MY FAVORITE MEDICINE -20

[Mimite-i renthlei]

Chapter-20
.
TIMMY'S POV.
.
"mai mai chuan kha pa kha tunge a min lo hriat ve ngawta?" Ka office a luh pah chuan ka coat chu ka phelh thla sawk sawka ka lungawi lo lutuk kha ka thusawi tur pawh ngaihtuah chiang hauh lo in Jesse awm lai chuan ka ang bawrh bawrha.
.
"Timmy, tinge chu chu i rawn sawi chhuah khera, i unaunu bialpa anihkha i va duh loh hmel ve a afel hmel khawp kha" ka kawr khai that pah chuan alo ti ve bawka.
.
"Ka ngainat zawng ani lo tawp mai"
.
"Engvang ngawt chuan maw?"
.
"A......ngati mah engmah ni lo e khawi file kha lo la teh i chhuak thei tawh ang"
.
"Timmy, tinge i awm dan hi ka hrethiam lo takzet achang leh min duat em em a achang leh i hnuaia thawk ve ang maiin min en tawpa tunah hian i eng chiah nge ka nih min hrilh teh" beisei nei tak hian min ti a. File chu ka kei phawk phawka engmah sawi ka tum lem lo ka thinrim em a tin ni.
.
"Timmy, ka thusawi chu i hria em?" Arawn ti leh a.
.
"Tunah chuan ka buai tlat kha tiang sawi hman ka ni hrih lo"
.
"Inih chuan min lo bawl kual vel mai mai tih na ni maw?" Tih pahin kawngkhar chu a khar sawka achhuak nghala chuti taka athinrim ka hmuh chuan ka inthiam loh deuh avangin ka tho vata ka va umzui nghala.
.
"Jesse lo ding teh, Jesse...."
.
"Engnge" ading chuta min hnung chhawn zawng chuan a ti a.
.
"Ka tihpalh lutuk vawiin chu ka chau deuha min hrethiam hram dawn nia i lakah eng rilru dang mah ka pu lo ania ngaih tha deuh khan lo awm rawh thinrim tawh lo la hetia awm hi i inhmeh miah lo ania, ka hna ka thawh zawh hunah kan la sawi dun dawn nia tlaiah min lo nghak la thil kan eichhuak dawn nia" rilru hmin zan lo chung chuan ka ti banchapa, chu thu ka sawi zet chu alawm kher mai arawn hawi phei vata min rawn nuih ver vera.
.
"Nia keipawn ka ti dik lo alawm i hna ah ti khawp hian i buai tih ka hria a ka hma ka lo ngai deuh ani, min hrethiam dawn nia ka thinrim lo ania anih chuan tlaiah ka lo nghak dawn che nia"
.
"Awle anih ka kal phawt angnge"
.
Ka office lam chu ka pan leh nghala engmah pawh tih ka tui thei lo kha mihring pa leh Jenny awmdun laia Jenny hlim lutuk hmel mawlh khan min ti thinrim takzet keipawn bialnu te chu a hming in ka nei ve tho a, mahse kha ti tak khan a bulah ka la hlim ngai lo tinge ani kher kha a hmuh le, ni lo ani thei lo eng vangin nge kha pa kha ka thik em em a kum tam tak hnu ah a ni nen khan kan inhmu leha tunah chuan engkim adanglam tawh in ngaizawng pawh kan ni loa, tinge ani kha ka ta ang mai a ka la en le ka awmdan hi thil dik ani hlawl lo naktuk Johnny thlah naah alo kal anih vaih chuan ka tih tur chu Jenny lo ngai reng rawh i awm mai mai thei bik hauh lo ang, pangai takin kum 6 chhung chu ka hun ka hmang ve tawha kum 2 chhung chu Jenny i'n min kalsan avangin ka tuar na hle a thi lo chauhin ka tuar na anih kha a tir phei chuan a thi tih min hrilh phawta, kha mi ka hriat a ka awmdan kha tun thleng hian ka la theihnghilh thei lo ka â lo chauh ka tlu hnawka tap chungin Jenny awm na ka zawt ruai anihkha mi â ang mai a ka hun ka hman chhauh tak avangin ka nu chuan hreh tak chung in chennai ah lehkha azir zawm thu min hrilha chu mi ka hriat leh lek phei chuan ka thinrim bawk si rilru na bawk si chu in tih hlum hial ka tuma ka nun hlui zawng zawng te chu ka ngaihtuah let zut zut renga Jenny hmel ka hmuh apiang in kha ka thil tawn rapthlak tak kha ka la theihnghilh thei lo chutia ka in ngaihtuah nauh nauh lai chuan varanda ah mei ka zu khu char chara kawngpui lam ka zu thlir pah chuan Jenny leh kha mihring pa lo inzui kha ka zu hmu leh kher bawk nen ka thinrim thut chuan ka meizial zuk lai chu ka zu pen per lawp a inchhung lamah chuan ka luhsan ta daiha. Keima in lam pan lo chuan ka nu te in lamah ka haw phawta office ah pawh ka awm rei peih meuh lo in ka lut chiah chu ka nu in mak tih hmel zet hian min lo en renga. Sitting room ah chuan ngawi rengin t.v ka en a.
