chuan, in ineih hma thil thleng a ni awm a.In inneih hma a nih avangin han huat hnu hnuh kha a tha ber em ka hre lo. A chhungte chu an alo sual viau a nih pawn, I pasal berin nangmah a tan a a dah pawimawh ber che kha a pawimawh ve zawk tlat asin.I pasal nu leh pate pawh hi dem theih em em an nilo, nang phei chu I pasal an duh loh vangin, I chhungten an tuithlar hial che. An ni erawh in an lo tuam hlawm zawk che u a, ngaihtuah chian chuan an tha lutuk zawk alawm kawng leh lam taka sawi chuan, ka hretam lem lo nain, Sawmzuala hi chuan a hmangaih viau che chuan ka hria, Albert-a hi I sawi tak ang Khan, a thil lo tawn tawh te leh tuna in lo awmdan ah hi chuan ka dem hranlo, nangmah ber hi nia pawimawh chu, a hun hmasa lam avang pawh Khan kalsan dawn ta la chu a tuar thiam lo viau mai thei a. A chhan pawh hmangaih na avanga lo tuar hrep tawh anih avangin, a nat zia a hre Chiang anga, Chutiang ai chuan chelh tlat zawk che pawh a tum mai thei. A nih loh vek pawh in a thlah zalen mai thei bawk che. Kha chu ka hre vak tawh lem lo, duh thlan naah kha chuan nangmah I pawimawh ber "tiin inthlak Turin room lamah min pheisan nghal a.






Dindini thusawi chu a dik thlap ve ni hian ka hria, Eng emaw hlekah keimah ber hi ka vui loh leh, ka pasal ka thinrim khum ngawt zel a. Mo atana min lo itsa ni bawk si lo te tan kha chuan ka huatthlala awm ve dawn em a. Duhthlana ber hi ni ka buaina chu, ka natna kha ka dah Lian em a, engmah hrechiang mang lo hian ka duh dan ka ngaih pawimawh bawk a, chu chuan tun din hmun hi min hruai thleng ta a ni ber.Sawmzuala nen Khan lo inthen pawh ni ila, mipa dang lakah hlimna leh thlamuanna kha lo zawng miah lo tur ka ni asin. Midang tawrh na hre leklo a, vanduai bik leh tuar nasa bik riau a ka inhriatna Khan, ka chhiatna tur lam min lo pan pui reng zawk ta si a.





Khua a thim thet thet tawh tih ah chuan kawngkhar atang chuan Sawmzuala chu arawn lut hlawl mai a. Phawk zet hian ka en nghal kawk a."Sawmzual"Dindini pawh chuan a tihluai ringawt. Mak kan tih dun em em laiin, a ni erawh a paingai fu a, mak tih loh na chi rual ni hek lo, a haw tawh amaw kan tih kha, zinga a thawmhnaw hak fai zet kha, bal zet hian arawn ha haw a, cement te a kai leh nghal in nia ka hriat ni.A mitmeng chu a dul ruih a, a chauh hmel viau bawk.




"Eng nge I tih a,I thawmhnaw te chu"chutia chik taka ka lo en lai chuan Dindini chuan a tichhuak deuh hluai a. Keiin a chhanna hre chak deuh in ka lo melh ve reng a, Sawmzuala chuan mi rawn en zawk hnuah,"Cement chawk in ka in hlawh ve a"zawi ang reng tak hian arawn ti chhuak sup a,"Maw?"Dindini nen chuan kan ti rual dun nghal thawt a. A ni hian cement a chawk a amaw? Thil awi awm loh tak ani, Dindini nen chuan Sawmzual chu mak ti zetin kan melh leh zeuh thin.





