Chapter 18
Kan Hospital bul chiah a cafeteria thar an hawn ah lunch turin kan chawl a,kar hmasa atang he cafe hi an hawng tan a,a view in a zir bakah a thianghlim a,staff dang pawh chawl ve an awm nual mai.Taylor swift hla- message in the bottle tih chu ring vak lo hian an play bawk.
Kimkimi nen chuan tukverh bula table ah chuan thu dun in iced tea kan in a,tukverh atanga nizung lo lut chuan min enkhalh avangin parda chu ka zar tha a.
".....Tak tak alawm Neurosurgeon kher hi chu ka date ve lo ang" a noodles soup chem hlarh hlarh pah chuan a ti a.
"An tiah..Hma hun hi a hriat miah loh ania aw"
Thut that pah chuan ka ti a,min fiam nan tak a hmang reng mai ni.
"Dermatologist hi chu an zia a,Doctor dang ro ro ah pawh Neurosurgeon Doctor kher hi chu an buai chu thuhran an mizia thleng hian an boyfriend material lo ve e lawm...e heihi ka entir tawh che em?" tiin a phone scroll zet zet in reels Pakhat hi min en tir a,
Reels ah chuan rikrum thil avangin doctor ten hospital an chhuahsan dawn a,an thil hlut ber/an tana tangkai ber pakhat theuh an keng chhuak dawn a.
Anesthologist(hnimhlum doctor) chuan chair a keng chhuak a,inzaina(ot) ah an awm tam in,zai hun chhung alo rei phei chuan ke a kham thei a,chair kha an tan chuan a pawipawh lutuk.
Orthopedic surgeon (ruh doctor)chuan tuboh a keng chhuaka,ruh ah chuan chhut bur bur zai bur bur a ngai avangin,tuboh a rawn keng chhuak pawh kha a awm lutuk,chutiang zel in medicine doctor pawh stethoscope nen a rawn chhuak a.
A tawp ber ah Neurosurgeon doctor chu ama thlalak frame thlap nen a rawn chhuak chu ka nui nasa lutuk.
Neurosurgeon doctor hi chu khawi hmun ah pawh an lo in ti bossy vek anih dawn hi,an inchhuang in Neurosurgeon an nihna hi an hriat piah lamah an in ngaihlu ni ber in ka hria,a thlalak ngat ania a rawn kenchhuah ni.Er a ka thawh lai leh neuro ka thawh hnu chu lei leh van ang vel hetah pawh ani reng ani.
"Hmanzana ka reels en phei chu neuro doctor pakhat khan nupui a nei tih te a theihngilh" a phone dah that pah chuan si hlar hlar hian kimkimi bawk chuan a ti leh a.ka nui tawi tak mai,Amos pawh hian min teihngilh ni ber in ka hria,kan chhuahdun zan bak kha inbiak leh hi a awm tawh lo hrim hrim.
"Tak tak a awmi nangte chu i vannei lutuk lerh tur pawn hun an nei lo va,a ngaithatthlak ka ti ,i thianpa Peter te ang ai thlawt chuan a tha tho tho" a ti zuih raih in a straw chu a ser zui ner ner a,a rilru ana tih ka hria,Kan Peter hian duh dang ka nei tiin alo then hmak mai sia,Peter ka sawipui dawn lahin engmah a sawi tha duh bawk silo,tihngaihna tak pawh ka hrelo.
"Amos ang type a lerh lo tur chu a thianpa Andy kha ni mai lawm" Ka tih chuan za lo zet hian a then sak a,rilru na lo ang deuh hian awm tum mahse a na tih ka hria,Peter hi chu school kan kal ho lai pawh khan kimi hian a star thin hrim hrim a,tun hnu phei hi chuan a hmangaih takzet tih pawh ka hria,kan mimawl a ka huat thar zia chu ni mai.
"Brain tumor"
"Bahut complicated" ti ri avang chuan ka tang nghal run mai.
"Ehem!Mi chhe sawi chu koh ai in an hnai" Kimkimi chu thu tha sawt sawt in,nghal zet hian mi melh ralh a.
"Lalnunkim awm tha rawh" ka ti hluk chu a nui zui ar ar a.Nuam hi a lo ti ber zel.
Counter ah Dr Jonathan leh Dr prakash te nen a ding mek tih ka mitsir chuan a hmu leh vek tawh.
"Oh,kitna time laga Dr Amos"?(Darkar engzat nge)Kan vai doctor a chuan a ti ri ka hre zui a.
"5-6 hours" nin hmel lek lek hian a ti hluk a.
Lekin patient theek hai ab"(Damlo pawh a tha e)a ti leh a.
"C'mon,lunch first..then patients". Dr Jonathan a chuan a ti a,a hmel hmu lo mahila a nui leh sang ang ka ring.kan ep deuh chiah table ah chuan an pathum in an thu zui ani tih en miah lo pawn ka hre thei.Ka plate chu ka melh ran a,Ka bul hnaia a awm tih ka hriat ringawt pawh hian ka danglam vek thei chu anihi.
"English aw phawi nalh lutuka a tawng zet zet thin hi chu a awm hliah hliah a,saprama seilian a ni miau a,mahse engtin nge Hindi hi a fleunt(thiam nal) tel theih le?" Kimkimi chuan an mahni lam melh vung vung pah hian a ti a.Mahni pianpui tawng ang maiin Hindi hi a thiam tel tlat.
"Va melh kher suh" ka tih chuan,
"Ka koh sak hial zawk dawn che mawni le" a ti bak hlarh a,a mood a fuh lo bawk si a tum bar mai.
"Insum hram hram rawh,a sual ropui sia a lo t(r)im hrep che chuan ka chhan ngam dawn miah lo che nia" tiin ka nui var var a.
"Ka lo thu ve mai" kan hospital a kan doctor thar eliazar chu a eitur order sa nen chuan kan table bulah lai zet hian alo ding a.
"Lo thu rawh"tiin kimkimi nen chuan kan tawlh rem vat a,Doctor eliazar hi manipur lam mi niin,manipur ram buai avangin mizoram ah an rawn pem a.Ani hi general surgeon niin mipa sang lutuk lo ngo ving veng tak a ni a,a nui duh in a lai hma hle a,a van pa tak tih ai chuan avan cute tak tih a hlawh zawk zel thin.
"OT atang i lo chhuak ve chiah mi" kimkimi'n a ti a.
"Um,vawin chu keimah hi ka hreawm"a tih chuan ka nui tawp.Mizo tawng a thiam tha fumfe lo hian a ti cute zual.
