NAU AWMTU MAK BY Dwm Pachuau 1-52

Episode kal lai dah luhna

Moderator: writers

Ngaia
Site Admin
Posts: 8829
Joined: April 30th, 2016, 4:07 pm

NAU AWMTU MAK BY Dwm Pachuau 1-52

Unread post by Ngaia » January 28th, 2018, 1:56 pm

nauawmtu mak.jpg
nauawmtu mak.jpg (21.49 KiB) Viewed 3257 times
@Dwm Pachuau
"NAU AWMTU MAK"
episode-1
Zami leh Rsa inneihna pawh alo rei ve ta hle mai. Rsa chuan fa a awhna a rei tawh bawka a siam lamah tan a la uar hle a. Zami phei chuan a dawl lo lek lek fo mai. Mahse, pasalte nana na chu tih lungawi loh hlauh vang pawhin a dawh ve hram hram a.... Rsa hi a tlangval lai pawha hmelchhia tih tur ni lem lo, mahse taima tak ni lem lo a ni ve a. Ngaihzawng pawh an hmel lam en lova an neih eisak theih tur lam thlir ran mi a ni ve a....
Zami nena an inngaihzawn hma hian an veng nuthlawi zei leh kamtam ve tak Siami nen an inngaizawng hrep tawh a. Chumai bakah Siami nen an inngaihzawn dan pawh hi sawi tham tak a awm.
Siami te kawmthlanga nuthlawi, hmel sarivaithun ve tak nai Nuni an tih nen chuan Rsa hi an inngaizawng urhsun ve hle nai a. Anmahni tawkah chuan zep leh tih hreh pawh an nei phal bik lo. Nuni chuan eichawp dawrte siamin a dawrtute tana a pasal emawbtih tur khawp hian Rsa chu dawrah a mu kak huang reng thei...
Hlim taka Tlangval duhtui lo Rsa leh nuthlawi Nuni an inngaizawng reng emaw tih lai chuan zankhat thilthuah an boruak a chhe ta tlat mai...
He an boruak chhiat vang hi nge ni a an boruak chhiat chhan tih pawh hriat lohin Rsa leh a kawp lai Nuni thian hnai tak mai, a kawmchhak nuthlawi Siami chu an riak dun nghal ta mai a...
Chu thil a han hriat chuan Nuni rilru chu chemtea vih ang mai a ni. Mahse, chhel takin a tuar a. Egmah a sawi chhuak lo....
Tichuan Rsa leh A bialnu thiannu Siami chuan nuam tinreng chenin an nun chu an hmang dun ta a. Siami chuan a thiannu bialpa a lan ani tih reng a nunah hmuh tur a awm lo. Rsa lahin nuam lo tihna chhete pawh a nei hek lo.
Tichuan hlim taka tisa nawmna an chen lai chuan Rsa nunah Zami chu a rawn lang ve leh ta hlawl mai....
Zamihi nula chhe lo leh hleitling tak, hlim thei em em mai a ni a. Rilru tluang purh mai, hmel that ang bawka rilru tha a ni a. Amah sawrkar hnathawk alo ni bawk nen rimtu leh heltu pawh a haihchham lo kher mai.
Mahse, chuti chung erawh chuan tlangval thatchhe ve tak, hmeichhe mi em em mai leh addict Rsa zunah chuan a uai ta miau mai si a.
Thil mak tak mai chu, Rsa te, a bialnu hmasa leh nuthlawi Nuni te, a kawp lai nuni thiannu leh a inbul chiaha nuthlawi bawk mahnia awm Siami te, chumi bul chiaha awm Zami te hi inhre tha em em mai leh inpawh lutuk an ni vek mai hi a ni....
Tunlai tawng tak chuan Rsa hi tlangval vannei te pawh kan ti thei awm e. A zuna Zami a han uai ve ta chu an buai ya laih laih reng a. Zami lah ngaihzawng nei ngai vak lo tih takah a neih chhun chu keipui sahauh hlur mai chi a lo ni bawk nen, an insual lek lek ta fo mai hmeichhe dang nen...
Zami hi nula rilru lian zet mai, a tih tawh chu ti tlur mai chi, a tih loh tawh vek lah tih luih theih miah loh ang chi kha alo ni bawk nen, a hmaa Rsa bialnuho, Nuni te, Siami te chu a rawn lan rang kher mai...
Tichuan a hauha hauhna tangang chuan tlangval vantlang hnuai hret Rsa chu a chang ta nge nge a. Nupaah insiamin fa neih erawh an harsat hle a. A siam lam an uar em avang erawh chuan a tawpa tawpah zawng fanu duhawm tak Zotei chu an nei ve ta hlauh mai......cont
@Dwm Pachuau "NAU AWMTU MAK"
episode-2
Zotei chu naupang duhawm leh chum tha tak mai niin a pian hlim pawh in kg 4 leh a chanve lai a ni nghe nghe a. A nu a chhun bawka a hmel pawh a tha kher mai.
A nu leh pa pawh an hlimin an chhuang em em a, a pi leh pu te hlei hlei chuan an chhuang emaw tih mai tur a ni a, pawm lawr leh lak kual pawh a hlawh ngiang mai. Hun a kal zel a, harsatna leh hrisel lohna pawh nei miahblovin Zotei pawh kum khat a tling ve dawn ta reng mai.
A pi leh pu te chuan an tu hmuh hmasak ber chu duat namen lo tak hian an duat a. A piancham hmasa ber lo thleng tur pawh chu an theih ang tawka lawmsak tumin an nghakhlel tlang hle.
Tichuan Zotei piancham pawh chu alo herchhuak ta nge nge a. Tlai lamah chhungkhat laina hnai zawng zawng ten chawhlui kilin an ri luih luih a. Zan lam erawh naupang leh thenrual thate nena lawm an tum a ni.
Zotei chuan piancham lawmpuina pawh a dawng hnem khawp mai. Amah lah chu a tleiin a tap ngai mang der lova, tumahin rei tak an pawm hman lo. An inchuh nileng hi a ni ringawt mai.
Khua lo thimin zan lam hun a rawn inherchhuak ve ta thung a. Thenawm khawveng naupang zawng zawng deuhthaw chu Zotei te inah chuan an rawn lut khawm ta sup sup a. Nu leh pa, pitar putar te pawh an rawn lut nak nak a, an ri le lu mai.
Zotei nu leh midang pathum vel chuan ar sa an buhchiar a, a thenin chhang an kang a, a thenin thingpui an lo lum bawk a. Mahni tawkah an buai map map kher mai.
Tichuan zan dar kua velah chuan thingpui leh chhang, arsa sawhchiar chu puar takin an ei tlang ta a. Hlim taka eng emaw chen an rik leh laih laih hnu chuan thenrual tha te chu an tin darh ta a. An hmun hma leh an thil eina hnawk vel senghawia Zotei nu a buai em em lai chuan thawk leh khatah a eu awrh a. Vawikhat a uak vak a, chutah a meng pual ta vak vak mai.
A tlu tur chu a pasal chuan a rawn man hman chiah a, an buai ta luai luai mai. A piin Zotei chu lo pawmin midang zawng chuan anu chu an bawihsawm nghal a. Eng vanga chutia awm teh thut nge tih reng an hre lo.
An hrilhhaiin an hamhaih nasa em em vek a. Tih ngaihna vak leh enkawl dan an thiam miau loh avangin a rang lama damdawi in pan mai chu a tha an ti a.
Zotei nu ka atang chuan chil phuan a rawn chhuak ngiai ngiai a. A mit meng chu a pual vek a, kaih kan tih ang hi a ang ber. A taksa chu a khawng vek avangin a khur ngat ngat a. Damdawi in pan tura an insiam buai luai luai hlan chuan a kut tin a rawn duk tan a. Minute khat chhung lekin a taksa pawh a rawn duk chhuak hman vek. Damdawi in pan tura an inpeih meuh chuan Zotei nu chuan marphu a nei tawh lo der mai. Beidawn nan reng reng pawh kalpui lui ang han ti dawn se, a chahthlak fel chian hman em avangin thil tih chi a ni si lo. Chu thihna mak leh rang lutuk avang chuan tah mai nachang pawh an hre hlawm lo.
Naupang duhawm leh hmeltha, Zotei chuan a piancham vawikhat lawm zanah fahrah alo ni ta mai chu a nia. A makin a rapthlak kher mai. Thihna awmzia pawh ala hte tak si lova, nu a nei tawh lo tih pawh engtikah tak rawn hrethiam ve ang maw. Chu zan, Zotei piancham lawma an hlimna thangkhawk pawh a reh fel hmain lungngaihna chhum zing chuan chu in chu a rawn tuam ta thut mai le....................cont @Dwm Pachuau
nauawmtu mak.jpg
nauawmtu mak.jpg (21.49 KiB) Viewed 3257 times



Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 1:56 pm

@Dwm Pachuau
"NAU AWMTU MAK"
episode-3
Hlim leh lawm taka thenrual tha hawng darhho leh an thawm hria apiang mai chu an rawn tlan lut tuk tuk a. Chutiang nat lawk leh rin lawk awm hlek lova thihna lo thleng chu mak tih mai loh chu sawi ngaihna pawh a awm lo.
Thil thlen dan chu ani teh thut em mai a, Zami pasal leh a chhungte chuan an awih thei hlawl lo. Chesual satliah, rawn harh leh nai turah an ngai tlat mai a. Thenrual thate an tah rawih rawih pawhin Zami chhungte ber chu an hawi an hawi ringawt mai. Mahse, nula tlangvalin in an han singsa ta tak tak a, thiah ngai zawng zawng thiatin an han phiat fai vel a. A then an tap hawm hawm bawk nen chutia an phut suau suau karah chuan na nei ang mai hian Zotei chu a rawn tap chhuak ve ta vak mai.
A nu thi thut mai chu a hrethiam ve a ni ang e tih mai tur hian englai maha tap zen zen lo, naupang tlei em em ni si kha uar tak mai hian a tap vak vak mai a. A nu a sun ve a niang tih tura mawi hian lungchhe vankaiin a tap rawih rawih mai. Thil mak ve tak zawng a ni.
Zami pasal Rsa erawh a rilru a bing mup mai a, an biakna te chu nilo deuh deuh hian a chhang a. A chang leh chaw bel a hawng thul, chu a nupui thihna chuan a thawng teh thut em mai a, a rilru a harh fim lo tih a hriat tak zet.
Zotei pi leh pu erawh chu an puitlin tawhna leh an kum upat tawhna chuan rei loteah a insiamrem tir thuai a. An thinlung chu thawngin barakhaih hle mahse thil awmdan chu an pawm thuai a. Mahse, hriatthiam har erawh an ti ngang mai.
Tlangval ten thuthleng an rawn pu lut zut zut a, kar loah in chu an khat hmur mai. YMA leh khawtlang hruaitute pawh an vir zak zak a. Thil tul zawng zawng buaipuiin in chhung lamah leh pawn lamah an phe char char a. Chutia an buai mawp mawp lai chuan mithi dar a rawn ri ta vung vung mai le. Chu chuan thihna chu a rawn nemnghet chiang hle. Nula tlangval chu tlaivarin an zai dup dup a. Khawfing a chat dawn tan, ralkhata ui bauh vak vak leh ral lehlama sihal u rawng rawng thawm chu pawn lama thingpui lumho chuan an hre kar a. In chhung lamah erawh a then an muthlu a, a then an tap bawk a. Thenkhat erawh tui takin an zai dup dup bawk a.
Khawvar nghakhlel taka pawn lam thingpui lumna lama mite an titi sap sap lai chuan an thlang lawk, huan chhunga naute tap thawm niawm tak lo chhuak chu an hre ta a.
Tum lawk leh inthurual ang hrim hian chu lam chu an hawi thla rual thawt a. An titi chu a tawp chiang kher mai. An zinga pakhat chuan "In lo hre ve elaw?" a han ti a. Midang chuan "Hria e, ka hre chiang lutuk tlat" an lo ti sap sap a.
Mahse, naute tap thawm an hriat chu a reh leh tak daih avangin rilru bet lo zet chuan khawdang an hawisan leh ta a. Titi dang dang sawiin han awm leh mahse an thil hriat khan an rilru a luah ani chek ang chu, an hawi leh hrak hrak thin.
Khaw eng tur intan dawna thim chhah zual anih veleh ahma aia chiang chuan naupang tap ri chu a rawn awm leh ta. An tho nghal dual mai... Thawm ko chhuahna lam hawi chuan an ding thap a. Thawm pawh chu a reh hauh lo, naupang lungchhe tap ri chu an ngai thla far mai a, tunah tawng tum pawh an awm lo. Mak an ti em em mai a, then ohei chuan an hlau deuh titih mai. Chutah, an zinga pakhat chuan, zawi sup hian "Zoteii..." a rawn tichhuak a. Chupa lam chu an hawi nghal thap a. Chupa chuan "A aw ah chuan ka chiang lutuk tlat." a rawn ti leh a. Mak an ti kher mai. An zinga pakhat chuan "In chhungah a pi in a pawm daih kha, ka va en ngat teh ang." tih leh kal a rual nghal a. Midang pahnih chuan i zuk en fiah ngat teh ang tiin torch light nen chuan nau tapna hmunnlam chu an pan nghal bawk a............cont
@Dwm Pachuau
"NAU AWMTU MAK"
episode-4
Mahse, a hmun an zuk thlen chuan tap thawm chu a reh daih mai si a. thim thamah chuan an zuk hawi an zuk hawi ta ringawt mai. An torchlight chuan an han chhun kual hle chung pawhin engmah an hmu hauh lo.
Chutia thawm leh thildang engmah hmuh tur a awm tak lohah chuan an thiante bul lamah an chhohsan leh ta a. Thingpui lumna an thlen chhoh chuan chanchin an lo zawt vat hlawm a.
In chhung lama Zotei awm leh awm loh entu kha lo chhuakin "Zotei chu a awm reng, a piin a pawm muhil a lawm." a rawn ti a. Mak an tiin angaihna an hre lo tlang kher mai.
An zinga pakhat chuan, "Kei chu ramhuai leh thlahrang tih lampang hi ka ngaina hauh lo. Hawn daih mai ka duh." a rawn ti chhuak a. A bula a thianpa chuan "Mipa tan chutiang mai mai hlauh tur a ni hleinem...bakah kei chu fiah zel mai hi ka duh heriang lampang chu." alo ti a.
An zinga upa ber chuan, "Hei zanina kan thil hriat hi fiahna leh thu tling pawh a ni lova, hmundanga sawi darh chiam chi a ni lovang." alo tih chuan an ngawi ta thiap hlawm a.
Tichuan rei vak loah khua pawh a rawn var ta a. Thenawm khawveng nu leh pa, zan lama nula tlangval tlaivarho thlak tur an rawn thlen nak nak tak avangin zan lama tlaivarho chu an tin ta diak a.
Zami thihna chuan khawtlang a nghawngin a barakhaih em em vek a. Hetiang taka thihna hi an la hriat ngai loh avangin lainattu leh uitu pawh a ngah bangiang mai.
Zotei mawlh mai chu an ngaihtuahna leh an rilru tibuaitu ani lo thei lo. Engtinnge an enkawl ang a, tuin nge enkawl ta ang tih ngawt mai chu mitin zawhna a ni a. Zami thihna leh a fanu Zotei chungchang ngawt mai lo chu khawtlangah titi dang a leng lo a ni ber mai.
Hun chu chelhdin theih anih miau loh avangin Zami vui hun alo thleng a, mihring pawh am tam kher mai. Uitu leh ngaitu a ngah a, nat lawk awm miah lova a thihna chuan mi lainat leh mittui a ko hnem a ni.
Mahse, chu thihna chuan mihringte kan nunna chunga kan thu loh zia a lantir chiang viau bawk a. Ui in ngai em em mahse thlah loh theih a ni si lo. Tichuan he khawvela hmu leh ngai tawh lo turin leh a fanu duat ngawih ngawih pawh hmu leh ngai tawh lo turin an thlah liam ta a.
Tlai khua alo ngui a,thihna avanga an mittui pawh a hul hmain Zotei riltam leh tuihal chu hnute ngenin a tap ta. Mahse, hnute chu sawi loh a neitu a nu chawp chuan ngen phak rual a ni tawh si lo.
Chu chu hrethiam se engtin tak ngai ve ang maw? Sawi theih a nei lova, tih theih dang a nei hek lo. Tah mai loh chu atan tihngaihna a awm si lo. Thenrual tha leh chhungkhat laina te chuan an va lainat tak em.
Naupawm dang te chuan an hnute hnek tir tumin an han bei ngial thin a. Mahse, Zotei chuan a nu hnute ani lo tih a hre ve nge a hne duh tlat lo. Bawnghnute leh thildang hmanga an han tih ngial pawhin an beidawng thak zel mai.
Zotei, naupang duhawm leh fel em em, tap ngai lo leh hlim thei tak, lawm nuih awl em em mai thin chu lungchhe vankaiin a tap ta. Ban reng a tum lo...
Mihrang hrangin thlem an tum thib a, mahse tumah an hlawhtling thei lo. A tap ri chuan puitling ngeng a chhun a, thin lung a fan lo thei lo a ni. An hnem thiam lova, an thlem thei hek lo.
