"NAU AWMTU MAK"
episode-48
Rsa chuan pan hnai turin huaisenna a nei hauh lo mai, mahse chutia a khum lo luahsak ve ringawttu chu tunge anih hriat ngei a duh a, mualpho phah erawh a duh loh a vangin a riru a buai takzet a ni.
Heti mai mai hian min namnul tawh suh u, tunge i nih? Engnge i duh ti rilru mawlh mawlh chungin Rsa chu a hawi kual ruai ruai a. A chhuah dawna a room light a lo off kher kher chu a inchhir kher mai.
Zawite tein khuma mu chu a che hrut hrut a, puana a inkhuh vek a vangin tunge anih a hriat theih si lova, chuvangin Rsa chuan vawm emaw hawlh emaw a tum rilru a ni.
Tichuan Rsa chu muangchang leh thawm dim takin a tawlh hnung hret hret a, chutia a tawlh hnunna lamah chuan tui bottle a dap fuh ta hlauh mai a, chu bottle chu rang taka lain khum lam chu a pan hnai leh ta hriau hriau a.
Mahse, hnai taka kal chilh erawh chu a chak bik loh a vangin pen ruk vela hnaiah chuan a ding ta a. Chutah a bottle ken chu hum ruhin vawm tum chuan a ban chu a han vai kau ta talh talh a, a theih tawp tak meuha naa vawm thawr mai a tum lai tak chuan a hnunglam a tang chuan a tukhum rawn chhemtu an awm a vangin a ban chu lai zet maiin a phar huang a... Rsa chu a mur ur ur mai a, a mitsir chuan a hnung lam chu a han melh lui tawk tawk a, a hmuh phak leh phak loh china hmeichhe ding niawm tak chu a hmu ruai a. En chiang leh zual tur chuan a taksa chi a her a ngai tawh tlat mai si...
A din dan posi lah chu a lai em em mai lehnghal a, a hma lama khum chu a han melh leh a, puana inkhuh lah chu a la che tual tual reng mai bawk si. Chu hun reilo te chhung chuan engnge tih tur nia engtia awm tur tih hriat a har kher mai.
Rsa chuan rilru fim put a tum hram hram a, chutih laiin a nu leh pa, a fanu chu a ngaihtuah chhuak zawk a. Rilru buai leh hamhaih lutuk tak mai chuan a ding khawng ta reng mai. Chutia a din ngawih reng lai chuan a hnunglam a tang chuan a dam laia a nupui ferfume hman rim ngei mai chu a rawn nam ta chem chem mai, chu rim a hriat rual chuan Rsa thin phu chu a inthum rawn tlut tlut mai le... Chutah a dar chu rawn khawihtu awm ang chiah hian a hria a. Mahse, mihring khawih anga chiang leh fiah tak erawh chu a ni lo. Rsa chu a mur uaih a, mahse a thinlunga hlauhna leh tihna chu zawi zawiin a ral ta riai riai a... Tichuan Rsa chu thim zingah chuan zawi zawiin a inher ta hret hret a. A hnungah a hmeichhe ding chu a hmu ta, thim thamah pawh mak tak maiin a hmel leh a taksa chu tiauchhum ang mai hian a hmu thei tlat a ni... Chu hmeichhia chu tunge anih hrilh a ngai lo kher mai. Hmuh leh tawn tuma vawi tam tak, hmun ti renga a zawn ruk thin, a nupui hmangaih em em chu tunah a hma maiah a rawn ding chu a ni ta mai si a, Rsa chu a hamhaihin sawi tur pawh a hre lo.
Makti tak leh ringhlel rum rum chuan a nupui chu a en tlawk tlawk a, mahse mihring dam pangngai ang hian a hmel leh taksa chu a awm tlat lo. Rsa chuan a han ban hnai hret hret a, a taksa khawih theih a ni hauh lo mai. Khawih a tum ngial pawhin boruak hlir a ni. Chuti chung erawh chuan a hmaah a ding reng tho bawk si.
A nupui chuan hmel ngui tak hian Rsa chu a thlir reng a, tichuan muangchanga inherin room chu a chhuahsan ta a. Rsa chuan chelh beh tumin a bei a, a khawih thei si lo. Tichuan a nupui kalna lam chu a pan ve ta ringawt mai a. Room a chhuahsan dawn chuan khum lam chu a han hawi let leh hram a, mak tak maiin khunah chuan tumah an lo awm leh tawh reng reng lo. Anih chuan khuma lo mu kha a nupui chu em ni nita ang?
Mahse, chulam ngaihtuahna hman a awm rih miau loh a vangin room chu chhuahsanin a nupui chu a zui ve zel ta ringawt mai a. Khawiah nge a hruai dawn a, eng thil nge a chungah thleng dawn tih lam a ngaihtuah phak tawh lo hrim hrim a ni ber mai.
A nupui chuan a nute room kawngkhar chu hawn pawh hawng chuang lovin a lut tlang tawp a, Rsa erawh chuan dim takin a hawng thung a, tichuan a nute room chhungah chuan an ding dun ta ran mai a.
A nupui chuan Zotei mutui lai chu rei ngial a thlir vawng vawng a, chutah kun hniamin Zotei chu a zuk chul a, a taksa leh a biang velah te chuan chulin a zuk fawp ta vawng vawng a.
Chutih lai chuan Zotei chuan a nu khawihna leh a fawhna chu hre ve ni awm tak hian a rawn che a, a ke lengin a rawn tal deuh a. Chutah a aw rawn chhuahin tap ni silo hian a awrawl a rawn chhuah ve raih raih a, Rsa chuan makti tak mai hian a lo en reng a, a hriat loh karin a mittui a rawn dir ta zung zung a. A nupui chuan Rsa chu rawn enin a rawn din hnaih a, a hmelah chuan khawharna leh lungngaihna a lang chhuak a, Rsa chuan kuaha pawm vawng vawng a duh a, mahse chutianga tih a tum nasat poh leh a hlawhchham ngung ting mai si...
Chutah Rsa nu chu harh tur ang hian a rawn che sat sat a, mahse Rsa nupui chuan a hmai zawnah a kut chu tipharhin a han vai kual a, chu veleh Rsa nu chu a muhil chhunzawm ve leh ta mai...
Mahse, Rsa nupui chu muangchanga inherin room kawngkhar lam chu a pan leh ta a, Rsa chuan a zui ve nghal vat bawk a. Sitting room kawngkhar pawh chu hawng miah lovin ani chu a kal tlang leh ta hmiah mai.
Rsa chuan a rilruin Khawiah pawh kal la, khawvel tawp thleng pawhin kal ngai se ka zui zel ang che ti rilru chung chuan pawn chu a zui thleng a. Khawlai reha eng emaw chen an inzui hnu chuan a nupui kalna lam chu thlanmual lam a ni ta tlat mai. Mahse, Rsa chuan tawpsan a tum bik chuang tawh tlat lo........cont
NAU AWMTU MAK BY Dwm Pachuau 1-52
Moderator: writers
"NAU AWMTU MAK
episode-49 Rsa chuan a nupui chu a zui zel a, a rilruah thil dang engmah a lut thei lo, khawi lam nge an pana khawiah nge an jal dawn tih engmah a hre lo. A hriat chhun chu a nupui bulah a awm tih chauh a ni... Thlanmual ram reh chu muang changin an pan zel a, Rsa chuan a nupui chu khawih tumin vawi duai lo a ban a. Mahse, a khawih thei si lo. A chang leh tlan pelin a lo kalna tur takah te a lo ding thin a. Mahse, engtik laiin nge a rawn kal pelh tih reng a hre ngai lo. Chutiang reng reng chuan thlanmual an thleng chu a ni ta mai.