"kha hei hi ka hlawh ania, ka ei leh in na zawng zawng chu a phu hruk zo vek lo dawn nain, tlem tal in tum ve ka duh a, vawiin chiah hi kan thawk dawn lo a, naktukah pawh kal leh ka thawk leh thei dawn a"Dindini pawisa pek pah chuan a ti a. Kei erawh chuan nuam lo ka ti viau thung. Tuk in zinga ka thusawi vang kha a nih tih ka hrethiam mai a, melh pawh ka melh tha ngam tawh lo.





"Hetia tih kher a ngai hlei hnem. I timak em mai a"Dindini pawh chuan a ti nghal zung zung a. Sawmzuala erawh chuan chhang tawh loin bathroom ah a luhsan daih thung. Bathroom a aluh hlan chuan,"A mak e, engtin nge hna thawh tur te a hmuh ngawt thei a. Thian a neih awm lah ka hre der silo, chu bakah hna hram thawk ngailo ani leh nghal. Ka khawngaih reuh e, a inthlahrung leh lutuk hi"ka bulah rawn din pah hian a ti ser ser a. Sawmzuala pawisa pek chu a en a en leh thin. Kei phei chuan engmah ka sawi ve ngam teuh tawh lo mai. Ka inthiam lo ngawih ngawih a ni tawp.





A inbual zawh chuan chaw te kan ei nghal mai a. Sawmzuala che zia chu ka melh ru leh zeuh thin, a kut chu en Chiang chuan cement eina nge ni, a pilh deuh nuai mai a. Chu thil ka hmuh phei chuan, hrehawm ka ti lutuk hi chaw pawh ka ei ve thei meuh lo, ka kham vat renga, thlengsilna min hmuh loh Turin hian ka mittui ka hru leh zeuh thin. A vawikhatna a ni maih bakah cement khawih an ni leh nghal nen, a sil viau dawn tih lah chu ka Chiang viau a






'Ngati nge I at em em mai le'ka ti chhuah hap a. Min rin hlel ka hlauh avangin ka kut silh pah chuan ka hmai chu ka phih tel nghal daih a. Chawei kham tv en a kan thut lai te chuan Sawmzuala ngawt chu ni ka en ni, a chau viau nge, kan tv en laite chuan a mu thlu lawp lawp a, heta awm reng lo hian Aizawlah chho se chuan hetiang hian a awm miah lo ang mawle. Ngaihtuah viau mah ila, hetia a awm chhan chu keimah vang ka ti lo thei lo nen, va pawh mai chu ka hreh em a, a rukin ka thlitlai zeuh zeuh ringawt






"Mu ila, zan in chu ka chau em mai"Dindini'n arawn tih chuan hnial lo tak ka ni.Sawmzuala hian asawi hreh tiha hre ve anih ka ring deuh. A tlai tulh tulh ka harh tulh tulh thung. Dindini erawh chu a muttui viau tawh a, kei erawh chu sitting room lama mupa sawn ka ngaihtuahna a luah khat rih em a, ka muhil thei mai tlat lo.Zan lai a ni bawk a, Sana in khawng ri leh ui bauh leh zeuh thin tih loh chu thawm hriat tur avang viau mai.





Sawmzuala kut ka hriat chhuak rual chuan, thawm tak hian ka tho chhuak them them a, drower chunga Dettol leh lapua chu lain, room atang chuan thawm dim thei ang berin ka chhuak phei them them a. Sawmzuala thuthleng seia lo mu ngat lam chu ka pan nghal vat a. A bulah chuan thu thlain, a hneltha zet chu ka thlir vang vang a, a hmai thlang in vuah fuh zet te, a mitmeng nalh zet mai leh dam thlap thin te chu ka melh vang vang a. A kut chu ban te te in, ka en nghal vat a. Chawei laia ka hmuh aina sa deih in, en chuan chuan alo pilh nasa daih mai.