"ML i update tawh em?" Dr eliazar chuan lai zet hian min melh zawk pah chuan a coffee chu a in a,min hmuh a piang hian min be hmasa ziah thin,mahse min en tha ngam ngai lo reng reng a lai huih reng hi ka khawngaih zawk thin.
"Ka la update miah lo,tunlai chu ka khel hman meuh lo" ka lo ti let vat a,Thil ei zo tawh mahila Dr eliazar nghah pahin coffee kan chah belh leh a,ML(mobile legend) chungchang sawiin kan nui leh hak thin a,mood a rawn thlak vek a ni ber.Dr eliazar hi ML kan khel pui thin a,Global no 3 hayabusa ngat,Doctor nichung a hetiang title hold chu a rapthlak ve em ani.Kimkimi chuan Dr Eliazar chu a fiam hluk reng a,pakhat lah tawngkam thiam lo,lai hma bawk si nen ka nui nasa lutuk.
Kan piah a thu te chu an ei zo der tawh aniang,an chair rik ruala Doctor 3 ding ur chu ka mitsir in ka hmu reng,kan tawng mawlh mawlh lai pawh khan ka piah a thu te ah bak ka rilru a awm tak tak lo,kal tlang lo chuan kan lam pan in a lo phei daih a,kan bul ah mai an ding zui tih hawi chhuak lo mahila ka hre thei bawk.
"Dr eliazar radiology report kha i skip em ni" a ti chang fak ri chuan min hnawh leh nghal ut ut thei,ka chil ka lem ngam tawk chauh.
"A...an reschedule emaw ka tia sir" inthlahrung zet hian ati a.ka han melh chhoh chuan khaw dang hawi lek lo chuan kan Dr eliazar chu anlo melh rum ngang,Dr Jonathan pawh a ni tho,Amos a dar ah a kut bat hnuang pah chuan Dr Eliazar chu ngawi reng hian rum deuh in a lo melh ve run tho.
"Thil dang ni lo in i damlo enkawl lai te dah pawimawh hmasak ber kha a fuh ang"
"If you know what I mean" a tawngkam ai chuan a melh dan hi a hriam zawk, kimkimi nen kan in melh zawk ringawt.
"I'll keep that in mind Dr Amos"
(Ka lo hre reng tawh ang)
Dr elizar chuan a ti vat a.
An palian dun si,Ka bula doctor thu chu ka khawngaih lutuk an kalsawn hnu chuan thaw huai hmel hi kan pu vek ang ka ring,vawi khat mah min melh chhin lo a,ka awm ve tih chu hriat ang pawn a awm lo.
"A mizia hrim hrim anihkha,ngaiah neih zir rawh aw" kimkimi chuan tiin Dr Eliazar chu a lo tawng thlamuan vat a.
"Kha (ka) hria..."za lo zet hian a then sak a.Kei erawh sawi tur hre lo in Amos chu a hnung lam atang ka thlir zui vawng vawng a.
Lunch kan ei zawh chuan hna ah bawk let leh in medication list update in hun ka hmang a,damlo kan hun a nih vangin min rawn be buai tawk an awm ve zeuh zeuh bawk.
"Min lo hrethiam lawk,Lalnunpuia champhai hi ICU ah nge ward ah a la awm" rawn ti tu aw chu ka hriathnu a ni.Ka hawi chhuah chuan phawk zet hian min en a,
"Awmawm" a ti chhuak hap a.
"Ehe i dam em?" tiin ka nuih var var a.
"Dam e,i dam zawk maw?hetah a ni maw i lo thawh a,inhmuh loh na a rei ta hle mai" tiin a hmel ah chuan makti hmel a la pu.
"Nia,kumtir atang khan ka thawk ve tan a,i dam lo rawn sawi kha ka hrechiang bik lo,lo nghak lawk rawh aw"tiin ka hmaa phone chu ka ban a.
"Aw lalnunpuia champhai kha in ward lamah an dah tawh em?" tiin 2nd floor lam ka bia a.
Phone dah in,sena hnenah chuan,
"Khum a in daih rih lo a,ICU ah a la awm,tlai dar 5 velah chuan ward pangai ah an dah lut thei tawh ang" ka ti a.
Pawi tih hmel deuh hian a chek hlak a.Sena hi Andrew thianpa(a roommate)a ni a.Kan inah pawh Andrew hian a rawn lenpui tawh min ngaina thin em em a,a hmel hmuh leh chu Andrew hmu leh ang mai ah ka inngai thei hial.Rei pawh in be hman lo in,
Kan pharmacy technician hmel a lo lang zui a,a thil rawn ken nen chuan neuro ward lam ka pan zui a,Sena kha Andrew nen an la inkawm thin tak maw!.
November kan chuangkai a,nitin hian routine ngai hna ngai reng thawk mahila,ngaiah neih tak tak hi a har thin.Vawin pawh zing dar 9-3 thleng ka duty a,Amos nen hian department khat ah thawk ho mahila a mawngphe takngial pawh hmuh loh chang ka nei thin.Banah Mercy pet care ah ka lut kawi a,hlawh lak hi chuan ka fanu ke 4 nei hian ka rilru a luah hmasa ber tlat a tin ni.
Tunlai chu ka chhungte lunglei lamah an phei diak a,ka pi nen chiah in kan nghak a,chaw kan ei hma bawk a,chaw ei khamah ka pi chu thingpui hang pek pahin a TV enna bulah chuan ka thu ve reng a.
"no-i(ka pi min koh dan)I doctor bialpa chu a buai awm ve engtik nge a rawn len dawn?,ka hnungzang na hi min en se ka duh asin" ka pi chuan a ti a.Chhan dan tur pawh ka hre nek lo ve,rawn len chu sawiloh biak pawh kan inbe ngai lo ania.
"Anni ang chu an buai thei lutuk a,Damdawiin ah nangmah kha lo kal mai la,khawl nen te a en ang che nga" ka ti ringawt a.
"Enga...." a lo ti hu a.Tv a on ring si,a bengchhet deuh tawh nen biak rin viau angai zel.
Ring zet chuan kan la inhrilhfiah ang lawp lawp a.
"Buai pawh nise vawikhat tal chu lo len luh ve tur a nia" a la ti hram a.
"An inah pawh a haw ve hman meuh lo" ka ti sap a,ka tawng chu a hre tawh kher lo aniang,min chhang tawh lo.
Ka pi in min mutsan hnu pawh chuan netflix en in ka meng reng ta reng a.
