Meant to be - 7

[MrsR]

Melanie POV

Tunlai Dave awmdan diklo te , ahma ang a min ngaihsak tawk loh chhan te hi eng ah mah ka ngai ngailo. Nicole pawn a sawi reng thin a mahse a nuhah ah ka ngaihsak mai thin. Mahse Hospital min kal pui ni khan ka hmu thiam ta ani. A buaina chu Jade Hathaway hi ani. Affair an nei chiang tih ka hre ta . Ka thianpa Christian nau Bill Dior damdawiin thar ah chuan in entir ve ngei ka duh vamg in Christian bulah appointment min siamsak tur in ka ngen a , min siam sak ni ah chuan kan va kal a , a hawnna function invitation card pawh kan dawng nghal a. Kan let leh lam chuan paparazi ho in min rawn hmu a , min kawm nghal a. Lambo orange (Dave ka pek ang chiah) chu a rawn tlan phei a. Kan hmazawn mai ah chuan a park a , paparazi ho pawn an va bawr nghal laih laih a , nidang chu nise Davea'n an tlem lai tiin min kalsawn pui ang mahse tun chu ani tlat lo. Paparazi ho lam chu a en vung vung a , ka en ve chiah chu Jade Hathaway car a luh tum Dr Bill in a kai chhuak lai leh a nghawng a a fawh zeuh ani. Dave intawh ruh ka hmu a , ka hrethiam ta. Ka lungawi loh na lantir hun anih loh vang in haw ang ka ti sek a. In kan thlen pawn Car atang ala chhuak mai lo , hma lam a melh vung vung a. Ka chhuahsan hmak a.

Bathroom ah lut in Nicole ka be nghal a , ka thil hmuh ka hrilh chuan a hma tang daih tawh in i hmu thiam lo anih kha tiin min hrilh hrep a , ka rilru ana em em a , Brad ka ngaihtuah chhuak a , Shower hnuai a ka tah leh hrep hnu chuan ka chhuak a. Dave pawh angai tho , ama room bik ah zu a in leh tlak tlak tawh. Zanin erawh thlem ka tum tawh lo hle , a dawhtu nih hreawm zia te , a nu leh pa ten min hmuhsit zia te ka ngaihtuah chhuak a , ka mittui lo tla tur chu ka dang hram hram a. Ka naute vang tal pawn kan inkar chu ka siam tha em em ang. Bul ka tan pui tawh a , ka inchhir tur anilo.

Zing lam dar 3 ah Ka phone chu a rawn vibrate dar dar a , ka en chuan Nathan ani . Dave ka bul a alo mut vang chuan balcony ah ka chhuak a , zawi sep a Nathana'n ka fa chu enge a an a rawn tih chuan ka ner sawk a. Nathan vawi engzat nge ka hrilh dawn che , i fa ani lo , Dave fa ani ka ti a. Phone chu ka dah hmak a.

Ni e , ahma a Dave nen kan inkar that loh khan Pub ah kal ka ching a , Sam pawn min hmu thin a , mahse ka rin loh deub in Dave erawh a hrilh ngai lo. Pub ah Nathan hi ka tawng a, security guard ani.Tlangval zei tak ani a , sex pawh kan hmang ka pawm thlap mahse ka fa hi chu Dave fa ani tur ani. Dave fa chauh tih pahin mut leh ka tum a , Dave chu ka en vang vang a , i fa alom tiin ka pum chu ka chul a , ka mu ta nghal a.


Zing ka thawh chuan Dave pawh lo la mu a , ka va inbual san mai a. Ka inbual zawh a ka chhuah pawn alo la mut vang in ka kai tho duh lo a. Ka chhuk san a


Party na mi tur cocktail dress ka neih ho hi ka pum puar vang in a chhing tawh hlawm hle a. Ka pum puar tilang tur tak in tawt deuh mahse ka spring collection ami chu ka ha a , Dave ka sawm luih tlat vang in min zui ve mai a.

Party na hmun kan thlen chuan a nuam hle a. Christian chuan min lo be nghal bawrh bawrh a , Dave bar lamah Sam bula a phei vang in ka thiante bulah ka kal ve a , ka lam a , nuam kan ti hle. Room chu a i deuh hak a , kawngka lam ka hawi chuan Jade Hathaway leh Dr Bill te chu an rawn lut dun a. Dave chu ka va en nghal a , ani pawh chuan a en nasa hle a , saw tiang a min en loh na chin rei tawh zia kha.ka phone vibrate sek vang chuan Bathroom a kal ka duh thu ka sawi a , ka thiante ka kalsan a. Bathroom ah chuan duh tawk a tam boruak ka hip hnu chuan ka phone chu ka check a. Nathan bawk , ka switch off nghal a.