A pi leh pu, a pa ngei pawhin tihngaihna an hre tawh lo. A tap thawm hria apiangte mittui chu a tla emaw tih tur a ni a. Mahse, a tan tih theih an nei si lo. A tawpah chuan a pi chuan "Hawh le bawihte, ka duat neih chhun, aama i ngai maw? Hawh aama bulah kal ang aw." tiin mittui far zawih zawih chung chuan a han ti a.
Mak em em maiin Zotei tap lai chu a bang ta hlauh mai. Chu chuan awm ve te mak tih a hlawh a, an mittui an hru mawlh mawlh hlawm mai.
A pi chuan ngawi rengin a paw sawk sawk a, a chhuahpui ta daih a. Khawiah nge a kalpui dawn tih pawh an ngaihtuah chuang lo. Zotei an lainat zia chu in chhunga an chaw tui ber a ni nghal...
Api chuan khawlaiah a han awi lauh lauh a, mahse a ngai te bawkin Zotei chu a tap leh tan ta...api chuan a rilruin, e khai, ka naute hian a nu a ngai anih hi. Engahnge ka hruai mai loh ang ti rilru chung chuan thlanmual lam a panpui ta hmawk hmawk a.
An kal pah chuan "Bawihte, i nu min lo nghahna hmun chu a va dang ve maw le aw...engtinnge kan tih tak ang. I tui a hal a, hnute i hne chak tih engtinnge kan hrilh tak ang?" tiin a nau puak lai chu a be mawlh mawlh a. A mah chu insum thei lovin a tap khur ngat ngat a.
Zotei erawh tap tawh lovin a meng kiau a, a pi tap chu ngaithla ve niawm takin a pi chu a en kiau bawk a. Api chuan, "Bawihi, hei i fanu nen kan lo kal a nia. I fanu riltam leh tuihal hi hnute ilo pe leh dawn lo em ni?" tiin a tap chhuak rawih rawih a. Zotei chuan a pi tap chu en kar chungin rei lo teah a men ve ta puai puai mai... Zotei tap tur a hmuh chuan a pi chu a insum vat a, "Bawihte, ka naute duat tap suh le. Ama bulah kan kal dawn kha." a han ti a. Zotei pawh tap tur pawh mak tak maiin a tap leh ta bik lo tlat mai.
Thlanmual chu an thleng ta a, a nu thlan an thlen chuan api chu insum thei lovin a tap zawih zawih a. Zotei pawh api tah avang chuan a rawn tap chhuak ve a. Tumah inthlem tur chuang reng reng an awm ta lo...........cont
@Dwm Pachuau "NAU AWMTU MAK"
episode-5
Zotei te pitu chu an tap dun nasa ngei mai. A pi lah chuan Zotei tap chu thlem tumna pawh nei chuang lovin an tap dun vak vak . Mahse, Zotei nu chu tapa auh rual ani tawh si lo.
Thlanah chuan engtia rei nge an tah tawh tih pawh api chuan a hre lo. Mit bui luka a rawn hawi harh meuh chuan khua alo thim dawn chhulh tawh mai chu niin. Hmanhmawh takin a nau puak lai chu a din chhuah pui nghal a. Haw tuma a inher lai tak chuan anmahni zawngtute chu an lo thleng ve chiah a...
Naupang deuh chu nise Zotei pi chuan hauh a tawk nasa viau ngei ang. Mahse, pitar tih ve theih tawh anih bakah Zotei pi a ni miau a, hauh erawh tuman an hau ngam lo thung.
Tichuan thlanmual atang chuan anin chhawm hawng ta thliai thliai hlawm a. Zotei pawh a tah nasat vang nge a muhil bawrh bawrh mai. A pi erawh a ngaihtuahna a kal thui em a vangin a mittui a hul thei mawlh lo.
In an thleng a, zanriah te kilin Zotei erawh chu tui takin a muhil sek sek a. A pi chu a chauh ve tawh em a vang leh Zotei chu mut kham takin mu se an tih avangin room hranah, khum dup nuam takah an muttir a.
Zanriah ei khama thenrual lo leng khawm leh mai tur annih a vangin lo inpeih hman loh an hlau hle a. Thil tul leh senghawi tur awm ang ang tifel zung zungin an buai em em vek mai a.
Chutih lai chuan Zotei pi pawh an nawr nasat em a vangin leh a taksa chau lutuk tur ngaihtuahna a vang chauh chuan chaw alo ei ve mek a. Mahse, tihluihna a vang liau liaua ei mai ani tih chu a hmutu tan hai rual a awm lo...
Amah ber pawhin chaw a ei tih pawh a hre mumal lo, chutiang khawp chuan a rilru chu a vak thuiin a ngaihtuahna chu a mumal thei lo. Mahse, thenrual thate hmai eng zahna a vang tal pawhin intihharh a tum hram hram a...
Khua alo thim a, thenrual thate leh nula leh tlangval khawhar in kal tur an lo lang zut zut a. Zotei pi pawh luhai muai muai chunga a thutna kalsanin a tunu duat ngawih ngawih Zotei a mutna room lam chu a pan chhat chhat a.
Mahse, room kawngka a hawn ruala a hmuh chu Zotei a mutna khum lo ruak hiai mai chu a ni...A ding dat a, chutah muangchanga lutin a nit a len kual nghal ruai ruai a.
Mahse, a naute duat hmel reng reng hmuh tur a awm lo. A thinlung chu a su nghal dup a....Mahse, chuti ngawta buai tur leh chi-ai mai tur a ni lo tih a inhrilh nghal vat a. Tuin emaw a chawei hlanin an lo pawm sawn a ni ngei ang....ngaihthat lohna tur a awm lo tiin a inhrilh.mawlh mawlh a.
Muangchangin a chhuak leh a. An sitting room leh a hmuh phak zawng zawng chu hawi kualin Zotei hmel chu hmuh a inring hle a. Mahse, atu amah chuan Zotei reng an pawm lova, lo pua emaw pawh a hmu hauh lo.
Ngaihthat lohna neih ala duh lo, muangchangin choka lam chu a pan chhat chhat a, amah lobetute pawh chu a chhang ve ngei zel a. Mahse, an zawhna leh an lo biak mila a chhan leh chhan loh pawh a hre reng reng lo.
Choka ah Zotei hmel a hmu lo phawt, beidawng leh beisei ru deuh siin pawn lam a pan.leh a. Pawnah pawh a hawi kual viau, mahse Zotei hmel reng ala hmu chuang lo. Chutah meuh chuan a rilru a buai ta map mai.
A pasal leh a chhungte a hmuh theih ang ang a ko nghal a, anni chuan thil awmzia hre lek lovin "Engnge ni ya ngai?" an ti sap sap hlawm a. Zotei pa pawh lo chhuak vein a rawn kal hnai ve bawk a.
Zotei pi chuan khuh kharh kharh pahin, "Engmah a ni lo, ka tunu duat Zotei hi ka hmu mai lova, tunang hunah chuan ka bula a awm reng loh hi ka duh lo tih thuah tuinnge lo pawmsawn che u ka hre duh mai mai." a han ti a.
Chutah an inen ta he haw hlawm mai. A thenin roomah i mut ani lawm ni? an ti a. Rsa phei chuan, ila paw reng emaw ka ti asin." a lo ti ha a.
An ngawi ta thiap mai le. Chu chuan thil tamtak a sawi tlat si. Chu chu engdang ni lovin tumah chuan Zotei awmna an hre lo tih a ti chiang takzet... Zotei pu chuan, "Khawinge keiman a pi mutna room ka han en chiang ngat teh ang" atih chuan api chuan "Ka en vek tawh. A awm lo, a pawm chhuaktu in hre miah lo maw?" a han ti vin hlar mai a. An ngawi thap mai... A duhang chhanna a hmu lo tih hriat tak mai hian Zotei pi chuan a han melh kual khai khai mai a. Zotei pa chuan "Kan buai tlan em hi, kan hriat lohin tuin emaw alo paw daih te pawh ani ang chu. Chung mai mai buaina tur niin ka hre lo. Ka nu pawh hi i ngaihtha lo hma ve bawk a ni." alo ti hlak a.
Midangho chu an lo thaw huai a. Mahse, api erawh ani ve hauh lo. "Chuti anih chuan tuinnge ka naute chu la chhuak hria ula, ka hnenah rawn hriai rawh u." a ti ta bur mai le...
Nula tlangval leh thenawm khawveng an lo kal thahnem tawh si, Zotei vang ngawta anni chhungkua bo vek thu a awm thei si lo, an rilru erawh a niam thei si lo vek a. A pi lah chu a buai chhe titih der mai bawk nen an buai ru ta kher mai.
Mahse, thenrual thate leh midangin an rilru buaina chu an hria ang tih an hlau si, Zotei awmna tur leh a pawm chhiak ngam tura an rin deuh deuhte an han zawt ru thin a. An beisei ang leh a tira an ngaihsam ang ngawt chuan thil a thleng ta lo tawp mai. Anihna takah chuan Zotei chu a bo a ni ta reng mai.............cont
@Dwm Pachuau

