BY; NUNUI FRANKY HMAR
EPISODE 6
'Samaira chu a tha e, tunah chuan a muhil hrih a 'Jasriel a lu dawm vung2 chunga thu chu ka melh zauh a, vawiin hi a piancham ani, chu2 zingah khan ka lo theihngilh daih , eng emaw ka ruahhman angai ani
'Happy belated birthday' hospital chhuahsan a in lam pana kan haw lai chuan ka ti a, a kut chu a thlek zauh a, kan inneih zungbun kha ala bun reng ani
' Khang kum chhung zawng khan i phelh ngailovemni' ka tih chuan a lu a bu zauh a, min rawn thut hnaih deuh a, ka hriat chinah driver khalh ah a chuang ngailo kha ania, mahse tunah chuan driver khalh ah hlir a chuang, ram dang anih vang pawh ani mahna
' He zungbun ka phelh ni chu ka fanu in kum 18 a tlin hunah aniang tiin ka suangtuah thin' ati leh sup a, a nui lui sak a, engemaw zep ruk a nei tlata hriatna ka nei hian minti na zual ani
' Jasriel, engtikah nge i haw ang' ka tih chuan amah si chetin min pawt hnai a
' Engtikah nge niang, heta awm tur hian min duh em, nge duhlo'
' Ka ........i tello a awm hreawm zia leh hlauhawm zia kha ngaihtuah chhuah leh ka duh tawhlo'
' Awle, i bulah ka awm reng dawn alawm, ka thih hunah pawh ka thlarau in a awmpui reng ang che ' tiin min kuah nget sauh a reilote hnu ah in kan thleng a
JASRIEL POV ........
Ka result chu ka beisei aiin a chhe daih ani, doctor sawi dan kha chuan thla hnih vel bak ka daih an ring tawhlo kha ania, mahse thil mak a thlen theih thu erawh an sawi a , ka nupui in min mamawh hmel taka min melhna mit atanga mittui tih thlak ka duhlo ani, fapa naupang te enkawl tur ka nei bawk, hna chu ka thawk theilo der chu ania, nui lui tur hian eng tianga damdawi mum tuilo nge ka ei tuman an hre silo
Ka haw hun daih ah pawh ka haw lova, ka nu leh pa ka bia a, tu an neih thu te an hriat chuan hmuh an chak em2 a, Ferina pawh hna ah nitin a kal ziah a, kei erawh chhuanlam siamin in lamah ka lo awm thin a ka fapa rawn haw veleh kan infiam dun thin a
' Enteh heihi, lo thu ve rawh ka khawngaih asin' tiin laptop a movie chu mittui tla phang hian a en a
' Aw Lalpa, apa kha lo duat rawh aw, damdawi te kha lo pe tha la, zu lo in tir tawh miah suh aw , pa tha tak ani a, min hmangaih thu sawi ngailo mahse khawvela pa tha ber ani, a nui mawi hranlo a mahse a nuih tawh chuan ka nu nen hian kan tan khawvel a par chhuak leh thin asin, vantirhkoh ah siamin Anu nen hian min ven tir reng rawh aw , pa tha ber ani a, biak leh ka chak ani, phone a awm velo emni, vanram ah khan, a aw vawikhat tal ngaihthlak leh kan duh asin' ka hmui ka pet fan2 a, Ferina chuan min kuah a
' Ka khawngaih emai, pa neilo in kha naupangte kha a seilian dawn chu ania'
' Ei chak inei em, tun kar chu chawlh ka la a' atih chuan ka nui suk a
'I siam anih phawt chuan a tui vek' ka ti sap a, hmangaihna kan chen dun fo a, ka nupui tluka min ti phur theitu hi ka hrelo ani , min en vung2 a, ka chaw ei hi a tuilo takzet ani, ka ei lui tawk2 ani
Hnunglam atangin min rawn kuah thut a 'I cher ta lutuk hi ka hrethiamlo, Jasriel'
' Bawihi, ka cher hleinem' tiin ka malchungah ka pawm a, engtia rei nge ka zep theih ang ka hrelo ani
Damdawi tamtak ka ei a, thisen siamtu, thisen var siamtu, lungphu ti pangai tu , ka hre seng tawhlo ani, ka fapa thanglian lai hi ka hmu hmanlo ang tih ka hlau ani.