Ka mut har luat ah thawh ka hreh leh viau,eirawng bawl ka peihfel meuh chuan dar 8 a ri der tawh.Lunglei lama ka cousin puipuii helamah coaching kal tum,kan bula rawn awm tur pawh a rawn thleng fel chiah a,vawin ka pi a lo awmpui thei tur chu ka lawm rilru viau.Kei ai kum 1 chauh in a naupang bawk nen,kan inkawmngeih bik viau thin.Chaw te kan ei ho hnu chuan muangchang lo in ka in siam sawk sawk a,ka scooty tlan loh ni anih vangin two wheeler taxi la in hospital lam ka pan zui a.
Tlai hlau zet in elevator-ah chuan ka lut a,kawngkhar a in khar hma chiah tihchuan Amos a rawn lut ve hlawl mai,perfume fresh zet ka la hriat ngai lo rim a nam nghal chem chem bawk.Elevator a inkhar a,kan kalna tur floor a in an vangin engmah a hmet lo a,a kekawr ipte a zen tat a.Min hmulo der emaw tih mai tur hian ngawi ngul in hmalam a en run bawk.Han biak hmasak turin sawi tur ka hriatloh bakah a duhtu zawk nimahila tawng hmasa zawk nihi tlawmthlak ka ti ve tlat.
"Eliazar nen hian ka hmu dun zing riau mai che u"min be dawn lo emaw ka tih hnuah a rawn tawng chhuak a.
"Maw" tihpah chuan ka melh vat a, min en lo in hmalam bawk chu a lo la melh.
"I night t(r)um pawh khan in awm dun zankhua lo maw?" aw ki ngai reng chuan a ti leh a.
"Shift duty satliah ania sir" ka ti vat a,ka ngaituah let a, Amos a awm lo hrim hrim khami zan khan engtin nge maw a hriat reng reng ni.
"Dar 3 thleng vawin i duty dawn tiraw?" A ti leh daih a.
"Umm" ka lo ti vat.
"I shift a zawh hunah min lo nghak la,chawhnu ah hian zai tur Pakhat ka nei a,ka zawh hun ah chhuah dun na tur ka nei" min hrilh ni lo in thupek a chhuah a ni deuh ber.
Mak ti zet hian ka en a, cctv lam chu a lo melh leh daih tawh.
"Ka scrub nen hian maw?" Ka tih chuan no fahran lo hian min rawn melh chiah,
"I Scrub nen a hruaichhuak duh tur khawp che a mawl ah min ngai ami?" Dawhthei lo zet hian ati chang fak a.3rd floor kan thleng zui a.Elevator a in hawng a,a chhuak nghal nulh bawk.
Nileng chuan rilru nuam lo zet in ka awm a,ward a round lai ka hmuhthuak bak ka hmu zui lo a,OT ah a awm anih ka ring.Nidang ang bawkin duty hour ah chuan kan buai leh khawp mai,ka shift a zawh thleng pawn engmah Amos hnen tang thuthar hriatbelh ka nei bawk silo,han haw daih lah ka ngam bik chiah silo,thingtlang lama kan monu chhungte kan hospital a rawn in admit te kha hrechhuak in, tawi khawmuang pah chuan ka tlawh ta ringawt a,rei pawh ka awm hma ka phone rawn ngawr det det zui chu rang zet hian ka en thuai a.
"Parking lot ah ka nghak che,mi awm loh lai hian rawn hmanhmawh rawh"
Tih zawng hi a rawn thawn a.
"Aw le" tiin ka reply vat a.
Ka thiante'n min nghah thu sawiin ka chhuahsan leh vat chu mak an ti lo turah ngai ang.Parking lot lam pan turin elevator bawk chuan ka kal leh a,vanneih thlak takin tuma chimbuai loh chuan ka thleng ve mai a,staff ho bik park na lamah phei in,Amos-a motor dahna thin lam chu ka pan ding nghal a.A motor a ka thut luh lai chuan phone ah hian tuemaw a bia a.ka zam leh nghal em em tawh,engtik ah nge a huhang hi ngai ah ka neih dawn ni.
"Seatbelt kha hreng rawh" Phone hmang reng chung chuan a ti ringawt a.A damlo enkawl lai chhungte a bia niin ka hria.Phone call a dah hnu chuan Glass up vek in AC a on hnu ah chak zet hian min tlanchhuah pui zui a,sun control a hman vangin hospital kawt vela lo awm te pawn min hmu thei lo.Smart zet hian a lo inchei vek hman a,min en lo in hma lam melh ran chuan ngawi reng in motor chu a khalh a,a kamis dum hak mawlh mai chu a inhmeh lutuk chuan a ti hmeltha zual.
A phone bawk chu a rawn ri leh a,a biakdan atang chuan a chhungte anih hmel.Durtlang panna lamah min tlanchhoh pui mek a.
"...a pawilo,keimah ka lan chuan a tawk mai" a ti nghut a.
"Ei tha e,min ngaihtuah suh"
Tih lo chu,
umm,
aw,
aw le,
vek in zu chhang a maw le!Phone a dah hnu chuan min rawn thlek zawk pah hian,
"Kan kalna tur kawng ah hian Boutique a awm a,ka be fel tawh" a ti ringawt chu hrethiam lo zet hian melh a,a hmel chu nidang ai ka hmu hlim lo zual,a enga pawh chu ni se ka hriathiam dan tur tal hian tawng thin se,a tum hmuk mai bawk si.
"Mahse..." Ka ti dek dek chu,
"I hming sawi la,an hre mai ang che" dawhthei lo zet hian min lo pawtchat vat a.Ngawi reng hian a tih ang ang a awm hi ka tan a tha ber tawh in ka hria.
Reilote kan tlan leh hnu chuan motor a tiding a.Kan hma ah chuan 'Nora Botique' tih a lo in tar kuau mai.
"I kal dawn tih an hre sa a,va lut rawh,enge maw hak tur mawihnai thlang tel la" tiin motor a unlock zui a.
"I lo kal ve dawn lo mi?" Hrilhhai zet chuan ka zawt let ha mai.
"Dawn lo,minute 30 i nei va kal rawh"ti nghut in, chhuak vat ta che tih melh chuan min melh a ni ber.Ngaihtha zan lo chuan thuawi deuh in ka kal ve mai bawk a,bakah ka hnial ngam lo hrim hrim.
Boutique ka luh chuan ka insawi pawh ngai lo in 'awmawmi mi?' tiin receptionist chuan min lo be vat a.