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 1:57 pm

@Dwm Pachuau:
"NAU AWMTU MAK"
episode-6
Zotei chhungte rilru chu a buai ru ta kher mai. Khawia zawn tur nge tih lah chu an bangbo nasa mai si a, mihrang hriat chi lah a ni der mai si lo. An chiai nasa ta mai...
Thenrual tha leh nula tlangval an rawn kal belh zel a, rei vak loah zai an tan chu a ni ta mai. Chutih laia Zotei bo thu sawi leh lo zawn vak vak mai thu a awm si lo. Engmah ti lova awm ngawt theih ani bawk si lo nen thih lusun kara buaina chu a thuah hnih ta kher mai.
Khawhar in lengho chu an zai dap dap a. Zotei awm loh thu leh a chhungte mangan ruk zia hre ve hek lo, an zai kar laka thusawi an ding leh zauh tih mai loh chu thiam tak mai hian an zai dup dup reng a. Chutih laiin Zotei chhungteho lah an lo mangang em em mai si. Zotei pu chuan an chhiat tawh dan chungchang leh thenrualte laka lawmthusawi na te neiin thu a han sawi ve a. Chutih chhungin annu chu roomah a lo lut ve leh mek a. Zotei a mutna khum lah chu alo la ruak hiai nai si. Mangang zet mai hian khum hnuai leh kawm kil kar te chu a bih vak vak a. Steel Almaira te hawngin room chhung chu en loh leh zawn lohna lai pawh a nei tawh lo. Mahse, chuti chung chuan Zotei hmel reng hmuh tur a awm si lo, a beidawng ngei mai.
A thenin in hnuai leh in kil kar te an lo zawng ve bawk a. Thenawm te inhnuai nen lam an zawng ru vak vak hlawm a. Mahse, beidawn thlak tak hi ani ringawt. An lu a hai bat bat hlawm ngei mai. Hun a kal zel a, zan rei lam alo ni ta bawk nen khawhar in lengho pawh ban hla sain an zai keh ta dap dap a. An sak zawh chuan tawngtai rualin an tin ta diah diah hlawm a. Zotei chhungte lah an mang a ang tulh tulh mai si. A thenin "Khawiah nge Zotei?" ti tawk an awm nawk lehnghal a. A mut tawh thuin an chhangthla ngawt zel a, tihngaihna dang vak awm hek lo le...
Thu muang fan deuhho chu kawm an ngai si a, a rilruah lah Zotei bak a awm thei si lo. Zotei pi chu a mangang takzet. Pawnah te ava chhuak leh ngawt thin, a lut leh thin. A phi ruai tawh mai.
Kar loah tlangval khawhar in riak turho an rawn inpu lut tan a, nu leh pa pawh an tin zo ta diak a. An thenawm nula ten hmun phiat faiin tlangvalho chu mutna an phahpui bawk a.
A rukin an han sawiho ngial thin. Midang hriat a sawi rem bawk si lo, Zotei pi lah chu a tap teuh tawh mai a. Chutah a pu chuan tawngtai a rawn rawt chhuak ta mauh mai a. Tichuan a pu duh ang chuan room hranah lut khawmin an tawngtai ta a.
An tawngtai zawh chuan api chu a tap par a, apu chuan zawi sup hian "Thlan zuk en teh u." a rawn ti chhuak sup a. A thil sawi chuan a barakhaih hlawm kher mai.
Api chuan "Awi ka rei, thlanah daih daih maw?" a rawn tichhuak a. An rilrua awm chu a inang tlang hle tih a hriat mai. Mahse, an rilrua zawhna leh mak tihna chu rin harsa an ti ngang hlawm a. Mahse, pa ber thu erawh an hnial ngam si lo.
Zotei pa leh an makpa chu thlana kal tur chuan an chhuak nghal a. Zotei pi chu khumah a thu zawi hnak a. "Khawiah ka nau duat lai kha thlanah tuin nge lo zuk hruai hman ang, a nu thlain a rawn lak in ring em ni? A ni thei lo, ka ring lo kei chu." a rawn ti chhuak tiau a.
Hmeichheho phei chu an tim nghal ur ur mai. An thinlungah mak tihna, rapna leh hlauhna a inpawlh nuai mai a, an awm hle hle thei tawh lo. A pi chu a vei tawn sek a. Chutah Zotei mutna room lamah bawk chuan a zuk lut leh ta nge nge a. Room a lut chiah chu a rawn rak chhuak leh ta hluai mai le.............cont
@Dwm Pachuau "NAU AWMTU MAK"
episode-7
Zotei pi chu mumal nei lo lek hian a rawn rak chhuak nawk nawk mai a. Chu veleh midanghi chu an phu nghal suau a. Khawhar in riak turho lah an phili nasa hman mai...
"Engtizia nge ni?" tia an tlan hnaih chuan api chuan khum lam a kawk vu mai a. Khum an han en nak chuan Zotei chu alo mutui hle mai hi alo ni a. A hma zawnga awm teng reng si lo kha engtinnge alo awm leh tak mai tih chu mak tih loh rual a ni lo reng a ni.
Mahse, a hmaa Zotei bo thu hre ve lem lo tlangvalho chu an hrilhhai hle a. Thil dik lo a awm em ni han ti dawn se, chutiang engmah lah chu a awm bawk si lo. Zotei pi chuan thil eng emaw hmuh sual a nei anih an rinsak hial a
Zotei pi lah chu mak tihna hlir nai hian a khat a. Chutih rualin a rap deuh lek lek bawk a. Mahse, chutia Zotei alo awm leh ringawt pawh chu a lawm em em lawi a. A pu chuan a ruk hian thlanmual lama Zotei pa te kal chu a ko tur a tir ru leh nghal vat bawk a.
Zotei mutna khumah chuan an khu khawm raih mai a. Zotei lah chu a han mutui laileng khawp lehnghal a. Atu ate mai pawh chuan an khawih sek mai a. An chhungkaw chunga thil thlen dan chu thil pangngai anih miau loh avangin an dawih dui zo vek tawh.
A pu chu a han ding chhuak tuih tuih a, tlangvalho pawh khi an hrilhhai lutuk ang tiin thupha chawitur chuan an riahna lam chu a pan nghal chhut chhut a.
An inriak tlangvalho hnenah chuan "E khai, tui takin mu theuh rawh u. Hmeichheho hi chu eng emaw hlekah hian an ri leh hluai mai thin a. A zia lo tak tak a ni. A taksa chak vak tawh lo nen thil a han hmu sual mai pek alawm maw le. Min hrethiam hlawm teh u." a han ti chuar chuar a...
Tlangvalho chuan, "Mai mai a, inthlahrung reng reng suh u. Zan reiah leh eng hunah pawh harsatna leh eng emaw a awm anih chuan hei in tan kan awm reng a nia. Nangmahni zawk kha tui taka mut tum hram hram rawh u, kei ni te chu ngaihtuah kan ngai reng reng lo. Kan mutui thei lutuk ber hi a nia buaithlak thin chu." tiin an lo fel hlawm em em a.
Rei vak loah Zotei pa teho chu thlan tla deuh pheng phung hian an rawn lut tak tak a, tlangvalho chuan ngaih that lohna pawh nei lem lovin uksak pawh an lo uksak lo hlauh a. Tichuan ngawi rengin room lamah chuan an lut tlang nghal diak a.
Zotei hmel an han hmu an thaw huai hlawm a. Mahse, Zotei, hmeichhe naupang leh ani ang rual lek laka thil thleng teh hrep chu mak an tiin sawi ngaihna pawh an hre hlawm lo. A pa phei chu a rilru a na takzet....
A pi chu lo tawng chhuakin, "Engtinnge kan tih tak ang? Hetiang hrim chuan mut na chi pawh a ni dawn em ni? Kan muthilh hlan hian lo bo leh ta se engtinnge kan tih tak ang?" a rawn ti chhuak a. An ngawi thiap mai.
Zotei chu harh tum niawm tak hian a rawn tal sat sat a. Chu veleh a pu chuan "Eng pawh nise tiharh law law rih phawt mai teh u." alo ti vat a.
A pi chuan Zotei chu a pawm kang vat a, chutah Zotei chu zi mar ian ian chung hian a rawn meng fiah ta kak a. A pi chuan "Awi ka rei, a vawt lutuk a taksa hi. Engti zia nge hei a hik vek alawm." a ti hlut a.
Zotei taksa chu an han khawih liam liam a, a then phei chu an phu zawk zawk hlawm mai. A pu bawk chuan, "A va han mak ngai em em bawk tak ve maw aw! A lum thei ang ber khan dah vat rawh u." a ti hmuk a. A mah lah chu a vei tawn sek mai a. Nuam lo an ti tlang kher mai.
Thawmhnaw lum leh puan lum tha tha chuan an tilum nghal sawk sawk a. A riltam leh tuihal ringin a thenin bawnghnute leh eng eng emaw an buatsaih mawlh mawlh bawk a. Mahse, mak tak maiin Zotei chuan engmah a ei in duh tlat lo mai.
Engti zia nge ni ta ang? Tun ang hunah chuan tuihal dang rova tah vak vakna awm tawh a ni si a. Mahse, tah chu sawi loh bawnghnute takngial pawh a duh tlat si lo. A pi ngaihtha lo chuan a pum chu a han khawihsak vel a, "Ka rei...a puar lutuk ka nau hi, engti zia nge a mak ka ti em mai kei zawng." tiin Zotei chu a en tlawk tlawk a. Midangho lah chu a ngaihna hria reng an awm lo. Mak tia en mai loh chu tih theih an nei bik si lo.............
@Dwm Pachuau