'Mimawl pa'rilru na zet chuan a muhil lai chu ka ti khum ta ringawt a. Ka mittui tla chu dan tum mah ila, a harsa lam hret chu a ni e, insum viau mah ila, kan in sut leh hlap hlap thin. A kut chu vuanin, Dettol ka chiahna lapui chuan a kut pilh lai chu ka hruk sak a. A rawn chet takah chuan a harh dawn anih ringin, ka che buai hman viau mai. A ni erawh chu a chauh viau nge ni, a ner sawk sawk hnuah tui ti tak hian a muhil leh nghal mai a, chu te hlei hlei chuan min ti hrehawm zual. Dettol a ka hruk sak zawh hnuah, a hnawih tur damdawi zawng tur chuan room lamah ka lut phei leh nghal a



Damdawite ka hnawih sak leh te te hnuah a ka hmu ve ta chauh a. Thil ri leh rak rak thin ah chuan ka harh zawk mai. Chiang lo riai hian ka han meng a, nizan ka mengrei bawk nen, mitmeng a Nuam fahran lo khawp mai. Ka han inlet thawk a, Dindini chu a lo la mutui khawp a, ka ang phuai hian a mu a, ka nuih hak mai, a mut te hi a chhia ania, a chil thli a thlauh ziah leh ta nghal a. Choka lamah ri leh rak ka hriat takah chuan, ka thu chhuak hlauia, ka tho chhuak nghal vat bawk. Room atanga ka chhuak chuan thil ut rim ka hre hmasa ber a, choka lamah chuan hmanhmawh zet hian ka lut nghal vat a.





Choka ka hmu chiah chu ka meng phawk ngang mai. Choka chhung chu alo hnawk deuh nuai ti ila ka sawi sual lo ang. Gas a thil chhuan khu vut vut ka hmuh chuan tlan vatin ka off nghal thuai a. Sawmzuala lah chuan inthlahrung dekin,"I lo tho tawh elaw"min hmuh rual chuan arawn ti nghal vat a."Eng nge I tih hi"choka eng kual pah chuan ka ti chhuak hap ringawt. Chaw chhum alo tum ve ngei tih hriat takin bufai chu chhuak ah alo ti darh hnuai a, chaw vel erawh a la inchhuang lo thung. A thil chhuan ut ber kher lah chu dal, tui la leih miah loh hi a ni leh nghal a, chemte , bawkbawn, beans, behlawi rah tih vel chu all darh nuai mai bawk a. Hnawk tak ani.



"Eirawng lo bawk ka tum a"a tih phei chuan ka thinrim zawk tawh,"I thiam loh chuan lo tih loh mai tur alawm. Hei I tih hnawk vek hi, I hahthlak em mai"thinrim zet hian ka ti hmarh hmarh a. Zing kar thawh hlima inchhung hnawk nuai hmuh chuan mood hi a tha vak thei lo.In thlahrun hmel deuh a dawhkhan bula a kut dawm chunga a ding chu melh pawh ka melh tha paih lo, a dal kan ut vek chu ka paih nghal vek a. Chawhmeh vel tla darh nuai chu ka chhar khawm sawk sawk bawk. Chhuata buhfai darh nuai mai chu ka hawl leh nghal zung zung a. A bul lawk a buhfai tla a va phiah chuan thisen far kauh kauh hi ka hmu tel thut a, Sawmzuala chu ka en nghal vat a. A kut leh lam chuan a kut palhat hi alo hup ber tlata , ka che vel chu nuam lo tih hmel zet hian min lo en reng bawk







"Engtin nge I tih a"tih vak pah hian ka hmun phiah lai chu kalsan in, a kut a dawn beh tlat chu ka va pawt deuh lawp a. A lo in zei ni ngei tur a ni, a kut chu a kak deuh a, a kak thui lo nain, a thi duh phian mai. A kutah chuan vuanin, thlengsilna lamah chuan ka kai phei dawr dawr a, a kuta thisen berh nuaite chu ka silfai sak vek a. Ka tih ang ang chuan hnial buai miah lo hian a awm ve zel a. Chaweina dawhkhan bul a chairah chuan thut tirin, room lamah lut nghal in, nizan a a kut pilh damdawia ka hman leh lapua chu lain ka chhuak leh nghal vat a