Thlanmualah chuan Rsa chuan " Khawngaih tah hian ding tawh rawh, ding rawh kal tawh suh." a ti mawlh mawlh a. Mahse, a nupui chuan a thusawi hre lo ang maiin a kal zel tho.
Ama thlan an thlen thleng chuan a kal zel a, a thlan an thlen chuan a ding a. A hnungah Rsa chu dungin "Min hruai ve rawh, khawngaih takin min kalsan tawh suh aw." tiin a han ngen a.... Chutah a nupui chu rawn inherin Rsa chu a en reng a, Rsa chuan lo kuah a tum sateh a, mahse a kuah thei mawlh si lo. Rsa chuan "Ka kuah duh che, ka kuah duh che vawikhat chiah tal, min kuah rawh khawngaih takin," a ti lawm lawm a. Mahse, a nupui chuan a chhang lo.
Rsa chuan "Engatinge ka kuah theih loh che? Nangmah talin min kuah rawh, min kuah thei lo em ni? Ka hmangaih che asin, ka ngai che lo kir leh rawh." tiin a mittui a sur zung zung a... A nupui chuan rawn banin Rsa biangah chuan a rawn khawih a, a khawih ngei ani tih chu Rsa chuan a hre thei ta.
Rsa chuan lawm em em hian "Ka hria, ka hre thei a va mak em." a ti chul a. A biang chu dawmin "i kut min khawih tir rawh," tiin a ngen a. A nupui chuan a kut rawn banin Rsa chuan alo khawih thei ta." Rsa lawm lutuk chu a tap lo chauh a ni...
A nupui hmelah chuan lungngaihna leh hrehawm ti hmel chu hmuh hmaih chi rual a ni lo. Rsa chuan "Engatinge lungngai hmel i put? Min ngai ve lo em ni, ka ngaih zia che leh ka khawhar zia hi i hria tiraw?" tiin a zawt mawlh mawlh a. A nupui erawh chuan a chhang hauh lo...
"Rsa chuan " Engatinge i ngawih reng? Khawngaihin tawng rawh, min chhang teh. Min kalsan tawh lul suh aw, i fanu hi i ngaihtuah lo em ni?" a han ti leh a.
Chutah a nupui chuan "Ka kal a hun hnai ta..." a rawn ti chhuak a. A aw chu khawi a tanga lo chhuak nge tih hriat a har takzet.
Tin, ril tak atanga lo chhuak leh a bul vela khat vek ni mai hian a hria a, ring si lo leh hriat loh theih ni si lo ang mai hi a ni a, a aw ringawt pawh chu sawi fiah ngaihna pawh a hre lo. A thuk vung vung nimai hian a hriat.
Rsa chuan "Aih ni lo, min kalsan suh khawngaihin." a ti lawm lawm a. A nupui chuan "Min kuah rawh, ka kal hmain min kuah thei a nia." a tih chuan Rsa chuan a nupui chu a pawm ta vawng vawng a.
A nupui pawh chuan lo pawm vein inthlah an tum ta lo emaw tih tur khawpa rei an inpawm hnu chuan a nupui chu rawn tawng chhuakin "Kan fanu kha lo enkawl tha ang che aw, ka hmangaih zia hi nitin lo hrilh thin la, mi danglam tak ala rawn ni dawn a nia. Ka ngai thin lutuk, tunah chuan awm pawh ka rawn awm thei tawh dawn si lo...." tiin a tawng danah a lunchhe takzet tih a hriat theih a. Rsa chuan mittui dir zung zung chung chuan "I awmnaah min hruai ve mai rawh, chhungkuain awmho leh tawh ang u." a han ti a. Mahse, a nupui chuan in hun ala ni ve lo a lawm, nakinah kan la awmho leh dawn alawm, ka lo nghak reng ang che u." a ti a. Mahse, Rsa chuan a phal thei si lo a ni...
A nupui chuan "I mumanga i hmeichhe hmuh kha i tanpui a ngai a, chumi zawhah chuan pangngai takin hringnun bul i tan tha leh thei ang. Ka fanu kha duat takin rawn enkawl rawh aw." a han ti leh a.
Rsa chuan "I tel lo chuan ka enkawl thei lo ang, lo kir leh rawh aw, lo kir leh htam rawh." tiin a tap zawih zawih a. A nupui chuan "Tap suh, mipa inih kha. Hmabak hlen tur tam tak i nei a, chumi tur chuan inti chak ang che. Nang leh kan fanu tluka ngaih ka nei lo tih hi hrereng la, englai pawhin in kiangah ka awm asin..." a tih chuan Rsa meuh pawh insum zo lovin a tap chhuak ta hawm hawm a...............cont
@Dwm Pachuau
episode-49 Rsa chuan a nupui chu a zui zel a, a rilruah thil dang engmah a lut thei lo, khawi lam nge an pana khawiah nge an jal dawn tih engmah a hre lo. A hriat chhun chu a nupui bulah a awm tih chauh a ni... Thlanmual ram reh chu muang changin an pan zel a, Rsa chuan a nupui chu khawih tumin vawi duai lo a ban a. Mahse, a khawih thei si lo. A chang leh tlan pelin a lo kalna tur takah te a lo ding thin a. Mahse, engtik laiin nge a rawn kal pelh tih reng a hre ngai lo. Chutiang reng reng chuan thlanmual an thleng chu a ni ta mai.
Thlanmualah chuan Rsa chuan " Khawngaih tah hian ding tawh rawh, ding rawh kal tawh suh." a ti mawlh mawlh a. Mahse, a nupui chuan a thusawi hre lo ang maiin a kal zel tho.
Ama thlan an thlen thleng chuan a kal zel a, a thlan an thlen chuan a ding a. A hnungah Rsa chu dungin "Min hruai ve rawh, khawngaih takin min kalsan tawh suh aw." tiin a han ngen a.... Chutah a nupui chu rawn inherin Rsa chu a en reng a, Rsa chuan lo kuah a tum sateh a, mahse a kuah thei mawlh si lo. Rsa chuan "Ka kuah duh che, ka kuah duh che vawikhat chiah tal, min kuah rawh khawngaih takin," a ti lawm lawm a. Mahse, a nupui chuan a chhang lo.
Rsa chuan "Engatinge ka kuah theih loh che? Nangmah talin min kuah rawh, min kuah thei lo em ni? Ka hmangaih che asin, ka ngai che lo kir leh rawh." tiin a mittui a sur zung zung a... A nupui chuan rawn banin Rsa biangah chuan a rawn khawih a, a khawih ngei ani tih chu Rsa chuan a hre thei ta.
Rsa chuan lawm em em hian "Ka hria, ka hre thei a va mak em." a ti chul a. A biang chu dawmin "i kut min khawih tir rawh," tiin a ngen a. A nupui chuan a kut rawn banin Rsa chuan alo khawih thei ta." Rsa lawm lutuk chu a tap lo chauh a ni...