"Umm ni e" ka tih chuan hmeichhe 2 hi a ko zui lauh lauh a.
hmeichhe 2 ten chuan room pakhat ah min hruai lut in,min buaipui zui chawt a,Ka sam leh ka hmai min khawih sak nghal mawlh mawlh a,an tuan a rang in Natural deuh si hian min chei a,Makeup hmang si hmang lo ang deuh chuan min chhuah ani ber,hrisel hmel deuh ang mai hian ka lang fresh var mai.Ka sam an khawih lai chuan Hmeichhe dang Pakhat hmeltha deuh sam kir chiai chu a rawn lut veleh a,min nuih nghal ver ver mai,chunu chuan satin kawrfual silver rawng leh a dum nalh zet hi rawn keng in a mil tur pheikhawk a rawn keng bawk a.
"Hemi te pahnih hi ka lo thlan sak che a,eng hi nge i hak duh zawk ang" nelawm zet hian a ti a.
"Ahh..ka van hrelo" ka ti ringawt.A nalh ve ve a kan kalna tur hmun ka hre bawk lo nen enge thlan tur pawh ka hrethiam lo.
Nui var var hian,
"A dum hi nihchuan ha ve mai rawh,a design hi a elegant zawk" tiin inthlak na room ah min luh tir a,ka scrub hak lai chu felfai deuh in min pack sak a.Minute 30 tak tak chu chulai hmunah chuan hun ka hmang.
Boutique atang ka chhuah chuan Amos chuan car a lo ti nung vut vut tawh a,a kut lehlam in stearing wheel a vuan a,lehlam ah chuan coffee a lo keng bawk.
Min melh zawk a,engmah sawi lem lo chuan engine ti nung in min tlanchhuak pui leh nghal a.
"Khawnge kan kal dawn reng reng a" ka insum zo tawh lo,ka zawt tawp.
"I la hre mai ang" biak zawm leh chakawm loh khawp chuan a ti bung hmuk ringawt.Thinrim na a nei tak tak aniang ka awm ati nuam lo,tukin khan eliazar te kha a sawi a,eliazar nen kan inkawm hi a duh lo mawni tiin ka ngaituah zui a,mahse a mit ti kham tur khawp in kan inkawm vak awm ka hre silo.
"You know your daddy's home, and it's time to play..." Usher- hey daddy
Tih hla chu ring vat lo hian a sakpui leh ang lawi a,ka awmve tih hrelo ang mai hian a khawsa a ni ber.Engemaw tal sawi se ka tih lai chuan,
"Hospital a ka ignore ngai che hi hreawm i ti em" ka rin loh lutuk in a rawn ti a.
"ah...ti lo e,ngati nge?" ka ti ban charh a,
Ka zawhna pawh chhang lo chuan a bu nghut nghut ringawt anih chu,OT ah a awm nasa lutuk hi a á vek tawh niang.
Min zawhna kha ka ngaituah chiang a,hospital lo ah pawh min be ngai chuang lo a,ngaihzawng a nei ngailo bawk nen hetia a duh huna min hruaichhuah tawp hi tawk a ti aniang ka ti leh hnuhnawh a.Bakah topic tha deuh kan sawi te nihloh chuan han titi duah chi a ni lo a,chuchu ka hriathiam ve a ngai in ka hre bawk.
Sihphir khua kan tlan pelh hnu ah,kawng peng lo awm ah chuan kan tlan thla a,thui vak lo kan tlan hnu ah,Sailo Resort tih lo inziak kulh ah chuan min tlanluh pui a.
Main entrance hnuaia parking lot ah chuan tlan lut in chutah chuan motor a park fel te te a,Motor dang pawh alo awm nual mai.
Cherry blossom hunlai anih vang in chulai building lian zet mawina belhchhah tum ni awm hrim hian an par vul chuk a.Building Kawt zawl nuam zet chuan ka mit a la in, ka thlek vang vang a,a piah hret ah chuan swimming pool awm in ni tla tur chuan chhun tle ser ser a.Swiming pool thlang lam a ka mit in a hmuh phal chin zawng chu serthlum kung vekin a khat vek.
"Lut ang" ti sup in kal mai a rual a,ka zui ve vat a,kan insan hleih ropui si,hetia a bula kal ringawt pawh hi ka khawr ru lutuk,thawmhnaw dum ve ve kan ha bawk sia,couple tak tak te pawh kan ang.
Inchhung chu pawnlama alandan aiin a lo pui daih,hmelhriat an vang in ka hmuh chin chu an nalh hlawm kher mai,scrub nen kalna chi chu ani awzawng lo hrim hrim,mahse mini bar bulah Dr sangpuia leh Dr Jonathan hmel ka hmu thut chu mak ka ti lutuk.
Dr Jonathana'n min rawn hmu ve chiah chu a thil in lai a hak lo chauh.
"Saw saw saw ..a rawn hruai tak tak" Dr jonathan chuan Dr Sangpuia chu a kheuh zawk a,Dr sangpuia rawn hawi in a nui var var mai,coat suit nen thlap an lo inthuam a, Dr Jonathan hi chu zing lam a khan chuan ka hmu zuai a,engtik in nge maw an lo thlen hman bik ni.
"A rawn hruai ang ka tihkha maw,enge kan inchawi kha?" Inti thei fe in Dr sangpuia chuan an bul kan thlen chuan Dr Jonathan bula a ti a.Hemi te 2 hian kan inkar an lo hre vek tihna maw?
"Jona..Hmeltha ka tih thu kha ka sawi hmasa zawk tiraw?"tiin Dr sangpuia chuan chik fe hian min en vung vung a,Dr jonathan chuan lo tuihnih zawm zat in,
"Vogue magazine model ami ang mai in lawm a bialnu hi a chhuah le,hepa hi a den tlat" tiin Amos chu a kuah a.
"Mahse I scrub hak kha a chuar lutuk tiin a roast hrep tawh a,khanglai pawh khan keichuan a chuar ang ang khan hmeltha ka ti kha nia"Dr sangpuia chuan a khabe tuai nauh nauh pah hian min en reng chungin a ti leh a,Amos pawh a khi suk mai.
"I Scrub a chuar a ti tak tak maw" tiin Dr Jonathan chuan a lo la fuh lutuk chu a nui tawp hleithei lo.
Amos in rin loh lutuk in a chhang let a,a chhan letna vang chuan engtin emaw tak hian min ti hlim veng veng thung
"I fixed the scrub,the rest was already perfect"
Hei tak hi mipa dang ka date thin,ka hriat thin nen an danglamna tak ani thin a ni.Dr sangpui leh Dr Jonathan chuan min fiam zui hluk a,an fing dun kerkawr si tawng thiam angai lutuk.
"Mikhual lo la thleng tur tlem an awm a,lo va thu lut hmasa ru...khapa khan a lo seh hman lo ang che,kan rei lo ang" Dr Sangpuia'n a tih chuan kan kalsan zui a.