.
"Timmy thingpui i duh em?"
.
"Um, duh e" t.v en chung reng chuan ka ti a, ka bulah lo thu in thingpui min rawn pek pah chuan banchap hian.
.
"Jenny alo haw tawh thu ka lo hria a, a hna lam ah pawh a tluang viau a ni awm a"
.
"Ka nu ka hria alawm kan thawk ho alawm Orange sky te khan a ruai ve a"
.
"Anih chuan ka thu hriat kha a dik ani maw?"
.
"Nu engthu nge hriat ila duh cheu a kum 8 lai a liam tawh a ni nen a kan thawh ho na chung changah engthil mah a thleng lo i fanu a ni a tinge ani chu i huat em em a?" Ninhmel tak hian ka ti a.
.
"Chu lam pawh ka sawi tum a ni lo ka haw reng reng hleinem tinge nangmah zawk hi i thinrim a mi a, ka sawi tum zawng zawng min sawi khalh ve bawk sia bakah zanin chu i rawn haw ve teh miala hetah i lo riak dawn nge i haw leh dawn?"
.
"Ka lo riak ang chaw pawh ka nei dawn engmah ka la ei lo"
.
"Anih chuan a that hlauh chu i pa alo haw tep tawh ang kan ei vat dawn nia" a ti a, thingpui chu ka in khawlh khawlha ka che zia engkim mai chu ka nu chuan chik em em hian min lo en renga kan pahnih chung chang hriat chian chak in a mit a len ruai ani ber mai, ni e duh te chu ka la duh a lawm mahse ani chuan ka duh ang hian min lo la duh ve kher angem tih chu ka hre hauh lo.
.
Ka pa lo haw chuan hlim em em hian min lo bia a kan hna chungchang vel te sawi in ka ti ti renga ka nu lah chuan min thawhsan mai duh lo ka pa chuan Jenny chu ka duh tawh lo angah ngaiin min rinhlelh ngaina a nei tawh lo pangai takin kan sawi dun a. Thlakhat a zawh leh chuan dawr pawh kan hawng thei tawh ang chu. Chaw ei lai pawn ka awmdan chu min hriat thiam theih mai loh na turin ka nui ve hram hram zela ka awmdan engkim mai chu ka kham takzet Jenny ringawt ka ngaihtuah leh pek tawh ka chaw eikham chu ka room ah ka lut a ka phone ka en chu miscall 30 lai alo awm tawh Jesse miscall vek lehnghal chhun a kan thil sawi chaw eichhuah kha ka theinghilh daih chu niin ka mit ka chhing suka eng chu nge ka chhuan lam takang hahthlak lutuk mai tih leh phone chu khumah theh ka ruala. Ka inbual fai sawk sawka Jenny te in lam pan chuan ka tlan chhuak ta a, kum tam tak ka kal tawh loh avangin thlen hlan ka nghak hlel hle. A hmun ka va thleng chu thingpui dawr tenau te reuh te changkang lutuk lo berh ve tak hi alo awm tawh a mak ka ti lutuk chu ka hawi ka hawi ringawt amah tak phei chu hmai chhanah hmuh ka tum lemlo, an in va hmu ila ka haw leh ang tih rilru pu a kal ka ni mah zawk, zan zan ah te ngatin nge an la haw le ka ti rilru a an dawr ka va bih dek deka pi tar pakhat hian dawr chu khar tum in alo seng haw vel meka. Ka hmuh phak chiah si lo ah hian tunge mawni hi ava bia a, an tawng zawih em avangin engnge an sawi ka hre thei mai lo ka awm na hmun a rem loh em avangin ka va hmu thei si lo chu pitar nu chuan.
.