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 1:57 pm

@Dwm Pachuau
"NAU AWMTU MAK"
episode-8
Chu zan zet chu tumah an mu lo ti ila kan sawi sual tam awm love, Zotei chu an muthilhsan ngam loh bakah tumah mutchhuak thei lah an awm lo. Zankhua mai chuan zawite te hian an titi tlaivar ta thak a.
Lusun khawhar hlim e tilo chuan an rilruah lusunna lam ai mahin an rilru chu a phawklek mah mah zawk emaw tih hial tur a ni. Rsa erawh a meng sen rum reng a. A rilruah nupui ngaihna nen, hriatthiam lohna nen, rilru hahna leh lusunna nena inpawlh nuai mai chu tawrh har tak tur a ni ngei ang, a lainatawm takzet a ni...
A tawng pawh a tawng tlem hle mai a, biak chin bak chu a tawng mang meuh lo a ni. A hmelah erawh a lusunna chu hai rual a awm lova, mipa mah nise kawppui han then meuh chu a na hle ang tih bak sawi tur a awm lo. Upa pawhin kawppui inthihsan nat zia sawi nan leh a tehkhin nan dar lehlam sagthlak an lo tehkhin hial reng a ni.
Apu bawk chuan "Kan chhungkua, a bikin Zotei chunga thil thleng hi khawiah mah sawi chhuah loh tur a ni ang. Kan chhungkaw thuruk ni se la, tlangin an hriat zawngin kan mualpho lutuk dawn a, amah Zotei tan ngei pawh hian a tha lovang." a ti deuh reng mai. Ani lah tak a, Zotei chu lo thanglianin nulat te pawh ala rawn hre ve ngei turah ngai ila, chung hun thleng pawh chuan a tan mi hriat kha a tha teh chiam lo tlat a ni.
A mutchhuak zual chu an han chhing sek thin nain, tumah nghet taka mu bawrh bawrh thei an awm reng reng lo. Zotei veng chuan an inmut chhawk te pawh a ni ber ang chu.
Mahse, eng em ti lo leh thil danglam thleng awm tawh lovin chu zan chu an tling tla ve thei hram a. Zing khua alo var chuan an thaw huai hlawm mai. Tlangval in riakho pawh an tho sang sang hlawm a, chhun khaw eng nana chu an tan pawh a huphurhawm dan a ziaawm deuh chek ang chu... Thlan nghahni a ni bawk a, inleng pawh an la thahnem khawp mai. Tin, thlan siam ni a ni bawk a, thlan siam turho pawh an lo kal khawm nak nak a.
Zotei chhungte chu tumah mut mumal nei lova zan hnih zet hun hmang tawh an nih avangin an chau tlang hle a. An hmelah pawh an mut a chhuak a ni tih hai rual a awm lo.
Mahse, thenrual tha te lo chiau au a ngaih miau avangin tumah chawl hahdam leh mu bo hman an ni si lova, a theih chin chinah hmel hlim put hram hram tumin an hmanhlel ve bawk a.
Tichuan tukthuan te an ei fel zawh chuan muangchangin thlan siam turho pawh hmanraw chikim nen thlanmual lam an pan ta diah diah a. Zotei pa chuan hma hruaiin a nupui thlan hmuh chu a chakin a huphurh viau bawk a. A mitthlaah an nunhlui leh an hlim lai te a rawn lang iai iai a, insum pawh har a ti ve ngang mai...
Thlan an thleng a, midangho zi nak nak karah chuan Zotei pa chuan uluk takin a nupui thlan chu a thlir vawng vawng a. Chutah chuan thil mak deuh mai a hmu ta tlat mai.
Thlan chung an hai pawn lu lamah chuan naupang mutna tih hriat tak mai hian alo zawl deuh a, chulai chu a bel han bik bawk a. Zotei pa chuan a hmuhsual leh a ngaihbel mai mai anih ringin hnai takah a han en chiang ngat a. Mahse, a en chian poh leh chu thil chu a chiang ting mai.
Mak hi a ti em em mai a, midang hmuh ve hma chuan a thai reh vat a. Nizan khan thlanmual kha lo thleng hman ta se a fanu chu a lo awm angem tih te chu a ngaihtuah zui nasa kher mai.
Mahse, rilru a pek ding tak tak hma chuan midangho chuan an rawn chim buai tak avangin a ngaihtuah zawm thei ta lo. Tichuan thlan siam chu tanin fiamthu te an thawh a an hlim hle a. Rsa rilru erawh a vak thui thin ngei mai...
Thlan chu chawhma tha lam an siam hnu chuan an zo fel a, hmanrua te seng khawmin an hawng diah diah a. Rsa erawh cham khawmuan ka duh a tih avangin an hawnsan ta vek a. Amah chauh chuan a nupui thlan kiangah chuan a thu ta ran mai a...........
@Dwm Pachuau "NAU AWMTU MAK"
episode-9
Rsa chu mittui parawl kiang hian annu thlanah chuan a thu kun ngaih a. A rilruah thil tam tak ngaihtuahin a fanu Zotei hma hun mawlh mai chuan a awm a tinuam thei lo...
Ama hriat tham lek chuan a nupui chu a han ko a. Thil tam tak sawiin a nupui, lei hnuai thuk taka mu chu a be mawlh mawlh reng a. A chang leh zawhna te zawtin a ko leh mawlh mawlh thin. Mahse, thi hnu tawng leh thu a awm lova, chhanna erawh hriat tur a vang hle mai. Ni a her hle tawh tihah a thianpa chu amah ngaihtuahin thlanah chuan a rawn kal ve a. Tichuan Rsa chu a hruai hawng ta a. Khua alo tlai lam leh ta. Khawhar in leng pawh an han leh duak tawh a. Zotei pi chuan manganna chi hnih a nei, pakhat zawk chu zan lo thleng tur a huphurhna chu a ni.
Pakhat leh chu Zotei riltam leh tuihal thei reng reng lo mai chu a ni. A nu boral zan leh a ruang awm nia bawnghnute an pek bak kha engmah pek theih a ni ta reng reng lo mai chu thil mak tih loh rual a ni lo...
A chhungte tan lawmna chi a ni lova, ngaihthatna chi a ni hek lo. Mahse, Zotei berin engmah a ei in duh miau lova, riltam leh tuihala tah vak vak a hun toh nen chutiang reng rengin a awm si lo.
Riltam se, tuihal se, dang rovin hnute ngen se la, tap tuar tuar se a chhungte tan chuan a lawmawm zawk hial ngei ang. Mahse, Zotei pum chu hnute hne zo hlim ang mai hian a puar pang reng mai si a, a mak tih mai loh chu sawi tur a vang a ni.
A pi chuan bawnghnute chu pek luih han tum ngial thin mahse a duh thlawt lo, a lem duh miau loh avangin a ka atang chuan a rawn luang chhuak zawih zawih zel mai si, buaithlak tak chu ava ni em.
Khua a thim leh dawn ta ruai mai. Zotei chu a piin a paw bei hlu hlu a. Mi che vel chu en kualin a pi chu alo vir ve sek a. A rilru tak chuan zan lo thleng tur chu a huphurh nhawih ngawih a, thleng lo se a duh ngawih ngawih a ni. Mahse, a thu ni miau hek lo le... Unau hmel hai hun vel anih chuan thli a rawn thaw vuk vuk a, khawlaia bawlhhlawh nawi leh vaivut te chu a len darh chum chum a.
Chutah le, Zotei api puak bei that hle hle lai chu a lu rawn kanin a rawn hawi chhuak a, zawn nei tih hriat tak mai hian a hawi kual ta ruai ruai mai. Api chuan a nau puak lai awmdan rawn inthlak thut mai chu mak a tiin a ngaih a tha lo hle ta mai.
"Bawihte, engtizia nge ni ta? Bei rawh le, bei bei..." a han ti a. Mahse, Zotei chuan bei a tum tawh awzawng lo mai. A hnung lam leh sir tawn tawnah chuan a hawi kual ruai ruai a. Chutah, a rawn tap chhuak ta phawng mai.
Api tihngaihna hre lo chu a hawi kual ve ta ruai mai a. A chang leh a hnunglam leh sir lam, Zotei hawina lam apiangah chuan a inher vut vut a. Mahse, engmah hmuh a nei der mai si lo. Zotei lah chu a tap uar telh telh mai a, rei lo teah lungchhe vankaiin a tap ta hawm hawm mai. Api mangang lutuk chu khawngaihthlak zawk tak a ni. A rilruah hlauhna a rawn lut tan a, hlau anga lan erawh a hreh si. Bawihte, tap suh tap suh...bang rawh lem, kan hau lo kan hau lo che." a ti mawlh mawlh a.... Mahse, ban a hnekin Zotei chu a tap uar sauh sauh emaw tih mai tur a ni. Nakinah phei chuan, latu tur awm ang mai hian a kut chu vai chhuakin a ban ta hurh hurh mai. Api chuan "Awi ka rei ka nau, engtizia nge? Thil hmuh i nei em ni bawihte?" a ti ta chul mai a.
Zotei chuan tap tuar tuar chung hian a ban a lek chhuak vu a, a ban lawm lawm mai. Api chuan a rap titih tawh tlat. Chutih naka laiin an bula uicho lo ding chu Zotei te pitu lam hawi chuan a boh ta nghek mai a, Zotei pi chu ava phu leng nasa ngai em...
Chu uicho chu a bauh tuarh tuarh mai a. Enge a bauh lah chu hriat ni hek suh, thli thaw ri vuk vuk nen. Zotei tap tuar tuar bawk nen a boruak a dik ta lo tawp mai le..............cont
@Dwm Pachuau