Ka let leh chuan table ah kan thu thla a , Dr Bill Dior in thu a sawi chhung Dave chuan Jade lam a en char char a , hai der ka tum a mahse a em em lampang ani. Jade nen an chungchang leh naute an beisei thu a sawi lai a Davea'n bar a pan phei chuan ka rilru na lutuk chu ka tah mai ka hlau a. Bathroom lam bawk ka pan leh a. Sam in min rawn zui in i nuam lo ami ati a , kei chuan ka tha tiin ka kalsan a . Ka let leh chuan Dave pawh bar ah alo la awm a , haw pui mai ka tum a mahse Mr Bill chu lawmpui na thu hlan ka duh a , Jade bul hnai a Dave a kal pui ka duh bawk. A rilru ka hriat nan.

Dave nen kan kal chu Hathaway ho chuan min lawm lemlo tih ka hria mahse ka ti lui ve kher a , Dave an melh dan atang an lawm lemlo tih ka hria a. Hemi te inkar ah hian enge maw tak a awm ani. Ka zawng chhuak em em ang. Haw kan tum chuan Dave bawk in buaina a siam a , Sam a hnek bawk. Boruak a ti chhe vek a , ka zah em vang in ka hawi chhuak lo hrim hrim bawk . Ka chhuah pui lai chuan paparazi ho pawh an tam hle. Car khalh ka tum a , a phal bawk silo nen kan buai leh phawt a. Mahse a lut lui a , ka chuang ve mai bawk. Speed chak lutuk a min tlanpui hnu ah chuan truck nen kan in tawk a , ka au tuar a , mahse a sawt tawh lo. Ka lu ka tauh pawp leh thisen rawn luang thla bak hriat zui ka nei tawh lo.


Ka harh leh chuan Hospital ah ka mu a , Dave ka piah ah a mu bawk a. Chet ka tum chu ka che theilo. Ka lu hai lutuk chu ka maimichhing tawp a , ka mu zui leh nghal a. Ka harh leh chuan ka nu ka bulah a lo thu a , Dave pawh ka bul ah a lu tuam bur in a nghawng am cher bawk . Bawihte ka fanu a rawn tih chiah a ka rilru a rawn lang nghal chu ka naute , ka naute a tha em tiin ka ngaihtuah nghal a.


Dave kan naute kan naute a tha tiraw ka tih chuan a mit meng a danglam nghal vek a. Ka nu chuan bawihi ngaihtuah hrih suh a tih chuan ka hrethiam vek. Ka naute kha ka chan ani. Kan nupa inkar siam that na tur ka naute kha. Nilooo ka awih thei lo , Dave chuan ka chal ah rawn fawp in min hnem a mahse ka naute kha ka duh ani. Ka naute kha , nurse rawn lutin min rawn chiu nghal aengmah ka hre tawh lo , ka naute kha tiin ka mu zui nghal a.

Jade PO V

Zing ka tho chu ka khum bulah Bill in min lo enkur a , ka phhu zawk nghe nghe min la nuih vak vak zui leh nghal a. Ka bulah rawn in thawlh in min rawn kuah a. Ka chal ah min rawn chuks zeuh a. I chau em a ti a , ka ham der lui leh vel a. Min dek vak vak a, bathroom ah ka luhsan daih a .

Ka intih fai sawk sawk hnu chuan inhnuai ah kan chhuk dun a. Hmeichhe pakhat awmpui kawr ha nidang a ka la hmuh ngai miah lo chuan eitur rawn chhawp pah chuan " nupa inhmeh tak inni engtik nge naute in neih dawn" a lo ti a ,ka ang zuau hman tawh a Bill chuan November ah alo ti a .

Pi Dolly rawn lut nghal in ooh , Jade ka tihpalh lutuk , kan hnathawk pakhat a bang a , i nu ka be thei silo a , hei keima thu in a thar ka lo la a , atih chuan ka nuih mai a. Pi Dolly hi ka Butler ( inchhung vawng feltu chhiahhlawh) tur a ka nu rawih ani a , ka inchhung zawng zawng leh huan te hi ama kut ah ka dah tawp ani.