"I in hnem deuh anih kha tinge kha ti em em a zu te i in a nula ve si" a tih chu ka hre theia, va luh tawpa Jenny te in awm na va zawh tawp mai ka duh tawh mahse ka ngam chiah bawk si lo ka in tin tuah neuh neuha kawngkhar lam ka va hnaih hret hreta ka va lut ve ta chawta keimah tak phei chu ka insit ru hle an dawr achhia in a tawp ve hle bawk si, zan dar 7 chauh a la ni bawka mi veivak an awm ve reng bawk nen.
.
"E ka pu kan in khar tawh a mahse i ei duh talh chuan ka siam chawp thei tho ania" ner deuh nung chung chuan arawn ti a.
.
"Aih ka pi engmah ka ei chak lo ka rawn kal chhan zawk tak chu...." ka tih lai takin dawhkan kil khat atang hian mengmang lo hian.
.
"Ka pi ka haw duh in ah min hruai rawh" a ti a, dawhkan ah chuan a lu a nghat ri bur a. Jenny aw ngei ani ka hrechiang lutuk.
.
"Jenny nang maw?" Phawk fe hian ka ti a.
.
"I hria em ni?"
.
"Aw hria e tinge a?"
.
"Ka haw duh tawh sia ti sawn a awm renga a rui ropui bawk si i hriat chuan min hruai haw sak mai ta che ka kham lutuk tawh"
.
"Awle, ka hria alawm ka lo buaipui maiang"
.
"Engnge i rawn kal chhan chu ni reng reng a?"
.
"A.....egmah ni lo e ka kal phawt mai nge" tih pahin Jenny rui lutuk chatthla tawh chu ka va kuai dak deuha.
.
"Hey, tunge i nih ve ngawta kal bo rawh" meng mang lo hian mi lo ti hrepa ka thinrim bawk si a darah chuan ka kuai tho zawta puak mai ka tum lai chuan ka hnung ah na fe hian min rawn chum dawta chhuatah chuan kan in bawh thlu rawp rawpa pitar nu lah alo phun nasa mai si kan bulah rawn kalin ka hnunga Jenny bawk reng chu araw pawt sawna keipawh chu ka tho ve vata ka hnungah min rawn dah saka. Ka tum loh deuh maiin Jenny ka hmu thut chu ka hamhai lek lek ka lawm tho bawk si, ka bike ka ken avangin han phurh chi a ni bawk si lo kawngpui ah chuan kan in paw chhuak ta a, taxi lah phar mai tur a awm mang tawh bawk si lo, kan awm na lai chu motor kawng ni chiah si lo vantlang kalkawng lun ve tak si hi a ni a, motor awmna lam pan chuan ka paw phei zela rin aiin a rit phian lehnghal, a ruih vang nge ka hre lo a rawn tap chhuak thuta a in hnit feih feiha, thei leh thei lo in ka phone ka la chhuaka.
.
"Jesse hmanhmawh deuh in Faith-i phone number min lo pe teh" ka ti a, ani lah lo lungawi lo bawk nen zawh na min zawt nghal zut zuta ka hah tawh bawk si chu ka ding leh te te a.
.
"Engmah sawi buai lo khan min lo pe vat mai teh" vin thawt hian ka ti leha. Ka phone chu ka dah nghal hmaka, rei lo te ah message in min rawn thawna, ka kal leh tur chu ka hma ah step tam tawk sei zet a awm tih ka lo theihnghilh hman ka hmu chiah chu ka chau vek thei Jenny lah chu a tap deuh pur mai sia.
.
"Tap tawh suh engvang in nge i tah ngawta?"
.
"Timmy......." tih leh tah a rual nghal ka phu zawka ka thlauh lo chauh tunah khan ka hming alam ri chiang lutuk ka puak na chu ka sep tha sawka.
.
"Engmaw?"
.
"Timmy....." a rawn tih leh chuan engmah ka sawi thei tawh lo ngawi rengin step ah ka chhauh puia, tunhma in hetiang a awlsam hian step an la siam ngai lo a kual thei ang bera kal kha a ni thin a, tunah chuan kha lai kawng kha a min hrep avangin a ti danglam a a rei zela in an sa ta daiha kal kawng dang a pawh chho tawh chu mi anih loh chuan thui tak kual chhuah leh a ni mai, ka tan chuan step a chhauh a thlen vat kha a tha zawk. A tap lai chu zawi zawi in a banga a muhil ta a ni in ka hria a hma ai mahin a rit nulh lehnghal.
.
"Faith-i a ni em?"
.
"Aw ni e"
.