A nupui hmelah chuan lungngaihna leh hrehawm ti hmel chu hmuh hmaih chi rual a ni lo. Rsa chuan "Engatinge lungngai hmel i put? Min ngai ve lo em ni, ka ngaih zia che leh ka khawhar zia hi i hria tiraw?" tiin a zawt mawlh mawlh a. A nupui erawh chuan a chhang hauh lo...
"Rsa chuan " Engatinge i ngawih reng? Khawngaihin tawng rawh, min chhang teh. Min kalsan tawh lul suh aw, i fanu hi i ngaihtuah lo em ni?" a han ti leh a.
Chutah a nupui chuan "Ka kal a hun hnai ta..." a rawn ti chhuak a. A aw chu khawi a tanga lo chhuak nge tih hriat a har takzet.
Tin, ril tak atanga lo chhuak leh a bul vela khat vek ni mai hian a hria a, ring si lo leh hriat loh theih ni si lo ang mai hi a ni a, a aw ringawt pawh chu sawi fiah ngaihna pawh a hre lo. A thuk vung vung nimai hian a hriat.
Rsa chuan "Aih ni lo, min kalsan suh khawngaihin." a ti lawm lawm a. A nupui chuan "Min kuah rawh, ka kal hmain min kuah thei a nia." a tih chuan Rsa chuan a nupui chu a pawm ta vawng vawng a.
A nupui pawh chuan lo pawm vein inthlah an tum ta lo emaw tih tur khawpa rei an inpawm hnu chuan a nupui chu rawn tawng chhuakin "Kan fanu kha lo enkawl tha ang che aw, ka hmangaih zia hi nitin lo hrilh thin la, mi danglam tak ala rawn ni dawn a nia. Ka ngai thin lutuk, tunah chuan awm pawh ka rawn awm thei tawh dawn si lo...." tiin a tawng danah a lunchhe takzet tih a hriat theih a. Rsa chuan mittui dir zung zung chung chuan "I awmnaah min hruai ve mai rawh, chhungkuain awmho leh tawh ang u." a han ti a. Mahse, a nupui chuan in hun ala ni ve lo a lawm, nakinah kan la awmho leh dawn alawm, ka lo nghak reng ang che u." a ti a. Mahse, Rsa chuan a phal thei si lo a ni...
A nupui chuan "I mumanga i hmeichhe hmuh kha i tanpui a ngai a, chumi zawhah chuan pangngai takin hringnun bul i tan tha leh thei ang. Ka fanu kha duat takin rawn enkawl rawh aw." a han ti leh a.
Rsa chuan "I tel lo chuan ka enkawl thei lo ang, lo kir leh rawh aw, lo kir leh htam rawh." tiin a tap zawih zawih a. A nupui chuan "Tap suh, mipa inih kha. Hmabak hlen tur tam tak i nei a, chumi tur chuan inti chak ang che. Nang leh kan fanu tluka ngaih ka nei lo tih hi hrereng la, englai pawhin in kiangah ka awm asin..." a tih chuan Rsa meuh pawh insum zo lovin a tap chhuak ta hawm hawm a...............cont
@Dwm Pachuau
| Link: | |
| BBcode: | |
| HTML: | |
| Hide post links |
"NAU AWMTU MAK"
episode-50
Rsa nupui chuan "Hei bak hi min kuah thei tawh ngai dawn lo a nia, chu chu hriatthiam tum ang che aw." a ti a. Rsa chuan a chhang lo. Nghet leh zualin a nupui chu a kuah vawng vawng a...
Chutih lai chuan khawfing a rawn chat dawn tan ta, a nupui chuan "Ka va han ngai dawn tak che em. In rawn kal ve hun ka lo nghak reng ang, ka kal a hun dawn ta." a tih chuan Rsa chuan "Min kalsan lul suh, ka phal lo. Ka kiangah awm rawh khawngaihin." tiin a ngen ngawih ngawih a. Mahse, a nupui chuan "A theih si loh a ni. I hun a thlen ve hunah ilo kal ve dawn alawm, kan fanu nen. Chhungkuain kan lengho leh ngei ang tih ka tiam a che." tiin a hnem a.
Mahse, chu hun nghah chu Rsa tan chuan thil huphurhawm ber anih miau a vangin a nupui kal tur chu a phal thei ngang lo a ni. Mahse, hun chu an thunun theih a ni miau si lova, a nupui kal a hun ta.
A nupui chuan "Ka hmangaih che tih hi theihnghilh ngai suh aw." a han ti a. Rsa chuan "Ka hmangaih che, ka hmangaih lutuk che. Min kalsan suh aw." tiin a kuah nghet sauh sauh a.
Mahse, zawi zawiin a kuah lai a nupui duh tak chu a ral ta riai riai a. Rsa chuan "Kal suh kal suh, khawngaih takin min kalsan suh." a ti lawm lawm a. Mahse, muangchangin a nupui chu a ral ta, boruak mai kuahin Rsa chuan a zawng vak vak a. Mahse, hmuh phak rual a ni ta lo.
Beidawng leh khawhar takin Rsa chuan a nupui chu a zawng ruai ruai a. Mittui sur zung zung chung chuan a kova, hmuntin hmun tang a zawng a. A tawpah chuan beidawng lutukin a nupui thlanah chuan a tap chhuak ta hawm hawm a.
Khua a rawn var chiang telh telh a, Rsa rilru pawh harh ve tulh tulhin a nupui thlan chu a chul hliau hliau a. A tahna a vanga mit bui lukin a nupui thlan chu a tifai a, a rilruin "Min lo nghak rawh aw duhtak, min lo nghak reng ang che." a ti mawlh mawlh a.
Nakinah chuan mi thawm a hriat tak a vangin a thawmhnaw a beng fai mawlh mawlh a. Mi hmuh leh mualpho a hlauh a vangin a ruk thei ang ber chuan thlanmual chu a chhuahsan ta a.
A rilru kawm mawlh mawlh chungin in lam chu a pan zel a, mak deuh maiin a rilru chu a eng emaw engthawl ru tlat mai. A hlim veng veng ni hian a hria a, a ngaihtuah chian erawh chuan han hlim thar hluaina tur awmin a hre si lo. Mahse, rilru hahna leh thawpikna nei miah lova a awm chu mak a inti rilru hle mai.
A chhungte thawh hma ngeia in thlen hman tumin a kal sauh sauh a, a rilruah a mumanga a hmeichhe hmuh bawk kha a rawn lang leh a, engtia puih tur nge tih leh hmalak dan tur erawh a bangbo hle mai bawk si. A nupui pawh khan kha a mumang kha a hrw vek a, tanpui ngei tur khan a ti tak anih kha.
Rsa chuan ding meuhin a han ngaihtuah tha leh ngat a. Mahse, a hriat dan a saisa nuaih mai a, chiang kek kawka hriat a nei thei tlat lo. A ngaihtuah nasat poh leh a buai nuaih mai bawk si. Mahse, a nupui khan a buaina chinfel dan awmchhun a ni tih kha chu a sawi chiang ngei alawm.