Progame an hman na tur room ah chuan min phei pui a,a sang bawk si a pen pawk pawk a,room chhung a lo awm te chuan min en thup ni ber hian ka hria.Room chhung chu a zau in dawhkan leh thuthleng an lo rem far a,ka rin ai daih in mi an tam lehnghal.Table pakhat a Dr sangpuia phirpui Andy amah chauh a lo thu awmna lam ah chuan min kalpui a,whiskey alo in chawp run bawk.
Andy bul kan thlen chuan min biak nachhang pawh hrelo chuan min lo thlir mawl tawp.
"I hlimtha chu i lo hruai thei maw" a ti thum dut a,a pawisawi kan nei ta emaw tih mai turin a hmel chu a tum bur lehnghal.
Amos chuan chhang mai lo chuan a bulah a thu thla te te a,thu ve tur chuan min mitmei a.
"Hming a nei ve aw" a ti hmuk ringawt a.
Andy chuan no dang ah whiskey thlit zawm zat pah chuan min rawn thlek zawk a,ka lo nuih var var a,min nuih let miah lo chu ka zak lutuk,ka nuih tawh ngai miah lo ang.
"Double date thei dawn nihchu" tiin Amos-a chu whiskey a pe a.
"Min rawn fin i duh amaw?" Pakhat lah chuan no ban pah hian ngeiawm zetin a chhang a.An thusawi chu ka man chiah lo.
Muangchang hian Andy chuan Amos chu melh deuh rawm pah hian,
"Thih pawh ka duh zawk" a ti fan ralh chu Amos chu a nui lek lek in ka hria.
"I in ve duh em?" Amos in whiskey a rawn keng kang zauh chu rang zet hian lu ka lo thing vat a.Engmah sawi zui lo chuan Andy nen chuan chulai room a awm ho chu an zirchiang emaw tih mai tur in whiskey in pah chuan ngawi reng hian an thlir kual a,an melh fuh nih chu a nuam vak lo ang ka ring.Chulai a awm ho lah chu kei ka ni inti chin awmkhawmna ni ber in ka hria,an nalh hlawm lutuk,ka hmelhriat awmchhun lah ka nel loh chi vek,ka bialpa tiam hian! Bialpa hehe
"I twins saw hrilh rawh" min 3 vel an ngawih ren ren hnu ah no ah whiskey thlit belh pah hian Amos-a chuan a rawn ti chhuak nulh a.
"Ti sawn suffer rawh se a duh leh" Pakhat lah chuan a ti awlsam puat a.Dr sangpuia an sawina ani ngem le tih ka ngaituah mai mai a.
"Amos i nu leh pa hi an rawn lang hman dawn talo ni maw?" Nu pakhat hmeltha zet hi kan bulah chuan rawn kalin Amos chu rawn bia a.
"Hman ta ngang lo anihi,ka awm tho a ngaipawimawh duh suh" tiin a nui suk a.
"I pu lah an lo hruai tel ve daih a" tiin thil eng enge sawiin a titi duah a,chu nu tawng dan kalhmang ah chuan tuna kan awmna resort hi Amos te ta anih hmel,mak ka ti hran lo a khawsak dan ngaihtuah hi chuan.
Ka rin loh lutuk in Amos chuan chunu chu ka hming hrilhin min in hmelhriat tir a,
"Dr Sangpuia leh Andy nu,nu Puitei a nihi" a ti sup a,nu puitei chuan min chibai tur in a kut rawn phar chhuah pah chuan,
"I hmeltha em atin nihi,kan Amos-a hian min thawng lutuk a,tunge i nih ang aw ka lo ti rilru char char a,ka mumang emaw ka ti hial zawk" a ti chul a,kan veng awmna te min zawt luam a,min be seuh seuh a,a fel ka ti reuh lutuk.
"Nora-i hmel ka va hmu lo ve?"ti leh in Andy chu a melh zawk a,Andy lah chuan anu chu a lo melh run run ringawt,ava han chut tak.Chunu kal hnu chuan Amos leh Andy titi kalhmang atang,Nora chu Botique kan kalna neitunu kha niin,Amos laizawn hnai,Andy bialnu ve deuh reuh anih hmel.
"Aw ah..bawiha Cocktail kha kan nurse awmi hi han pe teh,Party anihi hospital shift ni lo in"
Kan lam panin Dr Jonathan leh Dr Sangpuia lo phei te chuan tiin Dr sangpuia nen chuan kan dawhkan chu an rawn zawm ve nghal a, hmeichhia 2 an lo hruai ve bawk.
"Awmi i khua alo har hman em?I bula lungtum pahnih khan tihtlangnel nachang che pawh an hre awm silo" tih pah hian Dr Sangpuia'n cocktail chu min pe a.Ka nui tawp ringawt,tunah chuan Dr sangpuia leh Dr Jonathan takngial pawh ka thathlel tak tak.Dr Sangpui leh Dr Jonathan te chuan min be luam a,an hmeichhe rawn hruai te pawh an polite in inti changkang ni lo hian an class ru zek mai,keipawh min be bawrh bawrh a,chulai hmuna an mikhual loh danah an inhriatna a rei tawh hlawm anih ka ring.
Amos an hmeichhia a lo hruai chu mak an tih deuh thu te sawiin kan nui ho dar dar a,an rawn lut khawm chu kan ri nghal laih laih mai,Amos leh Andy pawh za vak lo hian a nui ve suk suk a.Program an tan a,Cocktail min pek chu ka in zo vek tawh,no 2 na ka in dawn chuan Amos chuan min laksak daih pah hian,
"1 kha a tawk,chaw ei a hun tep i rui palh ang" ati sup a,min ngaihsak vak lo emaw ka tia,ka thil in zah alo hre leh vek tawh,tawngtaina reilote hmangin chaw kan ei zui ve mai a.
Chaw eikhamah chuan puitling ho chu an haw tan pheuh pheuh a,ka bula mi lah hian haw ala tih ve hmel loh si.Khua a thim vek tawh sia,rilru a nuam tawh zan lo.
Zan dar 7:30 a ri tawh a,Inchhung berah chhoh an la rawt chauh,inchung ber chu a zawl nuam in fairy lights mawlh chuan a mawina a belhchhah.Teak thing mawi zet a siam ah chuan kan thu khawm a,dawhkan chu a hnuai lam atang led light in a chhun a,teak thing leh glass atang siam niin a mawi dangdai lutuk.
Dr sangpuia te thiandun leh an hmeichhe kalpui te 2 nen chuan kan vaiin mi 7 kanni a.Thla a eng uar a,khua a thiang nuam viau bawk.