"Timmy-a ka nia hei Jenny hi ka chhuah na lamah ka hmu fuh hlauha alo rui lutuka an in ka hre si lo a, i lo lam thei mai angem?"
.
"Khawiah nge in awm a?"
.
"Luruh Street ah khan aw tah khan ka lo awm ang"
.
"Awle ka lo kal nghal ang an in a hla vak tawh lo asin"
.
"Lo kal vat mai teh" ka phone chu ka off nghal a, step ka thleng chhuak tep tawh tih chuan ka nghat chawrha ani lah chu ruh nei lo ang mai in a zawi nguai renga ka inah ka hruai mai dawn em ni tih chu ka ngaihtuah thleng hman tawh ka darah chuan ka bei tir chawta mi te chuan min en duh em em mai lehnghal a rim chhe bawk si a kawr fual hak a chhin em avangin bang ka nghen tira ka cost hak lai chu ka phelh sawk sawka ka khum hluna, chutia ka taksa si cheta a han awm leh chu keimah pawh ka awm thiam lo takzet a taksa lum ther ther te chuan ka thisen a ti lum ngang mai, a hmui sen chak chu ka en renga a bengah chuan ka tuai nak naka.
.
"Jenny, ka ngai thei lutuk che asin ka ngaihtuah reng thin che a min la theihnghilh bik lo tiraw? Naktuk ah pawh ka thusawi hi hre reng ang che i duh phawt chuan kei chu engtik lai pawn i tan ka awm reng ania" zawi te chuan ka ti a, a bek chu ka tuai leh saka. Chutia kan thut reng lai chuan Faith-i hian min rawn ko a.
.
"Timmy.....Timmy-a i ni em?" A tih chuan ka hawi chho vata.
.
"E ni maw, ka van lawm tak engtin nge heitianga rui hian a awm theih zawka?"
.
"Ka hre bik lo amah zawt mai rawh kha an in i hriat tho chuan lo hruai haw mai ta che"
.
"Awle, awle khawi lehlawk engtin nge ka hruai haw theih ang a rit ropui si min tih pui loh te chuan"
.
"Avan buaithlak e aw" an in ka hriat duh vanga ti ka ni reng sia, phun deuh nuah nuah chung chuan ka paw leh ta a. Taxi kan phar phawta, motor ah chuan ka va mut hnawka a lu lam ah thu in ka malpui chungah a lu ka nghata.
.
"Timmy, engtin nge in in hmuh reng renga in chhuak dun ami a?"
.
"Chhuak dun lo e, thil pakhat min tih sak ta che"
.
"Eng chu maw?"
.
"Jenny bulah ka hmu tih sawi miah suh ang che zanin a thil thleng hi sawi chhuak lo hram ang che"
.
"Ngati nge ka va hrethiam lo ve" min rawn leh hawi zeuha ka chhan leh hma chuan Jenny chu a ban arawn phar hluaia, arawn zai al al a, rei lo te ah a phun nuah nuaha a muhil zui leha.
.
"Hetiang em em a tam han in reng reng kan awmdun rei tawh tehreng nen tiang khawp a rui hian a la awm ngai lo asin mawle" tukverh lam hawi chung chuan Faith-i chuan a ti a, min zawhna pawh chu ka chhang zui lem lo, an in hlui atanga hla vak lo veng pahnih vel kal pelh ah chuan kan ding ta a, an in luah chu tunhma an in ai khan a changkang in a changtlung hle a, ka en deuh vang vanga, apawn awm dan pawh analh khawp mai ama design ngei anih ka ring, kawngka bul thleng ka thlaha doorbell a hmeh hma chuan taxi ah chuan ka luhsan ta leh nghala. Tawi te bak ka chuang lo pawisa ka pe a ka chhuak a ke a kal ka duh zawk ka hlim em avangin keimah chauh ni mah ila ka nui ver ver renga rui hle mahse ka hming alam rikngawt pawh kha thu tam sawi lo mahse min la hmangaih ani tih ka chiang a ni engtin mah a rilru ala thlak danglam lo ka lawm takzet ka bike awm na thleng chu ke in ka kal a. Keima in lamah ka in khalh haw ta zawka khum ah chuan ka ngaihtuah zui neuh neuha, kha mihring pa nen khan an thlen thui loh ngei ka beisei ka lakah a inzep rei thei hauh lo ang, nge keimah ang tho hian min tih el nan a lo hmang ve mai mai zawk aa......engpawh chu nise mu phawt teh ang.
.
JENNY'S POV.