Rsa chuan a chal dawm meuhin a han.ngaihtuah leh a, kha a mumanga rawn inlar thin nu pawh khan a puih loh chuan Zotei thih tur thu kha a sawi ngei niin a hre thar leh tlat bawk a. Kha nu kha a rang thei ang bera hmuh leh a ngai tih a hrerhiam ta. Mahse, a duh hun hunah a hmu ngawt thei bawk si lo... Engmah tih theih dang a nei lo tih hriain hmanhmawh tak chuan a kal leh ta zawk a. In a thlen chuan tumah an lo la tho lo hlauh chu a lawm ngei mai.
Tichuan room ah thawm dim taka lutin thawmhnaw leh towel a la, tichuan a inbual fai ta vak a. A inbual zo lo chhuak leh a nu zingtho chu an inhmu a, a nu chuan "Bawiha chu zing zingah te i inbual tak mai, i tho a chu a ni em lo maw?" a rawn ti chhuak a. Rsa chuan "Ka muhil thei lo ka harh hma sia, thlan ka zuk tlawh mai mai e ka tia, ka'n tifai nel nual nghal bawk nen rin aiin ka thlan a chhuak hnem sia ka inbual mai mai anih hi." tiin a chhang zaih a. A nu bawk chuan "I zu tap nasa a ni maw, kha i mit a bui nasa mai a nia," tiin a thlek ha ha a. Rsa chuan "Nasa love, ka'n inthlak nghal ang e." a ti a, a nuin thil a zawh tam hmain room ah a luhsan ta daih a. Chumi tuk zing, tukthuan an ei lai chuan Rsa pum chu a rawn na riai riai a. Nidangah pawh a nat zeuh zeuh thin a vangin a reh ve leh mai turah ngaiin a sawi duh lem lova.
Mahse, nidang ang lo tak maiin Rsa pumna chuan ziaawm lam a pan hlei thei tlat lo mai a. Fehrehsan hun awm velah phei chuan a thlanfim a bawl ta tak tak a, sawi lo mahse a awmdanah hriat loh theih a ni ta lova.
A nu chuan "Engati nge, bawiha na nei i va ang ve, na i nei em ni?" tiin a zawt ta a. Rsa chuan "Ka pumna hi a ziaawm leh mai dawn emaw ka tia, a reh tha duh lo riau mai. Damdawi kha ka ei leh mai dawn emawni le?" tiin a lo chhang a.
A aw pawh a lawi deuh rut mai a. A na khat hle a ni tih hai rual a awm ta lo. Amah hi natna chung chang sawi chhuak zen zen lo leh inthlahrung mi a ni bawk nen, a nu ngaih a tha lo nghal hle mai. Rang taka damdawi laksakin tui nen a pe nghal a.
Rsa chuan damdawi chu a han hmawm nghal a, mahse damdawi chuan a chhawk zo ta chuang reng reng lo mai. Rsa chu khumah pumnain a vial ta ngal ngal mai a. A nu mangang chuan thenawma a pasal leng chu hmanhmawh takin a va ko hawng nghal a. Rsa pumna lutuk chu mumal nei lo lek hian a rawn rum chhuak a, awmngaihna hre lovin a sapatal a ni titih ta. Zotei lah chuan a pa natuar chu hrethiama tawrhpui ve ni awm tak hian a rawn tap chhuak ve ta vak mai bawk a, Rsa nu leh pa chu an mangang ta ngei mai le.............
cont
@Dwm Pachuau
"NAU AWMTU MAK"
episode-51 Zotei chu a hma zawnga tlei em em si, a pa nat vang nge thil dang na a nei ve tih pawh hriat a ni lo, a tap uar em em mai a. Rsa pumna buaipui ngai bawk, Zotei tap ringawt pawh buaipui tham fe a ni ta mai si a, Rsa nu leh pa mangan dan chu pui tak a ni ta.
Chutah Rsa chu a bawkkhup a, khum phah te chu a ham thler tawn tawn a. A nu chuan "Bawiha insum rawh insum rawh khai. Mipa i nih kha chhel takin aw," a lo ti mawlh mawlh a. Zotei tap tuar tuar pawh chu ngaihsak hman a ni meuh lo. Rsa tal nasa lutuk tur chu a pain a theih tawpin a lo vuan bet ve bawk nen, an phek buai hi a ni hawt mai.
Rsa chu a bungbu ta vu mai a, a nu leh pa chu an hlauthawng hle mai. Chutah "Min khuh rawh u, puanin min khuh vat rawh u." a rawn ti chhuak ta tuar tuar mai. A ngaihna hi an han hre lo laileng khawp a. Mahse, a pa chuan blanket in a khuh ta hlup mai a. Chupawh chu ala duhtawk zo lo nge, "Min khuh zel ta che u, min khuh thuai thuai rawh u a tlai hma hian." a la rawn ti ta fo mai.
A pa chu a tho lawk a, room chhak lama puan an dahho chu a rawn pawm thla tun mai a, chu chuan a khuh hnan ta mawlh mawlh mai a. Chutah chuan Rsa chu a bawk hniam leh ta ruai ruai a. A nu leh pa lah chu an bang bovin an hlauthawng em em mai a, Rsa pa chuan tikhan lo awmpui la thenawm khawveng te ka'n ko ang e. a ti a, hman hmawh takin a chhuak ta nghal a.
Zotei tap tuar tuar pawh a tap zawi ta deuh a, a pi chuan "Bawihte, i pa natna hi ilo tahpui ve a ni maw? A va mak ngai em, tap suh le ipa pawh a dam leh thuai dawn." tiin a tunu chu a be mawlh mawlh a.
Karbloah thenawm venghnaiho chu an rawn lut khawm nak nak a, Rsa awm dan chu mak an ti hlawm theuh mai, engtia tih chi nge ni ang tih leh a nat dan te chu zawtin an sawi nak nak a. An zinga pakhat chuan Rsa an khuh vum hnurna puan chu a han keu de de a. Vawi leh khatah Rsa chu a rawn te chhuak tuarh mai a, a hlimtu lah chu a per sawn nasa ngei mai.
Midang awm ve te pawh chu an phu nasa ngiang mai. An makti chu an darh deuh hak a, an ti duhnhlawm tawh mai. Rsa pa chuan natna pangngai pawh a ang lo tawpin ka hria. A ngaihna ka hre der lo mai, engtia tih tur nge mawni dawn le?" a han ti a. Tuman an chhang lo, chhan dan tur an hriat loh bakah engtia han tih tur nge ni ang tih ngaihdan takngial pawh an nei thiam lo miau a ni.
Chutia an ngawih thap lai chuan Rsa chu rawn tawng chhuakin "Tualthahna a ni, tualthahna rapthlak a ni." a rawn ti chhuak ta mai. A aw lah chu Rsa aw an hriat than ang kha a ni awzawng lo, a thum tial ruan mai a. A awmho chu mak tiin an hawi ka hau mai a, a rhen phei chuan an hlau takzet a ni. A pa bawk chu lo tawng chhuak lehin "Bawiha hi a na a deuh a ni mai lawng maw, nge amahah hian ramhuai lam lam te hi a lut zawk ta em ni ang?" a rawn ti chhuak a, chu pawh chu tumahin an ngaihdan han sawi mai turin an bangbo lulai deuh a ni.