Ka fapa nen pawnah ball kan pet a, a tlan leh ter2 zel a, Ferina erawh inchhung lamah eitur a siam thung a, ka hah em avangin grass ah chuan ka mu a, ka sirah Ela chu a rawn ding a
' Apa, mu ve duh' tiin ka ban kham in a rawn mu a, a chal thlan hlap chu ka hruk sak a
' Ka fapa, i len hunah enge i nih ang aw' ka tih chuan ka chungah a thu a
' Apa ang hi, lian deuh, hmeltha deuh ' atih chuan ka piai zauh a, ka fapa ini , ini reng bawk ang tiin inchhung lamah ka kai lut a
' Sir , engtikah nge i rawn haw dawn' Mizoram lam atangin call ka dawng a
' Chu zawng ka hrelo, khalam in tluang maw '
' Aw sir, kan buai thin khawp mai......' Zing dar 2 velah ka thangharh hlawl a, ka lu chu pawh sawm ang mai hian ana a, ka thlan in min bual huh vek bawk a, ka sirah ka nupui tui takin a mu a, tih harh hlau takin ka tho a, damdawi bawk chu ka ei leh a , bathroom ah lutin shower hnuaiah ka thu a , he Cancer hi ka va han haw tak em! Min kian san thei silo ... Ka lo thu mu ani ngei ang le, ka harh chuan shower hnuaiah huh zawr vekin ka lo thu a, khua alo var tawh bawk a, ka lu pawh ana leh tawhlo . ka thuamhnaw phelhin ka intleuh a
' I va tho hma ve , chhuahna tur i nei ami ' ati leh sup a, ka hmangaih takzet ani
Hospital ah kal turin eng chhuanlam emaw ka siam zawh hnu ah ka chhuak thei hram a , Ferina erawh hotel ah a kal thung a , ka hmel darthlalanga rawn lang chu ka duhlo ani , ka ner nak a, love will keep us alive ti supin ka chhuak a , result velah chuan a pangai vek a, thu ngai an sawi leh a , zai ka duhlo a, ka duh ngailo ang , in ka thlen chuan room ka pan chho a, mahse chhuata Ferina lo thu ka hmuh chuan ka panhnai a, ka damdawi ei lai leh lehkha te, ka dahtha viau emaw ka ti a, mittui tla zawih2 hian min en a, min man chhuak ta e, engmah sawi lovin min rawn kuah a, sawitur ka hrelo ani, a hlimna ka ti chhe vek tih bak
' Tinge, tinge min hrilh loh , nangmah chauha i tuar mawh' min tihnat hlau akin min kuah a,ka lungphu ri te chu a ngaithla a
' Min kalsan ngai lovang tiin min tiam tawh a, Jas tunah hian naute ka pai mek asin, Ela nau tur ' iin min kuah leh a, ka thu hriat chuan minti na zual ani, a piang lai hmel ka hmu hman dawn silo
' Ferina , khuanu thil rel dan hi hriatthiam a har asin' ka ti sup a, min kuahna chu phelhin ka ke bulah a thu a
' A na viau ang tiraw, mahni chauhin i tuar ka phallo' tiin a tho a, ka lu chu a rawn vuan a ka samah a fawp zauh a , a thiltih chuan min thawng takzet ani, ka lu chungah kut nghatin a tawngtai anih chu
' AW LALPA , KA PASAL HI I BULAH KAL TURIN KAN LA PHALLO ANI, A NUPUI HIAN KA MAMAWH A, A FATE PAWHIN, LALPA KHAWNGAIHIN A NATNA TE HI TIHDAM SAK RAWH AW, HENG ROSUM TIH VEL AI HIAN KA PASAL HI DAM TURIN KA DUH ZAWK ANI' tiin a tawgtai a, a tap zawih2 bawk a
' Engtia rei nge ni tawh ' atih chuan kum khat dawn chu ani tawh tiin a mittui chu ka hruk sak a
' I dam leh ang, a chhan chu thi thei inilo, kan mamawh che ani' tiin min fawp a, ka thuamhnaw hak chu min phelh sak a, min damlo chei ta viau chu ka duhlo ani
' Engtia rei nge ka hrelo, lo enkawl hrih turin ka duh che , ka dah ania' tiin min hmuh chuan a phone hman chu ati tawp a, office ni thum zet a kal tawhlo , min rawn pan hnai in min fawp zauh a