Dr Jonathan chu titi nghal barh barh in a damlo enkawl lai maksak zet mai chanchin chu a rawn sawi chhuak a,
"Ka lu ah hian alien ho in chip an phum ati tlat mai a,abuaithlak teh asin" tia bul tan in,a sawichhunzawm a.Tawngkam a hnehsawh sia Dr Sangpuia phei chu a nui nasa lutuk chu a thutna atang a tla tep,za em em kan nuih ham ham lai ka bula thu te pahnih chu cigarette zuk pah hian an lo nui ve suk suk ringawt.Dr sangpuia a ti ti barh barh lai chuan,
"A pawl zawk kha maw" Andy chuan zawi sup hian Amos bulah a ti a.
"A sen zawk"Pakhat lah chuan chek hluk hian ti leh a.
Andy chu nui suk hian Amos en pah hian,
"A nuam awm lo e" a ti nghut a.Andy nui suk chu a inhmeh lo.Eng chungchang nge an sawi tih erawh ka hre hauh lo.An bula ka awm ve reng a,a pawl maw? Rawn tichhuak thut tur khan thilsawi a tir in an nei lo hrim hrim,mak ka ti lutuk ringawt.
An ngawih leh vung vung hnu ah,
"Ka sawm chhuak dawn" Andy chuan a rawn ti leh a.
"I ti awm lo" Amos chuan mitko san zawk hian Andy en pah chuan a ti a.
"E inchawi ila"
"A tul lo,i chak dawn chuang lo" Pakhat in ati leh hmuk a.An nui dun suk chu mak ka ti lehzual.
Dr sangpuia'n min lo kheuh zawk chu ka hawi vat a.
"An thusawi hi ngaihkhat ah ngai in enliam tawp rawh,keini pawh kan hrethiam lo,code nei in an inbe thin a" ka beng bula a rawn ti su su chu ka nui tawp,an inkawm ve dan reng anihthu sawiin kan hriathiampui phak bak a ril hian an inkawm thin thu min hrilh zui a.
Waiter lo kal in wine chi hrang hrang a rawn chhawp a.
"Ka bialnu hi lo tih thaih ziah suh bawiha" tih pah hian Amos chuan no ah waiter rawn ken wine chu a thli a,nelawm deuh a anui deuh suk chu hmuh a nuam lutuk,Dr sangpuia chu za em em hian a nui zui hawk hawk thung.
No min pek pah chuan,
"Dr sangpuia te wine siam chhuah ve anihi" a tih chuan ka bu nghat nghat a.A tui reuh lutuk.Beer leh wine hi chu ka in ve zeuh zeuh fo a,sual ah ka ngai hran lo.
Andy chu guitar perh in ring vak lo hian a zai a,a aw lah a chu nalh phian lehnghal.
"Baby,baby blue eyes...stay with by my side....."
Rocket to the moon hla niin a zai thiam reuh lutuk chumi hnu ah chuan Dr Sangpuian magic fahrah te te a show chu an hmeichhe rawn hruai te nen chuan kan lawm lutuk.
"I chhungte bia la,i haw dawn lo thu hrilh rawh" Amos-an ka beng bula a rawn tawng sur sur chuan min ti mur nghal chuai thei,phawk zet a melh pah chuan,
"Tinge kan haw dawn lo mi?
"Naktuk pawh duty ka ngai asin" hlauthawng fe hian ka ti a.
"Ka chingfel mai ang,naktuk chu hna i kal angai lo ang,i chhungte chu tunah khan text rawh" thupe aw zet hian a ti zui a.
"Mahse hetah hian kan riak dawn maw?" ka ti hu a.
"Riak dawn" a ti awlsam leh puat a,Andy lah chuan min lo melh kur mai.Kan thusawi hria in Dr sangpuia chuan,
"Tent out kan tum viau na chu a remchang leh siloa,room a tam tho a hetah riak mai ila, naktuk ah kan haw tlang dawn nia" a tih takah chuan tlemin ka rilru a nuam ve deuh.
Ka cousin puipuii chu text in emergency kan neih thu sawiin ka duty tlang tur thu in ka text ta ringawt a.Ka awm ngai loh dan a ka awm ringawt chu ka rilru tak chuan ka inthiam lo viau.
"Nora a rawn thleng tep" Andy chuan a ti sup a.
"Amah in maw?" Amos chuan a lo ti a.
"A driver a rawn indah tir..hetah rawn chhoh a hreh sia,ka lo zuk hmuak mai nge?"Andy chuan a phone hmet mawlh mawlh pah hian ati a,a tawng thui ber ala ni hial ang,Amos chu a bu nghut a.Dr sangpuia chuan a unaupa chu melh in a nui tet tet a, Pakhat lah chuan a melh kur duh chauh.Amos cigarette zuk sak leh tete in a chhuk zui a.
Andy chhuk hnu pawh chuan Dr sangpuia chuan card trick ho deuh deuh chu show in kan nui leh hak thin a.
"Bawiha Jocker(card) chu i hnungah a awm reng kha,Boring lutuk khaw maw keiman chi dang kan ti ang" Amos in a rawn ti ta mai.
"No way...heihi ka en ngei ngei a ngai" tiin Dr Jonathan chu phur zet hian a ding hluai a,midang pawh chu an phur lutuk.
"Bawiha leh"tiin Dr sangpuia chuan awih loh hmel zet hian Amos chu a melh in,card chu pek a tum a.
"Hetiang ka mamawh lo" nuihza aw deuh hian Amos chuan lo ti in a ipte atang blank paper sen tereuh te hi rawn phawrh chhuak in
Dr sangpuia leh midang ho chu a khawih tir chhin a.
"Blank vek tiraw,magic show dan ka zirtir ang che" Dr sangpuia chu nghal zet hian melh in a ipte a dap zui rak rak a.
"Ka lighter Andy bawk aniang lo ak bo leh daih hi" Amos an a tih chuan,
"Kha heihi hmang rawh"tiin Dr Jonathan chuan a lighter alo pe vat a,lighter a pek hnuah paper sen tereuhte chu a hmer khawr vek a.
"Awmi tunah hian zungbun emaw thi emaw bengbeh pe dawn ta che ila engber nge i duh ang" Amos min zawhna chu ka inring lo lutuk.
"Aaaah"
"thi aniang" ka ingaituah chiang hman lo,midang zawng chuan "ehhhhh" an lo ti dual a.
"Noted" tiin paper a hmeh khawr chu a keng kang zui a,enge thleng leh zel tur hre chak deuh chuan Amos chu kan en thap.
Paper sen a hmeh khawr chu lighter chuan a hliau a,a alh nghal puat zui a,a alh zo tep tih ah chuan gold thi sin nalh zet chu a kut atang chuan a rawn uai thla zui anihchu.A locket chu infinity diamond a chei chhuah vek ani.