Rsa nu chuan "I ti awm ang lo lutuk em mai, chutiang ka fapa chungah a thleng lovang, sawi loh loh a ni i sawi." tiin an pa chu a lo khak vat a. Mahse, anihna takah chuan ani pawhin a ringhlel ru em em tho a, mahse chutiang em ni tur erawh chuan a thinlungin a phal lo mai zawk a ni.
Rsa pa chuan Rsa khuhna puan chu vuanin "Bawiha, min hria em?" a han ti a. Rsa chuan a chhang lo, a pa bawk chuan a han ti nawn leh a. Chutah chuan thum chhur mai leh tial ruan mai bawk hian "Min tibuai suh u." a rawn ti leh ta mai.
A ngaihna an hre lo tulh tulh mai a, then phei chu an awm ngam tawh loh a vangin an tlan chhuak ta hial a. Pawnah midang va hrilh darhin a hria a piang an rawn lut ve zel thung a.
Chutiang ang thil chu an la hriat ngai loh leh an la tawn loh thil anih a vangin a hria apiang mak tih a hlawh a, mi sawi duh zawng tak mai a lo ni bawk nen Rsa chunga thil thleng chuan an khua a deng chhuak rang kher mai le.
Kar lovah Rsa te room chu mihring hlirin a khat a ni ta mai, a thenin hmuh ve hrim hrim an tum laii a then chuan tawngtaina te an nei bawk a, a then chuan thil inti hre tak maiin an rin dn hrang hrang an sawi bawk a. Mahse, Rsa awmdan leh a chunga thil thleng chu amah Rsa bakin an hre phak lo a ni............cont
@Dwm Pachuau
"NAU AWMTU MAK" episode-52
Khua a tlai zel a, ni pawh a tla dawn suar suar tawh. Rsa chuan ziaawm lam a la pan thei chuang si lo, a khaw pum mai chu Rsa te in leh a chheh velah chuan an ri nuai nuai reng mai. Khua a lo thim tan a, a nawlpui chu an haw darh zo ta. In chhunga awmho pawh pakhat te tein an chhuak zeuh zeuh a, a tawpah chuan pali nga vel chauh an awm ta.
Chutia mi an reh lai tak chuan Rsa chuan amah an khuhna puan chu a rawn inhai hawng hlawl mai a. A mitmengah chuan hlauhna leh mak tihna a lang chhuak a, a nu leh pa, an thenawm khawveng mi tlem la awmho chu a rawn melh kual rulh rulh a. Anni lahin mak tihna nen, rinhlelhna leh lawm deuh bawk siin an lo melh thup mai bawk a. Khuavang kal lai an tih ang mai hian a hma lawka ri nuai nuai thin kha a reh ta duk mai.
Chutah Rsa chuan "Tute nge innih?" a rawn ti chhuak phawng mai a. A nu chuan hlauthawng tak hian "Bawiha, i chhungte kan nih hi min hre lo em ni?" tiin a lo chhang thuai a.
Mahse, Rsa awm dan chu a dik tlat lo. Hmelhriat loh hmu ang mai hian a awm tlat a, a hriatna a bo ani tih hai rual a ni ta lo. "Ka hre lo che u, khawiah nge ka awm? Tute nge in nih?" a rawn ti leh a.
A pa chuan a darah a rawn dawm a, "Bawiha, a va han vanduai thlak leh zel em ve aw! Engtinnge maw kan awm tak ang le?" a rawn ti chuar chuar a. Mahse, a thusawi chu Rsa chuan a hrethiam lo tih a chiang kher mai.
Mi an rawn lut leh tan nak nak tawh hlawm si a, Rsa pa chu a mangang kher mai. Nakinah chuan an khawtlang hruaitute chu an rawn lang hlauh mai a. Rsa nu leh pa te nen chuan midang chim buai phak loh deuhah thil awmzia leh hmalak dan tur an sawiho ta a.
Rsa nat tan dan te, damdawi annpek te, nidangah pawh pum nat zeuh zeuh a neih thin thu leh a dam ve leh mai thin dan te zawng zawng an sawi hmasa a.
Zing atanga a rawn nat tan dan atangin a nu chuan a han sawi ve leh a, chutah a nat lutuk a vanga a na buai anih an rin thu te, tawngkam maksak tak tak leh thil mak pui pui a sawi thin te chu engmah zep lovin an sawi tlang vek a, chutah an rin dan hrang hrang te an sawiho bawk a. Engpawh nise, amah Rsa ber a hriatna a bo vek mai si a, chuta karah amah hmuh tum reng renga mi an punkhawm reng chuan an tan pawh phur rit anih mai dawn a vangin amah Rsa chu khawilai emawah midang hriat tam lohin kalbo pui mai tha an ti tlang ta a.
Mahse, a nu chuan a ngaihtuah em em mai si a, han kal ve zel dawn se Zotei ngaihtuah ngai nen, inleng ilo lo kawm ngai bawk nen kal ve thei zia zang a ni si lova. A pa pawhin a rilru tak chuan a ngaihtuah khawp mai. Mahse, ani zawng mipa ngang a ni a, a hmelah pawh a lang lem lo.
An kawmchar kawngkhar a tang chuan an hruai chhuak a, Zotei damdawi ina a awm laia a riahpuitu pakhat, amah Rsa u Sangi te in lam chu an panpui ta a. Amah chuan engmah hrethiam ve hek lo, a hreh deuh viau naa harsatna erawh a siam zui lo hlauh a.
Sangtei te inah pawh chuan amaha awmtir chi anih loh a vangin room ah mi pathum velin an awmpui chawt a. An biakna reng reng chu engmah a chhang lo, zan a rei telh telh a Rsa mizia chu a dang tulh tulh bawk a.
Zan dar sawmpakhat a pelh hnu deuh chuan ngaihtuah muk tak ang mai hian a thu ngawi ngat ngat a, a mit chu vawikhat mah a khap lo. A mitmeng chu rei lo teah a rawn inthlak a, thinrim lutuk ang mai hian a meng a, a insehruh vak vak bawk a. Hmeichhe tan phei chuan hmuh hrehawm tak a ni ta tlat mai. A thaw ri huam huam a, a bula mite chuan a awmdan dik lo chu a chhan an hre si lova, nuam an ti tawh lo khawp mai. Mahse, mipa rual an ni bawk a, tharum pawh hman ngai dawn se mipathum tan chuan a huphurhawm loh turah an ngai bawk.
Zan lai dar sawmpahnih a pel chiah tih chuan Rsa chu a rawn hawi chhuak a, a bula mite chu muang changa melh kualin chik zet mai chuan a han en hlawm a. A mitmeng chu rapthlak tak a ni, a mit zawng zawng chu a var puap mai a, a meng zauin a khap leh fuk thin. Chutah a hmui chu namen lo hian a han tisawi vak mai a, mipa tan pawh hmuh nuam lo tak a tling a ni.
Chutah Rsa chu a rawn tawng chhuak a, "Tualthahna a ni, thihna rapthlak. Tuma hriat ve loh thihna leh pawikhawihna chu." a rawn ti chhuak a. A aw chu ahma ang bawk khan a thumin a tial ruan mai bawk si a, chu thu an han hriat meuh chuan a awmpuitute zawng zawng chu an chhuak rang kher mai.
Mahse, rei vak loah midang panga vel an rawn luh belh leh a, chutih lai chuan Rsa chu a lo la tawng mawlh mawlh tho a. "Ka hria che, ka hre tawh che. Engkim tawpna tur chu a intan ta." tiin Rsa hmel chu a dur khup mai.
