BED OF ROSES EPISODE 5

[Big bear]

BED OF ROSES
BY; NUNUI FRANKY HMAR


EPISODE 5


JASRIEL POV..........



Kei hian fapa kum 5 mi ka lo nei reng tih nimin khan ka hrechhuak chauh a, kahlim takzet ani, he natna hian engtia rei nge min dam tir dawn ka hrelo, diktak chuan Culcutta ah hian cionference na a kal tur nilovin in chec-up tura kal ka ni a, mahse tumloh deuhin ka nupui ka hmu si, kum 5 meuh ral tawh mahse ala pangai reng ani, a puitling deuh sawt tih loh chu, a sam sei tak chu a thlah hniang a, a bula mite chu thu a pe zat2 a, engtia rei nge ka en ka hrelo an



Vanneih thlak takin ka company nen contract sign in kan thawkdun zui lehnghal a khuanu hian kan inhmuh theih nan rem a ruat ani, tih ka chiang sak mai , chutah ka thlalak zerox ang mai mipa naupang hmeltha tak nen thlalak ah ka hmu dun lehsi, engtin nge hertiang em2 a company lian leh ropui hi a enkawl theih ka hrelo, mahse henu hi ka hmangaihna ala ngai reng a, kalbo tir leh turin hun tam ka nei tawhlo



Ka fapa ka hmuh hmasak ber chuan awmdan ka thiamlo, patling a pumpa, mahni in dahsang leh inti vei ve tak pawh mipa naupang kum 5 mi hma ah hian ka zam chhe der chu ani, min hlau a anu phen a a biru te chuan ka rilu ati na, a toys tur ka kensak a hmuh rual a Ferina hmel mawlh kha, kuah nawk a fawh ka chak ani, ka la ti ngei bawk ang



Thuthlengah thu in ka fapa chuan min ngheng a, ka phone a video a en a, a khek leh raih zel a , a sam kir chiat te chu, ka nu leh pa in hmu ve tase an hlimpui ngawtin ka ring ani , Ferina chuan min en leh zawk thin a



' Jasriel, Ah, Mizoram lama.........'


' Hruai haw che u ka duh takzet' ka tih chuan a ding hluai a



' Jasriel haw thei kan ni tawhlo tih i hriat kha , tunah chuan in kan nei tawh a, hotel enkawl tur nen' ati sap a



' Ela, Ama hi ka be lawk dawn a' tiin a fapa chu a bia a, Ela chuan min en kal a, a lu a bu zauh a, a roomah inbe turin kan in zui chho a, a room ka luh ruala bed sheet sen chuan ka mit ala nghal chat a, ka ina kan nupa room a kan bed sheet sen , rose par lem mawi taka tial kual kha ani, BED OF ROSES kha, a ngainat loh thu kha a sawi si a



' Ah, enge kan sawi ang' atih chuan ka melh zauh a


' Hethil hi i ngainat loh thu ka hria emaw ka inti a,, mahse ka beng chhe ri pawh ani mahna ' ka ti sup a, min melh hrawk a



' Jasr......' tah insum zet hian ati a


' Ka hmangaihna che hi ani tel hian a zual asin' tiin hnunglam atangin ka kuah a, min hnial lo chu mak ka ti viau ani


' Jasriel, ka hmangaih che asin ' ati sup a, kum 5 kalta khan he thu hi hriat ka lo chak fo kha ani a


' Maw, min hmangaih thu kha i sawi emni'


' Aw, i senior tawh tehlul nen tinge i beng ri hriatna te kha a tha tawhlo emni, Jasriel Saidinglian ka hmangaih che ani, mahse nang nen hian lendun a rem tawhlo tih i hriat kha' a mittui luang chu ka hruk hul sak a



' Pathian a awm pawh ka rin ngailoh kha nang nen hian kan inhmuh leh theih nan ka dil thin a, tunah min chhang ta anih hi' mahse a tlai hret chu ani , ka rilru chuan ka ti a


' Ka ngai thin che asin, Immanuel ka hrin ni thleng khan hmuh leh che ka chak thin, mahse nang chu khanu nen khan i hlim dun ka ring thin a '