'Jasriel, i hmuihmul hi a hriam ania' tiin a ner nang a, ka bulah nui hmel a pu sang renga , a hlim lo hmel min hmuh ngailo a, ka fa tur a pai eh mek bawk a
' Lalpa, thil tamtak ka dil lo che, mahse khawngaihin a nunna hi min laksak suh aw, mi faten pa an neih vek laia kan faen an neilo tur hi ka ngai ngamlo ani, Lalpa , ka pa min laksak tawh a, ka fate pa hi chu min laksak tawh suh aw '
'Aw , Lalpa, ka rawn dil leh tur che zawng2 pawh i hria, ka pasal hi ti dam leh rawh aw, thil mak i ti thei tih ka hria ani, Lalpa khawngaihin min laksak suh aw '
Zantin a tawngtai na ah min dilsak ziah a, thingthi in ka khum bul sirah a tawngtai thin, mittui tla zawih2 in a dil a, ka in seh ruh nasa thin , ani ang nupui a ka nei hi ka vannei takzet ani, in check-up turin min hruai fo a, a hna chawl tawh lo tura ka tih pawhin a duh tlat silo, a pasal luhlul na hi a kai tawh pawh ani mahna
Hun a liam a, thla hnih zet a liam ta, doctor te pawhin makanti, ka dam chhung hun an sawi kha a ral tawh a, mahse ka la dam chu ani, ka lu erawh ala na zeuh2 a, ka nupui bang lova a tawngtai rah ani
' Lalpa , thla thum ani tawh, ka pasal nunna ila zuah sak avangin ka lawm e, Lalpa.......' a tawngtai zawm theilo, a ka hupin a tlan sawn a, balcony ah a chhuak a, ka umzui vat a , a hnunglam atangin ka kuah a , a rawn tap chhuak hawk a
' Jasriel, Pathian that zia hi, ka, ka.. ka ..'
' Ka lawm e, tlai ngailo Pathian hian min ti dam ang tih ka ring ani' tiin ka fawp vawng2 a
' I awihlo hial zawk ang, kha bawk, i thluak bula mi kha a sawng te tial2 a, chuan i thisen kal dan pawh hi' Culcutta damdawiin tha ber a an sawi zinga doctor senior leh thiam ber chuan makti takin min en a
' An sawi i Pathian chuan ati dam che ani' ati sup a
' Ka nupui tawngtai na vanga dam ka ni' tiin ka bula raipuar kawrfual senno ha thu chu ka kuah a, a mittui chu a tling pam a
' I hria em, nang leh kei hi chu kan inthen hrang theilo, engtik ah mah ' tiin kan awmna theihngilh chuan ka fawp vang2 a, mipui ri hak thawmah chuan ka thlah a, Ferina chu a zah hmel ngei mai, a kutah ka kai a , mi ho chuan min enzui ha2 reng bawk a
' HOTEL ROYALL NEITUNU LEH NORTH-EAST BILLOINAIRE JASRIEL HAVE AN SECRET AFFAIR ' a tuk zinga ka news chhiar avang chuan ka nui hak a, Ela chu ka bulah a rawn thu a, a thang duh khawp mai, ka naupan lai ang mai ani, ka phenah a biru a, anu nen an in um leh tawh ani ngei ang, anu raipuar chu room atangin a rawn chhuak ve mek a , a kutah a lipstick bung rum chu ka hmu bawk a , nui lo turin ka in sum nasa hle
' I fapa hian minti buai takzet ani, Jasriel nrawh, nangmah ang mai' tiin a lipstick bung rum chu min hmuh a, Ela chu maimitchhingin min kuah a
' A dang ka lei leh ang che, naupang hau vak2 thin suh ' ka tih chuan a hnar a tum dat a
' Hmmm, pa fa tih takah' tiin mawngsawi law2 in choka ah a lut a, Ela chu ka en a, a kut min kuahna te chu alo sen nuang a
' My boy , my version leh ' tiin ka nuih a
' Apa, ama hi a thinchhe e'
' Ela, ama hian i naute chu a pum chhungah a pai mek a, i hriathiam angai hrih a' tia ka hrilh chuan a lu a bu ve ngat2 a, Mizoram lama a pi leh pute video call a bia in amah chuan a nui leh hak thin a