Chutah chhuah tumin room kawngkhar lam chu a pan a, chu veleh an lo dang vat a. Mahse, patling chuti zat chuan Rsa chu an dang hneh lo chai chai kher mai le. Rsa chuan bang kilah nam khawmin tumah che thei reng an awm lo. A aw tial ruan mai chuan "Phuba lak a hun ta, tumahin min rawn zui suh ang che u. Min rawn zui apiang chu in thi ang." a han ti a. An hlau lutuk chu an.khur zawih zawih hlawm mai a, a rhen phei chuan zun an lo cheh hial a ni.
Chutah Rsa chu tukverh thlang lam inhawngah chuan a zuang chhuak ta mai, chi tukverh chu a sang nasa mai si a, thih lohna chi a ni lo. Lei a tla ri dup thawm an hria a, mahse chubak eng thawm mah hriat zui an nei lo, a reh tlawk tlawk ringawt mai.
Chutah in chhunga awmho chu pawnah tlan chhuakin kawmg thlang lamah chuan torchlight nen an tlan thla nghal sup sup a, a thih.ngei an ring theuh a ni. Mahse, an zinga pakhat chuan "Kei chu ka kal duh lo, a kawchhungah ramhuai a lut tih a chiang, khati khawpa chak kha mihring tha a ni thei lo hrim hrim, kal mah ula in hmu chuang lovang." a lo ti a. A sawi ang tak tak chuan Rsa hmel reng reng hmuh tur a lo awm awzawng lo mai le............cont
@Dwm Pachuau
episode-50
Rsa nupui chuan "Hei bak hi min kuah thei tawh ngai dawn lo a nia, chu chu hriatthiam tum ang che aw." a ti a. Rsa chuan a chhang lo. Nghet leh zualin a nupui chu a kuah vawng vawng a...
Chutih lai chuan khawfing a rawn chat dawn tan ta, a nupui chuan "Ka va han ngai dawn tak che em. In rawn kal ve hun ka lo nghak reng ang, ka kal a hun dawn ta." a tih chuan Rsa chuan "Min kalsan lul suh, ka phal lo. Ka kiangah awm rawh khawngaihin." tiin a ngen ngawih ngawih a. Mahse, a nupui chuan "A theih si loh a ni. I hun a thlen ve hunah ilo kal ve dawn alawm, kan fanu nen. Chhungkuain kan lengho leh ngei ang tih ka tiam a che." tiin a hnem a.
Mahse, chu hun nghah chu Rsa tan chuan thil huphurhawm ber anih miau a vangin a nupui kal tur chu a phal thei ngang lo a ni. Mahse, hun chu an thunun theih a ni miau si lova, a nupui kal a hun ta.
A nupui chuan "Ka hmangaih che tih hi theihnghilh ngai suh aw." a han ti a. Rsa chuan "Ka hmangaih che, ka hmangaih lutuk che. Min kalsan suh aw." tiin a kuah nghet sauh sauh a.
Mahse, zawi zawiin a kuah lai a nupui duh tak chu a ral ta riai riai a. Rsa chuan "Kal suh kal suh, khawngaih takin min kalsan suh." a ti lawm lawm a. Mahse, muangchangin a nupui chu a ral ta, boruak mai kuahin Rsa chuan a zawng vak vak a. Mahse, hmuh phak rual a ni ta lo.
Beidawng leh khawhar takin Rsa chuan a nupui chu a zawng ruai ruai a. Mittui sur zung zung chung chuan a kova, hmuntin hmun tang a zawng a. A tawpah chuan beidawng lutukin a nupui thlanah chuan a tap chhuak ta hawm hawm a.
Khua a rawn var chiang telh telh a, Rsa rilru pawh harh ve tulh tulhin a nupui thlan chu a chul hliau hliau a. A tahna a vanga mit bui lukin a nupui thlan chu a tifai a, a rilruin "Min lo nghak rawh aw duhtak, min lo nghak reng ang che." a ti mawlh mawlh a.
Nakinah chuan mi thawm a hriat tak a vangin a thawmhnaw a beng fai mawlh mawlh a. Mi hmuh leh mualpho a hlauh a vangin a ruk thei ang ber chuan thlanmual chu a chhuahsan ta a.
A rilru kawm mawlh mawlh chungin in lam chu a pan zel a, mak deuh maiin a rilru chu a eng emaw engthawl ru tlat mai. A hlim veng veng ni hian a hria a, a ngaihtuah chian erawh chuan han hlim thar hluaina tur awmin a hre si lo. Mahse, rilru hahna leh thawpikna nei miah lova a awm chu mak a inti rilru hle mai.
A chhungte thawh hma ngeia in thlen hman tumin a kal sauh sauh a, a rilruah a mumanga a hmeichhe hmuh bawk kha a rawn lang leh a, engtia puih tur nge tih leh hmalak dan tur erawh a bangbo hle mai bawk si. A nupui pawh khan kha a mumang kha a hrw vek a, tanpui ngei tur khan a ti tak anih kha.
Rsa chuan ding meuhin a han ngaihtuah tha leh ngat a. Mahse, a hriat dan a saisa nuaih mai a, chiang kek kawka hriat a nei thei tlat lo. A ngaihtuah nasat poh leh a buai nuaih mai bawk si. Mahse, a nupui khan a buaina chinfel dan awmchhun a ni tih kha chu a sawi chiang ngei alawm.
Rsa chuan a chal dawm meuhin a han.ngaihtuah leh a, kha a mumanga rawn inlar thin nu pawh khan a puih loh chuan Zotei thih tur thu kha a sawi ngei niin a hre thar leh tlat bawk a. Kha nu kha a rang thei ang bera hmuh leh a ngai tih a hrerhiam ta. Mahse, a duh hun hunah a hmu ngawt thei bawk si lo... Engmah tih theih dang a nei lo tih hriain hmanhmawh tak chuan a kal leh ta zawk a. In a thlen chuan tumah an lo la tho lo hlauh chu a lawm ngei mai.
Tichuan room ah thawm dim taka lutin thawmhnaw leh towel a la, tichuan a inbual fai ta vak a. A inbual zo lo chhuak leh a nu zingtho chu an inhmu a, a nu chuan "Bawiha chu zing zingah te i inbual tak mai, i tho a chu a ni em lo maw?" a rawn ti chhuak a. Rsa chuan "Ka muhil thei lo ka harh hma sia, thlan ka zuk tlawh mai mai e ka tia, ka'n tifai nel nual nghal bawk nen rin aiin ka thlan a chhuak hnem sia ka inbual mai mai anih hi." tiin a chhang zaih a. A nu bawk chuan "I zu tap nasa a ni maw, kha i mit a bui nasa mai a nia," tiin a thlek ha ha a. Rsa chuan "Nasa love, ka'n inthlak nghal ang e." a ti a, a nuin thil a zawh tam hmain room ah a luhsan ta daih a. Chumi tuk zing, tukthuan an ei lai chuan Rsa pum chu a rawn na riai riai a. Nidangah pawh a nat zeuh zeuh thin a vangin a reh ve leh mai turah ngaiin a sawi duh lem lova.