Min lo be tu nu chu pangpar tui pe tur a tir nghal in amah chuan min rawn chhawp zawm sak mawlh mawlh a. Bill nen chuan an in be bawrh bawrh a an innel leh tawh hle. Vawin ah office a kal ka ngaih vang in Billa'n min hruai a , min rawn lam leh thlap dawn ani. Ka chhuk tur chu kawngka min hawnsak , ka kawng ah vuanin kan lut dun chu min en duh hle . Ka office thleng min thlah leh thlap in a damdawiin lam apan ve leh nghal a.

Ka PA chuan Chanchinbu chu min rawn pe a, hei Super Couple thar in va nih hmel ve tih paging kan chanchin inziah na chu min rawn pe a , keimah ni ai mah a ka mit la hmasak zawk chu Dave Johnson leh a nupui Melanie accident tih chu ani. Ka chhiar thuak
thuak a. Ka phone phawrh in E! News chu ka en a , tah pawh kan chungchang bawk. Huiz… Ka hmuh duh ber ka hmu ta,nizan an party haw lam in truck anih hi an sut ti in ka chhiar zel a. Mahse ngaihtuah awm lutuk anni lo tih chuan ka thaw hawk in ka hria.

Bill ang mipa tha lutuk ka tawn a , Dave ka ngaihtuah hi ka inthiam bik lo mahse, hna pawh ka thawk tha thei lo ka rilru ah chuan Dave chiah a awm ani.

Chaw chhun ei dawn chuan Bill a rawn lang hlawl a , a buai dawn tehreng nen hepa hi chu o. Lunch min rawn eipui tur ringawt in a rawn kal ania.
Dr Bill Dior , i patient ten min huat phah ange ka tih chuan a khi vur vur a , min hruai chhuak lui ta tho a.

Dave Pov;

Ka thiam loh ani. Car kha lo khalh lo ila chuan ka naute ka chan awm silo. Melanie mu lai ka en ringawt pawh hian ka inthiam thlawt lo. Ani lehzel in ka at rah a tuar hi ka inthiam lo ani. Ka nu leh pa an lo lang a , Melanie nu leh pa pawh. Kan vai mai chuan sawi tur kan hrelo ani. Ka pa chuan ka that leh that loh thu min zawh chuan chhan pawh ka chhang lem lo. Ka nu in awmpui a rawn tirh tur thu a sawi chuan Melanie nu chuan min awm pui theih tur thu a sawi a. Rei vaklo an awm chuan an kal leh nghal mai. Ni e , ka nu leh pa lo kal kha mak ka ti zawk. An tu neih tur an chan tih an hriat khan an hmel ah natna ka hmu ve a . Melanie an ngaina lo a , mahse an fapa erawh min la ngaihtuah tho ani tih a lang.

Ni 2 lai a liam tawh Melanie la rawn harh thei lo a. Ka nu pawh zantin a rawn kal ve a , ka tha tih a hria a , a haw leh mai zel. Melanie nu pawh ka mansion ah chawl hahdam turin ka tir a.Car ka khalh lai a ka ngaihtuah chu Sama'n bar a Jade leh Bill inhmeh a tih thu a sawi chiah kha ani. Ka naute ka chan a , ka nupui pawh ka chan lo ang tih a sawi theih loh.

Melanie rawn harh a a thusawi hmasak ber chu kan naute ani. Ka fimkhur loh leh mawl vang a kan naute in a tuar hi hreawm ka ti a .Ka inthiam thei thlawt lo ani. Truck kan sut kha Dior company ta anih vang in Catherine Dior inti te pawn min rawn kan ngun hle.

Kar 2 a liam chuan kei phei chu insawisel na em em ka nei tawh lo a , Mel erawh a rilru ala na em em a , chu chuan a dam that tur ang in a dam tha thei lo ani. Mel hmel ka hmuh ngam loh vang in room ah pawh ka lut duh lo a , kawngkhar kar atang ten ka bih thin. Kan naute kan chan avang a a tah te khuan ka na ani.

Tawi lehpek hle mai , ka buai zualpui a reh tep ania. In tan theihtawp kan chhuah ve a , min lo chhiar sak leh hram dawn nia.