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 1:57 pm

"NAU AWMTU MAK"
episode-10
Zotei te pitu awmna atanga hlam thum awm emaw leka hnaiah chuan thawngaleivir a rawn insiam a, van lam hawi chuan vaivut a vir kual chho ta mup mup mai a. Chu thil chu mak tih hmel tak mai hian Zotei chuan a en ta reng mai a. A tap pawh a bang chiang kher mai...
A pi chuan chutia a naupuak tap vak vak leh boruak su dup mai kara thawngaleivir rawn insiam ngawt mai chu a mak ti takin a thlir ve reng ringawt a. Rei vak lo hnua thawngaleivir a reh hnu chuan Zotei pi chuan a naupuak chu a tap bang a ni tih a hrechhuak ve chiah a. Mak a ti kher mai.
Hmeichhe naupang kum khat mi lekina chuti tak maia thawngaleivir a hmu duh leh tap bang hmiah khawpa a thlir chu engnge a chhan nita ang tih a ngaihtuah zui nasa hle a, Zotei lah chuan thawngaleivir tawp lam tawh van sanga la chambang chu vanvadak meuh hian ala thlir deuh deuh mai si a. Chutah van lam chu banin a tap leh ta mai...
Api chuan hmanhmawh angreng takin in chhung lamah a luhpui nghal a. An nau nu fel tak hnenah chuan "Hawh awi, kha ka nau hi nang han paw ve teh lawk. Ka dar a kham em mai." tih pahin a hlan nghal mawlh mawlh a.
Chu a nau hlan nu chuan Zotei pi awmdan leh a thawk dan, a hmel leh mitmeng atang chuan mak tihna riau a nei tlat mai a. Mahse, han zawh teh dawt chu a hreh deuh si avangin engmah zawt ta lo chuan Zotei chu a paw ve mai bawk a.
Zotei chu a tah vak vak avangin tih tlei nan pawnah bawk chuan a chhuahpui ve leh thung a. Zotei pi erawh chu room lamah lut nghalin a va mu nghal hmiah a, blancket chuan a inlukhum nghal hmiah bawk a. A chhungte chuan hmu se an ngaih a tha hlek lovang le. Khua a thim chian tawh avangin Zotei pawh in chhung lamah an rawn paw lut leh tawh a. A tap nasa bawk a, a intap mutchhuak zo a, inhnit faih faih chung chuan a muthlu ta lap lap a.
Zanriah ei a hun chhoh avangin chawei an han siam sap sap hlawm a. Zotei pawtu ber chuan kil khatah Zotei chu puak mut chian tumin alo awi ve hliau hliau bawk a.
Zotei pi chu an hmuh mai loh avangin an han zawng a, room a amu an va hmuh chuan chawei an siam thu leh tawngtaina hmang se an tih thu an va hrilh a. Mahse, Zotei pi chu a khawsik alo san nasat em avangin alo tlun hluah mai alo ni.
Rang takin damdawi an la nghal a, nachhawkna sang ber an ei tir bakah puan lum tha tha chuan an khuh vum luk a. Hmeichhe pahnih chuan thutpuiin an vil ran a, chutih laiin a then erawh zanriah kil turin an inbuatsaih ve thung a.
Zotei pa leh a pu chuan Zotei pawtu hnenah chuan "A mut ngheh tawh chuan va mut rih la, chaw hi han kil ve phawt rawh." an lo ti dun mawlh mawlh a. Zotei pawtu chuan, "Aw, nia hei a mu nghet tep. Tikhan lo ei ula, a mut chian deuh ka'n nghak lawk ang e. Ka rawn kil zawm ve mai ang." tiin alo chhang a. Zotei pawtu hi an lam hnai tak anih rualin Zotei bo chungchang erawh kha chu a la hre ve hauh lova...Zotei a puak laia Zotei rawn phu leh deuh zawk thin te, rawn nui chhuak leh hek hek thin te leh a changa a rawn tap leh dawn dawn thin te chu naupang danah a ngai mai a. A mang lama a thil hmuh a nih a ring ve mai.
Zotei pi khawsik tlun chu a rum a rum mai a, a sawi erawh an hriatsak hlei lova. Mahse, nakinah chuan a puan sin thuah luk chu amah chuan a rawn vai darh a, awmze mumal nei miah lo hian a rawn tawng chhuak nawk nawk a.
A damdawi eiin a chhawk tan anih hi an ti a an lawm hle a. A khawsik reh tan tur vanga tawngvaiah an ngaihsak mai a. Mahse, a tawngvai ngun telh telh a, a thil sawi te lah chu tawngvai sawi ni awm lo a mawi te a ni nawk ta mai. Amah lah chu a harh der mai bawk si lo.
A thutchilhtute pahnih chuan mak an ti tan viau mai. Nakinah phei chuan Zotei chungchang chu a rawn sawi chhuak nawk nawk a. A chang leh "Hruai tir reng reng suh u. Tui kan ngah loh hi ren deuh ula, hlim takin i lam ang u." te a rawn ti nuaih mai thin bawk a.
A thutpuitute pahnih nuih chu a za hle a, damlo thutpui e tilo chuan an nui dir ta cher cher mai a. Mahse, chutia an nuih char char lai tak mai chuan Zotei pi chuan "Nui nui suh u." a rawn ti fel fak ta mai. A harh der mai si lo, an nui laklawh lai chu an tawp chiang dun kher asin...Makti deuh mai hian an in en a, an nuih a za zui lo chiang khawp mai...
Zotei pi chu awmze awm mang li hian vawi hnih vawi thum vel a rawn riat leh nawk nawk a. Chutah thlaphan hmel tak hian, "Ka naute kha! Ka nau kha khawiah nge? Ka naute kha ka naute kha..." a rawn ti ta chiam mai.
Amah lah chu a phar kual nasa mai si a, a awmpuitute pahnih chuan nuam an ti tawh lo nasa. Mahse, Zotei pu chawei kham a lo lut ve ta hlauh a, an thaw dun huai mai. Apu chuan "Kha, engnge a an ? Chaw te saw a ei peih ve dawn em?" a rawn ti a. A awmpuitute chuan "A, ala ei peih hmel loh a ni." an lo ti ve mai a. Apu chuan, "Anih chu maw le, damdawi te a ei chuan a tha ve leh mai ang chu." tiin chhuah leh nghal mai a han tum a.
Chu veleh a awmpuitu pakhat zawk chuan, "A tawngvai nasa riau mai a, lo awm ve rih lawk la." alo ti vat a. Apu pawh chu a thu ve leh mai bawk a.
Zotei pi chuan "Khawi ka naute kha, khawiah nge ka naute? Ka naute kha amahin awm tir suh u, khawi hetah ka bulah hian lo dah rawh u." a rawn ti leh ta chiam chiam mai a.
Apu chuan "An paw muhil alawm mawle aw...engatinge i tawngvaih vak vak mai? alo ti chuar chuar a. Mahse, chumi a sawi zawh ruala a rilrua lo lut nghal chu Zotei khuma an mut alo bo ngawt mai kha a ni...
A pu chu a ngawi vung vung a, a chawei kham a thawh dawn khan Zotei pawtu kha chaw kil ve tur khan a rawn thu a ni lawm ni, khatih lai khan Zotei a puak leh puak loh a chiang tawh tlat lo... Chutah Zotei pu chu a tho leh nghal a, choka lamah Zotei chu an la paw ngei em tih fiah turin a phei leh ta ngat a. A pawtu chuan chaw alo bar mawlh mawlh a hmuh rual chuan a paw tawh lo tih a hmu nghal. Muangchangin ava pan hnai chhut chhut a, " Ka tunu kha khawiah nge?" a va ti mawl tawp mai a. A pawtu chuan "Room-ah ka mut a, a mu nghet tawh khawp mai." alo ti a. A thusawi alo hriat ve avangin Zotei pa chu a tho vut a, room lam chu a pan ding nghal chat a..........cont
@Dwm Pachuau
"NAU AWMTU MAK"
episode-11
Zotei pain room a va thlen chuan Zotei chu tui tak mai hian alo la muhil sek sek a. Apa chu a thaw huai mai. Chhuahsan leh mai a tum lai tak chuan a pa a rawn lut ve chiah a, a pa chuan "Bawiha a pi bulah hian han mut teh, a ngaihtuah em mai." a ti a. Zotei pa chuan tihharh hlau takin a han pawm kang a, api bulah chuan a han mut ta a. A pi pawh a ngawi ta hle hle a.
Zan a rei a, inlengte pawh an haw zo leh tan tawh a. Zotei te pitu chu tui takin an muhil a, Khawhar in riak tlangvalho pawhin mutna phahin an mu nghal sap sap a.
Zotei pu pawh muangchangin mut zai a rel a. Zotei pa erawh chu a mut a chhuak thei reng reng lo. Mut zai pawh rel lovin chokaah chuan a thu ran mai a, a rilru kawmin a ngaihtuahna a kal ding tak zet.
Zan a rei zel a, Rsa lah chu a harh tulh tulh emaw tih tur a ni. Pawnah te chhuakin an in bul velah te chuan a tei rak rak a. Chutih lai chuan zanlai ar pawh an rawn khuang thliai thliai a.
Zotei pi riltam lutuk chu a rawn thangharh hlawl mai a. A khawsik pawh alo reh vek tawh a. A bula Zotei lo muhil sek sek a hmuh chuan a lawm ngei mai. Tichuan thawhsanin choka lamah chaw ei turin a kalsan ta nghal a. A ril alo tambtawh bawka a ei tui kher mai.
Chutia tui taka chaw a ei mawlh mawlh lai chuan Rsa, Zotei pa chu a rawn lut ve a. a nu chuan, "E, mama i la mu nange?" a lo ti vat a. Rsa chuan "Aw, ka mut a chhuak thei reng reng lo mai. I khawsik chu a reh tawh em?" tiin alo zawt let ve nghal a. A nu chuan, "Aw reh tawh e. Ka riltamin min tiharh a lawm maw le." tiin chaw chu a ei zawm nghal mawlh mawlh a...
Chutia an inbiak mawlh mawlh lai chuan Zotei chu a rawn tap deuh that that a. A nu chuan "Mama lo va ngaihven lawk mai teh, ka kut a berh bakah ka ei laklawh em mai." a tih rualin Rsa chu a tho nghal vat a...
Rei vak loah Rsa chu a lo let leh thuai a, a nu hnenah chuan "Khawiah nge i mut a?" tiin a nu chawei lai chu a rawn zawt a. Chu veleh A nu chu a ding mar zawt mai. Kut pawh sil lovin room lamah chuan a tlan phei nghal a, a hnungah Rsan a zui nghal bawk a. An pitua an mutna khum a thlen phei nak chuan khum chu a lo ruak vek mai chu niin...
Zotei pi chu a mang phar awn awn mai a. Rsa chuan thil awmzia chu a rawn hrethiam chawpchilh nghal bawk a. A nu hrilhhai hmel chu a khawngaih kher mai.
A nu chu a ding ka hau reng mai a, a melh ngai melhin a ding khur zawih zawih mai. Rsa chuan a darah rawn vuanin "A va han buaithlak thin em, engtinnge kan tih ang?" a han ti a. A nu chuan "I pa kaitho rawh." tih ringawtin a lo chhang a.
Rsa chu a pa kaitho tur chuan a kal nghal a. In riak tlangval ten an hria ang tih a hlauhawm si a, a pa chu thawm dim deuh takin a kaitho ta a.
A pa chu thawh phan awm miah lovin a rawn tho nghal a, Zotei pi chuan thil awmzia a lo hrilh nghal zung zung a. A pu pawh chuan sawi tur a vanin engtia han tih tur nge tih a hrethiam bik lo kher mai.
"I chawei chhung lekin maw a lo awm loh?" a han ti hluk a. A pi chuan "Niang chu, mama nen hian kan inbia a, a rawn tap ri deuh hi kan hria a. Mama hi va ngaihven turin ka tir a, chumi chhung lek chuan alo awm lo hman mai a ni." a ti a. Chutah an ngawi tlang ta rauh rauh mai...
Zawng turin zan rei, mi mut reh vek tawh anih bakah khawia zawn tur nge tih ringawt pawh chu ngaihtuah tham tak a ni. A pi lah chu a mangang leh em em tawh mai a, han tih ngaihna vak lah chu a hre der mai si lo...
Zotei pu chuan "Mama, kan pahnih hian thlan kan zuk en chhin dawn em ni ang?" a han ti a. Rsa chuan "A pawi hleinem. Mahse, lo kal ve duh suh keimahin ka zuk kal ang e. Ka rei lo zawk ang." tiin a insiam nghal a.........cont
@Dwm Pachuau