Mahse, nidang ang lo tak maiin Rsa pumna chuan ziaawm lam a pan hlei thei tlat lo mai a. Fehrehsan hun awm velah phei chuan a thlanfim a bawl ta tak tak a, sawi lo mahse a awmdanah hriat loh theih a ni ta lova.
A nu chuan "Engati nge, bawiha na nei i va ang ve, na i nei em ni?" tiin a zawt ta a. Rsa chuan "Ka pumna hi a ziaawm leh mai dawn emaw ka tia, a reh tha duh lo riau mai. Damdawi kha ka ei leh mai dawn emawni le?" tiin a lo chhang a.
A aw pawh a lawi deuh rut mai a. A na khat hle a ni tih hai rual a awm ta lo. Amah hi natna chung chang sawi chhuak zen zen lo leh inthlahrung mi a ni bawk nen, a nu ngaih a tha lo nghal hle mai. Rang taka damdawi laksakin tui nen a pe nghal a.
Rsa chuan damdawi chu a han hmawm nghal a, mahse damdawi chuan a chhawk zo ta chuang reng reng lo mai. Rsa chu khumah pumnain a vial ta ngal ngal mai a. A nu mangang chuan thenawma a pasal leng chu hmanhmawh takin a va ko hawng nghal a. Rsa pumna lutuk chu mumal nei lo lek hian a rawn rum chhuak a, awmngaihna hre lovin a sapatal a ni titih ta. Zotei lah chuan a pa natuar chu hrethiama tawrhpui ve ni awm tak hian a rawn tap chhuak ve ta vak mai bawk a, Rsa nu leh pa chu an mangang ta ngei mai le.............
cont
@Dwm Pachuau
"NAU AWMTU MAK"
episode-51 Zotei chu a hma zawnga tlei em em si, a pa nat vang nge thil dang na a nei ve tih pawh hriat a ni lo, a tap uar em em mai a. Rsa pumna buaipui ngai bawk, Zotei tap ringawt pawh buaipui tham fe a ni ta mai si a, Rsa nu leh pa mangan dan chu pui tak a ni ta.
Chutah Rsa chu a bawkkhup a, khum phah te chu a ham thler tawn tawn a. A nu chuan "Bawiha insum rawh insum rawh khai. Mipa i nih kha chhel takin aw," a lo ti mawlh mawlh a. Zotei tap tuar tuar pawh chu ngaihsak hman a ni meuh lo. Rsa tal nasa lutuk tur chu a pain a theih tawpin a lo vuan bet ve bawk nen, an phek buai hi a ni hawt mai.
Rsa chu a bungbu ta vu mai a, a nu leh pa chu an hlauthawng hle mai. Chutah "Min khuh rawh u, puanin min khuh vat rawh u." a rawn ti chhuak ta tuar tuar mai. A ngaihna hi an han hre lo laileng khawp a. Mahse, a pa chuan blanket in a khuh ta hlup mai a. Chupawh chu ala duhtawk zo lo nge, "Min khuh zel ta che u, min khuh thuai thuai rawh u a tlai hma hian." a la rawn ti ta fo mai.
A pa chu a tho lawk a, room chhak lama puan an dahho chu a rawn pawm thla tun mai a, chu chuan a khuh hnan ta mawlh mawlh mai a. Chutah chuan Rsa chu a bawk hniam leh ta ruai ruai a. A nu leh pa lah chu an bang bovin an hlauthawng em em mai a, Rsa pa chuan tikhan lo awmpui la thenawm khawveng te ka'n ko ang e. a ti a, hman hmawh takin a chhuak ta nghal a.
Zotei tap tuar tuar pawh a tap zawi ta deuh a, a pi chuan "Bawihte, i pa natna hi ilo tahpui ve a ni maw? A va mak ngai em, tap suh le ipa pawh a dam leh thuai dawn." tiin a tunu chu a be mawlh mawlh a.
Karbloah thenawm venghnaiho chu an rawn lut khawm nak nak a, Rsa awm dan chu mak an ti hlawm theuh mai, engtia tih chi nge ni ang tih leh a nat dan te chu zawtin an sawi nak nak a. An zinga pakhat chuan Rsa an khuh vum hnurna puan chu a han keu de de a. Vawi leh khatah Rsa chu a rawn te chhuak tuarh mai a, a hlimtu lah chu a per sawn nasa ngei mai.
Midang awm ve te pawh chu an phu nasa ngiang mai. An makti chu an darh deuh hak a, an ti duhnhlawm tawh mai. Rsa pa chuan natna pangngai pawh a ang lo tawpin ka hria. A ngaihna ka hre der lo mai, engtia tih tur nge mawni dawn le?" a han ti a. Tuman an chhang lo, chhan dan tur an hriat loh bakah engtia han tih tur nge ni ang tih ngaihdan takngial pawh an nei thiam lo miau a ni.
Chutia an ngawih thap lai chuan Rsa chu rawn tawng chhuakin "Tualthahna a ni, tualthahna rapthlak a ni." a rawn ti chhuak ta mai. A aw lah chu Rsa aw an hriat than ang kha a ni awzawng lo, a thum tial ruan mai a. A awmho chu mak tiin an hawi ka hau mai a, a rhen phei chuan an hlau takzet a ni. A pa bawk chu lo tawng chhuak lehin "Bawiha hi a na a deuh a ni mai lawng maw, nge amahah hian ramhuai lam lam te hi a lut zawk ta em ni ang?" a rawn ti chhuak a, chu pawh chu tumahin an ngaihdan han sawi mai turin an bangbo lulai deuh a ni.
Rsa nu chuan "I ti awm ang lo lutuk em mai, chutiang ka fapa chungah a thleng lovang, sawi loh loh a ni i sawi." tiin an pa chu a lo khak vat a. Mahse, anihna takah chuan ani pawhin a ringhlel ru em em tho a, mahse chutiang em ni tur erawh chuan a thinlungin a phal lo mai zawk a ni.
Rsa pa chuan Rsa khuhna puan chu vuanin "Bawiha, min hria em?" a han ti a. Rsa chuan a chhang lo, a pa bawk chuan a han ti nawn leh a. Chutah chuan thum chhur mai leh tial ruan mai bawk hian "Min tibuai suh u." a rawn ti leh ta mai.
A ngaihna an hre lo tulh tulh mai a, then phei chu an awm ngam tawh loh a vangin an tlan chhuak ta hial a. Pawnah midang va hrilh darhin a hria a piang an rawn lut ve zel thung a.
Chutiang ang thil chu an la hriat ngai loh leh an la tawn loh thil anih a vangin a hria apiang mak tih a hlawh a, mi sawi duh zawng tak mai a lo ni bawk nen Rsa chunga thil thleng chuan an khua a deng chhuak rang kher mai le.
Kar lovah Rsa te room chu mihring hlirin a khat a ni ta mai, a thenin hmuh ve hrim hrim an tum laii a then chuan tawngtaina te an nei bawk a, a then chuan thil inti hre tak maiin an rin dn hrang hrang an sawi bawk a. Mahse, Rsa awmdan leh a chunga thil thleng chu amah Rsa bakin an hre phak lo a ni............cont
@Dwm Pachuau
"NAU AWMTU MAK" episode-52
Khua a tlai zel a, ni pawh a tla dawn suar suar tawh. Rsa chuan ziaawm lam a la pan thei chuang si lo, a khaw pum mai chu Rsa te in leh a chheh velah chuan an ri nuai nuai reng mai. Khua a lo thim tan a, a nawlpui chu an haw darh zo ta. In chhunga awmho pawh pakhat te tein an chhuak zeuh zeuh a, a tawpah chuan pali nga vel chauh an awm ta.