"Hepa hi....broo engtin nge?" Dr sangpuia landan chu naupang cute deuh a ang lutuk,a áng phiau mai.Kut beng dar dar in engtin nge i tih an ti chul hlawm a.
Amos lah chuan chhang zui lo chuan thi chu min awrh tir tum niawm tak hian min rawn hnaih a,min awrh tir tak tak!
"Phelh ngai suh ang che,thi i duh thu i sawi bawk a" tiin ka beng ah chuan min hrilhru zui a.A thaw lum ham ham chu hriatloh der a har lutuk.Amos chu nelawm zet hian a nui var var a.Magic dang show leh tura an tih pawh chuan "ka thiam tawh lo" a ti tlat.Prisca-i (Dr Jonathan thianu) leh JC-i(Dr sangpuia thiannu) chuan thi ngawt chu sawiin nalh an tih thu chu an sawi bang thei lo,keipawn nalh ka ti lutuk.Amos ang mipa hi chu lehkhabu ah takngial pawh ka la hmu ngailo a, predict lawk theih lo tawp anih vang hian tunah pawh hian min thawng ani ber.
_____
Darkar khat a liam leh meuh chuan shower hnuaia dingin ka inbual a.Ka harh huai huai thei in hria,Dr sangpuia te wine kha a soft vangin ka zuam sual ani ber.
Ka sam chhem ro in night gown khum a lo awm chu ka ha zui a.Ka bengbeh phelh in khum ep chiah a lamp bula ka dah lai tak chuan room a rawn inhawng a,tunge anih tih hre tur in hawi ka ngai lo,room kawngka a kalh ri ka hre zui a.
"Lamp kha off rawh" tiin min rawn pan zui a,lamp off chung chuan ka lam pan a ke pen thawm chu ka ngaithla a,ka chil lem ri te chu s ring bik riau hian ka hria.Room chhung chu kan pahnih chauh awm nan a zau lutuk,a kiang a awm hrim hrim pawh zamawm tak anih tawh lai tun a kan awm dan phei hi chu.ka bul alo thlen chuan ka khabe ah dawm kang in,
"Good girl" tiin a vei nuih suk a.Rawn kun hniam in min fawp a,zo zet hian khum lam panin min pawm zui a.Chumi hmu a thil thleng chu a blur vek ni mai hian ka hria.
Ka lo insum ve tang tang thin thil chu thiahdarh in a awm mek a,a tih ang ang chu ka taksa in a zawm zui nghal vek,rapthlak hian!
Ka taksa atang a in lakhran hnu chuan ka beisei loh lutuk in duat zet hian min kuah a,ka chal ah fawp zui in,
"Ka ta i ni tih hi hre reng ang che aw"a ti sup a.
Ka bu nghut chu ka hmui ah rawn fawp leh a.
"Goodnight" tiin a awm ah min kuah bet tlat a.
"Goodnight"tiin ka phun ve sap.A vawi khat nan a vawi khat nan tak meuh meuh Amos-a chu ka ta ang tak tak in ka ngai a.Ka sam ah min chul a,a pangti lum ngheng chuan hriat loh kar in ka lo muhil ve zui a.
___________
Ni 2 zet chawlh min pek hnu ah hospital ah ka let a,engkim mai chu apangai vek in a thleng a.Dr Sangpuia,Dr Jonathan te takngial pawn min fiam zui lo.An hna leh personal life an thliar hrang hnehsawh lutuk hi ka fak ru lutuk.
Amos lah chu Dr prakash nen OT ah an awm chawt a,tun ni 3 chhung chu zai ngai zawng zawng zai zawh tum ang mai chuan hun an hmang deuh chawt mai.
Department khat a thawk si hi a mawngphe ka hmu hman orh chauh zel.
"I thi chu va nalh ve ka lo hmu ngai miah lo a" kimkimi'n a tih chuan ka nui tawi tak.Resort a kan kal chungchang kha tumah ka hrilh tlat lo a tin ni.
Sex hi ka pasal neih hunah ka pasal tan chauh ka hlan ang ka ti thin a,Andrew nen pawh khan kalthui tep chang nei thin mahila kan insum leh nghe nghe thin.Sex chu mi pahnih inhmangaih tak kara thleng tur,dimdawi tak leh rilru inpawh taka hman tur nia ka ngai a,inneih hma a tlusual te ka dem ni lo in keimah bik ah chuan nupa kar chauh a thleng tur ah ka dah hmak thin.Mahse ka tum dan letling vekin a thleng anihkha,zahngaihna nei hauh lo leh min dimdawina tel miah lo in rapthlak zet in hun min hmanpui a,mahse 'ka duh lo' tiin vawi khat pawh ka hnar thei lo.Ka taksa a sawisak laia a mitmeng pawisak nei lo zet a min melh na te kha tawp tir tur ka nih laiin min ti phur tu ani daih te kha amak a ni.Heng zawng zawng a thlen hma hian hmangaihna apiang phawt tur ah ka ngai thin a,Amos nen erawh tisa chakna a hmasa zawk ani mahna nge ni a Amos hi ka hmangaih lutuk zawk?Ka duh ngawih ngawih tih chu phat rual ani lo mahse khang zawng zawng a ka hnar theih loh chhan kha hmangaihna vang ani zawk a ngem?Ka thianghlimna hi he mipa vawt lutuk thla khat em pawh relationship ka neih pui hman loh hnenah hian ka hlan ang tih ka ring ngai lo a mahse inchhir na ka nei lo,a hmasa ber leh a tawpna hi Amos ni tur in ka duh a ni.
Washroom atang ka chhuak nurse station ka pan leh lai mek chuan Dr Sangpuia a rawn phei a,a ngai te in hlim hmel a pu sang mahse Dr Sangpuia pawh hi an zuam sual fo thin,nelawm hmel fe hian nui var var mahse a hauh nihchu hreawm tih tlawk tlawk na tham a ni.
"Nurse awmi" nui sang hian a ti a.
"Aw...sir" ka lo ti vat a,thutak zet hian min thlek vung vung hnu ah,
"Neuro conference in Delhi ah kan zin dawn a,Dr Amos a nen" tiin a ngawi leh dat a.
"201 a damlo saw lo thlithlai la,luak emaw thil dang thleng a awm chuan Dr prakash a bula i lo report vat thin ang" a ti leh a.
"Ka hrethiam e" pangai zet chuan ka tichhuak thei hram.