' Hun kaltawh chu sawi tawh lovang, i bulah, kan fapa nen hian enkawl che u ka duh ani ' a hmui da bei thin engmah make-up in hnawih ngailo kha tunah chuan alo puitling in mi chunga leng anih tawh vang nge a hnawih sen hlar a, ka fawp lui ta tho a



' Hetah i riak ve thei angem' atih chuan ka la ringhlen fan ani, min thlakhlelh hmel takin min en a


' Bawihi, ka .............' ka lu chu a rawn na leh vawt2 a, ava hunlo em, ka chhing sawk a, ka hmangaih te hi tih hreawm ka duhlo ani


' Ela hian pa a awt ve thei lutuk a, mahse ..........'

' Ka awm alawm, Ela infiampui ka duh' tiin room atang chuan ka pai chhuak nawk a a hrilhhai thaw hrawk ri pawh ka hre zui a , Cancer hi ava nunrawng em



Ela chu ka phone kuahin thuthlengah alo muhil bam a, ka lu na chuan ka khaw hmuh ati fiahlo a, doctor ka biak vat angai ni, speed dial a number ka dah chu ka call vat a



' Toilet' ka tih chuan Ferina chuan ding lam room chu a kawk a


' James, ka lu ana takzet, ka khaw hmuh a fiahlo damdawi engmah ka kng bawk silo'


' Awle, hahdam tum rawh, i lu kha tuiin ti huh rawh nasa takin thisen kaldan chu chuan ati pangai ang, hello, hello , Jasriel' ka lu chu ka thing nawk2 a, hetah hian nikhaw hrelo in ka awm theilo , ka lu chu ka ti huh a, chhuatah chuan ka thu a, ka fapa thang lian lai hi ka hmu hmanlo ang tih ka hlau ani



' Jasriel, i tha em' Ferina chuan a rawn chum dat2 a


' Aw, ka tha e' tiin toilet atang chuan ka chhuak a, min ngaihtuah hmel takin min en a, min huatna mitmeng hmuh tur a awm tawhlo, ngawi rengin ka pan hnai a, ka kuah a, engmah ka hrilh thei silo, ka fawp vawng2 a


' Love will keep us alive ' ka tisap a, a hmui ka fawh nin theihloh ah bawk chuan ka fawp vang2 a



' Hetah chaw ei rawh aw' ati leh sup a


' I awngbawl ngei ka ei dawn tihna emni' ka tih chuan a nui hak a, kum 5 hmalama a thingpui lum kha ka mitthla ah a rawn lang a, thingpui fe aiah anthur rep alo thlak kha


' Rawngbawl i thiam tawh emni, chi aiah soda.....' dingdi hlipin ka hmui a rawn hup a


' Jasriel, kum 5 hmalam khan tinge tiang hian min duat loh' ati leh sup a


' Ka ti lang thiamlo ani, min ngaidam nawn rawh, sex chauh hi hmangaihna lanchhuah tir dan emaw ka tih vang ani ' ka tih chuan a thaw hak a



' Ka nu pawh ka ngai takzet, ilo enkawl avangin ka lawm ani' atih chuan ka awmah bawk ka bei tir a, ka lu na pawh a chhawk zangkhai thei hial ani



Ka secretry bia in ka luggage min rawn pe tura ka tih chuan mak ati hle a, mahse thil awmzioa ka hrilh a, damdawi min rawn pe tel turin ka ti bawk a, ka room awmna tur min hrilh chuan Ferina chu ka en vang2 a, engemaw atih hi le, room hranga mu turin min ti tihna emawni



' Ka nupui leh fapa bulah nilo min mut tir i tum maw '


' Jasriel ka.......'


' Bawihi, zanin chu sex hman chakna rau ka chungah a thawk lo, ka chau takzet ani, khawngaihin ' ka tih chuan a lu a bu nghut a, a chang leh min hlauh hmel tak te in min en a, min zahthiam a, enkawlna thatak dawng a seilian ani tih a hawiher leh chetzia ah hian a hriat ngawih2 ani.




FERINA POV.....