Pathian thiltih theih zia hi pastor leh upa te hian anla sawi uar lo mah2 ani, ka chungah a thil mak tih a lantir si a , hna pawh a kaltluang chho vek a, Ferina pawh hna a chawlhsan hrih a, Culcutta chu kan chenna hmun ang mai ani ta, nau pai laka lirthei a chuanpui a him hrih loh avangin kan la let theilo a , ka nupui thil ei lai te, a muthhlu lai te chu ka movie hmuhnawm tih ber ani
Thla 2 dang a ral leh meuh chuan Ferina pawh a puar lian tawh hle a, kum 5 chuang a tlanbo san tak ramah chuan kan let a, apa khan ka pawisa hi ao ba lovang tih ka hlau takzet ani
' Ela, lehkha zir rawh milem mai2 draw loh tur' ka fapa thil lem ziah chu ka en vang2 a, a kum ka ngaihtuah a, ziakthiam tak ani , a lu ah ka fawp zauh a
' I pa anga Architect khirh leh thu duh tak inih ve ka duhlo ania' tiin Ferina chuan mit min siai zauh a, pan hnaiin ka pawm nawlh a
' Ka pasal duhtak kei aia kum fe a upa hi thilpek ka duh ani' tiin kan nupa room thin ngei mai lam chu a kawk a, nui hakin stepah ka pawmchho a, nghet takin min kuah a
' Enteh' tiin hmeichhe naupang kawr chu min hmuh a, a nui san2 bawk a
' A awmzia chu fanu kan nei dawn tihna maw' ka tih chuan a lu a bu ngat a, lawm vangin khumah ka bawhthlu a, a te that a
' Bed sheet hi a ninawm ka ti, hemi rawng hlir mai hi ' tiin a sawisel leh a ka nui sak a
' BED OF ROSES, he hla pawh hi a awm ani tiraw ' ka tih chuan a lu a bu nghat a
Khang thilmak kha a thleng ani, Pastor tura in volunteer te hial ka duh mahse ka kumin a tlin tawh silo, ka nupui in amah lo ebnkawl tu hotel chu enkawl duh viau mahse kan fate pahnih in an mamawh miau si avangin , enkawl tu tur fel tak a dah a , kum 30 a tlin hun ka ngakhlel ani, kei lah ka upa telh2 mai si, a hmeltha telh2 a, mizo mipa thenkhat mit hlei falin a an enzui haw2 hi chuan chhuih zui tawk mai ka duh hial thin , ka hotel district hrang2 ami pawh a changtlung ve zel a, Aizawl ah a ber kaiin mi hriat pawh kan hlawh chho viau a, kan fanu Saron [ he hming hi ka story reader pakhat hming ani a, nalh ka tih em avangin hman ka dil a, hemi story dawt a changtunu hming tur aw ] pawhin kal a zir tan ve mek a , vanduai thlak nge vanneih thlak takin ka sam min chhun leh hlauh a, a kir chiat a, vun lamah erawh a nu vun chhun in a ngo a, a mitmeng chu a uk kharh a, anu ang maiin a ngawichawi hlauh a
' Jasriel, i thianpa a rawn kal a' tiin ka nupui chuan min rawn bia a, ka fapa kai chungin kan huan aang chuan kan in panin kan chho a, tu ka thian nge a sawi hauhlo, kan in liantak ah chuan kan lut a
' Bawihi, tu ka thian nge ni' ka tih ruala sitting room chair atanga mipa pa lian zet min hnungchhawn zawnga thu chu ka melh nghal chat a, hepa hi ka hria ani, engtin nge ka theihngilh theih lul ang ni, kan kum pawh a in rual vel e
' Buanga, i dam maw' tiin ka pan hnai a, ka thiantha tak, ka hostel awmpui thin ka unaupa a laka thil tamtak ka bat kha ani, min kuah a, a fala thil min sawipui duh thu a sawi chuan bu nghutin library ah ka luhpui a
' I va rawn let har ve, i nupui leh fapa an dam maw' ka tih chuan a thaw halh a
' Ka tlachhia ani, ka nupui a boral a, ka fapa nen chauh kan awm ani' atih chuan ka melh leh zauh a, ani erawh tukverh in hawng lam a hawi vang2 a
' Ka fapa kum 10 mi hi engtin nge ka enkawl zel dawn ka hrelo ani'
' Lunngai suh , i thianpa ka awm alawm' tiin ka hnem a, ani pawh hi architect thiam tak kha ani thin a, eng vanga lachhe ngawt nge anih ka hrelo, a nupui a sun vang pawh ani mahna le
' I fapa chu......'