"Tho rawh i tlai lutuk dawn" Parda in zar chu rawn hlim sawk sawk pah hian ka pa in min lo kaitho a.
.
"Ummmm"
.
"Um ti lo khan tho mai rawh nizan ah tinge rui deuh a ilo haw leh peka tiang hian i awm ngai tawh si lo a. Harh chhuak ve teh nula i nih tawh kha"
.
"Uiii.....ka lu ana lutuk tui min lo pe teh"
.
"Kha i khum bulah a awm reng kha huiiihaaaa hahthlak lutuk mai i rim chhe si inbual la chaw rawn ei ang che" tih leh chhuah a ruala, ka tui in hal huam huam chuan min ti tho lo thei lo peih lo chung chung chuan ka tho chhuaka tui ka in khawlh khawlha nachhawk na ka ei a, ka rim chu a chhe kher mai keipawn ka in hre thei. Ka inbual pah chuan nizan a ka awmdan ka ngaihtuah ngial a ka hre chhuak hleithei lo tiang khawp a ka ruih chhiat kha ka la hre ngai lo, engtin nge ka haw tih pawh ka hre lo thingpui dawr ah ka lut ngei tih chu ka hria ka rilru na lungleng velin ka tap chiam tih chauh chu ka hre thei ka inbual chhung zawng in ka ngaihtuah nauh nauha, ka hre thei thlawt lo. Chaw kan ei lai chuan ka pa bulah in thlahrung deuh chung chuan ka zawt ta a.
.
"Pa nizan khan tu in nge min lo hruai haw a ka lo inhnem deuha min hrethiam dawn nia"
.
"Faith-i mawle kha tiang khan awm tawh suh ang che nge rilru hahna deuh te i nei zawk a ni lo maw?"
.
"Nei lo e, ka in ve mai mai kan hnathawk te nen kan inho mai maia, zu phei chu ka in pawh ani lo beer ka in a ka taksa alo chau ve deuh bawk nen ka duh aiin ka lo rui deuha" ka ti ve zeiha zu hlir ka in zawk reng si a.
.
"Anih chuan Hmachhuan-a kha i hmu lo ami?"
.
"Hmu tho e"
.
"Engnge a an a fel em?"
.
"Um a fel lutuk"
.
"Anih chuan nei ang che i upat lutuk chuan tuman an duh lo ang che bakah fa neih te a harsa tawh thin a nia"
.
"Ani lo pawh neih tur dang an tam lutuk lungngai suh fa te chu ka la nei em em ang"
.
"Ti hian i ti kumtin ziah mai a, engtik ah tak nei ang che maw i pi lah hi a nikhua tawh lo ropui mai si a" a chek tlawk tlawk a, ka lo nuih suk ringawt. Chaw ka eikham hnu chuan ka hna lamah ka tlang nghala, nizan ka in nasa bawka ka chau takzet tukverh bulah chuan ka thu ngawi renga coffee in pahin inchhung awm dan tur vel ka lo draw char chara, ka duh ang in ka ti tha thei thlawt lo compass pawh ka hmang hleithei lo ka kut a khur der der renga lehkha pawh vawi 10 lai ka paih tawh ka bul vel chu a hnawk tha tawh khawp mai.
.
"Ui ka ning lutuk ngatinge vawiin hi engmah ka tih dik theih miah loha ka kham takzet" tih pahin lehkha chu ka paih leng lawpa ka in dawm kun ngula ka sam ka tuai nawk nawka.
.
"Nizan ah i in nasa lutuk anihkha, i rit ropui si" Faith-i chuan mi lo ti a.
.
"Nizan khan engtin nge ka awm a, engmah ka hrethei tawh lo"
.
"I hre lo a maw?"
.
"Aw, hre lo tak tak ka harh leh chuan zing alo ni tawh ka pa in min lo kaitho a"
.
"Nangman chhui ve tawh mai rawh ka hrilh dawn lo che"
.
"Min hrilh teh engtin chiah nge ka awm a?"
.
"Ka sawi dawn lo i duh leh amah kha zawt mai rawh"
.
"Tu amah maw?"
.
"Nang leh kei i tih kha i hre mai law'm ni?"
.
"Maw.......? Timmy-a maw?" Ka thu kang awka phawk fe hian ka ti a.
.
"Um, engmah phei chu keipawn ka hre chiang bik lo min lo phone a ka rawn kala in ah ka hruai haw tawp che chu zawng chu a ni mai a ni nen khan engtia rei nge in awm ka hre hauh lo"
.