Chutia mi an reh lai tak chuan Rsa chuan amah an khuhna puan chu a rawn inhai hawng hlawl mai a. A mitmengah chuan hlauhna leh mak tihna a lang chhuak a, a nu leh pa, an thenawm khawveng mi tlem la awmho chu a rawn melh kual rulh rulh a. Anni lahin mak tihna nen, rinhlelhna leh lawm deuh bawk siin an lo melh thup mai bawk a. Khuavang kal lai an tih ang mai hian a hma lawka ri nuai nuai thin kha a reh ta duk mai.
Chutah Rsa chuan "Tute nge innih?" a rawn ti chhuak phawng mai a. A nu chuan hlauthawng tak hian "Bawiha, i chhungte kan nih hi min hre lo em ni?" tiin a lo chhang thuai a.
Mahse, Rsa awm dan chu a dik tlat lo. Hmelhriat loh hmu ang mai hian a awm tlat a, a hriatna a bo ani tih hai rual a ni ta lo. "Ka hre lo che u, khawiah nge ka awm? Tute nge in nih?" a rawn ti leh a.
A pa chuan a darah a rawn dawm a, "Bawiha, a va han vanduai thlak leh zel em ve aw! Engtinnge maw kan awm tak ang le?" a rawn ti chuar chuar a. Mahse, a thusawi chu Rsa chuan a hrethiam lo tih a chiang kher mai.
Mi an rawn lut leh tan nak nak tawh hlawm si a, Rsa pa chu a mangang kher mai. Nakinah chuan an khawtlang hruaitute chu an rawn lang hlauh mai a. Rsa nu leh pa te nen chuan midang chim buai phak loh deuhah thil awmzia leh hmalak dan tur an sawiho ta a.
Rsa nat tan dan te, damdawi annpek te, nidangah pawh pum nat zeuh zeuh a neih thin thu leh a dam ve leh mai thin dan te zawng zawng an sawi hmasa a.
Zing atanga a rawn nat tan dan atangin a nu chuan a han sawi ve leh a, chutah a nat lutuk a vanga a na buai anih an rin thu te, tawngkam maksak tak tak leh thil mak pui pui a sawi thin te chu engmah zep lovin an sawi tlang vek a, chutah an rin dan hrang hrang te an sawiho bawk a. Engpawh nise, amah Rsa ber a hriatna a bo vek mai si a, chuta karah amah hmuh tum reng renga mi an punkhawm reng chuan an tan pawh phur rit anih mai dawn a vangin amah Rsa chu khawilai emawah midang hriat tam lohin kalbo pui mai tha an ti tlang ta a.
Mahse, a nu chuan a ngaihtuah em em mai si a, han kal ve zel dawn se Zotei ngaihtuah ngai nen, inleng ilo lo kawm ngai bawk nen kal ve thei zia zang a ni si lova. A pa pawhin a rilru tak chuan a ngaihtuah khawp mai. Mahse, ani zawng mipa ngang a ni a, a hmelah pawh a lang lem lo.
An kawmchar kawngkhar a tang chuan an hruai chhuak a, Zotei damdawi ina a awm laia a riahpuitu pakhat, amah Rsa u Sangi te in lam chu an panpui ta a. Amah chuan engmah hrethiam ve hek lo, a hreh deuh viau naa harsatna erawh a siam zui lo hlauh a.
Sangtei te inah pawh chuan amaha awmtir chi anih loh a vangin room ah mi pathum velin an awmpui chawt a. An biakna reng reng chu engmah a chhang lo, zan a rei telh telh a Rsa mizia chu a dang tulh tulh bawk a.
Zan dar sawmpakhat a pelh hnu deuh chuan ngaihtuah muk tak ang mai hian a thu ngawi ngat ngat a, a mit chu vawikhat mah a khap lo. A mitmeng chu rei lo teah a rawn inthlak a, thinrim lutuk ang mai hian a meng a, a insehruh vak vak bawk a. Hmeichhe tan phei chuan hmuh hrehawm tak a ni ta tlat mai. A thaw ri huam huam a, a bula mite chuan a awmdan dik lo chu a chhan an hre si lova, nuam an ti tawh lo khawp mai. Mahse, mipa rual an ni bawk a, tharum pawh hman ngai dawn se mipathum tan chuan a huphurhawm loh turah an ngai bawk.
Zan lai dar sawmpahnih a pel chiah tih chuan Rsa chu a rawn hawi chhuak a, a bula mite chu muang changa melh kualin chik zet mai chuan a han en hlawm a. A mitmeng chu rapthlak tak a ni, a mit zawng zawng chu a var puap mai a, a meng zauin a khap leh fuk thin. Chutah a hmui chu namen lo hian a han tisawi vak mai a, mipa tan pawh hmuh nuam lo tak a tling a ni.
Chutah Rsa chu a rawn tawng chhuak a, "Tualthahna a ni, thihna rapthlak. Tuma hriat ve loh thihna leh pawikhawihna chu." a rawn ti chhuak a. A aw chu ahma ang bawk khan a thumin a tial ruan mai bawk si a, chu thu an han hriat meuh chuan a awmpuitute zawng zawng chu an chhuak rang kher mai.
Mahse, rei vak loah midang panga vel an rawn luh belh leh a, chutih lai chuan Rsa chu a lo la tawng mawlh mawlh tho a. "Ka hria che, ka hre tawh che. Engkim tawpna tur chu a intan ta." tiin Rsa hmel chu a dur khup mai.
Chutah chhuah tumin room kawngkhar lam chu a pan a, chu veleh an lo dang vat a. Mahse, patling chuti zat chuan Rsa chu an dang hneh lo chai chai kher mai le. Rsa chuan bang kilah nam khawmin tumah che thei reng an awm lo. A aw tial ruan mai chuan "Phuba lak a hun ta, tumahin min rawn zui suh ang che u. Min rawn zui apiang chu in thi ang." a han ti a. An hlau lutuk chu an.khur zawih zawih hlawm mai a, a rhen phei chuan zun an lo cheh hial a ni.
Chutah Rsa chu tukverh thlang lam inhawngah chuan a zuang chhuak ta mai, chi tukverh chu a sang nasa mai si a, thih lohna chi a ni lo. Lei a tla ri dup thawm an hria a, mahse chubak eng thawm mah hriat zui an nei lo, a reh tlawk tlawk ringawt mai.
Chutah in chhunga awmho chu pawnah tlan chhuakin kawmg thlang lamah chuan torchlight nen an tlan thla nghal sup sup a, a thih.ngei an ring theuh a ni. Mahse, an zinga pakhat chuan "Kei chu ka kal duh lo, a kawchhungah ramhuai a lut tih a chiang, khati khawpa chak kha mihring tha a ni thei lo hrim hrim, kal mah ula in hmu chuang lovang." a lo ti a. A sawi ang tak tak chuan Rsa hmel reng reng hmuh tur a lo awm awzawng lo mai le............cont
@Dwm Pachuau
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)