Zanriah kan ei lai chuan Ela chu a tihdan thin lo takin a tawng zat2 a, apa pawh a nel tawh hle a



' Ka duhlo, a tuilo' tiin a thlenga carrot chu a thlang khawm a, chutiang chiah chuan Jasriel pawh chuan ati a, awihlo zet hian ka melh a, an kut veilam ve2 chaw bar nan an hmang a



' Ama, heihi alo awm tawh dawn mi' tiin a ep chiaha thu a pa chu a kawk va a, Jasriel nen chuan kan in en chiang ngei mai , ka thaw halh a



' Bawihpui, heihi Apa anih hi , nangma pa, Abraham leh Dinesh te pa anga i pa anih hi' ka tih chuan a nui hak2 a, apa chu chiang ren rawn hian a melh a



' Apa maw, apa nihleh car nalhdeuh Dinesh pa car ang i nei em'


' Ela, ani car aia man to ka nei teuh alawm' ati sup a, ala chapo reng anih hi, rum takin ka melh ani tih a hriat chuan a then sak a , pa lutuk, kum alo ka tam tawh pawh ani mahna, a bek sam te chu a tuak var vo tawh a, mahse chu chuan ati pa zual sauh ani, a mizia ala danglam lova, duat taka a fapa a infiam pui a, a chheih thin chu ka hmuhnawm tih ber ani



Ka roomah Ela leh a pa chu khumah mu in an in buan let tap2 reng a, min hrechang tawh hauhlo, Jasriel hi Mizoram lamah a kir angai ngei anga, chumi hunah chuan ka fapa tuna a hlim ang sawn a hlim reng thei angem ka hrelo, ka bulah chuan sawtiang sawn a nui ngaiin a inhlei vak ngai silo, apa anih vang pawh ani mahna





'Mut a hun tawh ania, zingah thawh in hai hlauh ange' ka tih chuan min rawn melh dun a



' Aho emai' tiin Ela chu a pa chungah a lawn a, ka fapa khan a ho ati nia, nikhat lek anla awm dun a , an mizia hi a in ang chiah ani, dar 9;30 vel thleng an inchheih hnu chuan an inchheih chau pawh ani mahna Ela chu a muhil bam a



' Ferina, mahni chauh chuan enkawl a harsa ang tiraw' tiin Jasriel chuan a ban min lukham tir a, kan fapa chu kan thlir dun reng a



' A luhlul in a thinchhe takzet ani, a duh ka tihloh chuan......' ka hmui ah min rawn fawp zauh a


' Shhhh, ka fapa ani miau alawm, Sailo thisen kha a kai miau a' atih chuan ka melh rum a, chhungkaw hlim thei tak ang mai ka ni, insi rialin kan mu dun a, a sirah Ela a mu bawk a, a laiah ka mu a, an pafa an mang a chhe bawksi, engtin nge ka muthilh ka hrelo



Zing ka harh chuan keimah chiahin ka mu tawh a, khawnge maw an awm pafa in, bathroom ah lutin darthlalangah ka in en vang2 a, ka hmai vun te chu a eng sat2 a, ka biang a tai tek bawk a, ka hmangaih a rawn lan vang pawh ani ngei ang, inhnuai lamah ka chhuk a, kailawn tawp pawh ka thlen hma chuan popcorn hian min rawn vawm a



' Ama, apa hi a fel lutuk, ice-cream dawrah min kalpui a'




' Jasriel' ka vin nghal tuar a, Jasriel chuan min rawn pan hnai a, coat-suit a inbel leh zaih tawh a, ani hi chu a heti reng thin kha ania, mahse kal a tum ta mai emni, hlauhthawnna bawk chuan min rawn tuam leh a



'Bawihi, au chiam2 thin suh, miin i duhlo chung ka ti che emaw anti ange' tia mit min siai zauhin Ela chu a pawm kang nawlh a, a palian in a fapa chu a zo ngei mai, Ela hian min chhun ve hlawl lo, engkimah apa vek a chhun ani, a vun ah pawh, min chhun deuh se chu a ngo ve deuh mahna haha



' Vawiin ah enge i tih ang' ka tih chuan a ngawi a, min chhang tawh dawnlo emaw ka tih hnu ah min chhang chauh a