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122


Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 1:58 pm

"NAU AWMTU MAK"
episode-12
Rsa chu hmanhmawh takin thlanmual lam pan tur chuan a kal ta nghal a. An thlanmual awmna hi a hla lem lova, zan thim mah nise hlauhna leh hrehna a nei hauh lo...
Khua a vawt vin tak tawh a. Khua pawh a var har vak tawhin a rinawm loh, khua a thim chhah hle a. Torchlight keng chung chuan thlanmual lam chu a pan ding vang vang a.
Thlanmual a thleng a, thawm a reh vawng vawng mai. A nupui thlan awmna hi a mawng lam deuh a nih a vangin a kal thla zel a. A nupui thlan awmna a thlen dawn hnaiah chuan thawm a hre ta tlat mai...
Rsa chu a ding deuh dat a. A light ken chu tithimin thawm chu a han ngaithla chiang a. A thawm hriat chu mak a tiin a awih lo kher mai...
Zotei chu hlim em em mai hian a nui ar ar mai le...Rsa chuan a fanu nui ri chu ngun em em mai hian a ngaithla ta reng mai a, a changnohei chuan a nui hawk uar uar a.
A hun leh hmun in a zir lo em bawk a, a fanui hlim nui ri chu ngaihthlak nuam a ti hauh lo. Muangchangin annu thlan awmna lam chu a pan hnai hriau hriau a. Mahse, a torchlight a tih thim avangin a duh anga thawm dim a har hle a...
Thlanmual hi an samfai lohna a rei deuh tawh avangin a hnim hle a. Zan thim a ni bawk nen fai deuh phei se chuan hmuh phak reng tur hi a ni tawh a...
A hnaih viau tawh tihah chuan hmawlh tang ro hi a han rap tliak ta rap mai a. Chu veleh Zotei nui ri chu a reh ta hmiah mai. Rsa chu che miah lo hian a thu vang vang a, thawm engmah hriat tur a awm tawh lo.
Rei ngial a nghah hnu chuan a fanu nui ri chu a hre leh ta, midangina an lawm nui ang chiah hian a nui leh ta iar iar a. Rsa chuan thawm dim thei ang ber leh muangchang chuan a pan hnai leh ta hret hret a.
Hnimbuk pakhat chauhin a nupui thlan chu a hliah ta. Rsa chu a inngaihtuah nasa kher mai. A fanu chu hmu ta se engtinnge a tih ang? A hmu ang em nge hmu lo ang? A nupui thla nen a hmu dun angem? Hmu ta se engtinnge ni ang? Chung zawng zawng chuan a ngaihtuahna a tibuai takzet a ni.
A torchlight ken chu hmeh en tumin a han vuan rauh rauh a. A hmet eng dawn chiah tih chuan thlanmual lu lama mihring lo chhuk thla leh rawn khuh thla kharh kharh ri chu a hre ta a.
Chu kam chu a en chho nghal vat a, torchlight a rawn keng ve bawk a. A light ken chuan thlanmual mawng lam chu a rawn chhun thla kual pap pap a. Chu veleh Zotei nui ri chu a tawp leh nghal hmiah bawk a.
A khuh kharh kharh riah khan a pa ni ngeia a hriat a vangin Rsa chuan a torchlight chuan a nupui thlan chu a han chhun ve nghal a. Mahse, Zotei reng reng awm lo chuan...Rsa chuan mak a ti kher mai. Thlan bul vel te chu a han chhun kual a. Mahse, Zotei hmel reng reng hmuh tur a awm lo. Rei vak loah lo kal thar chu alo thleng ve a. Rsa rin ang ngeiin a pa chu alo ni a. Rsa chuan "Engatinge ka pa ilo kal ve duh talh a?" a lo ti vat a.
A pa chuan "I rei em a lawm, i nu in a ngaihtuah si che a. I hmu lo em ni?" a tih zawm nghal zat a. Rsa chuan, "A mak khawp mai ka pa. Zotei chu thlanah hian a nuin a chhaih nui nasa mai a. Mahse, a thim a vangin ka hmu thei hauh lo." a ti a. A pa chuan, "A va mak dawn ngai ve, torchlight khan i en mai lo em ni?" a tih chuan "En chu sawi loh, thawm ka neih hlek pawhin Zotei nui ri chu a reh hmak zel. Nichina i rawn khuh khan a reh leh hmak bawk a, tunah chuan engmah hriat beisei chi a ni tawh lovang." a ti a.
A pa chu a ngawi rauh rauh a. Chutah aw a han thian leh khurh a. "Engtia han tih chi nge mawni dawn le aw...Bawihi, i fanu hi i ngaiin i hmangaih a ni tih kan hria a. Mahse, hetiang zawnga i rawn chet zel chuan nakin lawkah kan mualpho nasa dawn a nia. Khawngaihin insum rawh khai." tiin Zotei nu thlan chu a be mawlh mawlh a.
Rsa chuan engmah a sawi lo, a pa thusawi chu ngawi rengin a lo ngaithla a. A rilru erawh chuan Ni e, nangmah kha hmuh theihin rawn inlar zawk hram rawh. Ka ngauh zia che leh ka mamawh zia che hi i hre lo em ni? alo ti ve mawlh mawlh a.
A pa bawk chuan Zotei nu thlan lu lama kraws chu vuanin, "I fanu hi i ngaihtuah a ni tiraw? Rawn ngaihtuah reng reng suh aw, ngaihngam tak leh lungdam takin chawl la, ngaihtuahawmin a awm lovang tih ka tiam a che." a tih lai chuan thlanmual lu lamah bawk mihring thawm alo awm leh a... An lo thlen chuan an inriak tlangval pahnih an lo ni a. Pakhat zawk chuan "Ka pu, Zotei piin lo hawng tawh tawh u a tia, chumi hrilh tur chuan min rawn tir a ni." a han ti a.
An hmelah leh cheziaah tunang khawvar dawn lam hnaiha thlanmual mawnga awm chu an tlangnel vak lo tih a hriat hle mai. An hawi kual deuh zak zak reng a. Pakhat zawk phei chu a hlauh vang nge vawt atih vang zawk, a khur ru dar dar mai. Zotei pu chuan Zotei awm leh awm loh zawh tumin a han ang zuau hman a. Mahse, a han ngaihtuah chiang a, chutia a piin a rawn chah chuan Zotei a awm anih a ring leh hnuhnawh tlat a. Chuvangin zawh ngaiin a hre leh lo. Tichuan rilru thawveng huai huai chung chuan, "Ni e, i haw tawh ang u. Hei mama lungleng hi thlan kan zu tlawh dun mai mai a nia. Thlan tlawh fo pawh hi a tha ber lo, rilru a thar duh mai mai." a han ti zaih a. Tichuan thanmual atang chuan an inzui hawng ta hnak hnak hlawm a......cont
@Dwm Pachuau
"NAU AWMTU MAK"
episode-13
In an thlen chuan khua pawh a var a ni titih mai e. Zotei pu rin ang ngei chuan Zotei chu a pi chuan a lo paw nek a. Mahse, mihrang awm ve laia chanchin engmah inzawh chi anih loh a vangin thu dang hlur an sawi a.
Han mut that lehna hun a awm tawh loh a vangin thingpui te an lum a. Tlangval dangte pawh an thawmah an lo tho ve sap sap nghal a. Tichuan thingpui te in hovin titi dang dang an vawrh kual a. A then infiam bawrh bawrh tawk lah bo lo.
Khawsak rel a hun ta tihah Zotei pi chuan a tunu paw chung chuan khawsak a rel malh malh a. Tlangval an haw rem tawh a vang leh inleng dang an awm loh lai tak a nih a vangin Zotei pu chuan "I tunu chu khawiah nge i hmuh a?" a han ti a.
Zotei pi chuan "In kal ta vek si a, awm mai mai thei bik hek lo. Ka vei ka vei mai a, a tawpah phei chuan in rei tawh bawk nen rawn kal ve mai tumin ka chhuak a. Pawn ka thleng chiah tihin ka naute tap ri hi ka hre ta a. Ka beng chhe ri emaw ka ti hial a. Mahse, ka zuk lut leh ngat tho a. Khumah a lo mu leh reng tawh a nih chu." tiin thil awm dan chu a han sawi a...
Zotei pu chuan ngawi rengun a nelh ngai a melh vang vang a. Chutah Zotei pa chuan a aw a han thian kharh a. "Hetiang ringawt chuan ka pa rei kan inthup thei dawn em ni? Ngaihtuahna dang hman a ngai niin ka hria." a rawn ti chhuak a.
A nu chu a lo meng phawk nghal hra a. "Engti zawngin maw?" a tih zawm nghal zat bawk a. Zotei pu chu rawn tawng chhuak vein "Ngaihdan neih thiam a har khawp mai. Ni e, heti ringawt chuan a dik dawn lo. Amaha dah leh kalsan ngam a ni ta lo hrim hrim mai a, chu ringawt pawh chu buaithlak tak a ni." a rawn ti charh charh a.
A tihngaihna an hre lo tlang kher mai. Mi han rawn dawn se, an mualpho chu a ni nghal mai dawn bawk si. A pu chuan engpawh nise, nizan khan Zotei nu chu hetianga rawn che tawh lo tur chuan ka han ngem chiam a. Engnge a an dawn i han ngaichang rih phawt mai teh ang u." a ti a. Zotei pi chuan "Hetiang thil kan tawng hi a mak ka ti em mai. Ramhuai, thlahrang leh heti lam thil hi ka ring ngai lova, mahse kan chungah ber a thleng ta miau mai si a." a ti chuai raih a...
Zotei pa chuan a nu hnenah chuan "Anih leh amahah khan eng emaw danglam leh ngaihthat lohna tur a awm reng em?" tiin a han zawt a. A nu chuan "Engmah a awm chu ka hre lo. Mahse, engmah ala ei in duh tlat lo hi a mak ka ti em mai. Amah hi riltam leh tuihala tah reng reng a nei bawk si lo. Hei hi chu a mak ngawt mai." a ti a.
Rsa chuan "Khawi maw ka lo pawm teh ang. A nu awm loh atang khan ka la pawm reng reng lo." tih pahin a nu puak lai chu a zuk laksak a. A pa chuan "A mak tih mai loh chu sawi tur pawh ka hre lo. Kha han en mah la a puar peng reng mai a ni." a lo ti a...
Rsa chuan Zotei dul chu uluk fahran hian a en a. A han chul vel bawk a, Zotei chu riltam lo tih hriat tak mai hian a mit a lo khap fak fak a. A pa pawh chuan a ngaihna reng a hre thei bik lo...
A pu chuan "Ni hnih thum vel han ngaichang leh ila, chuta engmah anih loh chuan a ni te khaw lamah a pi hian eng emaw chen chu zinpui mai se la a tha ang. Chutah em em chuan eng a ti tawh bik lovang chu." a han ti a. Chu chu tha anbti tlang a. Mahse, thenawm nu a rawn luh tak avangin an sawi zui thei ta lo...
Chumi ni nileng chuan Zotei chu pangngai takin an awm thei a. Mahse, tlai lam a lo nih chuan a zia a dang leh ta tlat mai. A pi chu a mangang leh ta hle mai a, mi hriat hlau siin a phi sek tawh mai.
Zotei chu a piin khumah awmpuiin api chuan ngawi rengin a en reng a. lawm nuitu awm ang mai hian a nui khek iar iar reng mai chuan a pi ngaih a ti tha lo kher mai.