' Ani chu school a kal tirh aangin bording ah ka dah, a hmel ka hmuh hian a nu ka hrechhuak thin ani'
3 MONTH LATER
Ka thianpa Buanga hi ka haw takzet ani, eng vanga dawtsawia min rawn pan nge anih ka hrelo ani, ka hnuai ah ka thawh tir a, lawm a hnekin min phiar ru a, share te leiin ka hotel pakht phei chu a hmingin a lo dah a, ka hriatchhuah chuan a tlai tawh lutuk ani, mi phakar leh duham tak ani , hotel pakhat mai duhtawk lovin ka pa in min rochun chu min chhuhsak leh anih chu, thil kaldan a hma daih atangin alo zir chiang vek ani hrep hian
Ka nupui Ferina in a hriat chuan a rilru ana em2 a, a hotel erawh a hriatloh avangin a zuk khawih buai lemlo a, ka fapa kum 10 mi muhil lai chu ka en reng a, heng hotel te hi atana ka tih kha ani a, mahse, mahse....... nilo ka la let leh vek ang, ani hian ka hnung a zui anga architect hlawhtling tak ani ang , Saron tap ri avang chuan ka harh zawk a , ka mumang mai2 maw, eng mumang nge ni ngai, thian Buanga tih reng2 ka nei ngai hauhlo, dar engzat chiah nge ni, nge kei hi ka thi tawh zawk, ka natna kha a rawn chhuak lehta emni, thlan in min bual huh a , Ferina chu ka koh chul a, min rawn pan hnai a , min kuah tura ka tih chuan nghet takin min kuah a
' Jasriel thil diklo a awm emni' atih chuan ka nuih sak a
' Pathian thil rel thiam zia hi ka ngaihtuah mai2 mawle, ka lo mu rei hle ani' ka tih chuan a lu a bu nghut a
' Aw, darkar 12 lai i muhil alawm' atih chuan ka fawp zauh a , kan khum rose par sena in khuh chungah chuan ka nam mu a, min fawp hmasa zauh a
' Saron nau.......' ka tih chuan ka hmui a rawn hup a
' Saron nau tur siam nan chuan ala hma mah2 ani' tiin min kuah a, ka nupui hi ka hmangaih akzet ani chutiang bawkin ka fate pahnih pawh , kan faten min rawn tihbuai hma loh chu kan mu a
A tawp berah chuan ka sawi duh chu hmangaihna hian kum a thliar lo, mi i hmangaih tawh chuan engmahin a dal theilo ang che
Hmangaihna khura i luh tawh chuan i pil bawrh anga, a tui hak chang te pawh i nei ang, kum , rih zawng, hmel, hausak leh hausak loh duhzawng leh ngainatzawng, bike leh car neih leh neih lohah a in nghat lo, hmangaihna hi alo piang ve tawp ani, Jasriel leh Ferina te ang hian kum 18 chuang in inthlau mahse in hmangaih takin tun thleng hian an la khawsa ani, an hmangaihna chu a par vul zel ang, Mizoram pelin, LOVE WILL KEEP THEM ALIVE
THE END
[Ka story rilru a luh thut chang a ka ziah te, mi chezia leh thusawi laia ka ngaihtuah chhuah leh ka rilru a lo lang ka thai kawi ve mai2 te ngaihnawm ti taka minlo chhiarsak thin avangin ka lawm nawn leh e, readers te in tello chuan engmah ka nilo a, writer te min ti hlu tu in ni, engtik ni ah emaw chuan khuanun inhmuh ni minla siamsak ngei ang, chumi hunah chuan kan la in nuih seih2 dawn nia, kyhawngaihin ka story dang, ka ziah leh zel turte leh ka ziah sa te minlo chhiarsak ve thin dawn nia , NUNUI , intan kan tan, u Nutei tihdan takin haha ]
Ka story thar leh tur chu MI PASAL ZUNAH tih ani, minlo chhiarsak leh theuh dawn nia, ka lawm e