"Good" bu nghut pah chuan min kalsan turin a in her chu ding leh in,
"Dr Amos chu Delhi ah pawh a buai viau ang,a schedule hi thlak theih a ni bawk silo" ka chhan let hma chuan hmanhmawh zet hian a kal zui a.Amos a awm rih dawn loh mai piah lamah,a buai tur thu langsar vut silo hian min hrilhhria ni ber in ka hria.
Kar 2 zet a liam hnu pawh chuan a hmel hmuh tur awm lo chu ka ruak vek hian ka hria,Dr Sangpuia chu ni 4 bak a cham lo a,Amos erawh kar 2 zet ani tawh,heivang hi niang a kal hma khan OT ah a awm reng thin.Ka ngaihzawng dang te ang lo takin ani chuan phone ah min zui ngai lo mahse nitin ka hmu thei tal thin kha nia.Biak chu ka chak ru ve thin lutuk,mahse hospital group ah pawh tawng ngai lo kha nia,bakah phone a khawih mual mual hi hmuh tur a awm lo,a hun awl ah pawh phone ai chuan lehkhabu a chhiar nasa tih pawh ka hria.Nelawm miah lo mahse zun angah in a awm lo chu ka khua a har ngawih ngawih.Delhi an zin hma zan khan min lo phone ve hlawl a,khatah pawh khan rei min be lo,an zin tur thu min hrilh a ni ber.
Nilai thawhtan a ni a,angai te in damlo admit thar kan ngah leh in mahni tawk a ka buai leh viau.Damlo lalnunpuii bawk kha damdawi pe in ka let leh lam chuan Dr Eliazar bang ngeng in lai zet hian alo ding a,coffee no hnih a lo keng bawk.
"Ka zawng che a" tiin coffee chu min pe a,a hmui a liak huh a,ziakmi chuan hmeichhe awm nem zawk leh tlema nu hnap te hi "anui sen sen a" tih ten an ziak thin,hmeichhia ni ngat se chu Dr eliazar pawh hi a nui sen sen a tiin an ziak ngei ang,lai zet hian min nuih sen sen leh tawh.
"Ka lawm e" tiin a coffee min pek chu la in railing ngheng in a bula chuan ka ding ve a.
"I hah hmel sia,phakar lawk ang" a tih chuan nui var var hian ka bu nghat ngat a.A mizo tawng hmang awn lutuk hi loh theih loh hian ka nui leh hak zel.
Coffee in dun pah chuan Dr Eliazar chuan a dam lo zai zawh hlim kan enkawl tur dinhmun chu min hrilh thuak thuak in,thil ho deuh deuh sawi zui chuan kan ding khawmuang rih a.Ka buai lutuk tur pawh min rawn lak pen sak a ni hawt.A mizo tawng hmang pai lutuk nuihzathlak tawh sa naklai a mah a jocker tel deuh bawk nen a lai hma tho sia a bula awm hi nuam ka tiin ka hlimpui lutuk.
"Dr Eliazar" rawn titu aw chu kan hnung ah mai a ding tih ka hria.Ka lungphu a rang nghal zawih zawih a,ka hmuh loh na a rei tawh nen,inbe ngai miah lo mahila sawichhuak silo hian ka ngai ru veng veng thin,mahse he doctor nen kan inbiak lai berkher a rawn hmu chu engtin tak ngai ang maw.Vawin hna a rawn kal danah nimin lamah a lo haw tihna mawni le?Ka rilru chu zawhna hlir.
Ka hawi let a,ipte zen tat in kan pahnih chuan min melh tawn a,min melh dan chuan ka rilru ah inthiamlohna hlir a rawn thlen nghal,
Doctor coat a ha thlap a,a perfume rim chu a pa leh hle thung
"Yes...sir" tiin Dr eliazar chu a ding ngil nghal at a, keipawh ka bang bik lo.
"Mihring hi boruak tello in engtia rei nge a dam theih?" tiin thip zet hian Dr Eliazar chu a melh run a.
Dr eliazar chuan mak ti fe hian a en a,
"Ahh minutes 4-5 vel,ngatinge?" a ti vat a.
Amos chu rawn kal hnai in kan in kar ah tak chuan a rawn ding a.
"Carotid artery( ngawng a thisen zam kan thluak a thisen supply tu) hi block ta ila"tiin a nui suk a.
A pen lek chhuak in Dr Eliazar ngawng ah a rin der a,
"I khawhmuh a phe nga, physical control i hlauh nga,tichuan nikhawhrelo a awm ani mai" a dik em? a ti leh a.
"Ka hria sir,mahse enge i sawi tum?" Chil lem khalh hian hlau tih hriat zetin Amos chu a en a a.
"Eng ni lo e" tiin a ner nawk a.
"I damlo enkawl chiah hi ngaihtuah rawh Eliazar, don't become a patient" a hnung a beng zui thak thak a,ka thin phu rang lutuk chu a tawp daih ang tih te ka hlau.
"Dr Eliazar OT ah mamawh i ni" nurse pakhat in a rawn ko chu ka lo thaw huai huai thei.Eliazar chu a inthiarfilim nghal sawk sawk.
Amos chu ka lam a rawn hawi tur chu ka tawlh hnung dat a.Amah pawh ka en ngam tawh lo.
"I lo la awm ve reng a ni maw"? Ka beisei loh lutuk in a aw ri chu a pangai leh angreng lawi a.
"Ih sir..damlo damdawi pek tur dose kan lo sawi lawk a" pangai thei ang ber a in sawi ka tum a,mahse ka aw a khur nia mawle.
Min chhang lo hian min melh tlawk tlawk rigawt,mahse pen khat in ka bul a rawn hnaih chuan ka ip nghal chawih thei.
"Ka hria a lawm" a ti sup a,tawng ring lo mahse ka beng ah chuan chiang tak ani thung.
"Ka bul ai a bulah i hlim zawk tih chu" ti zawi sup hian min kalsan zui a.
Ka hresual emaw ka ti hial,mahse a sawi ngei a ni,a aw rik dan avang chuan hreawm ka ti lutuk.
To be cont
~ ka story ziah ve tehhlul min lo chhiar sak thin a ka lawm lutuk,story ziak thang ka nih loh avang hian chapter khat pawh hi ziah zung zung a harsa lutuk a,hna ka join hma ngei a ziah zawh ka tum a,mahse ka tum ai hma ka join leh avangin hna nen phei chuan ziah chak a har lehzual,tlemin alo fan thin anih pawn min hrethiam hram ula,chumi avang chuan ka reh hmak dawn chuang lo ania,thahnem ngai tak min fuih tu te ka theihngilh lo che u a nangmah ni hian min ti phur in,ziah zel chakna min neih tir a theih chuan ziah zel pawh ka lo tum ang