' Ah, thil pawimawh tih tur ka nei a, ka chhuak lawk ang' atih chuan ka lu ka bu nghat a, conference chu naktuk mai hian a tiak dawn a, chumi hunah chuan a haw ve nghal angem, ka zawt ngamlo ani, cham turin ka duh, ka mamawh zia hi a hrefiah englo in ka hria, ka hmuh leh chiah khan ka hmangaihna kha a zual ani, nilo ka hmangaih reng a theihngilh tumin bei thin mah ila hmangaihna antih tereuh khan chu2 min phalsak ngai hauhlo




' Ka thlah ang che i hotel kawt thleng, chuan heihi chu i ha theilo' tiin ka kawrfual hak jipper hnunglam chu a pawtthla hrawk a, ka te that a, kekawrte leh bra nen ka ding teu a



' Hey, enge i tih hi' ka tih chuan ka thuamhnaw dahna lam a pan a , ka kawrfual dum khup hnuai vel thlenga fual chu a rawn phawrh a



' Heihi ha rawh, nu ini a, ka nupui, mi pawmlai ini bawk, hre reng rawh, miin sakhi taka an en che ka duhlo' atih chuan za zewtin ka nui a, a thikthu pawh a chhe tel tioh ka lo hrelo ani

Office thleng min thlah a, min fawp a, a tlan zui nghal daih a, enge a tihtur min hrilh lo, hotel ah chuan ka nui lut vur2 a, min hmu thin tute pawhin nidang aiin mak ti takin min en a


'Argh....... nilo ' tiin ka secretry chuan a puma dawm a, chhuatah a thu thla hnawk a



' A na leh tawh emni' tiin button sen emergency chauha hmeh tur chu ka hmet a, guard pathuam an rawn tlanlut nghal a, na ti taka Samaira thu chu an pawm nawlh a


' Samaira tang fan2 rawh, i bulah kaawm ania'' tiin an hnungah ka zui a, hospital chu kan thleng har ka ti ngei mai, kan thlen rual2 chuan emergency takin an en nghal a, a pumpui ulcer hi a rawn chhuak leh thut thin



' Miss chhungte a nei em, rang taka zai angai ani' doctor in atih chuan ka sam cvhu hnunglamah ka dah phei a , huizzz ka unaunu ang thova ka en ani a, pasal chu a nei tawh mahse a then tawh a, chhungte dang a neilo keimah chiah animai



' Keimah hi a chhungte chu ka ni' ka tih chuan sign na tur awmah chuan ka sign a



Theatre kawtah ka lo nghak a, rei ka ti takzet ani, tui intur lei turin ka kal , Jasriel ag deuh ka hmuh avangin ka ding chat a, ani hian enge hetah hian atih , hmundangah tihtur anei khan a sawi si a, doctor form ha pathum nen an awm a , ka pan hnai deuh dawn a, amah chu a rawn hawi thut a, amah ngei ani, ka phu zuk a



' Ferina enge hetah itih' maktih hmel takin min en chuan ka ringhlel deuh, damlohna a nei emni , min rawn pan hnai a, ka chalah min fawp a


' Enge hetah i tih i damlo emni' ka tih chuan a nui suk a



' Ka damlo ngai emni, ka thiante saw ka tlawh lawk alawm' atih chuan ka kuah a, hepa hi chan leh ka duh tawhlo ani, ka kal chhan te min zawt a ka hrilh lai chuan uluk takin min ngaithla a,ka pa ka hriathhuah phah a, ani pawh kha thil pawimawh ka sawi chuan min hnaih takah thu in ka kut a vuan a uluk takin min ngaithla thin kha nia, ka ngaihtuahna vang chuan ka mittui a rawn luang a



' Bawihi engkim a tha leh vek mai ang' tiin min kuah a ka tah a chhuak lat aniu, ka awmdan hi ka hrethiamlo, mi tu emaw ka taa pawimawh em2 in min kalsan dawn anga ngaihna ka nei tlat, a chhan ka hrelo


to be cont.......
[zanin chu a tawi deuh a, minlo hrethiam ru aw chuan heihi ka number thar ania, thil min zawt duh a min be duh in awm chuan minlo be dawn nia.... NUNUI 87308 38572]