"Ani maw.......i ti tak tak ami?"
.
"I awih loh chuan a amah kha zawt mai rawh ka lo lawm mah nak alaia"
.
"Ui ka duh thei lo ka chhe vek ani mai engtin nge ani nen khan kan in hmuh reng renga ava mak ve ka hriat chhin ah chuan tu emaw ni khan min rawn kuai her sawka eeeee, ngawi rawh lawk in amah kha ani ngei ngei ang" hriat chhuah leh tum chuan ka bei ngiala ka hriat chin pawh a tlem hle. Ka in dawm ngut ngut renga lo awmdun ta pawh ni ila engthu nge ka sawi le sawi chhuah loh tur tur hi ka lo sawi chhuak palh ang tih ka hlau takzet. Chutia ka in ngaihtuah mek lai chuan Timmy-a leh Jesse te rawn in zui lut chu ka hmu a ka in tuai fai sawk sawka ka lo ding vata.
.
"Vawiin chu in va thawh tlem hmel ve"
.
"Thawk tlem lo e, kan thawh mek hi i hmu lo em ni?"
.
"Hmu tho e, tunkar ah in zo fel thei angem tih rawn en ka tum mai ania"
.
"Zo fel tawh ang naktuk ah ka chei tan ang" Timmy-a chuan chiang em em hian min en chung chuan a ti a ka en tha ngam meuh lo ka khap fawk fawka.
.
"Anih chuan chhun thil ei a hun tawh tho sia ei ho ila"
.
"Nia ka ril atam deuh tawh a Faith i hman em?"
.
"Aw hman a ni mai"
.
"Timmy, Delhi atang min lo bia a zan dar 7 velah Bollywood fashion week rawn hmang tur te kha an rawn kal dawn a i lo awm hman angem an ti anih chu" Jesse chuan a ti a.
.
"Ka hman lo ang chutiang mai mai ah ka in hnam hnawih peih lo, chhuan lam lo siam mai rawh tlaiah Johnny party na ah kan kal dawn kha" tih pahin min rawn melh zeuha. Jesse chu pawn ah achhuak nghala.
.
"Lo kal teh ka be lawk duh che" tih leh basement lamah luh a ruala. Faith-i chuan mi lo mitmei zeuh a lut tur chuan min lo ti ve bawka, ngawi reng chuan ka zui lut ta a. Min hnung chhawn zawng chuan a ding renga a tukhum a tuai nawk nawka thil sawi tum chu a nei chiang mahse sawi chhuak ngam si lo ang hian a vei tawn seka.
.
"Engnge hetah min koh luh kher a?"
.
"Ngati nge engmah i sawi loh a?" Tah chhuah hmel zet a arawn tih chuan ka awmdan a buai zo vek ka khur det deta.
.
"Eng chu maw?" Changfak hian ka ti a.
.
"Kan inhmu leh hi nangmah ah hian danglam na a awm miah lo ami? Min la hmangaih tih hi ka chiang a ni tinge engmah i sawi duh loh a?" Thinrim deuh si sehchilh nuaih chung chuan a ti a. A hmel ah chuan a tim takzet tih a hriat keipawh ka bang bik lo.
.
"Ka hmangaih lo che engtin mah ka awm lo ka unaupa ang bakin ka en lo che chuan hna thawhna ah phei chuan ka pu ang in ka en thin che chu zawng chu ani mai" ka kut ka hum ruh ngang mai a thlan vek tawh.
.
"Anih chuan chutiang chauh chuan maw min lo en a, kha leh chen nangmah vangin......" a ti hman chiaha a ngawi leh vang vanga lehlam hawi chung chuan a ban a vai chho zuaia athukhum a tuai chho zeuha.
.
"Um, a tha anih chu keipawn tiang bak chuan ka en lo che chuan nupui pawh ka la nei vat ang chu chu hria ang che" a ti a, lungawi lo zet chuan min chhuah san nghala, Jesse chu Faith-i chuan a theih tawpin alo be buai ve tih ka va hmu thiam mai.
.
"Timmy, khawnge in kal daiha thil chu eichhuak ila" Jesse chuan a lo ti vata.
.
"Kan ei lo ang induh leh ei mai rawh u ka kal angai tlat" tih leh chhuah a ruala Jesse chuan lo umzui vatin a bulah ava chuang ve nghala. Chu ti taka a thinrim mai chu Faith-i chuan min rawn nem sawka.
.
"Engthil nge in tih a tinge Timmy-a kha ava thinrim ve a?"
.