Tumah midang awm ve an awm si lo, a ni lah chuan a lawm der si lo. Zotei lah chu a nui uar tulh tulh mai a, a pi chuan a rap deuh titih ta tlat mai.
Mahnia awmpui pawh nuam a tih loh avangin choka lamah a phei pui ta daih a. Mahse, Zotei chu a tlei duh ta reng reng lo mai a, a pi chu a buai ta ngang mai.
Khua a tlai zel a, Zotei chu a tap uar telh telh bawk a. A pi mangang leh tihngaihna hre lo chuan an pa bulah chuan a sawi ta ringawt mai a.
A pu chuan "Eng pawh nise veng thlangah, a patea te inah zuk lenpui mai teh. A zia deuh mai thei asin, zanriah te pawh i rawn ei nghal mai dawn nia." a ti ta ringawt a.
Zotei pi chuan a hreh deuh viau mai a. Mahse, nutling ve meuh hlau leh hreh anga lan chu a hreh bawk si, nuam ti vak lo leh chak lo deuh chuan veng thlang lam chu a panpui ta hnak hnak a.
Khua a tlai zel a, a pi chu a hawi kual deuh zak zak reng a. Zotei tap erawh a bang hmak tawh thung a. Kawng kal hmuh tur an vang si, a pi chuan a hlauhna te chu tih lan loh hram hram chu tum viau mahse a hmelah chuan hai rual a awm lo. Khua lah chu a thim lek lek tawh mai bawk nen a hmanhmawh sawt kher mai....cont "NAU AWMTU MAK"
episode-14
Zotei pi chu a hmanhmawh luatah a tlu lek lek thin a. A chak vak tawh si lo chu a hah kher mai. A tawpah phei chuan a chau lutuk chu a ding ta hlawl mai a, a thaw huam huam mai.
Chutia thim thet thet nitawhah chuan Zotei chu tutih hriat leh hmuh theih si lih hian a rawn lawm nui leh ta iar iar mai. Zotei pi lah chu a han phu nasa em em khawp a. A tunu lawm nuitu chu tunge anih hmu lo mahse a rin hriat thei tho si. Chu tak chuan a timur uai uai a ni.
Zotei chu nui satliah hi a ni hauh lo. A nu dam laia a lawm nuih ang chiah chiah khan a nui tlat mai a, a pi chuan chawlh pawh a chawlh rei pui ngam ta lo. Hah pawh a lam dam hman lo tih chuan a nuamti lo chuan a kalpui leh ta nge nge a. Zotei chu ala nui hawk iar iar reng tho mahse engmah dang a ngaihtuah thei tawh lo. Hmanhmawh bakleng chuan a kalpui hmawk hmawk ringawt mai a ni...
An kal tumna in an thlen dawn tepah Zotei nui chu a reh ta chauh a. A pi chu thlan tuiin a bual huh hneh em avangin pawnah chuan a han ding chawl leh rih a, hah lutuk tak maia a thawk luh huam huam chuan an ngaih a tha dawnin a hre tlat lo a ni.
Pawna engemaw chen a din chawlh vang vang hnu chuan a hah zualpui pawh a reh ta deuh a, tichuan in chhung lamah chuan a luhpui ta a. An pitu hmel an hmuh chuan an lo lawm hle mai a, Zotei chu pawm an inchuh nghal nak nak a.
Zotei pi chu a thaw huai huai mai. A lumti lutuk leh a hah lutuk chu thup tum teh mahse a thup seng meuh lo a ni. Mahse, a kum a tam ve tawh avang leh an lo kalna a thui tham deuh avangin ngaihthat lohna dang an nei lo hlauh a. Mahse, pa ber chuan "In lo va leng lai angreng ve, zanriah te in ei tawh em?" tiin a han zawt a.
Zotei pi chuan "Inah a tlei duh thlawt lova, a pu mangangin zuk lenpui mai teh, khulamah chuan a tlei deuh mahna naupang dang an awm ve diah diah bawka a tia min rawn tir anih hi. Chaw pawh la ei nang." tiin a chhang a.
"Anih zawngin han hahdam deuh la i ei dawn nia, chaw kan ngah kha. Chawhmeh erawh tun lai chu kan nei lo thin khawp mai. Hei helamah chuan a va tlei duh mai hmel ve." tih pahin Zotei biang chu a han piai sak seuh a.
Zotei chu an inpawm chhawk zak zak a, tlei lohna engmah a nei lo. Amah a hmel a tha reuhin anu dam lai phei chuan thenawm khawvengte pawm lawr tak kha a ni reng a. A tap ngai mang lo te kha an duhna leh an lawm chhan a ni bawk a, tunah lah mi zawng zawng lainat a hlawh leh ta bawk si.
A pi chu thin phu dep depin a awm a. A chhan lah midang hriat a sawi chhuah a rem si lo. Chu a chhapah an hria ang tih a hlau em em a, amah pawh a theih tawk chuan a inthup bawk a. Mahse, amah Zotei zawkah chuan rinhlelh tur leh danglamna a awm palh ang tih mawlh chu a hlau a ni...
Zotei chu an lawm nui iar iar a. A pi pawh chawei an siamsak chu tui ti takin a ei mawlh mawlh bawk a. Fimkhur thu hlaah leh a hritlan hlauhthawn chhuanlamin pawna pawm chhuah a phal lo tawp a. A chungah engemaw a thleng ang tih a hlau em a ni.
A hmuh phaka an awmpui reng avang leh amah Zotei pawh a hlim em a vangin a pi ngaih chu a tha ve hle a. A thla pawh a muang ve huai huai mai. Naupang dangte nen an zi nak nak bawk a api pawh a hlim viau mai. Mahse, chutia an hlim tlan viau lai leh titi dang an vawrhsan hlan chuan tu emaw hian Zotei chu dawra kalpui chakin alo pawm chhuak lui ta hram mai hi alo ni a.
A piin Zotei a awm lo tih a hriat chhuah rual chuan a ding nghal hluai a. A hmelah hlauhthawnna leh manganna a rawn lang chhuak nghal bawk a. Insum hman lek lo chuan pawn lamah chuan a tlan chhuak ta mai...
A awmdan teh thut chuan.midang hrilh a tihai hle a, ngaihtha zan lo chuan an um chhuak ve nghal a. Pawnah chuan a pi chu a lo hawi kual ruai ruai a. Midang chuan "A va mak teh hluai ve, dawrah an kalpui chak a an hruai lawk anih kha. Eng em a ti hman lovang, an rawn let leh mai ang. Tirawh lut ang u, min ti hlauthawng hman a lawm mawle..." an ti nak nak a. Zotei pi pawh chuan chutia a han awm ta thut mai kha a inthiam lo deuh a, midang a tiralkhel zo vek tih a hriat chuan a inthlahrung hle a. Bakah an rinhlelh phah vek dawn ni hian a hre tlat a, nuam lo a tiin a inchhir kher mai. Mahse, chutih rualin a tunu chu a ngaihtuah em em mai a. Midang an luh zawh vek hnu pawh chuan a lut ve mai thei tlat lo. An hruaina lama va kal ve a duh rum rum mai. Mahse, eng em lo ti lo ta se, pangngai takin an rawn pawm let anih chuan a awmdanah an ringhlel zo vek dawn tih a hre bawk si, chutih laia Zotei pi mangan dan leh a rilru hah zia chu sawi fiah chi pawh a ni lo hial ang...
Kal ve hreh si, in chhunga luhsan ngam bawk si lo chuan a tei a tei ta mai a. An rawn let pui leh mai bawk si lo. Chutih laiin in chhung lam atang chuan lut turin amah chu an rawn ko sek mai bawk si a. A tawpah phei chuan pa ber chu rawn chhuakin zawi sup hian "I awmdanah ka ngaih a tha hlek lo mai. Thil dik lo a awm a ni maw?" a rawn ti ta chat mai reng a.
A pi chuan pangngai taka lan tumin "Awm love, mahse ka nau hi ka hmuh phak lova a awm hi ka duh lo. Ka phal lo a ni, ka ngaihtuah zia hi in hrethiam lovang." a han ti ngawt a.
"Chuti taka ngaihtuahawm chu a ni dawn em ni? Mihrang daihin an pawma an lenpui lah ni si lo." alo ti leh khauh a. Zotei pi chuan a insawi awk zo anga a inpuan mualpho zo takngial ang tih a hlauh a vangin in chhungah a luhsan ta daih a.
Pa ber pawh a rawn lut ve nghal a. Titi dang dang sawiin han inkawm khawm leh ngial dawn mahse Zotei pi rilruah engmah dang a lut thei tawh lo. A khattawkin "An va han rei em em ve mawle aw...zana pawm chhuah ka phal lo tih tih pawhin, rawn haw teh se ka lo hau nasa ang." tiin a insawh a insawh a.
Pa ber tih loh midangho chuan a tunu a ngaihtuah lutuk chu a ho zawng leh fiamthua lo laksakin an nuih an nuih a. Mahse, pa ber erawh chuan Zotei pi che vel leh a awmdan zawng zawng chu ngun taka chik ruin thil engemaw tak chu zep a nei tih a ring nghet hmiah. Chu chu hriatchhuah ngei pawh a duh a ni... Zotei pi chuan "Tuinnge maw lo pawm chhuak reng reng le?" a han ti tha leh rih a. A pawm cbhuaktu an han sawi lah chuan an thenawm hmeichhe naupang, tlema huih lam deuh. Miang lo tih dawna ang fu si hi a ni a. Mahse, naupang dang pathum laiin an zui bawk a ni awm e...
Chutia titi khai rual lo nuaiha an awm lai chuan naupangho chu hlim leh phur zet hian an rawn tlan lut ta nawk nawk a. A hnung berah a pawm chhuaktu ber chu a hnung berah kutruakin a rawn tlan lut ve ta mai...
Zotei pi chuan rang lutuka dinchhuah pah hian "Khawnge naute?" a lo ti nghal vat a. A hmelah hlauhthawnna a khat nghal vek...
Midang zawng pawhin Zotei pawm chhuaktu chu an en nghal thap a. Mahse, anni chuan hlauhthawnna engmah an nei chuang lo. Mahse, a pawm chhuaktunu ber mitmeng chu a dik ta lo tawp mai...
A ngaihna hriat loh hmel zet hian midangho chu a melh kual a, a mitmengah chuan zawhna zawt zawk tih a hriat theih. A kalpui te a han en kual a, anni lah engmah hre lo tih hriat fe hian an lo hawi he haw hlawm mai bawk a.
Zotei pi insum zo lo chuan a hma aia ring mah hian "Khawiah nge ka naute?" a han ti leh a. A pawm chhuaktu hmeichhe naupang, kum sawmpahnih mi vel chuan "Ih...ih, ih...eng lo nu pakhat khan ka lo pawm ve chhin a tia, a vawt em mai inah ka lo pawm let leh mai ang. A piin a hau palh ang che u a tia. A lo pawm let leh kha" a ti ta mai...
Zotei pi hmel chu a dang nghal sawp sawp a. Midangho chuan "Tunge chu nu chu, a hmel i hmu em?" tiin an han zawt chiang a. Mahse, a pawm chhuaktunu chuan muang ban chat hian, "A thim vek a, ka hre miah lo. A hmel a hmuh theih loh a..." a ti leh ta mauh mai...........cont
@Dwm Pachuau

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: No registered users and 36 guests