A kut a damdawi ka hnawih sak lai te chuan, ka taksa awmdan danglamah chuan min thlir reng tih ka hre thei."Ka lo ti ve tawh ang. Va thu rawh"ka ti leh tawp a.A ni pawh thutkhawmna lamah a let ve leh mai a. Thaw hak chungin hmun chu ka phiah zawm leh nghal a. Han vin chiam lah chu ni theiin ka hrelo, a theih tawkin eirel alo buaipui ve a, kei lah in lawm a hnehin ka lo ang khum nghal chiam mai bawk si a. Ka ti ve deuh mah mah chuan ka hria ani.






Chaw chhum tura a Siam sa chu kan en dik sak leh a. Tui a lo leih lung mai leh ta nghal a. Tui te chu paih then leh in, ka chhuang nghal sawk sawk a. Tun kar tak hi bazar tura kan la kal loh avangin, chawhmeh pawh a lo awm miah lo leh nghal. Sawmzuala pawh beta lo chuan ka pawisa chu lain, dawr kal tur chuan ka chhuak nghal vat a. Dawr lam pana ka kal hlawk hlawk lai chuan ka hnung lawk a, ke pen thawm lo awm leh thin ah chuan ka hawi let zawk a. Ka kal lai pawh ka ding nghal chawt mai,"Eng nge I tih ve dawn a?"Sawmzuala ka hnung lawk a lo ding reng chu melh ngar in ka ti a.






A lu tuai vut vut in, zat hmel vak lo hian a then sak a,"A,,aa ka lo zui ve che"inthlahrung duk a, arawn tih chuan a inthlahrun hmel lutuk avang chuan hauh hrep ka tumna pawh ka thulh leh ta zawk a. A mah pawh ngai Chang lem lo hian ka kal leh nghal hmawk hmawk a. Ka hnung lawk a thawm awm leh thin ah chuan min rawn zui ve zel tih erawh ka hre thei.






Dawr kan thlen chuan tu vak mah an lo awm lo nen, chawhmeh an neih ang ang chu ka la khawm vat vat a."E, nang hi,Kan pharmacy Dindini thiannu kha I ni em? Kawnpui School ah Khan I thawk tiraw"dawr a lo awm, nute lam chuan a lo ti hlut a "Ni e"nuisang hian ka chhang let ve mai a."Kan nau hi a kal ve alawm. A sawi thin che a"a tih chuan,"Class eng zat nge a?"ka lo ti ve nghal vat a."Class 10 a ni ve tawh"a tih hnuah,"Hei hi I pasal em mi?"arawn tih leh chuan ka hnung lam chu ka hawi nghal zawk a. Sawmzuala chu dawr khawngkhar bul pawn lam siah chuan a lo ding reng a.




Chhan dan mai tur erawh ka buai viau thung. Ka pasal han tih ka hreh ve tingtang si, a nilo tih dawn lahin fel fai takin kan la inthen bawk silo. Sawmzuala chuan ka awmdan chu alo hrethiam nge ni,"Aw ni e"tiin a lo chhang a. Chunu lah chu a lo tawng duh phian bawk nen,"E, pasal I nei hmeltha hle mai. A fel ang"a tih leh hnuah, Eng emaw ni hi a saw leh teuh a. In a kan haw chuan, a lo tlai viau hman tawh leh nghal."A pawi viau em?"kan haw kawnga a rawn tih zawi sup chuan,ka sira kal pa chu ka melh zawk a, a ni pawh chuan min lo en reng chu niin,"Kan inthen tawh a. I hrethiam ve mai lawm mi?"ka lo ti hmak thung

Link:
BBcode:
HTML:
Hide post links
Show post links
ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Google Adsense [Bot] and 45 guests